Vai thingpuidawr a thingpui paw ang ngaka fur tui nu pawh a lo fim tha ta hle, tih hun vel September thla chawhnu lam hi, Aiawt chiah leh Chakai Meichher chhit hun a ni thin a.
High School kan kal lai vel, Kan taksa leh kan aw a lo danglam tan a, rilru puthmang pawh a lo danglam tan tirh lai bawr vel, keini Mizoten ‘Rawlthar’ kan tih, Sap hovin, Teenagers emaw, Adolescence an tih hun lai vel khan kan hrat ve hle thin a ni.
Tlai dar 3 ban velehah kan inpuahchah nghal sawk sawk a, Thil tul hrang hrang kan inbuatsaih a, Chakai thlem chhuahna tur leh man an awlsam na tur atan buhfai emaw Vaimim char emaw kan kang hmui a, Aiipah kan dah a.
Meichher chhit tih hming a pu na a, Tunhmaa Mauro meichher nen a an chhit ang ni lovin, Khawnvartui leh pawnchhe hmang a Bati(meichher) kan siam hmang a chhit ani deuh ber tawh a. Mau bati (meichher) hi, In a siam sa ai chuan, Bottle a ken a, rama siamchawp mai te pawh kan ching thin. Tin, tlem a rual u deuh leh Patling deuh ten an chhit chuan, Bawng pumpui te pawh hi keng ila, Lui hnarah han dah ila Chakai chu a rimah an lo chhuak sup sup thin a ni.
Ka thiante 2 kei aia rual u deuh hlek leh lo chhit fo tawh te chuan min sawm ve a, La chhit ve ngai hek lo, a blind theih khawp mai. Mahse, engkim an ngaihtuah zung zung a, Buhfaite kan kang ve a, Bawng pumpui tlem a zawng kan keng ve bawk a,Tin, Khawnvartui plastic bottle 2 in kan keng a, Kan chhuak ta a ni.
Kan chhit tur Lui kan han thlen chuan, Mau kan sat a, chawng ang deuh kan siam a, chutah chuan Khawnvartui chu kan thun ta a, chu chu Puanchhia tumtelin kan hnawh phui leh tlat a. Tin, Kan Sa pumpui ken kha te tak te tein kan chan sawm a, chumi leia vih nghehna turin hmawlh kan suih zum nual bawk a ni.
Tichuan, Lui chu a hnar lam atangin kan zawh thla a, a khat tawkin, Chakai man awlsamna lai turah kan buhfai leh vaimim char kan hmui chu kan phul zeuh zeuh a, Bawng pumpui pawh chu hmawlh zum suihin leiah kan vit bur zeuh zeuh bawk a. Chakai vakchhuak 4/5 vel chu kan man a ni.
Tichuan, Lui mawng lam kan duh tawk chinah chuan kan chawl hahdam a, khua kan nghak thim ta a. Khua a lo thim chuan, Kan Meicher(bati) siam chu kan han keng letling vang vang a, Tichuan, a hnawhna Puanchhe tumtel kha khawnvartuiin a chiah huh hnuah Lighter-in kan hal alh ta a ni. (Thianzaho Chakai meichher chhit ve pawh, an meichher hal alh nan Lens (Ni-no) hi an keng ve ngawt mai a, Ni tlak hnuah a lo hman theih awzawng mai silova, an buai awm teh a sin-pk).
Tichuan le, Lui dung chu kan zawh chho leh ta a. Zan alo thim tawh a, Chakaite pawh chaw zawng turin an lo chhuak tan ta a, Tin, kan Tawktarh phul ho rim khan a ko chhuak ve reng reng bawk a, thiante 2 chuan an man chho ta mawlh mawlh mai a. Kei kha, a zeilo deuh ber ka ni bawk a, Aiip kengah ka tang ta deuh a.
Ka hmuh chhun chun ka man ve pah tho bawk a ni. Kan thianpa chuan Aiawt a lo chiah chu lo niin, Lung intiangkhawm mai mai amaw ka tih kha a han hai a, Aiawt a phawrhchhuak a, a chhungah chuan, Vaimim rawh hmui a lo awm thin a, awt khatah chuan Chakai lian tak tak ¾ lai te a lo tla/awm thin a, a phawrhchhuah hnuah uluk takin a dah leh a, Lung chuan a chhilh leh thin a ni.
A tlangpuiin, buhfai/vaimim kan phulna laiah chuan an lo awm deuh ngei zel a, Tin, Sa pumpui kan dahna lai velah phei chuan an lo bawr deuh laih thin a ni. Kan thiana lah chuan fiamthu a thawh pah a, “A, helaiah chuan, Crusade an lo nei ve anih hi! Tu ber hi nge an Speaker ni ang aw?” te hi a han ti vel thin a, a hlimawm duh hle. Lui kan han zawh chhuah leh meuh chuan, kan Aiip(bag) pathumte pawh an puar nalh tawh a, an khin nalh tawh mai a ni. Tichuan, hlawhtling inti takin kan haw leh ta a.
Khawchhung kan han lut a, Sipai Camp kan thlen dawn chiah chuan, TorchLight eng zet mai hian ka mit takah a rawn en ta sawr mai a, ka lo hmu lawk si lova, ka phu deuh zawk nghe nghe a. A entu hmuh theih siloh chuan Silai kua erawhchu ka hmuchiang kher mai.
Sipai ho an lo ni a, chutiang a zan dar 9/10 vel a, thim thama ramhnuai atanga lo lut ta chu min ringhlel hi a lo ni a (Peace Accord sign hma kha a ni a, bakah, Kan meichher kan timit tawh a ni.-pk). Hindiin thil min zawt a, Mizorama seilian Rawlthar dang ang bawkin, a mik a mak kan hre si lo.
Kan ip puar luah mai chu an ringhlel ta a. Kan han hawng a, an niin hnai tawkah an lo bih a, Aikam lian tawk tak mai an lo phar huang huang mai si a, an chek hlak a, an nello khawp mai. Tichuan, Tualchhungmi kanni tih an hrethiam ve ta mai a, min kaltir ve ta mai a ni.
In kan han thleng a, kan han bunchhuak chu a lo tam kher mai. Kan han insem ta a, A tuk zinga Aikam bawppui lian tak tak leh Awt a tla thau tak tak han ei mai chu, a va tui em! Chawbar a lian duh khawp mai. Aw le, kan zingah Aiawt chiah thin emaw, Chakai meichher chhit thin emaw kan awm em?
Arunachal-ah hian, an lo ei ngai vak lova, zan lama chhit phei chu an ti ngailo hrim hrim a, kan man hnem thei ru ra mai. Mahse, Mizorama Aikam thau tak ang kha chuan a tui lem lo deuh.
Similar Posts:
- Chakai Meichher Chhit leh Khuai Lak
- Panlai Nun – Furkhua leh kan nun
- Hun awl atan hmun awl
- Chakai
- Khuangchera Puk
Hetiang gloves hi one size in a awm ( left leh right ah a hman theih ve ve bawk). min la rawn email dawn nia.
September 16th, 2011 at 1:05 pm
Khawthlanga kan awm lai a kan chakai meichher chhit ve thin lai kha min ti hrechhuak… 🙂
September 16th, 2011 at 1:15 pm
Aiawt chu kan vau luiah kan chiah ve thin. Aiawt khat deuh thaw a chakai an lo awm tun thin kha chu, nuam ve thei tak a ni… Lung a va leng em…(Ka chunnu(fam), Aiawt min enpui thin tu thinlai ah a thar vawng vawng mai..)
Chakai chhit erawh kan unau zing a upa ber hian a hnehsawh khawp mai. Amah chauh te hian chakai chhit in a kal mai thin a, a hlawhtling em em thin lehnghal. (Chakai chhittu U ka nei fel bawk a, vawikhat mah chakai ka chhit lo.. 🙂 )
Post tha tak a ni e.. (Y) (Y)
September 16th, 2011 at 1:16 pm
Nuam ka ti thin hle.
Sawi ve ta mai mai ila, Kulikawn ‘rizap’ ram thin, Ngaizel thlang lamah khuan kan chhit thin a. Tunkhat chu Terema te huan mawng lamah kan chhit a, lungpui pakhatah hian thil inker alo awm a. “Kan va la ngai dawn em, Dommy leh Thoma” tih niin a kum pawh a tel nghe nghe. Ka pa te thian dun an lo kal tawh anih ngei ka ring. Pu Thoma pawh mual aliam ta, a ngaihawm vung2 mange!
September 16th, 2011 at 1:19 pm
lung a van ti leng tak emmm!! Naupan lai(ti ve khanglang teh anG) khan zanah kan han chhuak them2 a meichher nen khan!!! kan man hnem phian thin lehnghal a
September 16th, 2011 at 1:25 pm
Ka telnaa kan la man hnem ber chu Darlawn piah Serzawl ramah khan ani awm e. Buara/Saiip khat tep kan man…1984. Kan haw lamah an filed chungah Tau-meichher-chhi (will-o’-the-wisp) kan hmu bawk. Kan tlan phei a, a hmunah chuan a awm leh mang lawi si lova.
September 16th, 2011 at 1:27 pm
Tau-meichher-chhi thlalak: source: wiki
http://i52.tinypic.com/345bxut.jpg
September 16th, 2011 at 1:59 pm
In ziak tha hle mai. Tunlai thalai ho hriat atan tha. Credit card hmanga supermarket a chakai lei ngawt ai chuan a hahthlak deuh hmel.
September 16th, 2011 at 2:01 pm
# 6… Tau-meichher-chhi hi misual ah hian kan sawi tawh em kha?? Thil mak tak chu a ni, kei paw’n primary school kan kal laiin ka hmu ve fo mai. (ka OT lawk…)
September 16th, 2011 at 2:05 pm
Chakai meichherchhit tih hian khaw hrang hrang hi kan tihdan a inanglo deuh theuh mai. Chakai chiah te an ti. Keini chuan AIBUH chiah kan ti. AIBUH chu hrui chikhat, Kawihrui ang a zam chi, hnah hlai deuh mai hi ania, 1ft leh achanve vela sei in kan tan bunga, kutzungpui tiat velin kan phel sin a, tui chhunga chakai hmuhtheihna lai turah khan lung[motor side-glass tiat vel]in alaiah kan delh beta, zanah kan en thina, lehlam lehlama 3/4te alo awm hi chuan anuam thei khawp mai. an bawm miahloh pawh a awm thin
September 16th, 2011 at 2:11 pm
Va tingaihnawm thiam ve le..t. Kan naupan lai chuan ti ve vei ngial te’ng, Chite lui hnar lamah leh a fintu lui thenkhat pawh telin, ka thianpa nen chakai chu kan chhit ve thin alawm, chhungtlai ve ve chuan kan insem ve thei thin. A Lunglenthlak hle mai. Kan tlangval hnuah Tuirini fintu lui pakhat chhit turin mi dangin kan thian dunin min sawm a, kan man hnem khawp mai a, mahse an cherin a chhumna tuite chu a dum nguk mai a, a hnua kan hriat leh dan chuan, khang mi, min sawmtute khan eng bawlhlo emaw hmngin an lo hrai hi a ni awm a, hre miah loin kan lo ei hman tawh si a, chuti ang chemical (pesticide chikhat ni turah ka’n ngai thlangawt a) chuan cancer a thlen thei tih mithiam zawkten an sawi fo bawk si avangin tun thleng hian ka la lungawi hleithei der lo.
September 16th, 2011 at 2:16 pm
Post tupa sawi ang hi chu chakai ei pah khan Bawng pumpui tuihang kan hawp tel zel dawn ania. AIBUH chiah a man hi chu athianghlim khawp mai, CHAKAI KHAWRH ai pawha ka duhzawk na chu, anmahni duhthu ngei a kan man ania… 😀 #10, tur a hrai hi chu (N)
September 16th, 2011 at 2:22 pm
11, AIBUH chiah chu han sawi chiang leh zual teh ka la hre ngai miah lo. Chu tiang hruizam chakai ina an duh em2 chu ava interesting ve.
September 16th, 2011 at 2:25 pm
Kei chu in sawi ang hi ka la ti ve miah lo. Chakai meichher chhit hi rulin a chuk duh riauvin ka hria. Ka hlauh zawng tak. Aiawt chiah erawh chu a nuam phian mai thei a ni.
September 16th, 2011 at 2:30 pm
Tuirial hnar lam Muallungthu atanga peng thla ah sawn Bawng kawng tum mai a la nih laiin Chakai chhit na ah hian ka tel ve tawh,a nuam ka ti miahlo.Hemi tum hi ramhnuaia ka kal ve tum khatna a ni a,ka hlau hle mai.Bekte(Thlam ang reng luikam a buk lem an sak)ah kan in kulh a.Khua a lo thim takah chuan Chakai meichher chhit ang u an ti a,ka tel ve huphurh lutuk tihngaihna ka hre der silo,he Bekte ah hian lo awm mai rawh min ti a, keimah chauhin ka awm ngam silo,hreh tak chuan ka kal ve ta a.Ka thiante chuan an han chhit ta ngei a,lian pui pui te kha an kut lawngin an man mai a,kei chu leeee…ka man ngam teuh lo.A tawpah meichher reserve keng turin min ti a,ka zui ve ta hnak hnak a,nuam pawh ka ti ve miahlo. Mahse in han sawi tak liam liam ah chuan khang hunte kha a lunglen thlak ve tho mai,ka la hre ve reng thin.
September 16th, 2011 at 2:32 pm
Chakai chhit hi chu nuam ka ni ve khawp mai,, Li lian deuh ah alo tam deuh phei chuan kut nen Ke nen tan angai a, nuam ve deuh chu ani. Aifiar hi tui ka ti zawk, Aikam(Aidum) ai chuan, athau zawk bawk in ka hria.. (Y)
September 16th, 2011 at 2:47 pm
A post tu ka en hma in, kan rin dik tlat chu le….hehehe
September 16th, 2011 at 2:48 pm
Chakai hian ek an ei duh ania aw 😉 duh loh hi an nei vak lova, chuvang chuan chakai khaw dai lawk ami chu ei mai mai loh tur.
September 16th, 2011 at 2:52 pm
Chengkawltung pawh khan chengkawlbial kha..”VAN KHAL DEUH VE”.. 😛
Kan naupanlaiin luiah tuicheng tura kan kal hian ngha-thal hian kaikuang leh chakai hi kan khawrh a, kan hem hmin a, kan ei tlang thin a, nuam ve thei lutuk…post-tupa chu sipai ho khi an hnarah pakhat chu cheh tir tur alawm mawle.. 😀
September 16th, 2011 at 2:53 pm
Tiang lampang hi ka timi lo bawk a vawikhat chu ka thianpa(ka U rual) nen chhit ve dawn a,khua a thim thet2 tran a ka hlau ta riau mai a haw ka rawt chung..haha. Min khawngaih a vawi khat kan en chho thuak2 a kan haw ta ringawt,hlawhchham chiang asin aw.
Ka nau chu a timi phian thung.:)
Post tha tak a ni..8-)
September 16th, 2011 at 2:54 pm
#12 AIBUH chu ramhnuaia thingkunga zam chi ania, CHHEMTHEI tiat vel anih hian ahman tlak tan. Alian/upa chu atha vaklo, ban rek/banpuam tiat vel nise. KAWR/PIL anei a, chu chu kan vawkheh a, kiu chen vel in kan tan bunga, #9 ang khian tuichhungah lungin kan delha, chakai khan anlo ei/bawm ta thin a, chu chu kanlo man thin. Chakai tamnaah chuan vawi2/3 te kan ennawn a, aibuh rim hi anduh bawka, a vakchhuak pawh kan man teuh zel. Ruahsur emaw, SAPUIin min enkhalh anih loh chuan Hlawhchham a awm meuh lo…
September 16th, 2011 at 2:59 pm
Lung te pawh i ti chhe lek lek e a. A ngaihnawm khawp mai. Ka lo ti ve fo tawh thin a, a nuam dangdai ve hrim hrim.
September 16th, 2011 at 2:59 pm
#18 @chemtatrawt nangpawh imaw** kha kaikuang khan khal ati ni maw????
September 16th, 2011 at 3:15 pm
chakai ei hi ka ngeihlo ka vual thak thin mahse tui ka ti em a,allergy damdawi ei hma deuhin ka ei ringwt zel.chhit a chakawm ve hle maia.Tunlaiah chuan emergency light ang keng ila hmuh hmaih awmlo deuh nga kan man hnem deuh ka ring.ahmingin duh leh mei chhi tho ila.;-)
September 16th, 2011 at 3:15 pm
Ka cousin 2 leh ka putea te 2 nen, kan thian pakhat nen 2007 khan kan khaw lui lar ber tuichar(tuivawl fintu) ah zankhua in kan chhit a, lian tak2 300 vel kan man, kan khua hi ala zo va, thil tih vel anuam thin khwp mai. Rawn zin ve ru, north lungpherah
September 16th, 2011 at 3:15 pm
chakai hi tui ka ti miahlo. Kaikuang eroh tui ka ti, siamdan hrang2 poh ka thiam treuh, slurp… (&)
September 16th, 2011 at 3:18 pm
Behlawi baiah Tuifinriat chakai kan thlak a a tui ve tho mai. Mizoram chakai ngei mai thlak a chakawm duh viau thung.
September 16th, 2011 at 3:25 pm
rohlupui…khal thra toit2 em tak asin…hlawk mai aa.. 😉
September 16th, 2011 at 3:29 pm
Chakai lian tak tak ¾ hi an nung ve tho ami? Heheh, hnial hrat thlak angreng, 3/4 or 3-4 ti zok ta la.
Zan a kal chu ramsa an hlauhom duh om e
September 16th, 2011 at 3:31 pm
Rempy, ransa nge hlauhawm ang ramsa??. 😉
September 16th, 2011 at 3:31 pm
#23 @kawlnicolny, post tupa sawi ang meichher ang chi atha ber, isawi ang chi light hi chuan rei adaih lo. 🙂 #26, @pu Hv, atui ka ringlo. SIHCHAKAI ne pawh a eklo ang… #27 😛
September 16th, 2011 at 3:32 pm
Chakai leh kaikuang hi chu tui lam sa ah chuan atluk awm thei pawhin ka ring phal lo:-)a tih neuh2 hi ka thiam vak lova a awlsam chin bak kheh lovin ka ei tawp mai zel,chawei a ti rei lo deuh;-)
September 16th, 2011 at 3:36 pm
A ngaihnawm, ka chhiar tui thin.
Chakai meichher chhit tak chuan ka la chhuak lova. Lui te dung zawhin sangha chu kan man ve tawh. A nuam khawp mai. Lui lam kal hrim2 hi chu a nuam ani. Lui lam sa hi chuan chaw pawh a heh.
September 16th, 2011 at 3:37 pm
Chakai hi ka chawhmeh tui tih ber te zing a mi ni ve tlat(especially a bawp pui), a ke ṭang pawh hi ka hip hnehsawh khawp mai 😀 . Chaw min ti ei hnem thei phian baw 😉
September 16th, 2011 at 3:42 pm
Chakai hi chu a va han tui tak em!! Vawi khat chu Tlawng ah hian chakai chinai a vaw tur in kan kal a, pakhatmah kan man lo!! Kan chinai ken kha a lo tha lo a.Tun hnuah erawh zawng ka ching tawh lo… Mi man sa lo ei hi ka duh tawk viau.. Mahse mahni man ngei han ei hi achua a nuam bik a ni!
(Y)
September 16th, 2011 at 3:43 pm
Va ngaihnawm ve
Lui kal chu ka hrat ve khawp mai a, mahse Chakai meichherchhit kher hi chu vawikhat chiah ka la ti ve, pahnih kan man a, rul kan that bawk 🙂
Shillongah bawng pumpui nen chhunah kan chiah a, a bawppui neilo kan man..
Hmanni kan lui naah chakai 80 kha cheng 700 in kan lei .
September 16th, 2011 at 3:44 pm
Ava lunglen thlak ve, pawl 1 ka zir laiin aia upa te ka zuive toh a meichher eng a chakai han man vel kha nuam ka ti ka ngaihtuah let thin zan thim hlauh pawh kha ka hre miah lo tun ah chuan ka zak tawh mai thei
September 16th, 2011 at 3:47 pm
20@rohlupuia chalrang alawmawm e,
Mikhual pakhat poh kha a thlenin ah sangha an hmeha, chaw an lo chhum tlem nen an ei zo ta zek si. A tih ngaina hre lo vin luisa chuan chaw a heh an tia lawm atia, a thlen in naupang te chuan luisa ai chuan nangaman chaw i heh zawk alo ti zek asin le :-$
September 16th, 2011 at 4:17 pm
# 33… Chakai bawbpui han tui zia hi tiraw…
Kan naupan laiin (ti ve khanglang ila..) Pathianni tuk a kan chawhmeh zing a Chakai bawppui lian ber hi inkhawmna ah kan keng ngei thin (tu chakai bawppui nge lian ber? ti tur in!!) Tichuan, inkhawm ban ah kan ei leh mai thin. Kan inkhawm kha kan thang hem hem in ka ring thin.. :-O 😛 Mahse a hunlai kha a ni ve tlat; tunlai tlangval Bike thar nei aia chakai bawppui khel a kan lawm a kim lohna bik reng ka hre lo.. 😉
September 16th, 2011 at 4:18 pm
Aw han rawlthar leh xek xawk hi cu van cakawm tak em!! A hunlai kha chuan nula rim ai fe in CHAKAI MEICHER CHIT kha chu nuam xawk a ni. Mi pali in 160 theuh in kan insem bik asin haha.. Tawm leh ni awm tak ang maw..??
September 16th, 2011 at 4:49 pm
Hmeichhe hna- hna ni suh, Chakai sa- sa ni suh th ani bawk a, chakai sa siam dan (chhum tawrh nilo) he hian:
Crab Stuffed Portabella Mushrooms
Ingredients:
2-lg Portabella Mushrooms
1-(6)oz can Chicken of the Sea Crab Meat
1-serving StoveTop Stuffing Mix for Chicken
2 -tbsp Smart Balance Spread
1/2-tbsp Olive oil
1/2-tsp Garlic Powder
1/4-cup Shredded Mozzeralla Cheese
Directions
Heat oven to 425
Wash and Dry Mushrooms. Drissle gill side of mushroom with olive oil. place on baking sheet (gill side down) and bake 5-10 mins.
Drain crab meat. Prepare 1 serving of Stove Top Stuffing mix. Set a side. Melt Smart Balance spread (margerine) in small pan. Add Garlic Powder to your preference. Add crab meat and toss lightly. Add crab meat to stuffing mix. Mix well. Divide into (2) servings. Form ball of stuffing mix and place on “gill” side of mushroom. Top with 1/8 of a cup of Shredded Mozerrella Cheese. Place back in oven till Cheese starts to brown.
Number of Servings: 2
September 16th, 2011 at 4:51 pm
A chhit chiaha ka chhit ve chu ka hre lo, mahse rawlthar kan nih lai chuan luite dung a mawng lam atanga zawh chhovin hawlhrawk te nen, chakai leh sangha te reuh te te kan man thin. Tin, Ngengpui WLS lui pakhat ah khan, kan field trip tumin R.O phalna in tlai chawhmeh tur kan man tawh. A han tam mai mai khawp a, meter 200 bawr vel lui kan zawh chhova, lung kan phawk a a lo awm zel. Tin khat dawn chu kan kalpah chho anih kha.
Tin, Maharashtra adivasi Kurku tribe ho khuan an duh ve hiam hiam khawp mai. Tlai thim thet thet ah hian an inzui chhuak ve diah diah thin.
September 16th, 2011 at 5:01 pm
@Post-tupa : Keini chuan Aibuh, vaimim & buh kan hmui aiin Broiler chaw hi kan chah thin thung, an duh berin ka hria…!
Chakai chu Vaimim sawr nen han kan pawlh ila, a kawmkawraw khat tun hian vaimim sawr khal kha khat tulh se la…. 😀
@H.V : Behlawi a kan telh hi chu a nam turah chauh a ke tang ho paih atana uihawm deuh kha a ni em. A pawnfen kha kan rep thin bawk! Aium pawh hi tui ve tak ani, Chhurbura phei kha chuan a duh phian kha 😛
September 16th, 2011 at 5:04 pm
“Hawlhrawk” ka post tur ka laptop a chhia a, ka duh ang pawn ka post ve thei love. Mood-ah chen ve fe angai si a. PKF hi i fakawm khawp mai, Zupawl tuam te pawh han hma law law teh. Ngawidawhna-ah hian ka la tel ve miah lova, Sangha tlangvuak nen. Mahse ru chu ka thlak ve nual tawh…!
September 16th, 2011 at 5:05 pm
Nuam chu kati khawp mai,mahse.. alian deuh phei chu ka man ve ngam thin lo hi..thiante bulah a inthlahrun awm duh khupsss mai 😛
September 16th, 2011 at 5:06 pm
Ka naupanlai chuan ka chhit ve fo ka man tam emem ngai lem lo.Khamkhawp awrh ka khawrh ve fo bawk aiawt pawh ka chiah thin tui ka ti em em bawk thin hmanlai chuan
September 16th, 2011 at 5:19 pm
Chakai khawrh/chhit-a hriat ngei ngei tur chu kan hawn sen loh kan man anih chuan a te deuh te kha chhuah leh a, a lian deuh kha zawh tawk hawn mai tur. Duham loh tur.
Ka nu&pate hian an sawi ka la hriat chu khaw pakhata pa pakhat chuan an hawn sen loh an man kha a ui lutuka chakai bawp-pui chauh chu a thlawn a, a chhuah leh ta mai a……An fa a lo pian chuan kut zungtang nei lovin a piang tlat mai a, Pa ber chuan a chakai man a puh ber an tih ka la hria….!
September 16th, 2011 at 5:19 pm
OT: @43 in zupawl tuam a sawi takah chuan lungtum in chum tir te pawh ka hre chhuak zawk mai.
September 16th, 2011 at 5:32 pm
Pu Chawngkhupa kha chuan aiawta chakai tangte hi a chhuah thin :-O “Haleluiah” tiin an phar suau suau hian ka hria a ti thinin ka hria.. 😉
September 16th, 2011 at 5:49 pm
Vawiinah nilengin meeting kan nei a, tukin zingah khan scheduled ah 1 chiah a awm a, pending lah a awm mumal si lova, Nghafuan ven kha in responsed tha phian si a, ka han post zuai a nih hi. Ka rin ai daihin comments a lo tam a . A lawm awm e.
September 16th, 2011 at 5:50 pm
lushai_er, Aium hi tui ka ti khawp mai, Chhura thlah zing ami niawm hial ka ni hairehai 😀
Ni e, Mizoramah kha chuan a ketang kha kan thlak mai thin awm e. Hetah chuan ka keu phel phawk2 a ka thlak ta vel mai2. Duh aiin hmarcha kalo telh hnem pek a, ka ei hrep hrup ta bawk hahaaha