(Misual ho hi GMI lamin min uai hneh rih niin a lang a, Post puitling deuh lo nghah nan, Pawngvina chanchin hi Pu Chawnghilha khan a Post tawh tho na a, a source a in an loh bakah, Mizote zinga a ber kaina nei a nih ve avangin, a chanchin hriat theih ang ang hi ka han tuihnih ve leh e.).
Zakapa Khawhri a a Lal lai khan Pasaltha hmingthang tak tak a nei nual a, chung zinga Mizo ten kan hriat lar em em; hmingthang tak mai leh huaisen em em mai pakhat chu ‘Pawngvina’ hi a ni. A Pasalthatna aimah hian a thinchhiat em emna hi a lar pui zawk mah mah a. Mizorama ber kai zingah pawh a tel pha hial a ni.
Pawngvina hi a hming tak chu Darpawnga a ni a,(Renthlei hnam a niin ka hria-pkf) a thinchhiat em avang hian a hming dik tak ai chuan, Pawngvina tih a koh leh hriat lar a ni ta zawk a ni.
A lo peng pawh tun thlengin ‘Darpawnga peng’, tih a la ni reng a ni. Khawchhunga mi te hian a thinchhiat zia hi an hre chiang hle mai a, chu aimah chuan khaw chhunga mihring ran vulh ho hian Pawngvina thinchhiat zia chu an hre chiang zawk em ni chu aw? Tih mai tur a ni a, khawlaia a buh pho te pawh hi a veng ve ngai lova, a duh tawk chin hi hmawlhtein a rin kual tawp mai a, chumi chhungah chuan buh chu a pho mai thin a, ar, vawk leh kel leh ran dang reng rengte hian a hnaih pawh an hnaih ngam love, an ti hial thin a ni.“Pu Pawngvina chu ran vulhte pawhin an hai lo nasa mai a ni” an ti.(a ran vulh ho te hi kebai lo an awm meuh lo, an ti bawk thin-pkf)
Vawikhat chu a ram kal hawng chu a Chauvin a hah hle mai a. Ina a rawn lut chu a uipui hian lo lawmin a lo zuan vel chung mai a, a thin chuan a ngai thei leh ta lo va, “Nang a lawm a, nui rual ka nih loh hi” tiin a chempui chu a la lawk a, a uipui chu a sat bung ta hmawk mai a ni.
Saihabun ram an neih kum hian, kawng bulah hian Bete hmun a siam a, Bete chu a lo tuh mawlh mawlh mai a. Feh lo kalte chuan, enge a tuh tih an rawn zawt zel a. A tirah chuan a lo chhang tha ve mai a, an zawt rei tulh tulh a, a chhang vin tulh tulh ta mai a, a tawp lama hmeichheho zawt tute phei chu a chhang vin tawh ngang a ni ang, thlabar leh bak lengin an tlan chhia a ni. Tun thleng hian he laia Bete a lo tuhna hmun hi “Pu Pawnga Bete hmun” tih a nih phah hial a ni.
Pawngvina hi Pasaltha huaisen tak mai a ni a, an Lalpa Zakapa leh Marlianate an intihthiam loh tum pawh khan, Signal pu pahnih hian darthlalang hmanga Lunglei biak a, phet an tum chhen mai a. Pawngvina chuan puanin a lo zar hliah zel mai a, signal pute thinrim chuan; “Het sala, chikni teriama, ben chut”, an lo tih rawk mai a, Pawngvina thin chuan a chelh leh ta lo tawp mai a, “Salah ka hruai ang che u, ka bengin ka chik darh vek ang che te min tih rawk rawk, khaw nge keiman kan chik sawm vek mai teh ang che u” a ti ta mai a, a thal ken chuan a thil ta pawlh pawlh mai a, a chemin a sat ta zawt zawt mai a, an lu te a lak sak ta a ni.
Tumkhat pawh Sakei an hual dawn a, Pu Pawnga pawh phur takin a insiam ve a, a sam a han zial dawn a, a farnute chuan a zial zawh veleh a dawhkilha lo kilh an tum a, a sam a tawi deuh avangin an kilh thei maI lova, a put thla leh thin a, a thin chuan a ngai thei leh ta pek lova, a thin rim chuan, “Duh leh hual chhungah sakeiin zial mai rawh se” a ti a, a kal ta a. Sakei hualna a zuk thlen chuan mipuite chu sakei hlauvin thlabarin an lo tlanchhia a, Pasaltha Pu Pawnga a zuk thlen chuan, “Thin aw rim rim” tiin a awmte chumin a inhrosa a, a tawpah chuan a thin chu a rim ta ngei a ni ang, Sakei hual chhungah chuan Sakei chu a zuk luhkhung ta rep rep mai a ni.
A nupuiin bai a vil tir ve lawk a, a bai chhuan chu a liam duh hle mai a, a chawk sauh sauh mai a, a tawpah chuan a thin chuan a chelh leh ta lo tawp mai a, suankual a la lawk a, a kawmchar tukverh sang tak maiah chuan a bel chawp chuan a thlak ta lawng lawng mai a, “I liam I liam tawh hauh lovang e” a ti e, an ti a ni.A buh phur chho kal chau te hi, mi angin “Hui ha, hei ha” a ti ve mai thei lo va, “De de dei dei” a ti thin e, an ti.(ka belh)
Khawhri Lal Zakapa hian a Pasaltha Pawngvina hi a ti thiamin a ngaina hle mai a, a khua leh tuite tihlimtu ber leh nuihpui ber a nih avang hian duh pawh a duhsak ve hle mai a. Veng kil khata paho awm khawmna tawhah chuan, a chanchin chu an nuih pui dar dar thin a, khaw tinuamtu ber a ni hial a ni. Khua leh tui chhan nan chuan a inhuam thuiin a nun hial pawh hlan a ui ngai lo va, an Lal Zakapa hi a huaisen bawk a, an thurual thei hle thin a ni. Ral leh sahrang hmaah an duai lo dun hle mai a, Khawchhung mipuite tan a thlamuan thlak em em thin a ni, an ti.
(Fanai Lal huaisen Zakapa chanchin tih Pu HC.Thanchungnunga ziah a mi lak chhuah a ni a, belh ka nei hlek bawk. Belh tur hria chuan, a belh zel theih e)
Similar Posts:
- Pasaltha Zampuimanga.
- Lianuma tlâwmngaihna
- Lal Huaisen Zakapa
- The ideal man Chhurbura!!
- Pu Chawngkhupa kha
October 26th, 2011 at 6:07 pm
Pawngv1na hi chu a lar ve khawp mai. GMI lamah hian huaikhawm tu ah tang ve se a tha ang. Thuawih lo an awm palh takin
Report this comment
October 26th, 2011 at 6:20 pm
Pawngvina nupui khi ka ni ang tih ka hlau ber mai. A thinrim a hlauhawm duh awm mange
Report this comment
October 26th, 2011 at 6:23 pm
GMI @ thenzawl report/
Chaw kan ei mek e, a hot khawp mai (pil nghal)
Report this comment
October 26th, 2011 at 6:24 pm
Pawngvina chu a vin takzet anih hi!! vin deuh kianga awm hi a hahthlak ngawt ang. A nupui tan hian a ninawm awm te ka lo ti ve mai mai….
Report this comment
October 26th, 2011 at 6:28 pm
A nupui ngam loh thu kha a awm kha? Hei hi ka belh tur hriat chhun.
Report this comment
October 26th, 2011 at 6:44 pm
Ka nupui ka ngam loh chhan hi thih ka hlauh vang chu ani lo maw le a tih ve nuah nuah kha maw le
Report this comment
October 26th, 2011 at 6:53 pm
Pu PKa mahni an pui chu tiin a hmaih lui anih a rinawm khawp mai
tiraw doc_lib ?
Report this comment
October 26th, 2011 at 6:53 pm
Lrpa, doc a sawi khi Pawngvina nge Zampuimanga tih ka chiang tlat lo. A hrechiang deuh an awm ang chu maw? Thinchhe ve hrim hrim in hriat te pawh han thawh teh u.
Report this comment
October 26th, 2011 at 6:56 pm
Thinchhia maw, kan doc_lib hi
Report this comment
October 26th, 2011 at 6:57 pm
Pkfanai, Pawngvina maw le aw. Mizo pasaltha ho leh hmingthang hat ho kha chu an chanchin ka chhiar vek. Ka rawn post peih lo mai mai a lom. A bu in ka nei kim vek a lawm maw le
Report this comment
October 26th, 2011 at 7:00 pm
@9 Het sheldon de de de dei dei dei dei. Shala thinchhe mah ila ka hlau ve tho che alom, mahse thih ka hlauh vang chu ani bik miah lo
Report this comment
October 26th, 2011 at 7:05 pm
A chanchin hi ka hre tam lo a, Mizo chanchin zing a hriat ka chak ber pakhat a ni ve tlat… A bengvarthlak e.. (Y)
A nupuiin bai a vil tir ve lawk a, a bai chhuan chu a liam duh hle mai a, a chawk sauh sauh mai a, a tawpah chuan a thin chuan a chelh leh ta lo tawp mai a, suankual a la lawk a, a kawmchar tukverh sang tak maiah chuan a bel chawp chuan a thlak ta lawng lawng mai a, “I liam I liam tawh hauh lovang e…”
Report this comment
October 26th, 2011 at 7:10 pm
Min hlau suh, my dear holmes
Report this comment
October 26th, 2011 at 7:16 pm
Lo an theh pawhin, “Hei hi ka ram chin” a tih tawh chuan, chuhbuai chiah an ngai tawh lo, an ti. Tunge misualah hian thinchhe ber ang le? Nia, nupui ngam loh hi chu thih hlauh vang chu ani miah lo maw le.
Report this comment
October 26th, 2011 at 7:18 pm
‘De dei dei dei’ haha!!
Thinchhe pafa kan nia keini pawh hi…ka chhiar nui vur2 mai..haha!
Ka chik mai2 a,thinchhia te hian fiamthu hi zu duh tlat thin pek a…ka hriat chin ah. Kei tiamin.
Report this comment
October 26th, 2011 at 7:21 pm
Kan kawmthlangpa thinchhe bawrlawk lutuk pawh hi a football khel ve te hi a mawza bun atang hian a thinrim tan a,a bun sawk2 tawh thin a an tih chu…
Report this comment
October 26th, 2011 at 7:25 pm
Ka hriat ve hi miin thu an belh nge ka hre law.
A thinchhe lutuk leh vin lutuk kha a insum ve deuh a, Kawng kama a bete tuh miin enge i tuh ti a an zawh chuan vawikhatnaah “Beteeeeee” tiin alo chhang nem duai a, vawi hnihnaah “Betee”……….vawi thumnaah chuan tawngkam thain a daih tawh lo niang e…enge i tuh tia an zawh leh chuan vin tawkin “Bete..bete…bete..dededeidei” a ti e an ti.
Report this comment
October 26th, 2011 at 7:30 pm
@17..Ba ini maw?
Report this comment
October 26th, 2011 at 7:31 pm
16. Lamji, misual.com ka chhiar avang a ka nuih chhuah hawk vawi 2 na. Fiamthu hi ka thiam lo va, mahse mi fiamthu thawh a nuih ka peih em avang hian, ka bul a fiamthu thawh hi nuam an ti thin. Kan makpa Lalbiakzuala Hauhnar phei hi chuan ka bula pawt huau huau hi nuam a ti thei raap.
Report this comment
October 26th, 2011 at 7:48 pm
Pawngvina thlahte zing ami pa pakhat pawh hi thin chhe zet mai a awm a; vawikhat chu, an lo vah naah a thin pakhat a in sat hliam ta si a, daihlimah an chawlh tir a. A kep pah deuh a ngai ta si, ni a sa bawk si; a thin ur lutuk chuan, “ka va han in dim bik dawn tawh hlei lo em” ti pahin a chempui a vai puat puat mai nia.(true story).
Report this comment
October 26th, 2011 at 7:49 pm
*an thian pakhat* not a thin.
Report this comment
October 26th, 2011 at 7:50 pm
#18 ?? :-O
Report this comment
October 26th, 2011 at 7:50 pm
(Y) Tin,thinchhiat hi alo inzir theih khawp mai tih ka’n belh zeuh duh bawk. Ka thinchhiat vang hian ka inzir nasa a,mi atu a te pawh mai hian pride hi kan nei vek a,mi thinchhia chuan kan thup thiamlo ni mai2 hian ka hria. In lo awm ve takin,thin a rim reng2 a ngaihtuahna hman hmasak a finthlak fo. Mahse vai ho zingah a tangkai khups mai..ehemrmss
Kan thianpa pa thinchhe dang :
Mi thosi beng te chu an beng hlum a an kut atang an la mai a,ani beng ve te chu a hmuh a hmuh tur hi an awm leh tawh lo hrim2,a beng sawm vek a ala nuai zui..turu ve khawp mai..haha!
Report this comment
October 26th, 2011 at 8:01 pm
kan khua a ka awm lai a kan rual u deuh pakhat pawh kha.(amah chu renthlei ve tho) a khaw pum huap a Committee meeting kan neih nikhua hian, veng dang ami ten an lo kalh hian a thin hi a rim a, insual hi a ngam ut zel a, a naupang zawk hi min tizak fo thin. Kan in melh hrek hrek zel mai maw le!
Report this comment
October 26th, 2011 at 8:14 pm
Ka Rocket hal hi a thlawk sang bik em a Fanai lam chu sel tawh lo mai ang.
A ngaihnawm khawp mai. (Y)
Report this comment
October 26th, 2011 at 8:15 pm
24 lolzzz a va mawl bawk ve lol
Report this comment
October 26th, 2011 at 11:30 pm
Renthlei hi an thinchhe duh an ti, ka nu te lam hi renthlei an nia.Dik hmel, thinchhe tak anni..Ka Renthlei biak ho pawh anni tlangpui, mahse an rilru a tha
Report this comment
October 27th, 2011 at 12:23 am
A bengvarthlak e. Ka lehkhabu kawlah ve thung chuan a hming diktak hi ‘Pawngliana’ niin a inziak a. AD 1771 vela Palianho thlang tla tan Satawma an awm laiin Satawm khuaah Pawngvina hi a awm a ni.
Pawngvina hian sam tha tak a nei a. Mahse, a thinchhiat avangin a sam han khuih te hi a phihin a phih thin a, a bul zo zel a ni.
Zaidam pawh a zir nasa hle a, mahse, a hlawhchham a ni. Nupui a nei a, a nupui erawh a ngam thei hauh lo thung! Sabual-ah a thi.
Report this comment
October 27th, 2011 at 9:06 am
A ngaihnawm hle mai, ka hriat ngai loh te pawh a awm nawk mai. (y)
De de dei dei dei, tih khi kan tleirawl chhuah, kan phai feh hawng hian kan zir chho nasa ve thin khawp mai.
Report this comment
October 27th, 2011 at 4:23 pm
Pawngvina zaidam zir thu kan belh ve lawk. Vanapa kha thinchhe lutuk zaidam zira zaidam ta em em maia an hmingthang kha pawngvina khan ka hre ve e a tia. Naupang ho bulah tumkhat chu zaidam ka zir e tiin, nem hlawiin, “naupangte u min han fiam leh mah te u, ka thinrim tawh miah lovang” a va ti nem hlawi a. Naupang zinga pakhat chuan,”fiam fiam i ngai hleinem kha i thinrim sa reng a lawm” an ti mai chu, a ni thinin a tuar leh ta pek lo..” de de dei dei dei chutia min han tih vei” tiin naupang ho chu a um darh leh ta a.
Report this comment