Chu story chu

November 26th, 2011 11:00 pm by upsilon

Hun engemaw chen liam ta khan (han ti ve ngei ila) school kala boarding kan awm laiin kan Principal hian story tawi min hrilh a. Chu story chuan rilru a khawihin ka theihnghilh hlei thei lo. A bu chhiar ka chak reng mai a, nitin mai hian chhungril atang mi nawr tung reng mai a ni.

Tun thleng hian chu story bu chu ka zawng ru reng a; ka thiante ka zawh nawlh nawlh chang lah a tam. Mahse, tuman a bu leh ziaktu hming min hrilh hlei thei lo chauh pawh ni lovin a story lo hre tawh tak ngial pawh an awm law. Mi(sual).commers te zingah a hria kan awm beiseiin in tanpuina ka rawn ngen e, inthlahrung tak chungin. A bu hming leh ziaktu min hrilh thei hlauh chuan ka lawm viau ta ve ang.

Tih dan dang vak a awm bawk si lo a, a story ka la hriat chhunlaite hi ka rawn thai lang ang nga, characters velte pawh phuahchawp vek tawhin.. ka theihngilh nasa tawh bawk si, a remchan ang angin ka rawn phuah kual deuh dawn a, pawi ka sawi chuan ngaihdam ka dil nghal bawk e!

“Tuifinriat kam village pakhatah hian pafa John-a leh Jenny hi an awm a. Chu village-ah chuan hausa em em mai, dawrkai hausa tawntaw pa upa lam Paul-a khawchhung mipuite pawhina an zah rawn em em leh an khaw thuneitute pawhina a thu an hnial ngam ngai loh hial mai hi a awm bawk a. John-a te pafa chu kawsak harsa ve tak an ni a, engmah chhuan tur reng nei lovin pawisa lak luhna hnar pawh an nei lo, an berh ve em em a ni.

Chutih rualin Jenny chu hmeltha no siai a ni thung a. A hmelthat leh smart em avangin mite beisei leh duh rawn a ni. Mahse, a la naupan avang leh a pa John-a tar chak lo enkawl a ngaih avangin an in chhungkhur phuhrukna mai tur pawh a tan chuan ngaihtuah a har a. Tihngaihna dang awm si lo, an khaw hausa Paula hnen atanga pawisa puk beisei reng mai loh chu. Paula pawh chuan a puk tir mai thin a, mahse a felna a famkim lo, beisei ruk erawh a nei.

Chu a beisei chu Jenny chauh chu a ni a. Hmeltha a tiin nupuiah a it em em mai a ni. Tunah chuan Jenny chu a nula ve ta a, chhungkhaw phuhrukna turte pawh a thawk chhuak ve ta. Jenny chuan a pa a kalsan theih loh avang leh ani nula hmeltha ve tak tan chuan putar hmeltha lem lo tak nena kumkhaw runpui han belh dun chu a harsa bawk si. A thinlung a hlan thei lo chauh pawh ni lovin a taksa a hlan thei tlat lo. Chutih kar chuan Paula chu a beidawng duh der lo, nitin mai hian a duh tawlh tawlhin a beiseina a sang tual tual a. Mahse, nula hmeltha Jenny tan a pa kalsan a harsa ngang a niang, nei lo turin a rilru a siam nghet ta bur mai le.

Han dawhtheih ziazang ni suh, Paula rilru pawh a lo nem reng thei ta bik lo. Ngaihtuahna hrang hrang Jenny thinlung leh taksa hneh thei turin a hmang a. Tichuan he thil hi a ngaihtuah chhuak ta a ni. Saiip chhungah tuifinriat kam lungte pahnih a var leh a dum a dah ang a, tuifinriat kam lungte awm teuhna hmunah an khaw mipui zawng zawngte hriatpuina leh awm thepthawp laiin, Jenny chuan en lovin a mit tuam tlatin saiip chhunga lung pahnih zinga pakhat chu a thlang tur a ni.

A lung thlan fuh rawng a zirin a chunga thil thleng tur chu tiang hian… A var a thlan fuh chuan an leiba zawng zawng a ngaidam ang nga, Jenny pawh nupuiah a nei lo ang. A dum a thlan fuh erawh chuan an leiba zawng zawngah ngaihdam an ni ang a, amaherawhchu Jenny nupuiah a nei tur a ni tih hi a ni.

Fing vervek Paula chuan Jenny nupuia a neih loh hlau reng rengin a finna a hmang a. Saiip chhungah chuan lung dum leh var dah awzawng lovin a dum ve ve a dah ta mai. Jenny chan a chauvin a tan talchhuah ngaihna a va vang dawn em! Mahse, Khuanu chuan a chhe ber tan pawh hian malsawmna a dahin a tanpui duh reng si. Paula chhiarhlawh pakhat chungah ngilhneihna a rawn lang a.

Saiip chhungah lung dum ve ve a awm tih thu chu Jenny a hrilhru ta a. Jenny’n a hriat chuan a thawng nasa hle mai! Paula a neih lohna leh a pa nena an hlim theihna chance 50% ni thin kha 0% bak a ni ta lo tih a hriat chuan lungngai mai lovin Judgment day lo thlen hma ngeia tal chhuah theih dan tur a thiamna hmangin a zawng ta char char a”.

Hmmm…. A sei ta em mai, tihian ti daih teh ang. Jenny khi ni ta la, saiip chhungah lungte dum ve ve a awm a ni tih I hre ta a ni, chu Judgment Day (saiip chhunga lungte pakhat thlan a ngaih ni) chuan engtin nge I tih ang?

He story-a Jenny’n nalh tak maia a solve dan pawh hrilh ka ni ta tho a, mahse, ka sawi hrih lo mai ang, post a tisei dawn bawk si a. Misual dot com-ah hian detective tha tak tak pawh an kat nuk a, han chhang hlawm teh se. Comment a ngaihnawm thei thin a lawm (i ngaihdan,a dik ber awm chuang lovin), a hresa kha chuan a bu hming leh ziaktu chauh min hrilh thei ta se a tha awm e.. Hairehai

Thubelh: A paragraph thenkhatte khi chu ka thlelh nasa viau ang tih ka hai lo. Story lar tak a nih leh nih loh chu ka hre lem lo, a hresa chu kan awm ngei ka ring. Ka OT lutuk em aw!! min hrethiam dawn nia.

117 Responses to “Chu story chu”

1
Saitawk Says:
November 26th, 2011 at 11:01 pm
Chhiar ang hmiang
2
littlerascal Says:
November 26th, 2011 at 11:02 pm
Ni e
3
littlerascal Says:
November 26th, 2011 at 11:06 pm
In principal chu zawt leh la a la dam chuan nge Hei i Rawn phuahchawp mai mai xawks haha
4
V DaBlues Says:
November 26th, 2011 at 11:08 pm
I phuah ngaihnawm khawp alawm 😉
5
PKfanai Says:
November 26th, 2011 at 11:18 pm
Lung var hum ru sa se la, Lung dum pakhat chu la in, thlauh zauh se emaw, paih bo in, a lung var chu Show se la. A complain anih leh a lung lak loh la awm kha enah cho sela, a dum alo ni ngei anga, ‘Lung dum leh a var a awm a ti si a, a dum 1 chauh a awm chuan, a lak chu a var ani lo thei lo’ tiin a tang ve tlat thei ang chu.
6
ChhanaPa Says:
November 26th, 2011 at 11:18 pm
Jenny and the two sacks a niin ka hria! 😀
7
century child Says:
November 26th, 2011 at 11:19 pm
risk lo mai teh ang 😛
8
lr hlonchhing Says:
November 26th, 2011 at 11:24 pm
I puzzle a maksak thei em mai. Ka chhang ngam tawh lo, a dik leh chuang lovang 😛
9
CFL Says:
November 26th, 2011 at 11:44 pm
Hria han awm mial teh tak u. 😀
10
ReMpYâ„ Says:
November 26th, 2011 at 11:45 pm
Vawi engzat buk nge phal a nih? Voi 3 tho ami? 😛
tak2in, ka thlan loh zok2 hi ka chan tur chu ti se, a dum a thlang don tho2 a, te lo ti ila.
11
ReMpYâ„ Says:
November 26th, 2011 at 11:49 pm
A story hming : The Woodcutter and The Axe
12
upsilon Says:
November 26th, 2011 at 11:57 pm
@lr-a chu i lo chhang leh turah ka dah tawp a nia.. 😀

@rempy, tah chuan an strict zual, buk khat chauh 😛
A story hming chu a dik a? If it is, thanks (Y)
author te?
13
lrpa Says:
November 26th, 2011 at 11:58 pm
jenny chu niila, ka zen ruk ruk anga, lungte ka hmu lo reng reng ka ti anga, an han en khan a dum ve ve a lo awm dawn sia..chuan a free mai dawn ani..hehe
14
upsilon Says:
November 27th, 2011 at 12:02 am
#5, PKfanai chhanna khi a story solution chiah a ni lo mai pawh a, a theih hmel viau..lungte 2 a ruala hum chhuah a harsat loh chuan. Nice (Y) (Y)
15
upsilon Says:
November 27th, 2011 at 12:05 am
#13, lrpa 12 balls problem solution hre bawk a, a tha hle mai (Y) (Y)

A bu solution pek ang chu a la ni chiah lo a, alternative solution a awm thei nual dawn a nih hmel. 😛 😛
16
PKfanai Says:
November 27th, 2011 at 12:16 am
Witness awm ngei se la, lungte thlak(change) na hun remchang a awm theih tawh loh hnuah, amah zawk kha cho let se la, “Lung var i lak nalh chuan min nei thei ang a, lung dum i lak hlauh erawh chuan, kan ba a bo vek ang a, min nei thei hek lo vang” ti ve tlat sela a ni mai a lawm.
17
upsilon Says:
November 27th, 2011 at 12:25 am
@PK, witness chu an khaw mipuite an awm chiang e..
I solution pawh a dik thei viau…mahse, la ti teh ang Jenny khan a thlang zawk ngei tura rel fel sa a nia, a fihlim thei lo..rawn sawi fuh an awm velah a bo solution a ni ka lo ti vat ang,.. 😛 😛
18
ReMpYâ„ Says:
November 27th, 2011 at 12:27 am
@upsilon, ka fiamthu mai2 🙂 woodcutter n the axe chu a nih hmel loh. 😀
story contd…
jenny chuan rang deuhin a lungte lak zok chu a dawlh daih a. Tikhan k dawlh zok rong hi ka thlag e a tia..judge te chuan mi mol nu, i dolh daih kha, endoscopy tih loh ten engtin nge i rong thlan kn hriat ang, tunah kum 300 B.C chauh a la nia, endoscopy kn la hre bok silo an tia, jenny chuan, awww ka dolh loh zok rong kha en mai2 ulaaaa, helh awk2 pahin a tia., a va fing e ooo. 😛
moral of the story : bat huai suh, a tawpah lungte dolh a ngaih phah thin. 😀
19
upsilon Says:
November 27th, 2011 at 12:31 am
#18 😛 😛 😛 😛 (Y) (Y)

hreipui tuia tihtlak chungchang vel kha ni rengin ka hria ni the woodcutter and the axe chu..hmm (Y)
20
aduhi Says:
November 27th, 2011 at 12:35 am
Jenny chuan ipah chuan a kut a zuk zen lut a, lungte pakhat chu a zuk hum a. Chuan ip chhung an zuk en chuan lungte dum a lo awm a, Jenny chuan lung var a thlang ngei a nih an ring. Problem solved. Goodnight.
21
LaMea CâcTùs FLh Says:
November 27th, 2011 at 12:36 am
“kunga bye bye” tih anilo maw..biru daih.
22
aduhi Says:
November 27th, 2011 at 12:36 am
tin a story khi tinkle ah a chhuah duh hmel bawk.
23
lrpa Says:
November 27th, 2011 at 12:40 am
possibilitu dang leh chu a pahnih a phawrh kha ani leh a 😉
24
Thangpasaisira Says:
November 27th, 2011 at 12:41 am
A ho em mai @Rempy i va hre zawk ve a (y)
25
aduhi Says:
November 27th, 2011 at 12:43 am
23 lrp a pahnih a phawrh phei chuan an ba kumkhua dawn tihna ni mai sia
26
upsilon Says:
November 27th, 2011 at 12:44 am
#20aduhi,”Jenny chuan ipah chuan a kut a zuk zen lut a, lungte pakhat chu a zuk hum a.” a zuk hum a, tih hi a felhlel deuh ka ti..
anyway nice try (Y) (Y)
a bu solution chu ka la sawi dawn lo, la hma em mai..hairehai 😛
27
aduhi Says:
November 27th, 2011 at 12:47 am
zuk hum tihah hian a humbo nghal daih ka tihna nih chu. A zawhna ah hian mipui te hian a zuk hum chhuah kha an check ngei dawn tih a awm si lo a, bag a awm tawh lo zawk zawk kha a thlan chu a ni mai dawn lawmni?
28
lrpa Says:
November 27th, 2011 at 12:52 am
lungte zuk zen a a kum kut kut lai khan ring deuhin vawih vak se (H) khang hunlai khan public place a nula vawih ring over hi nupui ah an nei ngai lo mai thei a 😛
29
aduhi Says:
November 27th, 2011 at 12:52 am
tihian dik teuh tawh em? ka mutsan daih dawn i riddle hi. Naktuk zing thawh hunah chuan answer hmuh tur a lo awm tawh em ang chu.
30
upsilon Says:
November 27th, 2011 at 12:53 am
check ngei a ngai ti teh ang.. 😀 or i sawi ang pawh khian a chhung a mi atanga an teh theihna chhan tur, chu tia a hum bo ringot kha chu a la reasonable lo deuh..

chuan hmm…a dik trep a bu mi nen (Y)
31
aduhi Says:
November 27th, 2011 at 12:55 am
mipui in a kuta mi an check ngei a ngai a, bag a lung te la awm an check ngei a ngai bawk, one has to be white and the other black, maw?
32
Asteric™ Says:
November 27th, 2011 at 12:56 am
Ti chuan a thlan chhuah chu a hum ta reng a, “Ka en ngam lo, chuvangin ka thlan chhuah loh zawk kha en ila ka thlan chu kan hre mai anga chu chu k pawm ang” a ti ta a. 😀
33
aduhi Says:
November 27th, 2011 at 12:57 am
32 a dik teuh.
34
lrpa Says:
November 27th, 2011 at 12:59 am
Bro Jose ni ta in ka hria, kan high school kal lai a a thawnthu min hrilh pakhat,
Kutdawh rethei em em mai chanchin kha. Thlahtu te atang a rethei em em, a kutdawhna thleng rit leh chhah ber bur bak a nu leh pa hnen atanga chhawm tur nei lo chungchang kha!! 🙂
35
upsilon Says:
November 27th, 2011 at 1:00 am
Ni love.. a tir berah chuan a rawn lak chhuah lung atanga judgment siam tur a ni…

I sawi pawh khi a dik thei lutuk, mahse engvangin nge a hum bo ringot tih lai tak hi…hint: a bu nen a inmil trep.. 😛 😛
36
aduhi Says:
November 27th, 2011 at 1:00 am
34 a tawpah chuan kha a kutdawhna thleng kha rangkachak a siam a lo ni ngei em
37
Chhimphei val Says:
November 27th, 2011 at 1:01 am
K hrelo tawp mai.
38
lr hlonchhing Says:
November 27th, 2011 at 1:02 am
Hetiang thawnthu a awm lo, i hresual tlat mai. 😛
E..e, ka hre leh si. Ih..englo a nia, ENGMAH. :-O
39
lrpa Says:
November 27th, 2011 at 1:02 am
36..MaAduh, ni deuh ngei e.. 🙂
40
aduhi Says:
November 27th, 2011 at 1:02 am
A hum bo khian a solve theih a, mahse humbo na chhan tha tak a neih a ngai a ni maw? A pu Paul-a ngei chuan bag chu han check se….? A la dik zan lo…
41
CFL Says:
November 27th, 2011 at 1:02 am
😀
42
Asteric™ Says:
November 27th, 2011 at 1:04 am
A kut ah rawng var a hnawiha tichuan a thil zuk lak tur a chu a hum ta vang vanga, a lo var ta a 😉 problem solve
43
lrpa Says:
November 27th, 2011 at 1:05 am
Chhiahhlawhpa khi kan mihausa pa khian jennyi dawt a hrilh tir lai vel kha a bo daih anih khi 😛
44
aduhi Says:
November 27th, 2011 at 1:05 am
A-ha! A zuk zen a, a rawn humchhuak ve ve a. Chuan a kut pakhat zaw kha “Hei hi ka thlan loh zawk tur chu a ni ang” ti se han hawng se a dum a lo awm anga, lehlamah a var a lo awm tihna a ni anga, hypothetically. And they all lived happily ever after.
45
upsilon Says:
November 27th, 2011 at 1:05 am
tah hi chuan alternative solutions chu a awm ngei tur a lawm, a ziaktuina a solution rawn siam dan hi a nalh ka tih lai tak a nia…a witness mipuiten an pawm tlan theih tur kawng zawng takin.. (Y) 😛

A bu solution nena in mil chiah la nghak deuh ang.. 😛
46
upsilon Says:
November 27th, 2011 at 1:06 am
#42., 😛 ni thei viau 😛 a bu nen a inmil ka tihna ni lovin..
47
ReMpYâ„ Says:
November 27th, 2011 at 1:07 am
keichu a story hmingah ka lo la buai.. One Night At The Call Centre ni tlatin ka hria, nge Three Idiots? (H)
48
lr hlonchhing Says:
November 27th, 2011 at 1:08 am
I duhtui thei em mai, a dikna chu tam tak a awm thei ang chu :-0
49
lrpa Says:
November 27th, 2011 at 1:08 am
Two states..rempy
50
aduhi Says:
November 27th, 2011 at 1:09 am
A story hming te chu Meet me in Texas moonlight einch

51
upsilon Says:
November 27th, 2011 at 1:09 am
#47, 2 States zawk a nih hmel.. 😛
52
aduhi Says:
November 27th, 2011 at 1:09 am
ka dik tawh emmm ka mu duh a nia
53
Asteric™ Says:
November 27th, 2011 at 1:09 am
ReMpY neih theihna tur ani ti se chuan Dumde rawng thlan tur pawh nise, a paw ṭeng pawh nise ka hum chhuak thei thovang 😀
54
upsilon Says:
November 27th, 2011 at 1:10 am
@lr,, ummm… a bu mil chiah ka duh tah hi chuan.. (Y)

an rawn sawi pawh khi a dik thei vek ang chu..
55
lr hlonchhing Says:
November 27th, 2011 at 1:11 am
Aw, ka hre ta chiah e. Sudden Muanga :-O
56
upsilon Says:
November 27th, 2011 at 1:12 am
@ aduhi, a dik lo ka tih chuan i la mu thei dawn lo a nih hmel sia…hmmm.. 😛 2-a lakchhuah chu a la dik lo lehzual..
57
aduhi Says:
November 27th, 2011 at 1:12 am
#44 ka chhanna saw mark 100 ah mark engzat nge i pek ang, a bu milin?
58
lr hlonchhing Says:
November 27th, 2011 at 1:12 am
Asteric hi Rempy hming lam lo chuan, a kawmen thei meuh love. 😛
59
upsilon Says:
November 27th, 2011 at 1:14 am
#58, 80 vel chu ni hrim hrim, i distinction daih.. a hum beh i tih kha mipui ngaihah khan a dik chiah lo deuh alawm..te ka tia.. hairehai 😛
60
Asteric™ Says:
November 27th, 2011 at 1:15 am
lr….vai film ang deuh kha nia, a tir chuan mi zar char chara ka induh sana, ka zar ve leh thung a nih hi 😀

btw … a story hriat kim loh chuan a chhanna tur awm ang chu chhui zawn thiam a har mange, a story a zirin duh duh a phuah theih tlata 🙂
61
aduhi Says:
November 27th, 2011 at 1:16 am
ka peih tawh lo. Ka pass tho ah ngai mai teh ang.
62
upsilon Says:
November 27th, 2011 at 1:16 am
#59, aduhi.. sorry, #44 ka judge miah lo, a hma i chhanna kha a dik teuh zawk, kha kha ka lo ngaihtuah daih a.. 😀
63
aduhi Says:
November 27th, 2011 at 1:17 am
nia 44 saw chu alternate solution zawn phet ka tum vang a nih khi
64
lr hlonchhing Says:
November 27th, 2011 at 1:18 am
Asteric, Rempy hi ka thlem chiam tawh, ka phu lo che a ti tlat zel a. Ka induhsan ta daih :-O
65
aduhi Says:
November 27th, 2011 at 1:19 am
result hi naktuk chhun dar 12 hma ngeia tihchhuah a nih ka beisei.
66
upsilon Says:
November 27th, 2011 at 1:21 am
#65aduhi, nia a ni ngei ang..i chhanna khi a la teuh ber.. (Y)

A bu hming leh ziaktu pawh chu rawn hria awm hlauh se la oo 😛
67
kawlhawk Says:
November 27th, 2011 at 1:22 am
Asteric hi ReMpY i’n “ka hua che… ka ban che…” ti se, Depression a nei nasa ngawt ang :p
68
lr hlonchhing Says:
November 27th, 2011 at 1:22 am
Rempy (T) …. Aw, hello. Lra ka nia. Ka phu lo che. Kha ti zel kha a nia. 😛
69
ReMpYâ„ Says:
November 27th, 2011 at 1:24 am
thonthu dang soi daih ang…
thingzai pakhat hi a nupui nen hlim taka rih dil kam vela an infiam laiin a nupui chu a tla palh ta daih a, a lungchhia chu a trap char2 a.
chutah rih dil thlarau a lo chhuak a, nang pa kha, tinge i trah a ron tia. thingzaipa chuan a hrilh ta, thlarau chuan a lainat ta em2 a.
a zuk pil vang2 a, nula hmelthra lutuk a hming mami varte hi a ron lachhuak a, hei hi ami, a tia. thingzaipa chuan nilo a tia. thlarau chuan midang hmelthr deuh bethsy tih hi a ron phorh leh a, thingzai chuan ni chuanglo a tia. a topah nu tar bim bem, meng kalh ri re a hming sui-i a ron phorh a, thingzaipa chu lomin a zuang tho a, awww kha ngei kha a tia., lawm takin an in pom a.
thlarau chuan mak a ti deuh, tinge ka ron phorh hmasak ho kha i thlan zok loh, i va rinawm ve, a tia. chupa chuan, aw thlarau, thingzai mai ka nia, celebrity high living satliah productive silo enga tan mah ka ti leuuu, ai chuan nghapih siamtui thiam suitei hi duh fe zokesss,a tia. an kal ta nal2 a. 😀
70
Asteric™ Says:
November 27th, 2011 at 1:24 am
@Epsilon oh…upsilon: Ka chhanna sawi a dik tawh lawmni rawng a tah rukna tur hum mai chu a har vak dwn emni….a situation lah kan hre mang bawk siloa a Q a vague mah mah a ni.

@lr….keichu ka comment ve hian a lai ṭhin a chuvangin tlang takin ka fiam ta nih hi 😉 :jei mah2:

@kawlhawk: chutiang em em in ka zang-fak-awm lohvang 😀
71
upsilon Says:
November 27th, 2011 at 1:26 am
#69 😛 😛 (Y)
72
lr hlonchhing Says:
November 27th, 2011 at 1:29 am
Mu daih te’ng. Nu berin underwear elastic a pawt chhe zo tak ngial dawn e.

Eih ah…hmm. Paw…t tawh suh. Ka lo mu :-O
73
upsilon Says:
November 27th, 2011 at 1:30 am
#70, Arsenal..oh..Arsenic,,”Saiip chhungah tuifinriat kam lungte pahnih a var leh a dum a dah ang a, tuifinriat kam lungte awm teuhna hmunah an khaw mipui zawng zawngte hriatpuina leh awm thepthawp laiin, Jenny chuan en lovin a mit tuam tlatin saiip chhunga lung pahnih zinga pakhat chu a thlang tur a ni.”

tih nih khi… i sawi pawh chu dik thei lutuk (Y) alternative solution a ni mai a. (Y)

A bu solution ka la nghak deuh.. naktuk 12 hma chuan awm hman ngei ang aduhi sawi angin.. 😛
74
century child Says:
November 27th, 2011 at 1:33 am
in la hre nange? (H)
75
lrpa Says:
November 27th, 2011 at 1:35 am
tah hian a solutuin a awm, a tawp ah.. 😛
http://www.youtube.com/watch?v=MRix0SfzYhE&feature=related
76
lrpa Says:
November 27th, 2011 at 1:39 am
hei hi a nalh reuh
http://www.youtube.com/watch?v=48EOa9tzxyw&feature=related
77
kawlhawk Says:
November 27th, 2011 at 1:52 am
Tunlai hian zanlaia rui phur fal thin mi 3 an awm, tu nge?
1. lrpa
2. Asteric
3. kawlhawk
(chhang dik hmasa ber tan ~ Awke 500g)
78
H.Vangchhia Says:
November 27th, 2011 at 1:55 am
#77 😛 😉
79
lrpa Says:
November 27th, 2011 at 1:56 am
lrpa..ka phur thin, mahse rui chuang lo ale ale awke khawi.. 🙂
80
Asteric™ Says:
November 27th, 2011 at 1:59 am
Kawlhawka chu mi 3 an awm a tia 3 chiah a dah bawk sia, lrp a chiah rui thin bawk sia…..!!! 😀
81
kawlhawk Says:
November 27th, 2011 at 1:59 am
lrpa,
“rui” tih khian zu ruih kher a kawk hleinem. misual.com pawh a ruih theih tho a, i insawifihlim rang bik ltk! Awke 200g i dawng thei :p
82
kawlhawk Says:
November 27th, 2011 at 2:01 am
#80, ni dawn tak e.. Haha… Mahse khi, lrpa rui phur chuan a chhan vat tho khi 😀
83
lrpa Says:
November 27th, 2011 at 2:04 am
uaiin chhe mi hi a ruih theih loh..um hnih ka in pawn ka puar ringawt 🙂
Asteric a hi chu rempy zunah a rui a, a buai nuaih zel..haha
84
lrpa Says:
November 27th, 2011 at 2:05 am
awke 200 grm, 20000 INR, kristams hman a nuam dawn hle mai.. 😛
85
kawlhawk Says:
November 27th, 2011 at 2:07 am
uaiin rui ~ lrpa
rempuii rui ~ asteric
awke rui ~ kawlhawk
:p
86
lrpa Says:
November 27th, 2011 at 2:09 am
😛
87
Asteric™ Says:
November 27th, 2011 at 2:11 am
#85 hahaha…. 😛 mut hma ka ko chhuak leh lawk mai dawn amawn le 😀 ala meng ru reng ang ka ring…..
88
lrpa Says:
November 27th, 2011 at 2:11 am
zualbonez a lo lang se chua a vai khian kan pe ang! 😛
89
Asteric™ Says:
November 27th, 2011 at 2:14 am
zualbonez a pawh hi kawlhawkan a chhimbu dawi hneh tawh khawpa tunlai chu a lo lan hmasak piangin a “Awke” reng tawh mai ni 😀
90
lrpa Says:
November 27th, 2011 at 2:21 am
ka hla..
chawei hma a ka ngaihthlak thin..
http://www.youtube.com/watch?v=THhp4U2KdnA&feature=related
91
Asteric™ Says:
November 27th, 2011 at 2:30 am
100 law law ang
Naupan deuh lai khan henu hi a sap ka tia ka star thei khup mai…
a lam sexy nalai 😀 (mahse he film hi chu ka la en lo)

2:40 minute vel ah hian 🙂
http://www.youtube.com/watch?v=E3AtYcr_6Hw
92
H.Vangchhia Says:
November 27th, 2011 at 2:30 am
Avan nawi niau nuai vele, chhuan phûl ang mai zuk nia le hairehai :-S
93
lrpa Says:
November 27th, 2011 at 2:36 am
Asteric..lagaan kha ka thianpa nen kan en a, sapnu changve kha Rachel shelly..tih lampang kha! a poster zawng ang a ti pek a..kan zawng chiam a kan hmu lo..
Thianpa ah a thawk na deuh ni tur ani.. 😛
94
CFL Says:
November 27th, 2011 at 2:36 am
Hairehai.
😀
95
lrpa Says:
November 27th, 2011 at 2:40 am
95..eng hla nge ka ngaihthlak? 😛 lungte dum leh var lam chu nagtukah.. 😀
96
Asteric™ Says:
November 27th, 2011 at 2:41 am
#91 khi “sap ang ka tia” tih zawk tur a ni e. 🙂

Mithun Chakna-ber-chi nen hian an la chang dun thei em em lehnghala….thikawm riau,hehe…tunah pawh selo ka la ti tho 😉

http://www.youtube.com/watch?v=yyuRIG7zxmw
97
lrpa Says:
November 27th, 2011 at 2:44 am
96..mithuna hi a va hmeltha roh ve a, powder kg chanve vel chu a hmang ang a.. 😀
Kajoli a hmel tha ka ti deuh ber..hehe
98
Asteric™ Says:
November 27th, 2011 at 2:45 am
@lrp…kan mikhual pa pawhin Mamta Kulkarni hi a duh khawp maia, Bazar ah a poster kan zawng dun ṭiah ṭiah tawh lawm 😀

Pathum vel kha chu ka lei sak a a lawm khawp mai, a ring rei ve viau in ka ring …. 😀 😀
99
lrpa Says:
November 27th, 2011 at 2:51 am
98, Asteric..Ash i thlalak hi naga pa ka chhuhsak a, ka tar thin.. 😛 century hi chu mi tan kan khek ange.. 🙂
100
Siakzapauva Says:
November 27th, 2011 at 6:15 am
100…lungte chu..??
101
littlerascal Says:
November 27th, 2011 at 7:23 am
100+1
102
ChhanaPa Says:
November 27th, 2011 at 8:04 am
Good Morning. . A chhanna a sawi har em mai!
103
Soberboy Says:
November 27th, 2011 at 8:16 am
G morning
104
Chhuaklinga Says:
November 27th, 2011 at 8:48 am
Ka chhiar chhuak ve chiah, in sawi tawh em ka hre lova, ti hian ti mai se te ka lo ti ve mai mai a.
He inremsiamna hi ka pawm e, mahse a dum leh a var thlan fuh chungchang erawh khi chu a letling chiah ni rawh se, tiin ka thlan dawnah mipui hmaah ka sawi ang. A tan a rem lo tih a rem tawh lovang, ka chakna chance chu 100% hehe. Dik tak maw.

tren tren.
105
century child Says:
November 27th, 2011 at 9:55 am
#104 ang deuh khian nih tir mai ang u. Posttupa a inkhawm emaw ni dawn ni.

Chu hriat lohna chu..
106
aduhi Says:
November 27th, 2011 at 10:10 am
post tupa hi tho tawh em awwwww
107
century child Says:
November 27th, 2011 at 10:25 am
chu la thawh lohna chu

12 hmaa sawi ngei chu ngai ang.
108
hovaks2 Says:
November 27th, 2011 at 10:47 am
i thawnthu chu ka hreve tawh tlat mai,mahse ka hrechhuak zo ta bik lo,
109
bucko Says:
November 27th, 2011 at 11:26 am
ngaihnawm hle mai…. solve dan tur pawh kei chuan ka hre mai lo, comment lama an sawi khi 104 khi a dik ber ka ring…………
110
upsilon Says:
November 27th, 2011 at 11:42 am
hmm…12 a rik hmain ka rawn che ang ka ti bawk a.

aduhi + PKfanai + lrpa + Rempr_scissor + Asteric + Chhuaklinga te hian nalh tak maiin solution an rawn pe a.

A bu nen a inmil chiah loh avangin alternative solutions an ni e.

Chutihrualin aduhi solution khi chu a bu nen a inmil thawkhat viau avangin 100-ah 80 a hmu ta reng bawk a, mark ren loh deuhna South India lamah chuan 90 above chu ngei ngei.

Sawi tawh angin a story hi ka hre mumal chiah tawh lo a, school kan kal lai daih tawha kan principal narrate chhuah mai kha a ni.

A solution a hnuaiah hian ka rawn dah dawn a, in solution pek ai pawh khian a awm ang lo maitheih rualin a bu zul zui deuh(deuh tih hian a thlip thlapin a dik lo tihna)a ziah a ni e. Hairehai
111
upsilon Says:
November 27th, 2011 at 11:47 am
SOLUTION:
“Saiip chhungah tuifinriat kam lungte pahnih a var leh a dum a dah ang a, tuifinriat kam lungte awm teuhna hmunah an khaw mipui zawng zawngte hriatpuina leh awm thepthawp laiin, Jenny chuan en lovin a mit tuam tlatin saiip chhunga lung pahnih zinga pakhat chu a thlang tur a ni.

A lung thlan fuh rawng a zirin a chunga thil thleng tur chu tiang hian… A var a thlan fuh chuan an leiba zawng zawng a ngaidam ang nga, Jenny pawh nupuiah a nei lo ang. A dum a thlan fuh erawh chuan an leiba zawng zawngah ngaihdam an ni ang a, amaherawhchu Jenny nupuiah a nei tur a ni tih hi a ni.”

JUDGMENT DAY
Ni dang ang lo takin khua chu a thiang tha em em mai a. Khaw mipuite pawh Jenny chungah enge lo thleng ang tih ngaihtuah ni awm tak hian an reh thuap mai a ni. A thenin ‘tianga ti kher lo hian ngaidamin chhuah zalen mai se’ an tih laiin, ‘ Paula hi pafel tak a ni, he tia a ti thei hi a thu a laiin a ti tha takzet a ni’ ti tawk lah bo lo.

A hun tak a then hmain enge lo thleng ang tih hre chakin mipuite pawh tuifinriatkam lungte hmunah chuan an kim thap ta mai. Tar chak lo tak tawh ni mah se, Johna pawn Jenny tawiawm chu tih makmawhah ngaiin chu hmunah chuan Jenny bulah a awm ve kar a.

A tan tuna a thil tih hian a hma lam hun a hril dawn a ni tih a thinlungah vawng rengin Jenny pawn fimkhur taka chet a tum ran a. Chutih rualin a hmelah a zam a ni tih hairual a ni lo. Jenny a ta a nih mai dawn avanga lawm rilru tak Paula hmelah erawh lainatna hmel a lan rualin a normal viau a.

Chu hmunah chuan mipui tha hnem tak an khaw mipui zawng zawng deuh thaw chu an ding kual thrup a. A laiah saiip a chhunga lungte 2 awm hmep pinga kengin pa papkhat a ding bawk a. A sir deuh vah Paula pawh a ding ran a. Chu mi opposite-ah chuan Jenny chu a pa nen an ding ve a. A kaihruaitu an khaw vcp pawh a awm bawk a.

Chu hun mipui tan hma lam hun hriat chak avanga nghahhlehawm, Paula tana nupui hmeltha neih hun tur nghahhlelawm bawk, Jenny tana zamawm tak chu tran turin VCP chuan thu a pe ta. Jenny chu a hmelah nervous em em tih hriat tak leh che khir thei a ni tih hriat em em hian saiip awmna lam chu a pan phei ta hnak hnak a.

A lai a va thlen chuan pa pakhat hian a mit a lo tuamsak nghal a. Chutah saiip chhunga lungte 2 zinga 1 thlan chauh chu hmabak a ni ta. Zam tih hriat takin Jenny chuan muang changin thawk a’n la te te a, fair takin thil a ti dawn a ni tih lantir nan a kutphahte a ti lang te te bawk a. Tawlh hma hretin saiip chu a zuk zen den den ta. Mipuite chuan eng rawng nge a thlan ang tih nghakhlel takin an thlir thruap mai le.

A thlan tur a thlang fel ta ni-a a lan hnuah lungte pakhat chu a hum ran a. A kun chu rang taka rawn tho chhuakin a tawlh hnung dawr a, chutah a theih tawkin inpal thlu nia lantumin leiah chuan a tlu ta bawp mai, a lung hum lai a ti per nawlh bawk a. Mipui, Paula leh VCP te chuan eng rawng nge tih nghakhel taka hriat tumin lung perna zawn chu an thlir thruap a. Lungte hmun a nih avangin eng ber nge a thlan tih a hriat hran theih ta reng reng lo mai le. Mipui an ding ngawi thruap a. Lungte dum 2 bak a awm lo tih hresa Paula chuan thil awm dan chu mak a tih em avanga che hlei thei lovin a ding khawng reng a, eng thil nge a chungah lo thleng dawn tih a ngaihtuah phak ta lo, sawi tur a tla chham kher mai.

(ka la phuah kual deuh dawn em le!! hahaha)

Jenny chu zawi muangin a rawn tho chhuak a. VCP chuan “I lungte thlan hriat hran theih a ni ta lo” pawi tih hmel deuh hian a ti a. Chu tah Jenny chuan “VCP, saiip chhunga lungte rawng lo zawk zawk chu ka thlan a ni mai dawn lawm ni, saiip chhungah eng rawng nge awm en la” a ti a..VCP chuan “A ni tak e” a ti ta a……………………………………………………..
112
century child Says:
November 27th, 2011 at 11:54 am
113
aduhi Says:
November 27th, 2011 at 12:02 pm
rawn che timing khawp mai. marawchu a answer sei lutuk khian ka nuih a tiza, post hranpa a chhuah tham. Ka lo nui lawk lolxxxxxxxxx
Good job.
114
Asteric Says:
November 27th, 2011 at 12:13 pm
@aduh….a inthlahrunga a pehhel kual phawt anih khi Kan chhang hah sia kan chhanna value aṭanga tehin a Solution a ho angreng bawk sia (ho lo theilo pawh a ni reng a), thawnthu a ni miava accidental engemaw chu a thlen kha ka ring sa hrim hrim a. Accident theih dan possibility lah a sang ropui mai si a, Story a ni miauva chuvangin chhanna mumal tak a pek theihloh a ni. Jenny in a solve dan pawh a interesting nilo in a ngaihnawm lam mah zawk a ni e
Mahse post ṭha tak a ni ka ti, comment a vaw chhuak hnem a, ngaihtuahna hrisel min sen tir a, inkawm hlimna min siam bawk a, Ans chu engpawh lo ni rawh se, kan hlimpui tawh chuan a ṭha nimai…..
115
aduhi Says:
November 27th, 2011 at 12:32 pm
hetiang post hi a tha ka ti. A interactive tlat. Post tupa hian category thar a rawn hmuchhuak a nih ber hi: Quiz Fiction
116
funny Says:
November 27th, 2011 at 2:26 pm
Jenny-in a tihdan tura ka rin chu, a lung thlan kha a var ani tiin midang rawn hmuh ve hma in tuifinriat ah a paih lut daih anga, a dum nge a var ani tih finfiah turin saiip chhunga la awm pakhat zawk an han en chuan a dum alo ni si anga, chuvangin jenny-in a thlan kha mipuiin a var ah an ngaih sak vek anga mihausa pa pawh chuan a dum ani tih hre ru reng mahse tihngaihna a hrelo ang.

A dramatic tiah tiah. hehe
a khai a, a chunga khi alo sawi der tawh alawm le, a logic chu a in ang tho e. ti tawh mai ang. Hetiang ang deuh roh hi ka hre tawh a.
117
funny Says:
November 27th, 2011 at 3:08 pm
A story a awm tak tak dawn amawnile, hetiang hi keini pawhin naupan laiin, “chutiang khatiang chu ni se engtinnge i tih ang?” tiin kan inzawt thin. A condition erawh upsilon rawn sawi ang nilovin. upsilon khian thawnthu angin a rawn phuah chawp mai mai aniang.