Archive for January, 2012

Chungmuvanlai iang leng ila

Tuesday, January 31st, 2012

Chungmuvanlai iang leng ila thangvan sangah,
Ka tawng mahna fam hnu zuapa kha;
Leng nghate iang leng zawk ila, a khu tuipuiah
Zuapa rautla tal tawng mial ang maw?

Hun leh nite lo thar zelin,
Sikni pawh khawlah a liam leh ang;
Thingtin leh partin an vul leh ang a,
Zua ngaih tah khua a va sei leh dawn em.

Fam hnu leh nunhlui ngaih chu,
Tah a tul leh thin chhun nitinin;
Chhungkim dar ang lenlai ni kha,
Her chhuak leha’n a mawi si lo.

Ka chun nunnem nang chu e,
Fam lo in i dam khua sei se;
Ngai lo ianga mual i liam ve mai chuan,
Thinlai nain fam khua ka lawi ve ngei ang.

Posted in Poetry | 21 Comments »

Tunge Mizoram Chief Secretary thar tur ni ang?

Tuesday, January 31st, 2012

Misualcommers tunge CS thar tur ni a in ring? In rin siak mai mai dawn mi?

[Admin note: Source hi pek tel zel theih ni se, a lawmawm viau ang. Tun a mi source chu: Chapter 14. Indian Public Administration: Institutions and Issues. By Ramesh Kumar Arora & Rajni Goyal a ni e. Hetah online link chu a awm. Page 220-222. Chuan hetah misual.com a post policy chu a chhiar theih e. Thank you.]

The Chief Secretary and State Secretariat

The Chief Secretary is the administrative head of state administration in India. He is, in many ways, the counterpart, at the state level, of the Cabinet Secretary. As the chief coordinator of the state secretariat and other administrative departments and as head of the civil service, he is the pivot of the state governance system.

His role in policy formulation, formal and informal, is substantial and so is his supervisory role in the policy implementation apparatus.

(more…)

Posted in Opinion | 45 Comments »

Fam hnu ka chun

Tuesday, January 31st, 2012

Kut pui an ur,
Zaleng an phur.

Hlim ni a thleng,
Lawmin an leng.

Naunawn an nui,
Rawl thar an rui.

Laitual an fang,
Arva an kang.

(more…)

Posted in Obituary, Poetry | 29 Comments »

Min bum tawh lovang

Tuesday, January 31st, 2012

Ka hre lo tak zet zet. Tunlai thalai ho han awmherh tawh zia hi aw..ka lo ti thin. Eng eng emaw sign leh tunlai tawngkam tak hmang hian an inbe kual reng a. An induh nge, an thinrim tih pawh a hriat loh; hriat ka chak thin.

E..e ka hre tawh. Ih…ih ka hre ve chiang. Min va han bum tawh awm hlei love aw. Thalaiho hian rualpawl lo lutukah min ngai tawh bik suh u. Khai mah aw…

1. KZP- Ka ngaihtuah nasa thin. “I thusawi/ziah kha..KZP” an han ti ngawt a.”Ka Zah Pui” an tihna-ah ka lo ngai a, ka insit thei hle. “Kut Zung Pui” ka chhawng e tihna zuk ni a. “Ka e kham chiah..kzp” ka ti thla ta zên a.

2. SOS – Khai aw..Son Of Son tihna lamah ka ngai a, “Thank You” tiin ka chhang thla ngawt pek a. “Save our soul” emaw “Send out succour” tihna a ni tih ka hriat hnu chuan, “Thank You” ka ti ta ngai lo.

3. “Hoors” an tih pawh hi ka hria. Hmana “Awi, ka nu Lucknow” an tih thin nen khan a inang reng. Mi bum tum suh.

4. Fb-ah “Liana was tagged in Liani’s photo” tia a inzìah chuan, Liana leh Liani chu an innei tep tawh ah ka lo ngai leh pek a. Liana’n, Liani a lo star ru hle tihna zawk a ni. Ka chiang khawp mai, dawt sawi tum suh.

5. SMS ah hmeichhia-in “weinch” an tih chuan, ka lerh ve tan an tihna. Mipa in “einch” an tih erawh chuan, an kua a puar tihna a ni.

(more…)

Posted in Lifestyle, Nature | 115 Comments »

Engmah tak tak a lo ni si lo

Tuesday, January 31st, 2012

Tilte langa dai hruta kan hmanhlelh lai khan engdang reng dawnlo ten nun hi kan kawtchhuah hmathlir tawp thin. Zing kan tho a, tapchhakah meilum ai pahin thingpui sen thlum kan dawm a, engdang kan ngai silo. Sikul kan kal leh, chawlhlawk laia St.Peter’s kawtzawl a inum leh sertawk pet bak thlakhlelh kan nei lova, sikul tlang atanga a vel khua, hmawngkawn, chawilung, sialsuk tlang thlira thu mak puipui lasi, thlahrang, sial sual huai etc kan sawi te kha bengah lutlo mahse a nuam si thin. Chawlh anih chuan Farhuan lama thingsemim chhara kan kal loh leh, a hmelthatzia an sawi pawh ngaihtuah lem lovin chhingpuii thahkawnah sava vehin kan kal a, perhthla lem lo mah ila kan hun hmanral dan aniin a aia nuam a awm chuang silo. Kan haw a, chaw leh antam hmeh chungin hnap tla purin zanriah kan han ei a, alu kan leh bekangsa hmeh te kha chuan kan lawmin a aia ei leh in tuihnai a awm ang tih reng kan dâwn pha silo. Sa te kha inrinni tin talh ve heklo, an talh erawh chuan mualpui bazara bawngchek an siam kha lei turin chhungte kan kar ngei thin.

Kan han leikang a, primary atangin middle kan han kai a, thingtlang atangin khawpuiah, hmasawnna ani tih pawh ngaihtuah lem loin zing ni lo chhuak apiang kan han hmang liam a. Khawvel erawh a thangin a vir ngaiin a vir si, Bangladesh TV a the A-team kan en thin hnuchhawnin cable TV lamah Baywatch, Santa Barbara, Kasauti leh Facebook era ah kan han zuang lut a, kan nung pawp pawp a, kan ar khawthim dai a, Khawvel changkanna leh technology te lah a siamtu te hah tur zia ngaihtuah loin kan han MIP/NLUP dawn ve tawp a, kan hmang tangkai chuang lêm silo.
(more…)

Posted in Fiction, More than words | 37 Comments »

Lam ang i let ni khan

Tuesday, January 31st, 2012

In run bel leh tura,
Lam ang i let ni khan;
Sakruangah laitha reng a zam lo,
Thinlai zo chum ang a zing riai e.

Tawng leh tura mualliam ni mah la,
Ka zuam mawlh si lo maw lunglen chu;
Mahte’n awmhar lunglen ka tawrh hi,
Hlimni mual liam ta ka ngai Mang nge.

Run hmun len dun hma chuan e,
Ngai chunga inthen a tul sin thin;
Lung dam lo mah ila,bawihte,
Mahte’n laitual len ka zir rih na’nge.

Kawlva lenchhamah leng tawh mah la,
Ka kiang a bel i rauthla lengin;
Hmangaih biahthu min hlan pawh kha,
Thinlaiah a hlui dawn lo,khua rei pawhin.

Posted in Luangliam, Poetry | 30 Comments »

Mizo Hla

Tuesday, January 31st, 2012

(Thiamna nei si loin, ka luangliam ve em em lawi si. In ngaihdan han sawi teh u…)

Bual in chhunga nauawih
Fanu/fapa nei tawh ang zia zang in ka inbual laia ka rilru a awm leh ka hla sak chu nauawih hla zuk ni tlat a! Englekhawle, nau tak tak awi loin ka inbual a, ka vannei! Ka ngaihtuah chhunzawm zel phei chuan bual in chhung a keima rilru a tawp mai tur chuan ka ui ve khanglang. Ka thu leh hla khel thiam chin tawk min lo hriatthiam sak mai teh u…

Lei Lal puan ropui chu a tlawm ang…
Ringtu, Isua Kristaa rinna nghattute tan chuan he hla hi a hlu ngawt ang. Isua ringa, hrehawm leh lungngaih lai pawh a Amah chauh beiseitute hi mi vannei an ni. He hla hi kan naupan lai a (ti ve leh khanglang ila) hla kan hriat hmasak ber zing a mi a ni. A chhan chu nauawihna hla atan nu leh pa te’n an sak lar ber a nih vangin.
(more…)

Posted in Mizo Society & Culture | 25 Comments »

Laisawr Ral Atangin

Tuesday, January 31st, 2012

Hmanlai chuan mawm….

Keini khua ang khaw mawng ping, Aizawl lama Pathian a lokal pawha a tuk thum tuk vela hre ve chauh tur tan kha chuan thal va ek charah hian tui hi a han vang thei mai mai khawp a. Tunlai ang hian ‘tui connection’ te hi lak ve theih hek loh. Tui kan nghei lo chauh reng mai a. Apui apangin inbual kan ngaina tehchiam hlawm lo hlauh kha kan vanneihna a ni letling a. Tui harsat zual lai pawn kan ziaawm phah thin ni lek fangin ka hria. Thingtlang fahrin tih takah, a thangin kan thang hiam reng mai a. Inrinni hi Inrinni a ni satliah mai lova ‘inbual fai ni’ a ni thin.

Sikul lamah lah khan chuti tehchiamin kan zirtirtute khan min en uluk tawk thin lo te pawh a niang. Chat khir ngial ngial, a pawta paw hrat mai te kha kan ni nawk a. Pu Kima hova “Thawhlawm ken theihnghilh ngai lo, theihnghilh pawha let leh thin” tih hla vel, hla phuahchawp lutuk, sak nuam zek si dang mawn thler dawn dawna kan sak tuar tuar thin lai te kha, a hre pha ve lo te tan chuan hmanlai a ni chho ta mai dawn chu a nia leh! Keini tan erawh Facebook vela, US lama kan thiante nena, “Hey, how are you”, kan intih nak nak lai pawhin thinlungah a thar leh thin si!
(more…)

Posted in More than words | 39 Comments »

Ka hmangaih che avangin..

Monday, January 30th, 2012

Ka hmangaih che avangin ka nun chân lo mah ila,
Ka hmangaih che avangin chân ka huam asin.

Ka hmangaih che avangin i tan thil tih theih nei lo mah ila,
Ka hmangaih che avangin tih theih loh pawh tih ka huam asin.

Ka hmangaih che avangin tlángrèl ni lo mah ila,
Ka hmangaih che avangin hmingchhiat ka huam asin.

Ka hmangaih che avangin ka neih hloh vek dawn pawh ni ila,
Ka hmangaih che avangin retheih ka huam asin.

Ka hmangaih che avangin chân dawn che ila,
Ka hmangaih tawp lovang che.

Posted in Luangliam, Poetry | 81 Comments »

Kar hla thian

Monday, January 30th, 2012

Naupan laiin Shillong lamah lehkha zirin ka awm ve á¹­hin a. Hetih lai hian The Beatles leh Abba an lar hle á¹­hin. Chutiang karah chuan keini rualho zingah “Penpal” neih kan intihhmuh á¹­hin hle bawk.

Penpal (Kar hla á¹­hian) kha tunlai Facebook ang deuh ani ber awm e.Ṭhiante á¹­hian kan á¹­hian ve leh chhawng a. Tin, magazine-ah te khan ‘Penpal column’ a awm hrang thliah á¹­hin.

Tichuan, Penpal chu midang ang bawkin ka nei ve á¹­hin a, ram hrang hrang stamp khawn khawm kan uar phah viau nghe nghe bawk. Lehkha ziakna puan cheimawi tak tak chu dawrah kan lei á¹­hin a. Lehkha-ip (envelope) pawh kan duh uluk ve á¹­hin viau a ni. China, USA, UK leh hmun hrang hrang ami te nen lehkha kan inthawn kual a, piancham thlengin kan inhriatsak bakah lawmpuina dawng hman tur ngeiin lehkha kan inthawn á¹­hin. USA leh Japan aá¹­angin present thawn (chocolate ilo) an peih viau á¹­hin.
(more…)

Posted in Lifestyle, Luangliam, More than words, Music and lyrics | 37 Comments »

« Older Entries