Kan ram India ah hian corruption hi a lo tam kher mai. Thla tin “salary slip” a Income Tax lo in cut ve ringawt te hi hetiang atan an lo hmang ve mai mai tihna a ni dawn si a. Mizoramah pawh hian corruption a tam hle in kan sawi a, Mipui te hian kan pho lang lo lutuk em aw te ka ti mai mai.
A khaat mawi tawk hian chanchinbu velah hian lo lang zeuh zeuh se. Chiahpuam te kha a tham ral ta mai tihna em ni? Chiahpuam ah khan pawisa engzat nge tel (scam amount) tihte khan an puang ve ta em? Mipui te hian kan theihnghilh hma si a.
MLA/Minister lampang an sawi ringawt pawh hian ka mitthla ah chuan corruption a lo lang nghal tlat mai thin a. Minister an nih tawh phawt chuan ka zah thei ta reng reng lo. “Rukru” ah ka ngai tawp mai a, “Zahna(respect) chhan tur a awm lo” ka ti ve tlat (In pawm em?).
Ka naupan lai in, kan kawmthlang te inah mi pakhat hian Vawkte a ru lai an man a, VC ah an pe a, kawn lai-ah a sam an meh kheng sak a, lehkhakhawng-ah “Rukru ka ni” tih an ziak a , an awrhtir a, a hmai an tat dum a, a thil ruk (vawkte) chu an pawm tir bawk a. A kal apiang hian an nuih a, an deuhsawh a, zurui thenkhat (morning ho) chuan an beng liam liam bawk a. Kei naupang tih takah hmuhnawm ka han ti mai mai khawp a.
Hepa (rukru) hi vawkte pakhat a ru lai an man a, an hrem pawh hi ka hrethiam. Mipuiten an man ngam a, an hrem ngam bawk a, an nuih ngam a, an beng ngam bawk. Zuirui ber pawhin he rukru hi a zah miah lo!! A nuih ngam tlat..!! A awmzia chu “rukru” hi vawkte a ru emaw, lungtum a ru emaw an zahawm loh hrim hrim.
Minister zawng hian an eiru kher lo maithei, mahse a eiru kan hriat ho hi chu ka mit ah chuan an tling zo chuang lo. Kan chhiah(tax) pek khawm hi Development, Disaster te leh mipuite enkawl nan a hman tur a ni a. Heng Minister eirutu te leh “vawkte” ru tu pa khi danglamna aawm lo.
Vawkte ru tupa khi a la tha zawk mah, ani chuan In pakhat chauh a suam a, Minister eiruk hmang chuan In sang chuang a suam..! Mipuite hian kan hrem ve ngam em ? Kawn zawl ah a sam han meh kheng sak ve ila, piai liam liam bawk ila, zurui ho khan han beng ve ngei bawk se..!! Hmuhnawm ka ti leh pek ang chu..!!!
Hon’ble Chief Minister an tih chuan pawm tur mahse Hon’ble Lalthanhuai-a {name changed 
}, an tih chuan pawm loh tur. Chief Minister seat leh mawhphurnate chu zah tur mahse CM eiru a nih chuan a mimal in zah kher a tul lo. “Rukru” ani si a…!!
Ka mail dawn ka han ziak tel ve mai mai ang e…!! Independence kan hmuh hnu a India rama Scam leh Eirukna!!
Jeep Purchase(1948) : Rs 80 lakhs
BHU Funds(1956) :Rs 50 Lakhs
Mundhra scandal (1957) : Rs 1.25 Crores
Teja Loans (1960) : Rs 22 Crores
Kuo Oil Deal (1976) : Rs 2.2 Crores
HDW Commsions (1987) : Rs 20 Crores
Bofors payoff (1987) : Rs 65 Crores
St Kitts Forgery (1989) : Rs 9.45 Crores
Airbus Scandal(1990) : Rs 2.5 crore per week
Securities Scam(1992): Rs 5000 Crores
Indian Bank Rip Off (1992) : Rs 1300 Crores
Sugar Import (1994) : Rs 650 Crores
JMM Bribes(1995) : Rs 1.2 Crores
In a Pickle (1996) : Rs 10 lakhs
Telecom Scam (1996) : Rs 1.6 Crores
Urea Deal(1996): Rs 133 Crores
CRB Scam(1997): Rs 1000 Crores
Plantation Comapnies Scam (1999) : Rs 2563 Crores
Stockmarket Scam(2001) : Rs 115000 Crores
Home Trade Scam (200 : Rs 600 Crores
Stamp Paper Scam (2003) : Rs 30000 Crores
IPO Demat Scam (2005) : Rs 146 Crores
Bihar Flood relief scam (2005) : Rs 17 Crores
Scorpene Submarine Scam (2005) : Rs 18,978
Punjab City Centre project scam (2006) : Rs 1500 Crores
Pune Bilionaire Hassan Ali Khan Tax default (2008) : Rs 50000 Crores
The Satyam Scam(2008) : Rs. 10,000 Crores
The 2-G Spectrum swindle(2008): Rs 1,76,000 Crores
Illegal Monies in Swiss Bank (As Estimatd in 2008) : Rs 71,00,000 Crores
Rice Export Scam (2009) : Rs 2500 Crores
Madhu Koda mining scam (2009) – Rs 4000 Crores
Commonwealth Games Scam (2010) – Rs 40000 Crores
Total Value of Money made through Corruption: Rs. 910,603,234,300,000.
Similar Posts:
- Corruption leh CBI koh hla
- ACB in Pu Zoramthanga sum lakluh chungchang enfiah dawn
- Mi Mawl Pa (Sunday Pual)
- Art & Culture Minister-in KHSS Lungphum phum
- Engnge in ngaih dan?
July 16th, 2011 at 8:18 pm
awle Pu lushai_er…!! nia kan sawi a in anglo tlat..!! nuam deuvin hmang dawn nia..!
Report this comment
July 16th, 2011 at 10:14 pm
Tlangval pakhat pawh a chhungten ar an talh a, an chhum hmin hnuah a rukin a lo ei zo vek a, lehkhathemah ‘Chawei a nghah ka ngai lo ang, In fapa ******’ tih ziak sa belah a hnutchhiah a, a leng bo hmaks….
Eiruk chungchang hi sawi sawi thin mah ila, a taka man leh hrem tuar hi chu an tlem awm ngawt mai. A ziak lama a fel phawt chuan eiruk hi a lo awm thei tak tak lo a nih dawn hi!!!
Report this comment
July 17th, 2011 at 12:43 pm
@16 saint sammoo, Minister eiru lo ni a ka hriat te maw min zawh. Pu J.Lalsangzuala(L), Pu Liansailova, Pu Lalsawta te … mi dang pawh corrupt lo a rin ka nei nual mahse sawisual palh te a hlauhawm a. I sawi ang ngei hian heng mi te hi zahna chibai lo buk ta che.
Report this comment