Vawitam tak lusunna avanga ka thinlung na hi ka lo ziak tawh a. Comment chhiar nuam tak leh min hnem tu te pawh ka chhiar thin. A hlutzia hi ‘Tuartu’ tan lo chuan hriatfiah chi pawh niin ka hrelo a. Tunah pawh hian inthlahrung takin, tuang ti chhah chung tak meuhin ka han share leh duh che u a.
Thinlungin khawhar lunglenna, he hringnuna mahni chauha Nun ram vahvaihna han thlen meuh chuan, hetia han post hian keimahah chuan thui tak min hnem thin miau avangin min lo chhiarsak leh hram turin ka ngen che u a ni e.
October ni 9 chuan ka fapa neihchhun, ka enchimloh leh ka hmangaih, ka duh ngawih ngawih chu a tawng mumal thei ta lo. Phun sep sep, hriat theih tawk tawk hian, “Ka nu, min la chhuak la, inah nangman min enkawl zawk rawh, ka dam dawn a lawm, ka thi tak ngial dawn,” a ti a.
“I thi dawnlo, Doctor kan bia ang a, rem a tih phawt chuan, ka hruai haw ang che,” ka ti a. Doctor chu biak ka tum a. “A lokal dawnlo, meeting an nei dawn” tih kha chhanna ka hmuh a ni chauh si. Damdawiin Bath-room..hing rimchhe lutuk ah ka tlan lut a. Ka Pathian ka au thin a, keimah zawk thih mai te ka dil a.
Chhanna ka hmuh chu-tlailam dar 3 vela ka fapa thaw tawp riai riai lai thlir chu a lo ni ta si.. Aw, Pathian hian, heti zawng kher hian a ni maw min chhan, ka mangan zia leh ka beidawn zia tak kha aw! Hnemtu mipa ka va mamawh tak em khatih lai khan Ka aiawh a a death certificate min laksak tu turte kha ka va duh tak em. Khatih hunlai khan keimahin engkim mai kha ka hmachhawn kha a lo ni tak si a aw.. “Awm zawng zawng an ral hunah.. Awma ka ta a ni” tih hi ka thinlungah a ri reng mai a..
Ka sawichhuak ngam silo, “Lalpa, awm zawng zawng ral chu ka zuam ve hlawl lo” tiin ka thinlung chhungah ka au hi a ni ringawt mai a. A thaw tawp chu tap buai lovin ka thlir reng a, a tawp ta..”Hnam ka len nuam mang e..Hmuh theih se doral ang hian, Awmlai lianin hringnun Parmawi, vullau a thliak mai ta si a” tih hi ka ngaihtuahna leh ka hring nun khan a duhdan a ni ringawt mai a ni.
Huatna, demna in ka khat a. Tun hnu a harhfim a ka ngaihtuah let pawh hian, ka thinlung damlohna hliam tu lian tak, a tira tih nachang ka hriat miahloh thil a awm avangin, ka fapa hming leh a thihna hmun te ka sawilang lo zawk mai a ni.
Ka fapa chu kum 26 lekah Direct in Officer ah a lut a, a training zo, post-a a kal, a hna a join hnu ah thla khat chiah a dam a, Pancreatitis a thi thut a ni a. A training hma khan reitak a lo ngaihsan leh amah hmangaihtu, Maria nen an inru ve a, training a a kalsan a tul nghal si avangin, Mizo danin a man kan hlan hman a. Chu te chu a lo ruaklo hman hlauh a. A pasal, ka fapa in a kalsan a, naute mangang tap ang mai a, raipuar chunga a lungchhe tap ri te hi, kei, nu thinlungah hian a reh thei mawlh lo a ni. Tichuan, Dec 15 chuan an fanu chu a lo piang ve ta a.
Ni 10 October ah chuan, he lei a hmu leh tawh ngailo turin ka fapa duhlai chu, lei daiah, vaivut a chang turin ka thlah liam a lo tul ta si a. Aw, ka zantlai tawnmang lo ni se thlafam ngaih chu. Bawhar lungfing ten min tho se, zing engah thang mai teh ila.. kimlai chhungkhat kan awm ngaite khanin, laikhumah lo zal hmun ila, lungchim te’n, hmangaihte’n ka chul leh ang e.. tih te hian ka thinlung hi a luah tlut tlut reng a. Tihtheih engmah neilo ka ni tih ka inhriatna tur a Pathian hmanraw thlan hi kei a hnar chi rual lah a ni si lo a.
A thihcham kum khatna ah chuan, ka pasalin min chhuahsan leh ta si a. ka thinlung na leh hrehawm lutuk chu thla hnih hi tho chhuak peih manglo in, ka kut leh ke te vung vek khawpin ka mu a. Mipa hi ka hua-in tumah hi ka duh lo a, mahse min hnem a, min hmangaih a, min duattu ka mamawh ngawih ngawih tho si a.
Tichuan, ramdanga kan thianpa chuan min khawngaihin min rawn hnem thin a. Pa tak, caring deuh si, frank takin min rawn dawr a. A ko ah min dahin engtik lai maha thlahthlam lovin, nitin min rawn be buai a, ka chungah a zaidamin, ka chakna tawk tur awm tawkin min fuihin min rawn ti thin a.
Chutih lai chuan, ka nuna ka hlauhthawn ber chu- insawi enge maw-ah min ngailo ula, ka la upa lutuk biklo a, mipa a ka innghah a, min lo chhaitu an awm ka hlau a. Bible hi ka kuah reng ringawt mai a, ka chhiar peihloh pawn, zanah te hian ka kut tal zen lutin ka mu thin a.
Kei tluka innnghahna mamawh an awm lo ang – tih tur khawp a thinlung hliam tuara ka rum lai a, vawiin ni min thlentu hi Pathian chauh a ni. “Enge lungngai a kan khah ang, hrehawmna lo thlenin, tih te, i mangan a hnenah thlen la, a nin a lo tanpui zel ang che, tih te, Engkimah Lal Isua ring a, kan tawngtai loh avangin, muanna tamtak kan chan fo a” tihte hi ka thinlung luahtu ah ka thlang thin a. Mi tanpuina tur, Lalpa, hnen a mi a lo thleng-dawngtu ah ka lo tang fo thei ve ta a ni.
Tichuan, nikum June thla laihawl vel khan zing ka tho hi, Thawhlehna thu chiang tak maiin min hrilhtu a awm ta tlat mai a. Benga ka hriat kha thinlung phek a ziaktu thlarau chuan min rawn hrilh ve ta a.
Kan thawhlehna hmahruai a, an zalhna thlan rauhsantu, Lal Isua ang chiah khan, Ropui rapthlak a inthuam a, van chhum atanga vantirhkoh, tawtawrawt ri nen, Lal Isua lo lan hun ah, ka nu leh pa, ka ngaih em em thin te, ka fapa, ka duat leh a bula awm ka la duh ngawih ngawih te, ka nau leh ka u fapa te kha an lo tho leh ang a, Lal Isua naka ser thleng pawh hmuh theih ang chiah khan, ka hmangaihte kha ka hmu leh dawn a ni. Chutih hun nghakhlel chuan ka Nun hi a lo inher ta a. Huaisenna, thinlung na tak hnehna, mi te bula awm ve theihna nun te chhar chhuak lehin, vawiin ni hi min hruai thleng ta a.
Ka fapa thihcham hian, awm ngaihna ka hriatloh avangin ka zinkual thin a. Tunah pawh hei Kolkatta ah ka awm mek a. Ni 9 Oct. ah a boral a, Ni 10 Oct. ah leidaiah kan zalh ta a. He ka Post chhiartu zawng zawngte hian, hemi ni hian in thinlung tawngtainaah ka hringnun damchhung hunte chhiar thiam a, engmah tihtheih neilo ka nih inhria a, ti theitu Pathian ka belh zel theih nan min tawngtaisak turin ka ngen nawn leh tak meuh che u a ni e.
Similar Posts:
- I thinlung hawng la
- Nitin Lalpa nen ( Pathian Ni Pual )
- Pathian Chhandamna Ropui Hi
- Krismas Thuchah
- Pentecost pualin
(B)...
October 9th, 2011 at 6:11 am
Thihna hi zawng a râwng em a ni e. Ngaiin auvin tap mah ila, kirzai reng an rel thin silo. :-S
Hei i mo leh i tunu:
http://i52.tinypic.com/2zfss9s.jpg
October 9th, 2011 at 6:17 am
Chhiar ang
October 9th, 2011 at 6:28 am
Pathian lak a hel mai lova, amah belh tlat zawk nachang i lo hre tlat chu a va lawm awm em. I fapa zawng i hnenah a lo kir tawh dawn lo va, nang erawh chu a hnenah i la kal dawn a ni. Awma chuan thlamuanin tichak zel che rawh se. Ka tuarpui tak zet che tih hi ilo hre dawn nia. Ka tawngtai pui nghal bawk ang che.
October 9th, 2011 at 6:38 am
A va runthlak tak em! Vawi 2 ngawt kan chhiar chu. Pathianin awmpui zel chu rawh se.
October 9th, 2011 at 6:39 am
Ka van khawngaih che e aw! mahse Pathian ringtu leh bel tu i ni a, i la vannei e, nangmah anga lusun, hmangaih te chan, ringtu ni bawk silo te tan a, a beidawn thlak lehzual turzia min ngaihtuah tir, Pathian awmpuina i dawn zel ka duhsak a che
October 9th, 2011 at 6:46 am
Ka mittui a parawl kuang thei mawle, mahse a lawmawm e, Pathianah I lo chak leh zual zel ka duhsak a che
October 9th, 2011 at 6:51 am
Lainat om hle mai
October 9th, 2011 at 6:56 am
Mate ainawn ka khawngaih thu che hi ka sawi bang bik lo, vawiin hian i pualin ka lo tawngtai(pui) ang e.
Have a safe journey.
October 9th, 2011 at 7:14 am
I fapa chu, i fapa neihchhun chu, a va uiawm ve le. A thawhrim rah a seng ve dawn tan chauhva, seng hman lovin khawvel a chhuahsan leh si. A hringtu nu tana a nat dan tur zia ka chhut thiam lo ve. Fanu tal a lo nei hman a, a lawmawm khawp mai.
October 9th, 2011 at 7:17 am
Lainat awm hle mai. Pathianin a awmpui ang che.
October 9th, 2011 at 7:18 am
in tawrhpuina thinlung tak tak a insawi hian nasa takin min hnem thin tih hi lo hria ula ka duh a ni.
Post hi vawiin tlai lam bak chu ka flight dawn vangin ka vil thei dawn lo a, min lo hrethiam dawn nia..a vaiin ka lo chhiar leh vek dawn a ni.
October 9th, 2011 at 7:23 am
ka chhiar e i van lainat awm em em Pathian in awmpui mawlh che rawh se!
October 9th, 2011 at 7:50 am
mate, i ziah tur ka hre lawk. Ka chhiar rih lovang. Voin ah hun engemaw ka nei dawn sia..ka mood a tidanglam leh vek dawn sia.. tlai daiah ka chhiar ang.
October 9th, 2011 at 7:52 am
Chhiar zawh phal loh chi a ni tawp lo mai. Ziak thiam bawk si, lungchhiat thlak bawk si… Mahse i ngaihtuah awm lo ka ti. Pathian i hmu fuh em mai
October 9th, 2011 at 8:04 am
Ka thinlung takin ka tuarpui hle mai che.Mahse kei leh midang á¹henkhat tan chuan hlim taka kan lo hman ve thin kan Pianchampha a ni ve thung si a.Dinhmun hi a va lo in ang lo thei emm!!!
October 9th, 2011 at 8:09 am
Kal hmasa te chu thlamuang takin chawl rawh se 🙁
October 9th, 2011 at 8:13 am
Pathian belhna chang i hriat avang te, thlamuanna a pek che avang te, tunu hmel tha tak a pek che avang te, tuarpuia hrethiamtu che i neih avangte hian i vannei ka ti. Lalpa’n awmpuiin veng zel che rawh se.
October 9th, 2011 at 8:18 am
mate ainawn, ka tuarpui hle mai che. Kan khawvel nun a kan thil tawn tur te zing ami, mahse pawm harsa ni si a ni a. Ka lo tawngtaipui ve ang che.
October 9th, 2011 at 8:57 am
Pathiain awmpui zel che rawh se
October 9th, 2011 at 8:58 am
ka va lainat che em. Pathianah rinna nghat tlat mi chu a nghing ngai lo. Lalpa’n awmpuiin hruaizel che rawhse.
October 9th, 2011 at 9:01 am
Ka van lainat tak che em! Hringnun hi a hah thlak em a,a kal hmasa te hi an vannei zawk a sin..engtik ni ah emaw chuan kan la thi vek dawn si a… ;-(
October 9th, 2011 at 9:12 am
Tin, Lalpa chuan hmeithai chu a hmuh veleh a khawngaih ta em em a, ” Tap suh” a ti a. Tin, ava hnaih a, hlang chu a khawih a; tichuan a zawn tu te chu an ding ta a. Tin, “Rawlthar tho rawh ka ti a che”. Tin, mithi chu a thu chhuak a, a lo tawng ta a. Tin, Isua chuan a nu hnenah a pe ta a. Luka 7:13-15
Aman a hnaih reng che a kalsan ngai lovang che, i fapa chu tunah hian kaihthawh in a awm a, a awmna tur dik tak ah pekin a awm tawh a sin, lo ngaihtuah lo la, amah chhandamtu chu fakin zai zawk rawh le.
October 9th, 2011 at 9:22 am
Mate ainawn, i tawrhna hi ka hriatthiampui che ti mahila kan rawn hrethiam pha tak tak lovang, mahse, ka lainat ngawih ngawih che. Keipawh ka fanu hi a damloh hlek pawh hian ka phili buai thin a, thihna phei chu ka ngaituah ngamlo. Khawvela mihring te tawrh a na tawp – i fapa neihchhun i chan a, chutah i pasal in a phatsan leh che a, mahse i ‘survive’ tih ka hriat hian i ngaihsanawm ka ti. Keini ang chaklo deuh chu ni ila kan ‘collapse’ mai ka ring.
Pathianah i inghat ngam a, i ngaihsanawm thlawt e. Keipawh harsatna eng engemaw ka lo tawk ve tawh a, ka hmachhawn danah ka tluk lo tawp mai che tih ka hria. I tawrh hi a na, mahse kan tawrh theih bak Pathian in min pe lo ani tih ring ngam tlat ang che. Ka lo tawngtaipui che ania.
October 9th, 2011 at 9:25 am
I tawrh ang tuar chhuak zo tur a Pathianin a dah dan che atang hian mize danglam tak, mi nazawng neih ve loh i neih ngei ka ring. Entirnan an dinhmun a zira mi dang hriat thiamna te i nei zau bik ngawt ang. I bula awm a hahdam ka ring khawp mai.
I tunu khi a hmeltha, a duhawm, i vannei e.
Pathianin awmpui zel che rawh se. (F)
October 9th, 2011 at 9:35 am
Post thar khi a KOMEN theih loh vel :-S
October 9th, 2011 at 9:40 am
Pathian – Amah atanga chhuak thlamuanna chhiarsenloh chuan, awmpuiin chenchilh tlat che rawh se.
I tawn ang hi keini pawn kan tawng thei reng a, I tawrh ang hian kan tuar thiam ve lo ang tih ka hlau… Hringnun tak hi aw…!!
October 9th, 2011 at 9:45 am
#22 : Nain khaw hmeithai leh a fapa rawlthar neihchhun —hmeithai ni tur hian pasal sun a ngai te te a. A tar lam tiang hawl tur a tliak sawp leh ta si! Beiseina beidawng a tling ta! NAIN tih awmzia hi KHAW NUAM tihna a ni, thihnain a rûn —a nuam chuang lo. Thihna khua, thihna in-chhungkhur a nuam thei ngai lo. A nuam mawlh lo.
Thawhlehna Isua —leh a zirtirten Nain kulh an la rawn thleng hman lo. Ruang chu phum turin hlangah an zawn. Vuitu leh vuina rimawi tumtu (hired musicians)-ten an rawn zui.
Tin, Lalpa chuan hmeithai chu a hmuh veleh a khawngaih ta em em a, ”Tap suh” a ti a. Tin, a va hnaih a, hlang chu a khawih a; tichuan a zawntute chu an ding ta a. Tin, “Rawlthar, tho rawh ka ti a che.” Tin, mitthi chu a thu chhuak a, a lo tawng ta a. Tin, Isua chuan a nu hnenah a pe ta a. — Luka 7:13-15
Hmeithai tan hian NAIN khawpui chu KHAW NUAM a chang leh ta, Lalpa Isua Messia vang chauh a ni.
Sarepta hmeithai, Jaira fanu, Nain hmeithai fapa, Lazara te kha thi leh theia kaihthawh an ni.
“Hmeichhiaten an mitthite tho leh an hmu a, mi dangte pawh sawisakin an awm a, thawhlehna tha lehzual an chan theihna turin chhanchhuah an duh lo… — Hebrai 11:35
THAWHLEHNA THA LEHZUAL —Isuan a lo chan/neih tawh ang chiah kha, thihteeihlohna, tawitheihlohna chang tur kan ni ve bawk. A nih dan tur Isuan a lo chang hmasa tawh, kan chang ve ngei dawn.
Thil dangah i innghat lovang u —Nunna leh Thawhlehna Lalpa Isua Krista hi a tawk. “Englaimahin ka kalsan lovang che u, in hnenah kumkhuain ka awm zel ang,” tia min thlah limatu kha a la ni fan. I penbosan lovang u.
Hmeichhiaten thawhlehna aitechhin an lo hmu tawh a, kan beisei leh anni beisei kha Thawhlehna Hmahruaitu Tholeh Isua zarah nikin niah chuan ringtute kaihthawhin kan la awm dawn —chumi hun tur chu tawtawrawt hnuhnung ber a rik hun (tawtawrawt pasarihna), Lalpa Isua Krista lokal leh hunah a ni dawn e.
Chu chu Kristian-ten kan beisei chu a ni. Lei chu leiah kir leh mah se, thawhlehna hmasaah chuan kaihthawh kan la ni dawn a. Thawm ropui rapthlak tak karah lokal nawn leh Krista Isua hmuak turin chhum zingah, boruakah khian Lalpa chu hmuak turin lakchhoh kan ni dawn a ni. Mit tinrengin Lalpa chu an hmu ngei dawn si. (Hei hi Secret Qapture Theory mai mai a ni lo).
Hope you all to meet you in the air when our Lord and Savior Jesus COMES AGAIN. And we shall reign with Him on the earth.
I Thessalonika 4:14 Isua a thi a, a tho leh ta tih kan rin si chuan Isuaa muhil tawhte chu Pathianin ama rualin a rawn hruai ve bawk ang. 4:15 Hei hi Lalpa thuin in hnenah kan sawi a ni. Keini Lalpa lo kal thlenga nunga lo la awm rengate hian muhil tawhte chu kan lehkhalh tawp lo vang, tih hi. 4:16 Lalpa ngei chu au thawm nen, vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a; tin, Kristaa thi tawhte chu an tho hmasa ang a; 4:17 chumi hnuah chuan keini nunga lo la awm rengate hi boruakah Lalpa hmuak turin anmahni rualin chhum zingahte khian lak chhohvin kan awm ang; chutichuan kumkhuain Lalpa hnenah kan awm tawh ang. 4:18 Chuvangin, heng thu hian inthlamuan tawn rawh u.
Mate Ainawn —I tawrhna ka tawrhpui che, i rinna leh innghahna ka chhuang bawk e.
October 9th, 2011 at 9:46 am
I hnenah a lo kal tawh dawn lo, nang erawh chu a hnenah kalin ila chawl ang.
Vawiin i lungngaihni hi ka tan chuan lawmna ni a ni, ka fanu kum 1 tlin ni a ni
October 9th, 2011 at 9:51 am
I tawn ang hi la tawng lemlo mah ila i tawrhna te ka tawmpui ve phak che in ka hria. I rinna hi mi tamtak hian entawn in mahni intih chak nan hmang thei ila a duhawm hle mai.
Tin, i thuziah hi a ngaihnawm ka ti letling tlat mai, min lo hrethiam la.
October 9th, 2011 at 9:53 am
Mate ainawn, i tuarna hi ka hriatthiampui ve riai ruai che. A na em a ni hmangaih te sun hi. Tukin chu he hla hi ka rilruah a awm tlat mai a. I tan pawh lo ni ve zel se:
ka Lalpa hnung zui tur hian channa emaw ka lo ti, mi te ngaiha beidawnna a lo thlenin…Amah nen kan inpawl chuan damchhung ka tawh apiang hi lawmna tur hlir a lo ni si. Tahna reng a awm tawh lo’ng, lungngaih mangan buaina te…
Lalpan thlamuan che rawh se
October 9th, 2011 at 9:57 am
#22 : Nain khaw hmeithai leh a fapa rawlthar neihchhun —hmeithai ni tur hian pasal sun a ngai te te a. A tar lam tiang hawl tur a tliak sawp leh ta si! Beiseina beidawng a tling ta! NAIN tih awmzia hi KHAW NUAM tihna a ni, thihnain a rûn —a nuam chuang lo. Thihna khua, thihna in-chhungkhur a nuam thei ngai lo. A nuam mawlh lo.
Thawhlehna Isua —leh a zirtirten Nain kulh an la rawn thleng hman lo. Ruang chu phum turin hlangah an zawn. Vuitu leh vuina rimawi tumtu (hired musicians)-ten an rawn zui.
Tin, Lalpa chuan hmeithai chu a hmuh veleh a khawngaih ta em em a, ”Tap suh” a ti a. Tin, a va hnaih a, hlang chu a khawih a; tichuan a zawntute chu an ding ta a. Tin, “Rawlthar, tho rawh ka ti a che.” Tin, mitthi chu a thu chhuak a, a lo tawng ta a. Tin, Isua chuan a nu hnenah a pe ta a. — Luka 7:13-15
Hmeithai tan hian NAIN khawpui chu KHAW NUAM a chang leh ta, Lalpa Isua Messia vang chauh a ni.
Sarepta hmeithai, Jaira fanu, Nain hmeithai fapa, Lazara te kha thi leh theia kaihthawh an ni.
“Hmeichhiaten an mitthite tho leh an hmu a, mi dangte pawh sawisakin an awm a, thawhlehna tha lehzual an chan theihna turin chhanchhuah an duh lo… — Hebrai 11:35
THAWHLEHNA THA LEHZUAL —Isuan a lo chan/neih tawh ang chiah kha, thihtheihlohna, tawihtheihlohna chang tur kan ni ve bawk. A nih dan tur Isuan a lo chang hmasa tawh, kan chang ve ngei dawn.
Thil dangah i innghat lovang u —Nunna leh Thawhlehna Lalpa Isua Krista hi a tawk. “Englaimahin ka kalsan lovang che u, in hnenah kumkhuain ka awm zel ang,” tia min thlah liamtu kha a la ni fan. I penbosan lovang u.
Hmeichhiaten thawhlehna aitechhin an lo hmu tawh a, kan beisei leh anni beisei kha Thawhlehna Hmahruaitu Tholeh Isua zarah nikin niah chuan ringtute kaihthawhin kan la awm dawn —chumi hun tur chu tawtawrawt hnuhnung ber a rik hun (tawtawrawt pasarihna), Lalpa Isua Krista lokal leh hunah a ni dawn e.
Chu chu Kristian-ten kan beisei chu a ni. Lei chu leiah kir leh mah se, thawhlehna hmasaah chuan kaihthawh kan la ni dawn a. Thawm ropui rapthlak tak karah lokal nawn leh Krista Isua hmuak turin chhum zingah, boruakah khian Lalpa chu hmuak turin lakchhoh kan ni dawn a ni. Mit tinrengin Lalpa chu an hmu ngei dawn si. (Hei hi Secret Rapture Theory mai mai a ni lo).
Hope you all to meet you in the air when our Lord and Savior Jesus COMES AGAIN. And we shall reign with Him on the earth.
I Thessalonika 4:14 Isua a thi a, a tho leh ta tih kan rin si chuan Isuaa muhil tawhte chu Pathianin ama rualin a rawn hruai ve bawk ang. 4:15 Hei hi Lalpa thuin in hnenah kan sawi a ni. Keini Lalpa lo kal thlenga nunga lo la awm rengate hian muhil tawhte chu kan lehkhalh tawp lo vang, tih hi. 4:16 Lalpa ngei chu au thawm nen, vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a; tin, Kristaa thi tawhte chu an tho hmasa ang a; 4:17 chumi hnuah chuan keini nunga lo la awm rengate hi boruakah Lalpa hmuak turin anmahni rualin chhum zingahte khian lak chhohvin kan awm ang; chutichuan kumkhuain Lalpa hnenah kan awm tawh ang. 4:18 Chuvangin, heng thu hian inthlamuan tawn rawh u.
Mate Ainawn —I tawrhna namai lo tak ka tawrhpui che, i rinna leh innghahna ka chhuang bawk e. Khuareiin min hnem chuang lo, Pathian Thutak chauhvin min hnem thlamuang thei.
October 9th, 2011 at 10:31 am
Nasa taka i tuarna, ngaihnawm ti tak in ka lo chiar a, ka inthiam lo deuh. Tuarna te, harsatna te, hrehawm na te, lungngaihna kan tawh te hi a that vena pakhat nia ka hriat chu, khawvel chhuahsan thuai kan chak phah thin. Nuam sa takin, hrehawm tuar ngai lo ila, he khawvel hi chuahsan kan hreh ngawt ang le.. I tunu chu a va hmeltha reuh em!
October 9th, 2011 at 10:33 am
a ngaihnawm letling e.. hringnun thawnthu lungchhiat thlak tak te ngaihnawm taka ziah chhuah theihna skills i nei hi ka chhuang che- ka’n ti daih thung teh ang!
October 9th, 2011 at 11:14 am
Ngati nge kawmchhak ah khian comment an off kher le, nge admin te hi an la tho lo zawk
October 9th, 2011 at 11:45 am
ka va lainat tak che em..ka rilru a khawih hle mai, thihna hi zawng a rawng em a ni. Mahse Pathian hnaih zual tirtu che a nih zel ka duhsak a che, hringnun khawhar takah hian Pathian chauh hi muanna famkim chu alo ni. Lalpan awmpui zel che rawhse.
October 9th, 2011 at 11:59 am
Hringnun hi chu pawmthiam hi a har thin mange… Ngati nge maw kei kher kher tih te hi a awl thin… mahse kan Pathian hian thlei bik a nei silo…
Tawrna phena malsawmna tih hi, a tuartu tan chuan.. thil pawm har tak chu a ni.
Mahse ka thil tawn ve tawh a ka chian tak em em mai chu… engang pawn tuar ila lawmthu hrilh theih hi a lo tha khawp mai… a har lutuk…a harzia hretute zinga mi ka lo ni ve tawh… mahse Pathian thu in ti turin min ti a… kan ti ve chhin a … kan Pathian thu hi a lo nung chiang khawp a sin… hei vang hian.. harsatna te hi ka dil phah ta fo bawk a.. a tuar lai hi harsa thin mahse…mi ti chak tuah a tang hlauh thung..
“Engkimah tawngtai leh dil in… lawmthu hriltel zelin…” a lo tih kha maw.
I tawrhna chu ka tawrhpui khawp mai che… mahse ka thil ngaihtuah zawng zawk leh ka nunpui tak zawk chu… engtia awm turin nge min duh ang.. tih hi a ni…
kan hmangaih kal ta te hian hreawm tak leh khawhar tak a awm tur hian min duh hi chu ka ring phal ngai lova… hlim tur leh hringnun nuam taka hmang turin min duh thin hi ka ring tlat a.. chuvangchuan ngai chung pawh hian… van atanga min lo thlir a hlim taka min lo hmuh theih tura nun hi a tha a hriatna ka nei tlat a ni…
Ka lo tawngtai sak ve dawn che nia… Pathain in awmpuiin malsawm che rawh se…
October 9th, 2011 at 12:03 pm
I tawrhna zawng zawng Lalpan a hre reng ngei ang…Khawvel ngamtu a ni si a.
October 9th, 2011 at 12:05 pm
you are not alone…
October 9th, 2011 at 12:11 pm
Vanduai ber a awm theih loh, chuvangin, i vanduaina-ah ngawr ngawr ni lovin; midang, i aia vanduai ni-a i hriatte thlir tel ve thin la.. tiin ka fuih ve khanglang teh ang che. Hnemna lam chu a tam tawh hi maw..
Mahse, nang kher hi chu fuih ngai lo ber zing ami i ni leh lawi si.. Ka ti leh lo mai teh ang.
October 9th, 2011 at 12:14 pm
Hetiang hian kalta te hian an lo sawi ve thin in ka ring thin… :-O
sometimes when you feel alone
Someday that I have to go
not through ma hands
You can’t keep looking down
all the things that we have done
coz ill be gone someday
to the land of no return
don’t you drop the tear and drown
close the old chapter
face the world as it is
coz i won’t come back home
this is the land of loneliness
all the pain that arise
i can’t keep this on
to the front door
And now
don’t cry for me till the day
im going home to the land of the angels
burry all my past leave it all behind
don’t you think of me
coz ill be gone
to the land of no return
You will never see me
lyin next to you
but i’ll always be right there
guiding you right through
so don’t you cry nomore, burry all the past
leave behind the times
that ain’t gonna help
there’ll be times when you feel cold
holding down what you got
but always remember that
I’m always there with you
My spirit will guide you through
leeding you off the cold
October 9th, 2011 at 12:15 pm
LALPA’n thlamuanin awmpui tlat che rawh se.
October 9th, 2011 at 12:41 pm
Dear. Mate-ainawn,
Tahna ruam ka zawh hi, ka pa in panna lam lian a ni tih hi chiang takin i hria a,, a lawmawm hle mai…. Thihna hian tumah hi a diriam silo,,,, a pawi teh zawng a nih hi,,, kan duh berte kan thenna,, he khawvel ah hi chuan kan tuar reng mai dawn zawng a nih ni…
Lalpan malsawm che in awmpui zel che rawhse…, chakna ata chak lehzual na i lo neih theihnan.
October 9th, 2011 at 12:44 pm
Hnuk ulh teuh a kan chhiar chu le…
Keipawh hian Pa tello in fapa ka enkawl a, i thil tawn hi keimah ah ka inchan a, ka van lainat tak che em. Hetiang hi tawng ve ni ta ila ka tuar chhuah zawh ka inringlo. I chhelna avang hian ka fak che a, Pathian chauh rinchhan chungin chak tak leh huai takin kal zel rawh, i kawng chu Lalpan a kawhhmuh zel ang che
October 9th, 2011 at 1:31 pm
Khawvelin a hliam hnute zawng, Puanvar sinin an leng ta a, An rumna leh hringnun a reh. Angel te dung an thul. Mate ainawn ka tawrhpui tak zet a che a. Heti zawng hian ngaihtuah ta la, i fapa chu Pathianin khawvel sualna ten a tih bawlhhlawh a phal lova, a tana a duh a vangin a hnenah a hruaita mai pawh a ni thei a sin
October 9th, 2011 at 2:37 pm
pathian zarah i tawrh ang hi la tuar ve lo mah ila,mitthlaa ka ngaihtuah ringawt pawhin na ka ti.a taka tawngtu tan phei chuan a va hrehawm leh zual dawn em.thinlung takin ka tawrh pui che a.mahse pathian i rin tlatna avang erawh chuan i ngaihsan awm k ti.”kal ta te chu tah suh la,nungdama la awmte hi tah zawk rawh”.tih hi i lo vawng reng dawn nia.sam ziaktuin,”Lalpa ringtute chu zion tlang, tihnghin rual loh,kum khuaa awm reng tur ang chu an ni” a tih kha.
October 9th, 2011 at 3:44 pm
I thu ziah chuan min van vel nasa em!!
Thlamuantu Pathian chuan vengin thlamuan mawlh che roh se. Ka lo tawngtai em em ang..
October 9th, 2011 at 4:47 pm
Pathian hian Amah ringtute hi fiahna hrang hrangin a fiah thin. Chuti chung pawha tlansan lotute hnenah malsawmna a pe thin. Ka tawrhpui khawp mai che.
October 9th, 2011 at 5:41 pm
Lungngaih chang ni te awmna khawvel ala ni miau si a le…
October 9th, 2011 at 5:51 pm
Ka lung ati chhia..Pathian belhna chang i hria hi, i va chakin iva ngaihsanawm em..good post
October 9th, 2011 at 9:07 pm
Mate….A runthlak ka va ti em…Pathianin awmpui zel che rawh se.
Hringnun hi hriatthiam a va har ngai em.!! Thihna hian hun bi a nei si lo…hringmi zingah tunge a hun e ti a in buatsaih lawk thiam awm ang le…!! Pathian engkimtitheia khawngaihna tello chuan.
October 9th, 2011 at 9:22 pm
Inpa kher kher pawh chu ..
October 9th, 2011 at 10:12 pm
In vai chungah..a mal te te a type a lawmthusawi ka van chak ngai em..mahse a tamin a thui dawn si a..Vawiin Ni a heti zat min lainat a min hnemtu te..in vai chungah ka lawmin min tawngtaisak naah te ka lawm a..he web-site a ka post hian min ti thawl huai tih hi ka sawi duh bawk a..ka lawm tak meuh meuh a ni..Fb lama min lainatna comment a in sawi te pawh ka chhiar vek e
THIHNA LUI PIAH AH KHAWPUI MAWI TAK CHU A AWM..A ROPUI ZIA SAWI HLEITHEIHLOH KHA..
October 9th, 2011 at 10:59 pm
Kristian-te kan vanneihna chu hetiang thil ah hian beiseina nung kan nei leh thin. Hindu ho te chuan pian nawn lehna beisei mahse eng ransa ah emaw piang tur ah an inngai tawh a, kei Kristian te chu thihna in a hneh theih tawhlohna hmun ah lungduh then takte zawng nen chatuana lendunna hmun kan nei si a.
Mahse thihna natzia hi khawvel awm chhung hian a na chhawkna a awmlo, tawrhna khawvel a ni si a. A tawng tawhte’n a takin an hria a, la tawng velo ten a natzia an hmuthiam bawk.
‘Ringtu ni si thihna a tawrh nat dan em em hi’ tiin tumah indem ngailo ang u.
October 10th, 2011 at 12:21 am
I know how you feel, just remember that you are not alone….will always be there for you…
God be with you
October 10th, 2011 at 12:45 am
mate ainawn a va khawharthlak dawn tak em i dinhmun hi, ka khawngaih hle mai che, may God be with you…
October 10th, 2011 at 1:06 am
Ka chhiar zawngin ka mur uai uai mai. Tlangval luhlul mittui a parawl kuang thei mai. Ainawn, ka tawrhpuiin ka khawngaih ngawt mai che. I tana ka tih theih chu tawngtaina hi a ni mai a, chu chu ka ti dawn a ni.
October 10th, 2011 at 3:01 am
Ka unaunu, ka tawngtai sak che a nia.
October 10th, 2011 at 3:47 am
Ka lo tawngtai sak ve che a nia. I thu ziak a ngaihnawmin i testimony a ropui e. Pathianin a awmpui zel ang che.
October 10th, 2011 at 4:01 am
Ka tawngkam thiam lohna zawng tak a nih avangin ka hel ka hel a. Ka tih ve theih tawk ka tawngtaina ah ka lo hre reng che a nia. Thu leh hla lamah i khawharnate han chhunzawm teh khai. Mi vanduai ber emaw kan in tih lai hian keini aia chan chhe chang hi an lo awm ve zel a nia. Chunglam remruat dan hi hriatthiam a har thin teh a nia. Kan la tawn ve hauh lo tuara i paltlang pui theih kha a puitu che ah chiang la, hmalam hun pawh a eng zawt zawt mai ang.
October 10th, 2011 at 4:36 am
Frank takin sawi ila…thihna hi Pathian khawngaihna avang liau2 in kan chhung hian kan la tawk miah lo a i tawrhna hi ka tawmpui phak kher lo ang che.Mahse hei erawh ka hria…hmeichhia azawng a awmkhauh leh pachang ber te zinga mi i ni tih hi…Tin, he i tawrhna avanga i experience min share hian zirlai min va pe tam em! Midang tan malsawmna ilo ni zawk asin.Lalpa’n heti chen a awmpui tawh che a,a awmpui zel bawk dawn che ani malsawmna ilo ni zel dawn nia.Ka hla duh em2 mai hi Isuan i hnena a sawi ah ngai ta la…
So keep on walking that road and i’ll follow.
Keep on callin’ my name i’ll be there…
I tan tih theih nei tam lo mah ila ka tih theih chhun(tlem ber nilo) i tan tawngtai na hun ka lo hmang ve dawn nia.Hei ai hian chakna nasa zawk ala pe ngei ang che tih ka ring tlat.
October 10th, 2011 at 7:42 am
Mahni chanchin/ chanram/rahchin sawi hi thil nuam tak a ni lo a, mahse Misual ka thiante/unaute, mi puitling tak tak bula inbun ruah hawk hawk hi ka tan chuan, a hlu-in a nuam ber a..in tawngtaina thiltihtheihna pawh a taka changtu ka nih ngei ka ring tlat a ni.
October 10th, 2011 at 9:31 pm
ka tawrhpui hle mai che… i post hi ka chhiar hman lawk lova, inleng an awm thin vangin! tlai khawhnu ah ka ron comment ve thei tawk ani. I ziak lungchhiat thlak a, ka mittui a parawl! ka ngaihtuah a, a na dawn em mai… Mahse Pathian neitu i ni a, Pathianin a awmpui zel ang che…
October 10th, 2011 at 10:17 pm
a pawi khop mai..a va na duh dawn em.. Lalpa’n a awmpui tlat ang che nga, thlaphang suh ang che
October 10th, 2011 at 10:57 pm
Ka va han hrethiam the reng em,2005 ah ka pi,min enkawl seiliantu in min thihsan a,2008 ah min hringtu nu in min thihsan leh a,nikum 2010 ah ka pain min kalsan ve leh ta bawk..pianpui unau neilo ka ni leh zel bawk ka pu te 2 leh ka pi pakhat zwk chu an thihin naupang mai ka la ni bawk a,ka hre hman em em lo zawk,.mahse ringtu tan chuan thihna hi nun tak tak zawk bul intanna chiah a ni tih hi Pathian khawngaihna avanga hre chiangtu zingah ka tel ve a,thih ve tawh mai ka chak chang ni hi a va tam ve em!!
October 10th, 2011 at 11:58 pm
I tuar ve hle mai maw. Engemaw chen chu ka hriatthiam pui che in ka ring
thihna awmzia la hrethiamlo rual ni mah ila a reaction hi ka phur zolo lek lek fo ṭhin.
Pathian ngaihsak mi kan nih dawn chuan kan nuna amah aia kan ngaih pawimawh ber leh kan hmangaih ber hi a dah bo daih ṭhin. Chu chu lawm taka kan pawm thiam hi a ngai a ni.
October 11th, 2011 at 8:12 am
Comment lo luh belh a ni maw..Ni e ‘Tuarna” hi fin sawt nan te, Thlarau lam chaw atana kan hmanloh chuan’Thih ve” chakna in ka khat fo thin, in Comment ka chhiar hian min ti lawmin, chawlhna thui tak min pe a ni,..in vai chungah ka lawm em em a ni.
October 11th, 2011 at 10:23 am
I tawrh ang hi mipa tan pawh khawvela tawrh huphurh awm ber thil a ni a, mahse nang hmeichhe chungah a lo tla ta si, i dinhmun tur chu kei Pathian zara mahni rila rah la sun lo tan chuan a nat dan tur chu ka zuk tawp pui phak miah lo ang che. Mahse, i puitling hle mai he tiang ang tawrhna nasa tuar chung pawh hian mipangngai i la ni thei zel hi Pathian vang chauh a ni. Mizo Hmeichhe chhuanawm tak i ni e.