18th October 2011 (Wednesday) khan ka nau fapa Septoplasty (hnar zai) turin Civil Hospital, Aizawlah kan admit a, kan Doctor kha Dr. Zorengpuii ania, a felin a hna a thiam hle.
Tichuan 19th Oct 2011 chuan inzai turin Civil Hospital OT ah kan lut a, min ngaih em avangin a nu pawh awm tho mahse keimah vekin ka luhpui a, a nu te chu pawn ah an awm a, keiin an phal chin room thleng ka kalpui a. Minor Surgery mai tur anih avang khan chhungte dang pawh kan hrilh em em lova.
OT a an hruailuh atanga minutes 20 vel ralah khan Doctor leh Nurse an lo chhuak a, min rawn ko ta a, kan nau chu a dinhmun a ṭhatloh thu min hrilh ta mai a, kei chuan “ Enge a dinhmun chiah? In zai tawh em? A harh em? etc” kan zawt a, Doctor chuan “Kan la zai hmanlo a, a lung (heart) a ṭhalo niin kan hria.
A lungphu a tawp ringawt. Pathian hnenah lo ṭawngṭai char char rawh u” an ti ta mai a. Min shock in kan mangang phili buai hle mai. A nu nen khan a chhunglamah min luhtir a, Damdawiin hnathawkte an fel takzet mai. Min ṭawngṭaipui bawk a. Recovery Room ah chanchin kan lo ngaichang a, 25minutes hnu velah Sister pakhat in min rawn ko a, a damchhuah ring tawhlo a mangang taka ṭap tawh kan ni a, Sister chuan min kuah a, an ṭawngṭai lai a Pathian chhanna lo thlen thu, kan nau pawh a rawn thawk leh tak thu min hrilh ta a. Pathian hnenah lawmthu kan sawi a, Doctor leh Nurse te, thawktute hmangin Pathianin kan tawngtaina a chhang ani.
Tichuan ICU ah dah phei a ni a, Ventilator nen keini in a kan hriatthiam ve phak bak khawl leh wire chi hrang hrang in an zawm a, a dinhmun engkim min hrilh bawk a. Chumai bakah OT a duty te pawh an hman veleh ICU ah rawn pheiin kan nau chu an rawn en a, tawngtaina hun te pawh min hmansak leh a. Tunhma Civil Hospital a thawk te sawiselna kan hriat thin te ka ngaihtuah a, kan vannei nge tunhma ang ani tawh lo aw ka ti a. Kei chuan sawiselna tur ka hrelo a, an theihtawp takmeuh an chhuahin mihring nunna an ngaihlu takmeuh tih a takin ka hmu ani.
Tin, sawi hmaih hauhloh tur pakhat – 19th Oct 2011 inzaini khan Operation Theatre a kan chhoh hma in Ward ah Sister in Hunserh a hmang a, damlo leh awmpuitute zawng zawng nen tawngtai rualna hun kan hmang a. OT kan han thleng a, Bible chhiar leh Tawngtaina hun kan hmang leh ani. Hei hi a ropuiin a hlu takmeuh meuh a, la hrelo in awm takin kan sawi tel ani e.
Misual ah hian mithiam tak tak in awm teuh a, Medical lam mi te pawh. Ngaihdan han thawhkhawm tur kan nei em? Doctor’s Report ah chuan Cardiac Arrest during operation and anaesthesia tiin a inziak a. Minutes 22 chhung kha lungphu awmlo, pulse awmlo, heart-beat awmlo, oxygen pawh hip theilo in a awm a. Doctor leh thawktu dangte pawhin mak an ti a, khatia a lo thaw leh kha Pathian hnathawh ani tih bak sawitur an hre biklo.
Doctor pakhat chuan ‘Hetiang hi a thleng ve thei a, a chhan kan sawi theilo. Mihring singnga ah pakhat te an awm, thil vang (rare) tak ani. Inzaina dawhkan ah la zai hauh hma a lungphu tawp a thi ta mai a an awm thei. Vanduai vannei in ni e’ a ti. Engvanga khatianga awm nge anih kha a chhan min hrilh fak thei lo. Cardiologist ah in check-up tura tih kan nia. Chumi hunah chuan a chhan kan hre thei mahna.
Misuala ka’n post nachhan pawh Pathian ropuizia leh thiltihtheihzia a taka changtu kan nih thu hi share che u ka duh a. Min lawmpui ve ngei ka ring a, kan hmalam hun zel atan pawh min tawngtaipui turin ka sawm che u a. Tin, kan thil tawn ang hi tawng in awm ve tawh em, hemi chungchangah enge min share tur neite in awm em tih te ani e.
Similar Posts:
- Doctor, Nurse leh a chhehvel
- Pathian Remruat (I duhzawng vana an tih angin leia mi’n ti rawh se- Mt 6:10)
- Mitthi tholeh
- Mobile power very important
- Australia-a thilmak thleng!
October 26th, 2011 at 9:06 am
Chanchin tha lo tak2 awm fo kara hetianga buaipuitu leh lawmna in tawng chu midang tan pawh ngaihthlak a nuam hle mai.
October 26th, 2011 at 9:19 am
Aizawl Civil hospital a thawktu fel tak tak chanchin i rawn sawi a, ngaihthlak a nuam e. Kan lo tawngtai pui reng che u a nia. Sunday pual Sermon hnuhnung ber pawh kha i E-mail ka hmuh atanga ka rilru a lo awm, in thil tawn ngaihtuah reng chung a, i pual deuh a ka han ziah kha a nia. I buai lutuk a i chhiar hman lo a ni mai thei. Lo chhiar chhin teh.
October 26th, 2011 at 9:26 am
‘Chanchin tha ka tan damna’ hlain a tih angin deuhin chhiar a nuam khawp mai. I thiltawn a ropui e. Civil daktawrte hi tawngtaipui an ngai khawp mai.
October 26th, 2011 at 9:27 am
Ropui hle mai, Mihring mihrin na hian a angaih tuah chhuak zo love, ka chhandamtu thu ruk hi. Engkim chunga roreltu thu nei tu, ti damtu, ti hlumtu a ni tlat. Khatia a awm lai khan thlarau hruaiin a lo awm reng thei asin. han kawm chian deuh ava chakawm ve.
October 26th, 2011 at 9:31 am
Amah hi kum 18 mi a nia, a phak tawk a Pathian rawngbawl ve thin ania. Amah a hrisel loh vangin lehkha pawh a zir zawm theilo a, Synod Revival Team a zui ve mek a, a team te pawh hian ‘kan naute’ an ti mai thin.
Tunah hi chuan a hriatna hi a la nei kim chiahlo a, thil thleng pawh kha a hre miahlo a, kan la fimkhur deuh a, engmah pawh hi kan la zawt/hrilh ngam rihlo.
October 26th, 2011 at 9:34 am
Chhiar a nuamin a ropui e. Pathian in malsawm zel rawh se.
October 26th, 2011 at 9:34 am
Anaesthesiologist mawh phurna deuh ani e, innau chu a kum zat ka hre mai lo a, mahse zai hma in medical history an la phawt lo em ni? Anaesthesiologist khan surgery turin a in fit em tih chu a hre hmasa tur ani, anaesthesia a pek hma khan, eng anaesthesia nge a pek chu hre chiah lo mah ila, shock chikhat ani mai, i doctor pakhat sawi saw a dik, rarely occurs….
Hman kum tawh, ambulance(emergency) kan duty lai hian, clinic ha siamna tang min lo phone a, kan va kal chu, dentist khan tleirawl kum 20 vel, ha phawi tur kha, lidocaine in(local anaesthesia) a chiu a, chuan haphawi tur a chu, a BP zero vek a, an lo hlauthawng khawp a, mahse kan thlen khan, eng emaw chu kan han ti a, tha ve leh mai, mak ve deuh chu ni, a dentist pa hlau lutuk kha, khawngaih thlak!!
Chuan cardiologist chu in hmu ngei ngei dawn nia, in nau chu eng septal defect nei nge, engang chi?
October 26th, 2011 at 9:44 am
@drake, amah kum 18, a lian uaih na in a BP te hi a normal a hniam nge ka hrelo a, 90/60 vel a ni tlangpui a. Thisen test tul ang ang chu min tihtir vek a, PAC kan kal a, zai tur a ‘fit’ tih thlap chu kan ni a. Lung (heart) problem a nei lo. Mahse tunah chuan shock vang khan kan buai fo tawh hmel ka ti. Nizan pawh bathroom a lut kha a chau thut a, a tlu tep a, mahse a zia ve leh mai a.
A hnar chhung ruhno hi a kawi a, veilamah a awn, a thang sei zel a, a hnarkaw lehlam hi a hnawhping tep tawh a, a beng thleng hian a va khawih khawlo dawn e an tia.
GA an pe a, zai turin a hnar pawh an pack hman tawh, zai turin chemte in an tin mek tihin a lungphu a buai.
October 26th, 2011 at 9:52 am
Fakna hi ngaihthlak a nuam. Nia, hring chan chhung chuan thenkhatin an la sel zel anga; thenkhatin an fak bawk ang. A fak thei zinga i tel chu i vannei e. Keipawh fakna tur leh selna turin ka tawng nual ve ve tawh.
I fapa chu a lo that chhoh zel theih nan ka lo tawngtai ve ange.
October 26th, 2011 at 9:52 am
A lo tha leh chu a va lawmawm ve aww
October 26th, 2011 at 9:52 am
sheldon a BP chu tun hma zawng pawn 90/60 ami, nge shock tawh hnu in 90/60, 90/60 hi mithen khat tan chuan an normal ani thei tho a, ala naupang bawk sia, tunhma a heart problem nei ngai bawk loh chuan, shock chu ni mai, a that chhoh zel ka beisei a, lungngai suh zia mai ang, ICU ah in la awm reng em ni? Cardiologist ten an rawn en tawh em?
October 26th, 2011 at 9:54 am
Ka chhiar hman tlat lo. Post tunu ka rawn in report e. Thenzawl ka thleng tawh a, a thleng hmasa ber ka ni awm e. Chaw ka ei kham chiah e.
October 26th, 2011 at 9:57 am
Vanduai vannei chu in nih chu mawle, A lawmawm hle mai a lo harhchhuak leh chu, Pathian ropui ber teh se
October 26th, 2011 at 10:00 am
A lawmawm hle mai. (Y)
October 26th, 2011 at 10:01 am
@drake, shock hma in a nia a BP 90/60 chu. A hnar hi a thi (bleed) thin bawk a. ICU ah ni 6-na ah kan chhuak a, ward a awm zui lovin min discharge. Kan Cardiologist neihchhun hi a chawl a, kan la rawn theilo. Tunkar tawp lam te chuan kan rawn thei mahna. Kan nau lah hi a thut rei deuh te, a tawng tam deuh ringawt pawn a la chau bawk sia, hmundang (phai lam) han panpui pawh a ngamawm rihlo a.
Nizan a a chauh leh deuh khan a BP 130/90. ICU awmlai pawh khan a BP chu a che nasa. A chang phei chuan 70/40 ah te a tla thla.
October 26th, 2011 at 10:06 am
@Pu PK, Ignatia, lr hlonchhing leh midangte, in mi tawngtaipuina kha kan hrereng a, kan lawm takzet ania. Chhangteval pawh a takin Hospital ah i hmel kan hmu a, kan lawm takzet.
Nia, Misual ah hian lungawilohna leh duhkhawplohna thu hi kan post tam ber lo theilo a, kan la thlamuang lo na in Pathian leh Civil Hospital a thawkte zar kan zo hi kan lawmthu ka misual pui te ka share chak che u a ni e. In mi lawmpuina ah pawh ka lawm e.
October 26th, 2011 at 10:22 am
A tha leh hlauh chu a va lawmawm em.
Kan Lalpa Isua pawh khan ui thi tawih a hmuh khan a thatna lai neihchhun, a ngho that zia kha a ni lawm ni a sawi daih kha.
Han insel nak nak thin mah ila, thatna lai kan inpho chhuah sak hi kan Pathian duh dan a nih hmel e. (y)
October 26th, 2011 at 10:29 am
A ngaihtlak a ava han hahdam ve aw…hetianga an tihzel theih nan hian Doctors te leh Nurse te i tanwgtai pui zel ang u.
October 26th, 2011 at 10:43 am
@chhuaklinga, ni ngawt mai. Keini pawh kan thil tawn kha a negative zawng khan a kalpui theih a. An fimkhurlo, tihdik loh an nei aniang, etc ti zawng pawn a sawi theih alawm. Mahse, kan chunga thil thleng hi Pathian rel loh a awm lova, thawktu te’n tihsual an nei emaw nei lo emaw an mi ngaihsakna an lantirna kha a hlu.
October 26th, 2011 at 10:45 am
thaw lo lungphu lo chu a thluak a thi hman lo a a vannei hle mai. Hnimhlumna te hian an lo overdose tir te hi alo ni reu reu ange! (&)
October 26th, 2011 at 10:54 am
@Aryan, ni e kan hlauthawng reng asin. Permanent brain damage bakah lung (heart) thalo a neih zui kan hlau viau, mahse hei a tha khawp e. Doctor 1 chuan ‘miracle’ a ti thlawt.
October 26th, 2011 at 10:55 am
No. 7 khi a dik hmel, medical lam ka hre vak lo na a. Anaesthesist tihsual anih loh chuan mak ka ti ngawt ang. Kum 18 mi cardiac arrest nei an vang lutuk. Symptom dang a neih loh phei chuan.
October 26th, 2011 at 10:55 am
A harhchhuak leh chu ka lawmpui e, a dam chhoh zel theih na’n duhsakna ka hlan bawk e
October 26th, 2011 at 11:03 am
Sheldon, hetiang teh hrepa manganna in tawh hnua i rilru sukthlek dan hi ngaihsanawm ka ti hle mai che.pathian remruatna hnuaiah engkim a awm a, Pathian khawngaihna a zara ‘thil mak’ in tawng hi ka lawmpui che a, Pathian ropuizia a tak ngeia hmuchiangtu i nihna hi nang leh i chhungte in vannei ka tiin ka lawmpui takzet che u a ni.
In nau pawh chu a tha zel ang tih ka ring tlat. Pathian chhinchhiahna a dawng tawh a, engmah lo mai mai leh enkawl ngai reng turin Pathianin a tidam hauh lovang tih ka ring ngam e. Lo dam zel teh se.
October 26th, 2011 at 11:03 am
@sony, heart problem symptom engmah a hma in a neilo. Kum 18 mi tleirawl chhuak hlawt kha a nia, amah a chak vak lova. Puitling dose an pek kha a zo lo anih chu kan ring ve deuh a. Engmah kan va finfiah thei tawh silo a.
October 26th, 2011 at 11:08 am
Natna hi Doctor te’n damdawi hmangin (k)an enkawl thei a, damna leh nunna petu erawh PATHIAN a ni reng a ni.
I nau chu a lainatawm hle mai; a BP danglam reng khian ngaih a ti tha lo deuh nangin… Anesthetist-te fimkhur turah ka ngai a (tih sual zauh awm thin mahse), mimal dinhmun a zirin, hetiang hi chu a thleng ve zauh thin.
Ka tawnhriat erawh Ui chungchang a ni thung (&)
Ui, polythene bag lian tak dawlh vang a luak reh thei lo, endoscopy kan tih in, thawkna hnawh (choke) vangin a thi thelh a. Chu tih lai a, kan proffesor thusawi, “Only God knows and HE alone can do” a ti a. He thu hi Ui damlo serious deuh ka enkawl apiang in, a neitu te ka hrilh fo mai (Ui chanchin ka han sawi ta vak a, nunnna hi Pathian kut awm a nih zia ka sawi lan duhna, ka tawnhriat ve mai a ni e 🙂 )
October 26th, 2011 at 11:14 am
@muantea, ka lawm e. I lung a leng awm mange!! In nu promotion kal tur kha kan inbia asin.
October 26th, 2011 at 11:23 am
Lal sheldon, min lo hria elo…ekhai!! Ka va hriat ve si loh che??!!!
October 26th, 2011 at 11:33 am
@muantea, in nu phei chu inhre tak kan ni. Nupui i nei fel, a neitu pawh i fel ka ring. Engtikah emaw kan la inhria ang chu. Vawin GMI ve ka tum kha kan damloh vangin ka thei ta silo a.
October 26th, 2011 at 11:42 am
(Y) (Y)
October 26th, 2011 at 11:46 am
A va lawmawm ve le, lo dam tha zel rawh se.
…Khrum
October 26th, 2011 at 11:51 am
Damdawiin chhawng hnih bo kha ka rilru ah awm tlats 😛
In tawngtaina chhang in, Pathian in kan Doctor te hmang in a Ropuina a rawn puang chhuak a nih chu.
Good post (N)
October 26th, 2011 at 11:57 am
#32 (Y) he ti zawk tur a ni e…. ka tih palh lutuk. hahahaha
October 26th, 2011 at 12:01 pm
a damthat nan duhsakna sang ber ka hlan e
October 26th, 2011 at 12:03 pm
Damlo an dam chhuah hian Pathian malsawmna nih hi an tia.. A dik lutuk.. Mahse an dam chhuah theih loh chuan Doctor an puh deih zel a.. Doctor ho hi an khongaih thlak a an hah ve thin khop mai..
October 26th, 2011 at 12:10 pm
In lawmpui awm e, tin, i thuziak chhiar a nuam, mi dang sawiselna ringawt han chhiar han chhiar hi chuan rilru te hi a he hu duh a nia! 😀 Tin, ka hriatzui chak deuh chu a hnar zai chungchang khi a nia, a chhan chu kei hi vawi 3 hnar zai tawk tawh ka ni a, min hel nuai vek, na tiah tiah tak a ni.
A vawi 3na ah chuan Dr. hnenah zai ka ngai leh thin angem tiin ka zawt a, ‘aw’ tiin min chhang! 🙁
Tunah pawh hian harsatna chu min siam reng mai, Mahse min hel nuai leh dawn chuan ka zai tir duh tawhlo, hnuk a lo hlat deuh bawk nen! 😛
October 26th, 2011 at 12:19 pm
@Saitawk, hnar zai han tih hian chi hrang hrang a tam dawn a, kan nau hi chu a hnarchhung ruhno hi a veilamah a he a, a á¹hang zel a, a hnarkaw veilam hi a nek chip nasa tawh a, a beng thleng in a khawih buai pha tawh ania. Medical lam mi in an hria ang. Zai dawn pawh khan hnimhlum (general anaesthesia)a ngai a. Nang chu i case a dang deuh nge an hel nuai mai che chu, ka hrethiam phaklo.
October 26th, 2011 at 12:26 pm
@sheldon, kei chu Nasal polyps vang a ni thung, a to leh zel a, paih paih mai tur an tih pek chu!
Min zai hnuhnung ber kha 1997 a nia, tunah hian an la hel nuai tho angem tih chu ka hrechiahlo.
October 26th, 2011 at 12:26 pm
Hel nuai chu le(h), zai te nau pawh ni teh reng se. A na dawn em mai ;-(
October 26th, 2011 at 12:43 pm
Hel nuai chu a ‘bon’ deuh alawm. Kan ranvulh ui, vawk tih ang velte pawh hi in anaesthetize ve thin ani lawm ni Dr Mahminga Sailo te pawh khan?
October 26th, 2011 at 12:58 pm
Na ka ti bawk aniang, min zai hmasak ber tum chuan ka bula lo ding ve Nurse pakhat kha ka lo vuan tlat pek a, a tal biklo aniang! ka vawnna a rek sen tut mai. Ka taksa pum in ka thlan huh vek bawk.
Tunlai Dr. te hi chu an thiam tawh khawp mai, an mi zaite hian khum an thleng fel hman awrh tihin an harhchhuak tlangpui tawh, harh theilo leh hnimhlum hnathawh reh theilo tih ang vel chi kha a awm ngai ta meuhlo.
October 26th, 2011 at 1:02 pm
Sheldon a BP fluctuate reng chu a zia tawh em? 90/60 a normal thin i tih chuan 130/90 chu sang deuh hlek, 70/40 pawh hniam deuh maithei, mahse a condition a zir zel te pawh ni ang chu, a tha turah ngai mai ang
Saitawk polyps zai leh tuna ops hi chu in ang lo tak ani, Sheldon nephew angah hi chuan tuboh a chhut chang ngai te awm 🙂
October 26th, 2011 at 1:11 pm
@drake, min han hrilhfiah chiang teh. Diktak chuan Doctor te hian thil an sawichiang duhlo. Bakah khatiang tehhrep khan kan buai ta bawk sia. Saitawka polyps te, kan case te hriatchian kan va chak ve. Kan inzai thei ta silo a, nizan pawh a hnar te a thi leh a. Zai kan tum ngam tawh kherlo ang a buaithlak dawn riau.
BP 100/70 ah a ding leh tawh e.
October 26th, 2011 at 1:19 pm
# 40.. keini (veterinary) ah phei chuan a tul leh zual. An thinrim a min seh vaih chuan. chuti hlauh 😀 😀
Tin, na tuar a siam ai chuan, kawng engemawtal a na lutuk tur ven/chhawk nan a LA/GA hman hi chu a tha viau in ka hria.
Civil Hospital-a thawktu te awmdan chuan thla a ti muang hle mai.
Hei hi ka’n telh hram… Ka nu (fam) damlo kan buaipui lai a; eng a hma a Nurse-in min vin nghal ngawt te; thingtlang nu pakhat, Doctor senior pakhat in, “Operation Theater awmna pawh i hre lo maw??!” a tih lai te nen chuan a dang tawh khawp mai.
Doctor leh a thawkte’n that lo chhuah zel teh se, an awmdan leh tawngkam ngawt pawh hi damdawi chi khat a ni si a.
October 26th, 2011 at 1:36 pm
@ Pu PKfanai, ka chhiar ve ta e. Hospital kan awm char char vang khan ka ‘misual’ meuh lova.I ziak tha in kan tan a lo ni takmeuh e. Hemi lai thu tak mai te hi a ropui in a dik mange – “….Chutiang tak bawk chuan I nun a thil engkim thim veka a lan lai leh I hmuh theih loh lai hian Pathianin thil ropui tak chu a thawk thin a ni”
October 26th, 2011 at 2:08 pm
@Sheldon, septoplasty ah chuan maw, ruh emaw ruhno(cartilage) deformities awm khan, hnarkua leh hnar shape a ti dang lam a, a postion hrang hrang awm ve thluah mai, shape ah chuan S or C shape ni tlangpui, chuan cartilage leh ruh tlem cut ngai awm thin, hnarkua alignment ti dik tur in, cosmetic vangte pawn, operation hlauhawm chu ni lo chuan ka ngai, patient health condition that chuan, hnarkaw thi(epistaxis) khi chu health condition dang problem a nei nih loh chuan, he hnarkua alignment dik lo hian, hnarkaw ro(dry) a thlen thei a, kha mucous layer ro kha lo khi in a thi pawh ni thei(ka diagnose lo nia, possibilities ka sawina)
Polyps hi chu inflamatory emaw allergic vang a awm duh ani, recurrent duh bawk
A BP normal tan chuan zia hle mai, in damthat thuai ka beisei
October 26th, 2011 at 2:19 pm
@drake, thanks, kan var ta uarh e.
October 26th, 2011 at 2:45 pm
Drake hi ENT doctor a nih hmel a, doctor rawntlak tak anih dawn hi. Kan special na lam theuhah rawn tlak nih theuh hi tum ila a tha ngawt ang. Ka fapa hi a tonsil kan zaitir tawh a. Hei a tha hlen hlauh mai. Ka u pawh hi Guwahati ah a hnar sinus kan zai tir a, tun thleng chuan a la tha ve rih. In nau pawh hi a that chhuah leh thuai ka bei sei e. Hnimhlum tel kher lova zai dan a la awm ang chu maw?(Saitawk ang deuh khian). Tin drake sawi hnar ro avanga khi thi thin khi chu nasal drop tha tak a awm mai ang. A effective thin khawp mai.
October 26th, 2011 at 3:02 pm
A lung chu check ngei a ngai a nih chu.A BP a fluctuate nasa em mai.In vannei hle mai,minute 20 hnu a a lung rawn phu leh chu.
October 26th, 2011 at 3:21 pm
I rawn fak viau nangin Aizawl Civil Hospital ah chuan in kal pui leh ngam ka ring tawh miah lo 😀 (fiamthu)