Tunlai chu sakhaw lampang a kal tha deuh a, ka sawipeih tawh lo khawp mai.. He post hi draft a a awm lai khan Admin ten lo delete palh ta se a tha tur te ka tia ( 
Being sarcastic again.. !! ).. Mahse he post ka draft-na hi a rei ve tawh si a, sakhaw lam kan sawi hnem tawh lutuk vang ringawt a Trash hmak chu a tha berin ka hre ta lova ka rawn submit leh zawk ta a ni.
Ka duh angin ka thil sawi tum ka sawi fiah thei lovin ka hria a.. Tawngkam in a daih tawh lo te pawh a ni ange. Ka thil sawitum tlangpui chu in hrethiam thei thovang.. He Post hi a sakhaw lampang ka sawi tawpnan ka rawn post e..
God Concept – A dik ber em? (Ka ngaihdan) :
Biblical God concept hi Juda, Kristian leh Islam sakhua te rinna bultum ani. He rinna hi mi rethei, hausa leh mi chi hrang hrang ten khawvel huapin an zui a. He rinna an zui na leh a kaihnawih lekhabu(scriptures) te hian mihringah rin tlatna mahni in a lo insiam a, mahni ngaihdan leh hriathiam dan in sakhaw pawmna a lo insiam thin a ni.
He rinna vang hian rindan in ang nei (group of people) an lo piang chhuak a. Thenrual tha siamin, group of people te hian rinna in angkhat hmangin thil tha (moral value) mihring rilru ah a tuh thin a ni. Chung mite chuan an thlahte kal zelah Pathian a awm thu leh, Pathian rin tur thu a an hrilh mawlh mawlh ta a.
An fate chu an lo thang chho zel a, pathian rintur tih an nu leh pate zirtir a chu an hlan chhawng leh zel a. He an hlan chhawng na kawngah hian mahni ngaihdam tamtak pathian thu ah hian an zep chho ve zel ta a. A thenin Pathian ka hmu an tia, midangin an awih a, a then in an awih duh bawk si lo.
Pathian awm ti tu te chuan miin Pathian ka hmu a tih na na na chuan “E.. a ni maw..” tih zawk awm tak. Pathian a awm a , mahse mi pakhat in “Pathia ka hmu” a tih chuan an ring ngam leh chiah bawk si lova, an awih lo, awih deuh si awih lo hlau bawk. “Nangni chu Ring ve lo mai ru.. ” tih mai te a chakawm thin… An han zir chiang vel a, ring si, ring chiah si lo ka tih thin te chu hei hi ani. Mi Pakhat in Pathian a awm lo a han ti leh chiah chu le..hairehai… heng mite tho hian “A awm” an ti leh tlat pek a. Rinna nghet lo fe fe kan tam khawp mai..
Rinna nget ah chuan mi tam tak ten science leh heng scriptures a thu inziak( a literal meaning ) in an-lohna sawifiah tumin mahni hriatdan/ngaihtuadan azirin an sawi kual vak zel mai a. Tu sakhua mah ka sawiselna nilo sela, tum vang reng a tu-emaw sakhua ka va “attack” tih na ni lo se, ka thil ziah tur hi a positive zawng leh tha tur zawngah ngaihtuah in lo tum hram hram dawn nia. Ka sawi tum ber chu “Biblical type of God” concept kan tih ang hi ngaihtuahna mawl thei ang bera chhut in a awm theilo tih ani. A awmzia chu Islam/Juda/Christian ten “Pathian” (Biblical God kan tih ang hi a awm lo.
Thil pathum chiang tak a awm a. chu chu, mahni, biakna (worship) leh lekhabu a inziak ang Pathian kan tih hi ani. Mahni kan tih chu, suangtuah tu(perceiver), a suangtuahna hman leh a thil rindan chu thudik(reality) nen a in an leh an loh emaw a inlaichinna a awm leh awm loh a hrechiang chuang miah lo a ni a. Kan thil ngaihtuahna leh suangtuah na hi reality nen a in ang chiah e tih tehna pakhat mah kan neilo. Mumang kan hmuh emaw kan hallucinate te hian mahni chhungril atang thil lo insiam chhuak a awm a. He thil insiam chhuaka hi a tak ang chiah in a hunlai khan kan hmu thei thin a ni.. “Mumang fiah tha tak kan hmu a, chu mumangah chuan khawvela ka hmangaih ber hian min lo thihsan/kalsan daih mai a, a tak taka thil thleng emaw ka ti a, khuma tang chuan ka zuang tho zawk a..” tih chang kan nei fo ang. He mumang kan sawi mek hi a tak nen inlaichhina nei miah lo “perception” mai mai ni.
Biakna (worship) kan tih chu, zah taka hlauhna leh tihna nei chunga rilru chhungril ber atang mahni rinthu a (kan assumption) thil (eg. Pathian) awm anga kan rin tlat chu kan be ta a. Hei hi thil dik a ni . Hetah tak hian, mi tupawhin mahni rinthu a thil(super power emaw,pathian etc) a awm tih ringlo chuan biak tur(worship) an nei ve lo. Biakna(worship) kan tih sawifiahna chu a kan thil assume, kan rin tlat leh hlauh tlat si chu kan rinthu bawkin a biak dan tur kan siam chawp a.
Entirnan, Hindu chuan an temple an kal hma in an inbual fai , thianghlim thei ang berin temple chhung an lut thin a Muslim ho chuan Mosque an luh hma in an ke an silfai a, chutiang bawk chuan Catholic Christian chuan Good Friday hma ni 40 chhung fast an lo nei thin a, sa te ei lovin an intithianghlim thin a ni. Heng thil kan tih thin ho zawng zawng te hi, mihring siam chawp mai mai ani e.
Pathumna chu Pathian (Biblical God) kan tih hi a ani a, heta Pathian kan tih hi dik famkim, engkim tithei leh midang in an biak(worship), atan chuan thil dik ani. Hemi tak hi Biblical God concept kan tih nen a in ang chiah ani a, Biak(worship) hi Biblical God Concept a thil pawimawh tak pakhat ani.
Tunah rinthu in Biblical God an tih ang hi a awm turah ngai phawt ta ila, Biblical God hi a awm a nih chuan miten an biak(worship) chu thil dik a ni a. Biak(worship) thei tur chuan a betu (worshipper) ten an thil biak lai chu a awm tih an ring tur ani a. Chutiang ang zel chuan, Biblical God kan tih chuan midang ten an biak(worship) chu ama tan chuan thil dik a nih mai bakah midang ten amah a awm/rin chu ama tan thil dik a ni bawk a. Mahse midang kan tih hi, mihring tihna a ni thei , a tira mahni kan tih suangtuahtu (perceiver) te kha an ni si a.
Heta midang(perceiver) kan tih hian engti kawng zawng mahin Biblical God a awm tih a rinthu(perception) bakin a hre thei si lova. Thu dik tak hriat chu mihringte tan theihloh (impossible) a ni tihna ani ta a. “Min ring rawh” tih chu Biblical God concept thil sawi ber a ni leh lawi si. Thu dik tak an hriat a theih loh vangin Mihringte chuan thil theihloh an ti tih na a ni ta a. Biblical God concept ah chuan thil theihloh(impossible) ti thei tu chu “Biblical God(Pathian)” chauh a ni bawk si a. Mahse hetah hian mihringte hian thil theihloh a nih si vang chuan an thil tih (worship), leh rinna chu perception mai ani tih a chiang hle a ni.
Chuan Biblical type God kan tih chuan thil enkim a titheih vangin thil theihloh (impossible) pawh a ti thei vek tihna a ni a. A concept ah chuan thil engkim a ti thei tih chu thil mak ani lo.
Midang (mihringte) chuan thil theihloh an neih a nih si chuan Pathian a awm leh awm loh hriat theihna a n nei lo (rinna chauh lo chu). Pathian a awm an tih chu a dik thei ta lo tihna a ni a. A chhan chu thil tihtheihloh tithei tu chu God chauh kha ani si a. Mihringte hian a takah pathian a awm leh awm loh hre si lovin (perception vang ringawt in) thil tihtheihloh lo an lo ti ve reng tih na a ni mai lom ni.
(Hei bak chu ka ziak hman ta lo, vawiin-a post ka duh bawk sia.. Sakhaw lampang nilo ka lo post tum thin tawh dawn nia . Sakhua tih reng pawh hi a ninawm tawh. Mahni rindan/ngaihdan dan hi pawm thiam vek ila, ka sakhua a tha ber, a dik ber, a sawifiah ber, milem bia, thingbul in bia . a chuti. a khati.. ti chhen lovin, midang sakhua hriatthiam tum ve ila. Sakhua dang hmusit lovin pawm thiam ve ila, khawvel hi hmun nuam takah kan chhuah thei ngei ang )
Similar Posts:
- Hnam Sakhua: Ka chhiar ve e!
- Ti hian ka ngaihtuah thin
- Zo Sakhaw Zepui
- Pathian Chungchang
- Zofate leh Hnam Sakhua-Kristianna
‘HmeichhiaR 17; diktak i...
June 23rd, 2011 at 10:03 pm
awm e
June 23rd, 2011 at 10:06 pm
Awm.
June 23rd, 2011 at 10:09 pm
In va peih tak e aw :-O
June 23rd, 2011 at 10:09 pm
AWM eee…
June 23rd, 2011 at 10:14 pm
hetiang lam bawk. Ka chhiar lo mai.
June 23rd, 2011 at 10:16 pm
Ka chhiar chhuak chiah e, a tha khawp mai, vawi khat chhiar mai chuan a fiah tawk lo, chhiar nawn fo chi a nih hi.
Hetiang lam i post hnuhnung ber ni lo hram se kan va ti em!
June 23rd, 2011 at 10:16 pm
Awm. FIFA Wolrld Cup pawh a awm.
June 23rd, 2011 at 10:17 pm
Pathian hi awm ta lose mihringte pawh awm lovin universe chawp hian awm lo ta se a reh awm!!
June 23rd, 2011 at 10:23 pm
Philosophy lam i rawn hrut tel a ni maw.. Western philosophy-empiricism vel atang chuan Pathian hi hmuh fuh a har reng ania..
Amaherawhchu, Indian leh western Philosophy ten an chhui phak loh, greek mithiamte hriatthiam phak loh kan Pathian hian Mosia hnenah khan “AWMA KA NI” tiin a lo sawi lawk diam tawh e..
Amah AWMA ringtute tan chuan kan buaina tur zawng zawng hi kum Sang tel liam tawhah a chhanna min lo pe diam tawh e…
June 23rd, 2011 at 10:26 pm
Pathian thiltih te hmu miahlo in an ringlo hi chu keichu han tih vak ngaihna ka hrelo, keichuan nitinin ka hmu a, ka ring a ni. Ka fiah hnu chauh a ring ka nih chu…ka ring bur tawp, midang ka convince/influence/hneh thiamlo thung.. Ringtu tha chu ka ni hauh lo 🙁
June 23rd, 2011 at 10:27 pm
In ril thei ngei mai.
June 23rd, 2011 at 10:30 pm
Rempuuti hi Thoma tunu ami?.. 😉
TSA hi chu thil ril a hria..:-P
June 23rd, 2011 at 10:30 pm
POST HO TAK A NI.
Religious pluralism hian khawvel hi hmun nuam takah a chhuah ngai lovang tih hi Christian inti ve tan chuan hriat awm tak a ni mawle.. a hming chauhva christian i nih zia i rawn luak chhuak a ni ringawt alawm mawle (&)
Inti hawi zau takin i ron post ve chu a ni sia.. i hawi zim lulai em mai ka unau.. na i ti deuh a nih pawn lo tuar ve hram hram teh khai.. thudik a ni miau si a. Pathian zah lo lutuk ho hi in huangtau mah mah ta. Naupang huangtau leh luhlul tak ang deuhva pen deuh fok fok hi in ngai a nih hi.
June 23rd, 2011 at 10:30 pm
MLTP palzam zan hi chuan hetiang lam post hi chu komen lo mai teh ang. (H)
June 23rd, 2011 at 10:32 pm
@art-a, heya, min la hria em? Lolz 😀
June 23rd, 2011 at 10:33 pm
Hmmmm, ring leh ringlo, fanatic leh fanatic lo deuh…kan van chikim em. I post chu hnial hrat ho vin lo hnial teh se, lo en ang (Y)
June 23rd, 2011 at 10:36 pm
uii rem puttt.. hre bon theng.
Kan in bakkaih leh don mi ?? 😛
Ka kut tin poh a sei toh nia o///
June 23rd, 2011 at 10:47 pm
Recent comments a Remenhoy 8teen chu keimah amo te ka va inti vel.. :-$
@art-a, inhnial ka hrat toh lau a… 😛
June 23rd, 2011 at 10:55 pm
ReMpY kei chu ka la hrat overr :-$
A re re thuah i gravatar hmasa kha a mawi jok (kabcheh kha)..tun mi hi chu khaini bur chhina vaipa fanu kha a ang deuh nih hi (P)
chuna khawnge i sas pa kha ?? 😛
June 23rd, 2011 at 11:10 pm
hetia kan ruih thlek mai2 lai hian thil hi in lo va ngaihtuah nasa em… Misual ho hian.. Kei zawng in lakah chuan misual mai ka ni..
June 23rd, 2011 at 11:11 pm
Post-tu-pa chu phylosophy subject i zir a nih ka ring a, i argument siam pawh a ril ang reng khawp mai.
Kum 2002,Dec.8-a Dr.Michael Newdow leh Cristian C.Knechtle-ate debate kha i chhiar/en a nih ka ring a. Atheist pachal Newdow-a argument(a hneh anga a inngaihna) existence of God chungchang i rawn thual nawn ni berin ka hria.
Empiricism approach atanga thlir chuan miin Pathian a experience si loh chuan sawi ve tur a nei hauh lo. Submission a awm loh chuan revelation a tawng mang mang lo vang-thlan bik nih loh chuan.
Mimamsa phylosophy-ah khan ‘mei a awm chuan khu a awm thin’ tih a ni a; atheist-ho chuan Pathian a awm chuan smoke(sign) kan hmu ang chu’ an ti a. Creature hi smoke-ah an puh duh si loh chuan an pawm tur pek har tak a ni.
Atheist ngaihdana Supreme Being hi awm lo a nih chuan engkim hi accidental-co-incident- a ni dawn a. Ecological balance-leh history subject-ah ringawt pawh hian kan pawm thei chiah em mihring ruhrel tih vel chu sawi loh aleng ni se.. Morality hian fortune hi a nei ve hrim hrim nge- thatna leh felna hian malsawmtu nei lo ni se tu her chhuahtir nge. Co incident hian a daih seng dawn em ni?
Empirical chauh kan accept dawn a nih chuan rilru buai/mi aa-te hi engah kan rin tak tak ang? Tu nge Pachuau hnam i ni min ti ngam? Theory leh assumption engzat nge kan hnawl tul ang? Rinna(Pathian lam kher lo) tel lo hian mihring hian engtianga thui nge a thlen theih ang. Mi aa kan nih nghal loh chuan.
Pathian hi mita hmuha rin kan tum chauh a nih chuan engah nge mita kan hmuh loh kan rin fo si. Kan rinna hi kan zawmna a nih avangin kan zawmna kan neih loh chuan rinna mita hmute hnenah ‘i hmu lo’ tih sawi thei zia kan ni em?
CS.Lewis-a thuin tlang kan kawm teh ang. ‘Kristian Sakhua hi mihringten kan din chawp mai mai ni se, hei aia awlsam deuh zawh turin kan din ngei ang’. Kan zawh kim sen loh danin min hual a, kan hriat phak rual loh khawngaihnain min um zui a ni zawk.
June 23rd, 2011 at 11:13 pm
no nick, vawiin lama kan inkawm naah khan, i post alo chhuah hunah comment ve ngei ngei tur khan min chah kha ani a. Ka chhang dawn hran lo che a, amaherawhchu, Engvangin nge heti taka Pathian a ka rinna hi a ngheh theih tih hi i hre chak niin ka hria a, kawng 3 in ka han sawi a nge:- 1) Bible a tangin, 2) Thil siam atangin, 3) ka nuna ka tawn hriat a tangin. (chhun zawm tur…).
June 23rd, 2011 at 11:20 pm
I post chu a van philosophical tehreng em. Nula rimna ah han theh mai la, an darh ur ur ang. 😀 . Ka fak a che. (Y)
A hun lai ah rau rau kei aiin i RIL daih dawn a nih hi. (Y)
Mimal in deduct hi chu ka ti ngailo(ka ti reng a, ka sawichhuak ngailo zawk) a, mahse post chhung atangin kan zuangchhuak lawk – I la naupan hmel eeee….. I ngaihtuahna i kawm ve nasa thin mang e awwwwwwww….. hringnun ah hian buaina liantham engmah i la tawk mang lo anih hi, thihna hlimkawr ruam i la zawh chhinlo bawk a nih hi. I thusawi te khi eng research mah i beih ka ring lo va, I ngaihtuahna ram a mi, mi zawng zawng ah i rawn generalised pawp pawp ni mai in ka hria. I diklo a ni e, lil’ bro.
Pathian hi ka ring mai a ni lo a, ka HRIA a, ka fiah kuk bawk. Mihring i en a, doctrine inmillo rapthlak te i en a, i thiamawm lutuk e. Khuarkhurum atangin chunglam i la thlir chhin lo. Chutah chuan Pathian hi kan rinna ah a rawn inlar thin a ni ngai e.
A sei dawn – I conclusion last 2 sentences khi….. underground refined church of Satan ho doctrine a ni bawk e. Overground ah chuan Humanism an ti bawk.
Ka comment hi i huat ka ring lo. I ngaihtuahna hi top flight mind kalphung a ni si a. Hun hnuhnung chhihchhiahna tidik tu lek i ni ang tih erawh ka hlauhpui bawk che. RING DUH HAUHLO te an la ni ang tih ziak a ni si a.
June 23rd, 2011 at 11:25 pm
Pu vakulan rawn chhunzawm tha bawk a kan sawi belh leh ange..
I thuziahah hian “receiver” khi mi chi hnih ni si khian “receiver” leh “retriever” dinhmun anga i chhut duhloh vang mai maia ngaihdan hetiang pu i ang ka ti deuh..
Engpawhnise, phone atang chuan duhthusama rawn sawi a har tlat, vawi khatah point khat zel hi tawk teh se..
June 23rd, 2011 at 11:33 pm
Pathian hriatna leh rinna hi kan zawn chhuah emaw, perceive dan atang emaw ni lovin a inpuanna (revelation) atang chauhin mihringin kan nei thei. A thilsiam atanga a inpuanna atang ringawt pawh hian a chiang tawk viau mai. Moral standard kan neihte hi Pathian atanga rawn chhuak a nih loh chuan khawi atanga rawn chhuak nge ni ta ang?
Rom 5:21,22 – ‘Pathian hre si in Pathian angin an chawimawi lova… thil lawlo an ngaihtuah ta zawk a, an thinlung chu a in a lo thim ta a. Finga inngaiin mi a ah an lo chang ta a…’
June 23rd, 2011 at 11:34 pm
Kan laichinte-nu/pa, u leh nau-te thihna avanga YMA leh nu leh paten ‘Han thlir teh u Romei zam karah hian’ tih an han sak dalh dalh tawh hi chuan rilru hian ar bo a zawng thui thei teh a sin. Manganna leh lungngaihna mihringte ngaiha ‘a vawrtawp’ han sik ngat hi chuan ‘puitu’ ‘hnemtu’ leh ‘thlamuantu’ hi kan zawng vat mai a sin.
Pa chak leh hrisel nia kan hriatte thawklehkhata an tlu-a an thi zui hmuhte hian ‘roreltu’ an awm tih a lang thin.
Hringnun chhuk chho han dai thui deuh hi chuan vawn tur kan dap vat a; Kan Pathian Minunga kha a lo che vat mai hi a lo ni.
Post tupa i la dai thui lo deuh a ni maithei e. Nupa hi an awm a, chakai an khawrh a; an nu khupah chuan chakaiin a lo chep a, an pa hnena sehkeh tura an tih chuan an pa hmuiah a lo chep leh a. Tuiah chiah ila a tlan mai ang an ti a, an han chiah chuan-pakhatin a khup a chiah laiin pakhatin a hmui a chiaha a thaw thei si lo-an dai chin a inang lo a ni. Post tupa kan dai chin a inang lo a ni ber mai.
June 23rd, 2011 at 11:34 pm
voikhat chu kan pastor hi phone atangin,”Atheist ka nia, bible hi ka ring miah lova, Acording to bible… Tih awih miah lnvin, pathian a awm ngei a ni, tih min han hrilh teh..” ka’n ti mai chuh.. A buai lutuk kha ka khawngaih zawk.. Pathian tel lovin, hlawh leh ngaihsan chiah a um niin ka hria.. Ka ngaisang ta lo kher mai..
June 23rd, 2011 at 11:38 pm
Pathian hriatna leh rinna hi kan zawn chhuah emaw, perceive dan atang emaw ni lovin a inpuanna (revelation) atang chauhin mihringin kan nei thei. A thilsiam atanga a inpuanna atang ringawt pawh hian a chiang tawk viau mai. Moral value/ standard kan neihte hi Pathian atanga rawn chhuak a nih loh chuan khawi atanga rawn chhuak nge ni ta ang?
Rom 5:21,22 – ‘Pathian hre si in Pathian angin an chawimawi lova… thil lawlo an ngaihtuah ta zawk a, an thinlung chu a in a lo thim ta a. Finga inngaiin mi a ah an lo chang ta a…’
June 23rd, 2011 at 11:41 pm
BIBLE ATANGIN: Adama thlah mihring hian ama duh thuin a san zawng inch 1 pawhin a belh thei lova, a hmalam hun hi darkar 1 pawh “A ni ngei ngei ang, emaw A lo thleng ngei ngei ang emaw tih a sawi thei lo. Naktuk hi damin a hmu ngei ngei dawn tih Guarantee a awm lo. A thil tih tur kum 100 aia rei tur a ruahman thei lo. Ruahman mahse a dam thleng dawn chuang lo. Pathian erawh chuan, amah chatuan mi anìh angin chatuan atana thil ruahman a nei a, a thil tum hlawhtling lo reng reng a awm lova, Thupuan buah hian chatuan hawlh tlang raih thil thleng tur ruahman sa diam a nei sa khiau a, kan duh emaw, duh lo emaw alo thleng tho tho dawn. Sakawlh te hi alo lang tep tawh a, a chhin chhiahna put te hi thil mak leh thil zahthlak ang pawhin a lang lovang, pu velo nìh kha a mi an loh thlak zawk mah ang. .) Genesis 3:15 a a hrilh lawkna hi Isuaah a rawn thleng dik chiah a ni. Kum 4000 hnu lam a thil thleng tur a ruahman lawk a, a lo thleng dik chiah a ni. 2) Abrahama a ko chhuak a, Fapa a pe anga, chu a thlahte chu vana arsi ang mai a tam annìh tur thu a hrilh a. Tarchhia an nih thleng pawhin a pe ta mai si lo. Amaherawhchu, amah kum 100, a nupui Sari kum 90 anìhah a thutiam chu a ti hlawh tling ta tho tho a ni. Ismaela leh Isaka thlahte tam em em zia hi in ngaìh tuah ngai em?
June 23rd, 2011 at 11:44 pm
#27 Hman lai Revival Speaker-ho tih dan-an councellor-te Bible chang an vawntir lawk a; chu Bible chang chu mipui hmuh laiin Kohhran upate a’n zawt thut a-an hre lo ngei a. An coumcellor a zawt leh a a sawi ta zung zung a- khitiang deuhah khian ka ngai che.
I intention a fu chiah lo va, i conclusion a thianghlim na hek lo. I communicate-na a dik lo va-tihthlabar i tum a ni. Mizo tawngin i bia a nih ka ring a, hamhaih loh ngaihna awm hlei nem zofa zingah. Titi type-in ni se a hrilh teuh ang che-dawt sawi lo la chu a dik thluam vek ang maw le.
June 23rd, 2011 at 11:44 pm
Pathian awm leh awm loh chungchang hi Koran ring lo tan Koran-in chutin khatin a sawi tih hian awmzia a nei lo. Chutiang bawkin Bible ring lo hnenah Pathian a awm tak tak zia Bible chang tha tak tak leh sei tak tak hmanga hrilhfiahin awmzia a nei ngai bawk hek lovang. ( Bishop Augustine te ang pathian ruat bik te a nih ngawt loh chuan). Chuvangin Pathian a awm tak tak a ni tih hi view dang atangin lo thlir teh ang.
1. Khawvel a awm tih kan hmu a, kan chiang. Khawi atangin emaw a lo awm a ni ngei ang tih pawh kan pawm. Eng tin tin emaw a lo awm a nih loh pawhin tu emaw chuan a siam a nih chu mihring chuan a ring ngei ang.
Tunah lehkha chhiar theihin misual.com ah kan hmu.a, kan chhiar thei a, ka hmu chiang bawk. He lehkhate hi amah ringawtin a rawn inchhu chhuak thei lo tih kan hria. Tunah inah i awm a, i in kha amahin a lo awm ngawt lovang tih chu i chiang hle ang. Chutiang bawkin i inchhunga i computer, table, mobile, ldt tam tak a awm. I hmu a, i chiang bawk. Heng zawng zawng hi anmahni-in an rawn awm tawp a ni lova; Finna nei, themthiam takina a siam a ni tih i chiang em? I computer part te kha bawm pakhatah dahkhawm ta la, kum mataduai/ vaibelchhia ral hnuah tuna i hman lai kha a inremkhawm theih i ring em?
Chuvangin, he khawvel kan chenna hi finna sang tak nei, themthiam takina a siam a nih tih chu a chiang mai. Chumi siamtu chu “Pathian†a ni.
2. I sana bunlai kha a awm tih i hmu a. A awm tih piah lamah awmze mumal nei a siam a ni tih i chiang bawk ang. Tin, Hun hriat theih nana siam (Specific purpose) a ni. Chutiang bawkin, khawvela nungchate leh thing leh maute an rawng, an pianhmang, an chezia, ldt hi tum mumal tak nei a ni tih a chiang. Chutiang siamtheitu chu thiltihtheihna leh finna sang tak nei, designer ropui tak “Pathian†a nih loh chuan tudang mah an ni thei lo.
Chuvangin, leilung leh a chhunga thil awm zawng zawng hian Pathian a awmzia a puangchhuak a ni.
3. “Thudik tak chu mihring tan theih loh (Impossible) tihna a ni…Mihring chuan thil theihloh an neih a nih si chuan Pathian a awm leh awm loh hriat theihna a nei lo. Pathian a awm an tih chu a dik thei ta lo tihna a ni a..†Mihringah hian finna a awm a; hriatthiamna nen. Chu chuan engkim siamtu hi finna sang tak nei leh mi nung ngei a ni tih a hriattir a ni. Rinthu leh zeldinthubawl mai mai ni lovin. Chutiang bawkin kan chhiat leh tha hriatna hian dik leh dik lo; sual leh tha min zirtir a. Chu chuan engkim siamtu Pathian chu mi dik, mi tha leh thianghlim a nih zia min kawhhmuhtu a ni bawk.
June 23rd, 2011 at 11:47 pm
A lo luh double vel chu le…
Kan chawhmeh siam hi a al leh al loh hre tur chuan zuk tem kher a ngai a, Pathian awm leh awm loh hre tur pawh hian tem ve kher a tul bawk….
June 24th, 2011 at 12:06 am
Post tupa hian Bible i pawm tlem………………
June 24th, 2011 at 12:09 am
@vakul: ka duh ang chhanna ka hmu tep. thnx.. Medical mi ka ni a, psychiatrist ka ni. Ka tan ka ti lova, he post chhiar tu zawng2 te tan a ni. An man thiam angem o? I chhan na atang hian!
June 24th, 2011 at 12:22 am
3) Aigupta Lal Pharoan mumang (inlarna) mak tak a hmu a, a rilru a buai em em a ni. A mifing zawng zawng ten a mumang chu an hrilhfiah theih loh hnuah, Jail tang lai, Hebrai sal rawlthar Josefa hnenah, a hnena awm reng thin Pathian chuan a hrilh ta vek a, World history a hming thang tak Egyptian civilization lo intanna ani kan ti thei ang a lo pian phah a ni. 4) Babulon vanglaia an Lal ropui, Nebukadnezzar an mumang tih baiawm a nei ve thung a, ani phei hi chuan ama mumang pawh a hre chhuak zo tawh lo a ni. a mifing zawng zawngte failed vek hnuah, Pathianin Hebrai sal tlanval Daniela a hrilh a, Khawvela Empire ropui lo in dawt chhoh dan tur a hmuh tir alo ni reng a. Babulön tlawm hnuah Media leh Persia, chumi hnuah Greek. A dawt lehah Rome. Rome Lal ram ropui tak chu Juda te rin leh beisei loh dan lutukin kuta laih loh (mipa chi atanga piang nilo) Lungpui (tlawm taka Bethlehema lo piang Isua krista in) a rawn ti tlawm ta duai duai mai a ni. A lokal leh hunah phei chuan khawvel pum pui hì krista Lalna ram ala ni dawn a ni. A tam lutuk, ziah sen a ni lo. Zawlnei ten Nausen lo piang tur an hrilh lawk dan te, Juda ho sala hruai an nih dan tur leh kum 1800 chuang khawvel hmun hrang hranga an darh dan tur leh kum 1945 a khawvel Indopui 2 na alo tawp hnu a, Pathian pek an ram ngeia Mupui (Thlawhtheihna) thla hmanga hruai khawm leh an nìh dan te. Lal Isua ngei pawhin, man tir anìh dan tur te, a thih tur thu leh a thawh leh tur thu te, Pa in Thlarau thianghlim a rawn tirh tur thu te, a lo kal leh ngei dawn zia a sawi zawng zawng te. Khawvel awm zel dan tur Thupuan Lehkhabua a sawi dan zawng zawngte hi Engkim siamtu leh engkim chunga roreltu Pathian tan chauh lo chuan engti kawng maha tih theìh chi a ni lo.
June 24th, 2011 at 12:39 am
vakul, ka dah sang hle mai che. (Y)
June 24th, 2011 at 12:40 am
a post tupa chu Bible i chhiar tlem a i pawm miah lo bawk a ang khawp mai. A hming a ‘Kristian’ i nih hmel hle mai.I thil post hian mi ti lawm riau, a chhan chu misual.commer ho zingah rinna a chiang tak tak kan awm teuh tih min hmuh tir tlat.
@vakul i comment tha khawp mai, i sawi ang hi ka rilru a awm ve bawk a ni e, i rawn sawi ang erawh hi chuan ka sawi fiah thiam awm lo e.
June 24th, 2011 at 1:00 am
Leh ta heu mai thin a.
Argument ngaihnawm angreng tak erawh a ni ang lawi a. Amaherawhchu i conclusion-ah hian i argument hi a felhlel ta tlat a nih hi. Nang pawhin i en let chuan FALLACY OF LOGIC a awm tih i hmu theiin ka ring.
Deductive/Inductive Logic angin i argument hi present ta ila, hetiang deuh hi a ni a:
1) Mihring chuan tih theih loh a nei
2) Biblical Pathian chuan theih loh a neih ve loh avangin (mihring) thil tihtheihloh pawh a ti thei
3) thil tihtheihloh tithei tu chu Pathian chauh a nih avangin tih theih loh nei mihring chuan Pathian a hre thei lo.
I deduction dik lohna chu mihringin tih theih loh a neih avanga Pathian a hre thei lo anga i conclude hi a ni.
I argument hi fallacy/error of logic a nih dan chu example hmangin tarlang ta ila:
Premise 1: Peka chu ui a nih chuan ransa a ni
Premise 2: Peka chu ui a ni lo
deduction: Peka chu ransa a ni lo
A chunga conclusion khi a dik lohna chhan chu premise 1 leh 2 khi dik mahse, ui chauh hi ransa an ni tlat lo a ni. Peka hi ui a nih loh avang ngawta ransa a nilo tih hi a dik loh ang chiahin mihring hian theih loh a neih avang ngawta Pathian a hre thei lo tih ngawt hi a dik lo a ni.
June 24th, 2011 at 1:06 am
Ka chhanna a sei lutuk dawn. Scientist ten tun thleng pawh a “Tip of the iceberg” pawh an la chhui chhuah theih loh Universe hian Siamtu leh Enkawltu Pathian a nei a sin. (sawi thui lo mai ang). # Nu pum chhunga ka awm lai atanga Pathian rawng bawl tura hlan leh serh hran ka ni. Ka tling lo chung chung, a khalh tak meuhin mission field ah min khalh chhuak a, kum 3 chhung (1994-96) min training tir phawt a, ka hriat thiam loh avangin ka tlu lek lek thin a, mahse Lalpa belruat ka nìh tlat avangin, Lalpa hian a khawngaihna kutin min chelh tlat a, Mari angin min hliah khuh tlat thin a ni. 1998 ah khan, Israel fa te Mosian a hruai chhuah hlim a, Tuipui sen kama khawi lam mah dama chhuah ngaihna awm lo a, an awm ang, dinhmun khirh khanah min dah a, a aw chiang takin min hriat tir a, mak taka chhan chhuah ka ni. Tuna ka rawng bawlna hnamte hi inngaidam ve ngai miah lo, a dik lo zawkte laka, an pawi khawih hu tawk thing thin an ni. in thah(in sahhlum) an awlsam hle. An thin rimin chhän sual an hlauh awm em em. mahse, chhan thiama a diklo zawk anga an inhriat chuan, inthiar fihlim nghal mai thin an ni. Vawi tam tak dinhmun hlauh thawn awm tak takah ka dingin thinrim hmaisena chhuah chhalh ka tawk fo mai.Mahse, chutiang hunah chuan, mak takin Sentence 2/3 lek hmang hian ka chhang dang hneh thin lutuk. Ka sawi tum leh ngaihtuah lawk ani ngai lo. A hnuah pawh mak ka ti thin. Matthaia 10:16-20 a Lal Isua sawi hi a takin ka chang thin. Ka ka hmangin Pathian Thlarau thianghlimin a rawn chhang mai thin a ni. # Hei tunah misual.com ka luh chilh leh ta a, Pathian thu a hranpaa zirna neilo tana sawi awm loh ka sawi fo a, Pathian thu zirte pawh ka hnial dang lek lek thin. Heng hi keimah atang ringawta chhuak ani thei lo. Ka tawngtai a, ka rilruah chhan dan tur leh bible chang a rawn awm thuai zel mai a ni. Ka finna ani lo, Pathian thlarau atanga chhuak finna leh huaisenna ani tìh ka hre chiang khawp mai. Han ringhlel zia hi ka ni lo a, hlau leh zam tur ka ni hek lo. Pathian Thlarau chuan Thlarau bawlhhlawh leh mihring finna hi chu a leh thal zel ang tih hi rinhlelhna pakhat mah ka nei lo. Good night.
June 24th, 2011 at 1:08 am
saint sammoo chu correction i tackle/handle dan chu ka ngaisang lehchhawng riau mai che. Psychiatrist tha tak i nih ka ring e. (Y)
June 24th, 2011 at 1:19 am
Pathian hian lung rit lutuk, amah pawhin a chawi zoh loh tur hi a siam thei angem le?
June 24th, 2011 at 1:24 am
Leh lawk. 34. Saint Sammoo.Hmanah khan i comment tawpah. Rev.Samuel Lal… Tih kha i rawn ziak lang a, Rev. Samuel Lalremsanga amaw inih, ka lo ti ve char char che a sin.!!!
June 24th, 2011 at 1:25 am
Zoho, i la meng ni maw? Saint sammoo thil tihdan chu Psychiatrist viau mai. Sir Alex te pawn rilru game chu an khel ziah kha maw le.
June 24th, 2011 at 1:35 am
building inang zet zet inang chiah chiah si lo(quarter atana sak anni nghe nghe a) pathum ding thiang ka hmu a, architect pakhat design tih ka HRETHIAM nghal mai a, an hnung ah thing inang deuh deuh variety hrang thiau si ka hmu bawk a, design tu Pakhat an awm tih pawh ka HRETHIAM leh nghal mai.
Pathian hi a thilsiam ah a inpuang a, ring lo pawn hrethiam mai tur khawp a finna nei kanni.
Pathian in RING tih chatuan nunna atana cut-off a rawn hman nachhan hi chu JUSTICE vang a ni zawk mah, mi huihphai leh piangsual-mitdel, bengngawng, adt te leh mifing leh genius te hrut rualna atan,thil zawng zawng a zawng a awlsam ber mai- RIN mai hi. Keini ho tan chuan rin pawh a tullo, a fiah em mai.Joba chuan ka chhandamtu chu a nung tih ka HRIA a ni a ti kawk mai a ni.
Rin theilohna chhan blunder erawh a awm – DECEPTION + WHITE PRIDE.
Posttupa – I ngam chuan witchcraft lam hi practice la, Pathian nilo zawk Thlarau sual nen in intawng chiang ngawt ang – I tal chhuah leh theih hlauh chuan Pathian awm leh awmloh ah i ngaihtuahna i seng tawh lovang, a hriat in i hre tawh thung ang. Kal tur chuan ka duh tak tak hauh lo che a, sure way out in a risky way atan mai mai. :-O
June 24th, 2011 at 1:36 am
No-nick chu i khawngaihthlak hle mai. I insawi ang hi i nih tak tak chuan ka khawngaih ve tawp che.
Saint sammo, Pathian rawngbawltute fiam nawmnah hi a tha vak lo a sin. I rinna chu thuhran ni se, Lalpan i chungah A zahngaihna lantir zel rawh se.
Lal Isuan A hmangaih che.
June 24th, 2011 at 2:10 am
Athiest hi ka hre ve ta nual mai, thil mak em em chu a ni hran lo, mahse Post tupa….. i kawngzawh lai hi thil tha lem lo tak chu a ni tih ka rawn hrilh ve mai mai che. ( kei chu Kristian ka ni lem lo tih erawh lo hria la.) Han in biak vel pawh a chakawm kher mai, …… mahse, chungnungbera rorel chu tuman kan dang dawn chuang lo tih tih tifiah tu-ah erawh trang trang lul lo la ka ti kher mai.
NANGMAH I IN HRIATFIAH MIAU SI LOH A VANGIN, he thil hi chu i hrefiah mai lo tawpin ka ring ve ngawtttt… Nangmah kha tunge i nih tih i in hriat fiah hunah hrilhfiahna chu dawng ngei ngei ang che. ( Engahmah lung ngaihna tur a awm lo ania, kan hriatlohna te hian min ti lungngai leh mai thin pawh a )
June 24th, 2011 at 2:43 am
D_aua Chawngthu ha ha i thaw fuh teuh reh i night off e lo maw?Zing thawh i hai dah palh ang e mu mai teh.
U 17 foot ball ual kap ka en
June 24th, 2011 at 5:49 am
Post tu pa chu Voltaire a ang khan thih dawn a ruai ah i inhmuchhuak leh roh si ang tih a va hlauhawm em. Kan that lai chuan Pathian kan mamawh na hi kan hre lo fo thin,harsatna leh natna kan tawh chang erawh chuan Pathian lo chu tluk luhna tur a awm loh zia hi a chiang leh zual. Thih thlamuan na hi Pathian ring lo te hian in chang ve ngai ang em aw? Khawvel hausakna,thiamna hian thih thlamuan na a pe thei mawlh in i ring e maw? PATHIAN ka tih hian kristian te ka tihna chauh ani lo, sakhaw dang te pawhin an mahni zawn theuh a an rin((an rin fuh leh fuh loh chu thudang ni se la) Divine God hi ani.
June 24th, 2011 at 9:25 am
I phak ang tawk tawka a awmlohzia midang convince i tum lai pawh khan hmangaih takin a veng reng che a ni awm sia. (N)
June 24th, 2011 at 9:35 am
#34 saint Sammoo ka ngaihsan tur mi i ni zawk e. i rlru ka lo hre lo zawk a nih ka ring (Y) (Y)
June 24th, 2011 at 10:25 am
@13 Art-a : Ngaihdan a in ang lo ka tih reng kha.. I rinna kha a dik i tih chuan ka rawn sawisel love..!! Kan rinna a dik leh dik loh/Kristian ka nih leh nih loh lampang a ni lo ka tih tawh kha…!!
@16 nastycool:
@21 vakul : Philosophy a subject chuan ka zir lo a, ka thil ziah hi a philosophical deuh mai mai ani.. 21 a i thil rawn sawi hi ka hriatthiampui khawp mai che.. I ngaihtuah ve thin, mahse i rinna i kalsan ngamloh vanin i ngaihtuah zui ngam lo te pawh ani mai thei..!! Zawhna simple deuh pakhat kan thai lang mai mai anga ( w.r.t. comments 21 last paragraph)
“Kristian sakhua hi mihringte din a ni lo” kan tih chuan, Islam te, Hindu te sakhua hi mihringte din a ni tihna a mi? Hindu sakhua/muslim sakhua a an zirtirna hi Kristian sakhua ai chuan a complex zawk ka ring a. Kristian ten Hindu/Muslim sakhua te hi siam chawp/dik lovah kan ngai anih chuan CS.Lewis-a thil sawi “hei aia awlsam deuh zawh turin kan din ngei ang’ a tih chu a valid lo. A chhan chu, “milem bia” kan tih pawhin an sakhua complex deuhin an din thei tihna a ni si a. leh., kan hriat tur pakhat chu, sakhua hi a evolve ve reng a ni, net 3 generations leh tuna pathian kan biakdan hi tehkhin thei ila chuanin, sakhuana ah hian thgil tamtak kan belh/paih tih ka hmu thei ang..
@9 chemtatrawta :The Village tih movie te kha kan lo en vek tawh tur ah ngai ila. Heta ka thil sawi nen hian a in zul zui bawk a, “The Village” movie example(Hriatthiam awlsam nan) la mai mai ila. “The Village” zulzui khan Mizoram khawilai hmunah emaw hian chhungkaw thar 10 vel hian khawvel dang nen in chawhpawlh miah lovin khua din ta se. Chu khua ah chuan rinna siamchawp zirtir zelin tu leh fate hnenah hlan chawng zel se. Kum 1000 (Generation 1000 hnu-ah) a lo liam hnuah chuan an rinna kha a dik lo va tihsak ringot ila. An pawm thei tawh lovang. An reason tur chu Amah AWMA ringtute tan chuan kan buaina tur zawng zawng hi kum Sang tel liam tawhah a chhanna min lo pe diam tawh e… NOI
@22 PKfanai : Pu PKfanai. Good Morning.. !!Ka zin leh ta lova, post ka rawn chhang thei hram2 e..!! “I rinna i ngheh-na hi ka zah ltk “.. I rinna chu thil tha tih nan i hmang si a.. Sakhua i zawm vanga midangte tana thil tha i tih leh, sakhaw dang zawmtute pawh i lo hriatthiampui tum ve thin dawn nia..
@23 zoho: Ka lawm e! ka ngaihtuahna chu ka kawm tam thin e.. Ka theih ang tawkin ka research ve thin a.. Ka ngaihtuahna diklo lai in ngaih chu min lo highlight sak thin dawn nia.. comment atang hian thil tha tamtak ka la ziah ania.. Ka huat hlau duh reng2 suh..!!
June 24th, 2011 at 10:42 am
Boral mekte tan chuan atna a ni.
June 24th, 2011 at 11:06 am
@26 vakul: A dik khawp mai, laichin ten’ min thihsan hi chuan Pathian awm se, lo tidam leh se tihna rilru put a awlsam thin khawp mai.. !! Kan dai chin a in ang ngai lovang..
@27 saint sammoo : Hlawh a um vanag ngaisang lo duh suh.. Mihring te instinct (eizawnna), Pastor emaw kutdawh emaw pawhin a tih ngei2 tur thil ani si a.. Pastor thil explain ngaithla lovin mahni in han zang ta la, pathian a wm a i hriat chuan ringtlat la, a awm lo a i hriat pawhin sualnan hmang miah suh ang che.. (suggestion)
30 a vakul sawi,“I intention a fu chiah lo va, i conclusion a thianghlim na hek lo” a tih khi ka pawmpui khawp mai..!! NOI
@33 lalmihringa, 37 anihtakchu : I ngaihdan mai2 aniang.. ! Bible ka pawm a, Hindu scripture Gita ka pawm bawk a, Big bang Theory ka pawm a, Koran hi ka la chhiar lova, mahse thianten koran lampang an sawichiang hian an thu rin a sual bik love tih ka hrethiam thei..
@38 (¯`·._.·donald·._.·´¯) : Ka thil sawitum i hrethiam trep e.. I chhiar uluk hle a ni tih ka hrethiam mai..!! A lawm awm e.. I comment a point 3 ai ziah khi heti hian kan ziak tha ange:
thil tihtheihloh tithei tu chu Pathian chauh a nih avangin tih theih loh nei mihring chuan Pathian a awm tih a hre thei lo.
@41 3d : ?? Tha ve hrim2…
June 24th, 2011 at 11:20 am
@46 D_auaChwngthu : ka kawngzawh lai hi a tha lo tih sawi ai theih a ni lo. Atheist ka inti duh chiah lo, believer pawh ka ni kher lo mai thei,,! Mahse, pathina thu ka rinlohna avang hian thenawmte/midangte ka tibuai in ka sual phah kher lovang..! Humanity/khawvel tana thil tha tih leh chhung te tana hnawksak loh ka ni ve reng ang..!! Ka chhungten “Biakin” a ka inkhawm vanga rilrua nuam tak an put theih chuan biakin ah ka inkhawm ngei ang.. Mahse ka rinna ang ring tur hian ka chhyungte pawhka force kher lovang…! An hriathiam theih ang ang in an duh2 an ring/be thei..!! *Out of curiosity”, Kristian i nih loh chuan eng sakhaw nge i zui?
June 24th, 2011 at 12:09 pm
@ no_nick:
A wording tlem i rawn siksawia, a meaning erawh chu thuhmunah ngai ta ila.
Existence of God hi prove emaw disprove theih a ni lo tih chu kan hre ve ve in ka ringa, ka rawn sawi lai tak pawh khi chulam nilovin, i argument-a mihringin theih loh engemaw a neih avang maia Pathian a awm tih a hre thei lo tia Deductive/Inductive logical argument i rawn present khi a ni.
Mihringin theih loh a nei tih hi fact nimahse, chumi avanga Pathian awm a hre thei lo tih tawl hi chu a dik chiah lo deuh e ka ti deuh a ni. HRIA tih te, Pathian tih te ringawt pawh hi concept a in ang lo viau lehnghal a. ‘Tihtheih loh ti thei tu’ tih pawh hi engtia define tur nge? Entirnan mai mai: Miin Pathian hmingin mitthi kai tho ta se, Pathian hi a awm tih proof naah nangin i ngai ang em? Lo ngai ta pawh ni la, midangin an pawmpui ve kher che ang em?
A nih loh leh zeng hi mitkhap kar lova Pathian hminga tihdam lai hmu ta la ? I concept-ah Pathian chu mihringte tih theih loh titheitu ang deuh tawpa i pawm a nih chuan chutiang supernatural phenomena chu hmu ta la (ramhuai hnathawh emaw pawh nise), supernatural being a awm a ni tih i accept thei ang em?
June 24th, 2011 at 12:25 pm
THUBELH:
Mihringin tih theih loh a neih vang maia Pathian a awm tih a hre thei lo tih chu mihring hian tih theih a nei a, chuvang chuan Pathian a awm tih pawh a hre thei ti ve ta ila, valid argument a ni lo ang chiah hian i argument hi a valid bik lo a lawm !
June 24th, 2011 at 12:29 pm
@55: I thil sawi pawh khi aa dik khawp mai..!! Pathian a awm leh awm loh hriat theih dan a awmlo…!! Ke bul emaw hian ke rawn nei leh thut ta se (not only once but many times), chu chu mihring(science pawhin) thil nitheilo a ngaih a ni ta a..!! hetiang thil lo thleng ta se chuan Supernatural Force a awm anih dawn hi tih ngaihtuahna chu ka nei thei ngei ang..!! A nihloh vek pawhin Bible/Gita tih vela Pathian a in lar dan ang hian pathian chu lo lang tawp mai se, ka awih thei tho ang..!! mahse pathian inlar dan kan sawi te,pathianin min hrem, pathian min pek kan tih vel hi awih theihlohna lai ka nei tlat mai pek a.. A chhan chu mihring in a rilru lawm/hlim vanga “Pathian min pek” a tih ringot hi sawimaina chi khat ani.. Entirna ho deuh chu, Hmeichhe pakhat in pasal nei lova fa a neih palh chuan sawimai na “Pathian pek” kan tih ang deuh hi ania..!!
June 24th, 2011 at 12:56 pm
@57:
I sawi chu ka hrethiam khawp mai. Mihringte hian Pathian hming hi a nazawng hian kan lama, ka lo hlauhthawn ruk thin ang chiahin i rawn confirm zawk a ni. ‘Thilmak’ kan tihte hi law of nature kalphung deuh vek hi a ni mai. Chik taka lo thlirtu tan chuan a HO bawk em a ni. A lehlamah erawh mihringte hi kan level a in ang lo em a, lo sawisel vak theih pawh a nih lohna chin a awm tho mai. Miin a nitin eikhawp chaw kha Pathian hnen atanga a dawn a nih a pawma, Pathianah lawmna a neih chuan, va sawisel emaw a ngaihdan kha a dik lo va tihsak chiah ka ngai lo.
Huatah la lo la, i sawi dan hmangah Pathian hi a hring a hrana a inlar emaw, kebul ten ke an neih sup sup hma chu Pathian a awm tih hi i pawm dawn lo tihna em ni?
I duhdan tak khera Pathian hi in reveal tur hian i beisel tak tak em? Tlema in phah hniam deuhin Pathian hian a awm a ni tih hi a thilsiam, mihringte hnenah hian thilmak engemaw (against law of nature) hmang hian engtin emaw talin a in puang em tih hi i research tawh reng reng em? ( i beisei ang pui pui kher lo, against law of nature ni si)
June 24th, 2011 at 1:22 pm
n0_nick, i argument-te hi a fing ka ti thei khawp mai.
CS.Lewis-a sawi ka rawn dah chhan kha thil dang a ni lo; i idea ka draw duh vang a ni lehzual. kha thu kha an lo chhang hlawm tawh thin a, i chhan dan ka hre ve chak mai a ni.
Mahni rilrua awm nazawng ‘Pathian min pek’ ‘min hrilh’ tih hi a dik ka ti bik miah lo kei pawn. Reformation period-ah pawh khan radical reformerho khan an fak viau va; Puithiam authority counter-na chi khat a ni. tunlai hunah pawh a lar hle.
ka thlir ka thlir che hian Pathian awm i ring lo a ni lo; i duhtui a ni zawk. science atanga thlir chuan Pathian thu hi a har duh viau ‘science chu a tih a tih’ tih a nih avangin tarmit i thlak duh lo a ni ve maiah ka ngai. Science tarmit hi theology thlir nana hman a har zia chu mizo B.Sc hmasa ber Rev.Zairema khan a sawi chiang khawp mai.(I ni min pekte hi).
‘ka lo tawngtaipui ang che’ tih thu nem naran ka hrilh lovang che ti hian ka’n sawi zawk ang, ‘ Pa tling leh fing thluak hmang thiam pha chin i ni a; i duh zawng chu kaw rawihin i chhui thiam tawh a, i thu vuak thlak pawh a puitling. i dap i dap chuan i la hmu khawp ang. chutih hunah chuan Pathian tan i la tangkai khawp ang…kal zel rawh i hma bakah chuan.
June 24th, 2011 at 1:59 pm
59 vakul: I last paragrah hi tha ka ti khawp mai.. “kal zel rawh i hma bakah chuan” i tih lai te khi tha ka ti.. ! ka kal zel phawt ang.. kan la in kawm chho zel dawn nia..
June 24th, 2011 at 3:24 pm
Comment a ngaihnawm hlawm hle mai. Kan lama tang thin kan PATHIAN lama huai taka tang ngam tam tak kan awm a ni tih ka hriat hian ka lawm a ni.
Khawngaihna hun a tawp hma ngei hian Pathian awm ringlo tute hian an lo rin theihnan i tawngtai sak ang u.
June 24th, 2011 at 5:32 pm
Khatia Mosia’n Lalpa thua tuipuisen a vuak chaha, Israel fate lei chara kala tuipuisen an kan lai khan, thli a rawn tleha, luipui tui luang lai chu a rawn then hrang a( law of nature ?)
Luipuia tui luang lai then hrang thei khawpa na thli a tleh lai khan mihringte, puitling, naupang, pitar leh putarte chuan harsatna em em nei lovin, lui chu an kan a( Pathian hnathawh ropui ni lo se eng law of… nge ni ta ang le ?
June 24th, 2011 at 5:50 pm
“Run, baby run”, This is what the Lord says, “Call to me and I will answer you and tell you great and unsearchable things you do not know”
June 24th, 2011 at 7:39 pm
Ka thlir ngun khop mai he post hi.. Post tupa poh ngaihtuahna i chawktho a, lawm awm ka ti hle mai. Ka comment hma a ka chhiarchhuah ngun ber ala ni hial ang. Zawhna tlem…
1. “”Min ring rawh” tih chu Biblical God Concept thil sawi ber a ni leh lawi si,” i tih hi khawi atanga i lak nge, nge i hriat dan? Hei hi Biblical God concept a ni chiah em tih hi ka zawhna hmasa ber a ni a.
2. “Thudik tak an hriattheihloh avangin mihringte chuan thil (tih)theihloh an ti tihna ani ta”. Thudik chu enge tih leh Thudik chu a awm reng em?
3. “Thil theihloh ti theitu chu God chauh…..” i tih hi ti zawng hian sawi ta ila ipawm ve em? Pathian(God) in thiltheihloh a ti thei a ni lo a, tihtheihloh a nei lo zawk a ni. Tihtheihloh nei lo tan tihtheihloh (impossible)a awm lo zawk a ni mai lo maw?
4.”Mihring chuan thiltheihloh an nei anih si chuan Pathian awm leh awm loh hriattheihna an nei lo(rinna chauh lo chu)… tih hi…..
A nih leh Mihring chuan theihloh kan nei ngei a, mahse tihtheihloh nei lo Pathian zawk hian tihtheih loh nei mihringte hnenah amah lo inpuang tase,Pathian chu awm lo kan tih sak ngawt thei a ngem? Christian te hian Kan biak Pathian hi kan zawn a, kan hmuh ani lo a, Aman(Pathian in) min zawng chhuak zawk ani anti.
June 24th, 2011 at 8:02 pm
@no_nick Hepa nen hian in rin dan a in ang hmel khawp mai….
https://www.srai.org/the-biblic.....nullified/
June 24th, 2011 at 8:21 pm
@no_nick.. John Jubinsky a thukhawchang i rawn la nge, i irawm chhuak? A tir lamah ka comment lo chu pawi hle mai..
Hetianga inhnialna chawkchhuak tur chuan Original takin tih nise chuan lawm awm ngawt ang. Ka ngaihdan i ti kher pawh khi thudik ani chiah em?
June 24th, 2011 at 8:41 pm
LOL mythong..
va ron thur fuh nalh nalh ve a… mi thuziak, mahni irawm chhuak niawm takin, in la PHILOSOPHICAL deuhin a rawn letling
vel mai mai a ni maw. Ka lo rinlawk dan vel a ni reng a ni.
Inti fing hlawm lutuk mai !!
Nge ni a, a post-tupa hi John Jubinsky a lo ni reng zawk ???
June 24th, 2011 at 8:47 pm
@ no_nick #50
Pathian a awmlo i tih hian ka rinna i sawisel a ni. Mi aah min puh tihna a ni bawk.. mahse i irawm chhuak a ni lem lo bawka case chu ka file lo mai ang
June 25th, 2011 at 8:31 pm
Mi thuziak lo plagiarize a, lo in lak atheist ve em em.. ka ei lo lubukz
Thu i post leh hunah chuan i nick hi The Plagiarist tiin rawn thlak law law la.. tiraw matre
Atheist tak tak ho hi chu an hriat thiam awm, an sincere tlangpui bawk. Atheist lem lem ho hi chu in thing tawp.. in sincere bawk lo. Mi ngaihsan nih in chak vang mai mai a ni tih hi kan hre ve ker !!
July 20th, 2011 at 2:38 am
HAHA.. Kan kan mithiam ho in no_nick -a chu in man chhuak a ni maw.. a zahthlak ve reuh ngawt ang
July 27th, 2011 at 3:27 pm
John Jubinsky ziah ka chhiar a, Mizo tawngin ka rawn post a ni e.. Ka ngaihdan leh he post a ka ziah hi ain ang tih ka rawn sawi tel duh e…
Ka intih Atheist na ka hre lo, marawhchu rinlohna sakhua lampang reng2 hi rinlohna chen ka nei tih ka rawn sawi a ni e..!! Chtinag lam chanchin pawh ka chhiar nasa hle…!!