Kan ti bek bek a kum tawp kan lo hnaih leh ta reng mai. Thlasik a lo intan leh ta a, kan hmà lawkah hunpui hlimawm takin min lo hmuak leh ta reng bawk nen rilru a zângkhai leh ta vâk mai. He thlasik hun lo her chhuak leh tan hian nunhlui min hriat chhuah tir leh ta. Kum sawm êr awrh emaw chauh la liam mahse ka nun in a tawn tawh loh tur thil te khan lung a ti lêngin ka nunhlui a ni ve tlat (keuh mai a).
Pian leh mûrna te a in an loh avangin kan hun hman thin dân pawh a danglam thei hle ang. Khawpui a piang leh sei lian te chuan thingtlang naupang ten hetiang ang hun an hman dan pawh an hriatpui lo khawp ang le.
Thingtlang naupangtê mai kan nih laia(ti ve khanglâng ila) tûn ang hun chho kan hman dan te kha mi(sual) ho kan share ve mai mai ang che u. Tu te emaw tan chuan eng he hu ni lo mahse ka tan chuan ka hriatreng tur thil hlu tak a ni ve tlat.
Thang kam: Tui a tlêm tan a, ram ngaw kara kawrtê a tui te chu sava in an tlân thei em em a; kei nin remchângah hmangin thangthlêng kan lo kam chat thin.
Phûr taka thang 20-30 bawr vel te kan han kam hi chuan a tûka en hlan mawlh hi kan nghakhlel thin. Awh pawh kan âwk nual zel a, han hlawhchham thak châng kan nei lo hial in ka hria. Vawi khat ka thianpa nen Hrângtûr ngaw khup kawrtêa thangthlêng kan kam tum phei chuan sava an tam bawk a, kan thang te kan han kam zawh meuh chuan a tîr lama kan thang kamah chuan sava pakhat ve ve kan lo awk hman reng tawh maw le, nuam ve mai mai tak a ni.
Mahse vawi khat mak deuh maia thangthlênga rûltuha ka awh kha chuan a thang chawpin ka paih vang vang. Tuitlân bakah, rahtlân te leh sava lian awhna chi beâi, khaileu te pawh kan kam nasat ve tak kha maw. Sazu thang thenkhat keimahni siam chawp leh thangchep te pawh kan han kam a, zuhrei dul vâr hiar te, zupâwl te, ramzu te a lo awh zân kha chuan kan va bengchheng thei tak em!
Sava veh: Zingkâr ah leh tlái sikul banah sava veh turin saihlum tam tâwk, rapa ur ro dum deuh thâl nen kan han chhuak ve leh thâwr mai thin a nih kha. Ka themthiam vak lo nge sava hi kut tang thliak a chhiartham lek ka perh thla tlat. Perh thlak tum hi chuan pâwr tawkin thiante hnenah, “Perhthlak hmui ziah” ti ila kan ti ve thla zen a. Tumah tak tak chu ka tihpui lem hlei lo chu nih kha.
Tui chen: Sikul chawlh an ni chho a, tih tur dang nei hek lo le, ram kal, lui kal leh tuichen kha kan hna pui ber a ni mai a. Thlasik tui a lo vawt tawh bawk a, tui chen loh kar lakah tiauvut sâ ah kan han inphum a, reilo têah tui ah bawk kan zuang thla leh mai thin. Ril a tam deuh leh kan man khawm uchang, chakai, tuikep leh kaikuang te mautheia kan chhum loh pawhin kan rawh sen hàm a; hâng tui thei tak chu ni. Duhtawka kan chên hnu tlai lamah mit sen rûm, hmai khing ûrh, zawi tâwkin kan haw thei hram thin.
Heng bâka nuam ve leh mai mai te:
- Di hmuna in râl lemchan / indo lem
- Tawlhpahrît tawlh
- In marble perh
- Krismas-a halpuah leina tur thingtuai pû a inhlawh
- Sazu kaw laih
- Vûr dawh
- Zánah mi in a TV en
Hnah lâk: Krismas-a ruaithehna tur hnah lák mawlh hi nuam kan ti thin. Kohhran pakhat tawp ruaithehna tur kha chu tam tham ve deuh a ngai a. Tlangval, mipa naupang chenin kan thawk chhuak a. Khua atanga hla lutuk lo ah kan la tlângpui a. In nghahkhawmna tur siamin kan vák darh sung sung a; duhtawk kan lâk hnuah hmun khata dah khawmin;
Tlaizawng pâr te, tlangsam pâr te, hnah thenkhat leh baloon te in kan cheimawi a, kan zawn hawng ta thin a ni. Khaw luh tan tirhah nulâ, tleirâwl leh hmeichhe naupang chenin min lo hmuak a. Thingpui sen hang sa tâwk, kurtai leh chhangban te min lo hlui thin.A hun lai kha chuan a aia nuam a awm chuang lo re re.
Bonus: Khawlai a tâl tam na nâ na chu thlasik present ‘chât’ kha kan dawng tha thei em em mai a. Thim thet thet ah nû te feh hawngin tui vawt ngei mai khan min han bual a; duhthusâm a lo chât tawh, tial ruai, khi deuh that tawh kha chu nawh khawk chi rual ni tawh hek lo.
Nu te feh haw chau tawh hmanhmawh bawk chuan “Tiang em em a chât tur a ni hlei nem. Mahni pawha in nawh ve thin tur. Kha! nangmahin in nawt teh!” tih pah a nawhlung lian tawk tak maia kut tang ah emaw kheimit ah an han khawng palh zeuh thin mai kha chu vawt ti tawh khur bauh bauh bawk nen a va han na thin tak em!
Similar Posts:
- Kei ka tan chuanin.. Lunglen a na e..
- Thlasik hi a lo nuam ber e
- Hlum leh Sava
- THANG PART-II
- Thlasik rim a nam tan…
Motor khalh reng reng chuan...
November 20th, 2011 at 10:35 pm
Chhiar phawt ang
Report this comment
November 20th, 2011 at 10:58 pm
Lung hlui i tileng mange post tupa chu. Ar hmul thiah theih khawpa chat te pawh kan hlau thin tak e a. Buk han sak ngei te kha aw…… Zingkarah kan va thu vang vang a, tlai lamah kan va thu leh vang vang thin kha a nia. A lo hahthlakin a lo va ngaihawm si tak em aw………
Report this comment
November 20th, 2011 at 11:00 pm
Kan naupanlai min hriatchhuahtir…lung a leng hle mai..
Report this comment
November 20th, 2011 at 11:08 pm
Lung i tileng mange
Kiddo chu kan khaw thenawmpa ni rengin
Report this comment
November 20th, 2011 at 11:08 pm
thi ser ser khawp a chat tawh chuan, nawt vak mah i la, a sen tur a, a tial nuau ringawt zel.
Report this comment
November 20th, 2011 at 11:13 pm
Thangkam mawlh mai kha ka van hrat tak em!Ka sut leh awm reng reng ka hre lo.Ipte khat tlat a saihlum ka ah chhuah pawn ka perh thlak awm pawh ka hre manglo.Mahse ka hrat ve viau tih ka hria.Ka lung i va tileng ve maw le,ka vaw hrep dawn che maw ni le.Ka ngai hle mai lungkham reng kan neih loh lai kha
Report this comment
November 21st, 2011 at 12:07 am
chhiar a van nuam tak em, lunglen thlak hle mai, ‘Beai’ vel te pawh kha, ram Ar lo awh fuh pheichuan Nuam lutuk ni mai, Ka lung tileng tu deuh chu hnah lak, ka ngaihtuah let hian chiang lutuk in kan hnah lak lai thin kha ka la mitthla thei, ngaihawm khawp mai.
Report this comment
November 21st, 2011 at 12:17 am
Naupang ka nih ve lai chuan tun ang hunah hi chuan buh sengin vanhne dai ah ram ka riak tlangpui!
Thangchep-a ka awh hmasak ber chu Laiking chal zet mai hi zu ni teh tlat a! A sa ei tur a vang ngang mai!
Report this comment
November 21st, 2011 at 12:28 am
A lunglen thlak ve reuh hle mai
Thangkam. kan kawt ah ka kam a, kan thenawmte arpa a awk a, ka hlau lutuk kha ka biru daih!..engtin nge a awm ka hre zui lo..
Save veh. Ka u lehkhazir hi Aizawl atangin a rawn haw thin a, air-gun tin chhanah min hmang thin..
Tuichen. Tun thleng in ka la thiam lo.
etc,.
ka nuapan lai a khawihli leh kechat kha..kan ke kha a chat thei rem rem khawp mai..a thi sung thei.
Engpawhnise, ka ngai lo ..
Report this comment
November 21st, 2011 at 12:29 am
I ziak lunglenthlak reuh, chhiar a nuam hle mai. ‘in marble perh’ i tih khi ‘inkar’ kan ti thin.
Report this comment
November 21st, 2011 at 1:00 am
Tuitlan kam kha a nuam mawle….’perhthlak hmui ziah’ a ngaihawm mange.
Hnahla hlui te kha fatu ten min han duhsak deuh thin kha nia…nuam thin khawp mai..Post chuan ka lung a tileng hle mai.
Report this comment
November 21st, 2011 at 1:39 am
Puk turin lei kan lai khuar a, rei fe kan laih hnu chuan thlantla hluam in kan zo ve hram a. Chutah le! ka pu in a kel vulh lai ek tam lutuk tak mai chuan min han hnawh khah tir leh vek mai chuh… Ti lo ngam si lo ui bok si, ui tak chungin kan chhilh khat leh ta a nih kha..
Chhungten an phal loh vang tak khan ram kal ruk kha lo nuam ber mai…
Report this comment
November 21st, 2011 at 2:15 am
Thang hi ka la kam ve miah lo ani awm e a,tlakhawlh bak.
Balu chen ila sawi tel lo…ka hardcore thei rapthlak. 
Report this comment
November 21st, 2011 at 2:56 am
Hillsong gospel music ministry leh joyce meyer delhi ah rawngbawlna january 28 e 29 2012 hian an lo nei don a tu nge ticket duh 100 rupees, limited tickets
Report this comment
November 21st, 2011 at 2:57 am
Fonz #14 lo black la
tlai lam share man turah 
Report this comment
November 21st, 2011 at 3:03 am
“Khaileu” i tih ang thang hi kala hrengai miahlo anih hmel. Khua a dang a tawngkam hman a dang thin ang hian a danglam nge ni dawn tehreng ni! (Ti deuh duah hairehai)
Tuitlan thangkam chu anuam ve thin khawp mai. Thangchep leh Thangthleng kam hi ka hrat zual thin. Zupawl man nan, pawl chil a man nan erawh Vaithang kan hmang thin khan ka hria. Thangthleng awk, sava la nung han perh pawp pawp hi fuh a har phian. Hla ve tak2 ami perh thla ve zeuh2 fo mah ila hmun leh hmunah ka perh thelh nasa thei khawp mai.
‘Perhthlak hmuiziah’ hi a hunlai chuan alo nuam ve thin viau mai. Ka ngaihtuah kirleh hian sava te tak te te nun duh ve reng, an tel lova chaw dang nei tho siin khatia kan lo suat vak vak mai thin kha ka inchhir, pawi ka ti vawng vawng thin.
Report this comment
November 21st, 2011 at 3:35 am
Tho leh rannung dang ka ka that fo mai hi ka in chhir thin a hnu ah mahse huan kan neih miau avangin tih nggaihna a awm si lo.
Report this comment
November 21st, 2011 at 3:43 am
zodin, in thenawm te huan, i huan kha maw hairehai
Report this comment
November 21st, 2011 at 7:44 am
Tlawmngaihna kha a ngaihawm a ni mai a, tun ah chuan khang hun lai a tlawmngaihna aia upa zahna te kha an lo reh zo ta, aia uten min tirh hun nghak reng2 leh an sava perhthlak chhar tur ringwt ten min hruai thin kha a nia.huizz
Report this comment
November 21st, 2011 at 8:01 am
Kan naupan lai hun hmandan a in an hmel hle mai. Lung i tileng pha tlat. ‘khaileu’ i tih khi, Sahdal ang deuh, Lei a chawzawng chi, Chìp leh Lailen tihvel awh nan a kan kam ang chi kha a ni ang em aw?
Report this comment
November 21st, 2011 at 8:26 am
Thang ka kam thin, ka âwk ngai lo; sava ka veh thin, ka perhthla ngai lo; sikul banah tuikhuahah ka chêng ve thin, tun thlengin tuihleuh ka la thiam lo!
Report this comment
November 21st, 2011 at 10:02 am
Chan loh laiin post a lo chhuak leh tlat mai.. @sisen chu kan khaw thenawm lo ni ve reng che chuan
.. Pu HV & PKfanai – sahdal nen a in ang deuh reng. Vahrit, varung, etc. vel awh nan pawh kan hmang.
Thil pakhat ka la sawi hmaih chu veng dang nen Rial no in chuha kan inkhelh thin kha..
Report this comment
November 21st, 2011 at 2:13 pm
hnim bawhen pawh ila sawilo….post tha e
Report this comment