KTP a ka inhman tan kum kha a ni, ka theihnghilh ngai tawh lo. Kan Group hruaitute khan kan Group huam chhunga member hlate leh ruihhlo khawih thinte kha an hming an ziakchhuak a, Group committee member leh group member zinga tlemte te khan khang hming an ziahte kha a mal malin tawngtai sak turin kan insem hlawm a.
Kan Group leader chuan lehkha them hian a ruk thei ang berin min rawn pe a, ka’n en nak chuan ka hriat chian em em, keini aia u deuh, kawm pawh ka lo kawm ve tawh thin hming kha ka chang ta nawlh mai. Kei ngei pawhin a sual ka lo tih ruk em em thin, zu leh damdawi khawih thin kha a ni.
Pathian hian engkim a tithei tih chu ka ring em em, Kan thiana pawh hi ka tawngtai sak anga, nakin lawkah chuan Pathian ngaihsakna chang te a rawn hria anga, a thil thalo tihte a la bansan ve mai ang, tiin beisei sangtak nen zantin chuan ka tawngtai sak ta a. Tunah rinnaah ka puitling tawh e ka ti lo, mahse khatih lai kha chuan bul tan ve ek ek chauh ka ni.
Thla riat ka tawngtai sak pawh chuan eng a ang chuang lova, khangho tawngtaisak tute kha a bik taka kan han inhmuhkhawm a, report te kan han pek diat diat chang hian, midang chuan a hlawhtlinna an hmuh thu leh an mahni ngei pawhin an hlawk phah thu te an sawi hlawm thin. kei erawh chu a sual tulh tulh emaw ti mai tur a ni, hrehawm ka ti thei em em.
Zan tin urhsun takin a pualin ka tawngtai thin, a ruihtheihthil tih te a sim a, Pathian lam a hawi theih nan te ka dil sak thin. Kum khat chu a vei dawn ta der mai, eng a ang thei bawk si lo, dik tak chuan midangin tawngtai hlawhtlinna an hmuh sup sup laia kei ka tawngtai sakin hma a sawn thei thlawt lo kha hrehawm ka tiin ka hmanhmawh tawh tak zet a. Chuta karah nasa takin a damlo ta hluah mai a, thih ngamin a damlo ta. Kha natna khum ata dam taka a rawn thawhleh a, Pathian hnaihna chang a lo hriat theih nan khan nasa takin ka tawngtai leh ta char char. Mahse ka tawngtaina chu chhanin a awm ta lo. Ni reilote natna khumah muin a boral ta a.
Hrehawm ka ti em em, KTP ah inhmang tan ve chauh ka ni, chutih laiin kan hruaituten rintlakah min ngai a, a ruka mi hlate tawngtaisak tute zingah min telh ve. Chutih lai chuan ka chan ber kher, khatia a ruihtheihthil tihte sim lova, a thi ta mai kha hrehawm ka tiin ka rawngbawlpuite pawh ka zah em em. Pathian kha ka ring em em, engkim a tih theih hi ka ring bur, mahse ka tawngtaina min chhan sak duh miah lo kha na ka tiin, Pathian kha ka dem ta em em bawk a.
Engatinge theihtawkin kan tawngtai a, a thih hma tal pawh khan min chhan loh ? Engatinge ka tawngtaina a chhan loh ? Damna ka dil sak a, mahse thihna a chungah a theng ta si a. Keimah pawh kha nasa takin ka buai, Pathian ka rinna pawh nasa takin a tlahniam. Pathian rorel dan kha ka hrethiam lo a ni.
A vuinaah pawh ka kal duhlo, amaherawh chu tlangval kan nih ve tawh avangin an khawhar hnem turin thiante nen kan riaklut hlawm a. Zana ka muhil theilo chu ka thu reng a, Kan thianpa nu chu a lo la harh reng mai a, Choka lamah chuan inkawm ang hmiang a ti a. Kan phei ta a. A fapa chungchangte chu kan sawi a, thlalak te kan en dun bawk a. A fapa sual zia leh inchhung a tih hrehawm dan te a sawi a, mahse a thihdawn ni a Pathian khawngaihna a chan dan leh a thih dawn a Vantirhkoh ten an rawn hruai dante chu hlim takin min hrilh a, kei chuan ngaihnawm ti tak chuan ka ngaithla a, zan dar 12 a rik chuan kan mu ta a.
Mutnaah chuan ka ngaihtuah ta rauh rauh a, ka tawngtai sak ve nasa, a damloh pawh khan a dam theih nan khan ka tawngtai thin. Mahse a thi ta daih si a, eng hi nge damna tak tak chu ni ta ? tiin ka inzawt a. Chutih laitak chuan ka thinlungah heihi chiang takin a rawn lang a, “Damna famkim chu thlarau damna hi a ni”, tih hi. Chutah a dam theihnana ka lo tawngtai sak ve char char thin, a thlawn emaw ka lo tih kha, a lo thlawn awzawng lo. Ka tawngtai Pathianin min chang lo emaw ka lo tih kha min lo chhang chiang a ni.
Ka tawngtai sak khan damna famkim a chang a ni. Ka lawm lutuk, Pathian hnenah ka tawngtai a, lawmthu ka sawi. Tin, a hmaa ka lo dem naah ngaihdam ka dil bawk a. Ka tawngtai sak vanga dam a ni lo, kan tawngtainate Pathianin a ngaithla a, a zahngaihna avangin thlarau damna chu Kan thiana chungah khan a thlen ta a ni. Hemi zan atang hian heihi ka hre chhuak a, taksa damna hi a hlu, mahse damna tak tak, damna famkim chu Thlarau damna hi a ni.
Similar Posts:
- Tawngtaina chhangtu Pathian
- Bangladesh Healing Crusade
- Nu Hmangaihna
- Damna duhin boralna lamlianah(?)
- Kum tam pawh liam se
October 24th, 2010 at 4:30 pm
Haleluiah Amen!
Ka chhiar dawn ngiala mahse a pherh vek zuk nia!
Report this comment
October 24th, 2010 at 4:35 pm
Hmmm…thutak deuha chhiar chi
Report this comment
October 24th, 2010 at 4:35 pm
Va pherh tha tak ve, cyclostyle tha mang lova her ni awm tak a ni.. lol
Report this comment
October 24th, 2010 at 4:37 pm
Van mak ve, a pherh vek nia, a sir hi! ka chhiar thei lo miah!
Report this comment
October 24th, 2010 at 4:40 pm
a clear leh tawh
Report this comment
October 24th, 2010 at 4:40 pm
cyclostyle khawl hruk fai ani tawh e
Report this comment
October 24th, 2010 at 4:41 pm
Damna famkim side effect chu leh, a va mak niu niau ve le… “htlinna aisek Says:…” te a ti vel.
Report this comment
October 24th, 2010 at 4:42 pm
Comment fiah chawp ngai a va ang ve. :lol: Common lo khawp mai.
Report this comment
October 24th, 2010 at 4:42 pm
A ngaihnawm e.
Report this comment
October 24th, 2010 at 4:44 pm
A tir lam duah2 chu chhiar a har hle tak mai, i ziah that tehluh nen, mahni experience ngei hi chhiar a manhla thin ka ti.
Report this comment
October 24th, 2010 at 4:44 pm
Engmaw pherh? Thu ngai reng ziak nawn tih mai loh chu chhiar har ka va hmu ve lo ve.
Taksa damna beisei tawk vel lek ringtu hi kan tam awm e. Nu leh pa thenkhatte pawh hian an fate ruihhlo ngheina a nih beisei vang chauhva gospel camping a luhtir an kat nuk ang, missionary/pastor tur atan chuan phal leh miah si lo.
Report this comment
October 24th, 2010 at 4:50 pm
Taksa damna a pawimawh rual rual in thlarau damna a pawimawh let zawk.
Report this comment
October 24th, 2010 at 4:51 pm
“Thlarau damna” neih hi ava han pawimawh teh lul em! Post tupa pawh ka fak thlawt che. Zan tin mipakhat tana i han tawngtai mai te khi ka tluk lo ngawt mai che. Tawngtaina chhangtu Pathian kan nei hi kan vannei hle mai.
Report this comment
October 24th, 2010 at 4:53 pm
A ngaihnawm khop mai. I tawntai sak kha i duhtawk mai nge amah kanin share pui te i nei thin em? Rinna hi thiltih tello chuan a thi thin a nih kha, kan tawngtai sak mai hi a tawk lo fo ania. In Tawngtai sak leh vei ringawt chu thil harsa pawh a ni lo ve bawk a nia.
I thianpa Thlarau damna chu ka lawmpui tak zet a ni
Report this comment
October 24th, 2010 at 4:57 pm
i va fakawm tak em! i inrinloh lai takin i chanloh khan lamah Pathian hnathawh a rawn langa, a ropui khawp mai…..
Report this comment
October 24th, 2010 at 5:27 pm
Post tha tak a ni, mi tana thahnemngai tak i tawngtai thei hi ka van tluk lo che em..
Report this comment
October 24th, 2010 at 5:43 pm
Taksa leh thlarau damna hi a lawm damna famkim :?:
Report this comment
October 24th, 2010 at 5:50 pm
Lalrammawia pawh hian hetianga tawngtai saktu hi a mamawh khawpmai, tawngtai sak thei kan tam angem aw…?
Report this comment
October 24th, 2010 at 5:56 pm
dik tak chuan ka duh reng leh ka fel vanga tawngtai sak ka ni hauh lo. Tawngtai sak tura min pek ve vang chauh a ni.
Tin, ka tawngtaisak avanga dam a ni kher lo, a chhungte pawhin nasa takin an tawngtai sak ang, chhandamna a lo chan theihnan a tawngtaisak tu engemawzat zingah ka tel ve hlauh a, ka lawm takzet a ni. Keima tih a ni lo, Pathian zahngaihna hmutu pakhat ve mai ka ni. chu chu a ni ka lawm em em na chu.
Report this comment
October 24th, 2010 at 5:57 pm
Tunah chuan in tawngtai sak hi a va han lo tangkai tak em tih ka hre chho ta deuh deuh.
Report this comment
October 24th, 2010 at 6:18 pm
digimalt@ 19&20: Amen
Report this comment
October 24th, 2010 at 9:28 pm
titha intih ve deuh lai beisei loh anga thil a thlen hi chuan a hrehawm duh teh mai ania…keipawh thisen ka pek vawikhatnaah a tlaiah nge a tuk chiah ah a thi nghal daih..hrehawm duh lutuk alawm….
midang tan i hun i hmang nasa tih a hriat, a ropui hle mai…
Report this comment
October 24th, 2010 at 9:32 pm
A va ropui em!!
Report this comment
October 24th, 2010 at 9:33 pm
Digi, Pathian chu tawngtaina chhangtu ani tih a chiang! kan duh hunah leh kan duh danin a chhan loh hian, vui kan tum thin, mahse Pathian hian keini aiin engkim a hre zawk, kan tana tha tur pawh a hre zawk! Lalpa chu fakin awm rawh se! I ziak ngaihnawm khawp mai! i ziah hi chu chhiar loh phal chi ani lo! :smile:
Report this comment
October 24th, 2010 at 9:43 pm
Ka chhiar zo chiah ka harh kawk mai, “Damna famkim chu thlarau damna hi a ni”,a ropui hle mai.
Report this comment
October 24th, 2010 at 10:39 pm
“Ni li paw’n tlai se, a hunah a thleng;
A va ropui em!”
Report this comment
October 25th, 2010 at 12:24 am
Tha ve
Report this comment
October 25th, 2010 at 12:11 pm
Damna famkim Lal Isuaah a awm. Taksa, rilru leh thlarau – mihring pumpui damna chu! Amaherawhchu, taksa hi famkim lo a nih avangin natna leh thihnain he khawvelah hi chuan a la tibuai fo thin a, a la tibuai zel ang.
Pathian hnena kan tawngtaina hi kan duh leh beisei ang thlapa min chhan loh hian hriat thiam a har fo thin. Mahse, Pathian hi a lo LAL em mai a, a mi chhanna chu AMA thu thu a ni tih hi pawm tel ila a hahdamthlak viau.
Report this comment
October 25th, 2010 at 6:08 pm
Tihdam kan ni ta, aw haleluiah amen.
Report this comment
October 26th, 2010 at 2:38 pm
A va ropui ve. Nangman damna famkim awmzia i chharchhuak a, i tawngtaisaka chuan damna famkim a neih phah bawk a, a va han tha em! Midangte Krista hnena hruaitu i ni reng mai, lo ni zel rawh.
HALLELUIAH AMEN
Report this comment
October 30th, 2010 at 1:11 am
Jakoba 5:15 tin, rinnaa tawngtaina chuan damlo chu a chhandam ang a, Lalpa chuan ani chu a kai tho vang; tin, thil a lo tihsual tawh chuan ngaihdamsak a ni ang.
5:16 Chutichuan, tihdama in awm theih nan in sualte thupha chawi tawn ula,
intawngtaisak tawn thin rawh u.
Report this comment