A khuhhawnna
He hringnun zinkawng hi kum tam lo te chu ka zawh ve ta. Kawng nuam leh tha zawh emaw ka intih laiin kawng bumboh leh lung hmun ka thleng leh thin. Kawng pangngai ka zawh emaw ka tih laiin ka lo peng leh thin a. Kei mi nikhualo hi kawng ka bo reng mai dawn a nih hi! Kawng chu min hrilh ta che..
Kawng ka zawh tan ni kha..
He khawvel ni eng rawn hmu ve tur hian tap chungin ka rawn chhuaka, chu hringnun zinkawng chu a tirah tap chungin ka rawn hmachhawn nghal pang mai! Sap thufingin ‘a bul tan that chu a zahve zo tluk a ni’ tih chu ka zawm lo chiang kher mai!
Hringnun zinkawng chu..
Chu tap chunga ka zawh kawng chu a tirah tha awm takin lang mah se a rei telh telha a zawh a har telh telh tih a hriat a. Ka zawh thui poh leh harsatna leh manganna ka hmachhawn tam telh telh dawn tih a lang reng mai si. He hringnun kawng hi kan ram kawng ang mai te pawh a ang ka ti rum rum ta mai!
Kawng nuam leh tha taka tlan nawm dan tur chu kan ngaihruat thiam awm e. Chutiang chiah chuan he hringnun kawng hi nuam tak ni ngat se zawh chu a nuam awm.. Mahse..he ‘mahse’ hi a awm tlat thin..engkim mai chu tha tluang purh angin hmu thin mah ila, kawng bumboh leh chhia, lungngaihna chirhdup hmunte he kawngah hian a lo awm tlat thin a ni. A chang leh manganna chhum chah tak a lo awm bawk si.. He kawngah zet hi chuan engkim hi a va buaithlak thin em!
Thlemna thlipui hranna kawngtum..
He zinkawngah hian awmlo pawh a awmlo a nih hi mawle. Tluang takin kan kal dawn emaw kan tihlai ngeiin kawngchhia a lo awm a, chu kawngchhia chu hel tumin kan kal a, buaina kan va tawk thin a nih hi.
Kha kawngchhe lai tawi te kan helna lamah khan kan va kal kualin kan va hel nasa ta em! Kawngsira kan zinkawng zawh min tihbuai tuma min um reng tute chuan kan helna lamah min rawn nangchinga, khawimu chawibo ang maiin min kal kual pui ta vak thin a nih hi. Hla takah min kalpuia, kha kawng kha rei tak hmu phak lovin kan bo ta si. Let leh pawh tum ila mahni chuan let turin kawng kan hre tawh si lo. Mang a va ang thin tak em!
Kawng chu min hrilh ta che..
He zinkawng hahthlakzia leh hrehawmzia hi a sawi a sawi ai chuan a taka tawn chiah hian a hriattheih a. Lungngaihna chirhdup hmuna tan leh manganna chhumpui zin hnan na hmun atanga kawng tha hmuh zel te hi a har thin. He hringnun zinkawng hi zawng.. tap chunga kan zawh tan kha thlan khurah mi rilru leh hlimna, tahna leh lungngaihna , mittui leh mangang rum thawm nen kan zawh tawp thin a nih hi.
Ni e, he hringnun zinkawng, kawng peng tam tak leh min tibuaitu tam tak laka ka him theihnan kawng dik tak chu min hrilh ta che…
October 29th, 2010 at 11:22 pm
Hrilhtu awm lovin tunge hre thei ang le?
Hringnun hi kan thlirna angle azir hian a lo danglam thei khawp mai. Zirtirna dik leh hlu erawh Pathian hnen atang chauhin a hmuh theih.
Nui la, khawvelin a nuihpui ang che; lungngai la, nangmah chauhin i ni thung ang.
Report this comment
October 29th, 2010 at 11:30 pm
@muantea a first ve teh tlat chu le.
Nia, post-ah pawh hian chuti kha ti chuan ti ila/ ti ula tih ai chuan mahni a kan tawn hriatte share thin zawk ila, midangte tan nun kawng hruaitu kan ni thei a ni.
Report this comment
October 29th, 2010 at 11:31 pm
kan third ve ang e
Report this comment
October 29th, 2010 at 11:44 pm
Ozima, hei ka first ve reng a nih hi, a mak teh e, ka first vawikhatna a ni hial ang.
Kan kawngte hi kan chhut ngun a ngai. Nitina Pathian malsawmna kan dawn zozaite hi lawmthu sawi nachang kan hriat a tul.
Report this comment
October 30th, 2010 at 12:11 am
Bible zawm mai la, tuman hrilh che mahse i zawm kim dawn chuang si lova…
Report this comment
October 30th, 2010 at 12:13 am
Tawng aiin a tih a tih lamah hian hmasawn tum ila (tha lamin) hun liam tawh avangin nun ti ngui lo ila, hmabak tur ngaihtuah vangin thlaphangin zam lo bawk ila. Kan tun hun zel hi motor khalh lai ang mai hian ngaihtuah mai ila (theih hram chuan) a lo fuh ber zel maiin ka hria.
Report this comment
October 30th, 2010 at 12:22 am
Mahni tawkah harsatna kan tawk theuh a. Chhiatna alo thlen tak tak hi chuan a indawt zut mai thin a ni. Sam 37:5 I awm dan tur chu Lalpa chungah nghat la, amah chu ring la, aman a i vek ang tih a nih kha.
<b>Harsatna hi Lalpa nena ka face loh apiangin dam thlak hlehna reng kei chu ka nei ngai lo.</b>
Report this comment
October 30th, 2010 at 12:43 am
KTP chu i thuziak dan (format) a kalkhat tlat. Hetiang style hi larpui i tum anih ngawt loh chuan mi nin hun a thleng mai ang tih a hlauhawm deuh ka ti ve ta mai mai a nih chu :lol:
Report this comment
October 30th, 2010 at 12:46 am
Ka’n OT lawk ka tui lak lawh, #7 khi HTML thiam deuh chuan in enter sual koh koh reng mai tawh dawn a nih hi, @muantea lah khan Rempy tih vang kha emaw ni nick eng thei/ click theih kha min hrilh duh bawk si lova. :lol:
OT hnem lutuk loh nan: Pathian thu hi a rin tlak ber nun kaihruaitu atan chuan, It’s our Our Daily Bread.
Report this comment
October 30th, 2010 at 12:51 am
Heti zawng hian kan ti daih te ang..pian tirhah han tap lo teh vaih..i tah ngei theih nan nurse leh doctor an buai khawp ang,fam i chan ni ah i chhungte han tap lo teh se,e… a chhungten an tah miah lo mole.Pathian hian tah te hi ava lo siam hlu tak,nautet laiin thilduh,duhlo,na sawi nan puitlin hnu ah lah lawm nan leh lungngaih nan.OT loh nan hringnun zinkawng hi chu optimistic deuh hian thlir thiam tum zel ila hlawhtlin pawh a awl duh
Report this comment
October 30th, 2010 at 8:28 am
“Kei hi kawng leh thutak leh nunna chu ka ni” titu kawng hi zawh ila kan kal sual lovang!
Report this comment
October 30th, 2010 at 8:37 am
A khuna hawn ngai hian i chhu ziah bik maia, vei thlipthlep che hian :lol:
Report this comment
October 30th, 2010 at 8:52 am
‘Ka nu, min hrilh rawh,’ tih hla te pawh min tihrechhuak rum rum mai. Ka hlim laia min hlimpui a, ka lawm laia kutbeng tur nei ila, ka lungawi mai hian ka ring thin…he hringnunah hian.
Report this comment
October 30th, 2010 at 11:19 am
Kawng zawh tur chu Pahnih chiah a awm a ni lawm ni kha??? Vei lamah i lak chuan vei lamah char char aw!!!
Report this comment
October 30th, 2010 at 1:47 pm
Keimah Thingtlangpa i ziah sa i rawn post thin nge i ziak chawp vek?
I post zing mah mah lo maw(?), hne awm lamah a kal tlat. Post tu ngaiin an post zin/regu deuh hi chuan hne mai awl tak ani. Nangmah i nih vanga hne ni lovin a tu poh hian ti tluk tluk ve sela an hneawm ve tho ang. Rilru a awm frank takin kan soi anih chu, ilo tih tauh phah vel ange. Sek deuh leh tih tauh hi a inhmeh thloits lo. :mrgreen:
Admin te sawisel luai luai chuan hei hma kan sawn zawt zawt mai alom. Page navigation hi a lawmawm zual. Inti lawmawm e, thui deuh dam ru
Report this comment
October 30th, 2010 at 2:53 pm
#15 keipawh ka inthlahrung thin ve tho..hehe
Report this comment