Krismas special deuh rohin, kumina a tawpna ber turin ka rawn dah àm deuh e.
1. Tlangval pakhat pawh a meng rei thei lutuk a, a nuin, “Mu hma ve tawh rawh,” a tia, tlangval chuan, “Mu hma pawh ni ila, tihtur a awm chuang hleinem,” a lo ti hlën!
2. Drug addict pakhat vein nei tawh lo pawh khan a chalah vein a hmu hlauh a, “Yesss.. Urlawk zan atan khêk ang!” a ti chûl mai.
3. Kan thianpa nupui pawh kha a’n lâktlâk loh mai mai. Wai wai chhum leh computer games khelh chiah a thiam.
4. Pitar phunchiar pawh khan lengzem hla a ngaithla a. Lungawi lo zet hian, “Engah nge maw an hlaah hian ‘Hmanah ka lo tawn loh che? Ka tawng tlai lua che’ an tih ziah ni? Duham hlawm lutuk! An induh mek ahnu!” a ti pâng pâng.
5. Ruati pawh khan bialpa a nei ve a, a bialpa khan a rawn phone a. An inbiak laklawh laiin line a in-cut hlauh mai a. A call nawn leh a, “Line a in-cut daih a..” a tia, Ruati chuan, “Ka cut love a,” a lo ti huh.
6. Mitthi pakhat pawh kha a rawn irhfiak thut a, a chhungte an lâwm raps.
7. Mizo Idol selection round-ah Man Hunt theme song a rawn sa ve ringawt a, a tla chiang mai mai!
8. Motor chhe lutuk pawh kha a ke-ah pasi a to.
9. An ar vulh kha na nei miah lovin a thi a. Putar chuan, “Bawiha, ‘ngati nge in ar chu a thih?” a tia, naupang chuan, “Ka hre bik lo, a thidang a niang,” te a lo ti vel mai mai.
10. Naupang pakhat pawh hian a thianpa hnenah, “Kei chu ânu min hmuh dan hi mak ka ti thei lutuk. A changin zawng ang te, hmêl ang te, a chang leh uicho ang te’n min hmu thin,” a lo ti sep sep.
11. Naupang pakhat pawh hian a thianpa a fiam tap a. “I tap hma thei lutuk, bei bui ache,” a tia, a thianpa chuan a sana a en vung vung a, “A hma tawh lo, dar 3 a ri tawh,” a lo ti daih.
12. Naupang pakhat pawg khan dawtsawi a hrât angreng. “Nizanah kan kawmthlangah sakhi a hràm a..” a tia, a thiante’n, “Engtin nge a hrâm?” an tia, ani chuan, “Sakhi sakhi’ a ti,” a ti vel.
13. Naupang pakhat tawng duh lo lutuk pawh kha a pa’n a vua a, naupang chu a thinrim ve ngang a. ‘Âpa hi tawng duh loh vang ringawta mi’n vuak chu le..’ a ti rilru.
14. Vai pakhat inti-Mizo pawh kha a’n over mai mai. ‘Zo artui’ te hi ‘Kan artui’ ti ngatin a lam thin; ‘Zohnahthlak’ tih pawh hi ‘Kan hnahthlak’ a ti zel.
15. “Vai tawngin ‘Mizo’ han ti teh,” a tia, a buai raps mawle..
16. Pa pakhat chiri tlûk hlau pawh kha electric ban vuanin a lo khur ngar ngar a, a thiante’n current-in a man emaw an tia, mau ro-in an hawlh nek.
17. Tlangval pakhat pawh camp-ah a lut a, a piangthar a; a nu leh pate’n an vêng uluk sauh.
18. Pa pakhat ngeiawm deuh pawh kha gospel camping-ah a lut a. Bethel-naah, “Lalpa, ka pianthar theihna tur a nih phawt chuan ka bula thu hi tihlum mai rawh,” tiin ring tawkin a au vak vak!
19. Mi huana zawngtah a lo ru a, a lera a awm laiin a neitute’n an lo hmu a. A tihngaihna hre lo chu thingkung lera a awm lai la la chuan a rui der vak ringawt.
20. Pa pakhat pawh kha a zin a, a chhungte’n, “Khawi lai nge i rawn thlen tawh?” an tia, “Don’t mix drinking and driving’ kan rawn thleng chiah,” a ti vah mai.
21. Pa pakhat pawh kha theihai kung atangin a tla a. A hnuaia a thianpa chuan, “E khai aw.. I va rawn hmanhmawh ve. A la hma alawm le..” a lo ti chu a sa mai mai.
22. Pa pakhat thinrim lutuk pawh khan a fapa a hau a. “I inkhel a, i hil bul a; chaw i ei a, i thlan leh buah buah a; an bûk che a, i rit em em a; sap tawngin an bia che a, i hawi luau luau a; Mizo tawngin an bia che a, i pâwt zuah zuah a,” a ti vel hrep.
23. Pa Rama pawh hi a ti mak reng reng. A fate mawngtamah tattoo-in, ‘Made by Rama,’ tih a chhu kai vek.
24. Nu – Kan arpui tui lai chu motor-in a chîl a..
Pa – A va tui kawng lai awm ve..
25. Pitar pakhat pawh a inah ar a lo lut a, a hnawtchhuak a. Ar chu a lo lut leh thin a. A tawpah a ning lutuk chuan thinrim tawkin, “Eng nge i theihnghilh?!” a lo ti tuarh!
26. A hmelchhe ve pangngai a niang, a u fapain a en vang vang a, “Âpate, a thîp viau em?” zu ti a!
27. A banah Isua lem tattoo a chhuttir a, sam a’n nei lo ngeiah! Ang lo mai mai asin aw..
28. A handset-in a bialnu thla a laksak a, “Ringtone-ah ka hmang dawn che!” zu han ti a mawle!
29. Chhungkaw pakhat pawh an sual asin. Mikhual an neih chuan ragging a nasa tawp.
30. An hotupa chuan, “He lai lung chu lungtâtah ka va awt e,” a tia, Taitesena chuan a rûkin a ah thatsak a. A hnu deuhah kawrte lui nuam deuh an thleng a. An hotupa chuan, “He lui chu in bula luangah ka va awt e,” a tia, Taitesena a che buai raps.
BONUS: Aduhi leh Kima inngaizawng pawh kha an over dun mai mai asin. Banner lianpuiah ‘Kan inngaizawng’ tih kha an ziak a, kawng laiah an kalkualpui thin.
December 1st, 2011 at 1:02 pm
HAHAHA. Good HAHAHA Post.. TS
December 1st, 2011 at 1:08 pm
chhun laiah kan nui vur vur mai lawm,good post,a hlimawm thin e 😀
December 1st, 2011 at 1:19 pm
hui ha..ka nui nasa lutuka ka hah vek. 😀
TS i ti lawmawm thin hle mai. (Y)
December 1st, 2011 at 1:19 pm
Bonus khi duh mai mai 😛 Tin, made by Rama tih khi shailendra stail i hriat a niang 😀
December 1st, 2011 at 1:25 pm
Ka nui nasa e… Khawsik hlawrh hlawrh chung pawn a nuih hlawrh hlawrh theih tho mai a…. Damdawi chak chi a ni chiang mai… Good Post… (Y)
December 1st, 2011 at 1:28 pm
ka va nui nasa leh pek ve… a mal mal khian ka nuih an ti za vek
December 1st, 2011 at 1:28 pm
Hehe nuihpui tham tuaisiala….
December 1st, 2011 at 1:28 pm
Thiante zingah ri lovin ka lo nui leh vur vur thin. Min tihlim hle mai!
December 1st, 2011 at 1:31 pm
Thiante zingah ri lovin ka lo nui leh vur vur thin. Min tihlim hle mai! (Y) 🙂
December 1st, 2011 at 1:38 pm
Kan nuih ve vak chu le… tha ltk e (Y)
December 1st, 2011 at 1:46 pm
Naupang dawthei sakhi hram hria khian thil min ti hre chhuak,TS ka lo belh ve ang aw..
A dawthei ve bawk a,”Vawiin ka tui chawinaah sakei ka hmu” a tia, an awih sak der si lo a, an zinga rual u deuh khan “Sakei a nih tak tak chuan ki a nei van ang chu” a lo ti zauh a. Ani sakei hmu nih duh lutuk khan,” A nei a lawm kutzungchal chen vel” a lo ti! Chutah pakhatin, “Sakei tak tak a nih chuan a mei pawh a par chhak lawm ni?” a lo ti ve leh zauh, “Par chhak e” a ti ve leh mai bawk a!!!
December 1st, 2011 at 1:46 pm
10-na khi a pawimawh ka ti. Hehehe.. Ka lawm thin e.
December 1st, 2011 at 1:52 pm
Hahaha.. Jacka Pi, tha lutuk! I fiamthu atangin fiamthu pakhat hriatchhuah zawk ka nei.
Naupang pakhat pawh khan sakei a hmuh len zia a sawi a. “Ka sakei hmuh chu sai tiat,” a tia, a thiante’n, “Awihawm loh loh, chutiang tiat tiat sakei a awm ngai lo,” an tia. Ani chuan, “A nih leh sial tiat,” a ti leh a, a thiante’n an awihsak duh lo leh a. A tawpah chuan, “Bawngpui tiat, tun bak chu ka tawlh tawh dawn lo hrim hrim,” a ti e an tia lawm.
December 1st, 2011 at 1:56 pm
Taitesena che buai lai khi ka hmu chak…. 😀 (Y)
December 1st, 2011 at 2:00 pm
Kan khawpa pakhat Biak In-a mutthluk hrat pawh kha enga ti nge i inkhawm apianga i mutthluk ziaha an tia, “Pa In-a mutthluk te chu a thlamuanthlak em alawm” zu ti then a. Dik ve fu ni.
December 1st, 2011 at 2:02 pm
6,13,16,30 😀 😀
Kan thianpa tawng duhlo lutuk pawh kha,vawi khat chu nu in a hau a…ang nghek mai a…alo ngawi ngul a,darkar chanve hnu ah a rawn dak chhuak a….
‘Ziak mai rawh,ka lo chhiar ang.’ 😀
December 1st, 2011 at 2:02 pm
Hahahahaaaa BONUS khi!!! Hyderabad ah Kima pahnih ka hria a, tu zawk nge ni ang awwwww? tren trennn…
December 1st, 2011 at 2:07 pm
Kima nilo in “Keimah” a tihna zawk a ni ang.
December 1st, 2011 at 2:07 pm
Ha ha ha ha (Y) 😛 😉 😀 🙂 :-O (I) (@) (P) (^)
December 1st, 2011 at 2:10 pm
Sir Sandman, Aduhi paw’n Mumbai-ah Aduhi hriat a nei nual maithei asin. 😀
Kima leh Aduhi tih hi chu a inhmeh ve hrim hrim alawm.
December 1st, 2011 at 2:28 pm
Ka nui nasa lutuk!
Chuan bonus hi (Y)
December 1st, 2011 at 2:35 pm
Nupa in sei hleih:
Chhip lam inchena an mutin an nu’n a englo a tlawh pha chiah a, ke lam inchena an mutin a hmuam pha tawk chiah!
December 1st, 2011 at 2:40 pm
Arpui tui kawnglai khi ka duh ltkk 🙂
December 1st, 2011 at 2:41 pm
OT lawks: CyberThug hian tun hnai ah, malware link/spam pakua 9 lai min rawn thawn tawh, min rawn thawn tluk tluk mai. Antivirus in a computer kha scan nawn awn awn rawh se. A ninawm. 😛
December 1st, 2011 at 2:45 pm
6. Mitthi pakhat pawh kha a rawn irhfiak thut a, a chhungte an lâwm raps.
16. Pa pakhat chiri tlûk hlau pawh kha electric ban vuanin a lo khur ngar ngar a, a thiante’n current-in a man emaw an tia, mau ro-in an hawlh nek.
18. Pa pakhat ngeiawm deuh pawh kha gospel camping-ah a lut a. Bethel-naah, “Lalpa, ka pianthar theihna tur a nih phawt chuan ka bula thu hi tihlum mai rawh,” tiin ring tawkin a au vak vak
23. Pa Rama pawh hi a ti mak reng reng. A fate mawngtamah tattoo-in, ‘Made by Rama,’ tih a chhu kai vek
Ka nuih ti za zual te. A tha hlawm kher mai min ti hlim e.
December 1st, 2011 at 2:51 pm
#22 Hahahahaha..
@funny: Virus-in vawm ve la a ni mai lawm! Hihihahahuhu. Virus tamna computer atanga facebook luh chuan, virus link hi chat-ah a lo thawn darh vak thin a. Fimkhur a ngai thin a nia.
December 1st, 2011 at 2:58 pm
haha TuaiSial: a facebook account hi facebook ho in temporary a an block turin ka va attack chiam dawn mawni. 😛
December 1st, 2011 at 2:59 pm
Kan thianpa nupui pawh kha
a’n lâktlâk loh mai mai. Wai wai
chhum leh computer games
khelh chiah a thiam.
AN TAM ANG.
16 leh 22 khi ka nui nasa lutuk.
December 1st, 2011 at 3:10 pm
Tha leh pek hle mai… (Y)
December 1st, 2011 at 3:43 pm
ka nui ker ker…Ts…Merry chrismas…
December 1st, 2011 at 3:47 pm
Ts, i va over tak. Ha3.
Over tha thei thuai thuai e. Dul vun na veka kan nuih chu le..
December 1st, 2011 at 4:13 pm
hei hmanni a ka freedom points hmanga ka redeem ear phone kha alo thleng ta. (Y)
http://i44.tinypic.com/25gsz9k.jpg
December 1st, 2011 at 5:00 pm
Pa pakhat zurui pawh kha a ang chak si, an vakna chhan tur a hre si lo, thinrim a a awm reng lai chuan, annu a lo vawih palh ta hlauh mai a, “Engvangin nge ka thu lova i vawih, min va zah love” tih atangin a ang tan vel….
December 1st, 2011 at 6:37 pm
Post thuhmahruai sen tak a nih hi. TSa nge nge ti tha thin e (F)
December 1st, 2011 at 6:56 pm
TS hi chu aw… Ka va nui nasa tak em!!. #16 and #23 ka duh zual ha ha!! TS Dam reng ang che ti tawp teh ang! (Y)
December 1st, 2011 at 7:04 pm
Ka nui nasa luttuk a, ka chhungte ngaih a thalo vel, room ah an rawn tlan lut….mittui tla phungin ka lo nui. 26 hnu lam zawng khian min ti nui nasa zual 😀 (Y)
December 1st, 2011 at 7:19 pm
#10 khi ka like top…hahahahaha…
December 1st, 2011 at 7:28 pm
Va post tha mai mai e..
Bonus.. Camping ah an inchibai tir a, a tawp lamah. Pakhatin ” Ka piangthar ve tawh asin” a lo ti a, pakhat zawkin ” Lalpan malsawm che rawh se” an ti zel a. Kha pa lehpek khan ” ka piangthar ve tawh asin” an rawn ti kha, “A LO NIH TAK CHU” a lo ti thin pek a.. 😉
December 1st, 2011 at 9:16 pm
Ka la chhiar zo phal lo
December 1st, 2011 at 9:39 pm
Ava han Nuihzatthlak loh hlom veeeeeeeee :-O
December 1st, 2011 at 9:58 pm
A teh thlawt chuan! Hahahaha..
December 1st, 2011 at 9:59 pm
TSA thin hi aaa… banner te deuh hlek kenkual tawh tur a nih chu.
December 1st, 2011 at 9:59 pm
December thla dam thlen a va man hla ve..Nula hi mittui thla phungin ka nui lawm..kei chu thlalak ringtone-a in hmansak chu ka duh lo reng reng…
December 1st, 2011 at 10:10 pm
He he he ha ha ha 😀 (Y)
December 1st, 2011 at 10:29 pm
Lal Mes…hahaha..
December 1st, 2011 at 10:43 pm
😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀
December 1st, 2011 at 10:56 pm
Taitesena hawi buai vel tur ka mitthla, hahaha, nuam e!!!
December 1st, 2011 at 11:37 pm
hahaha (Y) tunah tak hian ka chhung ten “nangmah in nui vur vur zel tawh suh..ngaih i ti thalo” min ti. haha (Y)
December 1st, 2011 at 11:53 pm
@Tete-i: Kei pawh chu chu ka hlauh a nia…hahaha.
December 2nd, 2011 at 12:00 am
Isua sam neilo a ziah chu, Pathian hla Rap music a sak nen ava in ang duh awm ve!!
December 2nd, 2011 at 12:14 am
Hahaha.. Ni ngawt tak.
December 2nd, 2011 at 1:38 am
Fiamthu thiam te’n mi an huikhawm a,an rilru erawh an hnawt bo thin.
Pa pakhat pawh kha dam lo kan turin a kal a.A chhungte’n engtikah nge i lo hawn ang an ti a,”vui zawhah” zu han ti a.
Tuaisiala hi nula chu ni ila len tar pui ka chak ngawt mai
December 2nd, 2011 at 2:13 am
bonus hi an over dun e
December 2nd, 2011 at 3:36 am
comment bonus a awm dawn lo emaw ka ti a, Nguntang che hit hle mai a, damlo kan haw hun tur vui zawh ah hehe
+sakhi hram dan han hit zia hi ‘sakhi sakhi’ a nghal reuh ngawt ang mawle
*sipai ho hi an kalrem hla an lo thlak sak a, tumbailek tumbai lek’ tihah Hmuihmula te ho pawh an kal nui vur vur mai
#lehkha zir peih loh chuan a chaih theih, a den theih a, a zial theih bawk
-Profight lai a ni bawk a, a puangtute chhiar turin lehkha a pe ve ngei a, an han chhiar chiah chu “Pu Van, i ha tha leh ka ha chhia in thleng ang!”
$tlem a mi pangngai pha chiah lo deuh hian nupui a nei a, kum 1 hnuah pawh khan fa an la nei si lo, a mah ngamtlaktu deuhte khan ‘in mu dun ngai lo em ni?’ tiin an zawt ru deuh a, a ni lah chuan ‘E, mu dun ziah a, ka bulah a mu ziah alawm, hetia mut dun hian an rai ve mai lo mi?’ lo ti heh mai
December 2nd, 2011 at 7:09 am
True Story..Khatla tlangval pakhat pawh an khawsa mak ve mai mai khawp a, chhun leh zan a inhman thlakthleng..zing dar 7 velah mut hma in lehkhabu chhiar lo in ka muhil theilo a tia,khumah a chhiar tiah tiah zel.
December 2nd, 2011 at 8:44 am
2,12,19. nui let tawp tawp……….
December 2nd, 2011 at 9:17 am
a va han tha hlawm leh pek ve aww!!!
December 2nd, 2011 at 9:29 am
Hahaha..
Profight-ah a tel ve a, a hâng lutuk a, a engamah hmain Pu Vana’n, ‘Black corner’ a lo ti nghal ngawtah!
December 2nd, 2011 at 9:33 am
Min va han tihlim em ve aw!!! vitamin cheng tam tak man min eitir a thlawnin. TS a fiamthu hi a copy neih vek ka chak, damsam mang loh leh thawipik changa chhiar atan.
Ts dam reng teh
December 2nd, 2011 at 9:38 am
@zoelife: Ka lawm e.
Aizawla i awm chuan Fiamthu Huang Magazine lo chhiar thin rawh. A copy i nei a ni mai. Chumi atanga ka rawn lakchhuah a ni thin a.
December 2nd, 2011 at 10:02 am
Miss Aduhi hi mupuiin an sai fuh sar a ni hrim hrim! A reh dan em em hi?
December 2nd, 2011 at 1:12 pm
comment zawng zawng nen …
Patling kan nui seki vun vun mai lawm … 
December 2nd, 2011 at 3:18 pm
Ka va nui nasa ve. Kan thiante nen chaw kan ei khawm dawn a,ka chhiar a,kan nui! Kumthar a va nghah hlelhawm tawh ve.
December 3rd, 2011 at 12:14 pm
‘Liana kal rawh RV ah leng ang’
‘Pawisa i nei a mi?’
‘Nei dawn lawm ni’
‘Eng pawisa nge?’
A jacket ban chhung ah Artui a lo ak ruih!!!