A hmasain mi thenkhat tan chuan a kha leh hlak hlak khawp dawn tih ka sawi lawk hmasa duh a ni.
Zoram Kristian ramah hian hlemhletna Karapsawn hian hmun a luah nasa lutuk, kan ram pawh hei vang hian a tlu chhe mek, tih thusawi leh auhla te chuan kan Zoram dung leh vang a fanchhuak a tih theih awm e. Hetih lai hian, eng chin hi nge corruption ah kan chhiar tih pawh hi ngaihtuah a tithui thei hle awm e. Kan tih phak chin theuh te hi kan ngaidam a, kan tih ve phak loh chin hi kan tlangaupui theuh a ang hi ka ti thin asin.
Zirtirtu i ni a, sikul i kal tlai thin em em a, eiru niin i in ngai em? Kum khat chhung atana i zirtir zawh tura i lak atanga beisei i zirtir zawh hman loh hian eiru niin i inngai em? I thawhna hmuna thawk lovin i ai kal midang i ruai emaw, midang nen in awmthleng hian eiru niin i inngai em? I class lak tur minute 5/10 vela i kal tlai hian eiru niin i inngai em?
Mizoram State Quota in Doctor i zir a, i rawn zirchhuak ta che’ng a, sawrkar damdawi ina i hnathawh duhtawk lova i private clinic a hun tam zawk i hman hian eiru niin i inngai em? OPD a damlo rethei bakberh kan rawn kal changa i clinic lama kal tura min rawn hian eiru niin i inngai em? I fimkhur loh luat avanga nunna chan te, ramtuileilo an lo awm chang te hian Pathian hminga ngaihdam i dil hian i eiruk chu thai bo anih i ring em? Doctor-te chu tihsual nei tur alawm i tih hian, State qouta i hmuh avanga India rama zirna tha i chan hi eiru niin i inngai em?
Tualphiat i ni a, i tualphiah tur phiat tha peih lova i hnawl liam mai mai emaw, i huatzawngte kawtkai vel i phiah that peih loh hian eiru niin i inngai em?
Driver i ni a, side income melh ran chunga a neitute i bum thin hian eiru niin i inngai em? Chhuna i taxi khalh atanga i hmuh i thehluh kimloh hian eiru niin i inngai em? Motor spare parts i thlak a, a man zat aia tam i bill hian eiru niin i inngai em? Khualzin phur i nih a, nangma hlawkna tur atana i muangchan viau hian passenger-te hun i eiru niin i inngai em?
Ration card a hming chuangliam i dah emaw, kum dik lo i ziah hian eiru niin i inngai em? I ration card midang i hmantir emaw, midang ta i hman emaw hian eiru niin i inngai em? Ration i lak dawn emaw, thil sem leh lei dawna mipui intlar laia i duh duhnaa i lo tel ve khan eiru niin i inngai em? Electric meter kaltlang lova Heater, Geyser, adt i hman hian eiru niin i inngai em?
I in kawt vela sawrkarin hna a rawn thawh changin hanthawkte i lo pawt peng thin em, i kawtlai te alkatra te i lo luantir khan eiru niin i inngai em? Kawngpui hnaih lutuka i pal i hung emaw lung i rem emaw hian eiru niin i inngai em?
Office kai thin i ni a, office i kal tlai ngai em? Office atangin paper, eng ilo i hawn thin em? Tlaiah ban hun hmain i lo haw thin em? Office hun chhung leh office property hmangin i mimal hlawkna tur thil i ti ngai em? Chungah chuan eiru niin i inngai angem?
Thingtlang atanga office rawn dawrte an rawn kala, an hriatloh lutuk avanga diklo taka pawisa tlem thamte i lo chawi tir thin hian eiru niin i inngai em? An chantur dik tak chang tura nangmah rawn hmu tura vawi 3/4 an rawn kal hian eiru niin i ngai em? An sum dawn tur Bank-a i lo dahpun avanga an hmuh hun diktaka an hmuh theihloh thin hi i eiruk vang a ni angem?
Sawi tur a va tam em!!!! Zawngin a ngum khak a hmu lo a tih zawng zawng kan nei zo anih tawh hi maw.. In bihchiang ila, eirukna hi ho te atangin a intan tih hi hrereng fo ang u. Sawi tur tam tak a la awm a, comment lamah kan sawi belh mai dawn nia.
Similar Posts:
- Kum engzat kan nihin nge mihring ten upa tana kan inngaih?!
- Mahni ngumkhak hmulo-ah PRISM puh
- Kaw-rap-son tih tlemnan an ti maw?
- GMI@Thenzawl – II
- Niuh neuh!
December 1st, 2011 at 4:07 pm
1st em?..chhiar ang
December 1st, 2011 at 4:23 pm
Tha fek fek hle mai….
December 1st, 2011 at 4:49 pm
ot
misual member ah Pune a awm kan awm mial em? MI pui atan ka sawm duh deuh a, awm chuan min han hriattir hram ula ka lo contact ang che u 😉 mamawh rush ania
December 1st, 2011 at 4:55 pm
Mizoram State Quota in Doctor i zir a, i rawn zirchhuak ta che’ng a, sawrkar damdawi ina i hnathawh duhtawk lova i private clinic a hun tam zawk i hman
hian eiru niin i inngai em?
NPA la chunga private practise chu a felhlel.chutih rualin, doctor te chu an tisual thei, tihsual ah hian fimkhur loh vang leh tihpalh vang liau2 a awm.hei hi thliar thiam a tha.. Mipui in an zim buaizia, an hna hahthlak zia, surgical procedure tense leh har zia.. Kan ngam ta deuh mah mahlo maw. Diklo chu sawisel tur, mahse a tawk hriat a ngai…
December 1st, 2011 at 5:00 pm
Office kai thin i ni a, office i kal tlai ngai em? Office atangin
paper, eng ilo i hawn thin em?Tlaiah ban hun hmain i lo haw
thin em? Office hun chhung leh office property hmangin i mimal hlawkna tur thil i ti ngai em?
Tha khawp mai, tam tak hi chuan sual ani ti pawh kan hre tawhlo.
December 1st, 2011 at 5:29 pm
Corruption hi i sawi reng mai a. Mi rilru pawh i ti corrupt zo ta vek a. Hei pawh hi corruption a ni em?
December 1st, 2011 at 5:32 pm
Comment ka corrupt.
December 1st, 2011 at 5:44 pm
a nat lutuk lem loh hi a 😛
December 1st, 2011 at 5:51 pm
Khipui, mipui chanai a ziaha ziak bo tak tak ho civil services, politicians ho leh engineer ho chu a sawi leh tawp nang. a chheh vela a hnawk te te chauh anih khi a rawn sawi ngam. Kha pawh kha corruption tho..I do dawn a i sawisel dawn a nih chuan hlauh bik nei suh. Hlauh bik i neih chhung chuan i do hlawhtling lo ang rawtte
December 1st, 2011 at 5:57 pm
Chema, i va ti tha ve le (Y)
December 1st, 2011 at 6:05 pm
He post chu ka va han ten mai mai. Ngam zawng chung a corruption do vak rikngawt. MLTP act nen a danglamna a awm lo. MLTP act hnuaiah pawh a thei fa chuan zu an la lut reng, a ti thei ve lo leh mirethei ho chiahin man an tawk. He kan corruption do a pawh hian a ngam zawng chiah a rawn sawisel. A ngam loh zawng ho chu a rawn sawisel tawp nang, an chhungte an lo awm ve khiau pawh a ni mahna ( bo nghal vang vang. Post a hot tha khawp ang le.kolkotta ah ka tlanbo san dawn che u 😛 )
December 1st, 2011 at 6:28 pm
Benjamin & doc_lib, hriatsa sawi zuah zuah dawn chuan a thui duh awm.? In educate hi corruption a ni chiah em? Corruption nia kan ngaihloh tam tak rawn sawina mai a ni e. First para ah ka sawi lawk vek tawh tak hi a.
Engpawhnise, vawih uih hi chu zawnchhuah ngai lovin vawih a ni sa hrim hrim a. A uih si lova vawih pawh vawih anihna a bo chuang em ni?
December 1st, 2011 at 6:35 pm
He post ah hian ka tla zeuh zeuh he he.
Post tupa, a tha hle mai. I han ziah chhuah tam takte hi chu corruption-ah pawh kan ngai meuh hlawm lovang. A langsar, politician ho leh Officer lian ho chet dante hi chu sawi kher pawh ngai lovin tlang hriat (Y)
December 1st, 2011 at 6:39 pm
Kan tih ve phak lohte leh kan tih ve theihloh te corruption hi kan sawi chamchi a, ngawiteh.. Lem har ti deuh pawh an awm tan nawk mai hi..
December 1st, 2011 at 6:39 pm
Eiru chunga Vanram kai theih nita se Isua kha Kros-ah a thi peih ang em?
Chemte, engang pawhin vei mahila kan vei fel dawn silo a, kei chu ka bei a dawng. Eiru chunga vanram kai theih anih dawn loh avangin mi corrupt ho hi chu lo thak ve mai mai teh se. Diktak chuan Sorkar hian a eiru nasa thei chin, officer lian ho hi chu a khawih ngam tak tak lo. Mahse mipui hian kan hria, an hnunglamah hengho hi kan nuihru tawh. Kan ngaisanglo ngam tawh.
December 1st, 2011 at 6:43 pm
In sawi cham chi a, tunge civil hospital OPD a in entir, ka clinic ah lo kal rawh ti doctor hi..Hei hi a tak tak nge, ngaihruat a in phuah chawp aw.. A ti tak tak an awm anih chuan sawi chhuak pawp ru, keinin a bak chu kan lo chapchar ange..chuti ni lova a hming hmerha sawi chhuah tur hre si lo va, doctor ho sawichhiat nan teha hman hi a tha ti lo kan tam ta viau..Sawi rawh u le, ka clinic ah private in ka lo en ang che u tia, damlo hospital OPD ami lo thlem chu ( ka hriat chinah chuan tumah hian mi an thlem ngaiin ka hre law, ka hriat tlem vang nge..an awm anih chuan keini mi a ho hi conference lehah kan au chhuak leh mai dawn alawm..han sawi ula 🙂 )
December 1st, 2011 at 6:52 pm
Chema: I thil ziah hi education i ti e law? 🙂 (H)
Kaikuangin chep hlawk che rawh se.
December 1st, 2011 at 6:55 pm
Doc_lib, i tang na mah mah lo maw aw?? Chutianga hminghmerha sawi chu a tul lem em mawni? Nimin lawka Mizo tlangvalin Doctor Court-a a khin te kha a zia lo lampang deuh chu a ni lo maw? Mizoram population tlemzia chhuta Doctor-te tihsual tam zia leh Pathian hminga ngaihdam dil te zo zai pawh hi fimkhur loh vang nge tihsual liau liau? Kan thusawi hi chu comment hnu lamah ngaihruat phuahchawp mai ani lo tih chu i rawn hre chhawm mai turah ka ngai ngawt che.. (I)
Tin, ui chi hrang hrang kan la hmuh ngai loh leh a awm pawh kan rin phak ngai loh ho rawn introduce laia Mizo ui pawh hi ui ah i chhiar tel ve nange rawn ti thawthanga min rawn kherhthluk i tum erawh i inhmuchhuak nghal deuh chuan ka hria. 😉
December 1st, 2011 at 6:57 pm
benjamin, mawl, haihawt leh hriatloh hrim hrim avanga kan thil hriat loh kan in hrilh a kan lo hre ta tluka “Education” a awm dawn em ni? Tuiah ka thlak dang lep lep dawn che nge meiah ka rawh sen vet vet dawn che aw.. 😀
December 1st, 2011 at 6:57 pm
“Mizoram population tlemzia chhuta Doctor-te tihsual tam zia ”
Where is the data? Where is the ratio?
Nge kan zirtir tupa hian i rawn risk ve tawp?
December 1st, 2011 at 6:59 pm
@doc, tunhnai lawka kan damloh vang khan Civil Hospital ah ka kal tam a. Damlo OPD pan te Doctor in a clinic a kal tura hrilh chu an awm kei chuan ka hrelo a. OPD ah hian mihring an tam thin lutuk avangin thenkhat chuan Clinic ah anmahni duhthlanna in Doctor an pan ni mai ah ka ngai.
Diktak chuan Doctor te hi an clinic ah pan pawh ni ila, kan case a zir in Hospital leh OPD velah kan teikual fe a tul ve tho. Doctor te hi a tlangpui in an fel khawp. Investigation tih tul pawh manto taka private lab a min tihtir lovin Civil Hospital ah kan ti vek a, senso nasa takin a tlem phah. Damlo te min hrethiam, min dimdawi khawp mai.
Kan case a emergency phei chuan investigation tihtur pawh min tihsak sawk sawk a, doctor te pawh an tlankual rawk rawk mai. Kan chunga tla chinah chuan kei ka lungawi khawp mai. OT em aw.
December 1st, 2011 at 7:02 pm
Post atang chuan Mizote hi kil tinah kan corrupt a ni ber e. A post hi a dik thui khawp ang. (Y) Sorkar hnathawkin development thawhna tur sumah a hlawkna alo tel ve avanga a quality-in a chhiat phah, kawng siam te, in sak te, lungrem te leh a dang tam tak, heng hi mipui tawrh phak corruption-ah a ngaih theih, Corruption han tiha office kal tlai, ban hma, paper hawn tih vel mai mai hi chu ka lo ui thin. Ramin a tawrh dan a nep deuh. Hun leh thil tenau-a corrupt kan dem chhung hian a maktaduaih tela corrupt an lian zung zung mai a nih ber hi.
December 1st, 2011 at 7:03 pm
Chema Chema Yes Papa
Eating Sugar
No Papa
Telling Lies
No Papa
Open ur mouth
Ha Ha Ha
Hei pawh hi corruption a ni em?
(H)
December 1st, 2011 at 7:08 pm
Post a tha. Mahse, i ziah zawng zawng khi 100 ah 100 zawm tur chuan tuman kan tlin theilo. Entirnan, office hnathawk ka ni, engemaw vangin kal tlai tum ka nei thei, office hunchhungin chhuah tulna ka nei zauh thei bawk. Office hours ka eiru tihna ani. Mahse, khing khi mihring nuna thil tul a ni ve a, eiru angah chuan ka inngai lemlo.
Mahse, thil reng reng hi a lutuk a awm a, mahni duty aia thildang dah pawimawh te, mi chanai eiru te, thildiklo chiang ngawih ngawih ti tu te hi chu EIRU anni. Insiamthat tul fe fe chu kan tam ang. Chutihrualin officer lian corrupt in kan ram development khawih chhe pha khawpa an eiru hi chu ka va haw tak em.
December 1st, 2011 at 7:09 pm
Benjamin chu, thuhriltuin kan ramah hian ringtu dik tak an tlem tawh hle, sex lah a hluar hle bawk an tih pawhin a source i lo dil chut thin ang a?? 😉 Zika music video ka sawisel vanga rawn sawi i nih chiah chu ka ring chuag law..
Nimin lawka tlangvalin doctor a khin te kha.. Kei ka unau hian tawk ta se kha ai khan ka la nasa ang. Tin, comments lamah pawh sawi zui a tam. TIn, damdawiinah hian kei ka tawng ve nual. Mit ek pawh tuai tha hlei lova ruh pelh ah herh tak mai mai pawh mitin ka hmu ve.
December 1st, 2011 at 7:12 pm
Rawtte ka tang na lo ve. Corruption i do a, a tha e. Mahse i do dan hi a MLTP act tlat. Head of dept in nuai tel mizoram sum a ziah bo tir a,i hrem ngam lo va, peon in paper 2 lek a lo haw chu hrem tumin i mit i len tang hru si..Kha kha maw corruption do?? Mizoram kawng siamthatna turin bugdet kum tin an siam a, an ei ru zo a, a phiat faitu hrem i duh leh si maw??..Kei chuan ‘every man is equal’ tiin ka tang e. I sawi ngam loh ho khi hrem a, an tih sual man an hmuh hunah i rawn sawi ho khi chu an rem mai ang.. 😀
December 1st, 2011 at 7:16 pm
Chema leh Bena te hi Debate ah Lawmman in la tawh lo maw? Point in chher thiam tlat. Tunlai post hot a väng thei si a. Han bei tak tak teh u, tunge misual ho zingah debate thiam ber tih zawnna tha tak a ni dawn e.
December 1st, 2011 at 7:17 pm
Doc_lib, ‘vawih’ uih tawh sa chu vawih a ni e han tih vak leh chuan a ngai em ni aw?
Vawih ni si, uih lem lo, a ri thawp set, ring mang lo, ri deuh pung uih miah si lo, ri deuh thlerh thlerh te pawh ‘vawih’ vek a ni e kan tih lai mek a, vawih dang zawng sira hnawla, a uih leh vawih a ni tih mi zawng zawng hriat tawh sa in hrilh leh hi he post a awm hma hian engzat nge awm tawh ang a, a uih lo ho vawih an nihna kha a bo phah chuang dawn em ni?
December 1st, 2011 at 7:20 pm
Zika music video i sawisel pawh ka lo hre tawh hlei nem.
Mizoram polulation leh Doctor te mistake ratio chu han sawi phawt la 🙂 Hmundanga “mistake per population” te pawh han chhawp la. Chuan we will compare!
December 1st, 2011 at 7:24 pm
chemtatrawta, post tha viau e (Y)
Mahse, corruption hi thiangzau lutuk mai a define hi a tha lo. I sawi tam zawk khi chu corruption huangah a telh theih lem loh, thil dik lo ve satliah mai mai an nih hmel. A literal meaning chuan a huam thei tho ang chu mahse pawngpaw huam zau tir lutuk chuan helai a crore tel eiru tu leh office tlai satliah te huang khat a dah kha ani thei lo ani.
December 1st, 2011 at 7:33 pm
Ngawi teh u.. In ti ngawt tak na a, Zirtirtuin class a lak loh emaw, a kal tlai hian a zirlaite hun a eiru chu a ni ber mai lo maw? Hun tluka thil hlu a awm lo kan tih lehzel si phei chuan zirlai hun eiruka awm avang khan zirlai khan a nih tur ang a ni pha lo ang tih tunge sawi thei ang??
Thil reng reng hi correlate anih hi kan chhut vek loh chuan tualthi pawh midang thahah kan puh thla chawk reng fo alawm..
December 1st, 2011 at 7:35 pm
Kei chu doctor clinic ah ka inentir ve a, ka in sawisel dan vel ka sawi hnuah test tih tir tur a ziak a, naktukah OPD ah lo kal rawh min ti daih (H)
December 1st, 2011 at 7:37 pm
Benjamin, #24 hi ka chhanna che anih kha.. I lo dil chut thin avanga i lo awih ta chauh nge, i rilrem tak anih avanga pawm i ni? nge i awihloin i pawm lo hul hual thin zawk.???
Sawma pakhat pekloh hi buk dawn ta ila, cheng nuai khat pek loh nge cheng 10 pek loh hi serious ang???
December 1st, 2011 at 7:39 pm
@28 Rawtte Chuti chuan a vawih uih ho ( mizo mipui chanai eiru ho ) hrem ngam lovin, a sir a lo vawih ve mai mai ho chauh i hrem ngam ta a?? Kha kha maw i corruption do dan ??.Tin ka ti leh pek thin ang, doctor, damlo OPD a in entir a ma private clinic a kal tura thlemtu chu tu pawh ni rawh se, i hriat chuan i sawi ngam turah ka ngai. Chuti ni lova, mizoram doctor zawng zawng kha tiang ti tur a i rawn ngai anih anih chuan..kei mimawl hi mizoram doctor aiawh turin ka ding ngam hrim2. I hriat chu sawi la, keiin conference ah ka lo au chhuah pui ange. Chuti ni lova, doctor zawng zawng ang zawnga in rawn tih chuan, mipui tana theihtawp lo chhuah ve tu te rilru a na tawh..kan sel hnem tawh.. tuna kan sel dan hi chu constructive ni lovin dectructive critism ah a in let lek lek tawh ani.
December 1st, 2011 at 7:43 pm
#30 (Y)
December 1st, 2011 at 7:44 pm
Corruption laka tumah fihlim bik lo anga sawi hi a fawng lam vuantute tih dan a ni tlangpui an ti!
December 1st, 2011 at 7:44 pm
Doc-lib, a sira vawih te pawh vawih tho a nihzia kan sawi mai hi enge a pawina chuang? Tin, “mipui chanai eiru ho” i tih hian officer zawng zawng chu i generalise ve deuh a va ang ve aw??
December 1st, 2011 at 7:48 pm
Pu Hawla’n corruption cu a zung chawpin a phawk a nga a pho ro dawn ani lomni???? :-S
December 1st, 2011 at 7:50 pm
Corruption rah tai tha hler hlor tak thlir dawk dawk pah chuan corruption zung lam hi leiah a inphum thuk tih hi hmuh loh theih fu ania..
December 1st, 2011 at 8:01 pm
Thingtlang, kawngpui tlawhpawh loh hmunah in kal ngai em? Primary/Middle school emaw kha an sawrkar office lian ber anihna hmunah! A vannei deuh chuan fapa, sipai an nei mai thei.
An nundan chu hmanlai ang reng kha a la ni asin! Nitin hlo an thlo a, kum tluana an thawhchhuah kha cheng singnga man pawh ani mang lo. An motor chu an ke, an hnungzangah em leh nghawngkawl nen, beisei tur dang awm chuang hek lo, nakkum a an lo neih tur bak an hisap pha lo. Aizawlah erawh eiru babu ho in sawrkar chawmin, motor to chi, driver nen. Engkim a tha ber chi nei in a rem chang chang an ei zo duak a, duhtawk an nei lo e.
Hei hi corruption chu ani e
December 1st, 2011 at 8:04 pm
Office atanga paper phek hnih thum vel hawn leh nuai 10 eiruk chu ka rilruah chuan a in ang thei ngang lo
December 1st, 2011 at 8:07 pm
Thingtlanga zirtirtu tur hian thingtlang ami vek an la lem lo. Amaherawhchu, khawpui mi hna duh ve si, thingtlanga hna hmu, amaherawhchu kal peih loh avanga man tlawmtea ai kal chhawr emaw, a kal ho pawh mahni khua lama haw sek avanga class la tha hman lo te pawh hi an corruption a nep chuang lem lo e..
December 1st, 2011 at 8:09 pm
Jacka pi, sawma pakhat phuttu hian Cheng nuai 10 pek loh ai hian cheng 10 pekloh hi a ngai serious lo deuhin i ring ve tho em??
December 1st, 2011 at 8:09 pm
Ha ha ha….
Post tupa, an vak vak hian khawvel i siamthat ka ring ngût love.
I thuziak a tha…
December 1st, 2011 at 8:18 pm
I sawi tamtak hi chu nang pon i zom theih loh thil a awm tho ka ring…………te noi lutuk i soi chhuah ho khi chu tu pon ti se an chhiat phah in an that phah a rinawm lem loh ve…………….
Mihring tling lo theuh tih tak ah a nasa chin hi chu a awm deuh lo maw, nge i ngam chin i sawi? 😀 😀 😀
December 1st, 2011 at 8:21 pm
malsta, zirtirtu hun eiruk avanga zirlai anih tur ni pha lo te pawh, class lak tlai mai mai tih chuan a ho lutuk…amaherawhchu, zirlai future a tichhia ti zawnga lak chuan serious deuh mai asin. Thil reng reng hi a thlirna atang zawk hian a ni.. 😀 😀
December 1st, 2011 at 8:23 pm
I sawite khi eirukna vekah ka ngai. (Y)
December 1st, 2011 at 8:29 pm
Aw haw le! Post tupa in tan rawn nasa lutuk a, A fair lo deuh hlekin ka hria a, rawn chalrem deuh mai che u ka tum a. (Ka rilru chuan, “mi hrat khawkheng Pu Hv an Post tupa hi rawn second se aw” ka ti ru vawng vawng a, mahse, chhungkaw thil avangin ka phut lang ngam si lo a. Hei a rawn lang ta e. Tunah chuan Movers leh Oppsitions in in buk tawk ta khawp mai, Kan la khar rih lo vang.
December 1st, 2011 at 8:36 pm
Post tupa sawi zawng zawng khi eirukna chu a ni tehmeuh mai. Mahse khing zawng zawng laka kan damchhunga fihlim tur chuan tumah tlingzo reng kan awm lovang. A dik thei ang ber tur erawh chuan mahni theuh in en ila.
December 1st, 2011 at 8:38 pm
PKFanai #48
Corrupt:
Adjective:
Having or showing a willingness to act dishonestly in return for money or personal gain.
Verb:
Cause to act dishonestly in return for money or personal gain.
A chiang viauin ka hria. Eirukna/hlemhletnaah hian a zat emaw vangin a nih loh phah lova a zat a intam hleih mai a ni. (Y)
December 1st, 2011 at 8:39 pm
Lrpa @40, I han sawi takah chuan nizan DDK Aizawlin silk pangang khawitute an kawmnaah khan pakhat khan ‘kan thar that chuan kum khatah cheng sing thum,sing li te kan la lut thei a,’ a tih khan ka rilru a khawih khawp mai. Khawpui mi hausa ho hian sing hnih sing thum chu an fanute vawikhat thawmhnaw leina man vel bak a ni awm si lo a
December 1st, 2011 at 8:44 pm
@chemte, kan sawi ang zawng zawng abikin lrpa@40 te khi i ideology a ni thin, i comment/post ah ka hmu fo. Tunah pawh hian vei inang, a thulaimu thuhmun tho a ni. Ram leh hnam, kan society that duhna hlir i post thin. Tunah pawh i thahnemngaih luat vangin i hrut te ta deuh ni maiin kei chu ka hria.
Eirukna
December 1st, 2011 at 8:45 pm
Vawih pawh hi a uih leh uih loh, a rin leh rin loh lamah a vawih nihna a awm lo a, chuvangin heng ka sawi te, te tham te nia kan ngaih te pawh hi corruption anihna a bo lo. Keimahni direct taka min nghawng lem loh avangin kan ngaizam mai a ni.
I sawrkar lehkha pawimawh lutuk print chhuah tur kha hnathawk-in lehkha a lo hawn then avang khan print chhuak thei ta lo la, i ngaihdan chu a dang deuh ngei ang..Chutiangzelin a dang zel pawh.
December 1st, 2011 at 8:46 pm
Kha ta mi pawh eiru duh(eiru thei dinhmuna din chuan)hee tilam a mi pawn duh,khuuu ta mi pawn duh,sawww ta mi pawn duh..! sawi mai maii!invaiin eiru duh vek ni maw le.
December 1st, 2011 at 9:06 pm
Mizo nawlpui hi chu eiru thei dinhmuna kan din hi chuan eiru duh mai kan ni tlangpui. Mizo chhangphut zuarin vaibuh a pawlh a, aieng zuarin maida a pawlh a…. chu aia tilian thei deuh contractor-in bill a lak hnu lawka chim leh mai thei tur khawpa chhia in retaining wall a siama, luah ngam mang loh khawpa chhiain in a sa a, a endiktute lam lahin an lo pawmpui ve mai thei zel bawka.
Sum an neiha an hausaka, kohhrana thawhlawm leh Pathianram an pek that chuan dinhmun sang tak an chang thuai thuai mai bawk si a. YMA hnatlan nikhua a motor an thawh theih chuan kan lawm em em a, khawlaia inhmuh nikhua a min nuih ringawt pawhin kan lawm a ni lawm ni.
Hetianga dik lo taka titute kan endawng ngama, khawtlangah pawh nuam lo ti rawih khawpa eiruk kan huat hunah, tlem chuan corruption do chungchangah hi chuan hma kan sawn deuhin ka ring. Chu mi dawtah PHO RO
December 1st, 2011 at 9:18 pm
Eiruk loh hi zira zir chuan alo eiruk loh theih khawp mai, hman ah pawl 10 kan nih laiin refreshment ami tur sweet kan pack bang ka hawn ve duh lova mahse ka nau in alo hawn tho kan ei tlang leh dial2
.
December 1st, 2011 at 9:19 pm
@trawta, Kan Office chaw eikhawm pawh a fel zual deuh ten Corruption min tih sak!
December 1st, 2011 at 9:39 pm
Uluk takin ka chhiar chhuak ta chiah lo na a, ka hrut chhuak thuak a, a thu kalphung chu ka hriain ka hria. Comment pawh ka hrut thuak chauh rih ang.
Corruption kan hrilhfiah duh dan emaw, a huam china kan ngaih emaw hian kawngro a su ber lo maithei a, amaherawhchu kan ram leh hnam dinchhuahna tur dal thei khawpa hnawksak hlemhletna erawh hi chu kan do tlan chu a tul khawp mai.
I sawi zawng zawng hi insiam thatna tura kan hmabak a ni zawk mah kan ti thei ang. A chhan chu i ngaihmawh aia ngaimawh hmasak tur kan ngah em vang zawk a ni. Chu chuan i ngaimawh hi a dik lo, a te tham lutuk tihna lam a kawk lo a, tun dinhmunah chuan, a nawlpui hi chuan kan la pha ngang lo a ni.
1984 ni tain ka hria, ka hriatsual palh chuan ngaihthiam ka dil nghal a, Mizoram Presbyterian Kohhran bik chuan ‘Corruption Do Kum’ kan lo puang tawh a. Kan han chip nawi ta tak tak a hehe!!! Tuna i rawn sawi ai mah hian kan chip nawi zo ta a. Tichuan nuai tam tak eiru leh office kal tlaite chu angkhat rengin kan chhuah fai ta vek mai a hehe!!! Ih maw, za lo deuhin kan nui kan nui ta mai a. Corruption chu a zualzapui vailenhlo tih ang maiin, a hluar zual ta sauh a ni zawk hial awm asin.
Heti hi a nih avangin corruption hi kan do duh takzet a nih si chuan, a neuh neuh hi chu ram leh hnamin a chhiatpui lutuk loh chin a awm bawk a, project lian pamtul ngai khawpa sum kawngbo ang chi te leh, development tithuanawp khawpa sum chheprelh ang chi te hi kan ngaimawh hmasak chu a tul phawt zawk lo’ng maw? Peon-in paper tlem azawng a lo hawn ruk leh officer lian zawk ten nuai tam tak an tihchingpen hi Pathian lakah chuan angkhat reng chu a ni maithei, mahse ram leh hnamin a tawrh dan erawh intu lo ve tak chu a ni lawi si. Kan ngaimawh ala te lutuk hlei thei lo a nih pawhin, a lian lam tal hi chu namenloa kan ngaimawh a hun khawp mai.
December 1st, 2011 at 9:44 pm
Corruption awmzia sawifiaha buai buai lo hian do nghal pawp pawp mai ila tha tur a nia. Hairehai.
December 1st, 2011 at 9:46 pm
# 58 boihapa
December 1st, 2011 at 9:50 pm
#58 Boihapa sawi khi ka ring mai hrih ange..
December 1st, 2011 at 9:52 pm
Ka mut a chhuak
December 1st, 2011 at 9:57 pm
CHEMTATRAWTA thawnthu ang deuh corruption ah chuan kei chu kan inpuh kual theiin ka hria.. Mipui pawh kan diklo.. Thuneitu huai kan ngai.. Kan chhungkua ina Contract tenau kan thawh ka buaipui tawh a, Driver atanga JE,SDO,EE, a dept hotu leh a changtu Minister thlengin tihlawm an ngai.. Kei ka thiam ve lo a, Sum tam ka hlauh reng ani
December 1st, 2011 at 10:00 pm
mirethei leh hausa eiru in in ang tlang dial dial a hremna an tawrh tur ang theuh an tawrh hunah corruption hi kan do tak tak e kan ti ngam ang. Mahni chhungte leh thenrual tha te famkim lohna sawi ngam lo a, a te nawi te te chauh kan kher chhung chuan kan do hlawhtling heklo ang. Kei leh ka chhungte chu kan fihlim e ti ngam kan awm em..kei chu ka ngam e..Nih lungin in deng dawn ila..huai takin public forum ah kan chai ta sa sa
December 1st, 2011 at 10:04 pm
kan duh thawh leh hlek ang e, pi leh pu atangin kan fihlim e ti ngam chin kan awm em? kei chu ka la ngam zel e
December 1st, 2011 at 10:10 pm
doc_lib, a dik chiah. Han ngaihtuah chiang ila chuan mi hausa leh milian, officer lian tak takte hi a khawtlang, pawl, kohhran leh a huho hi chuan kan kawk nasa luai luai tawh asin. Hetianga kan kawk ang hian tlemte eiru pawh hi kan kawk ngam turah kei chuan ka ngai. Kan ngaihthah lam hi kei chuan vei a ngai ve thovin ka lo hre deuh a.
December 1st, 2011 at 10:16 pm
Trawtte corruption i rawn sawi vei a, ka teu hlar dawn ania. Lo ah thlai dip takin thing pakhat buk tawk a awm tlat mai a. hei lai zar chuan he buh kung hnih khat hi a dip anih hi tiin a zar thlak ngawt mah la, a kung bulpui i kih loh chuan a rawn zar chhuak leh tho ang..chu vangin a kung pui kha kih a ngai a lawm..A kungpui i kih fai hunah chuan a zar ho kha chu an thi ve mai ang..I rawn sawi kha a dik lo e ka ti lo, action kan la ngam a nih chuan lak hmasakna tur a awm e kan rawn tihna a ni zawk
December 1st, 2011 at 10:17 pm
Ka sawi ve tur zong2 min sawi khalh vek
December 1st, 2011 at 10:19 pm
58 & 67
December 1st, 2011 at 10:21 pm
doc_lib..a dik vek alawm..kan duhthawh dan a inchen lo chauh mai zawk a ni e. Keichuan, thingkung lian taka rah bawr lian tha leng lawng, nitina kan hmuh leh kan sawi fo te hi corruption tenau hmuhthamloh leh kan hmuh kan fo te avang hian a par a chhuang ka ti ve tho ania. Pu ber pawhin a zah deuh riau khawpa peon leh ahnuaia thawk mi rinawm hi kan tam angem, nge mahni phak tawk kan bei theuh mai??
December 1st, 2011 at 10:26 pm
@ TRawtte Mizoram ah hian pu ber hnuai a thawk ho rinawm loh vang a pu ber ei ru ta nge, pu ber rinawm loh vanga, a hnuai ami ten an phak tawk ti ve ta mai tam zawka i rin? PU ber hnuaia rinawm tak a thawk an pet leng lawng lawngna Mizoram ah hian hna i la thawk ve lo emaw ni le aw tiin i ngaih theih rum rum. Chuvangin action kan la dawn a nih chuan a bulpui hi thuai chhum ila, a ler a lo par ho chu an ral mai ang
December 1st, 2011 at 10:30 pm
Mahni thil tih dik lo(ho te ni a lang pawh) hmuh kan a ‘AN’ kan tih chhung chuan hma chu kan sawn mawh khawp ang le. A ler atanga dik a that rual in,a hnuaia mi te dik zia hriat vanga a chunglam insiamthat phah pawh thil awm thei tho ania.
Anyway…Good post.
December 1st, 2011 at 10:31 pm
post tha tak a ni
@58 ,59 ,64 ,65 ka 
e . . .
December 1st, 2011 at 10:33 pm
doc_lib, ngawiteh… a par lam hi chu kan chip ngun tawh malh malh bawk alawm le.. Kohhran, pawl, vengchhung ang te hian kan kawkzui a, kan hmusit a ni lawm ni. An chhungkuaa chhiatna an tawh pawhin an eiruk kan mawhpuh ngam sak sak tawh zawk a ni lawm ni. Kei ngei phei hi chu a kawk zum zumah ka tang ngei ang. Amaherawhchu, kan la hmuh kan tlat lam te pawh hi i bih ve teh ang u tih nana kan nghawng dak tlat hi hmundang hawitir tuma kawihherna mai a ni e.
December 1st, 2011 at 10:50 pm
Thil practical lo deuh hi chu awm thin a ni that duh lutuk na lam ah hian. Enge i dinhmun ka hre lova, khitiang i chhui don nih chuan, midangin khitiang an ti lai, working hours a I thluak a i ngaihtuah chhung poh kha chhut tel ta law2 la ti nia, i hna a ni si lova. Corrupt tho
December 1st, 2011 at 10:50 pm
doc an khing intih khi khawiah nge a chipchiar deuh a chhiar tur a awm min han hrilh ve teh un
December 1st, 2011 at 10:52 pm
malsta..thlirna tlang dang kan sawi mai kha a ni e. Zirtirtu class la tha peihlo pawh hi engvak a ni lem lo, mahse zirlai future tichhia tiin han ngai la.. I fapa zirtirtu ni ngei se a dang zar mai ang..
December 1st, 2011 at 11:02 pm
kei pon thlirna tlang dang ka ron hmang ve ni mai lom
. Zirtirtu class la tha peihlo tihte hi chu a tha lom mahse a then ho khi chu a te nawi ltk deuh lom le 
I hnathohna a gossip trade chhung te leh i ngaihtuah chhung te poh kha han chhut tel ve chhin la midang poi a khoih ve tho lom lolzzzzzzzzzz
December 1st, 2011 at 11:03 pm
Zirtirtu sawi tak ah chuan Zirtirtu mahni school a fate kaltir duhlo/ngamlo ho hi ka khawngaih.
December 1st, 2011 at 11:08 pm
Malsta…a tenawi i tih ber chu rawn sawi la. Office hnathawk kal tlai lutuk leh haw hma lutuk avanga thingtlang lam mite tangkhang fo hi i hmu ve thin tawh angem aw?
December 1st, 2011 at 11:12 pm
@trawt: hemi paragraph hian a a thu pumpui khi a vaw chhe vek ka ti………..
Office kai thin i ni a, office i kal tlai ngai em? Office atangin paper, eng ilo i hawn thin em? Tlaiah ban hun hmain i lo haw thin em? Office hun chhung leh office property hmangin i mimal hlawkna tur thil i ti ngai em? Chungah chuan eiru niin i inngai angem?
Chhan chu i rilru a hi a kal na lutuk deuh a ni ka ti, i in theih nghilh thak a ang em a
December 1st, 2011 at 11:21 pm
Malsta, i document print ngai pawimawh hmanhmawhthlak lutuk awm ta se, paper lo hawn zo ta se.. I hrethiam ang ka ring.. Hetiang hi keini thingtlang lam hian kan tawng nasa ania.
December 1st, 2011 at 11:28 pm
Trawt: khatianga i tih don te chuan a paper awm lai khan print mai tur a lawm
. Thil engkim hi i duhdan ang thlap in i nun ah thil a thleng vek a mi? ti daih i la…….. 
December 1st, 2011 at 11:32 pm
Malsta, thingtlang lam atanga rawn kal hi chuan paper an hawn lai te hi hriat a har ania, chhungkua an buai deuh te hi lo zawh kher loh chuan hriat theih lah ni law.. Office dawr turin kan duh duh hunah office hun chhung te chuan kan dawr thei turah kan lo ngai ngawt mai thin asin..
December 1st, 2011 at 11:33 pm
Ngati nge chutianga i ngaih ngawt
. A va ho toh mai2 e hehehe
December 1st, 2011 at 11:38 pm
Sazu mei zuih tanna tak hriat a har ang bawkin ‘eng chin nge corruption?’ tih chhanna hi a awm thei lo.
Te nawi tak tak thlenga hrut hi corruption do tithuanawptu a ni thei zawk tlat. Hlawm lian deuh pahnih khat lek kan thlurbing a nih loh chuan engtikah mah corruption hi kan do thei tak tak chuang lo vang.
December 2nd, 2011 at 12:16 am
Tlai khaw hnu ah ka’n sawi ve teh ang…..
Hman ah Synod rorel khan kawrapsawn do an puanga, synod hotu sorkar hna lian tak2 thawk te khan kawrapsawn an han chip nawi tak2 mai chu, comment a in sawi paper pakhat hawn pawh kawrapsawn, kal tlai leh ban hma pawh kawrapsawn sorkar thil mahni tana lo hman pawh kawrapsawn etc etc an han ti mai chuh, hna te leh lian, MR thlengin kawrapsawn practice lo reng reng hi an lo awm thei lova, chuvangin kohhran pui meuh pawhin a do hlei thei lo a ni e an ti . Heng ka sawi lan leh sawi lan loh nawi te te te pawh tam tak a awm thei anga, chung te chu kei chuan kawrapsawn ah ka ngai tehchiam lo. Kawrapsawn a ni love tiin ka tang bur hran chuang love..
December 2nd, 2011 at 12:16 am
Tlemte chunga rinawm lohna hian, Tam tak chunga rinawm lohna a hring thin. Tlemte chunga rinawm tlat chu tam tak chungah pawh a Rinawm ang.
Amaherawhchu, Corruption pawisawi tham dodal a, sawi chhuah dawn apiang a hetiang lo sawi kual ve ziah hi chuan Corruption dona lamah chuan a pui lo khawp ang. Mi Corrupt ho insawi thiamna leh inphenna a ni maiin ka hra. Corruption ti huangtautu a niin ka hria.
December 2nd, 2011 at 12:32 am
#88.. like like
December 2nd, 2011 at 2:58 am
86, 87, 88 te hi a dik khawp mai..
‘Eiru thei dinhmunah ding ta ila kan eiru vek ang!’ ti a tang tlat te zuk awm thin a! self confident neih lo zia a lang thin!
December 2nd, 2011 at 9:22 am
Anna Hazare ten Prime minister, politician lianber atanga lower bureaucracy thlenga huam tura Lokpal Bill an putluh chhan te hriatfiah tum chu kan awm hmel lem loh hle mai maw. Sual te leh sual lian kan then hran chhung hi chuan sual te hi kan vulh lian ah ka ngai.
December 2nd, 2011 at 10:57 am
chemtatrawta, ka tan khawp mai che a, i ngaihdan hi keima mimal nunah chuan, Isua zirtirna nena a inmil thlap avangin vawn him tlat pawh ka lo tum ve thin reng a ni. Amaherawhchu corruption chungchang kan sawi tak tak dawn a nih chuan, mi zawng zawng huapzo kan ngaihtuah a tul tlat a; mi thenkhat chuan Pathian an tih lo a, mihring lah an hlau nahek lo. Chuti mai pawh a la ni law, Kristian ni reng reng lo officer leh MLA-te pawh kan nei a. Tin, Kristian intite lah hi kan ngaihdan leh Pathian Thu kalpui duh dan a phirsi em em mai bawk si a, chuti chu kan nih teh nuaih avangin mi corrupt tak takte tana chance awm lo zawnga ngaihtuahna fing zawk hmanga corruption hi kan do a tul tlat a ni.
I thil sawi zawng zawng hi kan mimal nunah vawng hlawm theuh thei ila chuan, hlemhletna leh eirukna hian min tibuai hauh lo ang a, do phei chu a tul hauh lo ang. Lal Isuan, “A ram leh a felna chu zawng hmasa rawh u” a lo tih kha a ni tlat alawm. I thil sawi hi mimal nun tithianghlim tura thu pawimawh tak a nih laiin, ram leh hnam huapa corruption huam chin leh, ramri khamna tur atan chuan corruption tihluartu a nih theih dan a awm tlat si a ni. Chuti a nih avang chuan i fing thiam ang u.
December 2nd, 2011 at 11:19 am
Boihapa sawi khi in hria maw… khi khi a ni mai, a dik chiah.
A posttupa tanna lam hi chu eiru hausate tanna lam nen a in ang reng.
December 2nd, 2011 at 11:52 am
Zan ka meng rei ve thei ngang si lo a,post dangin a delh teuh hnuah kan comment ve leh teh ang..
Trawt,kawrapsawn hi hmanah kohhranin a do kum deuh roh a puang tawh, chuan pulpit tlang atangin chawlhni chhun leh zan sermon ah kan ngaithla deuh fo thin a,mahse… paper pin pakhat hawn leh nuai 10 ziah bo pawh bukna ah a in balance a an khai tak chinah khan do chhunzawm ngaihna an hre ta vak lo a ni awm e,a reh ta vang vang mai
December 2nd, 2011 at 12:12 pm
Jacka pi, mahni nghawnga han inhlin chat chat mai kha chuan Kohhran meuh pawh a che ngam tawh lo chu a ni ber mai lo maw??
December 2nd, 2011 at 12:36 pm
trawt, we live in a fallen world ti tawp mai ang
December 2nd, 2011 at 12:42 pm
“He ram tha lovah hian min hruai zel ang che…”
December 2nd, 2011 at 1:18 pm
Jacka pi, thenawmte fa vei ai chuan mahni fate theuh hi vei ila kan ram chu a tlu rei lo ang ti raw? Nuai tel eiru hi chu mi tupawhin kan hmusit vek tawh, kei ngei pawh hian. Cheng tlemte eiru pawh hmusit ve tho ang u ka ti mai a ni e..