Hnam Sakhua chungchang hi á¹henkhat chuan kan tuipui lem loh avangin hnial vak ngâiah pawh kan ruat awm lo ve; Kristian ve lo leh Bible pawm lotute nen chuan inhnial vak ngaihna pawh a awm lovang. Mahse Zofate sakhuana chungchangah mimal ngaihdan tarlanna remchangah ka’n hmang teh ang; a boruakin a zir em mai.
Zofate sakhua sawi dawn chuan pipute biak Sakhua leh tunlaia sakhua kan tih hi a inang chiah lo deuh a, eng ang pawhin sawi ila Misualho chuan kan hrethiam tho ang. Kan pipute khan Sakhua an be á¹hin a, chu chu hnam leh chhungkaw vengtu a ni a. Mimal thlâ vengtu chu khaltu a ni. Sakhua hi hnam leh chhungkaw thil a nih vangin hnam leh chhungkua anga biak a ni á¹hin a. Tunlaia Pathian bia ka tih ang erawh chu a ni lo. Chhungkua an lo retheih luata tihngaihna dang an hriat tawh loh chuan hnamdang sakhua an phun á¹hin. Entirnan Lusei pain Ralte sakhua a phun chuan lusei ni lovin Ralte a ni tawh á¹hin. Hmeichhiate erawh chu an pasalte sakhua an phun mai á¹hin a, ‘hmeichhiain sakhua an nei lo’an ti á¹hin; hei hi hmeichhe hmuhsitna lam a ni lo.
 Chhungkuain sakhua an biak chuan vawk an talh á¹hin a, sakhaw biakna indawt chho zawhzote hian khuangchawiin thang an chhuah a, tlanghraitu, mi rethei khaichhuaktu, pialral kal turte an ni. Ram lamah pawh thangchhuah theih a ni tho bawk. Pathian an hria a, Khuanu/khuavâng ti pawhin an sawi á¹hin âwm e. Luseiho hian Sakhua an biakin Pathian an biakna tur vawkte an talh tel á¹hin niin an sawi. Pathian hi biak phak loh, hla taka awm, pa á¹ha tak, mangan tawpa mihringte á¹anpuituah an ngai niin a lang; an á¹awngchhan ber a ni. Mahse tihlawm tum emaw, a tana thil tih emaw an nei ngai meuh lo. Kawngpui siam leh fano dawite hi khawtlangin Khua an biakna a ni ang.
Hetiang hian vengtu leh enkawltu hre bawk mahse hlauh an ngah hle. Ramhuai an hlau a, an inthawi fo á¹hin. An nun pawh a ralmuang lova, hmuh theih leh hmuh theih loh hlauin hun an hmang a ni ber. Chutianga an awm lai chuan Darphawka’n inlarna a hmu a, a zawlin tuipui ral aá¹anga mingo pahnih lo kal tur thu leh an thu awih tur an nih thu a hrilh a ni. Kristianna a lo lût ta ngei a, kan Pathian chanchin chu chiang zawkin min hrilh ta a, a chhandamna hnathawh dante min hrilh a. Kan mamawh tak a nih vangin kan tan pawm a nuam a, kan hriatsa Pathian chanchin leh a duhdan nundan zirtir kan nih avangin hnam pum deuhthawa Kristian nih pawh kan harsat lo.
Pipute khan Pathian hriatna engemaw chen chu an nei ngei mai, mahse a famkim lo a, kan mamawh a phuhruk zo hek lo. Pathian, hmasanga thlahtute hnena bung tam tak leh kawng tinrenga Zawlneitea thu lo sawitu khan, heng ni tawpah hian keimahni hnenah a Fapaah chuan thu a sawi ta (Heb 1:1,2) hi Zosapte hmangin kan chungah pawh a thleng dik ve ta a ni. Pipute nuna a á¹hate chu vawiin thlengin ka chhawm zel a, a á¹ha lote erawh chu ka paih a. Kan biak Pathian thlâk chuang lovin kan biak dan kan tihmasawn a. Keimahnia a á¹ha lalte chhawmin hnamdang Pathian nung betute tihdan ka la lût bawk a.
Chuvangin Vawiina Mizo Kristiante hian hnamdang sakhua leh Pathian kan be lo va, min thlahtute Pathian, kan hnam min hruaitu hi kan be zawk a ni. Mizo pipu sakhua chu Kristiannaah tihfamkimin a awm a, Kristiannaah a inher lut kan tithei ang. Kristianna pawh Mizo takin, kan mamawh leh kan tana á¹ha ang zelin kan kalpui a, khawvel hmun danga Kristiante nen chuan kan danglam hle.
Presbyterian á¹heuh á¹heuh pawh Mizo leh Khasi chu hringtu pakhat ni mahse kan in ang lo a, Baptist pawh Naga ho nen chuan danglam tak an ni. Kohhran pawl hrangah awm mah ila, Mizo Kristian kan ni vek mai. Kristianna hmanga Sakhua kan biak hian kan hnam leh chhungkaw tinte tan malsawmna a nihzia – ei leh bar, nunphung, khawsakna, finna leh thiamnaah te a tam hle; kan sawi seng lovang. Mimal nunah pawh Nitinin á¹hatnain min khal, Chhandamtu mak tak a ni (KHB 166:4) kan ti a; min khaltu hian min khal hneh khawp mai.
Hemi piah lama Pipute sakhua ni chiah si lo, Kristianna hrula Hnam Sakhua sawitute hian Kristianna hi Mizote awmna atan Khuanu ruat, min ven leh hruaina vanga awm kan nih hi pawm thei se a duhawm hle. Chutiang ni lova kal chu Bible aá¹anga thlir phei chuan hlauhawm tak a ni (Heb 10:26). Heng kan unaute hi a châng chuan an kal vung viau á¹hin a, khaw thar satin Chhanchhuahna Khawpui an din a, mahse tunah chuan he khuaa awmte hi Kristian an ni leh deuh vek tawh; “‘Pastor Chhawna inlarnaa tuihna tling thei lo-pipu tuikhur chawi tum’, a tihte kha kan lo ni reng a lawm maw le†tiin testimony ngaihnawm tak an sawi thin.
August 2nd, 2011 at 12:01 pm
chhiar zove,,HS hian lo chhiar ve em aw?
Last para ” Kristianna hi Mizote awmna atan Khuanu ruat” tih lai hi keichu ‘ kristianna sawi chuan ‘khua nu’ tih tawngkam hi a nalh zan lo deuh emawni aw… te ka lo ti deuh mai mai.NOI
August 2nd, 2011 at 12:50 pm
In vei peih mai mai e aaa!!!
Khawvel a en chhung chuan hetiang type hi anla awm zel dawn.. Aww ringtu
Vei tu in tam poh leh a phur telh telh ani mey 😛
August 2nd, 2011 at 12:50 pm
Ni e. (Y)
Hnam Sakhuaa chuan alo chhiar thla leh dun dun tawh ngei ang 😛
August 2nd, 2011 at 1:08 pm
# 1:kan misonary te leh ringtu hmasa te khan ‘God’ lehlin nan ‘khuanu’ tih tur nge ‘pathian’ etc. an buai rei an tia lawm. Khuanu tiin lo dah zawk se ka ti a sin o. keichuan, God awmzia phawk zawkin ka hria. Tawngtai tih erawh an dah fuh thlawt.
August 2nd, 2011 at 1:09 pm
#1 Pluto, ‘Chung Khuanu leng ruatsain inneihna a lo awm” tih kan sak á¹hin vang hian Khuanu hman hi ka inthlahrung lo ve ringawt a lawm maw le.
August 2nd, 2011 at 1:34 pm
#4 Pipute rin danah Khuanu chungchangah hian chik taka thlirin Kristiante rinna a Thlarau Thianghlim Role kengtu a ni a. Pathian erawh chu 1st Person God The Father Role kengtu a nih a rinawm. Pathian kha a hming an lam mai mai lova chuti takin human affairs-ah hian a inrawlh lem lo; mahse an zah leh an rin sole authority neia an hriat chu a ni. An inthawinaah pawh ‘Chunga Pathianin ka zeltluang lo chhang ang che’ an ti thin a- a hming hi positive connotation a ni a; ramhuai laka nthawi nen a inzul lo.
Khuanu chu Comforter, Guide, helper etc etc..mihring nena inkara mediator hna thawktu ber a ni.
Chuvang chuan God tih Pathian tia an lo letling hi a fuh ka ti khawp, kei chu.
Post: a tha khawp mai. ‘marawhchu indeginisation/contextualisation/culturation zawng zawng hian limitation an nei vek turah ka ngai, nih loh chuan min lem zo vek thei. Tuna kan kalphung hi tha tawk ka ti bik miah lo-kan sentimental khawih hnap chin hi chu mizo pum chhuak a ni zel. Entirnan, Lengkhawm an han tui tak tak hi chuan hla thluk awm sa hi a dang hret a, kan lam dan pawh ‘chheih’ rawng a kai vat mai; a chhan chu kan lungkuaitu a ni tlat.
Pathian hian greatest revelation atan Juda culture a rawn thlang a, chu chu engemaw chenah kan pawmpui a ngai ve tho-pawm vek erawh a tha chuang lo. Pathian thu tiriltu tak pawh a ni bawk. Kristianna hrim hrim hian unique culture a din ve hrim hrim bawk.
Chuvang chuan kan rilru taka Pathian kan biak theihna hi a hlu khawp mai-ka duh tawk phawt teh ang.
August 2nd, 2011 at 1:35 pm
HS hi chu a post poh a vil tha peih lo a nia,midang post phei chu…;-D:-P
August 2nd, 2011 at 1:58 pm
#7 post-tu i hai a nih hmel e.
August 2nd, 2011 at 2:12 pm
8.Pu Vakul chu, 7 khi han chhiar chiang leh deuh teh. Comment 1 & 3 chhanna anih hmel zawk lo maw?
August 2nd, 2011 at 2:16 pm
ChhanaPa, kei zawk hi a nih hi lo dik lo chu min lo hrethiam teh. PK heti hi kan nia, thil han sawihuai ve ngam tur hi kan ni lo reng reng. Ngaihdan lamin mit a thunun tlat tawh chuan thil reng reng hi kan hai vek tawh.
Kei vakul hian #8 khi ka delete e.
August 2nd, 2011 at 2:43 pm
4.Sammoo, kei chu, Khuanu tih ai chuan, KhuaPa tih ka duh zawk. Kan Nu van ami tihte angai reu reu ange a. 10.Vakul, nang chu ila zia alawm, kei pawh hmanah, Saräng hi engtihna na nge? An tia, in tihre tawkin ‘Plastic puan pan tak, polythene’ kan tìh hap kha. Ka zak ve tep a ni.
August 2nd, 2011 at 3:35 pm
“Mi tupawhin an pawmzawng sakhua leh rinna an kalpui/zawm thiang,” tih hi ka ngaihdan a ni. Mi rinna/an sakhaw vawn hi “A diklo” ka tihsak hreh khawp bawk mai!
Sakhua zawng2 in dik an inti vek, mahni awmnaah theuh rinawm ila a tha berin ka hria. Japan ram te khi sakhaw hrang2 awmin an biakin pawh in thenawm te anni hlawm. Sakhuana avangin tunlaiah tumah an buai duh tawhlo. Hemi cc hi Mizoram English zirlai pawl 5 zirah emawni pawh a awm thin kha!
Khuanu = mother nature. Pathian = God… Mizo tawng.
August 2nd, 2011 at 4:27 pm
Hmanlai kan pi leh pu-te “pathian” biak leh tuna kan “Pathian” biak in ang renga i rawn sawi dan chu, i suihfin nalh hle mai. Hetiang zawng hian ka lo la thlir ngai miah lo. Post tha khawp mai. (Y)
August 2nd, 2011 at 4:47 pm
HS-a a lo lan ve leh in kawmen ka chhiar ang, ngaihnawm leh dawn mang e!!!
August 2nd, 2011 at 5:10 pm
#13 thanx
August 2nd, 2011 at 5:17 pm
@pk: kan nu pawh ti ila a sual vak dawn mi? Nang leh keia biak pathian hi he khawvel gender hian a khuh ve phak lo…(feminist hovin a ti) ka pawm zawng tak a sin..enge i ngaihdan-?
August 2nd, 2011 at 5:31 pm
@ Sammoo, Isua khan, Vana Pathian awm kha, “Ka nu” tiin a ko ngai si lova, “Ka Pa, in Pa” a ti tlat si a. keinin “Kan Nu” lo tih ve ringawt te chu, kan ko sual palh ang tih ka hlau deuh.
August 2nd, 2011 at 6:54 pm
Post tha khawp mai. AI LAIK IT. Kristianna hi a lo selfish lo khawp mai a, sakhaw dang betu te an boral mai hlauhna avang chauh in kristianah siam kan tum thin a ni. Chu chu kan inzirtirna atang chuan hmangaihna a ni.
August 2nd, 2011 at 7:49 pm
Ni e, kan pipute khan ‘Pathian’ lo be thin mahse ‘Dawi’ leh ‘Ramhuai’ bawiah an tang a. Kristianna khan bawi ata a chhanchhuak a. Kan pipute nunphung nena inremsa Kristianna kan nei hi Zofate tan chuan malsawmna ropui ber a niin ka hria.
August 2nd, 2011 at 7:58 pm
ZerO #19 kan thlahtu ten ramhuai an be tlawn ve ngailo tlats 🙂
August 2nd, 2011 at 9:59 pm
A post tu en lovin ka chhiarchhuak phawt a, ngaihnawm ka tih reuh em avangin ka ennawn leh ngat. (Y)
August 2nd, 2011 at 11:45 pm
#21 i va ti lawmawm ve aw…misualah chuan i fel ber ang a 😀