+1 +2 +3 ka chhiar zo vek. +1 +2 +3 ka chhiar zo leh nghal vek. Chanchinthar(Zofate chanchinthar inhriat tawnna) chu ka vil hneh khawp mai. Thlahrang chanchin sawihona lamah pawh mobile-a thiam taka rawn post tuten tui taka an post zel theihnan post thar apiang ka lo like char char nghal zel bawk.
Ka FB thiante activity thar pawh a indawtin sawi dawn ila sawm vel lai chu ka sawi zuah zuah thei ang chu. Khaih mah aw…Rin Sailovin Para thlalak a comment a, chutah Para’n ‘ I van ho tak e aw’ a lo ti a, chumi hnuah Scooby-Dooo in a wall-ah a riltam thu a rawn sawi vak a, mahse tuman an chhang lo, chutah rei tak lo reh vang vang tawh Felopear a rawn inlar a, a ngai te bawkin a rawn insawi thei leh.
Ka sawi chhunzawm tawh lo mai ang. Group ka join zawng zawnga comment ka chhiar chhuak dap vek a, engmah ka dah SEN(red) hman lo hrim hrim. E heu! U RemLala(hming thlak) chu, zan dar 1 velah pawh a la GREEN vang mai a, nula thlalak a comment zut zut mai. Nupui a nei tawh reng si a, an nun hria se a nui sen sen miah lovang maw le. Hetianga FB thil thleng thar ka chhiar zuah zuah lai hian ka offline reng tho maw le, tumah ka comment ve lova, tuman min comment ve lo bawk.
Ka FB chu minute hnih khat danah ka logout a, ka login leh thin. Ka chhuahsan apiang in Misual ho zingah ka khawsa a, tah hi chuan min hretu an awm vak lo bawka ka comment ve leh zuah zuah thin. Misual comment pawh ka chhiar chhuak zing na rawh. Hei tunah pawh Pu HV-a’n a comment zo chiah, Tuaisiala a rawn lang, Asteric-in a rawn zui, Sheldon pawh a la mu lo a nih hi, Funny , doc_lib, lr hlonchhing etc.., a thupui a hot a niang.
FB-ah ka lut leh a, thenawm vaipa, lehkha zir reng mai, computer pawh nei lo, FB a hawntirh baka chet la la miah lo pawhin hei a thiante a ngaihzia a rawn sawi ve duah mai. Engatinge tun lai hi, thil inthlak danglam a awm em ni le!? Hmania Aizawl atanga ka chhuk thlak laia ka silipar tuam nana ka hman Vanglaini Advertisement inziah dulna chu a vawi hnihna atan ka chhiar chhuak leh vek tawh.
Mosia tui fim, tuizem mawng lang tlang thei, Septic tank khah theih lohna(sakawr ek tha chi…E!) , ka inhmun bajaj scooter hlui nen ka thleng phal (eheu..!), mizo idol leh icon lo ni tawh zawng zawngte chumi khamiah chuan inhmuh khawm tur( Pu Hawla an hmu dawn mi le?). Ka by-heart vek lo chauh tawh.
Engatinge hetia ka awm tak mai le, ka za chunga thil lah chu a hma aiin ka chhinchhiah thei zek leh nghal. Youtube-ah ka lut a, Pu Darthuama sak ‘Aw khawnge maw i awm le’ ka’n ngaithla leh a,min va’n hnem teh reng em! ‘Ngaiteh kum hlui’ ka ngaithla leh a, ka mittui a parawl lo chauh, ka lung a leng leh em em a, thil pakhatah rei tak ka fu thei lo, ka ti lawr dun dun a, tih tak zetin ka ti zel ang lawi si! Ka harsatna hi min han chinfelsak teh u, mahse hei erawh min hriatsak ula, naktuk hian Ekzam kan tan dawn.
Similar Posts:
- Mi(5ual) Plugins a Duhthu ka sam na!!
- Misual.com a thil mak ka tih chu
- Ka lawm e, misual.com
- misual+1.com
- Misual.com feature thar chungchanga Pu Bena kawmna
Motor khalh reng reng chuan...
November 21st, 2011 at 6:24 am
1st nan kan comment ang che
Report this comment
November 21st, 2011 at 6:31 am
Exam dawn hi chuan kan heti thin, thil kalphung pangngai tak a ni e. Exam nuam le.
Report this comment
November 21st, 2011 at 6:36 am
Chhiar hmain comment ve tlats.
tren tren.
Report this comment
November 21st, 2011 at 6:53 am
Mi sen leh hrin emaw mi comment chang run lo khan zir ve mai la ti nia mawle..tak2 a mawlh loh loh tur hian min mawlh duh viau asin hairehai
I exam chu uluk takin i chhang dawn nia. Ka duhsakna-in va exam ta la
Report this comment
November 21st, 2011 at 6:55 am
Tha deuh khan ziak ang che. I awmdan ang hi chuuuuu mi pangngai awmdan a ni e, exam fever. Nidanga en peih ngai miahloh cricket te hi a hmuhnawm em em mai a ni.
Report this comment
November 21st, 2011 at 7:00 am
Ka hming i lam ve manah ka’n kawmen sak hram teh ang che
Tak tak an a, exam dawn hi chuan inkhelte hi a hmuhnawm nawm an chhawp chhuak ni berin a hriat a. T.V ah lah, film hmuhnawm nawm a chhuak a, mut te a chhuak hma em em a.
Hmana kan chhiar peih ngai loh, chanchinbu hlui te pawh an ngaihnawm em em thar thut a…
Aaa…a tam mai. Exam fever a ni e. I natna lam a ni lem love. Anyway, all the best for your coming exams.
Report this comment
November 21st, 2011 at 7:02 am
Miss Aduh, ka style i la
Report this comment
November 21st, 2011 at 7:04 am
lol LR i comment dan tur hi inlarna ka hmu a ka lo comment khalh che nih hi.
Report this comment
November 21st, 2011 at 7:05 am
Miss Aduh, kan rilru a in ang. Kan inkawmngaih ka ring
Report this comment
November 21st, 2011 at 7:11 am
In va ti ti tik hma hlawm ve. Good Morning vek u. Exam tih vel kan kalpel tawh hi chu a nuam mange
Report this comment
November 21st, 2011 at 7:12 am
LR inkawmngeih i tihna ni lo maw bwahahaha
Report this comment
November 21st, 2011 at 7:18 am
I va ti lunglenthlak ve aw, exam te i rawn sawi le.. A nih dan tur dik tak a nih khi aw, i awmdan khi.
tren tren.
Report this comment
November 21st, 2011 at 7:20 am
ehiau, ‘ka inhmun bajaj scooter hlui nen ka thleng phal’ i exam na ah chuan tha taka i tih theih nan ka duhsakna ka hlan a che
Report this comment
November 21st, 2011 at 7:24 am
Tun atanga darkar reilote ah hian post tupa hian exam hall ah lu hiat noh noh chungin “Unit 4 hi a lo tel ve reng anih hi” a tih duh hmel. Heyyyy post tupa i post rawn check zek zuk suh lehkha zir rawhhhh.
Report this comment
November 21st, 2011 at 7:40 am
Exam lai hian kan rilru kan lo sawrbing nasa thei hle hi a lo nia. Thil danga kan pakai zauh chuan, kha kan thil tih apiang mai kha tunhma zawng aiin kan tuipuiin kan rilru kan pe thin alo ni. I exam atan, “All the best”. Thildang chu avoid han tum char char rih ta che.
Report this comment
November 21st, 2011 at 7:52 am
I va ninhlei em em ve. A engah nge maw, nanga exam tura pawh chuan post i rawn siam hmasak chawng chawng le! Exam hall-a i thut chhung zawngin, ‘Misual.com-a ka post kha comment a tam tawh ang em le, engtin nge an comment hlawm ang aw, lr & sheldon’n engtin tak min chhang ang maw, tunge first pek ang, post lawm hlawh tak a ni ang em,’ tih vel ngaihtuah reng rengin hun i hmang ang a, comment chhan let châkin i za zek zek bawk ang a – ui, tha taka i exam theih ka van beiseipui lo che em!
Report this comment
November 21st, 2011 at 8:27 am
Ku TSA Comment khi ka duh ut2 lutuk haha! Tha deuhin va EXam rawh
Report this comment
November 21st, 2011 at 8:42 am
ha ha, han exam phawt mai teh. exam hall ah hian keichu saptawng hi ka thiamthei khawp mai, kawi hnih khat pawh tawng theilo khan, exam hall ah chuan english thumal mak deuh deuh hi ka phuah zung zung tawh mai thin he he, all the best
Report this comment
November 21st, 2011 at 8:52 am
Second 5 chhung vel Lir a nghing, a sawi na ang reng khawp mai.
Report this comment
November 21st, 2011 at 8:55 am
Lirnghing in sawi luai2 mai kan vengah a nghing ve miah lo mawle
(nge ni a ka hre ve lo zawk 
)
Report this comment
November 21st, 2011 at 8:55 am
Kan lehkha zir laiin internet a rim a ra pawh kan la hre lo hlauh. Mahse Asterix, Titin adventure bu thar a awm vaih chuan chhiar phawt a ngai, exam lai pawh nise.
Report this comment
November 21st, 2011 at 9:00 am
Lehkha chhiar(zirlai bu chhung thu chhiar) tihvel chu i taimak vak dawn loh hi, hunawl i ngah e mai. I fb renga internet i khawih reng chuan i duh anga tha chuan exam i that a va rinawm loh ve maw le. buh-duha, i zirlaiah khan lo serious leh zual ta la chuan kan va lawm lehzual dawn em. Net i khawih aia tam hi lehkha lo chhiar tawh ngei ngei rawh aww
Report this comment
November 21st, 2011 at 9:04 am
Exam dawn hi chuan kan zir nasat poh leh thiamloh kan la ngah zia kan hria a, rilru a hah telh2 thin. Zirloh leh lutuk chuan rilru pawh a hah theilo
Report this comment
November 21st, 2011 at 9:08 am
Comment a tam poh leh a rilru a buai ang.
Report this comment
November 21st, 2011 at 9:08 am
All the best for your exam. Lehkha zir apiang a mut a chhuak hma ziah hi chu aw!
Report this comment
November 21st, 2011 at 9:25 am
Zir ve teuhva fail leh si ai chuan, zir loh tawp tur. A hahthlak.
Zirloh pawhin a fail theih em mai
Report this comment
November 21st, 2011 at 9:30 am
Zir ve teuha fail leh si ai chuan zir teuh a tha deuha pass thek tur. Mizo te hian tinge maw lehkhazir tam nih hi kan zah thin le? Exam hall kawt titi te hi “ka thiamlo engmah ka zirlo reeeeeng reng” hi a ni fo. Vai ho ve thung, thiam lemlo deuh te pawh hi i titha em han tih chuan tha e an ti vek!
Report this comment
November 21st, 2011 at 10:30 am
I ziak tan tawh ngei awm siah… I thiam chhun kha chu han uluk em em phawt la, i pen chhin kha Thir ni lo hram se tha ang, i ha chhe vek palh ang
.. Tak tak a, tha deuh in le
Report this comment
November 21st, 2011 at 10:41 am
Tunah tak hian Post tupa hmel ka hmu chak eeee…
Report this comment
November 21st, 2011 at 10:42 am
Han online pah zeuh zeuh la maw le.
Tak taka, i thiamloh chu Google ah zawng mai rawh. Pass mark i ziak thei hrim hrim
Report this comment
November 21st, 2011 at 10:55 am
Lr Google i kawhhmuh ta tawp mai nimaw, hehehehe a ti leh duh tak2 mai ang
Report this comment
November 21st, 2011 at 11:08 am
i thiam a chhuak lo a nih kha nangmah kha lo chhuak mai rawh..haha..
Report this comment
November 21st, 2011 at 12:03 pm
lehkha zir ngai lova thiam theih ni thin se a chakawm thin
Report this comment
November 21st, 2011 at 12:28 pm
buh_duha chu… i zirlai i thiam tawh a, exam i chak tawh lutuk anih hi….. i examnaah i tih that ka beisei e..thiam loh chuan rilru a hah duh a,i rilru chu a hah hran lo anih hi…
Report this comment
November 21st, 2011 at 2:05 pm
Engkim hi a tawk chiah turin Pathianin a siam a ni.
Report this comment
November 21st, 2011 at 2:36 pm
I han ziah tak tak chuan naktuk maia Exam tur huphurh ang reng, chak bawk si pawh i ang hle tak tak mai.!
Zirlai ninhlei tak awmdan tur i han suangtuah chu i ziak thiam hle mai. Realisation Specialist ah ka puang mai dawn che em ni aw ?
Ni e, fb/Internet te hi chempui hriam tak hi a ang berin ka hre ve thin.Chempui hian Buh a thlo chhuak a,mi sah nan emaw, tualthah nan emaw a hman chuan lungin tanna a ni leh mai a. Good Post.
Report this comment
November 21st, 2011 at 4:38 pm
Kha hei hi i tan liau liau..
https://imageshack.us/photo/my-.....gbirs.jpg/
Report this comment
November 21st, 2011 at 4:56 pm
Mi(sual) unaute in duhsakna avangin ka lawm e…ka va exzam zo chiah e. Kan zirtirtupa’n mi khawngaihna a hma aia a neih nasat viau chuan ka fail em lo turah chuan ka ngai
Report this comment
November 21st, 2011 at 5:08 pm
I fail chiang ang chu awww…haha!! In hnem na dang a awm lo. I fail ang,a ngaihna I awm lo.
Keipawh kan BA zir laia ka tih dan alawm,ka fail ziah. (hnem lo ve chiang asin 
)
Report this comment
November 21st, 2011 at 6:07 pm
ha9….ka chhiar chhuak vek….a tawpah ka nui nghek….pen sehchhia tur kha a tlawm chi lei rawh, ziah tur i hriat loh takin
Report this comment
November 21st, 2011 at 7:32 pm
Naktuk phei chu ni sakei a ni ringawt dawn! Ka hre sa reng. Ziah tur ka hriat loh pawhin thianpa style lain a kar lakah mizotawngin ka ziak ngheng anga a ni mai!
Report this comment
November 21st, 2011 at 8:03 pm
Ni sakei…. Tehkhin thiam vei !! mizo tawngin i exam emaw tih a?
Report this comment
November 21st, 2011 at 9:15 pm
Eve@ Mizo tawng vekin ka ngaihtuah!!hehe
Report this comment
November 21st, 2011 at 9:53 pm
In exam chu misual.com Apr atang Nov 11 vel syllabus ni se i thiam dawn khi a. Naktukah FB group hrang hrang mizia te ni leh se la
Report this comment
November 21st, 2011 at 11:09 pm
Naktuk ni sakei atan i zir mek nge i Fb ru, nge comment pe ngam chiahlo in i mi(sual), nge ni a i muhil tawh? I buaizia kan hria a, result pawh kan hriat leh ngei a ngai ang
Report this comment
November 21st, 2011 at 11:33 pm
fb vel hi kei pawh miin min siam sak ania. Groupte hi min add a , ka leave zel a. Duh ai a active a awl riau. Misual pawh hi ka leave a, mahse ka lut leh a. Fb pawh hi tha ve deuh si, a thatna em em sawitur awm em em si lo, thil tha deuh lo awmtur anga ngaihna hi ka nei deuh reuh leh nghal a. Ka bansan tep, orkut kha chu ka bansanna a rei tawh.
Hun a heh reuh riau hlawm a
Report this comment
November 22nd, 2011 at 12:17 am
i va ziak thiam zit zet ve.. Lehkhazir peihlo, rilru chak deuh i nisa!! I tawng thei reuh bawk ang.. Het.. Coment lo check suh.zir rawh.
Report this comment