Khawvel nunphung danglam zel leh mihring pung chho zelah, kan chenna leh thlanmual a inhlat tual tual a; chutihlaiin, dan rual lohvin hun leh niten thlanmual lamah min hnuk hnai zel si. Pumpelh rual lovin thihna kut vawt chuan min la man ngei dawn! Kan thih hun/ dam chen tur hi Pathian hian a lo ruahman lawk vek ang em le?
Chuti a nih chuan Pathian hi a fair lo kan ti dawn em niang? Khawvela rei tak cham tum vek kan ni si a. Kei chuan a ruat lawk hi ka ring phal lo – thlahtute atanga dam rei chi te, kan chenna leh kan khawsak dan a zir te, kan nun hman dan te leh vanduaina avang hrim hrim te-a dam rei leh dam rei lo kan awm mai niin ka ring thin. Thih hlauvin kan nung a, hrisel tumin tan kan la a, dam rei duhin kan inenkawl a ni si a. Ti hian, kan damlai nite chu ni tin/ darkar tin a kiam zel a. Nimin thleng khan, khawvelah ni 250 la dam tur ni ila, vawiinah chuan ni 249, naktukah ni 248, chutiang zelin… chutiang zelin…
Eng niah nge, eng hunah nge kan thih dawn a, eng natnain nge min tihlum dawn tih kan hre lo hi – Lalpa zahngaihna a lo ni. Chuti ni suh se, damchhung rei lo teah hian hlim ni reng kan nei lo ang a, thlamuangin kan nung tawp lo ang. Naktuka thi tur – hriatlohna avanga vawiin hlim taka kan hmangte hi a va hlu em!
Cancer vei mahin, cancer a vei tih a inhriat ruala thi mai tura a inbuatsaih a nih si chuan… HIV/AIDS veiin, positive a ni tih a inhriat ruala atan khawvel thim ta mup anga a ngai a nih si chuan… he hringnuna kan tawp ni tur – a ni leh darkar hi hre kilkel ta ila, hlim ni hmel reng hmu lovin, lungngaia mangang reng rengin kan indawm kun tlawk tlawk ngei ang le.
A ni, miin, naktukah mi sual kut tuarin emaw, thluak per chuai khawpa chetsualna rapthlak tak tawkin emaw, pumpelh rual loha a thih ngei tur thu lo hre lawk ni sela, vawiinah hian nuamsa deuh zawkin a intihlum duh mai lovang maw? Mahse, kan thih hun hre lawk lo a, englai pawha na thei, thi thei kan nih si avang zawk hian, kan damlai ni tawi te hi hman thiam a va tul em!
Kan thlarau chhandamna atan te hlei hlei hian nun uluk a va pawimawh tehlul em! Leilungah chhungkua kan indin a – nu leh pa, pi leh pu, nupui fanau, u leh naute nen inthlahlel takin kan khawsa a. He’ng kan hmangaih tak takte nen hian, eng niah emaw thihna avangin kan la inkal san pheuh pheuh dawn si a!
Kal hmasa nih kan hreh a, kal hnuhnung nih lah lusun khawhar reng renga tahna leh lungngaihna mai. He tia, thihna lamtluang zawha kan kal mup mup lai hian, chu thihnain kan chunga thla a zar hun turte sungtuahin, lungngaiin rùm thin mah ila, thihna rapthlak ber ata thlamuantu ropui ber — Pathian engkim tithei kan nei hi ngaihtuah ve chet chet mah u, a hluin a va lawmawm tehlul em! Ani chuan Van-ah te khian, kan chatuan hmun tur In ropui min din sak a. A va ropui em! Haleluijah!!
Kan chunga thihna lo thleng tur hi mihring taka ngaihtuah a, tisa taka hmachhawn tum zet zawng a lo rapthlak nangiang e! Kan hausakna, kan finna leh thiamnate hian thlamuanna min pe si lo… min chhanhim zo dawn si lo…. tiin, ka suangtuahna a vak vel ruai a.
August 23rd, 2011 at 8:02 pm
1
August 23rd, 2011 at 8:05 pm
Amen
August 23rd, 2011 at 8:07 pm
Ka edit theih loh chu le 😉
Dik hmel fu ni.
August 23rd, 2011 at 8:13 pm
hey den riallllllll.zanin in chu i thupek hmasa in ka thlarau a vaw kal bawk a, khawnge in sum lo lekin puak chhuak phawng phawng teh ang..
August 23rd, 2011 at 8:13 pm
A post tupa kan hmel hriat (eg Kawlhawk-a) a nih avanga critics ngam lo; mi post(anmahni kan hriat ngai loh) chu ti ve bawrh bawrh ngam ho tan comment nuam tawk vel a nih hi. I thu lak dan a lai khawp mai.
Sawi kual nuai nangin i tihtawp dan a awmzia hle mai!
August 23rd, 2011 at 8:16 pm
A tlangpui thuin, a dik khawp mai. Amaherawhchu, thupui bik leh hunpui lo inher danglam tur ang chi erawh hi chu, Pathian hian a ruahman lawk thin tehmeuh mai. Tin, koh bik leh ruat bik/mission ti hlawhtling tur atan a thlan bik pawh an awm leh tlat thin. Kan hmalam hun tur kan hre lawk lo hi, thatna tam tak a awm a, Eng hunah pawh hun tawp thlen thut inpeih reng a awm tur a ni. “A ram leh a felna zawng hmasa zawk rawh u” tih hian a funkim khawp mai. Thil dang chu, secondary important.
August 23rd, 2011 at 8:16 pm
Kawlhawk chu ngaihtuahna thar min rawn siamsak chu le… I ziak tha khawp mai.. Lalpa remruat dan hi chu a mak ani. “We have no reason to be angry with God “
August 23rd, 2011 at 8:20 pm
Kan ngawi leh daih si. A thuziak or comment ni lo a, a comment/post tu personal zawnga beih hmang, mi profession zah sakna chang hre miah lo, nick change a tlan chhe chunga mi beih hmang an lo lang tan tlat. me ngawi hmeks 😉
August 23rd, 2011 at 8:24 pm
‘Eng niah nge, eng hunah nge kan thih dawn a, eng natnain nge min tihlum dawn tih kan hre lo hi – Lalpa zahngaihna a lo ni.’ – Dik lutuk tlat. AMEN ka pe e.
Ruatlawk Theology hi chu a har ngawt mai. Hnawl dawn chuan ‘Supremacy of God’ hnawl tel a ngaihna chen a awm a. Pawm vek dawn chuan Mihring ‘Free Will’ leh a tih ve tur lam hnawl a ngai bawk si. TMEF ho vang hian thawk-khat lai chu ka buaipui ve chiam tawh.
August 23rd, 2011 at 8:30 pm
No Comment.
August 23rd, 2011 at 8:38 pm
‘@No Comment ve ziah hi, i hnawk mang e’ ka tih dawn chuan i hnawkna em em sawi tur erawh chu ka hre lawi si lova 😛 Han comment ve teh khai, Nang hmuipui pu han che la, keini lo rak ve mai mai te ai chuan a ngawihnawmin a bengvar thlak zawk ang e. 🙂
August 23rd, 2011 at 8:44 pm
Inhnial peih kan awm lo; online hi a mi sawmthum pahnih leh a bungah (half the total) tla hniam rawh se. 😀
August 23rd, 2011 at 8:51 pm
(Y)
August 23rd, 2011 at 8:54 pm
Mihring dam hun chhung leh chumi hnu chu thildang vang anih thu kan hmu!
Mihring te hi khawvel hmun hrang2ah kan chenga, kan eileh in pawh a dangin kan nunphung pawh a dang hlawm khawp mai. Mahse, chutiang te chuan kan dam theih chhung (life span/expectancy ) hi alo siam reng mai a ni tih tunlai mite chuan kan hai lovang!
Dam hun chhung (life expectancy ) nei mah ila chumi chu vanduai vang emaw, mahniin kan nun kan uluk loh vang emaw kan fimkhur loh vang te emaw in kan pawttawiin kan thleng phalo fo thin anih hi; nun uluk ten an pawt sei thei bawk!
Khawvel ram hrang2 a life expectancy:
http://en.wikipedia.org/wiki/List_of_countries_by_life_expectancy
August 23rd, 2011 at 8:58 pm
Damtein kan awm ang a, kan la thi dawn khawp. 😛 (H)
August 23rd, 2011 at 9:28 pm
Post thatak a ni. Ka rilrem zawng tak (Y) . Pu Kawla chu, i ingaihtuah bing hle mai a….La Lawma vang em ni 😛 Last para te khi… 😉
August 23rd, 2011 at 9:36 pm
post tha tak ani
August 23rd, 2011 at 9:39 pm
Mihring dam hun chhung hi kum 70 a ni a, rokhawlhna avangin 80
pawh a ni thei e…
August 23rd, 2011 at 9:40 pm
he post ang deuh hi hman ah ka chhiar tawh a, a tawp ah chuan – “ka e ta teuh a” tih emawniin a tawp. hehe. Hetiang hi ngaihtuah chang nei ve thin mah ila, han chiar ve leh zauh hi a tha, nun uluk angaihzia te kan hriat thar leh phah a, a post tu hi lo ‘judge’ zel lo ila. a post a hi enge tih chhiar chiang ila kan hlawk zel ani mai.
August 23rd, 2011 at 9:47 pm
Ka rawn inlan ve mai mai. He post chu ngaituah ti thui thei tak a nih hi, kan la tawn vek tur!!! (Y)
August 23rd, 2011 at 9:54 pm
Sap hla phuah thiam pakhat pawhin “Blindness to the future…chu e kha e” a tia mi kha! 😀
August 23rd, 2011 at 10:02 pm
..misual thi tur ka lo ni.. misual……(a zawm ka hre tawh lo)
August 23rd, 2011 at 10:04 pm
OT loks: hmanni ka hard disk chhia kha, hei a thar ka vuah a, DVD atanga windows ka install lak loh laiin a top thut a. A disk ran vangin. a partition a buai vek male. linux ah poh root a memory chiah a hmu thei. 280 GB vel chu a bo daih male. 😀
Bootable pendrive te siama tih that leh vek ngai 🙁 Weekend hma chu ti hian hmang nawk nawk rih mai ang, ka buai peih toh rihlo. 😀
August 23rd, 2011 at 10:09 pm
2nd last para(Y)
August 23rd, 2011 at 10:21 pm
Va bei tha thei ve mole….. mahse ruat lawk tihvel hi chu rinawm chiah loh lo ti ve ngot teh ang……… (Y) (Y)
August 23rd, 2011 at 10:30 pm
@funny: recovery software hmang mai la. Linux software load teuh tawh hnu a engemaw then then paih leh duh si hian engtin nge tih tur i hria em? add or remove programs anga list thlak duat theih dan hi a awm em? :OT chhan nan chuanOT tho angai tlat:
August 23rd, 2011 at 10:48 pm
Ka ngaihtuah chhuah ni awm tak a ni. Tha thuai thuai ve aw…
August 23rd, 2011 at 11:21 pm
I va han post tha teh lul em…. (Y) chhiar a va nuam em..Pathian tel lo chuan thihna tur hi hmachhawn ngam chi rual ani lo ve… vanram kal turin kan in buatsaih mup mup renga a, a kal kawng ber thih-na hi tuman kan rap duh leh der si lo… Thihna ata chhandamna min petu.. Thlan thim hneha tho leh ISUA KRISTA hi fakin om molh roh se..!!
August 24th, 2011 at 12:06 am
Pu Kawlhawk an thla a rawn zar leh ta duai mai….hehe… Tha tak ani…a ngaihnawm. ‘Engkim tan hun ruat a awm a…….pian hun a awm a, thih hun a awm'(Thuhriltu 3:1,2) A hunah lo chuan tumah hi kan thih ka ring lo…’Thihna’ pawh hi ‘Engkim’ tih hian a huap vek dawn si a.
August 24th, 2011 at 6:10 am
Kawlhawk-a thuziak nge nge, dawn a tithui leh mang e.
August 24th, 2011 at 9:04 am
Ruatlawk leh Free will hi a va hnawk teh nuk em!!
August 24th, 2011 at 9:51 am
31. Zero, Ruatlawk leh Free will ah chuan buai duh vak suh. Mihring zawng zawng tan, Free will hi a applicable a. Amaherawhchu, Pathian thil ruahman pui bik atana ruatlawkte hi chu, special takin an awm leh zeuh thin. entirnan:- Samsona, Josefa, Baptistu Johana, Zawlnei Jeremia, etc. Tin, An Mizia leh Talent avanga Mission bik atana koh an awm thin. entinan:- Abrahama, Mosia, Davida, Pawla,etc. Sakawlh te pawh hi Ruat lawk dik tak a nih ka ring. Special case a awm tih hi chu a chiang.Piangthar leh thar lo tur ruatlawk tih lam hi chu a awm lo.
August 24th, 2011 at 9:59 am
kawlhawk an chet hi chuan a thuk leh ruih zel…Misual Philosopher-ah ka puang mai teh ang!
August 24th, 2011 at 2:11 pm
Ozima#26: a hard disk hi virgin ala nia engmah recover tur pawh ala awm chuanglo. 😀 OS install dikloh vanga partition buai tel vel mai mai.
Eng linux ber nge i hman a, add/remove tur chuan ubuntu leh linuxmint velah chuan ubuntu software center leh software manager a awm. Synaptic pakage manager atang pawhin a tih theih. A dangah pawh graphical interface chu a awm tho ka ring deuh ngawt a. A awmloh chuan command line atanga remove tawp animai. Home directory ah hidden in a file a awm chuan manually in delete tawp mai rawh, chu chu a MAN ber. hahaha 😀
OT loh nan: I ziak tha khawpmai. muhaha 😀