Nakinah ram hruaitu kan thlang leh ang. Amah – Pu Vanneihtluanga tawngkam takin MNF duh lovin kan duh loh Congress kan Vote a. Congress duh lovin MNF kan vote leh dawn a nih hmel. Mi thenkhatin “Mizote chu ‘nin’ nei kan ni a, eng sokar mah a lal rei thei lo” an ti thin.
Ka pawm lo bur! Hnamdangte anga sa ei lawr dun dun lo va, kum 40 chuang Vawksa-a lungawipa hi kan tam lutuk. A bul ber chu beiseina sang tak neiin kan thlang tling a, beisei an phak leh si lo hi a ni e – a bak sawi tur a awm lo. Kan thenawm – hnam inhal tak tak leh hel pawl lian pui pui awmna, sakhaw iner tak tak leh mahni hming pawh ziak thiam lo khawpa mawl muk tak tak te tawmkhawmna pawh hmasawnna leh hmathlirah ka tluk tawh lo a chha a ni si.
Sorkar hmasa khan eng nge thil ropui a tih? Development-in min zuan khum zak zak e, tih mai loh chu. Tun sorkar hi… NLUP leh Phul lem bak eng nge chhuan tur a neih? Heti khawpa mipui hruai nuam, hnam inpumkhat tha, ram ralmuang ni si hi engvanga hetiang mai maia la thu sawp reng bik nge kan nih? Hmasawnna ruhrel an duan chhungin kan ruhrel a mawih zo dawn!
Kih hnawk then chu khawi lamah, Mi rethei VIP chu khiiii-ah, Eirukna phoro chu mumangah, Intodelh chu vanah. Tawngkam dengkhawng tak taka insawichhiat lamah chuan (eng party pawh) an duai lo tlang phian hlawm a. Kan Sakhaw puithiamte leh upa mîn pui pui lah – duh hun hunah, kil khatah ZU khapna dan an lo chai ve laih laih a. Khua hi a var lo teh e. Mipui lam lah bang bik hek suh, en teh –
Idol zûnzàm
Local channel 1 sumdawn na ve mai, zaithiam intiten mahni tana chakai khawrh rana an intihsiakna ve mai a – “Kan veng mi/ Kan venga thleng” tia YMA/VC/MHIP nen lama kan phu luih2 thin hi a chhangchhiatthlak in ti ve em? Thilpek leh kan thlawpzia, tanzia, lawmpuizia tawngkaa kan lan tir hi a tawk viau.
Chhungte, thiante leh atchilhtute chu duhtawkin lo phusa rawh se, keia sawi phak a awm lo e. Ka helh zawk chu YMA/VC huaihawtin khawtinah, kawnah kan lo hmuak a, chawimawina parthi leh thilpek kan lo hlan a. Motor leh bike 30 rual velin an zui ngei a. Lawmte lawmpui tura zirtir zawng kan ni nameuh mai. Mahse, YMA, VC, MHIP ang zawnga lo tihchiam hi tul ber em? Kan bat a ni em? Ti lo ta ila khua/veng mualphona a ni em?
Mi veng pawhin an ti… Khawdang pawhin an ti… tih vang maia lo tih ve ngawt hi kan tu leh fa, nuapangte avang tal pawha kan tih loh ngam a hun tawh. Ropui takin, a khawnawtin kan lo hmuak a, (Sikul chawlh puang hial – khua te pawh an awm thin kha. Mawl chhah hlawm hian!)
Lal fapa ang maiin kan lo sawngbawl a. Chu chuan eng nge a hrin? Naupangte rilruah zirthiamna aia zaithiam nih chakna, IAS aia Idol nih duhna a intuh ang a, (amah chu sawi loh) a pawlpuite zinga zirlai thiam thei ber aia zaithiam ber ngaisang tlat naupang a hring chhuak teuh ang. Chuan… mithiam ngah si lovin zaithiam (inti) kan pung hluai ang. Kan kal zel chuan zaithiam mawl tak tak kan la ngah ngawt ang.
Hmmmm… Lalpa, keini zawng hremzia reng kan ni… 
Similar Posts:
- Cong. Minister hluiin MNF a zawm
- Hnam mawl zia!
- Mami Varte a la chungnung ber
- Benga ka thilhriat- ka ngaihtuah zui..
- Hmangaihna Dik
November 9th, 2011 at 9:09 pm
Dik chiah
.Party thar tha deuh awm tawh se la aw .ui in a luak a ei leh tih zawng zawng hi kan neih zo a . chuan Zaithiam hi an va tam tawh tak em . kawi hnihkhat ah hmuhtur an awm zut tep tawh ania .
Report this comment
November 9th, 2011 at 9:13 pm
Nakinah chuan puipunaah pawh, zaithiam zingah zaithiam lo kan awm zeuh2 tawh zawk ang
Report this comment
November 9th, 2011 at 9:20 pm
”Truck driver te hian handyman atan an mahni aia fing an la duhlo,” an ti thin. Tichuan, “driver chuan amah aia mawl a zirtir a, ahnuah chumi chu driver alo ni ve leh a. Khami khan amah aia mawl vek handyman a la ve leh a, chutiang chuan an kal chho zel a. Nakinah phei chuan driver mi â hlir kan la nei ang,” an ti thin. An la fin viau zel hi mawle
NOI
IAS aia idol (zai lam) nih duhna chu apiang em lovang chu maw
IAS nih thawr ai chuan Mizo-te Idol nih chu ka chak khawp mai kei hian. kan thlang zawk vek mai law’ng maw? Tuna i sawi idol ang nilo hairehai
Report this comment
November 9th, 2011 at 9:22 pm
He post chu a va tha em. Ka thlawp thlap mai. He issue hi, sawisen loh a awm.
Post tupa hi next election ah contest ve ta se, misual leh kan chhungte zawng zawng kan tanrual chuan a tling thei mai lawng maw? A thu vuakthlak a politician tlat..!!
Report this comment
November 9th, 2011 at 9:26 pm
Kei chuan mizo idol, icon tih vel ai chuan Mizo super star thlang ve thung ila tiin post hial ka lo chhuah tawh kha. Ka rilru a van cho tho teuh ther ther mai em
Report this comment
November 9th, 2011 at 9:27 pm
ZNP hi kan enchhin ve tawh dawn em niang?
Report this comment
November 9th, 2011 at 9:34 pm
Zaithiamte hian fak an phu a, chawimawi an phu; mahse kan tihdan luai luai lutuk hi a tha ber ang em aw???? Kan naupangte hian zaithiam niha chawimawi luai luai nih hi, khawhar taka lehkha zir ai chuan an chak zawk daih.
Report this comment
November 9th, 2011 at 9:38 pm
Enchhin in khua kan tlai zo ta.
lalthanwal leh Zawngramthanja hi thlak kual chhen tawk kan nih hi maw le.
Idol nge tam zawk Icon poh ka hre ve dek lo ve a.
Kawlhawk thau a tha ramparva sa a tui hle tih tak ah post tha thei khawp mai.
Report this comment
November 9th, 2011 at 9:39 pm
Idol, Icon, youth idol, chhaktiang lelte etc. kan inthlang sup sup a. Kan sum leh tha sen te ngaihtuahin ram leh hnam tana tangkaina a va tlem em! Mahse cable TV ho an hlawk ve thung a!
Report this comment
November 9th, 2011 at 9:45 pm
Kan Cable Network 2 te hi icon/idol thlan hi tawp ve ve rih se ka ti ngawt mai. An khawrh chhuak kim thawkhat tawh ang. Duh leh kum 10 dan ah ti se, kan population nen pawh a inmil velin ka hria.
Report this comment
November 9th, 2011 at 9:53 pm
YMA chuan veng ti hming thatu chu ropui takin a lo hmuak tur alawm le. A huang erawh a zauh angai, Idol/Icon chauh ni lovin, Zaithiam dangte, Lehkhathiam te, Inkhel thiam te,etc ram pawn leh chhunga awm Mizote, ram leh veng tihming thatute chu Thlawhtheihna sawm vel nen lo hmuak thlap thlap thei se chu kan changkang phah awk awk zawk ang.
IAS nih aia Idol nih chak zawk hi an lo awm leh fur tawh lo maw..?? Thil mak mak deuh deuh hi a thleng nasa ve sia
Report this comment
November 9th, 2011 at 9:54 pm
sheldon170 #10 a boruak lai hi a awm ve ania. 1986 atangin kum rei vaklo kha Mizo movie chiangnial lo tak2 siam an uar em em a. Chumi lai tho chuan handloom lamin fashion show an uar leh a, Shillong thleng2 an kalpui a. A boruak a dai leh ta a. Chumi zawhah Miss etc. tunah Idol/Icon. A boruak a dai ve leh maiin ka ring. Mipui lawmtu an la tam thawkhat aniang hairehai
Thlan anih tak rau rauah chuan a tlingte ka lawmpui e.
Report this comment
November 9th, 2011 at 9:56 pm
Han ang bawrh bawrh teh. Kan an-hla te hian kawng ro a sut hun a la thleng ve ngei turah beisei ila.
Report this comment
November 9th, 2011 at 10:20 pm
#6 Engmah an ni chuang lovang, a mawm lam ni a a hriat lam lamah a zuang lawr a, eng teh ual a nih ka ring lo
Report this comment
November 9th, 2011 at 10:24 pm
Zofate hi eng- mania (alova luakchhuaka thil atchilh/tuipuina) nia’ emawin in hetiang taka minla luangthli chhem nghin suau suau thei hi chu apawi. Min nuai chhung reilo mahse tamtak alen chhe hman.MI TLEM AZAWNGIN AN HLAWKPUI HI TAMTAKIN AN CHHIAT PUI THUNG. Khawvel kalpui ve reng alawm ti a kan enliam anih chuan,Zoram khawvel hian acchiat pui ang. Media ho bawl ve theihloh veng ka ni hi arukin ka lawm veng veng. Zirlai (asanglua awmlo) thawkrim chawimawi phu erawh YMA&KH-in kan chawimawi ziah(yearly).
Report this comment
November 9th, 2011 at 10:32 pm
#13 hairehai
Report this comment
November 9th, 2011 at 10:34 pm
Mahni hlawk nan leh entertainment show atan Cable neitute’n an buatsaih a, an tih tur an ti. Dem an ngai lo. Ti zel rawh se. Hei aia nasa pawh hian ti mawlh rawh se. Chu chu ka ngaihdan a ni.
Hemi boruak la zo lova, lo chhiat phah kan awm ngat a nih chuan keimahni thiam loh a ni ang. Idol/Icon/Comedian Search/Pro Fight, etc. ka thlawp vek e.
Report this comment
November 9th, 2011 at 10:36 pm
Tah hian Idol sawi a rem tho hi maw.. Lalbiakmuana kha judge te’n an power in Idol ah an puang leh mai ang tih kha ka lo hlau hman khawp a!!
Report this comment
November 9th, 2011 at 10:45 pm
Sorkar chak lo an awm hian sorkar chak duhna min neih tira, a tha ve alawm. Hetiang ringawt hi chuan term khat bak chu beisei bo tak a ni!
Idol kan buaipui dan luai luai thatloh zia auchhuahpui tur hian a buatsaihtute bawk hi an tha ber ang a, mahse, anmahni buatsaih a ni miau si a le!
Report this comment
November 9th, 2011 at 10:48 pm
Cable network te hian Politician/mi hmingtha te Icon/Idol thlan ai ah 30 vel thlang chhuak se, mipui ten vote hmangin thlang i la chuan Party thar din daih se.
Report this comment
November 9th, 2011 at 11:04 pm
Ang thawm aw mawi tak anih hi, ka like bawntawp tawp e
Report this comment
November 9th, 2011 at 11:05 pm
Mizo Idol chungchang hi ka sawi chak lo ngawt mai, mahse tlemte chu sawi ve teh ang. Mizote hi zai ngaina hnam kan ni a, zaithiam lem lo pawh kan hm hm loh pawn, la la tho zel.
Sap ram fang hmasatute pawh zai vanga sap ram fang an ni a. Kohhrana harhna lo thleng pawh zai hlimna tho a ni leh pek a!
Ama’rawhchu tun laia inzaisiak kan tihdan phung (idol/icon tih ang reng vel) erawh hi chu enge kan anpui dawn tih hriat thiam a harsa ngawt mai.
Report this comment
November 9th, 2011 at 11:12 pm
Mn….tha
Report this comment
November 9th, 2011 at 11:24 pm
Mn….tha e
Report this comment
November 9th, 2011 at 11:28 pm
Idol/Icon hi, Mi khawsak harsa ve tak tak, mahni ringawta in hai kaw theilo tur ten, mipui hriat te, leh sorkar hnate an hmuhphah thin a, tha ka ti khawp mai kei chuan.
Report this comment
November 9th, 2011 at 11:45 pm
Pu kawlhawk-a chu, ang thiam hlaih2 hlee mai. Idol i sawi khi, k ngaihdan chiah ni…
Report this comment
November 9th, 2011 at 11:57 pm
Lam hlim ngot nilo politicallya kan harh atul takzet: LIBERATION THEOLOGY- (nunphung zalenna dik kanneih theihna tur) chungchang hi ka aupui ve thin. Tamtak chuan’ARAU LO’ zuktia!! Rau hmel taka beh tlok2(retheih zel) leh tapchhak zawla phun2 chunga khuang rik ruala rik hluai theih anthlang zok fo. Zoram Khawvar hun nghak mailovin, KA KAL ZEL ANG AMAN MIN AWMPUI, ti chunga BUMNUAM mipuite kongdik kohhmuh turin tan tlan ava tul tehlul em
Report this comment
November 9th, 2011 at 11:58 pm
A ngaihnawm leh khawp ang” ka chhiar hma in ka kawment phawt (internet dc dawn sia)
Report this comment
November 10th, 2011 at 12:32 am
Ka zeplo, MIZO IDOL kalphung hi anep ka ti thlawt.
Report this comment
November 10th, 2011 at 1:50 am
I ang nasa hle mai
Development hi chu zuang lovin kan zawh tawkin kal bek bek se, Idol te buaipui chiam pawh a nuam kan ti tlat sia lawm 
Report this comment
November 10th, 2011 at 7:05 am
Hm… Pu Kawlhawk chu eng tak ang chhuak ang maw le??
Comment thenkhat a party thar din tih kha chu a mihringte kha a ngai tho an ni dawn a….
Idol/Icon kan hlut hi a tha, an thlang hi a tha bawk, kan hlut dan erawh tha ka ti vek kher lo……
Sorkar thar paing mahse a ngai tho a piang dawn a,(A hma a kan duh loh sa tawh tho kha). Buai thlak a ni, mahse thlak chu an tul reng reng………
Report this comment
November 10th, 2011 at 7:20 am
Entertainment a nia, hlimna zawng reng renga buai mihring te tan chuan a hlu ve thlawt thove.
Chawimawina an dawn erawh hi chu an phu lo lam deuh chu a ni.
Mi fate chuan hla-hit pakhat an neih pawn an millionaire dawrh mai a, Pi Sheldoni(za sawmsarih) sawi ang khian keini chu kan la tlem lu deuh a ni. A naihna awm lo!
Lar hrim hrim duh tan chuan a tha ve viau thove.
Gud paws
Report this comment
November 10th, 2011 at 7:56 am
Politician hlawhtling ho hi belhchian dawl deuh an ni asin. Nihna leh thuneihna/Lalna khel kha an nia. Chutah an chet chhiatna leh tlin tawk lohna hai lan leh pho lan mualpho tum ran pawl an lo awm a. An keh darh tha duh reng reng lo te, an hotute laka an intuk luh dan leh a huna an in tan thiam dan te hi an ngaihsan awm ka ti. pu Hv, pu muantea, Pu kawlhawk, Ts, Vakul, donald, adt. ho nen hian ministry min han form tir ve chiah se la; a mal theuh chuan kan tha viau hlawm ang a, Lungrual takin kan thawkho rei thei ngut ange maw chu le? Pc-a, ignatia, funny, zualbonez, mz, Shailendra, adt. hi an mi phian ka ring. Noi.
Report this comment
November 10th, 2011 at 8:08 am
Kawmen pek hmain a thu hi chhiar chiang hmasa thin ila…
Idol show hrim2 kha ka sawisel lo a, tul lo ka ti hek lo. Kei tluka hmuhnawm/ngaihnawm ti hi an tam bik kher lo ang. Kum 1 danah ti lovin kumtin ti se ka ti hial. Ka helh zawka chu YMA VC MHIP ang zawnga a khawnawta kan lo buaipui/phusa/hmuak luai2 thin vel hi.
Dawhsan nen hun, sum leh tha tam tak seng a, a pui a panga lo inhawrkhawm a, naupang sikul chawlh hial puang an awm thin hi ka dem a, ka nuih an tiza bawk. An khaw mi tumruhna avang MA pass te, taimakna avanga mi hlawhtlingte pawh an chawimawi hman loh lai a, an khaw mi pawh ni lo – haw kawnga a pal tur khua mai2 YMA & VC huaihawt meuha an lo sahawk chiam thin hi
Report this comment
November 10th, 2011 at 8:18 am
Nia, khawnâwta inbuaipui hian sum tam tak a kalral a, inhmuah leh inchawimawi ang chi te pawh. Mahse, he thil hian kan Mizo society a phawk chhuak chiang khawpin ka hria. Midangte ngaihsak mi kan nihzia a tilangin ka hria a, a buatsaihtute tan chuan a show hlawhtlinna pakhat a nih avangin a lawmawm duh ngawt ang. Kan kal dan hrim hrim hi, mahni khua/veng tihmingthatu chawimawi nachang hre lo, chawimawi lo bik nih kan duh lo theuh va, kan ram zîmtë hi veng/khua intihsiak leh inel ang zawngin a kal zel tawh a. Mipuite paw’n an chawimawi loh chuan ‘an khua chu..’ an ti leh a, chutiang khua nih an duh bik si lo. Kan inhmuak luih luih reng mai dawn a nih hi.
Politics chu i post ang khi a ni mai e.
Good post
Report this comment
November 10th, 2011 at 8:24 am
Mizoram boruak ka rawn hmu ve phak tak tak lo va, Post tupa sawi ang luai luai a in sawngbawl hi chu keipawh ka thlawp lem lo. Kan thil ngaihsan hian kan future thui tak a hril ve tlat zel si a. Mahse, Setana betute pawh daih rei thei lo da leh thuai thuai thin ti a sawi hnam kha kan ni tlat a. Pu hva sawi ang khìan kan phur pui rei peih leh ngut ange maw le?
Report this comment
November 10th, 2011 at 8:57 am
iva ziak tra ve aw…
Report this comment
November 10th, 2011 at 9:03 am
#37, Mama B Fachuam tia ka’n chhiar dawn chu a! Thianpa Mama Big kha i ni turah ka ngai ngawt a (?) thank Q!
Report this comment
November 10th, 2011 at 10:03 am
Kawlhawk hi a ang thiam lutuk an ti
Kan ram hruaitute hi chu kan thlan an ni miau a, kan phu tawk lek kan nei anih hi te ka tia.
Idol/Icon chuan milar ropui si lo a hringchhuak leh nual dawn ani mai a.
Report this comment
November 10th, 2011 at 11:17 am
Mizoram hi chu nakinah ka la rawn her danglam ang keiman lo lungngai su.
Report this comment
November 10th, 2011 at 11:27 am
Funny an a rawn her danglam hunah chuan zu pawh a zalen nghal ang
Report this comment
November 10th, 2011 at 12:21 pm
Ziak tha hle mai.
Sawisel leh han an tlawk tlawk hi a awmzia reng a ni. Tu emaw talin hlawkna an chang hrim hrim. Infak lam hi kan thatpui a nih chuan sawisel lam pawh hi kan thatpui a ni.
YMA, VCP leh MHIP ang zawnga an han ti vel hi ka haw thin khawp a. Mahse hlimna leh lawmna concept man nia ka inngaih hnu hian tlemin ka inhnukdawk leh ta a ni.
Pawi deuh nia ka hriat chu Valued System neih hi a hniam lutuk. Diklo a tam bawk. Tin, a nei nia ka ngaihte pawh hian PRINCIPLE an nei lo tlangpui. Hei hi kan mutan a ni.
Zirlai, mahni zirlai aia EPL chanchin hria leh Korean Movie hriate hi sikul dan bawhchhia chu ni lo mah se han hrem hlek ka chak ve mai maite an ni thin.
Chuan Idol leh Icon avanga lawmna awm leh thei chu- Kan inngaisang/ lawmpui thei hi a ni. Kum 2002 chho Mizoram Under 16(?) Football team, National level Lammuala an khelh tum khan thil danglam a thleng niin ka ngai. Kawrsen kan ha a, Mizo takin induhsak takin kan tan a ni. Vanlalsailova leh Ruatmawii an lo ni leh a chuan Idol leh Icon. Mahni vengte leh bul hnaia mi lawmpui leh ngaihsan harsa kan tihna kha tlemin a lo vaw thiat niin ka hria.
A enga pawh chu nise. Tun anga kan tih dan hi a lutuk deuh. A chhan ber pawh Pu Vanneihtluangate thluak vang a ni. SMS vote an tih kher kher hian lamtang leh lamtang a siam a. Thinlung takin miin rilru an pe a ni(a online ve thin a, duh leh min lo chhang se
). Mahse hei hi chu an ROLE a ni. An sumdawnna leh an hnathawh a ni miau a.
Ka la hriatreng chu Pu Rammawia thusawi kha a ni. Judge a nih lai khan a ni a, tin MISSTA president a ni bawk. A sawi hmangah chuan ‘Hetiang thil show hi a awm zel dawn a. Zirlaite’n inrawlh dan tawk an thiam theih nan in lamah in tan a ngai a ni. Keimahni chuan engmah kan ti thei lo, a hlawhtlin hian kan lawm ber zawk a ni’ tih lampang a ni.
Pawimawh ber chu inchhungkhur atangin valued system dik naupang hnena tih tum hi thil tih mak mawh a ni ang. Chumi awmzia chu- Hostel leh hmun hrana dah daih lam a nih loh hmel a nih chu. Lehkhabu tha chhiar tir lamte han uar sauh ila, tin documentary film lam en tam tirte. Chuan thu puitling lam deuh ngaihthlak tir leh sawipui tam te leh RIN NGAM thiam a pawimawh viau ang. A nih loh chuan a lo rawlthar/tleirawl anga an zirtitu a chhinchhiah dan chu- an bike neih rawng leh helmet velah a ni daih mai ang. Chutiang hunah chuan Idol leh Icon tih velin a tibuai tawh lovang. Bike leh a behbawmin a rilru a la peng daih tawh ang. IAS officer nih lam a lang lo ang.
Ka sawi tum tak chu. A nawlpuia thil thleng hi kan khap theih loh leh kan control theih miah loh ang a ni. Mahse tih theih kan nei. Kei leh ka unaute, ka chhungte hi kan veng thei. Chutiang ti tur chuan naupang an nih laiin ngaihhlut tur leh ngaihsan tur dik an thinlungah kan tuh thiam a pawimawh hle.
Ka thlirna tlang atangin he reality show hian thatna aiin thatlohna a nei niin ka hria a. Mahse thatlohna han counter vak theih ka nei lo. Idol hmuhnawm titute bula sawi phei chu anmahni tihlungnihlohna ang a ni thaw thang. Mahse tuna post ang hian sawi leh thin hi a pawimawh khawp mai. Helaiah thil ngaihhlut tur hre chin- mi tak tak kan pung khawm a kan chilh hrep mai zel hi nuam riau.
Tin, Zirna lama ti thate leh hetiang lama ti thate kan lawm dan leh chawimawi dan hi chu engtikah mah a in ang thei lovang. Chhan hrang hrang a awm thei ang. Matric pass lawmpui theih nisi Master degree medalist lawmpui theih lohte pawh hian kan khawtlang kalphung a hril e.
Ka duhtawk e.
Report this comment
November 10th, 2011 at 3:51 pm
kan sawi ve..idol atana an thlan tak kha finalist anih vangin MADC CEM S. Khipoa’n sorkar hna ka pe dawn a ti kha a tia host khan, lehkhathiam hna hmu lo tam tak an awm laia idol finalist nih vanga sorkar hna han inpek tawp mai chu ka lo ti rilru ve deuh a, tin, sorkar hna hi a duh duha a pek theih em ni reng reng le te ka tia, tin……
Report this comment
November 10th, 2011 at 4:03 pm
Suangpuilawn YMA Park pawh “Engvari Park” ti in an thlak hmaks..akekeke
ka nuih a za deuhreuh tlat 
Report this comment