Mizo te hian zia chi hrang hrang kan nei hlawm a, chutah chuan Lusei lal hnuaia awmte zia (Mizoram a chengte) hi a langsar zual a ni ngei ang. Zia kan tih hian hmanlai atang tawha kan ze put hmang emaw kan thil chin hrim hrim chhawm nun zel tlak leh mawi a tam laiin tunlai anga hman tlak tawh loh awm nuala ka hriat thenkhat kan sawi teh ang. Comment lamah tu paw’n kan sawi belh zel aniang chu
1. Khawi hmunah pawh thusawi/hun nei tura ruat ten an thusawi/hun neih naa, “Keini ang tlinglo tak…” tih ang chi emaw, “Ka rawn inpuahchah hman vak lova min lo hrethiam dawn nia,” tih ang chi tawngkam an hmang fo mai hi ka ngaimawh.
Tlinglo inti chuan kha hun kha midang tling zawk te kian mai sela, mipui tan a chhenfak awm zawk ang. Tin, duh anga inpuahchah hmanlo anih chuan kha hun kha hmanglo mai ngam sela. Entirnan: Sunday sikul zirtirtu te lo ni ta sela, a zirtir tur te tan chuan a hnual ruih theih dawn a ni. Tawngkam tha amawi, tawngkam dawt (lie) lan hawihhawm nana hman tumphet hi a hawihhawm loh thlak zawkin ka hria. Midang awm vete zahlohna lam a kawk mah mah thei zawk awm e.
2. Chhiat tawh nikhua emaw a, “Thil sawi ka tum lo nangin..” ti chung si a thu sawi teuh hmang te hian sim atha. Sawi tum lo vin a sawi hauh lo vang. Ingaihtlawmna der ni ngeiin ka hria. Chhiatni hi thusawina ni a nilo tih kan hriat a tha hlein ka hria.
3. Entirnaa ka rawn hman Sunday sikul zitirtu chungchang ah hian ngaih pawimawh ka nei lian viau mai bawk. Sunday sikul kan tih hian a hming put ang chiahin Kristian nun, Isua Krista kan zuina kawnga kan inzirtirna, kan zirna hmun/hun a ni. Hetih hun hian Pathian thu zir chhuak ngei te chauh hian naupang atang hian min zirtir thin sela avan duhawm tak em. Chutiang anih theih chuan, “Ka ngaihdan chuan…” tih ngawt te hi a tlem deuh ngeiin a rinawm.
4. Tunlai chhanah awlsam takin tumai pawh a inbiak pawh zung zung theih tawh. Mi ina kan len dawnin/duhin, “In awm remchang em, lo len ka tum asin,” emaw tih hi ching theuh tawh ila a mawi hlein ka hria. Tunlai chhanah tu pawh keimahni buaiin kan buai theuh tawh a. Chutiang hunah chuan an thil tih laklawh lai kan va tih tawp sak thei a ni. Kan hman hun kha kan len tumna te hman hun, an remchan lai a ni em tih kan hriat a pawimawh hle in ka hria.
Heti zawng hi ni hrih phawt mai sela, kan sawi tlang ang chu hming.
Similar Posts:
- Mizo hming ziak dan hi!
- Zawlaidi In Min Zawl Dan Tur
- Mizo tawng tlem i zir lawk ang
- Paruana (Parwana)
- ‘ZO’ thil thing sawinan maw?
(Y)
May 3rd, 2011 at 3:05 am
“Thil sawi ka tum lo nangin..”
keipawh hei hi chu vei awm ka ti khawp mai.
May 3rd, 2011 at 3:06 am
Ka vei ve fo thin a ni a, i rawn tarlang hi ka lawm e.
May 3rd, 2011 at 3:37 am
Dik hle mai, tullo chuangtlai tak tak hi ni kan chhakchhuah fo thin ni.
College kal laiin vawi khat chu ka exam ziak zo ka thianpa’n “enge i an?” min lo ti chu, mizo tih dan pangngaiin “tha lo, pass tawk tawk mai thei” kan ti satliah chu, a meng bial kawk kawk “tinge, lehkha i zir ngailo a mi” …….. awmzia ka hrilh fe pawn a hrethiam theilo its not about politeness or etiquette its inferiority min tih sak a. ka ngaihtuah chiang a dik ang reng chu ka ti viau.
May 3rd, 2011 at 3:48 am
Bible chhiar emaw Pathian thu sawi zawha a tawp kan khar na
“Pathianin a thu kan tih rik tak te mal min sawm sak theuh rawh se”
tih aiin
“Pathianin a thu kan chhiar/sawi tak te mal min sawm sak theuh rawh se”
tih hi a mawi zawka a dik zawk bawk e tiin Rev. H.Zalawma (fam) khan a sawi thin.
May 3rd, 2011 at 3:56 am
@ozima: i thianpa chuan,” polite pawh i ni lo, confi lo i nih chu,” a ti daih che ni maw? lolzz… van ngeiawm ve a
May 3rd, 2011 at 3:57 am
Kan naupanlaia kan sunde sikul zirtirtu nu sawi, tun thlenga ka la zawm: mi pulpit atang emaw a mipui aiawha an tawngtai laia lo thut nawmnah hi thalo khawp mai, bawp khawkherh emaw, nghenchhan lo nghen emaw kha a phal ngai lova, “Ilo tawngtai ang u” a han tih hian maimitchhing satiah mai lovin, kan thungil at zel.
May 3rd, 2011 at 4:03 am
Pa pakhat hi an thupui sawi ho tur chhawpchhuah sa sawi tur in a rawn ding chhuaka
“PHUNCHIAR TEH ANG! tih hi rawn sawi ve ka duh a” a ti a
An zinga phunchiar deuh chuan “Rawn sawi ve ka duh a tih tih angai tawh hleinem, i duh a i rawn ding chhuaka kan hre vek tawh a lawm” a lo ti zek a
May 3rd, 2011 at 4:04 am
Ka vei ve khawp mai. A bikin Sunday Sikul a tantu in bible a chhiar hma a, tuhmahruai an sawi vak hi. Entirnan, an tlinloh na te, an sual zia te, inpuahchah tha hmanlo, ldt. Tantu nih vanga hla thlan kher tum pawh hi a mawi lem lo.
May 3rd, 2011 at 4:28 am
#7 a ka sawi ang chi khi 2004 Mizoram College Debate Competition a judge Pu PL Liandinga sawi ania, thusawi tura ding tawh nanana “Rawn sawi ve ka duh a/tum a” tih hi a chuangtlai mai mai e a ti.
May 3rd, 2011 at 4:43 am
Pathian thu sawi (sermon) dawna, “Keini ang tlinglo tak…thusawi hi ka talent vak lova…” “Ka rawn inpuahchah hman vak lova min lo hrethiam dawn nia.” tih chingho zingah hian ordained Pastor pawh zu han bang chuang lova! Ka ngaithla tawh. An tlin loha, an inpuahchah loh chuan dingchhuak lo mai rawh se a tha zawk. Tlinglo leh inpuahchah lo thu sawi ai chuan in ringtawk tak leh Pathian chakna hmachhuantu thu sawi chu ka ngaithla duh fe zawk.
May 3rd, 2011 at 4:56 am
Ngaihthlak hrehawm ka tih em em bk chu, thuhriltu in sermon ziak sa an han chhiar chhuak tawp mai hi. An inbuatsaihna pawh nise sermon a a ziak chhiar ngaihthlak hi chu hrehawm bik tlat. Kohhran upa hrat deuh deuh hi an awm, kan Kohhran upa ah pawh an awm thin.
Public speech a ziak chhiar ngaithlak hrim hrim pawhhi a hrehawm.
May 3rd, 2011 at 4:57 am
Misual zing tho hma pu caribou pawh rawn online leh tep tawh ang. Mu til tel teh ang…….
May 3rd, 2011 at 5:25 am
MUT HMA LAST COMMENT
Kohhran rawngbawltu te tana kaihhruaina Rev.H.Zalawma paper publish tha deuh mai phek 4/5 vel lek ka nei ve a sin mawle. Ka Mizo lehkhabu tha zawng zawng hi phaiah ka kalsana a hman tangkaina tur lam post alo chhuah veleh hian ka hre chhuaka, sawi chhuah hi chak awm thin.
Tunlai Pathian thu post thenkhat pawh han comment ve ka chak viau thin a, Pu HVa huat ang deuhin ka ngaihdan ka belh vak mai dawn si a, a tam zawk chu ka lo chhiar liam ve mai mai hlawm a ni. Ka ngaihdan pawhhi tam tak chu mithiamte ziak chhiar leh sawi ngaihthlakna atang tho a ka neih nia
May 3rd, 2011 at 5:53 am
No.3 na khi chu i vei buaithlak ka ti deuh. Aizawl veng Presbyterian kohhran tamzawk ah chuan Naupang Sundes Sikul dept. tin hian zirtirtu 10-15 an neia, Beginner atanga Senior dept. thlengin an vaiin 70 (approx.) vel an lo ni taa. Theologian 70 naupangah, puitlingah 30 vel avaiin Theologian 100 vel Kohhran tina han neih chu a harsa rem rem viau ang. ATC a kumtin zirlai an lak ai pawhin an tam zawk alawm le
Sundes Sikul zirtirtu i ni tawh emaw dinhmun i hriatpui tawh chuan mi 2/1 maiin puitling ah pawh naupangah pawh zirtir hna hi a thawh theihloh tih hi i hriat ve tho ka ring bawk a. Roman catholic te anga Bible pawh keu ve lem lo a(Hmun thenkhatah chuan sundes sikul pawh an neilo, naupang chu sister ten nau awm angin an lo vil ve mai, an vaiin an neilo em ka hrelo) Father te sawi ang ang kan ngaithlaa kan pawm nih ngawt loh chuan sundes sikul anga zirlaibu neia zir hi chu a hautak khawp ang. Catholic kohhran member Bible thu hre tak hi an vang ania, Father hian a hre hlur a nimai… NOI
May 3rd, 2011 at 6:18 am
Asteric, Mizorama Kirstian hmasa te khan, “Isua ka tan a thi a ni,” tih bak an hre thuilo viau nangin an rinnaah an ngheh zia an sawi kan hre fo. Mitin kan hriat chin ang zela kan chungah rorelna a awm tur pawh kan hria. Hre reng chunga tisual chu… i hriat ka ring (i google chuan akekekekeke). Kohhran naupang/puitling a chanchin zirtir tur chuan a hria ngei chu kan mamawhin a tul alawm. “Ka ngaihdan chuan,” tih atang hian kawng nilo, rin dan inanglo (kohhran khatah pawh) a pian phah thin. Kohhran mi ve2 pawh an inhnial vak zel mai reng hi. I sawi Catholic te hi an mahni kohhran mi an inhnial ve ngai i hria em, an inngeih teh asin. Awh awm deuh an nia.
Catholic a Sunday sikul awm protestant ten an entawn zawk anih hmel. Tin, Catholic Sunday Skul zirtirtu te hi zir (trained)chhuak Catechist anni thin asin. Cathechist te hi Catholic rinna lama naupang chher puitling tura puithiam leh nun ni lova hmala tu te anni. Catechist te chu puithiam anga intiam kamna nei lova sakhaw rawngbawltu, Catholic kohhran in a neih te an ni. Sawi teuh mah ila, i luh chilh loh chuan i man pha chuang lovang, man fiah pawh i tumsa loh avangin.
May 3rd, 2011 at 6:21 am
Thu sawi tura min ruat chuan kan in puahchah tur a ni. Inpuahchah hman loh thu sawi vak ai chuan theihtawp a kan inbuatsaih ve thu sawi mai ila. Kan thusawi a tha vak lo anih pawhin kan theihtawp a kan inpuahchah ve tih an hriat avangin ngaihthlak dan an thiam tho. Kan sawi thiam leh thiamloh chu keini sawi vak ngai lo in ngaithlatu ten an hre tho tho.
May 3rd, 2011 at 6:22 am
1 na, 2 na leh 4 na te khi zir leh tum harsat vak ngai lova kan tih theih ngei niin ka hria.
Sangpuiipa sawi ang hian ni e, thusawi tur chu a inpuahchah ngei tur a ni.
May 3rd, 2011 at 6:26 am
Sakramen dept. zirtirtu a ka awm lai in kan thawhpui pakhat chu ka fak khawp mai. A in enlawk hman vak loh chuan pawl a la lo mai zel. Kan in puahchah hmanlo anih chuan thu sawiloh ngam hi a tha in ka hria.
May 3rd, 2011 at 6:34 am
Ni e, dinchhuah tawh chuan, a point a luh nghal char char mai a tha…mi puitling nihna a ni.
I phun na hi a awm a, nangmah chauh i nilo…..
May 3rd, 2011 at 6:36 am
‘Tukin chu commend ve ngei tuma rawn lut ka ni lo nain ka inpuahchah hman lo a, tling lo takin ka rawn thailang ve mai mai ani,’ti ta ila in duh loh zawng tak a nih dawn hi
May 3rd, 2011 at 6:38 am
paeia, i rial rei thei ngei mai, cher cher mai a. Nu nau lam leh hna lamah i tul aniang e
Tling lo takin ka rawn sawi e hairehai 
Mitthi vui/ral nikhua a thusawi vak ho hi an ninawm ngawt mai.
May 3rd, 2011 at 6:43 am
kei chu sawi vak tur pawh ka hre lo..mahse hawihhawmna chu ka la ngai pawimawh ve tlats..
May 3rd, 2011 at 6:53 am
HV a post hi ka
e
Kan kohhran angah hi chuan platform/pulpit a din chhuah tawh hi chuan mahni tlinlohna emaw chaklohna emaw lampang hi sawi loh tura ngaih a ni, khap bur erawh chu a ni lo
Ka inpuahchah tha vak lova duh ang pawhin ka comment tha thei lo
May 3rd, 2011 at 6:55 am
Pu Hv_ Cathechist te chu puithiam hna thawk tura zirtir tute alawm le, kan ATC lecturer ang te khi, dah dah maia. He kan sundes sikul awmzia hi i man lo a ni zawk lo maw. Tin, mahni mimal ngaihdana kan in zirtir vak na pawh ka hre lo, zirlaibu ziaktu te hi Reverend/Pastor te an ni a puitling ah sawi ho tur leh naupang ah zawhna hi a awm sa vek bawk. Sundes sikul neih hmain training kan nei vek bawk.
Mahni ngaihdan in zirtir anga i sawi lai tak khi a awm ka hre ngailo. Sermon ah chuan ti la ka hrethiam, zirlai bu awmsaa ngaihdan thawh vak hi an tam lo viau ang, Zirlai bu mil in a ni kan in zirtir ni. Puitlingah chuan a bu kan nei ve fer fur bawk.
Catholic kohhran ah chuan pem la…NOI… I rin aiin Catholic naupangah hian ka inkhawm tam ang, puitling ah pawh nikum khan vawi 10 chuang ka inkhawm.
May 3rd, 2011 at 7:01 am
HV Vs Asteric
le le leiah
May 3rd, 2011 at 7:05 am
‘Ka hritlang deuh a, ka zai tha vak lovang, min lo hre thiam dawn nia ‘… etc..Ka ngaihdan chuan zai loh mai tur.
May 3rd, 2011 at 7:22 am
Pu,HVa nge nge ziak tha thei khawp mai,han ti ve khanglang ila.Midang chu sawiloh keimah ah chuan (keini ang tlinglo tak)tih hi ka tlinloh zia ka inhriat hian ka hmang lotheilo thin ani.Tin,sunday sikul zirtirtu atan Pathian thu zir chhuak ngei chauh nithei sela i tih hi bible sikul atang anih ka lo ring ringawt bawk a,lo ni ta sela Bible sikul kal ve phalo te,hun nei ve lo te etc…anchhungrila Pathian tihna nei tak tak te leh an nun a rah chhuah awm hmuh tur te hi veng tin ah emaw khaw tinah an awm ka ring deuh a,chuan ka mit leh beng hriat ngei pawn ka hmu ve thin a chuvang chuan heng mi te hi anpamhmai awm te ka ti mai mai.Thahnem ngaih thilthu ani e.
May 3rd, 2011 at 7:35 am
Asteric #24, Silchar phai vela Bengali ho eng hmun emaw awmna zawh ang mai, hriat loh hria angin awm tum lo mai teh a. Ti dawn ngawt ila,vawi 10 lai ilo inkhawm tawh bawk sia hairehai
“…Mahni ngaihdan in zirtir anga i sawi lai tak khi a awm ka hre ngailo. Sermon ah chuan ti la ka hrethiam, zirlai bu awmsaa ngaihdan thawh vak hi an tam lo viau ang, Zirlai bu mil in a ni kan in zirtir ni.” Ziak sa an sawifiah te khan zir chhuak lo chuan tam tak an ngaihdan leh hmuh danin an hrilhfiah tawh mai thin. Chumi avang chuan leh thanhnem ngaihna avang zawkin zir chhuak ngeiin Sunday skul te hi min la thin sela, ka ti a ni e. Hetiang lampang hi kohhranah ngaihtuahna ala awm ngailo pawh a ni thei. Chumi vanga ngaihtuah phalo i nih pawh ka ring. Zir chhuak leh chhuaklo inzirtir chu a dan a dang daih asin. Sikul pangaiah pawh ani tho. I zirlai kha zir chhuak miah lovin a zirtir che i duh lovang. Pathian thu phei chu khawvel thil zir aia uluk ngai zawk daih asin. Kha daih kha a ni ka sawi chu.
May 3rd, 2011 at 7:52 am
Pu HV thlarau lam leh khawvel thil hi i chawhpawlh
mah mah a ni e, Lal Isua te, Petera te, Johana te, etc. Pharisai septuagint bel hneh em em ho in an ngaihtheihloh ang chiah khan heng piangthar tha tak tak Bible college a kal ve lo te hi i vaihma a nih hi. Buh lem leh buh tak hi keini lo thliar tur pawh a ni lo a, Bible zir a nih avanga Pathian hnena min hruai thleng thei vek anni tihna pawh a ni lo, an nih loh avanga zirtir hna thawk theilo pawh an nilo. Anihna takah pawh an in daihlo hrim hrim.
Beginers atanga sacrament department, chumi hnuah puitlingah kum tam fe i awm hnuah zirtirtu ah an hmang ve chauh che anga chuti chung pawha zirtirna diklo ila thehdarh talh anih chuan Bible pawh zirin zirlo mahla i thehdarh tho tho ang.
Enge ka hriatloh hria anga ka awmna lai tak chu han sawi la? Sawi tur i hriatloh i rawn sawi zawk niin ka hria.
May 3rd, 2011 at 8:09 am
Tawngkam in tih thiam tum vang leh mahni chapo ruk arna avang hian thusawi dawn a a ‘preface’ zam duah ching hi kan lo tam em a ni.
Point 4-na khi kei pawhin ka vei ngawt mai. Mizo chu in lenpawh a mahni vei zawng sawi a titi ngaina kan ni a. Mahse tunlai khawvelah chuan, mitinin hnathawh hrang kan lo nei ve neuh neuh a, kan hman dan pawh a inang tawh lo. Tunhma, kan pi leh pu te hunlai a, tukthuan ei zawh a lo lama feh a, zanriah ei kham a in lenpawh a titi a hun hman ang mai kha a ni thei tawh lo a. Tunlaiah chuan, ‘Lo len lawk ka duh a, a remchang ang em?’ ti a inzawh lawk hi a fin thlak tawh ber zawk reng a ni.
May 3rd, 2011 at 8:28 am
Post tha tak a ni..kei pawh ka vei ve thin..a thuhrimin, mizote hian thu kan sawi reng reng hian kan tum tak sawi nghal mai lovin pehhel kual vak kan ching, inkhawmte hi kan rei phag thin niin ka ngai..len dawna sawi lawk khi chu kan ti tlangpui tawh em aw ka ti.
May 3rd, 2011 at 8:32 am
A post tupa-in, sawibelh apawi ti lovang chu maw……..(polite tawh nasa)
Tlangnel tawhna pawh nise, mi in a va lenluh chang a, tui in tur a, an fridge (refridgeretor) va hawn rawp rawp te pawh hi a mawi ber lemlo. Chu ai chuan, ‘tui ka lo in thei a ngem’ tih te pawh a mawi zawk awm e. An hmanloh lai a, “Lo in lak ve mai teh, fridgeah khan a awm” anti te a nih chuan thu hran nise. Chu pawh, a um (bottle) a in lova, no-a thlit chhuah hram a mawi.
Hriat ve zawng an sawi avanga mite ti ti kara lo inzeh ve vak ching te pawh hi an awm ve thin – a mawi ber lemlo. Tin, kan va lenna ah, mite lo ti ti lai, va chhunzawm ve vakte pawh hi a nalh lemlo. Minlo welcome a, introduction a zawh tawh phei chuan, ‘ka thut ve na chi a ni em’? tih hriat hran thiam a tha. ‘Mawi tak a hnar’ nih te hi a zah thlak.
Kan va lenna ten, la leng rih rawh u, an ti a nih chuan a tha….tihtur an sawi thawi an sawi thawi tawh pawh a, la ti ti tui viau te pawh hi… ‘pa ti ti thiam leh sawi tur hria’ nihna pawh a ni chuang lo. Tin, In lengte lo len chhan leh an sawi duhte sawina chance pe lek lova, lo ti ti tui viau pawh a nalh ber lemlo bawk.
Mi in a len dawn phei chuan, phone lawk a. ‘appointment’ siam phawt hi alo tha phian, kan len na tur te’n mikhual/inleng anlo nei em? Sawm bik te nen hun an hmanlai a ni em? Thil pawimawh ‘sawiho na hun’ an hmanlai a ni em? Chhungkuaa hun pawimawh an hmanlai a ni em, tih te hriat hmasak a tha awm e. Thil tul deuha kal turin kan chhuak dawn chiah a, beisei loh deuh a inleng tur lo lang tut thin te hi…….lawmawm hle mahse, a buaithlak tlat thin.
Tin, tunlai in, mitin deuhthaw-in, mahni in ah computer te kan hung tawh a, a van neih thlak hle. Thil tul a in hman sak chang te pawh a awm thei. Tunlai chuan ‘pen-drive’ te reuh te in, mi file te, mi thlalak te pawh a copy teuh theih. Mi computer hawh kan dil a, min ring a – phal tak a – min hman tir lai a, mi computera mi, kan duh duh, ngawi reng a kan lo copy mai anih chuan, in rin ngamna a bo thei – Hawih hawm a tha.
May 3rd, 2011 at 8:40 am
Mizo te hi thu kan khuh ‘over’ ve fo a nia
May 3rd, 2011 at 8:41 am
Pu,HV keima experience atanga ka sawi ve alawm,bible sikulah pawh tu emaw hmuh dan leh ngaih dan an ziah theuh alawm bible sikul tinah kan zir kei ngei pawh presbyterian ka pi leh pu te atang kan ni na a,ATS ah ka luh na chhan chu an doctrine ka hriat chian duh vang leh reseach ka beih vang ania..Tin ka chhang chhang leh hi NITS ah a kal bawk a,kapu hi serampore chhuak a ni bawk in khatah delhi ah kumkhat dawn kan cheng ho a,kan han ti ti chang hian Pathian thu zir theuh theuh pastor nih tum te,misonary te,english thiamtum te etc..an nun dan leh an khawsak duh dan atang tein a lawm Pathianthu zir chhuak na zawng an laktlak ka rinloh.Tin,sunday sikulah te chuan zirlai bu chhut sa vek te chu Pathian mi tak leh pathian in apawl te chu bible zir na zawng aiin an zirtir that ka rin zawk fo,keipawh beginner atanga senior thleng bible sikul zir chhuak in min zirtir lo.
May 3rd, 2011 at 9:01 am
Ava tha ve, comment pawh a ngaihnawm e. Aw rawl tawp tawpa sawi ve kava chak eeee.
May 3rd, 2011 at 9:10 am
Mizo ze ken thil thenkhat, ho anga lang, tih ngei ngei ngai bawk si chu, “Khawnge i kal dawn?” han tih te. Kan sawtpui vak lem lo nain, kan inzawt ve hrim hrim.
Intizawlnei tak nu pakhat pawhin, “Pathianin thil pathum min hrilh a, tuma hnenah sawi suh a ti a. Pakhatna … ” a ti tho tho. Kamtam ve viau lo maw?
Pulpit thusawituin, “Ka rawn inbuatsaih hman lo va …” tia tha deuh a inbuatsaih ruk em em sawi chhuah a, fak inhlawhtir tum ang thil te.
Exam-naah, “Ka tichhe lutuk,” tih ang chi aduang te.
Zai turho lah hian, “Ka hriltlang deuh va …” han tih chi te … kan phak aia sanga invawrh hi kan tum tlangpui.
Khawhar ina YMA leh mihlim thenkhat thu tlachham ve fe fe an inrawlh ta lutuk te hi ka kham.
“Kan khaw YMA tihdan chuan,” tih zen te, mi venga awm hnua sawi chhuah ching fo hian adaptability an zir ve a ngai khawp. Sawi tur dang ka la pai hnem.
Irhfiak hnua EXCUSE ME tih ang chite pawh hi kan hnam thang zel hian engemaw kan neih ve a ngai tawh. Hahchhiau hnua “Chhuakah chhuakah,” kan lo ti ve hi “Bless you” tihna a ni ve em?
Antui hawp ri hrup hrup hnam kan ni a, chaw pawh ka ang huauva thial buan buan … zir tur kan la ngah em mai! Ram dang (abroad)-a sikul naupang ka hruaite hian table manner kan tlakchhamzia hre chiangtu ka ni. Zoram sikul thaah te hian POT LUCK-te an zirtirtuten siampui se, table manner inzirtir tel se, ka ti ngawt mai!
May 3rd, 2011 at 9:14 am
Pu Meigou ren, hei chu Chhung Inkhawm Khaihruaina Bu ami ani dawn emaw ka ti a:-)
Post tha thuai thuai khawp mai. I sawi zawng zawng khi ka “LIKE ” e .
May 3rd, 2011 at 9:21 am
‘Ka like e ‘ tih a type sual a, ‘ka liak e’ ti tah…si lo.
May 3rd, 2011 at 9:21 am
Kan Mizo thukhuh tawngkawm, mawi tak mai, hnam dangten an neih ve mang loh hi tunlai thangtharte chuan a hnawk kan ti ta hle mai. A awm viau pawhin ka hria. Kei chu thu ka sawi dawnin ka inbuatsaih ziah. Inbuatsaih lo thusawiah ei tur leh ei tlak a vang thin khawp mai. Sunday school hi Roman Catholic tihdan Protestant in an entawn a nilo, Protestant bul tan zawk a ni. Pu Hv-a hi a Protestant-na a la rei loh hmel.
May 3rd, 2011 at 9:37 am
Ka nau chuan thu a khuh lo lutuk nge ni an exam a. ‘I ti tha em?’ han ti ila’Aw pakhatna ka ni dawn’ a ti vei ziah. Mahse result a chhuak a. A ni ngai lem hlei lova.
May 3rd, 2011 at 9:43 am
32
‘Mawi tak a hnar’ nih te hi a zah thlak…ka tawn chakloh pawl tak a ni
May 3rd, 2011 at 10:05 am
Homiletics nge kan sawi etiquette pawh ka va’n chiang tawh lo ve. Duh duh sawi ve ang;
Sunday school zirtirtu chu thuhranah ka la ngai zawk, councellor-ho hi a buaithlak lai chu an ni.
Tumkhat Sawrkar officer lian tak pakhat hi ka bulah a phun nasa tawh; a fate kha naupang lang campah a tir ve a, an rawn haw chu Proxyvon-Nai-tih vel kha an rawn hre haw ta tlat mai a ni awm a. Chupa ngaihdan chu a ni phiangsen si lo; a va thawk phei a chu councellor tlangval hnenah chuan ‘ka fate hi Pathian thu i hrilh dawn loh chuan thu dang vawi khat mah hrilh tawh suh’ va ti ta hrep mai a ni awm a.
A hma lawka rui thle reng thin kha Team an han zui a, councellor an han ni ta thut mai thin hi kan ngaihtuahawm hian ka hre thin. Councellor hlutna pawh a hniam zo vek.
May 3rd, 2011 at 10:17 am
Point #1 hi a va dik em! Ka lo ngaih thin dan chiah chiah. An thusawi ngaihthlak a peihawm loh vek zel… A dang pawh hi ka lo ngaihtuah ngai vak lo nain a dik vek bawk!
May 3rd, 2011 at 11:03 am
Pu HV post tha hle mai.Ka lo ngaimawh ve em em thinte an ni.”Ka dam tha vak lo a,ka inbuatsaih hman vak lo a,ka chuti khati “..tih vel hi chu a nep thlak ka ti ngawih ngawih.
@#39 Mizo thukhuh tawngkam pawh an ni lo ,hetiang hi chu…kan pi leh pu ten thu an khuh thinna chu chhiatna chungchangah te,tin,chapo nih hlauh vangten mahni infakna tawngkamah an khuh thin alawm
May 3rd, 2011 at 11:13 am
Post tha thuai2 khawp mai, comment pawh ngaihnawm in a bengvar thlak e.
May 3rd, 2011 at 11:13 am
comment chhiar zawm lem loin ka comment. point no1 khi ka vei tak a ni. thusawi naah pawh :ka inpuahchah hman lo a etc.etc.” an ti a, inpuahchan hun an pek avanga hrilhlawk an ni reng a, pe lo pawh ni se mi pangngai tan sawi tur a bo chuang lo,a ninawm duh khawp mai.
vakul i thianpa chu ka support. hmanniah pawh kan sikulah sex education ka pe e an tia, an sawi dan chu ka ngaihdan a ni lo teh asin. (ot palh)
May 3rd, 2011 at 11:19 am
Phun phun ila kan in phun lungawi ve mai zel ania..
May 3rd, 2011 at 11:26 am
May 3rd, 2011 at 11:26 am
Henry chu inhmeh hle mai,phunchiar,
May 3rd, 2011 at 11:29 am
H.v kei pawn ka ngaimawhna a rei tawh,Thu sawi hun an khawhral mai mai te kalo ti thin. phunchiar ve tak mai hi ka nia.
May 3rd, 2011 at 11:43 am
@HV Hrereng chunga ti sual chu ngaihdam in a awm lo ang tih anih si chuan, kei chu hriat tam lo ka thlang zawk LOL
Just kidding
May 3rd, 2011 at 12:01 pm
“Zia kan tih hian hmanlai atang tawha kan ze put hmang emaw kan thil chin hrim hrim chhawm nun zel tlak leh mawi a tam laiin tunlai anga hman tlak tawh loh awm nuala ka hriat thenkhat kan sawi teh ang”
Mizote hi thu khuh thei tak mai kan ni a, direct hit hian thu an sawi mang lo….Comment hrang hrangah pawh thu khuh chungchang hi kan sawi kai tawh thin…Kan comment nawn leh teh ang.
Lo vah lai hian thiante’n an zawh paw’n “ar-hmai tiat” lek lo an vat thin a. Enge maw rokhawlhna avanga mak a ngaih leh hian an mak zat chu,”Van phel tiat” te a ni leh lawi si !
Chutiang zelin zualko chungchangah pawh direct takin thu an sawi ngai lo, (Lusei bikah)awmlai thi angah pawh,” Ka pi dam lo kha a zual deuhva, hei kan rawn hrilh vang vang che u” te an tih chuan an puan thulkhung nen an in ring nghal mai thin. Lo vahna-ah te lo thi palh se, “A lo vat a che sual palh a, a na viau mai” an tih chuan mi zawng zawngin an hrethiam thin.
Kan pi leh pute khan chapo zawngin thu hi an sawi ngai lo tih theih a niang. An ran vulh chungchangah pawh “An zun leh ek te a lo tam ve anga” an ti mai thin. Tunlaiah chuan an lo inthlah pung ve duah anga te kan tih duh hmel…A, sawi tur a tam ang. Zonun zemawi hi mawi kan ti lo tan nasa ta hle ni hian a lang!
Thusawitu hian in puahchahna tha tak pawh nei mahse, ka inpuahchahna a nep viau emaw duhthu a sam tawk lo emaw, ka inpuahchah tha lo pawh ti se, awih tak tak tur chi emaw ni le ? Mizo zia, thu khuhna chi khat a ni mai. Tunlai thangthar te chuan “i exam i chhang tha em ?” tiin zawt ta ila, “Chhang tha e” an ti mai ang. Nu/Pa, Pi/pu te khan chuan ” e, ka chhan dan duhthu a sam lo emaw ka rin aiin ka ti chhia” ti a chhang tur khan min fuih thin a nih kha….!
Sunday sikul chungchangte in sawi kai a, Salvation Army lam khan rawn chhang teh u (attn.:maawma)! William Booth a tih dan kan lak chhawn ni tlat a hriatna ka nei !
May 3rd, 2011 at 12:05 pm
#51 DXBFreak : thlarau thianghlim sawichhia zawk hi ngaihdam loh tur ni zawkin ka lo hria a
hre reng chunga tisualtute ni lovin 
May 3rd, 2011 at 12:18 pm
@52,i sawi takah chuan ni e,i sawi khi ka pawm zawng tak a ni… kan lo tuihnih ve lok ange aw, ka support che tih lan nan
Thusawitu hian in puahchahna tha tak pawh nei mahse, ka inpuahchahna a nep viau emaw duhthu a sam tawk lo emaw, ka inpuahchah tha lo pawh ti se, awih tak tak tur chi emaw ni le ? Mizo zia, thu khuhna chi khat a ni mai
Chuvang chuan Hnam dang tihdan emaw/Sap tih dan emaw nen hian thil hi khaikhin fo lo teh ang u, tun a kan sawi mek pawh hi Mizo tih dan a ni mai, a in ang lo a ni ve mai.
May 3rd, 2011 at 12:19 pm
@53 Goihkhama, ka hriat sa zawng zawng ka rawn sawi a, chu pawh chu a la dik lo zui, ka hre ve thlawt lo a nih hi
May 3rd, 2011 at 12:33 pm
#53 DXBFreak : Keichu ka hre teuh mai. Lazara theipui kung lawn thu te pawh
May 3rd, 2011 at 12:42 pm
@56 Goikhama, Kaina a sin theipui kung lawn te chu, i hre thawi emai, ka sawi ang deuh khi chu bible ah a awm, a bung leh chang ka hre lo, mahse ka google a a rawn chhuak ve hlawl
May 3rd, 2011 at 1:09 pm
Tlangval pakhat senior deuh tawh mai hi a awm a, ngaihzawng pawh a nei fo, mahse an hmel leh nungchangah hian sawisel tur hi a zawng a zawng a, chuvanga senior ta chu a ni.
Kei pawh politics hi ka phunchiarna lam a nia, kan phun senior ve thak dawn chu a nih hmel e.
Nangpawh, sunday school lam te khi engtinnge maw kan tih dawn ni! I senior pui ve thak dawn a nih hmel e.
Phun phun chung hian DAWHTHEIHNA hi nei ve tlat mai ila a nih ber dawn hi maw!!
May 3rd, 2011 at 1:15 pm
#57 DXBFreak : I hriat loh chu hria anga lan tum duh suh
Kaina khan theipui kugn a la hre ve lo hrim hrim, Mosua oh! Josia…salaaa (Labana ti tawh mai ang) asin theipui kunga lawn chu 
a dang pawh rawn sawi leh mahla hei bak chuan ka tawlh dawn tawh lo 
May 3rd, 2011 at 1:32 pm
#59 kugn= kung
Post tupa min lo hrethiam mai teh ka rawn OT ta chiam a, OT dalah emaw dalah lo emaw pawh nise i post hi tha ka ti hle
May 3rd, 2011 at 4:38 pm
Goihkhama #53 Bible chang 1 chauh kan pe ang che. Heb. 10:26-27. Thutak hriatna famkim chu kan chan hnua thil kan tihsual luih si chuan sualte tâna inthawina a awm tawh hauh lo vang a, rorêlna hlauhawm tak lo thleng tûr leh dotute kâng ral tûr thinurna mei kan hmabâk a ni mai.
Thupui lamah: Hawihhawm hi a mawi a, upa te paw’n, “Tawngkam thain sial a man,” an lo ti thin, a dik a ni. Sial tak tak man tur tihna lam a kawk lova, tawngkam tha a mi tupawh kan indawr hian midang rilru kan tihlima chu chuan rilruah inpawhna leh innelna sial tak2 aia hlu zawk hriselna thlengin min pe thei a ni. Hawihhawm (polite) ah erawh chintawk hriat angai hle. Kan sawi tum leh sawi chi sawi lova pehhel vak mai te hi a mawi lo. Sawi loh chi sawi kher pawh a tul heklo. Chutiang thliar hrang thiam mi chu mi puitling (Matured) tih anni thin.
Tullo ka ti viau nangin kan telh ve leh hram ang e:
Asteric, Lal Isua te zirtir Petera te kha tunlai Sunday Skul zirtirtu nen tehkhin reng2 suh. Anni atanga Kristian zirtirna Thuthlungthar nei kan nih hi.
May 3rd, 2011 at 4:53 pm
I ti thra e, mahse phunchiar lovin mite chu hmangaihin hrilh mai la mawle.
Pakhatna chu ka digest thei lo a achhan chu Pathianin tling inti te a duhlo.
Pathumna pawh ka digest thei lo, hun nei mang loh vanga inpuahchah hman vak lo/duh anga in puahchah hman lo (eg. khualzinna ah te, thu sawi tur a an lo sawm thut tihte, etd.) tih hi thil awm thei ani.
Pahnihna leh pathumna chu thra ka ti khawp mai.
May 3rd, 2011 at 5:41 pm
HV chu titha hle mai. I sawi baka ka ngaihtheihloh pakhat chu..Chair in emaw minute 3 vel chiah thusawina hun a hawng a, mi pakhat lo ding chhuak khan..”Kei chu min lo hrethiam hramteh u, sawi tur ka ngah khawp a” an ti talh a, 10-15 mins an sawi thin hi!!. Hun hawn chhung bak pela sawi teuh thin hi ka ei lo ve hranpa!!
May 3rd, 2011 at 5:48 pm
mamboih, #63 khitiang khi alawm zahtheihloh thlak ka ti lutuk. Ka chhungte hian ti ve sela chuan in kan thlen hunah kan inhrilh nasa khawp ang le, an tilo chuan kala hre zel a
Chu bakah, khawhar in lenna emaw, mitthi ralnaa rawn ding chhuak a thu sawi teuh ching ho hi, an sawi hmain upa lamin emaw an din chhuah hmain lo khap lawk chi hial niin ka hria.
May 3rd, 2011 at 5:52 pm
HV nia, Chair ni ila ka thut tir duh hialin ka ring!! Hun pek baka sawi teuh ho hi!!. Bakah then chu subject dang daih, kan kalkhawm chhan nena inmil lo deuh a rawntlak duah te hi ka ngaitheilo!!
May 3rd, 2011 at 5:56 pm
@61 Hv thanks, you save my ass LOL…Bible pawh chu ka rin ai deih in i tih theih khi mawle, Aizawl ka awm laia, Intermidiat kan nih lai vela bible quiz a kan veng tan kan thawh that teh reng nen, englsh zir ka tum na lamah Mizo bible chhiar kan hnut chhiah vek a lawm mawle, wake up call ah ka ngai.. thanks
May 3rd, 2011 at 7:26 pm
Pathian thusawi hi tling leh hria, thate chauh sawi tur a ni lova, tlinglo leh fello chung chung pawha hmangaihna avanga tlinga min pawmtu thu sawi dawn hian; kan tlinloh leh inbuatsaih thatloh thu vel sawi duah erawh a tul lemlo.
A tha khawp mai. Tihdan phung tha zir leh hriat nan a tangkai khawp ang le.
May 3rd, 2011 at 8:48 pm
@61 HV : I tidik ka sawi zawk hi chu a ngaihdam loh tur zawk a ni ka sawi ni, thlarau thianghlim sawichhiate erawh chu ngaihdam an ni tawp lovang a tih kha. Tin, hre reng chunga tisual te chuan an lu chungah meiling an chhek khawm tih te a awm kha mawle. Ka hnial hauh lo i thil rawn sawi hi
May 4th, 2011 at 7:40 am
Goihkhama #68 ringtu lo ni zel rawh khai hairehai
May 4th, 2011 at 7:47 am
#69 HV : Ringtu mai nilove, a thu zawm a pawmtu ngat le..
August 8th, 2013 at 10:08 am
Goikhama, i la awm em?