November 30 tlai dar 4:30 vel ah kan venga dawr hlun ber pakhat ah hian mamawh eng eng emaw lei tur in a kal a. A lut chu dawr ah chuan dawr nghaktu nu leh dawr neitu chhungte tleirawl 2 hi an lo awm ve a, pawn lam ah mipa pakhat a awm ve bawk a, chu an nau hmeichhia pahnih te thutna sir ah chuan a thil lei leh a mobile phone chu a dah mai a, tichuan a mamawh zawng chu a la kim ta tih ah chuan thutthlenga a thil lei khawm a dah chu a la a, pawn ah a lo chhuak nghal a, thui vaklo a kal hnu chuan a mobile phone a la tel velo tih a hre chhuaka a let leh nghal a, phone reng reng hmuh tur a awm tawh lo.
A chhuah rual chiah hian mipa pahnih an rawn lut ve a, an lo tia dawr nei tu chuan mahse kawngkhar bul atang an duh an sawi a ka pe a an kal nghal a ti bawk sia. an nau te pahnih lah chuan kan hmu lo reng2 an ti tlat bawk sia.
Ka u chuan an nau hmeichhia pakhat zawk chu rinhlelh namen in a ringhlel tlat mai a, tawngtai a hre thei an tih a pan ta a. November 1 khan, chu tawngtaia hre thei an tih chuan i phone i dahna bul ah hmeichhia pahnih an awma thutthlenga thu zawk khan i dah rual chiah khan a la a, a la rang khawp mai a lo ti lehnghal a, a rinhlelh tak mai kha a lo la ni zui a.
Tichuan zan ah an in ah kal chuan a zuk zawt nawn leh a, a ngaihna reng2 kan hrelo an lo ti leh hmiah mai si, a beidawng ve khawp mai a, FIR ka thehlut mai dawn a ti ta a. Ka pa chuan thehlut ang a tia a ziahsak a.
Mahse ka nu nen kan remti lo a, Ka nu hi Pathian tihmi tak a nih a vangin Pathianthu hmangin laksak tu che hnen ah chuan pek belh rawh tih hmang in report lo a ngaihdam a ti ta a. Thehlut lo chuan tun ah hian kan awm ta a. ka u Rilru hi a dam thei mawlh silo, a lei thar ve hlawl a ni bawk sia. engtia tih chi nge niang, kan ngaidam hlen mai dawn nge kan report ve hrim2 dawn?
A rinhlelh hi lo ni talo se….Hmelma a in siamna mai a ni lo maw?
A ni deuh nuaih maithei mahse in hrethiam tho ang chu ka thil ziah hi.
Similar Posts:
- Eng tia bawisawm tur nge?
- England a inrawkna lianber tling!
- Mobile phone hralh leh zawrh hi dan kalh
- Misual ka um!
- Ka thil tawn zahthlak!!
December 2nd, 2011 at 8:03 pm
Ka OT dawn
December 2nd, 2011 at 8:05 pm
Sorry lutuk ka post hawn theih chhunah ka rawn OT chu a a va khrum ve aw.
…Khrum
December 2nd, 2011 at 8:09 pm
November 1 ka tih khi December 1 zawk a ni e.
December 2nd, 2011 at 8:15 pm
Mahni phone IMEI atanga kan phone ru tu hriatdan hi awm thei se atha ngawt mai.
December 2nd, 2011 at 8:22 pm
FIR thehluh in duh bawk si loh chuan a ngaihna ka va hriatpui lo che u em! Nangmahniin in chhui/zawt chhuak thei lo a ni bawk si.
December 2nd, 2011 at 8:24 pm
:-[
December 2nd, 2011 at 8:30 pm
FIR in thehluh loh chuan va kal ula, “Tawngtaia hre thei in i lak ani ati, thlarau lam thil a hriattirna dawng anih avangin min pe let leh mai rawh u, in sawi duh lo mah ula Pathian in a hre vek si” te va ti ta ula…… te ka ti vel mai mai!! 😀
December 2nd, 2011 at 8:34 pm
I u nen chuan i nu anga Pathian tihmi nih ve tum mai teh u, FIR in thehluh duh si loh chuan.
December 2nd, 2011 at 8:34 pm
In ngaih dan dan ni rawh se!
December 2nd, 2011 at 8:35 pm
Bishop’s Candlesticks
December 2nd, 2011 at 8:36 pm
Hman deuh khan kan kawta dawr chhete kan neih ve chhungah ka u in a phone a dah a ina a luh san zawk chhungin alo bo daih a, mahse ni 3 hnu velah naupangin, “kan chhar a” tiin an rawn pe let leh. Naupang te chhung kha chhungkaw fel pangngai tak an nia.
Ka rin dan mai maiin, naupang khan alo la anga, a hnu ni 3 velah a phawrh chhuak ngam chauh anga, a chhungten a neihna an zawhin a chhar ani tiin a sawi anga, ka u phone lo bo bawknen an rawn pek let tir leh aniang.
Nangmahni case angah hi chuan, alo la ngei anih pawhin a la tu kha tleirawl te anih tawh pheichuan midang hnenah a hralh daih in ka ring. Inlo ringhlel laklawh tawh bawksia midang hmuh a han hman ngem chi pawh ani tawhlo ang. A thiante emaw atangin chhui ula zawt ru thin ula a fuh ber ka ring.
FIR te meuh in thehluh chuan thu a rawn lian chho anga chhungkaw in huatna te thlengin a thlen thei ang. Phone pakhat bo avanga mi nu leh pate rilru tih nat leh thinrim a siam chu a worth lo ka ti deuh. Lo la pawh nise hun in ala rawn her chhuah pui anih loh pawhin ngaidam ta mai ulang a la tu pawh mi pangngai anih chhoh chuan a len hnu thlengin in thiamlohna a rilru ah a awm reng tawhin ka ring.
December 2nd, 2011 at 8:36 pm
Hei zet chu mi(sual) Detective Doc_lib & co. te chetna chi a ni tlat. Rinhlelh ringawt avang a FIR theh luh hi chu ka support lem lo; An lo la anih pawhin, lak tumsa reng ni lo, midang fimkhur loh avang a thlemna do zawh loh vang a ni tlat a. Pawngsual, in chil/sut hlum, a ti tu hriatchiante mah an inngaidam a nia. Tin, thlauh bo palh pawh a ni thei tlat. Kan chenna khawvel hi a that loh em avang hian i fimkhur teh ang u. Ka handset Nokia N 95 pawh hi kum 5 ka kawl tawh a nia.
December 2nd, 2011 at 8:36 pm
Thurawn fing tak pek tur che ka nei lo tih ka inhre tho na a, i nu ngaihdan kha a zahawmin zawm thei ula a tha ber ang a, ka’n ti ve thlangawt a. Chutih rual chuan i u rilru tur hi hrethiam ve hle chuan ka inhria. Kei pawh ka handset pahnih chu mi’n min ruk sak tawh a, pakhat phei chu ka hre chiang nasa mai si a, lak let hram ka tum a, mahse a tang tluan ta parh mai a, a hnu lawka nau an chhiat ta te leh an nupa chunga thilthleng duhawm lo takte kha an lainatawmin, ngaihbel mai a awlin an tana tawngtai nachang ka lo hre lo te kha a pawi ka ti hnuhnawh ngawt asin.
December 2nd, 2011 at 8:38 pm
Vawiin lam ah tawngtaia hre thei dang alo pan leh a, a hma a apan nen an sawi a in ang leh chiah a, thenawm ten sual kan ti huangtau mai2 FIR theh lut rawh u min lo ti leh a, theh luh nge luh loh a en liam mai tha ang.
December 2nd, 2011 at 8:38 pm
FIR thehluh chuan dawp hmasak ber tur chu hmeichhe pahnih kha an ni ngei a; mahse thehluh loh chuan dawp mai theih an ni si lova, ngaihdam mai bak chu tih theih a awm lo a nih chu.
Chuan thil pakhat, mi zo tawng a kan uar thar deuh thu pakhat, NAMEN tih i rawn hmanna hi ‘LO’ in a zawm ngei tur a ni. NAMEN LO tih hi thu pakhat, thu uarna a hman a ni thin. Hman deuh a kan BIBLE letlingtute tawng chheh dik loh kan chhawm nun zel tak ni berin ka hria, ‘rinhlelh namen lovin a ringhlel tlat mai si a’ tiin dah ta la, tawng kau chheh a dik zawk ngei ang.
December 2nd, 2011 at 8:44 pm
Dawr neitu nu hnenah khan an naute in rinhlelh zia kha chiangtak in va sawi ula. FIR kan thehluh angai mai dawn si a tiin hrilh ula ani mai. A niin a naute chu a lo vau ve deuh mai ang chu. An vaia inthurual an ni lo tawp ang. Tin, i u phone dahna hnaih zawk kha a ru tu ani ngei ang a, a bul ami khan a hriatpui mai thei, kha zawk kha vau chi deuh ani ang. :-[
December 2nd, 2011 at 8:47 pm
Tawngtai a hre thei tihvel hi ka awih teh vaklo na in, vawikhat chu hmanah kan thenawm nu te Ara(thingzaina) hi a bo a, tawngtaia hre thei a pan a, chunu chuan a ru tu leh tukverha a chhuah pui dan vel nen alo hrilh vek a, a dil let dan tur pawh a sawi thlap a, “kan Ara i RU va tilo in, i HAWH kha ka rawn lam dawna” ti a dil turin a tia, a sawi ang tak tak khan, “ka hawh lo re re” pawh ti eih lovin alo pe let ve mai anih chu. 🙂
December 2nd, 2011 at 8:50 pm
Tawngtai-a in mi rawn te thusawi hi Pathian atanga an dawn ngei ni a inpawm ngam si chuan, chumi te chu kan rawna chuti chuan an sawi ve ve tiin kal chhin teh u.
An chhandan che atangin kal zel dan tur awm mai thei a sin. Sual ngaihdam tih hi kan tlin tak tak lo a puak-keh leh tho thin…
Tin, “Rinhlelh namen lovin tih ai pawn; Rinhlelh namen in a ringhlel lova” han ti la Bible thu leh zual ang …
December 2nd, 2011 at 8:50 pm
#4 IMEI hmanga track dan chu awm teh meuh mai (an ti)
In ngaihdam theih chuan a ropui ngawt ang.
December 2nd, 2011 at 8:51 pm
FIR thehluh pawh hi a buaithlak a nia. Ni 2/1 a fel nghal thei chu nise thuhran, a ni dawn der silo a. Handset pakhat vang khan in buai hrep dawn a nia aw. Evidence or witness in nei silo, Court in Tawngtai a hrethei thusawi kha evidence ah a pawm dawn silo. A buaithlak ve riau.
A…..Krismas dawn a nih hi, i u chuan ngaidam thei se ka ti. I nu duhdan pawh a zahawm alawm.
December 2nd, 2011 at 8:51 pm
Ṭawngá¹aia hre thei nu chu a tihdan tur in zawt tel lo nih chu mawle….. “Elisa an rawna an zinga kal ve tura sawm nachang hria an awm lova, pakhatin a lo hre hlauhva” tih ang vel kha ni 🙂
December 2nd, 2011 at 8:54 pm
#17 ka u pawh chu ka phone min lo thuhruk sak kha ka mangang tak2 tawh sia min lo pe tawh mai teh u i ti dawn nia a lo tia, mahse ka thukru lo reng2 a ti tlat, tawngtaia hmu tu hian a awmdan vel alatu ni a rinhlelh hi a sawi chiang in a sawi dik khawp mai.
December 2nd, 2011 at 8:56 pm
Vawikhat chu kan naupan laiin ka thianpa hian ka GI-Joe ang chi Superman-a min ruk sak a, ka hriatloh nan a sam dum lai tehi alo nawt var vela, “Ka chhar a tia” ka hre reng na in ka dil zui ta lemlo. Hetiang lampang chi a ka toy neih ve chhun ania ka ui ve tho mai, lo ru lo se chu tunhnu ah hian la dah tha ila tha tur hi ania.
Hemi ka neih hi, GI-Joe lei ka ngen tlat a, min lei turin kanu in min chhuah pui ta nge nge a, bazar kan thlen khan Superman-a ka duh leh zawk ta tlat mai anih chu, a hnu chuan GI-Joe kalo thlang lo kha ka inchhir leh rum rum kha ania, thiante ta bak GI-Joe khalh tur ka neihloh phah. lolz
December 2nd, 2011 at 8:59 pm
Funny, kan naupan lai chuan GI-Sephung leh GI-Tuaingawt kan khal thin 😛
December 2nd, 2011 at 9:05 pm
FIR thehlut rawh. Kristian ram kan nia, sual hi kan hneh tur ani.
December 2nd, 2011 at 9:06 pm
kei chu ni ila, ” indawrah ka mobile ka tibova inlo hmu silova engpawhnise FIR ka thehlut dawn a,ka lokal lai a dawr a awmzawng te kha chu police stationah thu zawhfiah turin anhruai ang che u,tihngaihna dang minhriatpui loh chuan ka tih nghal a ngai a nih hi” ti la chhuak daih la i handset nen rawn umzui chein ‘alu bag etc in a lo delh a’ 😛 anrawn tih vat mai ka va ring ve aw…
December 2nd, 2011 at 9:09 pm
#26 (Y)
December 2nd, 2011 at 9:17 pm
Chhimkeite@15, ka sawi tum min lo sawi khalh, ‘Namen’ tih hi ‘lo’ in a zui ngei2 tur. Entirna: Hlim namen in an hlim ta lova. Hetah hian an hlim zia sawi lanna ani. ‘Lo’ tih hian kan thusawi kha a ti negative chuang lo.
December 2nd, 2011 at 9:24 pm
#26 dawr neitu nu chuan thehlut mai ula alo ti hmak.
December 2nd, 2011 at 9:33 pm
i rinhlelh ber hriatlai ngei chuan i sawi ang chu maw? 😀 , thehlut vat tak tak rawh i tlai mah mah em aw first information report ni loin second information report a ni trep tawh mai thei 😀
December 2nd, 2011 at 9:35 pm
Tawngtaia hre thei chutianga pan mai tur chu an awm nual tihna em ni? Tawngtai man te an la ngai em? Chutiang la pan fo chung chuan ngaihdamna rilru put chu a har duh ngawt ang.
December 2nd, 2011 at 9:41 pm
Tawngtai-a hre thei chu hruai la Dawr-ah chuan kalpui hmak mai chi a ni lo maw…? A titu chu han kawk sak sak mai sela phatna tur a vang duh viau ang a..
December 2nd, 2011 at 9:44 pm
thudang a laiin trawngtrai a thil hrethei hi aienthiam sawithianghlimchawp tepawh an ang deuhin ka hria, ka hmelhriatte thingzai ramhnuai a dahkhawm kang zo vek pawh a haltu kha aienthiamin a hrilh vek a,a hal dan leh hmanrua zz nen,thuhretu a tan,hal tur a a kallai hmutu te nenlam a lo hrilh maw le !
a nih dantur ang a thil tih eg FIR kha hmuhlet nghal kherloh pawn a thra a nia, nakinah i number kha han call chhinla tu mobileah emaw i simcard kha a lo invuah tawh mai thei a,tiang deuh chuan chhuichhuah dan awmta se(ni engemawzat hnuah)FIR ilo thehluh miah siloh chuan(a hunlai hian) i reclaim thei dawn em ni…’min pek a ni lawmni’ te hi anlo tih khum et ang che tih te a hlauhawm a lawm 😛
December 2nd, 2011 at 9:53 pm
In ngaihdan a tha hlawm khawp mai rilru a kal phir thawih2 thei lawm mawle.
December 2nd, 2011 at 9:58 pm
In thiltih dan hi, a ti deuh zek zuk em aw? Tawngtaia hrethei chu in ring a, in ruai a, a sawi a, Dawr neitu hnenah FIR thehluhah in vau tawh bawk si a, in bawhzui leh ngam siloh chuan, hlawhtling tak tak lo tur chi in ni ang. Tin, an hmusit ngawt ang che u. An huangtau phah sawt bawk ang.
Mai maiin: 1989 kum khan Aizawl a ka pu ten an pawisa sing khat vel ni tain ka hria an tibo a, tawngtai a hrethei pawh an ruai a.Ni 3 hnu velah an khum leh bang inkarah an hmu. Kei pawh Theological College hostel a ka awm laiin, zanah ka purse ka hmu zo lo pek a. Tlaia Thingpuidawr ka chawlhna te kha ka ringhlel khawp mai a, ka va zawt vel ruai a, an lo hmu miah si lo. Kan Principal ka hrilh a, a hma lawkin office an lo rawk tawh avangin a hlauthawng ngang mai a. Mahse, Tlaia ka kekawr ka thlak khan Thosilen ah ka bang tawp a. Purse kha ka kekawr ipte atang khan a lo put chhuak daih kha a lo nia. Chu chu, Thosilen ka tawm khawm karah khan a lo awm bo daih chu niin. Zan ka mut dawn a, Thosilen ka pawhthlakin ka hmu ta chauh a lawm.
Ka tih ni miah lovah miin rinhlelh thil thuin min Report ta se, Police in min rawn man se, Thana-ah min dawp hrep mai se la, a zahthlakin a thinur thlak ngawt ang. Ka theihnghilh mai mai ka ring lo tawp mai.
December 2nd, 2011 at 10:03 pm
#20 a ka sawi ang khian ngaidam mai teh u. I u chuan amah aia mamawh a pe ang ah inngai thei se. Pathianin i u chu a hma a mi aia tha neihna chance a pek leh ngei ka ring tlat.
December 2nd, 2011 at 10:15 pm
Thurawn finthlak tak pek tur che ka nei lova, mahse engvang pawh in FIR thehluh kha chu i nu thu angin tha ka ti loh pui phawt che a, thurawn thenkhat angin anni ho chhungte atangin tu ber in emaw mobile handset hralh ru an awm em tih an thiante atangin hriat ruk tum mai teh u. A nih kloh vek chuan in rilru in ngaidam mai ula, in ngaidam lo a nih pawhin ka u phone a bo tiin ngawi mai teh u…
Chuan #15 sawi NAMEN tih khi ka thlawp khawp mai, NAMEN thumal (word) mal chauh kan nei lova, LO hian a zawm ngei ngei tur a ni a, chuan NAMENLO a lo ni anga, a awmzia chu Em em, lutuk, nasa etc a ni.
December 2nd, 2011 at 10:17 pm
Thurawn finthlak tak pek tur che ka nei lova, mahse engvang pawh in FIR thehluh kha chu i nu thu angin tha ka ti loh pui phawt che a, thurawn thenkhat angin anni ho chhungte atangin tu ber in emaw mobile handset hralh ru an awm em tih an thiante atangin hriat ruk tum mai teh u. A nih loh vek chuan in rilru in ngaidam mai ula, in ngaidam lo a nih pawhin ka u phone a bo tiin ngawi mai teh u…
Chuan #15 sawi NAMEN tih khi ka thlawp khawp mai, NAMEN thumal (word) mal chauh kan nei lova, LO hian a zawm ngei ngei tur a ni a, chuan NAMENLO a lo ni anga, a awmzia chu Em em, lutuk, nasa etc tihna a ni.
December 2nd, 2011 at 10:43 pm
Ka van thiam lo ve..FIR theh luh in tih leh tih loh chu a nei tu thu2 ah ka dah 😀 OT zuai hmanni 1000 ka ti bo pek a,poi ti awm paw’n ka awm duh lo lui a,George Müeller a thusawi apply chhin teh ang ka tia Lalpa 1000 ka tih bo avangin lawm thu ka hrilh che..a chhartu chuan tha takin hmang rawh se ka tia..a har viau nan. Ka veng hawk..hei tun thleng hian ka rilru ah pawi tihna ka la nei ta lo. .tha khawp mai 🙂
December 2nd, 2011 at 10:45 pm
Ngaihdam lam pawh ala ni chiah lo e, a ru tu hriat chhuah kha ani ber mai a police hnena report na chhan tur a chu.
Police hnena complain siam kha tihmakmawh niin ka hria!
December 2nd, 2011 at 10:49 pm
inu,Pathian tih mi ngaihdan chu pawm ang che, chatuan a daih ang, rilru tina reng reng duh
suh u
December 2nd, 2011 at 10:51 pm
IMEI no nen FIR thehlut vat rawh u, ka thianpa pawn a tibo a IMEI no nen FIR kan thehlut a an lo hralh tawh a a mahse a rutu nen lam an chhuichhuak vek
December 2nd, 2011 at 10:52 pm
Sual ngaizam thei chu setana :-[
December 2nd, 2011 at 10:52 pm
I nu thu chu zawm rawh u.
#”Ka u chuan an nau hmeichhia pakhat zawk chu rinhlelh namen in a ringhlel tlat mai a”
‘rinhlelh namen in a ringhlel tlat lo mai a’ tih tur a ni dawn lawm ni ?
December 2nd, 2011 at 10:59 pm
A remchang bawk a kan sawive lawk ange September thla lai hawl vel khan kan nu nen Guwahati ah kan kal dun a, Mizoram House chaw kan ei laiin Pa pakhat hian Darzat min zawt a Mobile phawrhin ka en mai, chawei kham chuan kei haihawt ta chuan ka thawhsan pek a, kan thlenna Michael,s Home kan thlenin ka hrechhuak chauh a; ka Number a kan call chuan alo in switch Off hmak hman pek a ka hre chiang sia, kanva kal leh ngat a an waiter pakhat chuan a SIM alo paih hman pek a ka Number pawimawh taktak abo phah a. Phone ka hmu leh a ka lawm rual rualin an Sim lo paih kha pawi hi an han tih hmello lutuk kha sawi ngaihna pawh ka hrelo, Sual kan pawisa ta lo lutuk hi kan do nasat loh vang, in ngaihdam liam liam mai mai kan ching lutuk hi a pawi ani.
December 2nd, 2011 at 11:20 pm
A ru tu chu thlah zalen mai a nih chuan Handset chauh nilo HEAD set a la ru duh ang tih hlauhawm tak a ni. A kum a zira kawng dik kawhhmuh paha hrem a ngai hrim hrim ka ti tlats kei chuan.
December 2nd, 2011 at 11:29 pm
Engpawhnise, sual ngaihzam hi sual a i sa tawp mai a, niamhsela ka baibul in kan chunga thil tisual tute kan ngaidam angin…… tih min zirtir tlat mai a, chuvangin ngaidam la theihnghilh rawh tih kha a tha ber awm e..
OT lutuk ah lo ngai lo ula
#44 I rawn sawi hi baibul an an ziak dan chiah a ni a, i sawi ang khi chuan ‘nasa takin a ringhlel tlat lo mai a’ tihna a ni dawn ani.Namen hian amhin awmzia a nei lova, awmzia kan neih luih tir hram dawn a nih chuan, vaklo, tlem, nep tihna lam a kawk dawn ani.
Hmaaaan ah chuan mizo tawng ziak dan dik leh dik loh en dik nan baibul kan hmang thin a, ziak zawk tur te leh zawm loh turte, a tawgkam dik leh dik loh en dik (Judge) nan kan hmang thin a, tunah chuan kan baibul chutiang a tan chuan a tlak tlat tawh lo a ni. Pawi e……
December 2nd, 2011 at 11:36 pm
Hei FIR thehlut mai rawh u te an ti che u ani a, tawngtai tu in tihdan tur a hrilh che u angin inti tawh a, an chhan na ah che u in lungawi bawk silo anih chuan, tun ah pawh in inhmu tha tawh chuang hlei nem sual hi pawm zam mai mai loh tur a tawp ah kan puak keh leh tho thin.
Vitamin-C sawi ang khian in hmuh leh hlauh chuan chuan tha dawn em a sin, chaw te kan ei khawm anga.Enge Duli-bo hmutu pawn lawmpui tu a zawn ruai kha mawle…
December 2nd, 2011 at 11:40 pm
Thinlung leh tihtakzet a Pathian hming a in ngaidam theilo, inrilru a in pai reng dawn tho ai chuan F.I.R chu thehlut mai ula, hetiang kan ngaihdam zel hian SUAL kan ti ngampa in sual / rukruk, etc pawisak loh na an nei zui duh.
December 2nd, 2011 at 11:41 pm
Edit….
#47 a ka sawi, ‘nasa takin a ringhlel tlat lo mai a’ tih khi ‘tlem/nasa lo/nep takin a ringhlel tlat lo mai a’ tih tur a ni zawk e.
December 2nd, 2011 at 11:55 pm
bucko@50, lushai_er sawi ang khi Mizo tawnga kan hman dan dik tak a ni, ‘nasa takin a ringhlel a’ tihna a ni e.
December 3rd, 2011 at 12:02 am
hlatekhua#51 zan a tlai deuh tawh a, ka mut a chhuak tawh bawk, sawi sei tawh lo mai ang….. i sawi ang ni tur chuan “Rinhlelh NAMENLO in a ringhlel tlat mai si a” tih tur a ni. Hei hi Mizo tawng dik tak ani….
Mangtha ule……….
December 3rd, 2011 at 12:07 am
@52, i sawi ang pawh hi a dik ve tho a, mahse upa deuh chuan lushai_er sawi ang, Pathian Lehkhabu-ah pawh an hman thin ang hian an sawi chawk. Ka sawi thiam lo ema, i awih duh lo a nih pawhin pi/pu i la neih chuan lo zawt chhin mah teh, i hmin ve maiin ka ring.
December 3rd, 2011 at 12:22 am
I nu chu a fakawm hle mai,kan Pathian thuin i hmelma te chu tawngtaisak tur a ti a,i nu thusawi pek belchhah rawh a ti hi thlarau mi tan lo chuan sawi harsa tak tur a ni,keia ngaidana chuan in ngaidam thei chuan a tha ngawt ang mase a tan erawh tawngtaisak thei ula chuan a tha ngawt ang..
December 3rd, 2011 at 12:25 am
#53 sawi ang hi kei pawn ka hriat dan a ni e. Bibleah hian, hlauh namenin an hlau lova, tih chu an hlauh nasat zia sawina a ni daih. He tawngkam hi dik hlel deuha hriain, Thangthar ten kan refine mai mai a lawm. OT lutuk lo ang chu maw.
December 3rd, 2011 at 12:40 am
Rilru a kan ngaidam thei lo a nih chuan ngaihdam tih fo hi ka
December 3rd, 2011 at 12:50 am
A ru tu ber pawh man chhuah hma a ngaihdam lo tih chhen te chu a! Police ho in an chhui anga, a ru tu dik tak hriat hnuah a ngaihdam theih ang chu!
A hrim hrim ah in nghaihdam hi kan ti chawk thin. Awmze awm lo ani. Ngaihdam theihna ‘power’ hi kan nei lo hrim hrim! Entirnan, tuin emaw ka chhungte lo ti hlum palh ta se, a thil tihsual kha ka ngaihdam theih ani lo. Dan in a rel mai tur ani. Hei hi kan aiawh a sawrkar a awm na chhan ber chu ani reng ani. Mimal ni loin mi zawng zawng huam dan kan siamna chhan chu..
December 3rd, 2011 at 2:12 am
I vanduai hle mai. Mahse thil pakhat – chutiang taka I mobile phone awttu chu mi khawngaihthlak tak anih chu. I channa ah chuan Pathianin a let tam takin rul che roh se.
December 3rd, 2011 at 2:20 am
FIR thehlut mah ula eng ual a ni lovang, hetiang case tenawi hi chhiarsen loh an pending mek…..in ka hria.
In thil bo chu pawi namenin a pawi ta lo zuk nia.
December 3rd, 2011 at 2:44 am
@bucko : Ka hriat ve dan chuan ‘namen’ chu ‘lo’ hian a zui ngei ngei thin a, mahse ‘lo’ kan dah dan a zir hian a dik leh dik lo chu a awm awm e.
‘Namenlovin a hlau va’ ni lovin ‘hlauh namenin a hlau lo va’ tih hi Mizo tawng tluang pangngai a ni e. Buai vak pawh a tul em ni?
Tolstoy a ziah ‘The Imp and the Crust’ kha lo la chhiar lo kan awm takin lo chhiar ve teh u…https://www.online-literature.com/tolstoy/2897/
December 3rd, 2011 at 2:49 am
Dikna tan e, tanlo e tih lam pawh nilovin, handset bo cc a FIR thehlut hlawhtling ka la hrelo, Police pawn evidence awmlo chuan chutiang nula tleirawl chu an vaw dawn miahlo a,phone bo hi chu an ngai thupui vak tawh lo, a tam lutuk a. In vanduai a ni e. In inkar thu pawh a khi deuh laklawh tawh in ka ring bawk mang e, a pawi hle mai. Tawngtai a thil hrethei hi Bible kalh a ni a, Pathian ropuina tur ni miah lova, miin Pathian hming an lam ve sekna ah hian Pahian hi a inrawlh teuhlo mai, in daibaw deuh hrim hrim ka ti (ve mai mai a), a kaw tawp ah “I nu Pathian rinna” in ti leh bawk si(a tir ah khan lo ring law law ula chu a tha tur). Khawvel a nia, tawrhloh tur hi kan tuar kan tuar fovang, chutiang tawrhna lak a nuihsang theih hi zirchhuak hlauh zawk rawh u, mobile phone aiin chu lesson chu a hlu fe zawk.
In theih nganglo chuan chu tleirawl outwit te chu puitling in in tum phawt chuan a har nang. Case-study nei zui ula, thil chin thalo a nei em,an rethei viau em, chutiang kutkem chu midang chung ah a lo ti tawh em, handset hman mek a nei em, enge a model,a sim number enge, tutenge a sms hnaivai, enge a sms thawnna handset IEM number, in nge induh tak tak chuan data a lakchhuah theih vek alawm. A pawisa hmandan a sang thut em, thilthar a lei hnaivai em, tu te nge a thiante,khawihah nge a kal thin,handset bo ang chiah chiah chu a bul ah midangin theihnghil lui leh sela, candid camera in lo capture ula, a la leh em, la lo pawh ni se, a hmel ah hlauhna a awm em, a kut in a sam a zut em,a ka a hup em, a meng kual zek zek em, a thusawi lai a bah deuh nak em,langthei khawp in a chil a lem em,a khup/ke a tiche hlarh hlarh em,a bawp a khawkherhem, nuamlo a ti a, a kalsawm nghal em, i u a hmuh in a mit ah a en ngam em? A bul ah midang in phone an tihbo cc sawi lui thin se, a chezia lo study bawk ula……… thla 2 chhung in in rilru nawmna tur tawk chuan information chu in lakhawm teuh thei ang, mahse chu chu enge a sawtna? Outwit duh hrim hrim in nih chuan thudang le.
December 3rd, 2011 at 4:01 am
Sawi tur vak ka hre lo, ngaihdam a nih chuan theihnghilh hmak tur, chu2 theih loh chuan awmzia a awm lo
December 3rd, 2011 at 6:00 am
Vawih lo vawiha inpuh mah a na an ti em ni khah? A rutu a nih loh chuan a thinrim khawp ang le. Kan thianpa pakhat pawh an thenawmten vawkte ru-ah an puh tlat mai a, police-in zanah an la vaw leh nghal a, a thinrim hlen phahin phuba lak duhna rilru a put phah reng a ni. Mahse a lo nih erawh chuan ka hre lo le, phone chu inhmuh leh phah ang em tih kha a pawimawh ang reng khawpin ka hria. A rutu hriat ringawt hian phone bo hi neih let leh ngawt theih a ni tawh thin bik lo a nia.
“Namen lo” chungchangah in lo inhnial pek a ni maw? Ka hriat dan chuan “Namen” leh “lo” inkarah hian phrase emaw clause emaw a tlazep lo tur niin ka hria a, “hlauh namenin an hlau ta lo” tih ni lovin “hlauh namen lovin an hlau ta a” tih zawk awm tak a ni Bible ami pawh kha. “Namai lo”-ah erawh hi chuan “namai” leh “lo” inkarah hian phrase leh clause a tlazep thiang thung. Entirnan: “Saw pa saw pa namai a ni lo” tihah te hian a chiang mai awm e. Nupui atan chuan “namena min hmangaih lotu” neih ai chuan “Namen lova min hmangaihtu” neih hi ka thlang fe zawk.
December 3rd, 2011 at 7:42 am
Ka ngaidam kan tih pawh hian kan thinlungah eng emaw chu a awm tho tho. In ngaidam anih pawh in an thil sual tih man (an lo la a nih chuan) tlem tal chu an tuar ve hrim hrim tha in ka hria. Chuvangin va kal leh ula Tawngtai a hre thei in a sawi vek a, min pek let leh loh chuan eng emaw tuarna in chungah a thleng ang – khawihli in a kiansan lo ang ch e … etc te ti ula tha viau lawng maw?!
December 3rd, 2011 at 8:56 am
Hm…. Tawng chungchang ah hi chuan chhim lam leh hmar lam tawng hi a in ang vek lo a ni e. Engpawhnise #63 sawi ang khian Namena min hmangaih lo tu nupui neih ai chuan NAMENLO a min hmangaihtu nupui neih chu a duhawm zawk fe a nih khi… Tichuan tawngkam dik leh diklo chu a lang mai e…. He lam ka duh tawk ta e.
Chuan kan thupui ber ah kha chuan ngaidam ula, a rutu hriatchhuah tum pawh a ngai lo,theihnghilh mai rawh u, a bova a bo a ni mai ah ngai rawh u. In thei ngang lo a nih chuan FIR theh lut ula, in rinhlelh kha rawlruk nghal zeuh ula a ni mai e. A bak ke pen na tur kawng dang a awm thei lo, kawng 2 ah pakhat zawk zawk thlan a ngai a, mahni ah hahdamna tur zawk ngun taka in ngaihtuah a hma lak mai chi a ni e.
December 3rd, 2011 at 10:37 am
naupang 2 chu an chhungte hriat kher lohin dawp chhin teh u, sawithaih ula, an ru anih chuan an tang rei ngam hauh lo ang, chuan an chhungte pawh an hrilh ngam miah lo ang..ngaihdam chu a that rual rualin sual kan ngaihdam fo hian sual a tipunlun nasa hle tih hi ka ngaihdan ani.
Tin,….
December 3rd, 2011 at 10:42 am
In Comment tha tak2 avangin ka lawme. Ngaihdan min siam fel tir thei e. Phuba lak ai in ngaihdamna in thil a ti thei zawk a ni lawm mi?
December 3rd, 2011 at 10:53 am
Kei pon Nokia N70 k t bo toh..ka chenna in gei atangin..burgler case? Misual suspect 10 poh om lohna khua ah..When wìll I c u agaìn? Only God knows!
December 3rd, 2011 at 11:19 am
Pathian-in mihring te chhia leh tha hriatna min pe a. Chumi hmang chuan kan khawtlang inenkawl nan dan leh dun siam a ni. Dan bawhchhia chu hmuh chhuah a, a tih leh tawh lohna turin tul anga dan anga hmalak turah ka ngai.
December 3rd, 2011 at 12:27 pm
FIR chu thehlut mai rawh u. Chu tleirawl chuan in dawp chhuak theiloah a in ngai ang a, thildang pawh a la ru leh lo ang tih a sawi theihloh. A tang huai ngam viau a nih chuan a tih vawikhatna pawh a ni twhlo mai thei.
December 3rd, 2011 at 1:28 pm
in ngaihdam tawh a hnu e nge tih tur awm lem….
I report leh a nih chuan i la ngaidam lo zawk a ni ang.
ngaidam leh ngaichang hi i hre fuh lo zawk a ang ka ti…
December 3rd, 2011 at 1:28 pm
Ti hian ti teh, i u khan a tih bo tih a hriat loh lai bawr khi rei lo te tak2 anih chuan, dawr neitunu fanu te hnenah chuan mi 2 lo kal te kha lova dil ula naktuk ah ka rawn lam ang ti tawp rawh. Mi pahnihte kha an hmel hriat ang i treat tlat la, mahse nangman an mahni hriat ve kher tum angin lang lo la.
December 3rd, 2011 at 1:36 pm
dawr nhaktute hi hmelchhe deuh annih chuan FIR FIR..an chhiatloh chuan in other ways :fiamthu:
December 3rd, 2011 at 1:38 pm
neih let leh ngei i duh chuan 72 sawi hi idea tak a ni.
mahse ngaihdam in sawi tawh si a
ngaihdam hnu a lak let dan han ngawihtuah poh chu………
December 3rd, 2011 at 1:48 pm
Thutlukna in siamfel ta @67. In thutlukna a ropui ka ti. Kristmas spirit in a ken a ni e.
Mi diklo te an diklohna haichhuah a that rualin in situation angah hi chuan FIR thehlut mah ula buai zui bak hlawhchhuah ka beiseipui lo che u.
December 3rd, 2011 at 1:51 pm
Nie, pe ah inngai rawh u. A dang lei le ula, ve pe leh rawh u.
December 3rd, 2011 at 1:56 pm
sheldon a la tu a kan rin hian min hmuh te hi a hreh khawp mai, chuvang chuan a mizia a danglam vek a, a ni tih a chiang mai a, sawi vak ngailo a ngaihdam a ni mai. Ka u hnen ah chuan kumthar present a tan a dang leisak ka tum dawn che nia ka ti ta mai nih kha.
December 3rd, 2011 at 2:48 pm
A ru tu ngei hriat ni se.. Pathian hminga ngaidam chungin, Dan hmanga enkawl ni thei se aw…..
December 3rd, 2011 at 6:12 pm
I u chuan a ngaihdam ve theih nan a rilru hmin a ngai a nih chu. NetQin anti virus ka install a, anti lost a awm nghal bawk a chu chuan remote lock, remote delete, remote locate etc a keng tel a, a tha ve viau mai. Ka finfiah tawh a, ka sim card ka change apiangin phone number dang ka dahah khan a message zel a, a tha viau.
December 3rd, 2011 at 6:26 pm
Ngaidam mah ula zoho sawi ang khian chhui ru ve hrim hrim rawh u, a theih hram chuan hetianga thil chianglo hi chu tih chian a tha. Chuti anih loh chuan nakin thlengin in ngaihtuahin in sawi zui mai ang. Mahni veng naupang chhui ruk techu a har vak dawn emni an thiante leh sikul kalpui atang ringawt pawhin engemaw chu an zawh chhuah theih ka ring.
Hman deuh khan kan thianpa pakhat hi kan veng ami tho in a wallet ru ah a puh a, a bo tlai vel khan a motor bulah alo ding ve kher bawknen, police ah a report a police in zan 1 thu zawt fiah in an kawla, kan thianpa te chu an rilru a na in an thinrim mai mai asin. Thil ru a in puh hi chu a ru lo tu tan chuan na duh deuh ani.
A ru tu an hriat chhuah hnu ah Ar kengin ngaihdam a rawn dil leh.
December 3rd, 2011 at 6:44 pm
pathian chue kha e ti a hetah mualpho thei angberin i rawn sawi zut zut bawksia, ngaidam pawh nila rilru chhungril atanga thatna avanga ngaidam i ni dawn chuanglova chubakah a tirah khan i kir rual khan an phone hmangin i number kha dial nghal la an la off hman kherlo maithei a.
Engpawh nise i ui anih chuan FIR thehlut la, ui lemlo anih chuan ngawi mai mai la. Engemaw hleka Pathian chuti khati tithlazen ho hi ka kham che u. tawngtai a hre thei tih teng te khi. A uih lutuk.
December 3rd, 2011 at 6:46 pm
#81
December 3rd, 2011 at 11:36 pm
Aryan thu hi a dik in a ril in a kha fak zel
December 5th, 2011 at 8:56 am
Tawngtaia hre thei tih hi ka pan ve duh hauh lovang…ang khat veka min hmangaihtu hnenah chuan mahniin ka tawngtai ve mai ang mawle…Tawngtaia hre thei kan rin theih laiin tinge mahnia tawngtai pawh kan rin zawh loh thin le…
Comment hmasa lama aienthiam sawimawina mai mai a ni e tih thu khi ka pawm zawng tak a ni e 😛
December 6th, 2011 at 10:24 pm
Kei cu in gaihdm kn ching ltk hi kn chhiat phah ni in k hre ve tlat thil sual ti tu chu man chhuah a hrem gei ni thin se cuan tun ai hian mixo te hi kn that xok k ring