Kawnpui Silchar Road, Kolasib Distrct a mi chu national Highway 54 Road zauh tur avangin Kawng kama In tam tak chu thiah mek a ni a. Tuna In thiahmek te awmna hmun hi Kawnpui Commercial centre ber ani a. In neitu ten Compensate la tawh mahse, chhungkaw tam tak chuan PWD nen a an inremna chu PWD hian bawhchhia a puhin, an lungawilo hle.
Pic a lang thei in thiahloh la dingte pawh hi thiah leh tur vek an ni.
Commercial cente ber tih chhiat anih tak avang hian Kawnpui mipui tam takin harsatna an tawk mek a. Village Council thlengin an rilru a tibuai hle a ni. Sumdawng ten Dawr luah tur neilo in hunkhirh tak an hmachhawn mek a, Mipuiten hmun inhlatlo taka an mamawhte an leikim theih thin kha tunah chuan Hmun inkar hlat tak takah an chakkhai lei turin an thawh chhuah angai a. hei hi Sumdawng ten hmun hnaivaiah dawr luah tur a awm loh avangin, an hmuh chhun chhun chu khawi hmun pawh nise an luah mai angaih vang a ni
Chhungkaw tam takte chu In luahtur neiloin an buai a. An Inpui ber atanga indang tawhte pawhin an In luahlai tih chhiat anih avangin an Inpui lamah an in sawn lut leh a, hawi ngaihna awmlo khawpa chep taka inhnawh khawm pawh an awm nual a.
Mithenkhat chuan Mi Ar In tura sakte pawh an luah hial ani.
Tunah hian Kawnpui Commercial Centre ber chu Khawram ang mai a, tihchhiat mek a ni a. Kan Sawrkar hian In neitute Compensate pe in inrem mahse la, Kawnpui Mipui ten kan tuarna hi min hriatpui rawh se.
Similar Posts:
- Dawr luah man
- Khuga Dam
- YMA in a nihna a theihnghilh em ni?
- CCPUR ah Kawnpui khua Veng fai ber
- Kawnpuiah accident tam/Damdawi In thuam changtlung mamawh
A va...
June 7th, 2011 at 9:39 am
A va buaithlak duh awm ve aw..
June 7th, 2011 at 9:40 am
Kawnpui khaw mipuite in lainatawm hle mai. Mi ar in sak turte han luah tak hial mai chu aw..
June 7th, 2011 at 9:41 am
Kawnpui economic leh business chu a tichiri viau ngei ang le.
June 7th, 2011 at 9:42 am
Kawnpui khawtlang tan chuan hmasawnna runthlak a va tling dawn em!
June 7th, 2011 at 9:42 am
In thiah zat a hriat mai theih em aw..?
June 7th, 2011 at 9:44 am
Compensation-te an pe em? Warning-te an pe hmasa em? An inbuatsaih hun tur pek an ni lovem ni? He’ng zawhna chhannate hi hriatchian ka châk. A tha lo lampang kan hmu lian a ni mai ang em? Report kimchang deuh law law hriat a va châkawm ve aw..
June 7th, 2011 at 9:45 am
Kawnpui ah hian bialnu ka nei tak asin mawle. 😀
June 7th, 2011 at 9:46 am
Mi 31 lai online si in va reh ham ham ve.
June 7th, 2011 at 9:57 am
Compensation la vek tawh an nih hmel bawk sia, hriatthiam a va har ve aw..anmahni an inngaihtuah har nge sawrkar hian a nawr thut nge ni le te ka ti.
June 7th, 2011 at 9:57 am
kawnpui ho chu in huai lo anih chu, aizawlah chuan ADA ngamloh te an awm nawk asin, in sa arh thiam lah bo lo. 😀
June 7th, 2011 at 9:58 am
Compensate ber inlak tawh chuan an tihchhiat hmain lo in buatsaih/ ready a va tha ve aw, tunah buai hrih mah ula, nakin hun atan inla lawm ang, kawngtha leh zau neih hi a hlu
June 7th, 2011 at 10:04 am
In buatsaihna hun kha chu a tam asin mawle…. mahse mahni in leh lo harsa tak a dinve tawh han chhutchhiat mai chu rilru ana duh ve khawp ang, Khawvel ram thanglai tam tak tawh ang Kawnpui khua hian a tawkve ani e.
June 7th, 2011 at 10:05 am
kawnpui ho cu in khawngaih thlak hle mai,pwd ten in iremna an bawhpelh anih chuan hma la ve ta che u,ziakin in dah lo a mi..ziaka dah hi atha asin
June 7th, 2011 at 10:07 am
Ar in tur han luah ngat mai chu(h),,a photo rawn tilang chhin la :-$
June 7th, 2011 at 10:09 am
12# ka thlawp e, kan pch deuh mah mah thrin em aw
June 7th, 2011 at 10:16 am
plan mumal awm lo a khaw din hi chu alo tha lo a nih hi. Delhi vel ah pawh khan in dinglai te an nawr chim hmiah hmiah mai a nih kha.
June 7th, 2011 at 10:18 am
12 Ku thaiboy ka thlawp e. invui pui lo in in hnem ang u.
June 7th, 2011 at 10:26 am
a tha turah ngai phot mai ang u.. Mizoram kawng zim thu kan saw kan sawi hi a reh hun awm angai sia. Tu emaw tal chuan an tuar angai dawn si a.. a tha zawngin ngaihtuah tum hram2 ang u…
June 7th, 2011 at 10:33 am
PimPom cu ziah lungrun ava tum deuh ve!
@TuaiSialA… Ni e compensate te la in an inrem vek tawh.. An buaina ber chu LSC pass na an hmu let leh lo kha ni awm e, hmu let leh tur ang deuhin an sawiin ka hria… Chumi avanga lungawi taka compensate dawng an ni ang. Diktak chuan lungawi taka dawn atan chuan a building hlut zawng leh a hmun hlut zawng nen a chhutin an pawisa dawn hi a tam lua lo vek… An ni lamin thiam takin an lo dawi ve bawk si…
June 7th, 2011 at 10:38 am
hmanni a PWD lam rawn sawina nen a va in mil love…compensation an lak tawh a hun an pek tawh bawk chuan in hmakhua lawk ve awm tak a nia….vuina tur vak a awm a mile aw…compensation pawh an phu tawk an pe ngei turah ngai bawk ila…in lo in hmakhua lo ve bawk a niang chu mawle…
June 7th, 2011 at 11:07 am
Hmm… hetiang thil hi chu a tuartu tan a na a, a entu tan a ho viau thei a ni….. Ni e, sorkar lam hian componsate te a pek tawh chuan inbiakna leh inremna te pawh an neih tawh chuan hun rei tak in thiat tura in buatsaihna hun an nei tih a lang a, mi ar in te luah mai lovin a hma a tang khan in luah turte, dawr luah tur te lo in buatsaih ve tur a ni ngai a le(h). Kawnpui khaw mipui te an khawngaih thlak rual in, tih dik loh an nei ve tho in ka hria.
June 7th, 2011 at 11:20 am
An khaw VC te chuan comercial complex, Aizawl ang a hmun lunlai ni lovin hmun thengthaw nuam deng dawng ah an ruahman thei lawm mawni le? Kawnpui khua hi ka tlan tlang vuai tih bak ka la bel chiang lova rawtna mumal phei chu ka nei thiam chuang law…
June 7th, 2011 at 11:56 am
Mizoramkhawpui leh pui lo pawh plan mumal loh vek an ni mai hhian hmasawnan tur a dal.
Kawnpui khau hi kan tleirawllai a kan football thiam kan lo show ve na thin ani.\
An khawpui hmun nuam ber tur Mualvum lah IR hmun ah an pe daih si a.
Khawpui dai hmun zau deuh ah khawpui center siam mai rawh se.
http://i.imgur.com/8dy5i.jpg
Khawpui hlui mirethei te in.
June 7th, 2011 at 12:02 pm
He khua hi tlang a awm ani a building bul ah hian parking lian em em a awm.
Khawpui plan kum tam tak a mi tawh.
http://i.imgur.com/W61mL.jpg
June 7th, 2011 at 12:04 pm
Khaw entawntlak tak in ni dawn anih hi, in thuawih theihna a fakawm e.
June 7th, 2011 at 12:10 pm
A topic atang hian thlek lam a nei ka ti mah mah aa… Tihchhiat tih aiah khian “thiah” hmang zawk se a zia lawng maw aw..
Tun atanga kum 20 hnu velah chuan an lo thiat lo ang tih a van hlauhawm ve aw..an ti leh tho angem lee..keini pawh kawngpui zauh tur avang hian kan in kawta kan thing phun sang pui pui kan kar phawng vek tawh alawm..ram tan a ni e..ti mai ang u..Kan tu leh kan fate tan vek a la ni dawn.
June 7th, 2011 at 12:12 pm
Thudik khriat a chakawm. Compensation lak hnu a awmzui theih an in beisei ani em lovang chu maw. An MLA lah minister ani luah si a, a veipui vak hmel si lo (Kolasib atangin vote tam zawk a hmuhh hmel si a)Compensation an lak laiin an lungawilo tih thawm a awm si lova. Legal case an nei lem lo chu a ang.
June 7th, 2011 at 12:22 pm
@All: Tuna In thiak mek hi a neitu lam thenkaht chu lungawi ana wm. Mahse, a neitu nilovin, Kawnpuia In luah mektu, mahni In la dinlo te, chhungkua a awm hrang vetawh bawk si te tan chuan buain a ni.
Hmasawnna hian mipui tam zawk nunphung a tihbuai a, harsatna a siam chuan hmasawnna tluantlingah khawvel hian a pawm ngailo.
Tin, Inbuatsaih turin heng mi in luahtute tan hian hmalak ngaihna a awm ka ringlo.
Kawnpui ah hian 1st IR Battalion ten hmun an rawn luah atang phei kha chuan In luahman a sang a, In ruak luah tur hi avang khawp mai.
June 7th, 2011 at 12:24 pm
BELHNA: Chuan inbuatsaih lo titute khan, hei hi in hre tello aniang. Kawnpuiah hian In luah tur duh ta ula. Thlahnih chhunga In luahtur(a bikin dawr siam turte tan) in hmuh hman chuan mi kherh thiam tak, Mi luahlai pawh chhuahtir thei in nih ngei ka ring.
June 7th, 2011 at 12:26 pm
National Higways hian ROW (Right of Way) a nei a, chu chu 24.0m a zau a ni a. Phairam ang zawlah chuan Kawngpui Centre Line atanga 12.0m left & right side hi ROW a ni a. Tlangram ah chuan hei hi 18.0m a zim pawh a ni thei. Tin, kawng zauh nan kawng thlang kham a lungrem vak ai chuan kawng chhaklam lei laih vak kha a economical zawk theih avangin kawngpui centre atanga teh vek a ni lem lo.
ROW chhungah hian insak phal a ni lo, PHE water pipe te P&E ho Electrict post-te hi phalna la hmasa lo chuan phun phal ani lo. Telecom-hovin kawng sir an lai chiam thin pawh hi phal a ni chuang lo. Petrol pump siam dawn thleng hian NH-lam hotute phalna lak angai hmasa vek.
Kawnpui khua chang lovah pawh NH paltlang khaw tam takah hei hi kan la tawng chho dawn chauh. BRTF-ho khan FIR hi an submit a, mipui hmaisa an tawng ve ngai lo. Kan Police te lah chuan NH encroachment case hi an pending tlang pui. Revenue Dept. phei chuan LSC te an lo la pe zui leh ta nghal a……!!!!
ROW huam chhungah hian hoarding, signboard, billboad, etc., tar phal a ni lo bawk. Kan khawthlang MLA pakhat phei chuan a hrethiam lo lek lek anih kha! PWD thu pawh a ni hek lo. National Highway Authority-te hian an kawng hi state PWD kutah an dah (BRTF enkawlna atangin) mai chauh a ni. Hemi avang hian state hian Project Cost atangin 9% vel revenue central atangin a dawng (Agency charge) thin nghe nghe.
Mizoram kan siam that dawn chuan tuar tawk chu kan awm ngei a tul ang. Kei tuar ka huam e.
June 7th, 2011 at 12:28 pm
@James Bond: Kan MLA hi Pu Hmingdailova Khiangte a ni a, minister ani lo a nia.lol
June 7th, 2011 at 12:35 pm
@Pimpom : Kawnpui khua a an thiah mek te hian compensation an la an ti a, lo dik ta pawh nise a pawi chu ka ti chuang hauh lova, Mizote kan la harsat em hi maw.
Mahse dan kalha in sa lui mi tam tak Kawnpuiah hian an awm chu ka ring ve tho! A bikin Phunchawng, R.V chho vel te khi illegal construction deuh vek an ni a. Compensation dawn chu sawi loh Jail-a khung tlak an ni.
June 7th, 2011 at 12:57 pm
Kawnpui-a ka thianpa, Kohhran Upa, thil awm dan ka’n zawt chiang a. A tawi zawngin sawi ila: sorkar hian compensation a pe tha tawk a. An property azirin nuai 24 te, nuai 16 hmu te pawh an awm. Inthiar chhuahna hun pawh a pe tam tawk. Hman atang tawhin tlangau te tirin insenghawina hun rei tak pek vek an ni. Lo inbuatsaih tha duh lo te, hlawkna dang awm theih beisei vanga khawtlai luite an phun mai mai niin min hrilh.
LSC inpek kir leh chungchang hi, sorkarin ram a laka compensation a pek thlap tawh chuan LSC beisei let leh chu a dik lo ang.
Ngaihtuah ngai tak erawh chu, tuna an nawr chin hi Kawnpui Vengthar, Aizawl atanga a khaw tawntirh lam a ni a, Vengthar bazar chhak lawkah a tawp rih dawn a ni awm e. Chu mi baka kawng kal zelna tur chu tihchian a la ni lo (a khaw mipuite’n an la hre lo). Hei hi mak ka tih lai chu a ni. Kawng kal dan tur la ruahman fel si lo-in a then lai chauh an nawr vak a nih hmel.
June 7th, 2011 at 1:13 pm
hrim hrim in Mizo te hian vantlang ram nek in hrat lutuk a, kawngpui hnaih chet, kawngkapui atanga motor kawng rah nghal theih khawpa hnaih ten in sak in ching a tin lawm. Dan zawm ni ula tu in mah vuak chhiat angai lo vang. Compensation an pe che u chu lawm hle zawk rawh u. Kawngpui atanga Metre 10 a sir ve ve ah insak khap hmaks sela, sa tawh pawh nawrchhiat sak vek teh se. (Y)
June 7th, 2011 at 1:24 pm
No.32(pimpom) Sorry. Mistake.
June 7th, 2011 at 1:54 pm
A In neituten pawi an tih loh chuan a pawi loh chu. Mimal mahin an In luahtute an hnawtchhuak alawm. Sorkarin thla hnih hun a pe a nih chuan, thla hnih chhunga chhuak tur an ni mai. Mimalin a tih theih, sorkar a nih vanga nek tum vek mai hi a dik lo hrim hrim. In luahtu, chhungkuaa indang tharte pawh hian thiah tur a nih an hriat chuan hmun dang an ngaihtuah a ngai a. Sorkar hun tiam chhungin an ngaihtuah lo a nih chuan sorkar thiamloh a ni lo, anmahni thiam loh liau liau a ni. Vuina tur reng an nei lo. Lushai_er sawi hi ka thlawp. Tin, compensation an pek tawh chinah hma an la a nih pawhin, hmalatute thiam lohna ka hre chuang hek lo.
June 7th, 2011 at 1:57 pm
Kei chu a post tu hi a neutral tawk lo ka ti, In thiah na tur Rs nuai 10-20 lak hnu ah in thiah duh loh leh vel hi a dik ka ti lo. Kawnpui chuan City centre thar parking mumal tak awm siam se a ni mai a lawm.
Zozam times a ka lo chhiar ve dan, PWD lam ngaihdan ve thung:
“Hetih lai hian PWD lam chuan, heng mite hian zangnadawmna an lak vek tawh thu leh, insawnchhuak tura tih hun pawh a pelh thui tawh thu an sawi a. Kumina Zoram pum Hmeichhe Khawmpui lian an thlen dawn avang khan, Inkhawmpui zawh hma chu ngaichang tura PWD an ngen angin an ngaichang tawh zawk tih an sawi thung a ni.
Helai hmuna zangnadawmna latute hian cheng nuai 20 chuangte leh a aia tam la te pawh an awm niin PWD hotute chuan an sawi bawk”
June 7th, 2011 at 2:06 pm
#34
“hrim hrim in Mizo te hian vantlang ram nek “in” hrat lutuk a”…… Mizo ni ve lo si ah chuan Mizo tawng chu i thiam hle mai. I ngaihsan awm 😀
June 7th, 2011 at 2:34 pm
Pim-pom@29… ngaihna a omlo.. in luahtur a van veau chuan luahloh theuh mai tur..
June 7th, 2011 at 2:49 pm
An va khawngaihthlak ve aw..,,
June 7th, 2011 at 3:34 pm
Inbuatsaih hun chhung kha a rei tawk lo deuh em ni..Compensation lak a Å£ang khan…?????
June 7th, 2011 at 3:46 pm
Compensation ber an lak tawh chuan sawi tur dang awm vak tawh awm lo tak chu a nia. Compensation kha lo la duhlo nise chu thuhran.
June 7th, 2011 at 3:53 pm
Hman deuh khan Delhi leh Guahati ah te poh an Municpal ho khan In an nawrchhiat teuh kha,CM Hawla’n Mizote hi Compensation lawm hnam kan ni a tih kha maw! Compensation chu an lak na a rei tawh kha, Phun phun lo mai teh se, NHAI/PWD hian hetiang anih chuan Bye Pass Road zawng daih mai se ani mai.
June 7th, 2011 at 5:00 pm
@hlatekhua & midangte pawh: Compansate an lak hmaa an inbiaknaah chuan kawngin a tihchhiat baka an Inhmun leh building te chu PWD lam chuan an nei let leh thei dawn niin an hrilh ani awm a. Mahse, thingtlang mi satliah ve mai cu an lo fing tawklo deuh aniang chu ziak a thu dah engmah a lo awm silo a ni. Hei hi mirethei zawkte ram chhuh luihna te pawh a ang hial in ka hria.
June 7th, 2011 at 5:05 pm
Hetiang hi thil thar vak niin ka hre lo a; Tarnaka, Hyd. ah te khuan mimal ram an sat hek nasa a sin. Kawngpui tha kan duh chuan a tul miau si a. Dik takin ti se, hmasawnna chi khat a ni.
June 7th, 2011 at 6:06 pm
A pawi thin mange!
Pimpom: “Pic a lang thei in thiahloh la dingte pawh hi thiah leh tur vek an ni.”
Tlang ami te pawh khi maw? 😛
Tak taka, khua kan din emaw, in kan sak hian kawnghpui hnaih lutuk lo tur hian duan lawk hi alo ngai khawp mai. Tuna kan awmna khua, Frederick te hi 1745 a din daih tawh kha a ni. Nakin hun tur an lo ngaihtuah lawk thui hle tih a hriat. Hmun chep ve lai deuh te awm mahse, a tlangpui thuin, mi insakna te hi kawngpui atanga a piah dawrh ani thin. Kulikawn te pawh saw ani thin, tunah erawh in an sa thar zela, duhamna nen kawngpui a hnaih tulh2 mai anih saw; veng dang pawh anni tho mai. 🙁
Tun hma Kulikawn pic:
http://i56.tinypic.com/2hp0k0o.jpg
June 7th, 2011 at 6:09 pm
Pimpom@44, hetiang thilah hi chuan fimkhur a ngai reng asin. Engkim hi ziaka dah thlip thlep a tha ber. Kawnpui mi hi ‘thingtlang mi’ i ti ngawt a, a dik chiah em le?
June 7th, 2011 at 6:13 pm
Kawnpui hi “town” anih tawh ka ring! (Risk) Darlawn pawh 1980’s khan town an ti daih tawh ania :-S
June 7th, 2011 at 6:20 pm
@pimpom… kawnpui mi.. thingtlang mi satliah a i chuah chu ka duh miahlo..”tetei ralte” poh a chelo em mai.. 😛
June 7th, 2011 at 6:50 pm
😀
June 7th, 2011 at 6:52 pm
Phek thar hawng tehang
June 7th, 2011 at 11:01 pm
Kan that tlanna tur zawk a nih hmel e. Lo tuar hram hram teh un, compensate pawh in dawn kha maw-
June 8th, 2011 at 12:47 am
comment ve leh lo mai ang
June 8th, 2011 at 2:29 am
A inneitute chuan an sawisel lo chu a nih hmel a, an tilawmawm hle mai. Entawntlak an ni e. Dawr luahtute pawh chu an lainatawm fu mai, mahse, hun tiam chhung khan lo inngaihtuah fel se tha tur a nia leh.