A thiam ber ka ni hauh lo tih hre mah ila han ziah ve hrim hrim hi ka rilruah a awm deuh va. Thusawi emaw ziah emaw hi thil samkhai tak a ni hauh lo. Ziah dan dika ziak tur phei chuan Mizotawnga thu ziah hi a lo har em em mai bawk si a.
Thusawi: Mi thenkhat titi thiam tak, ‘marawhchu ding chunga han sawia ralah chuan kha chih leh tlat si an awm. Thenkhat ngawi ngal reng mai mahse thusawi hunah chuan duah tha leh fe si pawh an awm bawk, talent a inang lo a ni; mahse a inzir theih ang. Thenkhat thusawi erawh chu tawngkam thiamah a kal ral a, a zirtir ber han hlin fak tur a awm meuh thin lo, puarpawleng ang deuhvin han belhchian tak tak chuan a ho deuh thin. Ti hian ka’n thliar ve teh ang.
1) Thusawi tur chuan inpuahchahna tha a nei tur a ni. Tlachawp sawi hi sawi loh aiin a pawi.
2) Enge kan sawi tumah kan chiang tur a ni. A ‘the what’ lai kan chian loh chuan kan rak ve mai mai awl khawp mai. Politics pawh ni se, sakhuana pawh ni se kan sawi tum subject-ah chiang ila a fuh khawp mai. Thenkhat thusawi tura ding ve uaih ‘ka’n ding ve hrim hrim’ ti ang zia zanga sawi tur mumal pawh nei lo a tawpa mi dang rel vel ta mai mai an awm thin, a tha lo.
3) Engvanga sawi nge kan nih tih problems kan sawi chhuah thiam a tul. ‘The why’ hi a pawimawh viau laiin sawi chhuah dan kan thiam loh chuan kan thusawi kawnghawi miten an hre thei lo. Engvanga he thupui sawi hi lo ngai ta nge a nih tih mite hrilh hi a ngai fo reng a ni.
4) Engtin nge a harsatna kan hmachhawn ang. ‘the how’ lai hi a pawimawh ber a ni hial ang. Thusawitu thenkhat chu an sawi pawr vek tawh a, a tuam dam dan tur an sawi leh si lova mi rel thiam takah an chhuak tawl zel. Khawi hmunah pawh thusawi ila engtianga he harsatna hi hneh tur nge, hmachhawn tur nge tih kan hriat a tul ber. Khawhar in pawh ni se a dang chuang lo engtiangin nge khawhar chhungte kan hnem ang etc etc.
5) Entirna(illustration) hian kan thusawi a pui hle a, dap khawm a tha khawp mai. ‘Tlawmngaihna’ tih sawi dawn ila mi tlawmngai kan hriatte chanchin han zep ila mi a hneh awl viau ang. Mahse entirnaa luan ral erawh a hlauhawm hle. Mi chanchin sawi turin kan ding lo kan thusawi tihchianna tur mai a ni tih hriat loh chuan hun zawng zawng a lak/hman theih.
6) Hun vawn dik tum tur a ni. Mi dang hun laksak a, thusawi kan ni a, kan fimkhur a tul. Kei ber emaw tia sawi zawh vek tum ang hrima hun hman hi a pawi takzet. A tlangpuia thusawi reite hi an inpuahchah tha tawk lo va, an sawina engah an sawi zel a, an tei kual chiam a, an sawi rei mai thin. Inpuahchah tha thusawi rei hi a dan a dang daih thung chu pawh a tha ber chuang lo.
7) Aw hi thunun a tul hle – a kal khat(monotone) viau chuan a khamawm duh khawp mai. Kan thusawi chu eng pawh lo ni se, a pressure siamtu lai tak chu kan tawng ri kha a ni. Enga mah hmaa thluk chiam mai hi a tha lo ang bawkin chip melh melh pawh a hneawm tho. Kan aw khan mi dang va communicate se a tha ber a, a mipui awm zat pawh kan ngaihtuah tel bawk tur a ni.
Thusawi laia kan chet dan(gesture) hian mi dang rilru a hruai peng daih thei. School naupangho hmaah thusawi ila tarmit vuahin la thla leh thin ila emaw, paper thlep kual thlep kual ila emaw an rilru a peng daih thei. Kawr hma tlang zut zut mai te, hmanraw ken sam kual sam kualte hi a lo tha lo hle. Kut bawr hmanga uar lutuk si lova gesture pek hi a lo fuh ber awm e.
Thuziah: Thuziah hi a har hle mai tih chu kan hre vek a, mi ziah han sawisel mai erawh a nuam fu. Chutih lai chuan theihtawpa inbuatsaihna neih hi a tul.
1) A chunga kan sawi tak ‘the what,why&how khi a la pawimawh reng. How ai mah hian ‘finding’ zawng pawhin a sawi theih ang chu. Hei hi chu systematic writing pawh lo ni se.
2) 2) Article chhiara ngaimawhawm tak chu awmze bo deuh thiala sentence phuahkhawm hi a ni. Chhiar nawn ngei ngei tur a ni a; chutah chuan spelling dik lo leh sentence flow/tluang nalh lo lai kan hmu thei ang.
3) Paragraph/block siam hi a tha hle a, misual.com-ah hian Admin.ten block an rawn then thin a,a tha viau. A submit-tu lamin anmahni then ngai lova then saa theh luh hi a la tha lehzual. A chhan chu anmahni rawn thenah hi chuan kan duh lohna laiah an rawn then palh thei-tlar 4-6 bawr velah hian min rawn thensak tawp tawp a, an then ngai lova chutiang vela lo then sa kha a fuh zawk mah mai thei.
4) Kan thuziah hi information a ni nghal a, kan fimkhur tur a ni a, mi thuziah kan la chhawng a nih phei chuan bracket talin source dah a tha, a nih loh chuan thenkhat tan a lem lem duh riau.
5) SMS tawngkam hi hman hauh turah kei chuan ka ngai lo. Lam tawi ang reng ni si lo hi kei phei chuan ka chhiar peih lo hrim hrim naute tawngkam deuh roha chhiarte a ngai a.
6) Punctuation ngai pawimawh hman lo khawpa thuziah theh luh ai chuan han nghah leh det-a theh luh mai kha a fuh zawk.
7) Tawngkam hi smart leh polite lo a awm vek a, kan hman duh zawk thlan thiam a pawimawh hle. Laldenga khan ‘Patling kawng sira zung to to i hmuh chuan mak ti suh, kawng sira zung tawkah a inngaia a zung a ni mai ni’ a ti a, mitin hian kan tih tur awm tawk tete leh sawi tur awm tawk hi kan sawi vek; kan tawngkam chheh chhuah duh dan hian kan zia a keng tel thui khawp ang.
Kan ziah chhuah sa thlirin a mawi dan tur zawk leh ngaihnawm dan tur zawka siam that a tha.
9) A thu hawnna(call to reading)ah a chhiartu chanve chu kan innghat.
10) Kan thu tawp hlawmah kan sawi tum han thual nawn thuak a tha, helai chauh chhiara comment kan tam.
11) Thupui vuah thiam hian mi an hip thiam tihna a ni a, kan thuziah chhiar ve tura mi dang hipna tha ber a ni hial ang.
Similar Posts:
- Awmlai
- Mi chi 4 te, tu ber nge i nih ve?
- Phunchiar teh ang!
- Thufing leh Mi Ropuite thusawi Part – II
- Tlawmngai nge Tlawmla? – Part 2
June 15th, 2011 at 3:11 pm
Pu Vakul,ZIah tih hi an rawn hnial ngei ang che..mahse kei chu ka tran zawk tlat che.. I lamah ka tang sa ania oooo..
June 15th, 2011 at 3:15 pm
tha e.
June 15th, 2011 at 3:19 pm
#1 Chentatrawt min rawn hnial teh se ka hnial ve a ni mai 😀
Tan chhan an neih that phawt chuan a pawi lo ‘chu mi chuan a ti’ tih vel mai mai ni lo se.
June 15th, 2011 at 3:22 pm
Ka sawi dawn thin a, ka sawi ngam loh ania..kan tang tang tang dawn nia oo.. (Y) (Y)
June 15th, 2011 at 3:24 pm
E hlau suh (H) a tul phawt chuan ruam khatah kan tlanchhe tlang ang chu le. Tak taka a dik zawk ka ti hman hun a awm. ‘Lehkha ka ziak, ka ziahna chu pen a ni’ ‘in ziah zawh hunah ziakin in rawn submit dawn nia’ etc.
June 15th, 2011 at 3:28 pm
testing…eh (&)
June 15th, 2011 at 3:30 pm
Pu Muantea’n a rawn hnial ang che. Hmanah pawh CyberThug nen debate an neih tawh kha. Chumi tum chuan CyberThug lamah ka tang a. Tunah Vakul lamah ka tang e.
Ka en thuak thuak ringawt a, a that hmel viauin ka hria. Hman hunah kimchangin le..
June 15th, 2011 at 3:34 pm
#7 Eh Pu Muante-a a nih dawn chuan ka zawr nghal deuh hnup mai a. Mahse a ni chu pa dam ngang a ni a, a sawisel paw’n min sel nem thlup tho ang.
Dik nia kan hriatah hi chuan a dik ngei tih min rawn hrilh theih bik si loh hi chuan tan tlat hi a MAN zawk. Mathematics chu ni se ANS kha a bu tawpah a awm leh mai dawn a, tunah chuan awm ve hek lo.
June 15th, 2011 at 3:40 pm
A tha khawp mai. Ziah hi ziak modified form-ah pawm a ni a, mizo subject zirlaibu-ah pawh hman a ni. A hman hun a awm.
June 15th, 2011 at 3:44 pm
Tha hle mai a, hriat reng chi nih hi…thusawi leh Ziah thiam te hi chakom ve thin khawp mai. (Y) (Y)
June 15th, 2011 at 3:46 pm
A post tu ho ho in off topic in khel nghal vak a..haha..
Ziak tha khop mai.. (Y) Thusawi thiamlo lutuk ngaithlak chu a ngaithlatu te poh kan chau vek thei..
June 15th, 2011 at 3:50 pm
#11 nia ka ti rilru reng a; sorry.
Ka lawm e.
June 15th, 2011 at 3:59 pm
remputt., thuziah chungchang alawm kan khel lee.. 🙂
June 15th, 2011 at 4:05 pm
Thuziak hi uluk a ngai khawp mai a. Duhthusam taka ziak chhuak thei tur phei chuan ka theihna hian a tlin lo hrim hrim. Tunlaiah mi an fel tawh a, misual.com ah ngat phei chuan thu ho tete pawh ziak ila, a thatna lai kan inhmuhsak a, kan infakmawi sak liam liam a, ziah sual a awm tak tak thei meuh lo. Punctuation ka thiam tawk loh vangin ka thuziak ve te hi ka sit ru em em thin.
Thu ziak mah a harsa a, thusawi ngat phei chu a lo va harsa dawn tak em. Ziak thiam an awm a, sawi thiam an awm bawk. Thuziak thiam bawk, thusawi thiam bawk phei hi chu an ngaihsanawm ka ti takzet thin.
June 15th, 2011 at 4:05 pm
Thuziah dan alom le a post thu ken chu le, thuziak nge ziah niloviiiin…chemkawm 😛
June 15th, 2011 at 4:07 pm
Nia…
June 15th, 2011 at 4:08 pm
Post tha leh hlu tak a ni e. A tam thei ang ber chhiar leh ngaihthlak a tha. mahse, mi thu ziah leh sawi apiang awih vek kher loh tur. Khawvel ami zawng zawng hian Isua hi sawi chhiain, sakhaw dang min zawm san vek mah se, keimah chauh pawhin rinawm takin ka zui tlat ang. chutiang zelin Mithiam leh mi ril tha zawng ten tlawmngaìhna hi a outdated tawh tiin, chhiatni a in ngaih sak tawnte hi sawi hnawm eng ang mahsela, ka ngaihdan ka sawh sawn eih lovang. Proffessor pakhat min hrilh ka hriat reng thin chu, “Thu sawi aiin thu ziak fimkhur angai daih zawk, Thusawi chu a ral mai a, thu ziah abikin chanchinbu a chhuah tur leh Lehkhabu midangte zir tur ngat phei chu publish hmain vawi tam tak ennawn tur” a ti. Internet ami tur ngat phei chu uluk leh zual ava ngai dawn em. In tawng sual chuan ka rawn hnial khauh khauh dawn che u a nia aw.(fiamthu). post tupa hi mi puitling tak a niin ka hria.
June 15th, 2011 at 4:09 pm
Pu Vakul i thuziak hi a tangkai viau ang. Tha ka ti khawp mai. Hetia han sawi hian a awl hmel viau a mahse han ziak dawn ila a lo khirh leh phian thin a ni.
Ka seilennain a zir loh avang hian mizo tawnga thumal han chheh hi tihsual ka ching riau thin a nih chu mawle. Ka ziak sual leh nge nge thin… 😀
Post tha lutuk. A boruak pawh a hot dawn e mahse ka tel peih lo. 😀
June 15th, 2011 at 4:10 pm
Remputt, off chuang loo…ziak leh ziah atang hian thuziah pawimawhzia kan sawi..
June 15th, 2011 at 4:15 pm
@chemkawm, tihian i inhnial puar thrin em nii? 😀
June 15th, 2011 at 4:17 pm
Ka chhiarchhuak ta dap e. Ka rin ang ngei ngeiin a tha hle.
Thusawi chi ka ni vak lo. Ka sawi paw’n a hlimawm zawngin ka sawi thin a, a tlachawpin a hit phian thin. Mahse, kha kha chu case hranah dah ila. Mipui hmaa thusawi hian, thenkhat chuan sawi tur hi an chhuchhuak a, an chhiar mai thin. Hetianga tih hi a tha lo ni lovin mark ka pe sang vak lo. Thusawi thiam tak tak chuan chhutchhuah sa an chhiar ngai lo.
Thuziah khi misual.com-a post tumte tana inkaihhruaina a ang deuh zawk mah. Misual.com-a thuziak thenkhat chu chhiar a hahthlak ngawih ngawih thin. A thuziak a that loh paw’n a uluk tur a ni. Mizotawng a thiam vak lo a nih paw’n theihtawpin a uluk tur a ni. Phone atangin ka lut ve tho va, comment thlengin theihtawp chu ka chhuah ve thin. Tan lak kan ngai khawp mai. Post nachang hria chuan a thuziakah uluk nachang a hre tur a ni.
Thuziak tha tak a ni.
Ka lawm e.
I tan chauh,
TuaiSialA.
June 15th, 2011 at 4:17 pm
lolzzzzz 😀 hu hu hu
June 15th, 2011 at 4:21 pm
remputt…ka kalna apiangah hian tinge min rawn zui ziah…ka pal khuk i lo hak avang hian a vut dem mang si lo hian i hmaa kal hi mi dem ziah mai.. 😉
June 15th, 2011 at 4:35 pm
kan khua atang chuan comment pawh a submit hleihtheih love! Pu Muante, khawnge i awm le? i luhna tur post chu a ni nain he topic hi chu i duhtawk thawkhat tawh niin ka hria. Keipawh CyberThug leh vakul lamah ka tang nain i hriatdan hi mi hluite’n an pawm tam riau mai
June 15th, 2011 at 4:43 pm
@ultimate: A tobul hriatchian chuan mi hluite pawm leh pawm loh lam a lo ni hauh lo nia. Mahse, ka sawi zau peih rih lo. 😛
June 15th, 2011 at 4:55 pm
#21 nia Misual.com ka’n focus deuh bik a ni.
Kan lam danah pawh hian a hriat mai lo’m ni le.
Thusawi/ziah hi ngaih ang ngawt chu a ni duh lo khawp mai. inzir a tul ve khawp.
June 15th, 2011 at 5:05 pm
Ka hming in lam in lam mai a, a lamtute lah chu ka lamtang lo thah lehnghal. ‘Ziak’ chungchang a sawi lova, lo sawi vakna hmun pawh a ni love. Hei chauh erawh ka sawi ang tawng dik ni a kan hriat, a awmzia min hruaibo thei ni si lovah chuan tawng hmang dik taka kan chheh hi a tha ber e. Ziak ka hman avanga i dik love min rawn ti tawltu an awm chuan ka hnial rei peih viau ang a, mahse ‘ziah’ i hman avang erawh chuan i dik lo ka ti hauh lovang.
He post hi Post of the Year-ah ka puag e. Kan thu ziak reng reng fimkhur takin, punctuation, zawm leh zawm loh, paragraph leh tawngkam mawi dik taka hman hram tum tur a ni. Hetiang lam hi kan sawi zing tawh a, ‘kei chu ka thiam lo’ tih he haw tawh loh tur ka tih tawh kha.
Zanin ka thusawi a lo ni hlauhva @vakul thusawi hian min tanpui dawn hle mai, a va timing tehlul em! Pu vakul, ka lawm e.
June 15th, 2011 at 5:06 pm
TS, nia, kei pawh chu chu ka pawm dan tho a ni
June 15th, 2011 at 5:22 pm
Pu Muante, i hming an lam an lama i ngaihdan an ngaihchan ruk hle chuan engemaw champion-pui i nei a ni mai. Lawmawm lam a ni ka ti tlat.
I thusawi chu…tha deuhin aw.
June 15th, 2011 at 5:30 pm
@vakul ka lawm e.
Inbuatsaihna nei mang lova thu sawi ngawt, ‘ka inbuatsaih tha hman lova’?la ti zuite thu hi ngaihthlak a peihawm lo thei khawp mai. Ziak lamah pawh paragraph then nachang hre lo ho thuziak hi a engamah hmain min hnar nghal tlat thin.
June 15th, 2011 at 5:36 pm
Ni ang chu maw le. ‘Pulpit lawn hnuah ka sermon ka thlak’ tia sawiho pawh hian hun hmasa lama an sawi tawh an bye heart-sa tho a nia an sawi.
June 15th, 2011 at 5:55 pm
A eng a mah hi thiam ka inti lo vek – sawi, ziah, a bik in thlukna leh ziahzawm ah te hian. Mahse kan sawi ve zel ang a, kan ziak ve zel ang a, kan thiam ve chhawm zel mai ang chu. Misual vang hian ‘ani’ tih pawh hi ‘a ni’ tih tur ka hriat phawh tawh, tu in emaw hman ah khan min correct tawh a, ka lawm khawp mai.
I thlarau chan ang hi changpha ve lo mah ila, vakul post a nih man ah ka (Y) x100 e.
June 15th, 2011 at 5:57 pm
Nangni pahnih dêm duam chu 😀 :O 😛
June 15th, 2011 at 6:02 pm
Ts, hahahhai uire-san che u ka ni lo nia awwwww. 😉
i comment hi ka va’n lawm ve aw, Ts. Inhnial tura min beiseite kan nih hmel mang e.
June 15th, 2011 at 6:06 pm
Zoho i thiam ve ve ka ti kei hian. tluk loh val i nih kha i theihnghilh ta em ni?
June 15th, 2011 at 6:38 pm
Post tha tak anih hi mawle. Ka chhiar chhuak dap a, zawm nghal tur chi pawh ka hmu nalh mai.
June 15th, 2011 at 7:06 pm
Post a ngaihnawm in hriat reng tlak a ni. Muantea comment in awmzia a nei thui viau mai hairehai 😀 (Y)
June 15th, 2011 at 7:07 pm
Vakul chu thuziah i thiam bawka, i thusawi hriat a chakawm kher mai… (Y)
June 15th, 2011 at 7:38 pm
Post chhuah hlim atangin comment ka tum ve a. Ka hlawhchham, airtel a chhe leh tan.
June 15th, 2011 at 8:36 pm
Intihbuai ka duh miah lo a nia aw…mahse:
‘ziah’ hi a dik e. ‘Ziak’ modified form/mood a ni. ‘ziat’, zawngtah ziat mood pawh ziah a ni. ‘ek’ -‘e’, ‘kang’-‘kan’, a dang pawh la awm.
“dailuah hi tu kang nge?” kan ti lo. “ka pum a nuam lova in inthiarnaah ka lo ek” pawh kan ti lo.
“Thu tam tak a ziak a, a dik lo a awm nual avangin ziah that leh a ngai” “pu lalmawia chu thu ziah a thiam vak lo” “zawngtah lo ziat ang che, i ziah loh chuan ka vua ang che” “vawi sarih ziak chhuah la, i ziah zawhah min pe don nia” kan ti thin
June 15th, 2011 at 9:07 pm
TS, keini pahnih diam duam hi 🙂 (dem duam ni lovin) Pu vakul thuziak hi a tha ka ti ngang a niang han sawi leh chuan tur pawh ka hre lo, tawngkaim kan inchibai a nih ber hi.
June 15th, 2011 at 9:12 pm
tawngkaim = tawngkamin*
June 15th, 2011 at 9:21 pm
#42 Ts-a a rawn chet hmaa i rawn che hman chu kan vannei tlang a nih ber hi. 😀
June 15th, 2011 at 9:31 pm
CTR ten an cho bawk a,Ziah tih chuan, ‘lemziah’ a ziah tih kha a kawk nasa zawk lo maw. Zawngtah’Ziah’ te pawh hi a nia. Ziah tih hi a dik tho a alan laiin, ‘Ziak’ tih hi lehkha ziakna kan sawina ah hi chuan a specific zawk.
Good post.
June 15th, 2011 at 9:45 pm
#44 Ahems!!!! (H)
June 15th, 2011 at 9:50 pm
Ziak leh ziah chung chang hi rawn phawrh chhuak fo teh suh u. Tu lam mah mah in in convinced lo tih a chiang lutuk tlat tawh a. Tin, chhút cheuh cheuhin a dik ve ve theih dän alo awm tlat a. Chuvangin mahni dik tih dan dan khan hmang mai mai rawh u. Ziak tih tan tu hi kan Mizotawng thiam ber pu Muantea alo ni kher a, tuman kan hnial pung pung duh lo a nih hi. A dik theih tho laiin hman luih chuan a pai/lai deuh hù in a hriat a, mahse chhùt cheuh cheuhin alo dik lo bik miah si lo. mahni dik tih dan theuhin aw.
June 15th, 2011 at 9:51 pm
#44Jesuslo… CTR-a a ngawi tlat. Lemziah hi ‘ziak’ hmang duhtute chuan Lemziak an ti tho a sin. Ziat leh ziak hi a modify theih vang a ni mai zawk lo maw.
June 15th, 2011 at 10:03 pm
Keichu a dik ka tih lamah ka tang a,. Tin, tawng hi chumi khami a dik ti turin tawng standard hi a awm lem pawhin ka hre lo asin..ve leh ngawt mai aa
June 15th, 2011 at 10:07 pm
“Vakul, i thu ziah hi thuziak mite tan thuziak tangkai tak a nih hi maw le. Ka thuziah dik leh dik lo enfiah nan ka lo hmang tangkai ang e.”
Tikhan ziak leh ziah chu an hmang thin emaw ka lo ti a…
Inthlahrung lo zetin mithiamte inhnialna karah ka lo tlazep ve ringawt a. Pawi thui em lovang chu maw.
June 15th, 2011 at 10:09 pm
Nia PKfanai sawi ang khian (H) ‘Ziah’ hi a dik lo hlawm tawp e ka ti ta hauh lo a nia, tawng chevel hian a chet chhuahpui ve tho alawm. I sawi tawh lo teh ang u.
Ka vei ber zawk chu, kan sawi tam tawh tehlul nen hian suffix leh prefix-ah kan la chiang hlei thei lo hi a ni. Tihsual palh zeuh chu a hriatthiam theih, sual tam lutuk thin hi a ngaihmawhawm tlat tawh. Admin lam pawh hian hetiang hi chu lo edit ve mai thin se a lawmawm viau ang.
June 15th, 2011 at 10:23 pm
PKfanai hian Pu Muantea chu a convince thiam ta berin ka hria
.
Ka article tum ber chu kan man tlang ang chu.!!
June 15th, 2011 at 10:33 pm
Thusawi chungchang hi ka pawm zawng tak ani. Vawikhat chu kan Branch YMA intihsiak ah kan sectio pakhatna kan ni a. A lawmna programme kan siam ah kan thianpa pakhat hi vote of thanks sawi turin kan ruat a. Vote of thanks tak pawh sawi talo chuan kan thianpa tawngkam te a released vel ta mai mai a. A veizawng a sawi kual duah mai bawk a. Tun thleng hian ka nuih a la za.
June 15th, 2011 at 10:54 pm
eheu!!!
June 15th, 2011 at 11:34 pm
A point pawimawh pakhat i rawn hmaih tlat mai..
Kan thusawi ngaithla tu tur leh kan ziah chhiar tu tur te hi kan ngaihtuah tel ngei ngei bawk tur a ni. Vawk hmaa rangkachak tlang paih ang lek chauhin a chhuak thei.
June 16th, 2011 at 1:17 am
Asteric, i comment ka support e. Mahse misual.com a thu post cc i sawina a nih chuan comment hrat ho hi chu 50 vel bak kanni lo maithei,comment ve ngailo, silent reader, registered member leh member pawh nilo tamtak an awm tho ka ring 1000 chuang pawh anni maithei?
Pathian thu controversial deuh ka post hian feedback hi a tlem thin a, opposition hi a tam bawk thin, a tir te ah khan vawk hma a tuikep lung paih tih te pawh ka ngaihtuah deuh hman, mahse silent reader tam dan turzia ka ngaihtuah a, tin archiving hlut zia ka ngaihtuah bawk a, nakin zel atan pawh ziak a thudah hi chu kawng tinreng ah a tha hrim hrim mai. Thih hnu ah deuh deuh hian thuziak hi chu a hlu telh telh mai a ni. Post 100 ka siam hun ah MI ka host ang. he..he..
June 16th, 2011 at 1:50 pm
He paws tah zet hi ka chhiar hmain mual a lo va liam hman teuh em! Thuziak hi a har lo a, thu tha – mite nun kaihruai tha thei, an chhungril luhkhung thei khawpa thu tha ziah erawh thil harsa a tling.
Tuna kan topic ang – thu tha ziak chhuak tur pawh hian kei chuan kum tam ka bei ngei ang le. Thuziak thiam tak i ni e.
June 16th, 2011 at 1:51 pm
*He paws tha…*
June 16th, 2011 at 10:36 pm
vakul hi lo turu zek, kawlhawk tih vel ngawt ai chuan… Thlawk thei theuh2…