- Dr.Zokhuma Vety [L], Chawnpui.
Mizote leh Vairam kan in kal pawh hmasak hi British-hovin Cachar phai an rawn luah hnu a ang hle; chuti anih chuan 1850 hnu lam tihna ani ang. Britishin min rawn luhchilh hma hian kum tamtak chu an lo indawr ve tawh a. Tipaimuk, Tuirial, Tlawng, adt ah te pawh Vaiin dawr an rawn siam a, Mizo lalten chhiah an lo la ve a. Tam te pawhin Silchar chuan a thlawnin buhfaite pawh an rawn pe a ni.
Heng atangte pawh hian an mi changkang deuhte chuan Vaitawng eng tal chu an thiam ngei ani tih chu a hriat theih a ni. Sapho chuan Phaitual lam atangin Mizotawng thiam rawih tur (Tawng lettu) an nei thin tih kan hmu. Keini Sailo lal te pawhin an khawnbawl upa fel deuhte an aiawhin an tir thin ngeiin a lang bawk. Engpawh nise an inbe thei tih chu a chiang ani.
Hetiang Lal tirhkah hriat theihte chu Zapuithanga leh a fapa BAIA, Sentlang lal Kalkhama khawnbawl min, Silcharah-ah te vawi tam tak palaia a thleng thin a awm. Viceroy-in Manipur a tlawh tumte pawh a Silcharah Sap chu lo zuk hmu ve phak niin an sawi. Hengte hian Vaitawng chu an thiam khat awm e.
Heng hunlaia Vaitawng thiamte hian Sikul-a an zir thu leh ziak leh chhiar an thiam a rinawm lohva, Mizote’n Vaitawng kan zir ve hnuah Pu Changa Vaitawng bu tih kan hria a, Pu Changa, lehkhabu siamtu chu a lehkha zir a thiam hmasa ni ngei turin a ngaih theih. Mahse Mizo School a Vaitawng kan zir chu Mizoram zirna lam a lo changkan hle hnu, 1900 hnu lam daih niin a lang.
Pu DOSATTHANGA, Chawngthu Vanchiau, Pu M.Suaka nau kha Vaitawng ziak leh chhiar mai bakah, thiam tak taka thiam hmasa ber anih a rinawm. Hemi anih theih dan hi chhuichian angai riauva. Kum1890 Feb-ah Vailian vawihnihna chuan Aizawl-ah hmun an rawn bengbel a. May thla-ah Bawrhsap hmasaber Capt. AR Brown a lo awm a. Sept. thla-ah Mizo Lalte’n an inremna sauitan bawhchhiain an kap leh ta a. Hetihlai hian Pu M.Suaka & Thangphunga-te chhung hi Changsil Kulhah an awm ve tawh a.
Bengali Doctor Babu, Sipai hliam phai lam kal pui tur chuan Pu Suaka hnehah chuan a nau Dosattanga kalpui a dil angin a hruaive ta a. An khua Dacca lama leave a akalnaah a hruai pah a. Hetih chhung hian Doctor chu Silghat-ah an lo transfer a, a hruai ta zela. Chuta tang chuan Dacca lamah an transfer leh a, kum 5 chhung zet an inzui bo ta anih chu.
Doctor Babu te chhung hi mi pangngai tak anni a, a tira tumang lo taka Dosatthanga an bopui ta reng te pawh chu an inthiam lo ve hle ani ang. Chhiahhlawhang mai lova enkawlin Sikulte an luh tir a. A u M.Suaka ‘Lushai Clerk’ a lo nih hnu khan an pute (Bawrhsap) tanpuinain an zawng zui ta a; Chanchin an inhrephak leh ta a ni. A lo haw leh dan tur te ralkhatah fel taka an remsiam hnuin a u Suaka hian Silcharah a lo zuk hmuak a, Kum 1895-ah an inhruai thleng leh ta ani. Kum 15-mi ni a kalbo a ni a, kum 5 chhung Mizo biaktur hmu phak hlek lo chuan Mizotawng pawh a theihnghilh hman a ni.
Chutiang kalphung zawng zawng han chhut kir hian Mizo zinga Bengali ziak leh chhiar leh tawng pucca taka thiam hmasa chu Dasatthanga hi ni ngeiin a lang.
Hetia kum 20 mi nia Zoram a lo chuan chhuah leh hian, Bawrhsap J.Shakespear-a chuan a lo ngaihven hle a. Pu Suaka bulah chuan I nau chu rawn hruai rawh a ti fova. A han biak sawmin ‘Mail Overseer’ hna a thawh tir ta ani. A hnuah Forrester-ah a chhawr zui leh a. Chu hna atang chuan kum 1916[?]-ah a pension ta a ni.
A tar hnu thleng hian hisap reng reng a tih chuan Vaitawng ngatin a la chhut a, amah khawhara a awm chang pawhin Vai-hla ngat a la sa veng veng thin. Hisap leh lunglen nan pawh Zotawng ai chuan a damchhungin a thlang ta tih a ti lang.
[P.S : Pu Hruaitluanga khan hmeichhe pakhat Vai pasal nei chanchin a ziak tawh a, ka hmuchhuak zo mai si lo. A hrechiang zawk khan rawn post ve teh u ]
Similar Posts:
- Mizote leh Sawrkar Hna ( Civil lam thung)- Dr.Zokhuma (Vety) Rtd., Chawnpui.
- Hriselna lama Mizo zinga mi hmasa thenkhat te
- Bawih chhuah chungchang
- Thlalak thenkhat
- An lenlaini te
June 24th, 2011 at 12:18 pm
Zohnahthlakah chuan ka pu Laldailova pu leh chhawng, Lungleng lal Khamliana Sailo pa, Lalngura Sailo khawnbawl min Lalbuanga kha vai tawng thiam hmasaber a sawi a ni. Mizo lal hoin Kulkhut (Calcutta) a vai na zuk dawr pawh khan an tawng lettu atan an hruai nghe nghe.
Hei hi December 1872 a Kulkhut an vai dawr lai an lak a ni. Mi 3 thu zinga a lai ami khi Lalngura Sailo, Lungleng lal chu ania. A dinglama kut khuh deuh silai keng hang relrawl tak khi ka pu pu leh Lalbuanga chu a ni. Thutung 2 a thuthleng a thu hnaih zawk hi Pu Thenphunga pu a ni bawk.
https://i53.tinypic.com/2dv7u3r.jpg
Report this comment
June 24th, 2011 at 12:54 pm
Lo chhuak der anih hi!
@H.V : para 1-3 khi chhiar la, i pute ho hi hemi category-ah hian an dah theih hmel a ! Mahse, ziak leh chhiar mai bakah Vai hla a lungleng khawpa thiam chu an nih hmel loh !
Ku_Shaia thianpa Pu Hruaitluanga (of Synod Bookroom) khan heia thuk deuh hi paper/article chhuah tawhin ka hria….!
Pu Dosatthanga hi a thil chhut leh lunglen pawha vaitawng hlira ngaihtuah thin khawpa thiam a ni e. Pu Suakan Silchar-a a lo hmuah kum hi a chiang lo chungin 1895 hnulam chu ni ngeia hriat anih avangin kum5 chhung tiha ziak hlen a ni.
Report this comment
June 24th, 2011 at 1:07 pm
lushai_er#2 Kan pu Lalbuanga khan Vaitawng a ziakin a chhiar thiam, an hla a sak erawh an sawi ka hre ngailo thung. Bengali leh Hindi a thiam ani awm e.
Thubelh: Tawng hrim hrimah ngawt chuan Mizo hmeichhe English tawng thiam hmasa ber a an sawi pawh ka pu nupui Lalnui.
Inti vaitingtang hi an awm ve hrim hrim alawm
:Fiamthu:
Report this comment
June 24th, 2011 at 1:46 pm
Dosatthanga chu thiam chu a thiam thawkhat tih a hriat khawp mai.
Report this comment
June 24th, 2011 at 2:09 pm
@H.V: I pu chuan 1872 velah chuan vaitawng ziak leh chhiar a thiam tih ziahna documents i nei mial em ? Tin, a zir dan chanchin te i hre mial lo maw ? Thangtharte tan a la pawimawh khawp ang.
ka chhuak lawk dawn a, post ka vil hman dawn lo. min lo hrethiam aniang chu.
Report this comment
June 24th, 2011 at 2:13 pm
Kia bolta he..
Report this comment
June 24th, 2011 at 2:25 pm
lushai_er #5 ka neilo tlat mai. Pu Khamliana diary ah khan a chuang em ka hrelaw, ka hriat dan chu ka pu ziak leh sawi ani mai. Ka pu khan Tlawngdunga an lo haw mek lai khan Sikserh (Malaria) an vei ta si a. Khatah khan an thil hawn, an thlalak leh lehkha pawimawh te chu an hal ta vek anih kha. Ka pu chuan, an lehkha hawn a inziak chu, “Lusei lal te nen hian remna thuthlung ziak fel ani tawh…,” tih lampang anih thu a sawi ka hria. Tin, Kulkhut an kal khan “Milestone” te kha a lehlin sak thin tih a asawi tlat a ni.
Ngawi teh khai, Pathian zarah dam phawt chuan Aizawl haw thuai tum dan tur ngaihtuah dan kan ngaihtuah mek a hehehe, ka thil tih tum ruh em em mai chu ka pu bungraw hlui ho hai darh vek a ni. A lehkhabu tlem, a “Sum up” tih vel tlem ka kawl bak hi kalo kengthla lova a pawi khawp mai. A ziak nual chuan ka ring, ziah lam a peih em mai.
Report this comment
June 24th, 2011 at 2:51 pm
@ HV, i rawn chhuah hunah, Lalhruaitluanga Ralte ziak, ‘Zoram Vartin’ tih lehkhabu hi i la chhiar don nia.
Report this comment
June 24th, 2011 at 3:24 pm
shai, awle
Report this comment
June 24th, 2011 at 3:47 pm
Pu Hv, i lo chhuah hunah chuan lehkhabu ka lo pe ang che aw.. Chuan, i pu thil hlui min pe vek dawn nia..
Report this comment
June 24th, 2011 at 3:49 pm
TS hairehai
Report this comment
June 24th, 2011 at 9:49 pm
#1, Pu Hv, Pu Vana khan hmanni ah i thilsawi chungchang khi mi hrilh hrep tak asin…anni chhung hi an thluak a tha ani ati….
Report this comment
June 24th, 2011 at 11:35 pm
Keini Sailo Lal a han ti deuh ngei a, In lal tawh chiah lo..hehehe…tin Mizo zinga Vai tawng thiam hmasa chu Vanhnuaithangi tih hi ka hriat dan a ni. Suhah Chaterjee phei chuan, matric pass hialin a sawi nghe nghe. Sap ho nen an indawr pawhin, Zawlbuk ah ngei a lo hmu thin. Edgars pawhin eng treaty or pact emaw pawh a sign pui ngei a. Nu hmeltha tak a ni a, Colonizer aiawh, Edgar pawhin Vai tawng a thiam zia a sawi bakah, a hmelthat thu pawh a sawi a ni. Hetianga Mizo mi hmasa ber tih vel hi fimkhur ngai tak a ni. India ram mai ni lo, London thlenga document chanve pawh kan haichhuak lo a nih chuan, hetiang hi uar lutuk thain ka hre lo. A ziaktu pawh hian document nei zau vak si lovin, a sawi uar mai mai a ni..hetiang article hi ka ngainat loh zawng tak a ni….
Report this comment