“Theipui thing par dawn lovin, Grep hrui rah dawn hek suh seng, Olive thing pawh rah lovin, Lovin ei tur chhuah dawn lo seng, Huang ata ran rual tibovin, ranin ah ran awm loh mah seng, ka lawm zel ang, Lalpa ah chuan, ka chhandamna Pathianah chuan ka lawm cheu dawn…”
Kan tawngtai hian…
Kan dil leh kan chham te hi kan ngaituah chian a tul fo. Pathian engkim ti thei leh kan tana tha ber tur a min ruatsak leh min thawhsak theitu hian kan duhna leh kan inpekna thinlung hi a duh in a lawm si a. Ngaihtuah chiang miah lo a tawngtai thu chham mai mai hi a awm ve thei ang em?
Chaw ei dawn a tawngtai te chu, ‘Aw Lalpa ngai bawk…’ tih a tawk reng an tih fiamthu ang deuh in. A bik takin kan tan a thil kan dilin kan hmasialna leh kan tan a tha tur ringawt kan ngaihtuah thin vangin, kan tawngtaina a hlawhtling lo in kan hre fo thin em…? Pathian kan biakna leh kan pawlna a nih vangin thinlung leh tihtak zet a kan tawngtai hi a pawimawh hle.
Kohhran upa pakhatin fiamthu ti tih deuh a a sawi kha ka sawi nawn leh ang. Ti hian a ti: ‘Inkhawmna a kan thil dil zawng zawng hi inkhawm ban hian hmuin dawng ta vek ni ila, kan dil a ni tih pawh kan hriat mang loh hi kan dawng nual mai ang a, mak ti tak tak hi kan awm nawk lo’ng maw…?
Tawngtai ka sawisel na a ni lo, mahse kan thil dil kan fimkhur a tulna thu ka sawina a ni e. Entirnan Bike leina tur sum nei hawt si lo leh thawhchhuah tum chuang bawk si lo in Bike lei duh a Pathian dil sek ang te hi thil dik ber a ni lo mai thei.
Pathianin chhia leh tha hriatna thiang min pek hi kan hman thiam a tul hle. Kan Pathian danglamna kan sawi fo thin chu engkim kan tana tha leh fel tur a min ruatsak leh min chhanna hi a ni.
Eng-le-khawle, kei zawng Habakuk-a tawngtaina hi a thukin, a ropui ka ti thin; ma’rawhchu tawngtai a zawng a chham har ber leh mi pangngai a ngaih tan (?) a han chham chi a dawn em ni a tih theih thung!
A lawmna, Pathian a ni tih a lantir hian a rin Pathian a hriatchian zia leh, ANI chuan a hun takah a chhanhimin a mamawh a pe dawn tih a rinna vang a he tawngtaina hi chham thei chauh a ni si a. Mihring mihrinna atang a theih miah loh kha Pathian puihna leh awmpuina vang in eng harsatna pawh tawk mah se a lawm thei zel dawn a lo ni.
“Aw Lalpa chaw leh thil TINRENG…
Min pek avang in kan lawm e” tih hi Mizo Kristian chhungkua a seilian chuan hre lo kan awm kher awm lo e. A awmzia a fiah theih nan ka thiannu pakhat testimony hi tha ka tiin, midang te hnenah ka sawi chamchi a, tunah pawh ka sawi lang leh ang. Hetiang hian a sawi-
“B.V.Sc.&A.H 4th year promotion (composite) exam kan neih dawn kar hnih vel lek awm tih ah zankhat thil thu in ka pum a na thut a, tawrh zawh mai a nih loh vangin a rang thei ang berin damdawiin kan pan ta a. Ka beisei ngai miah loh Doctor aw ka hriat chu eng dang ni loin: ‘A kal (Kidney) hi zai a ngai a, a theih ang a rang a phai lam in pan a tha’ tih a ni.
A tuk zing a damdawiin khum atanga ka tho chu exam tur hmabak rilru ah a lianin ka hun tawn leh ka chunga thil thleng mek leh thleng tur ka ngaihtuah a, hlim a har talh talh khawp mai. Kum khat dang ka zir leh a ngai dawn ang a, tin ka thian dang te’n ka thiam loh bik vang pawh nilo a 5th year min nih san tur leh junior te nen a class kan rual tur te ka ngaituah lek phei chuan natna nei bawk nen, ka bing mup mup hian ka hria.
Tin heti hi a ni a, ka mutna khum bula damlo, nu pakhat chuan ka na tuar in dawm kun reng mai min hmu chu a rang a rang in ka bula lo kal leh mi biak a tan nghal a. Ani chu hnute cancer vei, zai hlawhtlin tawh, chumi ni a damdawiin chhuahsan mai tur hi a lo ni a.
Ka khum bulah lo kal in, “Mami ngatinge I lungngaih em em, lawm ta che, lawm tur I ni tih I hre lo em ni?” min han ti ringawt mai chu en pawh ka en peih lo, ka haw ngawi ngawih; ka duh dan chu ni thei se, ka bul atang a kal bo turin nurse emaw doctor hrilh hial ka duh, mahse mi kiansan mai a tum awzawng lo.
‘I naupan tet atang a I tawngtaina chhan in I awm a, engati nge I hlim theih loh?’ min ti a. A rang a rangin ‘Ka pi he natna hi ka dil ngailo, ka tawngtaina ah ka telh ngai lo hrim hrim. Tin natna dil mihring I hre ngai em ni, min va ngai a (mawl) ve a? Nangte chu hlim tur I ni reng alo’m, I natna a dam a, vawiin ah damdawiin I chhuahsan dawn a nia’ ka ti chiah chu. ‘Mami I naupan tet atang nitin I tawngtaina thu a ‘Aw LALPA chaw leh thil TINRENG min pek a vangin kan lawm e’ tih a TINGRENG hian engkim a huam tih hre ta che.
Lehkhathiam theihna te, dam leh hriselna leh hlawhtlinna chauh kha a huam lo a, tuna I tawrh mek natna ngei pawh hi a huam tel tih hria la. He khawvel a I awm chhung hian a tha vek nei la, Pathian in I nun a thil a tih I hre thei kher ang em le…? tiin zawhna zawng a harsa ber min zawt ta. A thusawi chu a dik ka ti a, mahse ka pawm thei mai lo thung.
Ama’rawhchu hun a kal zel a, tluang takin ka kal (kidney) chu phai (vairam?) ah hlawhtling takin an zai a, ka beisei phak miah lohin ka dam chak a, ka rilru luah tu ber exam pawh harsatna lian em em tawk loin ka pe in ka pass ta bawk a.
Ka tawrh lai a hriatthiam harsa ka tih kha ka ngaituah let leh hian ka pi thusawi kha dik ka ti a; ka natna vang a Pathian ka hnaih na leh, amah lo chu in nghahna tur an awm lo a, tin harsatna hmun a muanna min petu pawh AMAH chuah a ni tih ka hriatchian phah a. Ropui ka ti tak zet…” a ti.
A diltu kan ni…
Kan tawngtai a, a diltu ni si hian kan dil ang a a thlen loh emaw kan tawngtaina chhan a ni lo a kan hriat in kan vui lo chauh thin. Hla siamtu pakhatin a tih ang in kan dil ang leh kan beisei ang diak diak hian malsawmna hmuin kan tawngtaina te chhan ni ta se, Pathian kan hnaih reng thei lo ang a, tin min petu a ni tih pawh hre loin kawng dang ah kan bo san hial thei bawk. Mahse chu chu Ani chuan a thlen phal lo in kan tan a tha tur leh kan mamawh tawk, kan mimal nuna kan zawh tawk leh ka phurh zawh tawk te te in min chhang in min enkawl thung a ni.
Bible atangin…
Rinna a kan pa Abraham-a tawngtaina chu kum 25 (Pathian in a koh khan kum 75 a ni a, fapa Isaka a neih khan kum 100 chiah a ni) hnu ah chhan in a awm a, a thlah te tuifinriat kama tiau vut leh van a arsi ang a tam an nih tur thu Pathian ngeiin a hrilh nisi khan fapa pakhat nei turin heti chen hi a nghak a.
Tin, Joseph-a mumang leh a tawngtaina pawh dawt muhlum, thleng leh reng reng tur a ngaih a nih tawh loh hnu ah chhan a awm in Pathian chhanna chu a u leh nau, a pa Jakob-a ngei in kum tam fe hnu ah an hrethiam chuah a.
Hetih lai hian zawlnei Elija tawngtawina erawh chawp leh chilh a chhan a awm in, kum thum chhung teh meuh khua a khen hnu ah ruah dil a a tawngtai zawh hnu lawk ah ruah-pui-van-awn a sur thung.
Ninevi khawpui, sualna a khat Pathian hremna an chunga lo thleng tur an hriat a in ngaitlawm a Pathian hnena an tawngtai meuh chuan an chung a hremna thleng tur a hrilhlawktu zawlnei Jon-a beisei phak miah lo a chhan in an awm bawk. Jon-a pawh Pathian hnenah a vui hial a nih kha.
Kan rin leh a hnung kan zui Isua Krista ngei pawh kha a duh ang a a tawngtaina hlawhtling ni se zawng, mihring te chan tur hi ngaihtuah phak pawh a nilo, ma’rawhchu kan ngaihtuah hah ngai miah lo in Pathian remruat ang zelin kan sual chhandamna pawh kan hmu ta zawk a lo ni. Heng entirna hi kan hriat tawh sa vek ni mah se kan thu ziah thlawptu leh ti fiah tu atana sawilan mai an ni.
Chuvangin…
Tawngtai hi a pawimawh in, ringtu te tan a kan chakna bul leh Pathian nen a inpawlna hun kan neih theihna kawng pawimawh ber a ni a. Kan dil leh kan duh ang zawng zawng chhan in awm vek lo mahse, kan dilna rilru leh kan mamawhna hre vek tu Pathian kan neih vangin bansan mai loin, Amah ring tlat chungin dil thin ila, tin chhan a kan awm a nih paw’n lawmna chang hria ila.
Rilru zawng zawng a Pathian kan pawl a kan biak hian hlawkna kan telin, nun a hlim thin. Pathian hnen a inpumpekte nun leh tawngtai hi a a inkawp tlat a. Chuvangin nitin nun a midang te tan a malsawmtlak nun nei thei tur leh, lawmna chang hre thei tur a nun kan duh chuan tawngtai a tih takzet a Pathian kan pawl a, Ama hnena ka in pumpek fo hi ringtu te tih tur makmawh a ni.
Similar Posts:
- Nu hmangaihna
- Damna Famkim (Sunday Pual)
- Pathian tih mi, tawngtai room hran nei
- TAWNGTAINA
- Enge In Ngaih Ve Dan…?
:D
(Y) 
July 16th, 2011 at 12:45 pm
tha dap dap hle mai.
Report this comment
July 16th, 2011 at 1:04 pm
A post tupa hi khatliam bawk a niang-chhiar chhung a rei hle mai.. Tawngtai hi uluk a ngai reng a ni. Kan naupan laia kan thenawm thin pitar tawngtai pawh kapa’n “Pathian hian a tawngtai zawh chiah hian ‘i dil ho kha sawi chhuak leh vek la, ka tihsak nghal vek ang che’ ti sela, a sawi kim thei angem aw..?” a ti fiam fo thin. Pathian hian kan tana tha tur chu a lo hre khawp mai, kei pawh ka dil loh dan a thil thleng; a tha zawk tih ka hriat leh tak a awm nual mai.. (Tawngtai tullo ka tihna chu a ni lo) tawngtai rual mawlh mai hian ngaimawh ka lo ngah thin. Subject a lut lova bei kual vak vak leh tawp khartu nih tum(?) awm fo mai hi!!!
Report this comment
July 16th, 2011 at 1:39 pm
Hmanni chu keipawh thil neih ngei2 chi kan awmna lamah chuan, leina tur ka tlachham ve angreng sia, Pathian hnenah ka dila, aman te a tam sia, a thlawna ka dawn ringawt chu ka ringpha lova, second handte tal lei tur min pe rawh ka tia. A thlawnin ka dawngta nawlh maia, mahse kan hmang kha ka lo ngeih lo nasa maia, ka hmang thei chuangta lem hleilo a. Ka sawi duhtak chu kan tana tha tur anga lang kan nunnawmna tura ni a kan ngaihte hi, natna min thlen theitute an lo nia, ka tana tha tur pawh ka lo va hrelemlo em tih hi.
Report this comment
July 16th, 2011 at 1:41 pm
a tha em em thei zel mai a, misual ho hi ‘in’ lo pui hlawm hi le.
Report this comment
July 16th, 2011 at 1:42 pm
post tha tak ani
Report this comment
July 16th, 2011 at 2:16 pm
tha hle mai.experience ngaihnawm tak a ni.
Report this comment
July 16th, 2011 at 2:17 pm
A va sei e, zan lama chhiarah khek teh ang
Report this comment
July 16th, 2011 at 2:21 pm
Reader’s Digest hlui tawh deuha ka thil chhiar min ti hre chhuak.Nupa an in hau a,a pasal chuan,’Tawngtainaa ka dil thin ang i lo nilo’a tia,a nupui ve thung chuan,’Tawngtaia i dil thin ang ka nilo a nih paw’n i tawngtai chhanna chu ka ni’a ti ve hmak:-)
Report this comment
July 16th, 2011 at 2:45 pm
A sei lutuk a. Zanin lamah ka lo chhiar ang. Ka en thuak thuak a. Mahse, why you are addressed as ‘MAMI’? Mipa ini tih ka chiang sia…..
Report this comment
July 16th, 2011 at 2:48 pm
Report this comment
July 16th, 2011 at 3:10 pm
Khawdur chhum chhah lutuk avang hian Net hi a chiang kuanglo thei em le?? Vawiin zet chu ava buaithlak ve le. Corruption rapthlak tak tak chhiar hnua hetiang han chhiar chu, Chirh uih, khawpui thli luankhawmna vel hrut hrep hnua, Tui luma inbual fai sar ang mai alawm le. True Life experienced a tel hian a ngaihnawm bik a, mi a hneh duh bik. Pathian hian Setana lakah hian min lo chhuang ve lutuk palh anga, Setana sawisak tur hian min pe ve palh mai ang tih hlau hian, Pathian hi, Joba anga fiah tlak ka nih ve loh zia hi ka hrilh mawlh mawlh thin.
Report this comment
July 16th, 2011 at 3:15 pm
Harsatna kan tawh a, kan ṭawngṭaia, chhana kan lo awm chiah hian, “Lalpa’n kan ṭawngṭaina a ngaithla ṭhin. Kan dil apiang erawh a aw mai ngai lo. A changin ‘nghak rawh’ a ti a, A changin ‘heti chuan ni love’ a ti bawk ṭhin. Kan
tan a thil ṭha a ruat zawk vangin.
Pathian khawtlaina hi min hnawlna a ni lova; kan ṭawngṭainate a ngaithla ṭhin a ni. Kan harsatna engkim a hre vek a; ni tina kan lungkham em em pawh a hria a ni. A ṭanpuina chu a rawn thleng mek a ni.
Hringnuna kan mangannate a thlir reng a. A hnen kan pan
lehna hmanruaah a hmang a ni. Ani chu a rinawm a ni tih i
hmu ang. I harsat leh mangan lai ber pawh khan i tan thil ṭha ber a lo ruat diam tawh asin!”
“Kristiante nunah hian ṭawngṭaina chungchang hi sawi
uar tawk a awm thei lo. A chhan chu van hawnna chabi a nih
vangin. Kan thlarau nuna Pathian hnathawh theihna thlentu a
ni a, ṭawngṭaina chuan Thlarau Thianghlim thiltihtheihna
chawk thovin Bible thute chu ruh chhunga meiling inkhung
ang main a ti nung a. Ruh chuktuah thlenga kangin Isua Krista’n a taka min awmpuinate min hriatchiantir ṭhin a ni. ṭawngṭṭaina chuan nunna, thlarau leh rilru a tilawm a; Pathian duhzawng hre thei tur leh zawm thei turin kan mit a timeng a; min tichak bawk a ni. Tawngṭaina chuan tlang sawn theihna mai nilovin kan duhna a tichak a; kan ngaihtuahnate Lalpaa nghatin sual leh setana hnathawh do let theihna khawngaihna min neihtir a ni,”
“Thinlunga rinhlelhna, sual zep ruk, Pathian duhzawng
ngaihpawimawh lohna leh Pathian thupek pawisak lohnate hian
ṭawngṭaina hi chhanin a awmtir lo thei a, thinlung zawng
zawnga ṭawngṭai, lungsi taka ṭawngṭai , tih chunga ṭawngṭai,
dil ngat ngat, beidawng lova ṭawngṭai, Isua hminga ṭawngṭai,
ring chunga ṭawngṭai, tihtak zeta ṭawngṭai, huaisen taka
ṭawngṭai, Pathian duhdana ṭawngṭai leh thlarauva ṭawngṭainate
hian chhanin kan awm thung dawn a ni.
“Engkim in ṭawngṭaia in dil apiang chu hmu tawhah inngai ula; tichuan in hmu ang” (Mar 11:24) leh tupawhin ring chunga a ṭawngṭai chuan chhanin a awm ang.
Report this comment
July 16th, 2011 at 3:15 pm
E, a lo chhuak tawh elo? Coments lah a tha hlawm si, a va lawmawm thin emm., @ 9.. Mami khi, testimony neitu ber a ni e..:-D
Report this comment
July 16th, 2011 at 3:17 pm
Tawngtai fo hi a hahdam thlak ania
Report this comment
July 16th, 2011 at 4:10 pm
A va ropui em….tin Pu Chhan @ 12 van tha em…”Ka chakloh apiangin MI CHAK kha alo che thin, ka chakloh apiangin ani ka chak thin”
Report this comment
July 16th, 2011 at 4:38 pm
A tha hle mai.
Report this comment
July 16th, 2011 at 5:10 pm
Gloria Gaither i sawi ka hre heng thin. ‘Kan nuna min bawmtu hling leh min ti hrehawmtu te hi amah kan mamawhna min hriatchhuah tir tu leh amah hlat lohva min dah reng tu te an ni.’ a ti. Min hmangaih vang zawkin anih kan nunah harsatna(kan hlauh em em) te hi a rawn thlen tir thin. He leiah hian kan awmhmun kah khuar nghet lutuk ang tihte hi a hlauva, kan in tak (van in) pawh ngaihna nei reng reng lo hian kan mithmuh leh beng hriat te hian min lo ti a vel ang tih a hlau thin ani – a hmu chiang tu te tan chuan malsawmna an ni e. Hmuh theih thil te aiin hmuh theih loh thil ah te chuan kan beiseina kan nghat zawk si a…
Tin, tawngtai hi tih dik a pawimawh ani ang, Kan Lalpa pawh hian min lo zirtir uluk hle a ni (Matthaia 6:7 – 13)
Kan Pa Vana mi, i hming zahawm rawh se, i ram lo thleng rawh se, I duhzawng vana an tih angin leia mi’n ti rawh se-
a tih zet hnu ah chauh ani kan lei mamawh te dil tur a min zirtir.
Kan tawngtaiin Pathian hma ah kan ZERO phawt angai tih a pho lang chiang hle. Pathian vana awm chu a chungnung ber a, keini chu leiah kan awm a, kan ZERO ani. Tin, a hming a zahawm (Chawimawiin a awm) a. Kan Lalpa Isua Lalna ram chu hmuh theih lam ni lovin thinlung lam ani (Johana 18:36). Kan thinlung ah hian A RAM KAN THLEN TIR HMASAK loh chuan kan chham leh zel turin awmzia a neih ka ring lo ani. A ram kan thlen tir dawn chuan zawr hnap (ZERO) chung a LAL chu LAL anihna ang taka kan dawr phawt a ngai.
Hani thinlung kehsawm dilna chu Pathian tan chhan loh chi ani lo. He khawvel dan ang thlir leh a ropuina tur a fa dil ani si lova. A hmangaih em em Pathian hnena hlan let leh tur fa a dil ani zawk.
Report this comment
July 16th, 2011 at 6:52 pm
Comment thiam a va har ve, thil tinreng hi dil loh tur anih hi.
Report this comment
July 16th, 2011 at 6:58 pm
Report this comment
July 16th, 2011 at 8:24 pm
Dil loh zawk malsawmna hi dawn tirh chuan hriatthiam a har duh fu. A tha hle mai
Report this comment
July 16th, 2011 at 10:00 pm
Ka hmelhriat,Lalchhungkua a mi chuan ‘kum engemaw zat ka tawngtai tawh lova, mahse ka mamawh chu min la pe ve zel’ a ti. Mi tam tak tawngtai hi chuan Pathian hi thil an hrilh hrep ni berin a lang!
Kan duh leh mamawh nia kan hriat nazawng hi Pathian ngaihah chuan kan mamawh tak an lo nilo fo a nih hmel, kan dilloh zawk malsawmna hi min pe fo chu a nih hi.
‘Ka dilloh zawk malsawmna’ tih hla hi tu phuah nge ni aw? He hla hi ka hla duh pawl tak a ni ve tlat mai.
Post tha tak a ni e
Report this comment
July 16th, 2011 at 10:24 pm
Ziak tha in a ngaihnawm hle mai.
Kan han tawngtai hian a chhanna nei sa leh hnawl nei sa ran a tawngtai a awl khawp mai a, Pathiana innghah ngam mai hi a hlu a ni.
We know what is ‘good’ for us, but God knows what is ‘best’ for us.
Report this comment
July 16th, 2011 at 11:38 pm
Comment chhiar a va nuam thin em… # 12 & 17 a ngaihnawm lehzual. Mi’n an nun a an tawn ngei an han sawi sak sak hi chu a ngaihnawm in nun hi a chawm bik riau hian ka hre thin.
Report this comment
July 16th, 2011 at 11:52 pm
Theipui thing par an lo dawn(in) ngai em mawn ni re re le aw???Grape rah hi chu wine ah siamin an in ngei mai a.A thupui ber hi a dik hlel deuh om mon ni le aw?A thiam leh hriaten min han hrilh teh u.Dawn pawh hi paihte tawng leh nghal em mawn ni kha le aw?:P..Mizotawng chuan in daih ani.:P
Report this comment
July 17th, 2011 at 12:06 am
@24… A thuhma (prologue?) khi Habakuka 3:17-18 a ni e. Heta “dawn” hi chu, “in” tihna ni lovin “hun lo awm tur” (future tense) sawi na zawk a nih hmel.
Report this comment
July 17th, 2011 at 3:49 pm
EK AN PAIH
Synod Hospital Durtlang chuan July ni 8 leh 9 zan khan an septic tank an thuah a, trip 33 zet anmahni compound kawrah an paih. He kawr hi Hospital tlak lam vengte tui lakna a nih vangin veng thler khat chu an tuizem leh an choka tui herhhawna thlengin ek thliin a luhchhuah vek a, vawiin 17.7.2011 thleng hian an la buai hle. Hospital thuneitute hian media lamah a nep thei anga sawiin bucket 2/1 lek paih anga insawiin chanchinbua chhuah lo turin an ngen a, a tuartu lam lahin hospital biakchhiat hlauh vangin an vui ngam lo a nih awm chu maw. Khawnge aggredited journalist-ho hi an awm tak? Kohhran Hospital hi an pawi khawih pawh an ziak ngam lo em ni? An ek thli eitute pawh an vui chhuak ngam lo maw? Engtia tihchi nge ni ang le?
Report this comment
July 17th, 2011 at 4:21 pm
Pu tuaisial, khoi lam pang-ah mawi an paih a..!? leitan lui lampang ah khan paih mai se..!! mi awmloh na lam a nia..!
Report this comment
July 17th, 2011 at 8:28 pm
@ 26… A va’n zia lo thin ve aww… Engpawh nise, dikna lal se, thil tha lo/ dik lo ngaihdam emaw ngaihhnathiam ngawt thin hi engtikah tak Mizo te hian sim ang i maw..?
Report this comment