Hei hi Thup.20:4-6 behchhana Krista hova kum sang rorel awm tur sawina atan hman a ni. Thup.20:4-6 thu hian tihduhdah leh hrehawm tuar thin Kristiante thinlungah nasa takin hmun a luah thin a. Chuvangin hrilhfiahna kawngah hman sual a ni fo bawk. A thu hi chiang taka zir chuan kum sang rorel chu Thupuan ziaktuin inlarna a hmuh atanga kum 3 leh a chanve rala lo thleng tur emaw a ni a.
Chumi huna rorel turte pawh Krista thuhretu,Pathian thu avanga lu tante thlarau leh sakawlh leh a lem chibai buk duh loh avanga thi, martarte thlarau an ni ( Thup.20:4). Chuvangin leia nung dama awm pangngaite rorelna hun tur niin a lang lo. Thupuan ziaktu inlarna hmuh ang chu ni ta sela, kum sang rorel hi kum CE 100 vela intanin kum 1100-ah chuan tawp daih tawh tur a ni.
Juda-te zingah an lalram tluk chhiathnuah khan eng tik hunah emaw Davida lalthutthleng tundina awmin Messia hovin ro an la rel ang tih ring an awm a. Hetiang ngaihdan hi Thuthlung Hlui leh Thar inkara thuziakah hmuh tur tam tak a awm a ni. Kristian hmasate pawh Juda-te kha a tam ber an nih rih avangin Juda-te ngaihdan khan eng emaw chen chu a hmin thin a ni.
Messia hova rorel hun chhung tur pawh hi an sawi dan a inchen lo. A thenah chuan kum 400 tih a ni a, kum 1000 tih a awm bawk a. Kum 1000 tih hi a langsar deuh zawk chu a ni.Kum sang rorel chungchang hi kum zabi hnihnaah pawh a lar chho zel a. Khatih lai khan kum sang rorel awm ringtute zingah- Cerinthus-a, Papias-a, Tertulian-a, Montanus-a, Hippolytus-a, leh Lactantius-a te pawh an tel. Justin Martyr-a leh Lactantius-a phei chuan kum sang rorel hi an sawi chipchiar deuh va.
Chutih laiin Justin Martyr-a chuan kristiante zingah kum sang rorel awm ring lo an tam hle tih a sawi lang tho bawk. Hmanlai thuziak pawimawh tak Didakhe (ca.CE80-120)-ah chuan kum sang rorel hi sawi lan a ni lo. Origen-a chuan kum sang rorel hi a thlarau zawngin a la thung a. Krista’n leiah lalram a din a ring lo. Mahse thlarau lalram a din a, chutah chuan amah ringtute chuan ro relin, a lo kal leh huna tihfamkimna an nghak tiin a sawi thung a ni.
Augustine-a pawhin kum sang rorel hi tehkhin thil ang deuhvin a ngai a. Rorelna hnuhnung nei tura Krista lo kal leh hma chuan Isua lo kal leh tum hnihna hi a awm a ring lo. Isua lo kalna erawh chu kohhran leh a member te zingah hian englai pawhin a thleng reng a ni, a ti. Krista hova kum sang rorel chu Isua-ah khan tan a ni tawh a, Kohhranah hian mi thianghlimte chuan ro an rel reng a ni, a ti.
Heti chung hian kum sang rorel beiseina hi Kristiante zingah a thi thei tak tak ngai lo va. Khawthlang kohhran mite zingah pawh tuipui tawk an awm reng a. Mi thiam zingah pawh kum sang rorel chungchang ngaihnawm taka ziak tawk an awm reng bawk. Mizoramah chuan Manipur lam atangin Saptlangvala hovin kum sang rorel tuipuina thlarau hi an rawn luhpui a.
Khawchhak lam Myanmar-ah Lalthanliana hovin C.I.Scofield-a leh Clarence Larkin-a lehkhabute letlingin ‘ khawchhak Arsi’ chanchinbu hmangin an rawn theh thla a. Mizoram chhim lamah kum 1950 hnu lam deuhah khan Rev.R.Ruala chuan ‘Thlarau leh Nunna’ thla tin chhuak chanchinbu hmangin a rawn vawrh lar bawk a. Tun thlengin Kohhran mite zingah kum sang rorel tuipui tawk an awm reng a ni. Kan chhinchhiah tur pawimawh tak erawh chu Kum sang rorel hi Kristian Thurin laipuiah a tel ngai lo va.
Kohhran hmasate thurin pawimawh Apostol-te Thuvawn-ah emaw Nicae Thurinah emaw a lang bawk hek lo. A chungchang ziaktute pawh hian ngaihnawm takin an ziak tih bak chu han hnem hnanpui tur a awm hran lo. Kum sang Rorel nghakhlel taka sawimawitute pawh hi a hun lo thlen hmain roreltu tur bera an ngaih Krista hnen panin an la kal hmasa zawk zel a ni.
[ Thulakna: BIBLE Thu Mal Hrilhfiahna By Revd. Chuauthuama]
Similar Posts:
- Rorelna hrang hrang 5 (panga) te.
- Thlarau Lam ve Thung!
- KTP member te zingah biak in-a innei an pung
- Ruatlawk Theology (Chhandam tawh nge Anchhedawng sa a piang?)
- Pathian Kut Dinglam {Sunday Pual}
June 21st, 2011 at 4:08 pm
Kum sang rorel, trihbaihawm ve
June 21st, 2011 at 4:09 pm
two hram
June 21st, 2011 at 4:11 pm
ka pw check na a min lo one khal hman chu le….kum sang rorel na chu han rel chhin i la
June 21st, 2011 at 4:11 pm
ka pw check na a min lo one khal hman chu le….kum sang rorel na chu han rel chhin i la
June 21st, 2011 at 4:45 pm
Keichu kum sang rorel hi a awm ka ring. Mithianghlim lawr zawhah, armagedon indo zawhah, lei hi Pathianin a tithianghlim anga, chumi zawhah chuan kum sang rorel hi ka beisei. Mahse bible ah vek, ‘kum 1000 hi ni 1 ag, ni 1 pawh kum 1000’ ang Lalpa ngaih chuan tih kha kan hmu a. Ni 1 leh 1000 kha chu Pathian thu2 a ni anga, kum sang rorel hi chu a awm ngei ka ring tlat a ni. Mifelte chatuan nunna a an awmhlenna tur leh misualte chatuan a hrem an nih na tur atan.
June 21st, 2011 at 5:19 pm
Ka chhiar hnu ka chhiar leh ta.. tha ve tho mai
June 21st, 2011 at 5:19 pm
Ka chhiar hnu ka chhiar leh ta.. tha ve tho mai
June 21st, 2011 at 5:30 pm
“Siamtharlehna hun a thlen hma loh chuan Ani (Messia) chu vanin a kawl rih tur a ni,” tih thu Lukan TT-a a ziak atang hian Pain a Fapa rawn kal lehna huna a rawn tirh hunah Eden Hlui chu Eden thar ni tawhin, Thu Puan 5:10-a ziak angin “We shall reign on the earth,” tih a ni a. A rei hun chhung tur chu kum 1,000 an tih Millennial Reign an tih fo hi a ni mai.
Ringtu, thawhlehna hmasaa thote (a lokal leh huna kaihthawhte) nena ROREL (reigning) hun a ni ang. He kum Sang Lalram tawp lamah thawhlehna vawihnihnaa thote chungthu rorel (judgement) a awm ve thung ang.
Setana phuara awm pawh chhuah leh a ni ang a, hun rei lote chhung atan, lei pum pui dapin ho a nei leh ang a, mithianghlimte riahhmun an rawn hual ang a. Chunglam atanga mei leh kata tihlum phiar tur an ni a, chu chu Bible-in THIH HNIHNA a tih bawk chu a ni.
Heti te mai hian aw!
June 21st, 2011 at 5:33 pm
hum
June 21st, 2011 at 5:41 pm
Ngaihnawm khawp mai. Mahse Pu Chuaua hrilhfiah dan, “kum sang rorel chu Thupuan ziaktuin inlarna a hmuh atanga kum 3 leh a chanve rala lo thleng tur emaw a ni a” tih hi chu ka pawmpui thei lo.
Hei hi chu kum sang rorel pawm lo tute hnialkalhna (argument) a ni ve mai a, Biblical taka sustain a harsa hle. A chhan chu kum sang rorel huna rorel tur te chu thawhlehna hmasaa tel te an ni Bible-in a ti si a. Thawhlehna hmasa tia Thupuan bu-in a sawi hi thil dang vak ni lovin Krista lokal leh huna amah ringtute thawhlehna Amah Isua ngeiin a tiam “nikin niah chuan ani chu ka kai tho ang” a ti leh Apostle te hovin an beisei taksa thawhlehna tho kha niin a lang si a ni (hei hi Apostol-te thuvawn 11 na a ni nghe nghe).
Chuti a nih si chuan kum sang rorel hi Thupuan ziaktuin inlarna a hmuh atanga kum 3 leh a chanve rala lo thlenga, CE 100 vela intanin kum 1100-a tawp mai thei a ni lo. Thawhlehna hmasa hi a la thleng tlat lo a ni. Thawhlehna hmasa a thlen phawt loh chuan kum sang rorel hi engtikawng mahin a thleng tawh reng kan ti thei lo reng reng. Ringtute thawhlehna hi hun hrang hranga awm turin Bible hian a sawi bawk si lo a, ringtu muhil tawh leh la damte pawh Krista lo kal hunah a hnenah hruai khawmin kan awm chauh dawn a ni.
.. A va laklawh emm !! current a awm loh chu; duhtawk phawt mai ang.
June 21st, 2011 at 6:25 pm
Misual zingah hian, Theological graduates kut zung tang zat dawn an awm tih a hriat tlat tawh a. Chuvangin keini ang kal khat, “Engtinnge Setana Lalram thiat a, Kan Lal Isua ram kan tih zauh zel theih ang?” tih ringawt ngaihtuah (Missiologists) ho chu, hetiang ang Bible thuril leh thukah chuan, lo inrawlh lo phawt teh ang. Han sawi zel teh u khai.
June 21st, 2011 at 7:53 pm
Tunlai chu Pathian thu post a va tam ve. Chhiar zel mai ang aw..
June 21st, 2011 at 7:56 pm
#10 khaaa.. current a awm leh tawh lo maw.. han chhunzawm zel la..
nikhat rorelnaah chauh pawh hian ka la buai tawk khawp mai..
June 21st, 2011 at 8:35 pm
Isua a lo kal leh hunah chuan amah ringtu muhil tawh zawng zawngte chu kaihthawh an ni anga, nung dama lo la awmte chu thawklehkhatah tihdanglam niin he leiah hian Krista hoin kum sang khat ro an rel ang. Hemi chhung hian Setana chu phuar a ni anga che thei lovin a awm ang.
Kum sang khat a ral hunah Setana chu phelh a ni leh anga, mi tam tak bumin helna a chawk chhuak leh anga, mahse Pathianin a hote nen a ti boral tawh dawn a ni. Tichuan rorelna hnuhnung a awm anga, hetah hian mitthi tawh zawng zawng (thawhlehna hmasaa tel ve lo te) paw’n rorelna hmachhawn turin thawhlehna an chang dawn a ni. Thiamloh changte chu meidilah paih anni ang.. hei hi thih hnihna a ni (chatuan boralna chu). Hemi zawh hi chuan hunbi tun ang hian a awm tawh lovanga, chatuana nung turin chhandam fate chuan leithar leh vanthar an luah tawh dawn a ni.
June 21st, 2011 at 9:51 pm
Kum sang rorel hi kum 1000 chhung chiah chiah anih ka ring lo a, Kum sang rorel hnuah hian Van thar leh lei thar kha a lo lang dawn chauh kha a nia. Ka ngaihtuah daih chu He khawvel hi a la tawp mai dawn lo. Arsi ten an rawn sut vang hian khawvel hi a tawp dawn bawk hek lo. Nuclear ralthuam vang pawh hian khawvel hi a tawp dawn hauh lo tih hi ka chian ve dan a nia. A la rei dawn em mai a, khawvel tawp lam hi chu i buaipui hrih lo phot zawk mai teh ang. Second tina tawp mai thei kan nunna hi inpeih reng a kan vawn chuan a tawk tiu teu khawpin ka hria.
June 21st, 2011 at 11:15 pm
tawi em mai; kei ni chuan Lal Isuahovin chatuan ro kan rel dawn.
June 22nd, 2011 at 12:25 am
Thupui khi Lal Isua thuchah, khawvel zawng zawng a kal a, thilsiam zawng zawng a hril tur a thupek thar ngei chu a ni e – Ram chanchintha. Kohhran in a hai a, Isua lokal leh hma in chu Lalram chu din a tum a, kalsualna a intan ta chiah reng a ni. Bible khawiah mah hian Ropui taka Biak In lo sa tur leh thurin tesep hmang a lo indaidang tur a thupek a awm miahlo.
@vakul – He kum 1000 Lalram a zawh hian fapa in Pa hnen ah ram(Kingdom) chu a pelet leh dawn, Pathian chu engkim a engkim a nih theih nan tih ziak a ni e.I Kor 15:24, chang 28 thleng khan han chhiar teh, fapa ngei pawh Pa thuhnuai ah a awm leh ang. Tin, rorel tur kanni lo, khua leh tui tur kanni zawk e. Ringtu chi hnih, chhandam tur ve ve, Disciple leh Believer (puithiam leh khua leh tui)kan awm hrang zawk a ni e.
June 22nd, 2011 at 12:29 am
kum sang rorel = chatuana rorel tu turte training period
June 22nd, 2011 at 12:39 am
Kum sang rorel lo thleng tura ngaia thurina nei pawl leh rin leh rin loh pawh sawi lem lo pawl hi an awm ve a. Mahni pawmna lam lama kal mai kha a fel mai; Bible hian fiah fel fai taka a sawi lohte zinga mi leh interprete theih a ni bawk a, ‘i lo va hre lo tak’ han intihna chiah ka ngai lo.
June 22nd, 2011 at 12:48 am
Ka chung ami @18 khi ka like e
June 22nd, 2011 at 12:48 am
Petera sawi anga thu kalpui phei chuan nikhat chauh a ni dawn leh nghala
.. kan sawrkar rei awm lo e !
June 22nd, 2011 at 12:49 am
@18 dik reng
Kan ti zel teh ang,Thup 20:5 “mitthi dangte erawh chu kum sangkhat chu a vei hma loh chuan an la nung rih lova’ tih hi in chai teh ang. kum 1000 rorel ah hian chanchintha la hreve hman lova boral ta, vanapa, Taitesena te pawh an lo tho leh vek ang, chanchintha chu zirtir anni ve leh ang, an ring nge an ringlo tih chu kum 1000 a vei hnu ah Setana chu chhuah leh a ni ang a, Eden huan ang chiah khan thlem anni ve leh ang, an tlukloh chuan an nung ve thei ta chiah ang, chatuan atan…Pathian han FAIR zia, a hmelma pa lak ah pawh a han fair zia hi a ropui tih hian a hrilhfiah zo lo lulai em mai.
Chutichu tuna chanchintha hrilh hi a ngai lo ti in awm erawh chuan Pathian hi in la hrechiang lo tih lo pawm hrih teh u.
June 22nd, 2011 at 12:54 am
Petera sawi anga thu kalpui phei chuan nikhat chauh a ni dawn leh nghala
.. kan sawrkar rei awm lo e !
Hetiang lama entawn tlaka ka hriar chu John Piper’an a conduct Amillenialist, pre-millenialist leh post-millenialist te’n public discission/debate an neih kha a ni. An view theuh kha cool takin an present a, an duh leh an inhnial a,thu an in zawta, harsa deuh deuh. An pawmdana sawifiah har an tih lai chu pha kual vel lo khan ‘helai hi chu kan vulnarable na lai tak a ni an ti ve mai a’ an nui ho mai mai a, an hmuhnawm kher a sin.
June 22nd, 2011 at 12:58 am
zoho,
Nia helai thu hi, great white throne judgement leh millenial hi thuhmun emni tih hi ka khel rei tawh teh a sin. Progressive judgement angin em ni i pawm ?
June 22nd, 2011 at 1:02 am
tin taitesena te ho zingah khian nausen thi ta te i huam tel em?
June 22nd, 2011 at 1:10 am
#25 va point ve.
Ka pawm dan lam chu thuhran ni se, Great white throne judgment leh millenial hi an Bible refer a inang tlangpui chu a nia.
June 22nd, 2011 at 1:15 am
25 Donald, naupang kum 12 la tlinglo te hi chu an nu leh pate rindan/rinna huangchhung ah an la awm hmel ka ti deuh. An lo tholeh vek ka ring, hlamzui erawh ka hrelo. Chutah chuan nausen piang kum 100 dam tlinglo an awmlo ang tih khan a sawitum root meaning chu premature birth, miscarriage an awmloh tur thu sawina ani an ti tlat a,Eden huan a Evi lak a naupai anchhia sutna a ni tel bawk a. PB leh MS te hi mihringah Pathian hian a la chhiarlo emni aw chu ka ti deuh?
24 a i zawhna khi Har- megiddo indona kan ngaihdan a zir in a danglam thei tlat a, ka la fiah zolo tiin kan chhang mai che. Ka ngaihdan a la phir deuh tlat.
June 22nd, 2011 at 1:18 am
ok.. vakul
ni e.. helai sequence hi huai taka sawi hi a har ka tia, a him chinah Bible-a a indawt dan hian ka sawi pawn ka sawi mai thin e.g #14
June 22nd, 2011 at 1:23 am
haha zoho,
kan inang a nih chu.. keipoh ala phir tlat alawm.
Taitesena te ho chungchang chu keipawh tiang khi ka pawmdan a ni.
Huai tak chuan ka tang ngam chiah lo nain, millenialah hian old testament saints te pawh an tel ka ring a sin. Mahse anni case chu a hran deuhin.. Isua ring tura formality complete turin. Ringtu an nih ve hi angaih tho ka ring deuh tlat.. Pathian fair xia ngaihtuah hian.
June 22nd, 2011 at 1:37 am
* old testament saints te hi Taitesena te ruala tho leh turin ka ngai ka tihna, thawhlehna hmasaah nilovin — Isuan a hmasa ber pawh a hnuhnung berah a tih ang khan.
June 22nd, 2011 at 1:57 am
@Donald,a tawp nan kan gist leh zuai lawks—-
)erawh van lawn chak a thuchhe ta a ni thung. Van lawn chak/tum hi Setana thlarau si per a ni. Isua in mak em em mai in a co-ruler tur van lawm group a pa hnen ah Jn 17:24 a dil chhuak ta tlat mai, thlan leh koh leh ruat bik te, 12 disciple atanga intan in, Adama leh Abraham a hnen a tiam veloh OT saints tumah an telve dawnlo.
Pathian in LEI a la a, mihring a siam a……..Adam leh a thlah zz te hnen ah he LEI hi pek a ni, Abrahama leh a thlahte zawng zawng hnen ah he LEI bawk hi tiam a ni leh,Isua rawn champion pui pawh he LEI bawk hi a ni leh, LEI a siam mihringte tan LEI hi kan destination a ni miau si alawm, hei hi a chiang mawle.
Lucifera(ti zel tawh mai ang aw
He mi group, disciple group ah hian kei chu koh leh ruat ka ni ve lo tih ka chiang, chung ho rorel sak tur group a mi ka nih ve hram erawh ka beisei,khawngaihna avang chuah takmeuh meuh in. OT saints te nen he lei ah hian kan leng tlang dial dial dawn anih hmel. Ka lung a van leng tawh ve le. Wine thar kan dawm dawn bawk.
A nuam ka ti tak tak hle mai, nangni ho nen a titi hi, Krista a tel ve ta lo erawh ka ngai ru khawp mai. Chawnghilh rawn telve duhlo lutuk hi a mak ka ti khawp mai, he topic ah hi chuan RABBI ti a ka koh tur a ni si a. Ka out a hun tawh lutuk tlats, G nite….
June 22nd, 2011 at 2:14 am
zoho, i hman huna i chhan atan..
Isua co-ruler tur, van lawm group i tihte hi thupuan bu a mithianghlim 1,44,000 te hi an ni em ?
June 22nd, 2011 at 8:48 am
Zoho chu nuam iva ti ham ham tak ve. Inrawlh miah loh ka tum deuh a nia, mahse thu i ngam ham ham lutuk a, kan inrawlh ve leh si a nge. 17 a isawi kum 1000 rorel laia Isua thupek thar khi khawiah nge ilo hmuh bik? matthaia 28:18-20 a ‘The Great Commission’ bak hi Tirhkohte thiltih 1:8-9 a khawvel tawp thleng pawha a hming tan tlat tura a thu min pek nen khan. Khami lo kha ‘Thupek thar’ in lo zir bik amawni le? ¤ 2) Pathian Lalram (Kingdom of God) chung chang pawh hi BD ah in zir lo a mawni le? Bible thupui ber pakhat ani a, Thuthlung hluiah pawh vawi tam tak sawi a ni a, Baptistu Johana khan a thuchah ken ber a ni a. Lal Isuan rawng a han bawl tan chiah a, Damlote tidam a, Ramhuaite a han hnawh chhuah khan, Pathian ram hmuh theìh leh khawih theih lam anih loh thu leh, an zingah alo thleng tawh reng tih a sawi chiah a ni.(matthaia 12:28 leh Luka 11:20 hi i sawi bo thei dawn em ni?). Chhunzawm tur…
June 22nd, 2011 at 9:08 am
Amaherawhchu, a bul intanna chauh a ni. A vawr tawp chu Lal Isua krista lokal leh hunah an thin lunga Amah Lalbera neitute nen a inneihna, Thupuan a ‘Beramno nupui neihna’ ti a sawi hi a ni.(Thupuan 21:9). ¤ 3) Jerusalem thar Thupuan 21:9-27 a a sawi leh Amah Lal Isua krista ngeiin, Johana 14:2-3 a a sawi, “Ka pa inah awmna tam tak a awm a, a awm loh chuan ka hrilh tawh tur che u a ni: Tin, In tän hmun ka han siam chuan ka lo kir leh ang a, ka hnenah ka la ang che u: ka awmnaah nangni pawh in awm theih nan” a tih hi, Vanram anih lohvin enge ni ta ang? awm zel tur…
June 22nd, 2011 at 9:26 am
¤ 4) Thupuan 20 a, kum 1000 rorela mitthi tho leh tur a sawite hi a chiang tawk hle emaw ka ti a, i chiang lo hle mai a. Mithianghlim nung dama la awm leh kristaa muhil tawhte lawr chhoh annih vek tawh hnu, Sakawlh chibai buk duh lo tute (Pastor Ruala chuan, Juda ho a ti), Martar hote an ni. chang nga naah,”Mitthi dangte erawh chu kum 1000 a vei hma loh chuan an tho rih lo va” tih inziak na na na a, kaihthawh lo tum ve ngawt chu a dik thei dawn em ni?. Chang 13 ah mitthi dangte thawh leh tur thu hi chu a in ziak chauh a ni. Rorel dan tur pawh, “Nunna bua hming in ziah leh ziah loh ani tawh mai”.
June 22nd, 2011 at 9:51 am
@35, PK – ”Mitthi dangte erawh chu kum 1000 a vei hma loh chuan an tho rih lo va”
kum 1000 chhung judgement a ni a, a zo ta chiah a, chumi hnu ah chuan lo tho ve ta chiah se,an tho tlai mah mah e,judgement part II a awm i ring em ni? Heta MITTHI tih leh THO tih hi lo zir chiang leh la. Van concept, chatuan concept a nih loh chuan mortal concept chuan a diktheilo tlat alawm.
‘Mitthi te chu mitthi in lo vui rawh se’, Isuan a tih a van concept ang kha. Hei hi a har em mai, i pawm nghal thei a nih chuan ka dahsang khawp ang che, kei chuan ka chai rei teh a nia.
June 22nd, 2011 at 9:52 am
@ (¯`·._.·donald duck·._.·´¯) #14 :
June 22nd, 2011 at 10:02 am
Thupuan hi keipawh a har ka ti tak zet a, chuvang ania atirah pawh khan ka inrawlh ve ngam loh ni. Mahse i rawn lak chhuah ber kher khi chu hriat thiam loh tur a awm em ni? 14 a donald comment ah khian a fiah viau khi a, ka ziak nawn kher lo mai a nge.
June 22nd, 2011 at 10:02 am
Isua khan Abrahama awm hma pawhin ka awm tawh a ti a. Nausen piang hlimte, Vanapa leh Taitesena te, Isua hreloa boral tate leh Kaina te pawh kha Isuaah vek rorel sakin an awm dawn. Isua in ,’ Heng mite hi ka khawngaih em mai, an mahni tlan nan ka thisenin ka lei a sin,’ a tihte chu vanramah chatuanin an awm dawn. Tuman sawisel theih a ni dawn lo. Fair lo ti fe fe chu kan awm khawp ang.
Isua thawhleh ruala tho ve ta lo, tuna thlan thima la mu mekte chanchin hi chiangkuang taka hriat tum hi a trul lem em ni ka ti deuh. Thil inthup, kan hriat trul lo hi Pathian hian a nei treuh tih hi pawm ila, a hahdamthlak mai lom ni?
June 22nd, 2011 at 10:06 am
Thupuan bung 14:3 a mi 1,44,000 a sawi te khi chu hlathar sak tura zaihruaitu turte an ni dawn a. Vanramah hian hla thar sak reng mai tur a nia, khing mi 144000 te chauh khian an zir thei dawn a ni. Hmeichhia an tel lo tlat mai khi a mak ka tihlai deuh chu a ni.
June 22nd, 2011 at 10:07 am
#35 – Pastor Ruala ngaihdan khi chu ka pawm theilo ang. Davida Lalram, an nghahhlelh em em zawh hnu ah Juda te kaihthawh chauh mai chu a inrem theilo. Kum 1000 hnu ah enge lo thleng dawn tih hi ka sawi huai ve ngam tawh lo, Isua pawh in RAM, Millenium Kingdom chu Pa hnen ah a hlanlet leh tawh dawn a, Isua aia hriat ril chu ka ngam teuhlo mai. Chatuan pawh hi guess bak chu ka ngam ve lo, kan sun khi kum maktaduai engemaw zat lek a life span a ni bawk si a. Tin, ka buai eihlo bawk, kum sang lalram bak ka thlir ve thiamlo,a dawt ah chuan Pathian thu thu le.
June 22nd, 2011 at 10:14 am
Kum Sang Lalram hi awm ngei a ni. Kohhran thenkhatin an sawi lem loh pawin a awm dawn tho tho. Kum Sangkhat tih a nih angin KUM 1000 chiah chiah a ni mai dawn a ni.
Formula mawl te, ka hrilh chak che u. Chung lam atanga hrin dik tak nih phawt a, Messia lokal leh huna chhandamna famkim kan neih phawtna tur a pawimawh ber. Tichuan, kum Sang Lalramah chuan kum sang lalram chu a takin kan dai ang a, a chiang ber ang.
Chumi hma chuan hriat sil tal a pawimawh.
I Korinth 15:23 Nimahsela mahni hun theuh zelah; Krista chu thawh hmahruaitu a ni a; chu mi hnua a lo kal lehnaah chuan Krista tate chu.
15:24 Chu mi hnuah chuan a tawp chu a lo la thleng ang; chu mi hnuah chuan rorelna zawng zawngte leh, thuneihna leh thiltihtheihna zawng zawngte a tihbo hnuah, Pathian hnenah, Pa hnen ngeiah chuan ram (Lalram) chu a pe ang; 25 a hmelma zawng zawng a ke hnuaia a dah hma loh chuan ani chu lalah a awm tur reng a ni si a. 26 Hmelma hnuhnung ber tihbova awm tur chu thihna hi a ni.
Kum Sang Lalram hi Messia Lalram Thar, leia a rawn din a ni dawn a. “Engkim siamthat hun/Siamtharlehna/lalna hmasa (first dominion)” tiin Bible-in a sawi bawk. Ni ruk chhunga a siam mah a tlo hle a. Kum 1,000 chhunga keini hova a din tur phei chu suangtuah phak bak a ni ang.
Kum Sangkhat a ral hnuah, hun rei lote chhung atan Setana leh a mite inlulinna hun hawn leh zuai a ni. An tawpna chu hmelma hnuhnung ber hneh hlena a awmna THIH HNIHNA chu a ni. Medil-a thihna ngei chu. Heng thite hi chatuana inrawh tur an ni lo. Messia kha kan thih ai a thi miau va, chatuana meipuia kan inrawh ai a inrawh hauh loh kha. Messia khan chatuana kan thih ai a ni, a thih chiah reng ni! Chatuana inrawh, thi si lo lam hi Capital Punishment a awm ngai lo. Thih ngei ngei hi hmelma inhnehna vawrtawp pawh a ni.
Hmelma hnuhnung ber chu thihnaa hneh a nih hnuin, Messia chuan a Pa hnenah Lalram a hlan tawh ang a, chu chu Chatuan Lalram (Pa Chatuan Lalram) chu a ni tawh dawn bawk.
June 22nd, 2011 at 10:15 am
Hemi thu hi chu a inti hrechiang apiang hian an thelh chiang mai ang tih ka hlau deuh. Pathian hmangaihna thu hi ka tan chuan a tawk mai e.
‘Christ unites, Doctrine divides’
June 22nd, 2011 at 10:25 am
ka ro zia ka hre chhuak….nui nui
mahse ti teh ang..kan hriat tlem a zawng chauh paw hi han nunpui thei ila a va tha dawn em.
June 22nd, 2011 at 10:30 am
#43,
Doctrine hi sel emaw ngaihnep ngawt tur a ni lo. Fimkhur tak leh ngun taka ngaihtuaha kalpui tur a ni zawk.
“Watch your life and doctrine closely. Persevere in them, because if you do, you will save both yourself and your hearers.” — 1 Tim 4:16
“You must teach what is in accord with sound doctrine” — Tit 2:1
June 22nd, 2011 at 10:31 am
#34PK, “Isuan ka awmna ah ka hnen ah ka la ang che u” a ti a, a sir a an khenbeh khan ” Isu, I ram a i lokir leh hun ah chuan min hre ve reng ang che aw” a ti bawk a(i ram i thlen hun ah a ti lo, lehlin diklo). Kum 1000 chhung a Isua awmna tur chu he lei hi a ni e,van in he lei ah hian a rawm a rawn extend dawn a, he lei hi VANRAM chu a ni dawn zawk, sakeibaknei an awm ang, rul an awm ang, beram an awm ang, thing an awm ang,theirah an awm ang, lui an awm ang, kan ei in kan in ang, wine kan sawr bawk ang.
Vanram/Pathian ram/Davida lalram(hossana au hla) te thil thuhmun,he lei hi a ni dawn. Van erawh hmun dang daih, dimension dang daih a ni e, van, spiritual realm hi leimi te destined a ni lo.
Van hrim hrim pawh hi an inang lo hlawm khawp mai.
Thupuan a Vanthar leh Leithar cc a ‘van’ kha a chung a van, spiritual realm hi a la nilo leh bawk, a dang leh bawk. Gen a tui leh tui inkar boruak zau tak van te, Paula’n boruak a thuneihna lal, van hmun a thlarau sualho abode a tihte, Peteran tartarus, bottomless pit a tih te, lei si lo, van tawng lo, pathian anchhia,(Mosia darrul khaikan leh Isua thihna khaikan hi chu anchhia miniature model/version chu a ni e) siamthat ngai a tihte erawh thil thuhmun anni thung. Hei hi kum 2000 dehthaw kohhran in a hmuhthelh, Juda ho in an hmuhfiah em em thung si chu a ni e. Judaho tarmit vuah pui ve loh chuan a fiah har khawp ang. Engahnge missionary ten NT chauh min lehlin sak hmasak teh ei.
Hla tak atang in Bible teaching pumpui hi a fiah kuk mai asin.
June 22nd, 2011 at 10:36 am
43.bk, misual.com a Pathian thu ril pui pui leh controversial deuh deuh lai chai luih luih hi ka support lo khawp mai. Mahse, zirtirna dik tawk lo ni a ka hriat erawh chu phít tlawhin ka chhang let zel ang. pastor Ruala sawi khi kum 1952 ami daih tawh a ni a, a lehkhabu ka pa ta ka rochun a nia. Ka roh teh mai ania. “Judate hi an ro kan la rel sak dawn a ti” A pawm dan ani ve mai. Ka pawm dan ani vek kher lo.
June 22nd, 2011 at 10:39 am
Pu chawnghilh sawi khi ka tawmpui vek e!
Pu Chuaua hi zawng mi pakhat a ni ve a, Festa’n Tirhkoh Paula hnena a sawi ang deuh khan, “Pu Chuau, i zir tamna hi i at phah a nih hi!” tih ve mai ka duh deuh thin!
June 22nd, 2011 at 10:45 am
@42Chawnghilh, kum 1000 chiah chiah i ti a, a hnu lawkah kum 1000 hnuah Setana inlulinna hun hawn leh zuai a ni i ti bawk a.
Setana inlulin zuai hunah pawh hian Isua ho khan ro an rel reng dawn tho lo vem ni? Rs 999.89 hi Rs 1000 ti a kan roundup ang hian kum 1000 tih hi a ni leh darkar nen lama dik kum 1000 hi chu a ni lo hrim hrim ang. Kum 1000 ti a sawi theih tur chauh a nih hmel, Setana inlunlin hun reillote belh hian.
June 22nd, 2011 at 10:45 am
e khai…a letling zawng in comment ka scroll let a, chhan tur a va tam ve le, PK leh….
#33 a min zawhna khi #17 ka chhiar nawn leh a, i zawhna khi ka hrethiam lo, i chhiar sual anih ka ring. The grat commission i sawi tho khi alawm #17 a ka sawi The Great Commission chu !
Kum sang lalram ah thupek thar a pe tih lam nilovin, The Great Comission thuchah laimu chu, ‘HE RAM CHANCHINTHA HI HRIL RAWH U’ tih ngei hi le.Post hi kum sang rorel a rawn ti na a, kum sang lalram nen thuhmun anni si a. 
LALRAM chanchin lo thleng tur chu HRIL tur in min ti mai a, kei nin kohhran hi emaw kan han ti dawn dawn mai hi chu a ni lo deuh,a sinthuahna hi kan champion pui ta lutuk a, a tak a hliah hi ka thikthu a chhe thin.
June 22nd, 2011 at 10:55 am
#47 @ PKfanai – hmanni lawk ah Hnam sakhua post vangin i rawn lut a, misual guardian angel emaw i inti deuh tlat mai a.
He forum a lut thin te hi mizo zing ah chuan elite group ah kei ka ngai hmiah asin, 80% (rinthu) of Mizo Community in internet hi an la access phalo, keini hi priviledge few kanni e, kan ngaihtuah awmlo e. Khawvel zau zawk a, public forum ah te hian i lut ngai em? commenters 10 a 8 te hi chuan Pathian hi an sawichhe bawng bawng mai asin, heta Pathian thu kan lo sawi hi lo hlauthawng duh lem suh, tumah mi a leh mi mawl kan awm ka ring lo e. A ning ho lak ah erawh ka inthlahrung thung, chutih zawng chuan tunlai te hi chu kan ti lutuk deuh em aw chu ka ti ve tho mai. 
June 22nd, 2011 at 10:56 am
@zoho #46,
I rawn sawi khi Mizo Bible lehlin tharah pawh hian an la siam tha chuang miah lo nia!! “I ram i thlen hunah..” an la ti tho.
Hei hi eng nge a chhan ni ang aw ka ti? Article-a Pu Chuaua ngaihdan hi kan theologian-te pawmdan lar zawk a nih vang a ni thei ang em ka ti ta. Kum sang lalram (kingdom of God/heaven) hi an hmuh thelh vang a ni thei ang em? Millenial bawhkana van direct hi sermon tam tak pawh hi a ni tlat si a.
Lal Ram chanchin kan inzirtir that tawk loh avangte hi a ni thei ang em, Isua lokal nghahlelh ngawih2 na chang kan hriat loh a, vanram beisei/suangtuah dan tur te pawh hi kan chian loh em em ? Beiseia nung hian chhelna pawh hi a siam tlat avang hian, beisei nung kan tlakchham avang hian emni Mizo christian te hi kan tlo loh em em.. kan hma lawka lawmman hi van direct kan tumna hian a hliah a ni thei ang em?
June 22nd, 2011 at 10:58 am
Kum Sang Lalram hi awm ngei a ni. Kohhran thenkhatin an sawi lem loh pawin a awm dawn tho tho. Kum Sangkhat tih a nih angin KUM 1000 chiah chiah a ni mai dawn a ni.
Formula mawl te, ka hrilh chak che u. Chung lam atanga hrin dik tak nih phawt a, Messia lokal leh huna chhandamna famkim kan neih phawtna tur a pawimawh ber. Tichuan, kum Sang Lalramah chuan kum sang lalram chu a takin kan dai ang a, a chiang ber ang.
Chumi hma chuan hriat sil tal a pawimawh.
I Korinth 15:23 Nimahsela mahni hun theuh zelah; Krista chu thawh hmahruaitu a ni a; chu mi hnua a lo kal lehnaah chuan Krista tate chu.
15:24 Chu mi hnuah chuan a tawp chu a lo la thleng ang; chu mi hnuah chuan rorelna zawng zawngte leh, thuneihna leh thiltihtheihna zawng zawngte a tihbo hnuah, Pathian hnenah, Pa hnen ngeiah chuan ram (Lalram) chu a pe ang; 25 a hmelma zawng zawng a ke hnuaia a dah hma loh chuan ani chu lalah a awm tur reng a ni si a. 26 Hmelma hnuhnung ber tihbova awm tur chu thihna hi a ni.
Kum Sang Lalram hi Messia Lalram Thar, leia a rawn din a ni dawn a. “Engkim siamthat hun/Siamtharlehna/lalna hmasa (first dominion)” tiin Bible-in a sawi bawk. Ni ruk chhunga a siam mah a tlo hle a. Kum 1,000 chhunga keini hova a din tur phei chu suangtuah phak bak a ni ang.
Kum Sangkhat a ral hnuah, hun rei lote chhung atan Setana leh a mite inlulinna hun hawn leh zuai a ni. An tawpna chu hmelma hnuhnung ber hneh hlena a awmna THIH HNIHNA chu a ni. Medil-a thihna ngei chu. Heng thite hi chatuana inrawh tur an ni lo. Messia kha kan thih ai a thi miau va, chatuana meipuia kan inrawh ai a inrawh hauh loh kha. Messia khan chatuana kan thih ai a ni, a thih chiah reng ni! Chatuana inrawh, thi si lo lam hi Capital Punishment a awm ngai lo. Thih ngei ngei hi hmelma inhnehna vawrtawp pawh a ni.
Hmelma hnuhnung ber chu thihnaa hneh a nih hnuin, Messia chuan a Pa hnenah Lalram a hlan tawh ang a, chu chu Chatuan Lalram (Pa Chatuan Lalram) chu a ni tawh dawn bawk.
Van khua leh tui satliah atan maia lei kan ni lo, KINGS AND PRIESTS atana Messia thisena lei kan nih thu King James Version-ah phei hi chuan a inziak chiang.
June 22nd, 2011 at 11:06 am
@Donald, Doubt kha i en tawh em? Meryl Streep Roman sister a a channa kha? “Its better to lie a little than to tell the truth for the sake of the church” a tih kha. Kan kohhran hruaitute hian mipui nawlpui hi an hlau a, Kohhran hi an carer,job, occupation(ka ti lutuk mai thei, Synod moderator hlui pakhat sawi ngei a nih hi
) ah an ngai a, kohhran a kehchhiat ai chuan dik tawk zatlo deuh a kal zel hi an duhthlanna a ni e. An zavai in ka sawina erawh a ni lul lo e.
June 22nd, 2011 at 11:09 am
@ chawnghilh #53
Amen!
Helai forum-ah chuan kum sang lal ram beisei deuh hlir lo zu awm ia! Pu Chuaua hrilhfiahna chu kan pawm lo tlang a nih hmel
June 22nd, 2011 at 11:10 am
@Teatak2 : #49 : Bible chang refer hman turin ka server a chhe lutuk a, a theih zawk karah ka rawn inrawlh lo thei lo a ni. Thu Puan 20:7-10 chhiar teh Tin, kum sangkhat chu a vei hunah chuan, Setana chu a tanna ata chu chhuahin a awm ang a, 8 lei kil lia hnam te, Goga leh Magoga chu buma indonaa hruai khawm turin a kal chhuak ang; chungho tamzia chu tuifinriata tiauvut ang mai an ni. 9 Tin, lei vang lam dapin an kal chho va, mi thianghlimte riah hmun leh khaw duhawm tak chu an hual ta a; tin, van atangin mei a lo tla a, anni chu a kangral ta a. 10 Tin,anmahni bumtu Diabola chu sakawlh leh zawlnei der awmna, mei leh kat dilah chuan an paih ta a; tichuan chatuanin achhun azana nghaisakin an awm ang.
June 22nd, 2011 at 11:15 am
Ok zoho..
Van direct tura in zirtir ai chuan lal ram cc hi hril ila mipui hian kan ei zawk ka ring tlat kei chu. A chhan chu kei pawh hian khiiita vana direct hmaa leia kum 1000 literal leh practical taka Isaia te ho lo hrilhlawk anga khawsak phawt hi ka thlang in ka ring. Van thengreng la hmelhriat loh ltka han direct te chu kan hawi a ltk ang e.
June 22nd, 2011 at 11:19 am
53 @ Chawnghilh- i comment ka chhiar a, ka mur seng seng thei mai alawm le, ka chak ber, ka lungkham ram a ni e. I sawi thiam mang e..
. ni 6 chhung a siam mah a tha a, ni 360x 1000 chu a van tha rura dawn tehlul em… 
Dake-a chhut dan.
Gennesis account a ni(yom) 6 na kha 24 hrs a nih ngei ngei tih proof na mathematical calculation ang deuh ka nei asin.
Mahse, “Puithiam ah leh Khua leh Tui ah min siam” tih hi a dik zawk ang, KINGS and PRIESTS nilovin. Puithiam(Disciple class) chu ka ni pha lul lo, Khua leh Tui erawh ka lungawi rem rem khawp mai kei chu.
June 22nd, 2011 at 11:20 am
Pu Chuauva tarlan hi ama irawm a ni lo va, mite ngaihdan a nih ber hi! Amah hian tarlan ngam, ama irawm a nei lo thung a, lehkha phek tihhek nan chuan a rawn tarlante hi a nep ka ti. A nem zawngin Pu Chuauva hian chhan a ngai ve fo. A pawngpawrh viau chuan PC Biaksiama nen an chalah ka la pen ang.
June 22nd, 2011 at 11:21 am
In inti hre hlawm lutuk insum ru……
Comment ve dan tur reng2 ka hre ta lo.
In comment threnkhat te khi chu a dramatical thei angreng ka ti! mashe ka hriat ve loh hlir ani sia ‘Hetiang/Chutiang zawk chuan ani e’ han ti thei pawh ka ni chuang law….
Ka hriatzawng an rawn post hun ngak ve leh tawp mai teh ang!
June 22nd, 2011 at 11:23 am
@zoho : Lal thisena lei, unau anga a adopt ngheh che i ni a, we are born to rule … priest anga tihthianghlim tawh kan ni bawk alawm. Vantirhkohte meuh pawh kan la relsak (judge) dawn tih Paula’n a sawi kha! Ringtu dinhmun hi a nep lo teh a nia! Min tlanna, leina thisen hi a namai lo em mai!
June 22nd, 2011 at 11:23 am
Zoho, misual.com chhiartu tam dan tur hi i rin phak fe a tam anni ang. Tin, comments pe thin chinah ringawt pawh hian kristian ni lo leh Pathian awm pawh ring lem lo pawh an tam tih a hriat vek hi. Tin, An nun a, Pathian Lalram (Kingdom of God) la thleng pha lo, la confused tak tak tam zia te hi aw, lo ngaihtuah ve teh. Nang leh kei ang hi chu tam kanni hauh lo a nia. “Lalpa , Lalpa ‘ mi ti nazawng chu vän ramah an lùt lo vang a: ka Pa vana mi duhzawng titu erawh chu an lùt ang” (matthaia 7:21) tih hian ‘Kingdom of God’ awmzia chu a ti fiah mai em? Denomination emaw, Kristianna ringawt emaw hi a tawk lo. Thinlunga Isua Krista Lal tir phal a ngai a sin. Kristian inti si, Thinlunga Isua krista Lal tir phal silo kan tam lutuk vang hi alawm kan zoram kristian ramah ‘SUAL’ a tam em em ni.
June 22nd, 2011 at 11:26 am
zoho : 9862566673-ah mi call zuai teh.
June 22nd, 2011 at 11:30 am
@Zoho : Tih tak emah chuan Hall of Faith-ah hian Roll No. hnuhnung ber ni pawh ka chak tho! Coronation program ka tisei ting a ni mai.
June 22nd, 2011 at 11:30 am
#59,
I sawi chu dik ka tih rualin, Pu Chuaua hian ama irawm chhuak rawn present nilo mahse hetianga BIBLE Thu Mal Hrilhfiahna bua a rawn tarlang a nih chuan a pawmdan leh interpret dan ni turah kan ngai ve tawp
.
Anni ho hi chu theory hrang hrang an zir kual a, an pawm tur ber hi an thlang fel mai ni hian ka hre deuh; pawm tur bik tumah in hrilh lem lo hian.
June 22nd, 2011 at 11:30 am
@ Donald, i dik chiah, Van(thlarau khawvel) kai inring leh beisei ho in, a nawm dantur zia an sawi hi kan gene ah chu tiang nuamti tur a programme kan ni si lova,kan mind hi chutiang hrethiam tur a design a ni silo a, kan dream thiam lo a, a ho lel zel.
“Chatuan in bang lovin kan zai ang.” Ka peih teuhlo mai.
“Rangkachak tual ah kan leng ang” huizz… rheumatism kan vei vek ang a sin.Lei a siam, lei rap tur a design kanni a, rangkachak element ah kan damna healing properties a awm lo, lei ah erawh a awm ropui rapthlak.
June 22nd, 2011 at 11:34 am
Ka chhutsa a bo veka kan ti tha leh ange..
#45
Doctrine ka ngaihnep vang a ni hran lo a nia. Kohhran tin hian Bible kan hrilhfiah dan atangin Doctrine, ziak in emaw, ziak lo pawhin kan nei theuh mai a. Hengte hi Kohhran himhalh nan te, zirtirna diklo laka inven nante kan hmang a. Mahse hei hi Kohhran min then hrangtu chu a ni leh thin a. Kan rin dan ang pawm velo tute pawh kan hmin theih tak tak chuan loh hi maw….
Bible zirtirna tluang pangai hi a awm ve bawk a, Millenialism te hi chu a harsa em mai. Bible hrilhfiahna tha ber chu Bible hi a ni an ti thin a. Rev. 20:1-6 thu hi NT hmun dangah tanpuitu a vang hle mai a, a thu hi a ngial a ngana kan la te a nih loh chuan. Mahse kan han comment dan atang pawh hian a ngial a ngana lak chi chiah chu a nih hmel bawk si lova.
Bible a issue pawimawh lai a ni ber lo aniang….
June 22nd, 2011 at 11:38 am
#65 : Ziak mite hian hmai phihna tur chang lawk vekin an ziak tho. Huaisen biru an ni chawk a.
June 22nd, 2011 at 11:42 am
@bk #67 : Nia le, Thu Puan hi KHUH HAWNNA a ni tawh a, ualau tak a ni. Symbolical deuh vaka ziak mah ni se, Thu Puan 22:19 tin, tupawhin he hrilh lawkna lehkhabu thua mi thu a lak bo chuan, he lehkhabua ziak Nunna Thing leh Khaw Thianghlima a chan chu Pathianin a la bo ve ang.
“He Lehkhabu-a ziak” a tih chiah phei khi chu Patmos Isle-a Johana kut ngeia ziahtir Apocalypse ngei hi a la ni ta dah.
June 22nd, 2011 at 11:46 am
Kum Sang Lalram hi he lei hmasa la ni riha ringtu, doctorate degree hmu pha ve lote hmuh hun tur a nia, in nghakhlel vein ka ring. Tuna kan ziak den den pawh hi khi lamin a hre chiang ang a, kan dissertation a ni vek e.
June 22nd, 2011 at 11:47 am
@bk #67..
I sawi dik chiah. Doctrine hian engemaw chinah min tibuai tih chu phat rual a ni lo. Mahse hei hi doctrine vang a ni lo a, mihringte zawk hi kan inti buai thin a lawm. Millenial hi issue pawimawh ber chu ani kher lo ang, mahse Bible ah a lang miau a, theihtawka kan zirchian ve hi a dik a ni. Min ti darh mai mai tia kan hnawl zel chuan Pathian thu hi zirtur alawi a awm lo ang. Eng subject pawh hi inhnialna tham chu a tling vek mai.
Millenialism chungchang bika ka ngaihdan chu comment #23 ah khian ka tarlang tawh a, khitianga mi dangte pawmdan zahsak tak chunga dik nia kan hriat hi kan present dan tur niin ka ngai.
June 22nd, 2011 at 11:57 am
#67 ka han belh leh lawh ange.. doctrine ka tih khian mihring phuahchawp nilo Krista doctrine ka sawina a ni a,
Milleniallism issue pawimawh ber a ni lo ang kan tih pawh khian Thupuan bu a mi ngawr2 chauh kha a ni. Mahse panoramic view atanga thlir chuan issue pawimawh ber a ni tih chu ka sawi ang. A chhan chu Isua thuchah ber kha a ni tlat. Pathian lal ram thu a ni.. kingdom of God/heaven, mizo in vanram kan tih hi.
June 22nd, 2011 at 12:00 pm
Mahni ngaihdan sawi tlang mai te hi a tha alawm. A Phone atanga chhut a harsa si. Kei chuan post khi ka
mai e.
June 22nd, 2011 at 12:03 pm
66. Zoho chu i tawng buai tulh tulh mai a. “Pathian chu thlarau a ni”(Johana 4:24) te, “Unau te u, Tisa leh thisen hian Pathian ram chu a luah thei lo vang” (1 korinth 15:50) hengte hi i hre hneh hle awm si a, Engatinge Tisa leh thisen nena Pathian ram luah chu i tum tlat le. Rorelna hma a, tuma tanpui theìh miah lohva i din hunah, Lal Isuan i phu vang ni hauh lova, a sawi fel sak hunah che chuan e. Amah fakna hla sa tura nawr luih i ngai bik hauh lovang e. “Dap chhuata bawk veng vawng a zozial pak talh talh sam tawk lek tan chuan, Vanram nawm dan tur zia hi chu kan sam thiam tak tak lovang. Thlemna a awm tawh lo tur ringawt pawh hi a nuam awm e. Lungngaih tah leh lungngaia inthen a awm tawh dawn bawk si lo..
June 24th, 2011 at 2:18 am
pka chu teh ngawt dawn a, i rinloh dan a ring chu buai tihna?
Adama bawhchhiat hma THAT, bawhchhiat hnu THIS. He tisa leh thisen hi a corrupt ang ang tawh hnu hian Pathian Ram a lut dawn lo, corruptible hi incorruptible a ni leh dawn tih sawina – helai chang hi i ngai thlarau a ni maw? Kan la sawiho dawn nia.