Tunlai khawvel thangchak tak ah hian hmasawnna leh thiamna ten min kal pela, ropuina leh nihna ten hriat loh kar in, min lehpel ta zung zung a nih hi. Thiamna leh ropuina pawchhuak turin a thanmawhbawk lekin kan hriaa, thiam ta lua emaw kan in tih laiin, mi nuihzat mai kan lo ni si thin. Chawimawina leh fakna ten kan beng a thlen zo ve lova, chutih a hnekin engtiang chiahin nge mi fa ten hma an sawn tih pawh kan hmuhpui thiam na hek lo.
Mi fate theology ropui tak tak an ziah pawh, han zir eng ang mah ila, kan thluak in a pha thlawt lo; mifate thil siamsa pawh kumpui lingletin han zir mah ila, kan var pawh chuang lo, a buaithlak a nih hi,… engvang nge he khawvel ah hian ka lo pian ve ngawt le aw? Engnge ka hmabak, hmachhawp ka nei em?, engtia siam nge ka nih? Tih pawh ngaihtuah pha lo tan hian khua a var hlawl lo. Mifate neih ang kan hmua, an hausak zia te, an thiamzia te, an ropui zia te kan mitin kan hmu ve thei reng tho sia, engvang nge kei hi? tih hi awlzate a ni.
A channa chu hrilhfiah chawp ngai lovin kan bul lawk, hmuh reng theih ah a awma, tam tak chuan hmu reng chungin kan hmuhthelh fo thin. Hmangaihna tem ve turin inngaihzawnna chauh tem tir ka nia, lunglen hre ve tur tingtangin hmangaih te bumin ka awma, ngaihsakna hre turin kei hian hmangaihna pek chhuahna tur ka nei silo. Hringnun hi lemchanna khawvel a ni tih hre turin ‘eng hi nge hringnun hi’ tia zir chawp tir ngai ka la ni zel vei bawk si nen.
Mahse hei erawh ka hria, Mi hausa tak tak, duh duh engkim lei thei te hi an hlim ber loa, khum nuam taka mu te hi an mutui kher lo. In leh lo tha pui pui chhungah hian hlimna leh lawmna a awm bik kher loa, chutih a hnekin kan hriat miah lovin hmangaihna leh ngaihsakna an thlahlel ve ngawih ngawih asin. Retheihna hi pianpui sual a nilo tih ka hre bawka, chhandam ni tur hian Pulpit tlang chan kher angai lo tih ka hre bawk. Kei mirethei, in leh lo tha nei lo, car man to tak tak nei lo leh chan tawka lungawi hian chhungte tih tur ka neia, kan inchhungkhurah hmangaihna leh induhsakna, hlimna leh lawmna, in hriatthiamna leh Pathian-a lungawina a awma, hei lo liama malsawmna hi a awm chuang bik em ni? Min han chhang teh!
Ka lawm e, Kei ve hi
June 7th, 2011 at 7:38 pm
kan komen ve mai mai
Report this comment
June 7th, 2011 at 7:50 pm
A ningawt mai, Mi fate thil siamsa kumpui linglet a kan zir pawn kan la Fail pui aniah,,..
Hausa bawk ila,chhungkua inngeih in hlim bawk ila, anuam leh zual ang.
Report this comment
June 7th, 2011 at 7:52 pm
malsawmna cu i hria e..kha lo liama malsawmna a awmcuanglo ang
Report this comment
June 7th, 2011 at 7:56 pm
Kei pawh hausak bawk a hlim bawk ka chak.
Report this comment
June 7th, 2011 at 8:02 pm
‘Kei ve hi’ i intih i intih chuan mi’n, ‘Nang ve kha’ an ti mai ang che!
Report this comment
June 7th, 2011 at 8:10 pm
Ka post ziah tur ni awm tak a ni..Ka laik khawp mai
Report this comment
June 7th, 2011 at 8:18 pm
Chan tawka lungawi thiam hi mi hausa ber anni. Mizoram ah hian chutiang mi chu kan (ka tel ve tlat) tlem hle. Rualawhna hi a tha, theih chinah chuan. Theih loh chinah chuan lungawi thiam mai tur.
Report this comment
June 7th, 2011 at 8:29 pm
@Leavi, nangma post ah ngai mai rawh!
Report this comment
June 7th, 2011 at 8:30 pm
“Chantawk a lungawi” tih pawh hi a fuhber lo theiin ka ring. Kan kawng chhia te, kan electric thim reng mai te, hmasawnna kai ruallo ah te hian kan lo lungawi mai palh ang e. Mi rual el leh ambitious tak, mahni theihna a lungawi ‘mi positive’ nih lampang hi inzirtir tawh teh ang u.
Report this comment
June 7th, 2011 at 8:30 pm
Mahni inchhung khurah hlim phawt a ngai ka ti, kei ve hian!!
Report this comment
June 7th, 2011 at 8:35 pm
‘Kei ve hi’ tihna tur nei vek kan nih hi inhre tlang ila chuan …..
Report this comment
June 7th, 2011 at 8:53 pm
Muansakhi (No.9) “lungawi” tihah mahni dinhmun ania kan sawi ni. Sorkar, kan sum thawhkhawm (chhiah, Income Tax petu ka nih avangin ka pawisa atel tlat) hmangtu hian an hman dik loh chuan kei aia thinrim tur hi mi(sual) zingah pawh hian ka hmu mang lo.
Ka sawi tum chu hman deuh khan Australai ah an hmu chhuak a. Aus Dollar 25,000 kum khat chhunga i lakluh hma chuan i ngah poh leh i hlim ang a, mahse $25,000 a pelh tawh chuan sum lakluh belhchhah vangin i hlimna a belh tawh lo, an ti.
Rs. 500,000 neiin Rs. Vaibelchhe 10 an it a, Vaibelchhe 10 neiin VBC 200 nei. Multi millionaire in billionaire a itsik a, billionaire in multi billionaire nih a chak, tawp in tai a awm lo.
IAS officer te hi an lungawi i ring em, teuh lo mai.
Report this comment
June 7th, 2011 at 8:55 pm
Chantawka lungawi ka tih ah hian Pathian min siam dan, kan ruhrel, kan nihphung, kan awm dan ah hian ka tìhna mai a nie, kan nitin khawsak phung leh khawvel lama kan tlanna lam ah erawh zawng lungawi tak tak hi chu har tak a ni. Mi kan enliam dan ah chiah nilova, keimahni ko ah a tlak chiah hian lungawi a har leh zual, chutih kara Joba anga lawmthu sawi thei te hi chu mi awhawm tawhkhawk chu an ni, a tha ber beisei ila, a chhe ber dawng turin inbuatsaih bawk ila,..
Report this comment
June 7th, 2011 at 9:05 pm
Sum hian eng emaw chen chu hlimna a lei thei.. Pawisa neih loh chuan rilru a hah duh.
Report this comment
June 7th, 2011 at 9:13 pm
Remember, $25,000 (kum khatah).
Report this comment
June 7th, 2011 at 9:37 pm
@hmelthate a khawi zawk khi nge nangmah, sava? Uchang?
Report this comment
June 7th, 2011 at 9:48 pm
Nia tiro, I ngaihtuah nasa thin awm hle mai………I nick te han ngaihtuah hi chuan first para khi chu a inhmeh lo a nih khi
.
Hlimna ai a hlu hi an la hmuchhuak rihlo a niang a zirsang tak2 i tihte leh thiam tak2 i tih te khian tiro?
. Hlimna min an neihdan kawng hrang2 te i sawi rual a mi chi hrang te’n a hlimna an zawn dan kawng tam tak lo lang te hian min ti fing uarh mai. Mahse i hlimna hmuhna tluk a hlu khi a awm chuang dawn a maw ni le? 
Report this comment
June 7th, 2011 at 11:20 pm
Hla in ‘khawvel miten an hrethiam lo’ a tih toh kha….
khawvelah hian lungawina tak tak a awm lo ringtu tan poh, tuar zela hnehna chan a ni mai… tisa leh rilrua rual banlo kan nih loh chuan..
Report this comment
June 8th, 2011 at 1:32 am
Chantawka lungawi ka’n zir teh ang.
Report this comment
June 8th, 2011 at 4:06 am
Sum leh pai hi mite min itsik lohna tak a ni. Sum nei lo mah ila, mi hausa ka ni; ka hlim tlat a!
Report this comment
June 8th, 2011 at 9:49 am
Like it…hlimna hi a ni kan hausakna chu..
Report this comment
June 8th, 2011 at 11:40 pm
A va ril ve, i sawi tum ka man em aw…ka hrechiang ngam der lo mai. I insit viau a, i lungawi viau lawi bawk a, lungawi viau e tilo chuan i ngaihtuahna khawvel chu a vak vel ruai a, a luangliam kan lo chhiar phah ta hial a. Insit viau e tilo chuan ‘hmelthatea’ i inti ngam ngat bawk a. I blog pawh a phuisui khawp mai saw.
I cartoon slogan ‘never give up’ hi ka duh teh mai a nia.
Report this comment