Kristian kan ni a, kan inneihna thutiam pawh damchhung atan Pathian leh Kohhran hma ah kan tiam thin. Kan thutiam hi kan va bawhchhe nasa hlawm tak em. Mahse, kan thuthiam hi bawhchhiat a tul takzet hun kan tawng te pawh a ni thei ve ania, ti daih teh ang. Chuvangin kan thutiam bawhchhiat a tul lohnan fimkhur takin nupui/pasal neih a tul.
Khawvela milar ho nun kan en chuan nupui/pasal hi an nei deuh mawlh mawlh mai a, pakhata lungawi hlen ta hi sawitur an awm meuh lo chu ania. Liz Taylor phei kha chu a pasal ngai te a nei nawn leh vel a, an inneih nawn leh hma karah pawh khan mi engemawzat chu an tlazep hman a. Hengho nun hi a bo a bang awmlo in kan hriatsak vek theih tawh vang hi em ni ang keini ho pawh hian inneih leh inthen hi kan awlsam a kan pawisak loh tak em em?
Damchhung atana tiam tawh na na inthen leh sawimawi tlat mai chu kan kristianna atanga thlir chuan a dik hauhlo mai. Mahse, helai hi a sir lehlam atangin kan thlir a, a hnuaia ka ziah point te khu han ngaihtuah ve chhin mah teh u :
1. Inthen hi that ve na riau a awm ania! Inneihna hian mawhphurhna a keng tel a, ngaihdan inanlohna avangte leh thil dang dang vangin nupa ni reng si hi inhlat tak in a awm theih a, inkhata cheng dun siin mihrang daih angte pawhin a awm theih a. Lungrualpui theihloh neih reng ai chuan inthlah fel mai hi a tha zawk ang em?
2. Vaiho inneihna hi a nghet em em mai a, Arranged Marriage a ni tlangpui a. Inthen ngaihna awmlo khawp a nghet ani. An society ah inthen te dinhmun a chhe lutuk. Engvang pawha nupa nun a lo sawngkawn khan an inthen ve mai mai theihloh vangin nunna in a tawrh chang a tam a ni. Pasal in a nupui a thah tak mai te, pasal chhungte’n an monu an thah thu te kan hriat fo hi. Harsatna a awm a, an dan ah inthen a har si a, nunna in a tuar fo. Chuvangin a chhe tawpkhawk thlen ai chuan inthen kan awlsam viau mai te pawh hi a thatna lai a awm ve a nia.
3. Nupa kan ni a, fa te kan han nei a, mihring hi kan pangngai reng si lova, kan nupa nun a lo surha ta a, chuti anih chuan nupa nun kha chhungkaw laimu, chhungkaw phuarkhawmtu a ni si a, kan nun surha kha engang pawn thup tum mahila, a theihloh. A tuartu chu fate an ni. Nu leh pa hlimlo kara naupang seilian chu a hlim ngai lovang a, a nun a tlan chhia ang, amah ah inrintawkna a nei lovang a, a thanlen zelna ah a nun a puitlin loh phah theih ani. Chutiang tehhrep ai chuan nu leh pa tan, lum leh lum, vawh leh vawh tih mai ila a tha ang em aw?
4. Mizo te kan vanneihna ni a ka hriat chu, nupui pasal neih kawngah nuthlawi/pathlawi iaina/hmuhsitna a nasa lutuk in ka hrelo. A bikin pathlawi phei chu tlangval nen danglamna a awmlo tluk a ni. Misual ah pawh ‘Pathlawi virgin’ te pawh kan awm kha 
Mipa tan nula thianghlim chu duhthusam anih rualin nuthlawi te pawh hmuhsit leh hnualsuat em em hlawh lovin kan Society hian dinhmun tha ah a dah ani.
5. Kan Mizo Society hi a zalen em em mai a, nupui/pasal pawh infawm nawk nawk kan awm nual ang. Tichuan kan han innei a, rin aiin nupa nun hi a lo har si a, mizia engmah inhrelo, infawmchawp takmeuh te kan nih vangin nupa nun kha hlimna hlir a lo ni hleklo mai a. Ka nupui/ka pasal kha ka rinphak baka ho alo nih a ka rilru a hlim ngai tawh dawnlo kumkhua anih chuan a pawi thui hma, kan nun kan tih khawloh zawh hma a inthen mai hi a tha ang em?
6. A tawpna atan – Ka hmangaih leh duh viau a ka hriat kha nupui/pasal ah ka nei a. Kan hlim chho viau a, mahse, ka tum vang ni miahlo in ka nupui/pasal ka hmangaihna kha a chuai tial tial ta mai. Ka nupui or ka pasal ka thlakhlelh em em thin kha ka it lo in ka mamawh lo ta tlat mai, tichuan kan inkar chu a zau tial tial a, hawihawmna chiah in ro a rel ta.
A rei tial tial a, lerh em em vang ni miahlo in tuemaw ka va hmangaih ta tlat mai. Engtinnge ni ang? Heihi Pathian ngaihah chuan sual tawpkhawk a ni. Hetah hian Khalil Gibrana philosophy ka ngaihtuah chhuak thin. Ka chungah a takin lo thleng ta se engtinnge ka tih ang tih hi kan inzawhna ni se.
Kan Pathian chuan ‘..Pathian in a zawm tawh chu mihring in then suh se” a ti a, kan duh a kan hmangaih a kan va nei tawh anih chuan hriatlawk loh engang harsatna pawh tawk ila kan hmachhawn ang a, a tuar pawh kan huam tur ani lawm ni tih hi ngaihdan tlanglawn tak ani ang a, dik pawh a dik ngei ang. Mihring nunah hian, a sawi a sawi chu awl tak, a practical a nun pui har tak mai hi a tam a. Inthenna leh a chhehvel boruak pawh hi a sir lehlam atangin ka’n thlir chhin a ni e.
Inthen ka sawimawina ah in lo ngai ang tih ka hlau rilru a, inthen sawimawina thu nilo in nupa kara buaina awm thin te kan sawiho nan thlir dan ‘he’ a thlir chunga rawn ziak ka ni. Hmelhriat leh thiante thiltawn mek leh tawn tawh thlir chunga ziak ni. Tin, Nupui/pasal kan neih danah fimkhurna rilru ka tuh theihnan a ziak ka ni bawk.
Says:
Ha na pawh hi phawi in a...
November 21st, 2011 at 9:02 am
Min pawtthla s’u aw..!
Comment ka’n chhuk thlir te’ng.
November 21st, 2011 at 9:11 am
Nupa chungchang lam hi chu comment #1 ami khian sawi tur a ngah khop ang.
A dik hlawm khawp mai
November 21st, 2011 at 9:22 am
A dik hlawm khawp mai. Inkawlkalh deuhva nupa nun hmang ho chu, an khawngaihthlak mai mai a ni. Lehlamah chuan, Pathian hmaah meuh “A pa/nu chhiat pawhin, a hausaka retheih pawhin, a nuamah leh hreawmah pawh” tia kan chham duai duai tawh chuan; kan hlen ngam tur a ni. Karah fate an lo pian tawh ngat phei chuan, fahrah siamtu leh nupa inthen avanga nun kalsual siamtu mai kan ni ang.
Ngaihtuah a ngai e.
Chuvangin, thu tlukna fel ka siam ta a, a RUK a ruk tawp mai a tha. Mihring ruk a nuam ber an ti, min um dawr dawr zel e an ti 😛
November 21st, 2011 at 9:26 am
i point rawn sawi a tang chuan a ni thluam vek mai, mahse kanti ve hram teh ang, kan inneih chhan a pawimawh khawp mai, mipat hmeichhiat in it tawnna ringawt te, sum leh pai um a inneih ngawt mai te, hmangaih ni a a in hriat chhan a kha engvangnge… nupa nunah hian in zahtawnna te, in hriatthiam tawnna te, in ngaihtlawmna te leh a bul berah Pathian kan dah tlat chuan a inthen theih dawn em ni? kan rawn ti ve duah a ni e
November 21st, 2011 at 9:31 am
Hei vang tak hian alawm, “mipa/minu pawh biak chhiat loh tur” an tih thin. Mi duhloh hnu kan ta a ni thei a, kan duhloh hnu mite tan Rose par a ni thei. 😛
At kan so lawk a nih kha, post sawi tum pel rawkin.
November 21st, 2011 at 9:31 am
#2 Kan sawi dun dawn em ni ang?!
November 21st, 2011 at 9:33 am
Tisa mawina ringawt um a innei te hi an daih rei lo zual em aw???
November 21st, 2011 at 9:35 am
A ni khawp mai, Nupa in ngai tak chung pawh hian a lo in then theih khwp mai, hriatthiam har fu2 chu tam khawp mai, mihringte hi kan duh dan leh tum dan hian kan awm theihloh zia te pawh a lang uarh2 e
November 21st, 2011 at 9:42 am
Pakhatnaa in “kawm ek” khi ka ten tawp 😛
Pawhthlak chu sawi loh, ka khawih peih lo bur 😀
Inthen hi sawi mawi mah la, a thatna pakhat mah a awm lo. Min then lul suh aw, post tunu 😛
November 21st, 2011 at 9:44 am
Inthen ai chuan inthen loh hi a tha ber. Loh theih loh thil erawh thuhran a nia.
November 21st, 2011 at 9:47 am
Kan nu hi then ka hlau em kei chu, chuvangin dangpuithu zuar pahin; nula rim turin ka’n chhuak phawt ang e.
Lehlawk, ka la kham tlat lo. Pakhatnaa in kawm ek avang khian, a hnuaia mite kan uih phah vek 😀
November 21st, 2011 at 9:47 am
Mizo nupa inthen dan….Mak,sumchhuah,sazumeidawh,kawngkasula mak,uire…a dang engnge?
November 21st, 2011 at 9:49 am
Thlirna tlang hran atang chuan a awm ve viau mai. Mahse, tih/dawh hram hram peih hi a tha zawk lo’ng maw?!
November 21st, 2011 at 9:49 am
Kutthlak ching leh inhmusit deuh nupui/pasal neih hi a hrehawm ngawt ang. Duh taka inneih tawh chuan inthen loh dan kawng chu zawn a tha ka ti.
ehhh ka comment chu ka zak leh hnuhnawh, pasal 1 pawh hmuhzawhloh laia..
November 21st, 2011 at 9:50 am
Nupuiah hi chuan hmeichhia(hmeichhe rilru dik tak pu) hi han nei ila, a dik ber mai. Tin, hmeichhe tan pawh pasalah chuan mipa(mipa rilru dik tak pu) nei bawk se a tha ber.
tren tren.
November 21st, 2011 at 9:54 am
I thu ziak a ril phian mai…ni e, ngaihtuah ngun a ngai, in neih hma in, kawppui tur thlan uluk a ngai, mahse, inneih hma hian mitamtakin an zia an thup bawk si, inneih hnu ah an zia alo lang chhuah ta a, thenawm khawveng in an thawm an ngaithla thap tawh mai thin.
Mahse thatlai/tisa mawi lai chauh a inneih a, in milloh em em vang pawh ni chuang lova, mawina a chuaihnu a, trang danga inhersan hi chu – a fairlo ve khawp – love is blind.
Hmeltha-te-i ‘pi’ chu….. Hmartawp ram vawtah pawh vur zuar la i hralh teuh hmel, i sawi thiam hle mai. 😀 (Y)
Tangdang chhai chung zelin i tan ka la rinawm e…
November 21st, 2011 at 9:55 am
Nupa inthen chhan hi engvang pawh nise mahni hmasialna in a hrinchhuah ni tlat hian ka hre thin. Chuvang chuan ‘mahni’ hi kan indahthat phal phawt chuan nupa inkar thu hi chinfel theih miah loh tur khawp harsatna a awm thei dawn em ni chu aw ka ti bawk.
Tin, nupa inthenin chhungkua lo keh chhe mahsela Pathian hian kan tana tha thei tur ang berin rem min ruatsakin, fel taka ro min rel sak hi a bang chuang lo niin ka hre bawk thin.
November 21st, 2011 at 9:57 am
Xaia@12, peksa chang. 🙂
tren tren.
November 21st, 2011 at 9:57 am
At Xaia: Thihna(tang then), tlan (inkoh leh theih), leh adangte 😀
Dik tak maw?
November 21st, 2011 at 10:03 am
Sum lai tan pawh :d
tren tren.
November 21st, 2011 at 10:09 am
#17 sawi hi a dik khawp mai, A hmeichhia emaw Mipa zawk emaw hi lo in phah hniam thei in, dawhtheihna tlem tal chu lo nei se chuan, inthenna te hi a tlem deuh tur.
kan ti leh teh ang, Nupui/pasal inthenna tamtak pawh hi, Nupa intih thiamloh na ai mah chuan, chhungte leh Nupui/pasalte in tih thiamloh na pawh hi a ni ve chawk bawk. Nupa in ngai tak chung hian alo in then theih khawp mai, tih pawh ka hmu ve tawh e
November 21st, 2011 at 10:16 am
tunlai chu chanchinbu ah celeb ho inneih reiloh zia an chhuah reng mai.
November 21st, 2011 at 10:17 am
21
Guillermo endara (Y)
November 21st, 2011 at 10:18 am
Ekhai! Hman loh lai takin ka post chu a lo chhuak ani maw. Comment chhiar a nuam hlawm e. Inthen khi ka sawimawi miah lo ania. Khawinge indah free tum teh ang.
November 21st, 2011 at 10:21 am
Fa te tih fahrah hi ka duh loh ber a sin mawle ti ngawih2 hi ka hria asin, mahse a tawp tawh tlat. hei vang pawh hian Nu leh pa ten an duh loh chu neih luih loh hram te hi a tha khawp mai, Pasal te chauh nei a, an chhungte nei tel ve leh silo hmeichhia te hi kan tam ta lutuk deuh a ni, kum em pawh a liam hma in, indang nawr nghal ringawt chi te, mipa hi indang tur chi an nih chuan Hmeichhe sawi2 ngai lovin an in dang pui ve mai ang che u.
November 21st, 2011 at 10:23 am
Nupui/pasal neih dawnin fimkhur hle tur tih chin chu nula/tlangval ten kan bawhzui thei. Mahse, ‘Tiam tlat e’ tih hnu lam chu nu leh pa te ho khan han sawi zel teh un… Kan ti ve hram teh ang. Pathian leh kohhran hmaa intiam kha chuan thih thleng rak thlen theih kha chu a va tha em! Nupa inthen avanga fahrah leh sual kawngzawh te hi a va pawi em.
November 21st, 2011 at 10:32 am
Diktak sawi chuan min chuk luai luai ka ring a, hlau chung chungin ka post ania, in rilru a zau in in thlirdan a rational hlawm hle tih a lang chiang khawp mai. Inthen a tha e ka tihna ni lovin hemi chungchanga practical view nia ka hriat ka rawn tarlang ani.
Innneih tawh chuan inthen loh hram tum tur. Mahse, nupa kara harsatna kha tihngaihna awmlo khawpa a len chuan engtinge niang tih vel ani.
November 21st, 2011 at 10:38 am
kan inneih dan min phuartu hi a nep emvang a lom, chhuak roh intih mipa ho hian an uar a, kha khan hmeichhia a ti lunghnur a, hmeichhia te hi inneih na ah hian hei aia tam deuhte hi chhawmthei se, pasalte inah pawh an inti thu thei deuh ang chu.
November 21st, 2011 at 10:43 am
In ngaihdan chu a nih vak ka ringlo a. Keichu inneih hma a Live-in Relationship neih hi a tha ka ti. Awmdun chiah hian mizia chu a lang chhuak mai. In hre chiang a maw tih hnuah an innei a, mizia an han in hrechiang tak tak a an inthen leh mai bawk si. Nu leh pa mumal lo kar a seilian naupang hi kan chan a chau teh a nia. Fanau inkara a an lo awm tawh chuan inthen tawh lo tur khawpin inneih hma hian in chenchilhin han in hrechiang thin se.
November 21st, 2011 at 10:44 am
Hmeichhie Pianni chu an Pasal neihni hi a ni a, an nun bul an tan chiah a ni, Pathian tihmi tak chhungkua a apiang anih chuan a vannei a ni mai a, Hmeichhe tamtak chuan an pianni a ni tih hrelo in, tunhma a anmahni ina an khawsak anga khawsak an la tum thin. hei hian inthenna a ti tam
November 21st, 2011 at 10:44 am
sheldon Says:
November 21st, 2011 at 10:32 am
Diktak sawi chuan min chuk luai luai ka ring a..
Ha ha, ngai dàm tak tak an awm mai thei ni 😛
November 21st, 2011 at 11:36 am
Suala@29 phei chuan Live-In Relationship tha a tih thu a rawn sawi daih mai a, tunlai thangthar hi an rilru a advance em em tawh a, nupa nun nghehna atan chuan a tha ngawt ang, mahse kan Kristian na hian hei hi chu a phal loh avangin Mizo te hi chuan kan la accept theilo chu anih hi.
November 21st, 2011 at 11:40 am
Inthen sawi mawi lo ti chung rengin i sawi mawi bawk sia 😀
Ka la nei chhin lo na a, a boruak deuh lai kha a reh chuan in ning deuh mai te a awl ve viau mai thei. Khalai hun takah khan ‘Pathian hming’ a inneihna a nih hriatreng a tul thin ang. Nuam leh hrehawm pawh.
Ka support lo he post hi.
November 21st, 2011 at 12:18 pm
Inneih hi tih mai mai a ni lo.. thil ka hrechhuak.. hming ka sawi lo ang a,khaw hming erawh chu ka sawi mai ang.Lawngtlai ah kan pastor/ES in Dan Puitlingin a inneih tir a, hmeichhia kha Lunglei lampang a ni awm e.pastor chu Hqrs ah Meeting a neih dawn avangin programme zawh veleh an kal nghal a.Hrangchalkawnah thingpui ina an chawlh laiin chawhma lama a inneih tir a hmeichhia te khan an rawn umpha..an lo inthen fel leh nghal der tawh!!!
Dan Puitling/ Dan khatna tih vela inneih pawh hi a nghet vak chuanglo ni tur a ni.
Sap celeb ho lah hi kum tam fe innei loin an live-in thei a,an innei ta maw tihah kar khat hnuah te an in then leh mai bawk a, an mak ve ngawt mai
November 21st, 2011 at 12:39 pm
Thil reng reng kil 2 atanga thlir hi a tha reng a ni. Mahse, nupa inthen chungchangah erawh ngaihdan nghet bur ka nei.
Hmanah ang khan ka nupui hi hmeltha ka ti tawh kher lo. Ka ìt tawh kher lo.
Ka thlahlel tawh kher lo.
Ka thu ngaiin min zah tawh kher lo.
Zan tin kan nui dun tawh kher lo.
Mahse, uirena leh inhamtawnloh avanga fanau nei thei lo em te kan nih ngawt loh chuan nupa inthenna tling engmah ka hmu lo. (thihna chu lo dahtha ta ila) Tumah lo inthen suh u.
November 21st, 2011 at 12:39 pm
Kim Kardhasian te inneih rei loh zia hi..
inthen hi an inhau tlangpui :-O Kan mizo nunah chuan mipa chhungte lam an that loh hian hmeichhe tan a hrehawm a, inthenna thlentu tam tak an ni in ka ring..mahni mote fanu anga pawm hi harsa an ti deuh tlat thin.
intihthiam loh ni khuain pasalin a nupui thlavang a hauh loh phei chuan inthen a awl sam ngawt ang…
mipain zu emaw hmeichhia emaw thil dang a addict tlat chuan inthen a awl ngawt ang…. chutiangin hmeichhia poh zu duh tak tak pawh an awm ve ta
ka ngaihdan chuan inrem loa inneih reng kha engnge a tulna…. hlim loh chuan inthen mai tha ka ti…. mihring hi inmil chi an awm ve deuh hrim hrimin ka ngai bawk… mahni milpui nei thei ila inhauhna a tlem ka ring..inthen pawh a har ngei ang inhauh loh na na na chuan…
tumah hi inthen tur chuan an innei bik lo va, mahse inthen hi a lo tul leh fo mai… buaithlak e…nupui..pasal nei lo mai teh ang inthen a hlauhawm tih chi a ni si lo…akekekek
November 21st, 2011 at 12:46 pm
engpawh ni se Zu puh awih lo…zu te chu romantic canglelight dinner ti special tu alawm…ka in thin tihna ni loin (D)
November 21st, 2011 at 12:50 pm
Inthen hi a thatloh em avang in – Hmelhriat leh thiante thiltawn mek leh tawn tawh thlir chunga ziak ka ni. Tin, Nupui/pasal kan neih danah fimkhurna rilru ka tuh theihnan a ziak ka ni bawk.
Inneih tawh chuan inthen lehna tura buaina kan neih loh nan inneih hma in fimkhur ila. Fimkhur viau pawh hian hmalam kan hmulawk thei silo a, kan buai leh a, buaithlak emai, ban tlang law law mai teh ang..haha
November 21st, 2011 at 12:51 pm
zb, tlangval lai chauhin candle lit romance chu a hmuh theih an tia ni lawm ni.
zu in pasala nei duh an awm chuan poi lo, rilru milpui an nihte chuan inhauh kher a ngai dawn lo va…
pastor emaw evangelist, kohhran upa nupui pawhin kohhran ngaihsak lo va, inkhawm a peih loh chuan rilru inmil lo…inhauh tho a ngai..inthen a hnai tho.. :-$
November 21st, 2011 at 12:52 pm
Sheldon hi i celeb dawn tlat! Tang tang tang rawh.ka sapawt che a ni 🙂
November 21st, 2011 at 12:55 pm
Eve…zu te hi chu s** :-$ ang chiah ania,,,thil thalo leh tenawm lama lak chi anilo..a bik takin Mizoramah hian kan hmu sual bur nghal ringawt mai a …sex lama sex education kan mamawh ang hian zu lamah pawh zu education kan mamawh hle in ka hria (Y) …hawk a pawn a agree ang
November 21st, 2011 at 12:57 pm
inthen 100% fool proof duh chuan inneih loh mai tur 😀
November 21st, 2011 at 1:00 pm
uirena bak inthen chhan awm theilo tur a ngai pawhin uirena vang ni miahlo in nupui ka then(pasal min then). naupang A mai nih lai a nupui pasal neih hi a fuh ber lo.
Naupang zawk kha fimkhur rawh u, mahse hlauh tur erawh a ni lo a nia. neihloh hi a tha ber lo, a bikin hmeichhe tan.
November 21st, 2011 at 1:01 pm
zb 100% i rawt kher hi chu….chi mi loh viau ang maw le… :-$
November 21st, 2011 at 1:09 pm
kan lo in rawlh ve leh lawk, mihring hi a in an loh theih khawp mai, zu in sawi lut ta sasa kei chu ka tan chuan zu hi atha lo a, ka inlo tawp mai, chuan ka chhungte pawn tilo se ka duh bawk,meizial zu duh in an sawi mawi thin, kan thilduh te hi sawi mawi dan phet kan zawng thin bawk. zawrh chu khap2 a ngailo, mahse Bible kan en chuan
November 21st, 2011 at 1:13 pm
Inneih hi tih mai2 loh tur. Mahse, inneih rau2 chuan inthen loh tawp tur. Hmeichhia pawh, in pasal ten haw rawh, ka duh tawh lo che, an tih pawhin haw reng2 loh tur.Inthen ho hi a hnuah inchhir lo an awm ra ring lo….
Live-in relationship hi inhmangaihna tak2 atang a chhuak a nih ka ring thei lo. Sex bak beisei tur a awm lo. Kan thatlai a rei lo a, chuvangin live-in relationship pawh in a daihrei thei lo hrim2….
November 21st, 2011 at 1:14 pm
Q: Engatinge an inthen a?
A: An in ti thiamlo a.
Tih pawh in tih thiam loh chu. Va mak awm ve. 😛
November 21st, 2011 at 1:19 pm
Huiha…@roseparvul, nupui/pasal la neilo te kan discourage ang tih hlauhawm ta riau mai..haha.
Nupa inthen chungchang kan sawi chuan Zu ah kan kai nghal zel. Thil chhia zawng zawng hi zu ah kan puh a, hei pawh hi fuh ka ti lemlo. Pathian zarah zu hi ka la in ngai lo a, mahse, zu vanga buai chu ka hmu fo. Mahse, chuvanga zu hi buaina zawng zawng bula kan puh chuan kan tisual thei. Zu phena sual kha kan thup fo.
November 21st, 2011 at 1:28 pm
#48 sheldon a dik pah reng. ka in ve lai pawn ka sual ka hrelo, ka in thlahrung a, chhungte bul ah pwh fiamthu te ka thwh twp jel, ka in tih an hriat chuan.
November 21st, 2011 at 1:34 pm
he post chu ka thil hriat loh tak lam ani e…zu in lo mention a ka lo pawt peng ve mai mai anih hi…NOI…
Add leh lawk: live in relationship pawh s** :-$ lampang chiah anilo..marraige anga institution ani lo na a, comapnionship leh care leh thil dang pawh a tel tam e mai…tar lam nupui/pasal sun tawh fa te bula awmtha theilo te hi an khawngaihtlak ania-theih chuan in live in chur chur mai se pawi vakin ka hrelo (mihring chhutna takin), chumai bakah s** :-$ hi naupang ho tan chiah a siam anilo