Hetiang lam thilthleng han sawiho chang hian a tamzawkin puitling tak takin kan comment thin a. Misual site-a awm mekte kan danglamna tak pawh a niin ka hria. Post submit a tlem si a, ka rilru a la peng deuh bawk nen, he issue tlema sensitive deuh hlek hi ka lo pharh ang e. Thil thar lutuk chu a ni lem lo va; mahse thu kal zel tur ni awmin a lang.
Buaina chu
Lungsen BDO, John Tanpuia chuan Sihphirtlanga awm mek Lobindra Chakma chu thingzai sak turin a ngen a. Mahse Lobindra Chakma hian thingzai kawppui tur a neih loh avangin a hnial fithla ta a. BDO lungawi lo chuan a NREGS thawhhlawh a hrensak ta kel mai. Lobindra Chakma vek hian complain-na Lunglei DC lamah a theh lut ve leh ta a.
John Tanpuia a lungawi lo hle a, Sihphirtlang lamah a naute pathum hruaiin an va kal a. Lobindra Chakma leh a nupuite chu an sawisa ta a ni. Mit-a hmutute sawi dan phei chuan thi-a luak khawpin an vua a ni awm e. Amah Lobindro hi duh lo chung chungin motorah an nam lut a Lungsen lamah an hruai chho nghal bawk a ni.
Hetah hian chhiar belh duh tan- https://mcdf.wordpress.com/2011/09/27/mcdf-demands-justice-for-lobindra-chakma/
Buaina rem dan
Dt ni 27, September khan Lunglei Addl DC T.Lalduhawma chuan buaina chhuizau turin Lungsen a zu tlawh a. Hemi ni vek hian Lunglei lamah Press release a nei leh nghal a. Chuta Addl DC thuchhuakah chuan Pu Lobindra hian dan lo anga job card a neih thu Lungsen Block BDO-in report a dawng a. A naute pathum hruaiin Sihphirtlangah an va phei a. Thu an zawhfiahnaah an naute pathum zinga pakhat chuan Lobindra Chakma chu a nam sawn hlek ni awmin a sawi.
Mipui an punkhawm tam deuh avangin amah leh Pu Sonat Kumar-a chu Lungsen lamah thuzawhfiah atan an hruai niin a sawi bawk.
Press Release tlangpui pawh hetah hian a awm e- https://www.vulmawi.com/2011/09/lungsen-bdo-kutthlak-nia-sawi.html
Ka hmuh dan
He laia Addl DC thulai sak dan hi a awm ang lo deuh em aw ka ti…. An buaina chhan takah an lut miah lo. Job Card diklo neih hi khawihmunah pawh khawtlang lama hotu deuhte tan chuan tihdan phung a ni tawh mah zawk (a lawmawm vak lo!). Job Card dik lo taka neih avangin BDO hian an khua hi a tlawh a rinawm lem loh. Tin, BDO leh Lobindra hi innel tak niin an sawi bawk a, thil dik lo ti dun an ni reng tihna a ni mai.
Addl DC hian BDO hi tan takin thu tawp siam a tum niin ka hria. Thlavang hauh lamte pawh a ang mah zawk e. Mahse kan ti teh ang- hnamdang an ni emaw hnahnuaihnung zawk thawktute an ni emaw DIKNA hian ro a rel loh chuan kan la buai deuh deuh ang.
Enge i hmuh ve dan?
Similar Posts:
- Ka computer monitor hi
- Chakma te an vul zel angem?
- Sipai officer 2-in buaina an siam
- JOB Card enfiah
- Teak
October 1st, 2011 at 9:37 pm
A bengvar thlak khawp mai
Report this comment
October 1st, 2011 at 9:37 pm
sawi tur ka nei lo e. None of my business
Report this comment
October 1st, 2011 at 9:39 pm
Ngaihnawm hmel, chhiar phawt ang.
Report this comment
October 1st, 2011 at 9:43 pm
He thu hian Chief Secretary beng pawh a thleng tawh a ni awm e. YMA Lungsen leh YCA lam pawhin hnam inkara buaina a awm loh nan hma an la a, Lobindro hi tunah a awmna chin an hre lova khawtlangin an zawng mek niin an sawi.
Report this comment
October 1st, 2011 at 9:46 pm
Ka hul tlat…ka misual khat lutuk a. A bengvar thlak ka ti.
Report this comment
October 1st, 2011 at 9:55 pm
A va pawi thin ve, thudik lo a, mahni power hmanga aia rethei/ hniamzawkte kutthlak ching hrim2 hi chu suspend hmak hmak thin se….
Report this comment
October 1st, 2011 at 9:57 pm
Thiamna sang tak nei, hna sang tak thawk, puitling miah silo hi ka hre teuh mai. ( daih mai a ) naktuk zingah ka rawn log in leh chauh ang.
Post-tupa i ti tha e.
Report this comment
October 1st, 2011 at 10:03 pm
He chanchin hi sawi dan a in ang lo tlat mai a, han rin zawk tur a hriat tlat loh. Thenkhatin thi a luak khawpin a hnek an ti a, a then in ka nam deuh an ti bawk si..
Engpawhnise, thil chiang tak chu BDO hian he chakma pa ni 100 inhlawhna a hren nachhan chu a thing a zai sak loh vang niin a lang.!
Report this comment
October 1st, 2011 at 10:05 pm
Hmanni deuh pawh khan SDO(C) 1 motor ke siam tir tumin vai 1 a beng an ti. Zurui hawklak tihawm tawk leka ka ngaih hi kan officer liante hian an ti ve leh khut thin
Report this comment
October 1st, 2011 at 10:07 pm
Thu a chiang lo em a. A hmuna thil thlendan hre ve phak lo tan chuan ngaihdan lo sawi ve chiam chi niin ka hre lem lo. Dawt thu phuahchawp eng eng emaw hi a tam thin a. Thudik kan hria a nih loh chuan, lo sawi ve chiam chi pawh a ni meuh em maw ni le..
Report this comment
October 1st, 2011 at 10:07 pm
BDO hi chakma hel ho khan kidnap ve sela, a nupui kha vaw ve nek bawk sela an in rul tawk ani mai lawm ni?
Report this comment
October 1st, 2011 at 10:12 pm
A pawi hle mai. Officer fel leh hmingtha tak tak karah pahnih khat lek che sawngnawi hian Zoram hmel a tichhe thin. Eng hnam pawh, eng ang a rethei leh hnuaihnung pawh nise, thuneihna hmanga rahbeh, kutthlak, an chanvo hrensak te thil dik a ni ngailo kumkhua
Report this comment
October 1st, 2011 at 10:16 pm
@muantea, He mibo hi vawiin lamah an hmu tawh lo maw? @Ignatia (33-115 AD) i rawn blow tha kher mai
Report this comment
October 1st, 2011 at 10:18 pm
ka ngaihtuahna a lo lut ve thung chu, rethei te rah beh a kan awm mek na ram ah hian tual thah rukruk leh sual na ilo hrang hrang a thleng chho zel dawn a nih hmel (kan tunlai boruak thlir in)…retheite beidawnna vawr tawp hian mi lian leh hausa, mi thil tithei te pawh a la hmer tel ve tho dawn si a le…..
Report this comment
October 1st, 2011 at 10:31 pm
@ruata pachuau. An hmu tawh a nih chuan min rawn hrilh lo a nih dawn chu
An la buai chhoh zel duh hmel khawp mai.
Report this comment
October 1st, 2011 at 10:38 pm
Lunglei Addl. DC thu leh hla hi LK lamah a awm, hei
Lunglei Addl. DC thu leh hla:
Source: HETAH
Nimin (27th Aug) khan Addl. DC
T.Lalduhawma chuan he thil thlen
dan hi enfiahin Lungsen a tlawh a,
nimin tlaiah vek khan a lo let leh
nghal. He thil thlen dan chungchang Press
statement tihchhuahah Lunglei
District pumpuia NREGS
inhlawhfakna, ni 7 atana pekchhuah
chu Sihphirtlangah pawh hian
thawh a ni a, Lobindro Chakma
chuan an chhungkaw aiah kum tling
lo, job card-a hming chuang lo a
fanu chu nihnih a thawh tir a, hemi
chungchang hi report a luh angin
BDO John Tanpuia, N.Vanlalhluna
VLW leh Thangmawia Lungsen VC
Vice President te chuan a hmunah
an enfiah a, hemi hnu hian
Lobindro hian muster roll-ah
hnathawk ve angin a inziahluh luih
tir leh a, hei hi dan kalh a nih
avangin Lobindro hi hlawh pek
theih a nih loh thu hriattir a ni.
Hemi hnu hian “BDO-in hlawh min
cut sak” tiin, Lunglei DC hnenah
complaint a thehlut a, a thehluh
ang hian DC chuan Project Director
chu hma la tura hriattirin, ani hian
BDO chu sawifiah turin a ti veleh a
ni. BDO pawh hian insawifiahna hi a
thehlut ve bawk.
Hetianga thu a kal hnu hian BDO
hovin, H.Vanlalhruaia VLW,
N.Vanlalhluna VLW leh Lungsen VC
vice President Tlangmawia te chu
NREGS hnathawh dan a en
kualnaah Sihphirtlanga hnathawh
pawh hi an en nghal a, hetah hian
DC hnena complaint thehluh
chungchangah Lobindro chu thil
awmdan zawtfiahin, a ni chuan “Ka
at lutuk vang a ni” a ti. Hetah hian
N.Vanlalhluna VLW chuan Lobindro
hi a nam a, hei bak hi chu kut
inthlak a awm lo.
Hetianga thu an inzawhfiah lai hian
a chhak lawka BCM Biak Ina inneih
programme hmang laite chu a tlan
thla a, mipui an punkhawm deuh
tak avang hian Lungsen lamah
Lobindro bakah Sihphirtlang Village
Chairman Sonat Kumar te chu hemi
chungchang sawiho tur hian an
chhova. Lungsen an thlen hnu
lawkah Lobindro chu sahdah lei tur
anga insawiin, a kal bo ta daih a ni.
He thilthlen laia awm ve VLW
Vanlalhluna chuan amahin
Lobindro hi a nam ngei niin, a sawi
a, hei bak hi chu kut a thawh zui
loh bakah, a nam na lo niin a sawi.
Lungsen an thlen hnuah pawh kut
inthlak turin emaw, hun a awm lo
hrim hrim niin a sawi.
An sawi dan in Lobindro hian BDO
hi a nel hle a, inhlawhfaknate pawh
a dil fova. A dil angin thing zai tur
leh, a zai zawhah lawmman pawh a
pek tur thu a hrilh. Hei hi January
thla khan a ni a, Statement-a a
landan chuan Lobindro hlawh pek
chhuah a nih loh chhan hi thingzai
chungchang vang ni lovin, NREGS
inhlawhnaa a thawh loh vang
zawka hlawh hi pe lo a ni.
Report this comment
October 1st, 2011 at 10:54 pm
Hm… khirh duh dawn ve le……
Aryan ngaihdan ang khian thil kal ta se a hnawk lehzual ngei ang….. Tuna kan thu hriat atang ringawy hi chuan BDO leh Addl. DC hian thu dik tak an sawi lo niin a lang…
Report this comment
October 1st, 2011 at 11:01 pm
Thu a khirh ta. Lehlam a fawng vuantu an ni si. PR te leh kan official te thu leh hla kan hmuhtheih chinah khi chuan thu inhmu lo deuh chu a awm anih khi, hlawh hrensak chhan te khi sawidan a inanglo bawk a. Victim Lobindra Chakma lah chu Kohhran Chairman, mi rinawm ni in an sawi bawk si.
Report this comment
October 1st, 2011 at 11:01 pm
Hnahkhawrin Mulek a hring
Report this comment
October 1st, 2011 at 11:16 pm
A case hi a serious khawp mai ka ti. Whistle han blow maina chiah ka la ngai lo ka ti posttupa. Thu chiang awm tawh se-Officer-pa or chakma hi lo thiam lo se..chuan, han blow ta la a fuh ang em aw?
Rinhlelh ka neih chu ‘nam hlek chauh’ hi a na duh ang reng viau tih hi a ni bawk. Hmeichhia leh zel a khawih a nih phei chuan an tih loh tawp tur an tiah ka ngai.
Chakma pa hian dawt a sawi ve thei tho-chuvangin ka te chiam ngam lo.
Report this comment
October 1st, 2011 at 11:20 pm
He BDO hi a chanchin thenkhat ka hriat danin (Kan thiannu Pasal hlui a nia!!) pa maksak tak chu a ni ve reng reng a, Mahse he chakma (takam) pa NREGS hlawh a pek duhloh chhan ni awm a an sawi ber chu NREGS thawk tur hian Job Card a hming chuanglo a fanu a thawhtir tia sawi a awm bawk a, chutiang chu a lo ni tak tak a nih chuan a ti thra thlawt e.
Tin, chakma ho hi chu dawhthei lutuk lo deuh hlek a treat hi ka pawiti vaklo kei chuan. Kan khawi ngam thawkhat tawhin ka hria.
Report this comment
October 1st, 2011 at 11:36 pm
ka va sawi ve teuh chak ve..
Report this comment
October 2nd, 2011 at 1:34 am
Thu ava tam ta neih nuaih ve…a enga pawh chu nise BDO hian power neih avanga ‘vai’ tak mai a a hnuaia awm te a ti rethei anih chuan hrem tlak ani.
Tin,chakma pa pawh hian dawt a sawi ve thei tho bawk.. 
mi tam tak chu an superior ten an chunga thil diklo an tih avangin a aia uar deuh hlek a sawi an hreh lo fo(mipui in officer thil diklo ti anih chuan beng an tun hru.! )…thu chiang zawk ngaihchan a that hmel ka ti..
Report this comment
October 2nd, 2011 at 2:13 am
Hetiang hi chu thuchiang a tam thei lutuk a…
Report this comment
October 2nd, 2011 at 11:18 am
He chanchin hi Evening Post ah uar takin an ziak a, Vanglaini ah chhiar tur a awm lo ve thung!
https://i54.tinypic.com/14ah73k.jpg
Report this comment
October 2nd, 2011 at 1:42 pm
An buaina chanchin khi phone hmanga Lungsen lama mi rinawm tak ka zawh atangin ka lo ziak a ni. A sarhu laia awm ve mizote paw’n an BDO hi dem khawp mai. Dem eng ang mahse ADC reportna chuan a ziak fihlim keuh mai si a.
Tin, Lobindra Chakma hi mi hotute cho ve tak a nih hmel bawk a, an buai tan tirh hian inphahhniam zawk se a fel mai tur.
Issue ni ta bera lang chu- ADC report pek dan dik lo hi a ni. An buaina chhan chu job card dik lo lam a ni lova. Thingzai duh loh leh NREGS thawhhlawh inhren sak lam a ni zawk mah. Chu aia thuk leh zawk chu- minority lam kutthlak lai tak hi a ni. Dik taka rorel a ni lo tlat.
Report this comment
October 2nd, 2011 at 1:47 pm
@Vakul: I ngaihtuah thiam e.
A ni ngawt mai. Tunah hian thu chu rem a ni ti tih deuh mai. ADC pawn report a ziak thlap tawh a, chumi chu Aizawl lama va thawn phei tur a ni tawh mai hmel.
Helaiah hian an buaina lo chhuah chhan chu thuhran ni se. BDO-in kut a thlak hi thil chiang a ni. Mizote ngei pawn an hmu a ni. He lai hi buaina tak zawk ni turah ka ngai. BDO a nih avangin kutthlak thei a ni bik hauh lo.
Report this comment
October 2nd, 2011 at 2:07 pm
Post tupa i ngaihdan hi ka tawmpui khawp mai che, Mizo te chu in hmelhriat themthum kan nia, officer leh officer phei chu chuti hlauh. Thurem tu tur hian tan zawk a neia a dik lo ka ti. Hnamdang chungah pawh dikna hi chu lal hram se keipawh ka ti khawp mai.
Report this comment
October 2nd, 2011 at 2:11 pm
Inneihna prog la tura an cameramen hman pawhin a kutthlak lai chu a la a intih khi #25 zero link ah khian, khingte khi dil xhhuah a thudik chhui nan tha phian ang
Report this comment
October 2nd, 2011 at 11:23 pm
Ziak a ‘piai hlek’ pawh hi a takah chuan na ve thei tak a nia aw.. Chu bakah, VLW pawh chuan tinge maw a ‘nam hlek’ kher ni le? Thu-a sawi fel zel mai hi a tha, kut hi kan chelek hma thin leh lutuk a ni..
Report this comment