Saphun tih hi tunlai Mizoramah kan sawi uar hle mai a. Hnamdangin Mizo Sa an phun kan duh lohna tepawh kan aupui chhuahpui nasa. Heti chung hian kan thangthar tam takte chuan “saphun” awmzia pawh kan hre chiang awm lo ve. Hman laiin Mizo zingah hnam hrang hrangin ‘Sa’ biak dan an nei hrang vek a. Miin a hnam kalsan a, hnam dang sa biak zawm tur leh an hnam vuan tura va intulut hi ‘Saphun’ a ni. Chutianga mi dang ‘Sa’ va phuntu chuan a ‘Sa’ chu a va be ve ta a. Chu bakah hnam nihna pawh a vuan tel tihna a ni. Saphun dan chi hrang hrangte:
1) Fahrah nih vangin : Chhungkhat laina belh tur mumal nei loten hnam dang Sa an phun thin.
2) Laina slam nan : Khual lam hlaa awmten laina hnaivai an neih lohna hmunah awmhmun bengbelin khawsa sela, laina bul hnai siam nan hnam dang Sa an phun thin.
3) Chak loh zawk vangin : Indonaa sala mante leh dinhmun chhiat avanga mi chak leh thil tithei zawk hnena intulutte chuan a lo rei hnuah an awmna hmuna an Va belhte Sa an phun thin.
4) Fa dam thei loten fa an dam theih nan hnam dang Sa an phun ve bawk thin.
Saphun Dan : Mi tupawhin mi dang Sa a phun dawn chuan Sa phuntu leh a phunna tur remtih tawnna a ngai a, chutianga remtih tawnna an neih chuan, hriatpuitu awmin an puangchhuak a, Saphun an tipuithling thin.
Saphunte dinhmun : Mi tupawhin mi dang Sa a phun chuan, a phunna chhungkuate chi leh kuang nihna a lo nei ve ta a ni.
Saphun tichat : Saphun hi a tu lam lam pawhin an tichat thei a ni.
NB: Saphun hi Zohnahthlak/Mizo te inkar ah choh a ni e.
Lak chhawnna: Dan leh Hrai (Kulikawn YMA thlatin chhuak, March 16-31, 2010, pg 4 atangin)
Similar Posts:
- Zawhna ?
- Leilet i thlir zuai ang u hmiang.
- Thing phun a hun leh ta
- Mizoram, fimkhur rawh….
- Airtel Mizo customer care
April 19th, 2010 at 9:10 am
Sa rau rau ah chuan parawl chawhmeh kha a tui ka ti!! :lol:
Saphun awmzia min ron hrilhfiah a, lawm awm e.
Report this comment
April 19th, 2010 at 9:13 am
Report this comment
April 19th, 2010 at 9:13 am
Ka lo hre ngai lo reng2 a nih khi mole…..
Report this comment
April 19th, 2010 at 9:22 am
A ngaihnawm hle mai.
Mizo danah chuan miin sa an phun chuan an saphunna te hnam kha an chhawm a,an hnam hlui ang a midang ten an sawi kha a rem tawh lo,lei chawi theihna a ni.
Sailova kha a fing hle a,hnamchawm tamtak kha a lo ‘Welcome’ a,chuvangin a unau te aiin Sailo hnam hi an lo tam ta an ti.
Report this comment
April 19th, 2010 at 9:35 am
NB khi a ziaktu rilrua pawimawh zual lai anih duh hmel
Sa hrim hrim hi kei ka la phun lo
Report this comment
April 19th, 2010 at 10:17 am
Irreplaceable: phun chhin rawh, uisa i phun chuan a battery a rawn par chhaps mai ang :lol:
Report this comment
April 19th, 2010 at 10:21 am
Irre, sa chu ka lo phun pui mai dawn che mi :lol:
Report this comment
April 19th, 2010 at 10:44 am
Lehlam topic nen kan hriatpawlh nuaih tum tlat chu a..mizo nula ten hnamdang ah Saphun hi an uar fu..:-heh..ho ve mai mai e..
Report this comment
April 19th, 2010 at 10:53 am
Hnamdangin mizo sa a phun theih!
Report this comment
April 19th, 2010 at 10:55 am
Assamesepa’n Ralte sa a phun chiang mai! Chutiangin Tuikuk in Pachuau sa a phun pawh ka hria!
Report this comment
April 19th, 2010 at 10:57 am
A post tupa pawh Henry ania, Sap saphun tihna ani thei angem
:lol:
@lushai_er: Pachuau ah hian Vai saphun an tam viau ani awm e, chuvangin chi hnih an awm – Zochuau leh Vaichuau
Report this comment
April 19th, 2010 at 10:57 am
Hauhnar hnam hi Lal-Sadawt hnam an nih avangin sa a phun theih hauh loh thung. Chuvangin hnam tam an ni ngai lo. Khawkhatah in 2/3 bak an awm ngai meuh lo!
Report this comment
April 19th, 2010 at 11:03 am
^-||RaLtE||-^: Lolz, uisa battery zuara eizawnna tran mai ka va chak ta ve. A phun dan rawn sawi chiang deuh teh
Ku Xai: Phun dun chu a thra viau, mahse i cameraman(ku shaia driver ang) khan a rawn tichat thei tlats
Report this comment
April 19th, 2010 at 11:54 am
Irre: cooker ah phun top roh…. a hmin hunah kan ei kerh kerh don nia. lol
Report this comment
April 19th, 2010 at 12:07 pm
@H.V : Heta la hmaih ni a ka hriat ve chu hmanlai khan ‘Lal Sut vuan’ kha an awm ve nual a. Bawih ban a lo nih khan Sailo saphun angah khan an chhiarin an thlahte pawh Sailo inti hlen ta mai ni awm a ni!
Report this comment
April 19th, 2010 at 12:11 pm
#14 Ralte : Saphun hi hmanlai chuan an ngai pawimawh a sin. Dawisa Kilza theite hi sakhua thuhmun inthawina sa ei tlang thei te hi an ni. Hmanlai chuan Ralte-ho inthawina kha an eisenloh pawh chuang thur se la, lusei-ho khan an kilpui thiang miah lo!!
Report this comment
April 19th, 2010 at 3:45 pm
Mizo dan ah chuan Zohnahthlak ni lovin Zohnahthlak ah reng reng Saphun a theih loh. An phuahchawp mai mai a nih chu… Vai a ni emaw, sap a ni emaw a dum a dum tut pawh nise, Mizo ah saphun an thei lo. Mizo ka ni a, English/white/pale-face ah ka inlet theilo ang vel hi a ni awm e.
Report this comment
April 19th, 2010 at 4:17 pm
He thil post hi a pawimawh khawpin ka hria. A chhanchu, Mizo hnahthlak hrang hrangte kan inzawm dan hi uluk taka kan thlir chuan, kan inchawhpawlh nasa em em. Zohnahthlak inkarah tumah hi hnam tha emaw hnam chhia tihtur kan awm lova, chibing bik lakvung hi thil hlauhawm tak niin ka hria. Entirnan, Genetic zawngin chhui thei ta ila, tuna sailo tamtak hi Sailo an ni kher lovang. Tin, Sailo origin chu Lusei ni lovin, Paite (Chhuahlawma)a ni daih mai..
Lai leh Mara chi ho saw inchawhpawlh hle mai bawk. Sawihran ni mahse, a tam zawk saw thuhmun chiah chiah an ni. (Hlychho- hlawnchhing) Hetiang hian kan chhuahna tak hi pure tak a awm meuh lova, Saphun atanga chi khat atanga chi danga lut thei kan ni a. Bawih-te pawhin an pute hnam an vuan ve chawk a. Sailo ho lal hnuah phei chuan, (a bikin Mizoram chhungah) chi tinreng kan inchawhpawlh vek tawh a ni.
Tin, Mizoram zohnahthlakte nen pawn thisen inchawhpawlh vek kan ni. Entirnan, Chin Hills a lai hnahthlak ten Mizoram chhung an run a, Mizoram chhung a mi ten, silchar, Manipur, Chittangong hill tract an run a, Thado, Hmar, kuki etc nula te an man a, nupuiah an nei mai thin tih colonial record ah a chiang em em.
Chuvangin, Mizo hnahthlak tuna Myanmar awm mek emaw Mizorama awm mekte emaw hmun hrang hranga awm mek te hi kan inang tlang vek a. Ralte, Chhakchhuak or hrahsel hi mimal identity sawina ni mai se, a chi pum anga inthliarna rilru a hman loh a him hle. He post tu sawi ang hian, heng hnam ngei pawh hi kan nihna ber alo ni kher lo thei a, kan zavaia “Mizo” or Zo nihna ah hian chiang ila atha ber awm e.
Report this comment
April 19th, 2010 at 5:00 pm
Dawi sa kilho theih nan emaw ka lo ti thin a,
Entir nan: mo kha sakhawdang(hnam hrangah pawh hnaivailo tak) alo nih chuan, puithiam hran nei, sakhaw hran nei a ni a, sakhaw serh leh sangah a tel ve thianglo, chhungkaw khat a sakhaw hrang² awm nuai chu remchanlohna tam tak a awm thei bawk, chumtiang ang ah chuan mo chuan sa a phun tawh chuan, sakhua a inlet tihna a ni a, a hnamnihna a let tihna ni bawk, Baptist tlangvalin salvation nula nei ta sela, mo chu sakramen sem dawn a piangin pawnah chhuah zel dawn chuan buaithlak viau ang, Baptist biakinah uniform lo ha fo mai sela… lo ngaihtuah chhunzawm ve teh.
Hmanlai kan pi leh pu te kha an khawvel dai chin a zim em a, sakhaw puithiam pawh bawlpu leh sadawt kha ni mai a, tunah chuan kristian sakhuaah sa kan phun vek tawh tih theih a ni a, kan sakhua pawh ralte,pachuau etc. ni tawh lovin kristian kan ni tawh, Miin an duh miau chuan engah nge Hinduah pawh sa a phun theih loh ang? Engah nge hindu nula chuan pasal a neih a duh a,sakhua pawh inleh miau chuan sa a phun theih lovang?
Hmeichhe tam tak te pawh hi i dem lovang u, vai an neih duh chuan nei mai rawh se, an right a nia lawm.Marawh chu Sa phun ngam rawh se, a hnam, a sakhua chu kalsan ngam rawh se. A kar laklawh a bak anga lengkawi mai mai ho hi chu i ngaih dan dan a ni e..
Report this comment
April 19th, 2010 at 7:27 pm
Hmanlai chuan, Khawtlang huapa Pathian biakna hi mimal nilovin, Puithiam (assisted by tlahpawi) tih a ni ber a, mimal/chhungkua chuan lo observed pui kha an tih ber a ni. Sakhaw hman tih hi Sap hoin “rituals” tih nen a thuhmun hmel fu a, Chhungkua tin hian an mahni venghimtu an nei hrang vek a, “ritual” hi thuhmun mahse, family in an hmang hrang thin. Chhungkaw pa ber in emaw a hmang mai thin. Hemi avang hian ziaktu thenkhat chuan chhungtinin “sakhua” an nei hrang an lo ti hial thin. Heta sakhua tih hi saptawnga religion nen thuhmun ngau ngau a ni lo.
Hetianga chhungkaw bik “ritual” hmang thei ho hi “Dawi sa kilza thei” an tih chu a ni. Miin sa a phun hnuah sakhaw hmang(rituals) khat an hmang pui thei chauh a ni.
Sawt hi religious priest a ni lo, “medicine man” chauh a ni. Natna ah pawh empirical ni-lo “spiritual” (huai/ramhuai) tihnat ho lo “thawitu” chauh a ni. Natna awmchhan ah pawh sadawt hian hriatna a nei lo..Natna awm tirtu hi zawlnei emaw Puithiam in a zawngchhuak a, a awm tirtu be tlawn thiam sadawt kutah a dah tawh mai thin. Chuvangin, Sadawt hian sakhuaah engmah “role” a nei lo.
A ziaktu hian hmanlai Mizo kalphung a tarlang mai a ni. Tunlaiah Hindu or kristian saphun chungchang a sawina anih ka ring lo. peace..!
Report this comment
April 19th, 2010 at 7:40 pm
A ngaihnawm e. Mahse #4 hi ka lo hriat dan nen a in ang lo tlat. Fa dam thei loten mi chhungkuaa an fate an dah hi ‘suak’ tih a ni thin a, saphun a lo ni ve tho em ni le? Bawih pawh hi chi hrang hrang a awm thei. An leidote ni kher lo pawh chhuanchham leh van lai tlaten lal belin ‘bawih’ah an lut thin. Inhumhim nana lal sut vuante pawh an thlahte thlengin lal bawih an ni thin. Saphun thu hlaah chuan, ‘sa’ tih hi sakhua sawina a ni a, biak hrang chi hrangten mi chi-ah intulutin an sakhua leh chi kalsanin an intukluhna chi leh sakhua an va tawm thin. Tunlaiah zawng kan liberal zo ta nge ni hnam dang eg, Vai, Sap etc. te Mizo ah sa kan phuntir ta nulh nulh fo mai!!
Report this comment
April 19th, 2010 at 7:42 pm
HV chu rawn thur chhuak tha leh hle mai…
Report this comment
April 23rd, 2010 at 3:10 am
Sine die………….?????????
Report this comment