(Goihkhama post hmasa ka comment tumna a sei lutuk avangin post thar ka rawn siam ve ngawt :-) )
TLAWMNGAI tih hi adjective ang a hman a ni a, TLAWMLA ve thung hi chu adjective a hman a rem thei in ka hre lo. Tlawmla (la) hi verb a nih tlat avangin. ”A tlawmngai lutuk a” tih a rem em em lai in “A tlawmla lutuk a” tih chu a ulh tlat. “Tlawmah a la a” tih erawh chu a dik ang.
Thumal reng reng hi kan hmanna hmun leh hun a zir zel in a danglam thei. Ka thiannu pakhatin “LUTUK tih kan hman dan hi a dik lo, LUTUK tih chu thil a nih tur ai a nasa/uchuak sawina a ni a, chuvangin ‘A hmeltha lutuk’ te tih loh tur, ’A hmeltha em em’ emaw, ‘A hmeltha ngawih ngawih’ emaw tih zawk tur” a ti. Pu Vanneihtluanga sawi a hriat a ni awm e.
Tawng dang tamtakah pawh thumal pakhat in awmze chi hrang hrang a nei thei tih kan hria. Mizotawng tluk a thumal pakhatin awmzia a neih tam theihna tawng hi a vâng khawp in ka ring. Chuti chung si chuan engvanginnge thumal thenkhat hi awmze pakhat chauh neih tir tum a kan tan tung bik thin le? ” A hmeltha lutuk” kan tih chuan a hmelthat zia kan sawi uarna a ni mai a, tawngkam uchuak kan hmang tihna a ni kher lo. LUTUK tih hi chi khat ai a tam in a hman theih a, kan hmanna a zirin thil uchuak sawina a nih leh nih loh kan hrethiam vek.
Hmanlai English leh tunlai English danglam tawh zia pawh kan hre awm e. Engtirna tamtak zing a pakhat; FRIENDLY tih te hi tunhma chuan adverb ang chauh a hman a ni a, Tuin emaw hmanlai a hman dan a nih avangin adjective in hmang duh ta tlat lo se thildik a ni ber chuang lovang. Tawng hi a in thlak reng avang in a dik zawk leh a dik lo zawk chiang tak a sawi theih loh hun hi a awm fo. Tawng hi dik tak leh uluk tak a hman a tul/that rual rual hian, hun a in her danglam ang zel a tawng in her danglam ve zel hi kan pawm thiam a tul ve thei bawk. Kan thlahtu te kum 150 kal ta a thi te kha vawiinah hian lo tho leh in kan zingah han tawng chiah se, an thusawi hriatthiam loh kan ngah in kan thusawi pawh hriatthiam loh an ngah khawp in a rinawm.
Entirna pakhat post hmasa a comment atangin han sawi lang leh i la. Mi thenkhat in LU MET tih hi Mizotawng diktak a ni a, SAM MET tih hman a dik loh zia an sawi fo/chiam thin. Kei ngei pawh in LU MET tih hi ka hriat dan a ni. Mahse! kan ti leh teh ang; Tawng reng reng hi a in thlak danglam reng a, A dik lo zawk a ni emaw, awmze dik lo va kan hmang emaw a nih chuan kan lo hman thin dan vawn ngheh tlut ringawt pawh a dik chuang bik dawn em ni? LU MET ti a sawi an awm pawh in hmanlai atang a kan hman dan a nih tlat avangin an hmang zui a ni mai a. Tin, SAM MET ti a hmang an lo awm pawh in kan MEH kha SAM a nih tlat avangin enge a dikloh bikna?
Ka hriat ve theih chinah TLAWMNGAI tih hi LUTUK tih ang thovin chikhat chauh lova hman a ni thin. An hmanna a zirin a awmziaah ka buai ngai lo. Tuna mi tamtakin THLAWMNGAI tih kan hman dan hi thangtharten hman dan an thlak ta nge, hmanlai atang pawh in awmze hrangin an lo hmang reng zawk? Nge mi thenkhatin TLAWMNGAI tih hian awmze pakhat chauh a nei thin rêng EMAW an tih mai mai zawk avangin awmze dang a hmang te an sawisel ta ringawt tih hi chhut tham a ni. Kan zingah ” Hmanlai chuan TLAWMNGAI tih hi chi khat chauhin an hmang thin a, thangthar kum 19?? vel atang khan a dik lo vin an hmang tan ta” ti thei kan awm em?
“Ka thianpa in tanpui a mamawh em em a, mahse tanpui ngai nih kha a TLAWMNGAI tlat a” tih chu;
“Ka thianpa in tanpui a mamawh em em a, mahse tanpui ngai nih kha a TLAWMLA tlat a” tih ai chuan a tluang zaih mai.
Heta TLAWMNGAI tih hian TLAWMNGAIHNA, mite tan a inpekna leh in huamna lam a kawk lo vin mi tanpui nih kha TLAWMAH A LA tihna a ni tih kan hrethiam vek awm e. ( TLAWMLA ni lovin). Chuvangin TLAWMNGAI tih hi chi khat chauh lovin, awmze hrang in a hman theih tihna a ni mai lawm ni?
Nangni thil hre tak tak ho khan ngun tak a post chhiar hmasa in in ngaihdan han sawi ve diat diat teh un 
Similar Posts:
- Tlawmngai nge Tlawmla?
- Mizo tawng ve reng a ni.
- Hai ang tho r’u “Tlawmngai Val rual”
- Veikhawr vs Veidak
- Mizo tawng thluk dik
April 3rd, 2011 at 6:14 am
elcee, i thil post hi a dik lutuk (Y)
April 3rd, 2011 at 6:20 am
Ka dum vang niloin,ka var uar
April 3rd, 2011 at 7:00 am
Tlawmngai leh tlawmla hi awmze hrang nei a ni a. Tunhnai a phuah hran nilo in tunhma atanga hman thin zawk a ni. Tlawmla tih hmanna tura tlawmngai tih hman hi tun hnaia kan phuah chawp mai mai zawk a ni e.
April 3rd, 2011 at 7:15 am
Tlawmngai hmanna hi a tlangpui thuin thu positive lam sawina ani a, mahse tlawmla ang zawng pawhin a hman ve theih tho mai. Tlawmla erawh chu negative lam atan a hman a ni tlangpui.
Entirna thenkhat:
a. Thanga chu mi tlawmngai tak a ni
b. Min sualrawn khanglang kha chu ka thangtlawm chiang kher mai. Hetah hian an sualrawn kha a Tlawmlak/Tlawmla a ni.
Hmeltha sawi nan hian hmeichhe lamah chuan, i sawi ang khian LUTUK hman chuan a kawtlai tawng (street) riau. “A hmeltha riau asin,” han tih te hian kan sawia kha a ti feminine riauin ka hria, ngaihno abêi duh hmel ka ti (chuai nei).
LUMEH/LUMET erawh chu mipa lam sawina niin SAMMET erawh feminine anga hman thin ni ngeiin ka hria. A awmzia inang thei tho mahse, Cologne leh perfume ang deuhin feminine leh masculine thil hi a awm hrang ve zel ania. Hmeichhia an inchei laiin mipa te rawhin thuam kan ha/inbel thin.
Men don’t wear dresses, men wear clothings. Among men, only homosexual men and cross dressers wear dresses!
April 3rd, 2011 at 8:13 am
Pu HV ‘thangtlawm’ hi hmingchhia emaw hminghliau emaw lam sawina lam ni turah ka lo ngai a, entirnan “Chutiangin mi tanpuina te va dil reng reng suh a thangtlawm thlak lutuk” tih ang chi te, “mahni leh mahni i inti thangtlawm mai mai a ni” tih ang lampang, ka sawi fiah thiam chiah lo.
April 3rd, 2011 at 8:31 am
Pi elcee meuhin a rawn sawi ta hluai mai, a vei ve ngang a nih hi, a lawmawm khawp mai.
LU MET/SAM MET chungchangah hi chu MET tih lai tak hi i hriat sual a nih hmel. Tin, HV hmeichhe/mipa sawina lamah a hrang chuang lo. Mipain lu kan met a, hmeiin sam an tan thung. MET hi a kawr tih bo tihna tluk a ni. Mau kan meh chuan a kawr hring, a na lai kha kan met a, a mau kha kan tan ngai lo. Chutiang chiah chu a ni e. Lu kan met a nih chuan lu a awm sam kha kan paih tihna tluk a ni e.
LUTUK leh TLAWM LA chungchang hi chu ka tawmpui viau. Ka sawi tam hman tawh lo, inkhawm a ngai, nakinah ka chhunzawm leh dawn nia.
April 3rd, 2011 at 8:36 am
Ka ngaihdan: Lumet tih hi atlangpui thuin mipa lamah kan hmang thina mahse hmeichhiaah pawn kan hmang ve thei tlatin ka hria. Entirnan- Khawtlangin a lu an metkawlh te pawh a tih ve thei…Sammet tih aiin Samtan tih hi hmeichhiaten an hmang thin. Hmeichhiaten Puan an bih thina mipaten puan kan veng thin.
April 3rd, 2011 at 8:45 am
Met chu tawi tea tan (hmul lam bikah) a nih dawn chu. Hmeichhe sam pawh an mehkawlh chuan a tawi hle tihna,a tawi loh chuan ‘tan’ tih tur a niang, beram hmul pawh an met thin chutiang bawkin hmuihmul pawh.
April 3rd, 2011 at 9:20 am
muante #6 ka lawm e (Y) 🙂
triplestar, Thangtlawm chu Darlawn tlangdungah sawn an la hmang uar khawp mai. Insual naa an chakloh te hian, “Ka thangtlawm,” an ti 🙂
April 3rd, 2011 at 9:38 am
In va peih mai2 e….. (Y) 😀 🙂 . Hmun hnih a hman theih a nih na hi tawng a lo hausakna tur a ni mai ah ka ngai.
Sam mah/ lu meh: a sawi tum a ain ang reng.
Tlawmngai/ tlawmla : tlawmla tih reng ai chuan thil dang atang pawn a sawi theih tawh kan tawng cu a hausa sawt ni mai.
Minu/ hmeichhia tih pawh hian a ti hausa.
😀 😀
April 3rd, 2011 at 10:51 am
#10, ‘Sam meh/lu meh’ a in ang hlei nem. Samah hi chuan meh leh tur a awm tawh chuang lo.lu met a nih chuan, Lua thil to (sam)hi kan met fai tihna a ni a, samah hi chuan thil to a awm tawh chuang lo va, samah hian MEH tur a awm ve tawh lo. Mahse ZIAT kan tih dawn chuan sam chu a ziah theih awm e; hmuihmul te, khabe hmul te kan ziat theih si a. Alu kan met nge, alu kawr kan met? kan met a nih dawn chuan alu chauh a ni kan meh ni.Tlawmla leh tlawmngai hi chu inanglo tur niawm tak a ni.
April 3rd, 2011 at 11:22 am
Inhnialna lo turah ka rin aiin in inhnial peih. Ho deuh emaw ka lo ti ve char char a.. A hre dik lote’n an hriat dik loh ang anga an tanpui tlat thin hian thudik a tibo thin. Keimahni aia hria an awm chuan ‘e’ tia zawma pawm mai tur. Post tha e. (Y)
April 3rd, 2011 at 12:37 pm
“its a phase in the civilisation of a young race”, ti ila a fel mai.
…khrum
April 3rd, 2011 at 12:52 pm
He Post leh comment te hi a thra bawn tawp!
Heta bawn pawh hi tawng chher thar niin a lang.
April 3rd, 2011 at 1:01 pm
Muantea@6! Met tih awmzia ka lo hresual a nih dawn tak hi I sawifiah tha e (Y) LU MET tih kan hmang dawn a nih chuan sam tawi deuh sa ( eg mipa sam ) sawinan a hman chu a dik bik dawn a nih chu.
TuaiSialA @ 12 ! Tawng hman dik chungchang a ngaihdan sawi vel hi ho ka lem lo. Mihring kan in ang lo ang bawk in ho tih zawng a in ang lovah ngai mai ang aw 🙂
April 3rd, 2011 at 1:04 pm
comment ve ka tum a mahse ka tlawmngai/tlawmla tlat…. hehe
April 3rd, 2011 at 1:17 pm
@saitawka sawi hi dik chiah……bawn tih hi phal loh ni ta tlat se a dik lo, turu, tih zawk tur ti ta tlat se chumi nen chuan a in ang reng……….
NGaihzawng/chhass/bialnu/bialpa/chhai-lai Di…a in ang vek, a enge maw ber a hi a diklo ti ta tlat se chutiang nen chuan in ang chiah 🙂 🙂
Upa deuhin tlawmla an tia nga thalai deuh in tlawmngai, tunlaiah chuan chhass nilo sawi dan dang poh a awm tawh mai thei…….pom loh sak ngot poh a dik lo…..
April 3rd, 2011 at 1:22 pm
@malsta27 îŸ (Y)
cHiNgPeN @ 16! He post comment hi tlawmngaiha lak chi a ni lo va,  tlawm a lak tlatna chi  a ni hek lo 😀 Kan inbual lawk î„¿
April 3rd, 2011 at 2:01 pm
Hei hi kan hriat theuh a tha awm e. Tlawmngai leh tlawmla tihhi verb ah pawh a hman theih a ni. A chhan in angin Mizoram ah chuan an hmang a, mahse Burma mizote hman danah chuan tlawmngai leh tlawmla hi a chhan a dang a ni. Pi Lalremtluangi ten rawngbawla Tahan an tlawh tum khan Apasal sermon ah khan“ka tlawmngai tlat“ a tih kha Mizoram la zinlote tan chuan an hrethiam lo a, mahse tlawmla a tihna a ni a.
Mizoram hmandan:
Ka tlawmngai/tlawmla (Verb). ( a chhan a in ang.)
A ni chu a tlawmgai/tlawmla (adjective). ( a chhan a in ang)
Burma Mizote hmandan ah chuan Tlawmngaihna ( N), tlawmngai (V,Adj). A awmzia chu ; A ni chu tlawmngaihna a nei. A tlawmngai, A ni chu a tlawmngai. A chhanhi a in ang vek a ni. ( tlawmla tihnen chuan a chhan a in ang lo tihna a ni)
Hriatsualte leh ziahsual awm chuan min ngiahthiam ula, ka lo hriat ve dan a ni e.
Burma a zinte chuan tlawmngai leh tlawmla hi a chhan inangin va hman pawlh lo thei ula, Mizorama zinte erawh chuan ka hmandan a zirin a hmanpawlh theih a ni.
April 3rd, 2011 at 2:34 pm
Hmanah, thingtlang khaw pakhata khual ka chan laiin, kan khaw nula hmeltha tia an sawiin min ngaizawng ve mial a. Chutah, an khaw tlangval – chu nula lo buaipui mmtu chuan, zan khat chu dawr kawnah min han cho tehreng a. Kei aia mawl, hmelchhe zawk leh tharumah pawh min khan lo tur tih hriat ngawih2in khawtual mi anih vanga khatianga min han cho ta kha… Kei lah, khual val mai ka ni si. Khami tum khan ka tlawmngai miah lo, ka tlawmla takzet a ni.
Hman atang tawhin – Tlawmngai leh Tlawmla hi a hmanna hrang a awm thlipthlep tih i theihnghilh lo hram ang u. Khawvel nun leh kalphung danglam tak vanga hman pawlh chi a ni lo. A hmanna tur bik a awm chiang e.
Lu met/ Sam met : Mak ka tih mm chu hmanlai mizo pa ho/ pasaltha ho te kha nu ho sam chen, a ziala zial tham, sam sei tak2 pu anni vek si a, engvanga “lu met” lo titlat nge maw annih le? Engpawh nise, tunlai korean thlipuiin min nuai tak hnu phei hi chuan, mipa hi lu met tura tih bik tur pawh anni lo. Mipa sam tan an tam tawh em mai.
Chuvangin, hmeichhia changin sam an tan tawh lo a, mipa-in “sam ka tan dawn” an tih pawhin tawng dik lo hmangah puh mai tawh loh tur. Chutih rualin, “Sam met” tih erawh a dik thei lo hulhual thung.
April 3rd, 2011 at 2:43 pm
Nia, bengvar in duh chuan “@19 maipawl” khi pu rawh u. 😀
April 3rd, 2011 at 3:17 pm
Maipawl @19! Tlawmngai tih hi verb ang a a hman theih dan tur hi ka hrechhuak zo lo va, Tlawmla tih pawh hi adjective a hman a inhmeh hlawl lo ka ti ve tlat!
“I lo tlawmngai thei em?” tih pawh hi “Tlawmngaihna rilru i lo pu thei em” tihna tho a ni. Tin “A chak lo zawk a a tang kha a tlawmla a” tih hi a dik thei ngang in ka hre lo “Tlawmah a la a” tih erawh chu a dik. Verb hi adjective tir tum tlat chuan a ulh tlat!
Tlawmngai tih chu verb ang in sentense han siam chhin u la, Tlawmla chu adjective angin han siam chhin bawk u la, a dik thei dawn em tih kan lo chhut ve ang (*)
Tin, Kum 30 +…………….ka lo dam ve tawh chhung hian TLAWMLA tih hi adjective ang a hmang/ a hman theih ti a sawi tu hi hmanni a post hmasa ka chhiar hma khan ka la hre ngai miah lo. TLAWMA LA/LAK erawh chu ka hre thin.
ka chhiar hma khan
April 3rd, 2011 at 3:25 pm
“A mi tih dan chu! A va’n tlawmla ve aw!” (Y)
April 3rd, 2011 at 3:30 pm
ZerO chi rin ai in a lo thiam daih mai :-O :-O
April 3rd, 2011 at 3:37 pm
kei pawh 20+ ni tawh chung hian tlawmla tih hi vawite khat mah ka tawngah ka la hmang miah lo..paih mai ang u..a tangkai lo aniang!! 😀
April 3rd, 2011 at 3:40 pm
nia paih mai ang u 😛 ..sirah hnawl e ti mai ang u 😀
April 3rd, 2011 at 3:43 pm
Fonztea’n rem a tih chuan kan paih nghal ang. A tel lo pawhin kan awm thei, inhnialna a titam mai2 :p
April 3rd, 2011 at 3:51 pm
Kei pawh 18+ ka la inti fan. Kan veng ka thlen hunah ‘Au’ ka ti thau thau ang. (Y)
April 3rd, 2011 at 3:56 pm
(Y)
April 3rd, 2011 at 4:01 pm
Tlawmngaihna tih erawh hi chu paih lo ila, hmang fimkhur deuh ila..
Hmani khan Bus-ah pitar pakhat thutna ka kian a, ka bul a putar pakhat chuan ‘tunlai ah hi chuan i manner tha ang kha hmuh tur a vang tawh khawp mai’ a rawn ti a.. :-$
Manner tha nazawng hi tlawmngaihna a ni lem lo.
April 3rd, 2011 at 4:11 pm
ka comment thiam vak lo na chu, a tha khawp mai,keipawn inzir nan ka lo hmang ang e.
April 3rd, 2011 at 5:00 pm
ka lo sawi ve mai mai, tlawm a la tih hi a dik lo ka ti lo, tlawmla tih pawh hi a hmanna a awm khawp asin. Entirnan: ‘A mi lo sawi dan chu a, ka tlawmla ve khawp mai’ (H)
tlawm a la tih leh tlawmla tih hi awmze in ang, hman hun a zir a ziah dan hrang mai ani e
April 3rd, 2011 at 5:08 pm
@20 kawlhawk : i thusawi khi ka tawmpui thlap che
tawng hi kan uluk loh chuan a thi mai ang, thangthar tawng diklo ka hriat zinga langsar leh pakhat chu ‘ Kan huanah kan feh a, khanghu kan lo’ te an ti mai mai, khanghu hi kan veh thin a, buh hi kan at a, bal kan ling bawk a, a tam mai ka sawi vek seng lo
Linglet tih leh letling tih pawh hi Pu J.F a kha chuan Linglet hi letling ai chuan a letling fe lo maw a tih kha 🙂
April 3rd, 2011 at 5:16 pm
Lu met tih leh Sam met tih pawh hi Pu B. Lalthlengliana kha chuan awlsam te in ‘Sam chu i chep chhum a Lumet i ni zawk’ a tih kha 🙂
April 3rd, 2011 at 6:18 pm
lumêt hi thumal khat ani e.
April 3rd, 2011 at 7:07 pm
“Tlawmmak-ah Vanzema a thi” an tih hi “Tlawmla” thumal rawn chhuahna niin ka hria. A tawngbul takah chuan Tlawmla kan tih hi “Tlawmmak” tih ni zawk awm tak a ni.
Tlawmla tih leh Tlawmngai tihah hian inhnial fe theih a ni awm e. Inhnial ni ta ila ka tanna lam tur chu TLAWMLA.Mahse kan hman dan azira dik ve ve an nih avang hian ka pawm ve ve thei.
Kan Mizo TLAWMNGAIHNA hian awmze dang, tawmpuitu hming, a awmzia leh a kawh dang si neilo se ka ti. Chumi avang chuan kei chuan TLAWMLA hi ka hmang thin. Tlawmngai ti a hmangten an hmang diklo chu ka ti ngam chuang hauhlo.
April 3rd, 2011 at 7:33 pm
Jewel nula luck lo hian kum 40 anih hunah pasal ala neih loh chuan ka “Tlawmngai” a nga, nupuiah ka nei mai ang, he ka thusawi hi Rempy hian hmeichhe hmusit na ti in “tlawmah” lo la suh se …eh !!!
ka ejample hmanah khian a dik em? 😛 😀
April 3rd, 2011 at 7:51 pm
kan va sawi ngun tawh ve…mipain lu kan met a…hmeichhiain sam an tan..hmeichhe sam pawh a meh theih a….a tihdan chu an sawi tawh khi…
Tlawmngai leh tlawm la (heta tlawm tih hi adjective a ni a…la hi verb..chuvangin ziak zawm ngai loh tur) chungchang hi..tlawmngaihna chuan phut let a nei lova..mi a tlawmngaih chuan mahni inphah hniamna nen..tlawm taka inngaiin thil a ti thin..tlawm la hi chu…chapona avanga lo awm a ni…mi lakah tlawm ( chan chhe chang) nia inhriatna avanga kan chapona rawn lanchhuahna a ni.
Ka sawi hrannaah pawh tlawm tih a awm ve ve a..in hriatthiam ka beisei..mizo tawng chu a har ve e ni..phone atangin a nia..ka ziak tam tawh e mai ka peih tawh lo…
April 3rd, 2011 at 8:07 pm
“Tlawmngai” tih leh ‘Tlawmla’ tih thumal pahnih hi chhim leh hmar ang hlauh an ni….. Mahse tunlai thangthar zingah hi chuan “Tlawmla” tih thumal hian hmun a chang ve meuh tawh lo,…. . Kei pawn “tlawmla tih hmanna turah hian “tlawmngai” tih thumal hi ka hmang ta fo mai….. zia lo haih haih khawp mai….. Post thra hle mai. (Y)
April 3rd, 2011 at 8:11 pm
#37____ Ka u Fonz i entirna khi ka ring mai e….. 😛 😛
April 3rd, 2011 at 8:48 pm
I sawi ho zel teh ang u. Tlawmngai/Tlawmla chungchangah hian @elcee hi ka thlawp tlat mai. ‘A mi han tih dan chu ka tlawmla tlat’ tih ai chuan ‘A mi han tih dan chu tlawmah ka la tlat’ tih ka duh zawk tlat mai. A thu kal dan pawh a mam zaih zawkin ka hria. ‘ A mi han tih dan chu ka tlawmngai tlat mai’ ti a kan lo hmang a nih pawhin kan hmang dik lo em emah ka ngai lo, tlawmngai awmze hnihnaah ka ngai. Mahse ‘tlawmah ka la tlat’ tih hmang ta ila, a chian chu a chiang zawk mah chuan ka hria.
@Seynmizo #36, sawi ang a ‘Tlawmla’ lo chhuahnaah ‘Tlawmmakah Vanzema a thi’ tih erawh hi chu pawm har ka ti viau.
April 3rd, 2011 at 10:06 pm
Mizo tawng dik (standard Mizo language) hi a awm tur a ni. Chumi a awm theih nan chuan, tawngkauchheh dik lo, tawng hman dan dik chiah lo a awm tih kan pawm phawt a ngai a, tawng dik chu engnge tih pawh kan chik a pawimawh. Tichuan, Mizo tawng hi zir tham a ni ve dawn a ni.
Sap tawngah pawh hian, “I have gone” (present perfect) chu Sap tawng dik a ni a, “I has gone” erawh englai pawhin Sap tawng dik a ni ngai lo. Chutiang bawkin, “She is taller than him” tia hmang an awm laiin, “She is taller than he” tih chu Sap tawng dik a ni zawk tho tho. A dik taka hmang thiam hi anmahni Sapho pawhin Sap tawng thiam an ti thin.
A chunga “lu met” tih pawh hi Mizo tawng dikah ngaih a ni. “Sam met” tia hmang an awm fo. An sawi tum kan hrethiam vek. Mahse, “lu met” titu chu Mizo tawng hmang dik zawkah kan ngai tur a ni. Sam alawm kan meh tih ringawt hian a siam dik chuang lo. Zawngtah kan ziat thin. Kan ziah tak chu a pil ni mah se, a pil kengtu zawngtah kha kan ziat angin kan sawi tlat. Serthlum ka vel kan ti bawk. Kan vel tak chu serthlum pil ni mah se, a kengtu serthlum kha kan vel angin kan sawi thin. Huan ka sam kan tih pawhin, kan sam taka chu hnim a ni. Mahse, a awmna kha huan a ni miau va, chuvangin, “Huan ka sam” kan ti tlat. “Lo ka vat” tih te, “Lo ka hal” tihte pawh chutiang bawk a ni.
“Lu ka met” kan tih pawh hian, kan meh chu sam ni mah se, sam tona kha lu a nih tlat avangin, “Lo ka vat” tih ang chiahin, “Lu ka met” kan ti thin a ni. Ka met kawlh vek a nih pawhin, “Sam kawlh” ti lovin, “Lu kawlh” kan ti thin. Mizo zawng zawngin Mizo tawng hi kan thiam vek lo. Chu tak chu zir a ngaihna pawh a ni. Eng tawngah pawh a thiam bik, hmang dik bik an awm thin. Chuvangin, “sam met” tia sawi awm mah se, “lu met” tih hi a dik zawk kan tih zel hi a tulna chen a awm.
April 3rd, 2011 at 10:18 pm
A chunga in sawi khi kan tuihnih ve hlek teh ang. “Tlawm” tih hi inphahhnuai, indahhniam, thuhnuairawlh, chak lo zawka tang, hneh lo zawka tang tihna a ni thei vek. “Lala chuan tlawm a ngai khawp mai” emaw “Lal chu a tlawmngai khawp mai” tih hi a sawi tum chu a thuhmun reng. A awmzia chu Lal chuan midang tana malsawmna ni turin inphahhnuai a hreh lova, hna hnuaihnung ber, mi nazawng tih peih loh pawh ti turin a inphahhnuai peih tihna a ni. “Liana tihdan chu Lala chuan tlawmah a la tlat mai” kan tih chuan, inngaihnepthlak, inhmuhsitthlak, inzahlohthlak, inthamlohthlak…angah a ngai tihna a ni. Chuvangin, “tlawmah a la” “tlawmah ka la” tih hi a tawngkauchheh a dik zawk ka ti. “Tlawmla” ni lovin, “tlawma la” tih hi ka hriat dan a ni.
April 3rd, 2011 at 10:46 pm
@Aputea. . (Y)
April 3rd, 2011 at 11:27 pm
He post avang leh Muantea zarah SAM MET tih a lo dik theih loh chhan diktak ka hriat chian phah a (Y) ka lawm em em e (*)
Tlawmngai tih leh tlawmla tih erawh chu ka tanna ngaiah ka la tang reng 😉
April 3rd, 2011 at 11:48 pm
Ka TLAWMLA an ti ngai leu…TLAWMAH KA LA or TLAWMAH A LA tih zawk tur…..ka tlawmla…huhu dik lo hul hual e unaute u 🙂 uar deuh phei chuan TLAWM PA EKAH KA LA te an ti thin….hihi
April 3rd, 2011 at 11:54 pm
Han sawi han sawi ula, ka la hrilhfiah ang che u te han ti ngawt ila, keia fing vek in ni bawk sia ngaihdan pawh ka la rawn thawh ngam hrih lo. Han in hnial phawt teh u. Pu HV-a a van reh ve.A ni khan rawn comment ve se la, Vankal sial ang mai ka ti tawh kha, a tan chhan a hre chiang thin bawk a, a tan tawh vek vek chuan pheh thluk har deuh mai ania, a ni kha
April 4th, 2011 at 12:02 am
Pu H.V-a chuan Internet a browse hmasak leh phawt a ngai ang
April 4th, 2011 at 12:03 am
@Argo, Ka tlawmla an ti ve fo alawm.
Tlawmngai chu thil tha lam sawina a ni a. Tlawmngai tih kan sawi chuan mite tan leh khawtlang tana mi in pe zo te sawinan tlawmngai hi hman a ni. Atlangpui thu in mi tanpui lam a kawk. Tlawmla anih chuan a chhe lam sawina a ni a. Miin,”Ka tlawmla hle mai,” an tih chuan an zak viau emaw, an thinrim viau emaw tihna a ni.
April 4th, 2011 at 12:08 am
@sangpuii pa… nia a hman hun chu ka rawn sawi hran lo, negative lam a kawk tih chu hriat sa a ni a. mahse a tawng kauchhehah “ka tlawmla” ti lovin “tlawmah ka la” emaw “tlawm ka la” tih hi a dik zawk. “Vai chhiain min melh rum vei khanglang kha chu tlawmah ka la/ tlawm ka la ve khawp mai” tih ang hian…”ka tlawmla khawp mai” tih anga hman hi chu a khingbaiin a dik kim lo deuh lo maw
April 4th, 2011 at 12:10 am
Lehlawk Muante! Isua chungchang sawina lar tak ” Beramno a hmul mettu hmaah..” tih pawh hi “Beramno mettu.. ” tih zawk tur a lo ni maw?
Ka tanna ngaiah ka kir leh tep a nia, min han convince vat teh .. he..he.. “A zak hmul a met” tih aiah “A zak a met” kan ti dawn tihna em ni? Ka hel thar leh ta riau mai 
April 4th, 2011 at 12:13 am
50
Keipawh tlawmla tih kher kher hi chu verb a nih tlat avangin adjective ang a hman hi a dik thei ngang in ka hre lo. ” Tlawmah a la” tih chu a dik zaih thung.
April 4th, 2011 at 12:20 am
@Argo, a ni ve thei tho mai. Mahse tlawmla tia kan hman pawh hi a diklohna ka la man phak ve lo tlat kei chuan.
April 4th, 2011 at 12:23 am
@Elcee,
Kha ti zawnga a bawp lawka i la dawn anih chuan Beram hmul ti loin Beram sam ti law law la 
Sam kha lu hmul i tih tlat chuan i helna kha a awm ve tho. Zak hmul kha Zak sam te i tih tlat chuan le
April 4th, 2011 at 12:24 am
elcee leh ta mai mai thin hi aw! Hel reng reng suh! Beramno tih hi Isua Krista sawina atana hman a ni thin. Beram hmul an met tih hi an sawi dan a ni teh fova, a nihna takah chuan Beram zawk kha a ni an meh ni. Helai tawngkam hi chu an tifuh lo deuh niin a lang. ‘Hmui hmul ka met’ te pawh an ti thova mahse, tawng bul lam zawkah chuan an bak an met zawk a ni. Chemte ang deuh razor atana an hman pawh’ bakmeh chem’ an ti thin.
April 4th, 2011 at 12:29 am
Tawng thumal reng reng hi kan hman na tur azirin a lam dan leh a hming pawh a dang niin ka hria. Entirnan, hmui hmul(hmui sam kan ti ngailo), zak hmul(zak sam kan ti ngailo), ngal hmul(ngal sam kan ti ngailo). Chutiangin Sam(lu hmul kan ti ngailo).
April 4th, 2011 at 12:40 am
kan thupui kha tlawmngai nge tlawmla tih kha maw ka tia. Kan va thleng thui tawh ve pi@elcee
April 4th, 2011 at 12:44 am
Pi Elcee zawng sam leh hmul a kai kawp duh tlat mai a, englo hmul pawh englo sam a ti talh ta ve ang.
April 4th, 2011 at 1:08 am
A va lo la pui ve
:-)….
Thumal pakhat atanga thu dang(synonym) a chhuah dawn chuan transition period a kal tlang a ngai ve phot thin. entirnan: mawle- male-mole-maile-mohle-chutiang zelin thumal dang ‘mawle’ tih soina tho kha thumal dang mawle tih ni tho kha a ron chhuak daih anga, mawle soina pahnih kan nei don tihna ni….. Tlawmngai tih leh tlawmla tih poh hian a sentence a zirin a kawh thuhmun in a sawi theih……..
Saptawngah pawh ‘Dark’ leh ‘Dim’ te ang deuh hian. Queens English atanga American English chhuak ta daih te hian transition period an pal tlang ve ngei chu ka ring. Mahse English a kha chu a hausak phah ta ber chu a nih si hi maw……….tak2 a na trong dik tha chu a poimoh khop mai mahse a hausak chhoh zelna tur hi kan dal ang tih ka lo hlauthong deuh…
Chutiang tho chuan Honour te poh honor a poi ta lova, programme te poh program tih a ziah poh pom a ni toh in ka lo hre ve mai2. cuan hemi hi a hmang tu an tam zoh poh leh trong chi kha a rawn in siam belh tihna a ni mai.
Steven pinker ani emo coleridge a te ho theory chu dah that rih a poi loh hmel hehehe
Slang leh ziah duddah hi a tha lo mahse a tih hausak dan chu, mawle tih maiah poh hian ziahdan hrang kan ngah tak m hi a hausa chu a ni der toh lo mo? saxon, celts ho te leh vikings hoah poh hetiang tho hi a in chher chhuan in ka lo hre va mai2.
Hetianga a ni lo kan tih reng chuan kan tawng hian hma a sawn lovang tih ka ring nghet bur…….I love thee la ti tuk2 ka hre tlem lutuk toh
Pi elcee ka tran e
April 4th, 2011 at 1:19 am
@56,57,58
Muantea comment @6 vang zawk hian a nia
” MET hi a kawr tih bo tihna tluk a ni. Mau kan meh chuan a kawr hring, a na lai kha kan met a, a mau kha kan tan ngai lo. Chutiang chiah chu a ni e. Lu kan met a nih chuan lu a awm sam kha kan paih tihna tluk a ni e.”
Sam leh hmul lam a ni lo, MET lam kha a ni zawk! Muantea sawi dan chuan thil ka meh reng reng in, sam emaw, hmul emaw kan met lo va, a tona zawk kha kan met a ni tih a sawi a, mahse Beram MET ti lo khan a hmul kha kan telh leh tlat bawk si a, kan confuse kual vel mai mai mawle
A lan dan ni taah chuan MET tih awmzia hi mi tam zawk in kan hre lo ni ta berin a lang! Beram MET tih ai chuan Beram hmul TAN/HLEP te ti ta i la a dik zawk mai thei 
April 4th, 2011 at 1:25 am
@59! Min tan a ka lawm e
Nia tawng diktaka hman hi tha ka tih rual in tawng in thlak danglam zel hi khawvel kalphung a nih bakah tawng hausakna a ni bawk si a, a balance hriat a ngai!
April 4th, 2011 at 1:30 am
Chuvang tak chuan lawm saptawng chuan ‘shear’ an tih daih. An buai ve miah lo.
…khrum
April 4th, 2011 at 1:33 am
Sawi ve duh tam tak ka nei na a, tlawmah ka la lo mai teh ang zanin chu. Ka connection a muang bawk si a! Tlawmngai tak khan lo comment teh u, mangtha phawt u le.
April 4th, 2011 at 1:35 am
@ khumchikthei: trim poh hmang la a dik tho
thiehloh a tih ngawt theih loh hahahahaha
April 4th, 2011 at 1:49 am
‘trim’ chu technically in a diklo, beram a kaihhnawih chuan.
…khrum
April 4th, 2011 at 8:39 am
@khumchikthei: language ah technical a awm lo……..meaning,cognition, intention leh reality in a verbal communication a siam a ni zawk e.
…….
April 4th, 2011 at 10:56 am
A dik thluam zel….mahse thil pahnih inzul tak tak mahse belhchiana in ang hauh silo awm tlang chu hman pawlh leh hriat pawlh an ni chawk. Hei hi a dik ti eng ang mahila an awm dun tlat chuan chiang lo tawk an awm tho tho….. gud post…..
April 4th, 2011 at 11:01 am
Enge dik zawk phei chu ka hre miahlo a keichuan,mahse ka ngaih ve dan ah ve thung chuan…
“Language is just a means of communication” an tih kha…. Kan biak/kan sawi ngaithla tu ten an hriatthiam phawt chuan
Keichu ka lo duhtawk viau mai asin.