Tunlai post hi sawi ho luih luih tur a tam lo riau in ka hria, chuvangin hei hi ka’n post ve mai teh ang…
AWMLAI tih thu hi he site ah hian in sawi fo tawh ka ring a, mahse i’n sawi ho leh teh reng ang u. Tunlai hian mitthi thenkhat thihchhan sawi nan hman a ni thin a. Mitthi ah pawh tar thi kan tih, kum upa te, natna em em pawh nei lova thi mai te sawi nan hman thin a ni a, mitthi chanchin ziak naah an ziak thin.
Hei hi a dik lo ka ti a, awmlai hi chu hla thu tawngkam (poetic word an tih) a ni a, thihna hrim hrim sawi nan hman a ni. Chuvangin mi kum engzat pawh nise eng vang pawhin thi se a thihna sawi nan awmlai tih hian a huam vek mai a ni. Thihchhan ah awmlai a awm thei lo, ti ila…. (a thih chhan : Thihna. ti a sawi duh pawl kan la awm leh maithei a, mahse mizo tawng ah chuan a dik lo a ni.)
Eng pawhnise kan thu tlukna tlangpui chu ” kan hriatthiam chuan a tawk” tih a ni deuh fo mai a, a dik leh dik loh ai chuan kan hriatthiam leh hriatthiam loh lam ngai pawimawh zawk kan tam tlat thin.
Le .. i han sawi ho ang u hmiang….. (thenkhat chuan ….i han sawi ho ila… an ti leh ang chu.. he he …)
Similar Posts:
- AWMLAI
- Mizo ṭawng ṭhenkhat
- Ve mai mai… Sap ram bawk chu
- Mizo nuna MAKPA te mawhphurhna
- Ngah Vrs Nei Ngah
February 9th, 2011 at 7:13 am
Cable TV a “Zualko: Pi Thaduhi kum 88. Thih chhan:Awmlai, tih awmzia ka zawhin mi pakhat chuan “Awmlai chu tar thi sawina ani e”, ati a. Ka lo pawm mai a. A lo ni lo anih chuan “Thih chhan: Hriat loh” tia ziah mai chi a va ni awm ve? Tute mah thih chhan awm lovin an thi si lova. tar pawh thih chhan an nei tho.
Report this comment
February 9th, 2011 at 7:34 am
Media lam hian ‘awmlai’ hi an hmang sual ve fo mai a, chuvang chuan mipui lam pawh hi kan chiang ta lo a ni. Tam takin ‘tar thi’ tihna emaw an ti ta tlat!
Mizote’n thihna hi mi an thih chhan azirin chi hrang hrangin an sawi thin a, eg., awmlai, sarthi, zachhamlak.
Natna/damlohna avanga thite chu an upa emaw naupang emaw ‘awmlai’-a thi an ti vek niin ka hria. Tunlaia ‘tar thi’ sawi nan deuh chauhva kan hmang thin hi a fuh chiah awm e.
Report this comment
February 9th, 2011 at 7:39 am
Correction: ‘tar thi’ sawi nan deuh chauhva kan hmang hi a fuh chiah lo ve.
(ka edit thei tlat lo alawm le)
Report this comment
February 9th, 2011 at 7:48 am
James Dokhuma chuan ‘Tlâng hri lëng, natna lam chi rëng rëng’ a ti. Tlat maia.
‘Kokar’ hi chetsual avanga thi sawi nana hman a ni bawk.
Report this comment
February 9th, 2011 at 7:53 am
Thumal, ‘Awmlai’tih hi thih chhan angah hmang an awm i tihna elaw?!!!
Awmlai = Thihna
Tlang hri = hritlang/awmna etc
Report this comment
February 9th, 2011 at 7:53 am
Natna avang hrim hrima thi sawina a nih chu, awmlai hi. Tunlaiah a awmze letling thawkah kan hmang a ni ber.
Tin, comment 2-naa mi, ‘za chham lak’ khi a la hre ngai lo tan, nat lawk awm lova thi thut, lungphuchawla thi ang chi sawina a ni. Hei hi kan ti ‘awmlai’ khawp mai.
Bucko, post tha lutuk!
Report this comment
February 9th, 2011 at 7:55 am
#6 hi a dik ang, #5 ah khian ka type ka delete palh, ka edit theilo nghal tawp ggrrrrr thihna/dam lohna nei* tih tur a ni.
TS mahse, Zachhamlak hi ka hre ngailo nangin Sarthi hi ani lawm ni, nat lawkna nei lova thi eg: accident.
Report this comment
February 9th, 2011 at 7:57 am
Sarthi leh natna langsar tih loh chu awmlai an ti mai lawm ni?
Awithangpa paw’n a fa thi sawinan pawh awmlai chu a hman tho kha maw!
Zachhamlak tih pawh hi thi thut sawina(sarthi ni lem lo ) a ni awm e.
Report this comment
February 9th, 2011 at 7:59 am
An thih chuan “awmlai” ni lovin “awmlolai” zawk anni lawng maw?
Report this comment
February 9th, 2011 at 8:02 am
Za chham lak :- Kan pipute khan nikhatah mi 100 an thi thin niin an ring a. Chuvangin ‘thi thut’ ho hi 100 tlin lohna hnawhkhattu/titlingtu ni turin an ring a, tichuan ‘za chham lak’ an ti ta a ni awm e.
Report this comment
February 9th, 2011 at 8:02 am
Pu Hv, i tidik ang. Sarthi leh kokar avanga thi sawi hran chi a ni pek lo. Kokar avanga thi hi sarthi a ni. A awmzia chu, eng accident emawa thi hi a ni mai.
Report this comment
February 9th, 2011 at 8:14 am
OT: Nagaland CM chenna a kang a mi? Hrechiang in awm em aw?
Sarthi leh Raicheh nilo, natna eng eng emaw vanga boral hi “awmlai” chu niberin ka hria e.
Report this comment
February 9th, 2011 at 8:44 am
awmlia tih chuan thihna zawng2 a huam vek ang. Mahse awmlai han tih ngawt hi chuan tarthi emaw thihchhan em em nei lem lo a thi a kawk deuh bik a va ang ve mawle. Tlang hrileng mi tamtak in an thihphah poh awmlai tih tho tur a a ang ka ti. Thumal pakhat awmze tamtak nei a ni. Ka hmuh ve dan chuan. (lu met pawh sam met kan tih tawh hi mawle tawng hi a thang danglam ve reng a bawk a. Sawi dan thar kha a diklo a ni chuang lo a thar a ni mai)
Report this comment
February 9th, 2011 at 8:49 am
#10. A dik
Report this comment
February 9th, 2011 at 8:56 am
E mi an thih reng reng te chuan lungphuchawl emaw ka lo zel mai a sin. lols, Tak takin awmlai kan hman dan hi chu engtin emaw chuan kan tih angai a ni, thang lo thar zel tur te tan hian….. @10
Report this comment
February 9th, 2011 at 9:21 am
‘Awmlai’chuan thihna zawng zawng chu a huam ngeia, mahse hla thu ni lemlo ah chuan ‘Kokar’ nen hian an hmanna a hran deuh ni in a lang.Chetsualna/accident hi chu ‘Awmlai’ an ti ngai lo. awmlai tih hian chuan tlang hrileng leh hri hlauhawm lam hi an kawh tir deuh ber thin.
Report this comment
February 9th, 2011 at 9:25 am
Thihna hrim hrim sawi nan AWMLAI ni dawn ta se, “sar thi” kan tih pawh hi a huam tel elo maw? Mi min hrilh dan nen nen chuan a dang leh ta! KOKAR in rawn tih hi ka hriat ve vawikhatna, ka hlawkpui hle mai!
Report this comment
February 9th, 2011 at 9:37 am
sarthi leh raichel tel lo in!
Report this comment
February 9th, 2011 at 10:01 am
‘Kokar’ hi ka vawikhat hriatna ve tho !
Awmlai hi hla-thu (poetic word) a ni kher lo !
Tawng tlanglawnah chuan ‘awmlaiin a thi (natural death)’ an ti tho! Chawnghilha sawi ang hian sar-thi, raicheh leh hlamzuih hi chu awmlai hian a huam lovang.
Hla thu a hman a nih dawn chuan awmlai hi mihring ang a sawi a ni fo thin.. Eg: Awmlai lianin ka chun-nu banah a kai, Awmlai nunrawng lo hrangin ka hrai duhlai rihsang mual a liam pui ta.etc etc. te an ti bawk a. Pu Rokunga chuan “Awmlai vei leh lusun fate chantawk hi dawn ve teh, hnutiang mual liam hnu ngaiin an tap e” te a ti bawk a. Hetah hi chuan awmlai hi a vei tir ta zawk a, a nalh phian zaw mah in ka hria!
Report this comment
February 9th, 2011 at 10:17 am
Thuthar: Tûkin khân Aizawl Republic Vengah pitar kum 65 mi chu an bathlàrah inâwkhluma hmuh a ni.
Report this comment
February 9th, 2011 at 10:21 am
khai lee..tuaite ,tak2 me a??
Report this comment
February 9th, 2011 at 10:22 am
Awmlai chu kan sawi dik tlangpui, sarthi ni lo hi a ni. Tin, kan sawi zinga ka helh deuh chu tlanghri tih chungchang hi a ni. Tlanghri tih hian a case a lian ngai lem lo, thihpui tham anga sawi a ni ngai lem lo thihpui ang chi hi chu ‘hri’ ti a sawi a ni kher, hripui ti paw’n. Tlanghri leng kan tih hian natna serious a ni lo ve.
Awmlai hi poetical word a ni dang lo ve.
Report this comment
February 9th, 2011 at 10:22 am
Awmlai tih hi ka lo hriat ve dan chuan, thihchhan natna em em bik pawh nei lova tarthi ang te, leh thi sawina atan an hmang thin in ka lo hre ve asin
Report this comment
February 9th, 2011 at 10:25 am
AWMLAI te chu Natna bik sawifak tur awmlo/thihchhan cancer,Lungna etc tih ang a, sawitur awmlo sawina hi ani….
Report this comment
February 9th, 2011 at 10:27 am
@Trawta: April ni 1 a nih loh hi….
Report this comment
February 9th, 2011 at 10:29 am
Ka sawi tur zawng zawng in sawi zo vek tawh! Sawi tur ka nei ve tawh lo. Mahse ‘kokar’ hi ka lo la hre ngai miah lo zu nia
Report this comment
February 9th, 2011 at 10:34 am
Tuaite,nimina i rawn post hit lutuk ngaihtuah chuan,tuna i rawn sawi pawh kha chhunzawmnaah ka lo ngai hman threlh lawm..
Report this comment
February 9th, 2011 at 10:37 am
Kum 65 maw inawk hlum ava mak ve aaaa…..
Report this comment
February 9th, 2011 at 10:38 am
Mizo Hnam Dan (Mizo Customary Law) Published by Law & Judicial Department, Government of Mizoram. 1st Edition 2006. As published in the Mizoram Gazette Extra Ordinary No. Vol. XXXIV Aizawl Wednesday 6.4.2005 Chaitra 16, S.E. 1927 Issue No 66. Bung – 10 Chang 155 ah chuan heti hian a in ziak:
THIHNA CHI HRANG HRANG:
1) Awmlai (Natna avanga thi)
2) Sarthi (Tawhsual tawka thi)
3) Raicheh (Nau chunga thi)
4) Zachhamlak ( Nat lawk awm lova thi)
5) Hlamzuih [Nausen thla thum (ni 90) tling lova thi
Hrechiang duh tan : http://centralyma.org.in/ymach.....page_id=49
Report this comment
February 9th, 2011 at 10:54 am
Nimina ka post kha ka comment thei miah lo nia.
Pitar inawkhlum chu hnamhruiin a lo inkhai a ni àwm e. A tu leh fate an fel lutuk an ti bawk si a, mak ka tih a zual.
He thihna hi eng thihna nge ni ang? Za chham lak nge sar thi?
Report this comment
February 9th, 2011 at 11:05 am
Keipawh january fiamthu kha ka comment thei miah lo!
Report this comment
February 9th, 2011 at 11:07 am
Mitthi te hi chu hnukchat tuarloa thi ti ila tunge diklo ti thei? Inhnialna omlo ang. Hnukchat dam luau an om poh kan hre ngai bok silo a…
Report this comment
February 9th, 2011 at 11:39 am
In han sawihona ka lo en a, ka hriat dân a lo dik ve khiah mai! Ka lawm e.
Doctor pakhat min hrilh dân chuan, mi chu eng ang natna a nâ pawh ni se, a hnuk chhattu, a thihpui tak hi chu Khawsik a ni zel zu tia, in awih emaw.
Report this comment
February 9th, 2011 at 11:43 am
#32 hnukchat an tuar lo nge an hnukin an natna a tuar lo? lolz
Report this comment
February 9th, 2011 at 11:51 am
Vakul: Ka hre toh biklo chutiang.
Mahse Hnukin natna a tuarlo tih ngawt chu natna nei manglo a thi an om ve tho bok sia.
Lunphu chawl ti mai ila ni mai.
Report this comment
February 9th, 2011 at 12:05 pm
hnuk meuh chat tur hi chu a na vek. pawn lamah a lang lo chau mai zawk a then hi chu
Report this comment
February 9th, 2011 at 12:05 pm
Pi Pu te’n ‘Awmlai Thi” an tih hi chu Natna tlanglawn,Sarthi te ni lo a thi hi a ni a.Zotawng Dictionary, Pu.R.K.Ngurchhawna,Rev.Z.T.Sangkhuma,leh Upa Lalzuia te inziah tawmah hi chuan,’Tlang hrileng vang a thi’ angin an hrilhfiah a.Mahse, dikhlel deuh em aw..ka ti a.Natna khirh bik ni lemlo a thi sawinan a hman niin ka hria.
Report this comment
February 9th, 2011 at 12:52 pm
Tuaitea inawkhlum rawn sawi khi hrechiang deuh kn awm em? Kan awm chuan han sawi chhunzawm teh u.
Report this comment
February 9th, 2011 at 1:12 pm
Awmlai tih hi thihna hrimhrim/thi sawina emaw ka lo ti ve ngar ngar a, thih chhan : ‘Awmlai’ an tih te hian an ti dik lo ni hmiang te ka lo ti vel, mahse in han sawi takah chuan ka nghing ta riau mai.
Report this comment
February 9th, 2011 at 1:54 pm
“Awmlai” hi thihna sawina a ni. “Awmlai lunglian lo hrang e” tih hian thihna tawhphawt a huam. Mahse, tunlaiah thihchhan kan puan/tar tak zel avangin, a chhan sawi tur hriat si loha thi (tar thite) sawi nan kan hmang.
Thalai annih chuan ‘lungphu chawl’…
Report this comment
February 9th, 2011 at 2:08 pm
Awmlai han tih hi chuan damlo, chhungte pawhin an enkawl (awmlai mek) thi ta sawinaah keichuan ka ngai mai.
Report this comment
February 9th, 2011 at 2:09 pm
@Pimpom: Republic Veng mi leh sa an awm chuan an hrechiang ang.
Report this comment
February 9th, 2011 at 2:13 pm
Ka va hre lo e..
Report this comment
February 9th, 2011 at 3:48 pm
A van hlauhom hlom ve aa….. Awmlai liani hringnun par mawi a thlaik ta si…
Report this comment
February 9th, 2011 at 10:41 pm
Buai ve theih tak a lo ni….. khawvel hi… ka post lo chhuah pawh ka hre hman leh ta pek lo…..
hman ve hun han sawi ve leh mai ang aw….
Nia #40 a kawlhawk sawi ang hian thihna hrim2( thih chhan eng pawh nise) hi AWMLAI a ni. Hla thu tawngkam bik a ni lo ti tute khan in ti sual lo, mahse awmlai hi thihna ah pawh natna tlanglawn deuh lah tawrh deuh (rei) hnu a thi te sawina ni lovin, Accident/natna/hlamzuih/raicheh/tar thi/sarthi… eng pawh nise AWMLAI vek a ni e. tih hi ka sawi tum ber a ni…
Report this comment