Mi chaw eia sawm hi Mizote chuan induhsaknaah kan ngai a, a dik. Mahse a sawmtu te’n duhsak hle mahse an tihlan loh miau chuan a sawm-a tan thil nuam leh hriatreng tlak a ni thin lo. Mi in-a chaw ei hi thil nuam tak a nih lem loh avangn chaw eia sawm tute an bengvar a ngai em em a, chaw ei ringawt niloin inkawmhona tha neih tum leh duhsak an ni tih kan hriattir tur a ni. Kan hriatsa awm tho mahse kan mikhual/thiante/chaweia kan sawma awmdan mawi leh hawihhawm dan tlem lo thlir ho leh ila.
1. Mi chaw eia i sawm dawnin ziaka sawm a tha ber a, a nih loh chuan text message emaw call-in sawm la, a ni-ah remind leh ngei ang che. Chaw eia i sawmturte hrilh turin midang kutah hlanchhawng mai suh.
2. Thil dang zawng zawng aiin chaw eia i sawmte i sawm niah na na na chuan dah pawimawh ber ang che.
3. Chaw eia I sawm rualin i lam theih leh theih loh tur te, i thlah theih leh theihloh tur thu te, chaw ei i duh hun leh a remchan hun ruahman dan hrilh chiang nghal la, a duh dan zawt bawkin in inremsiam dawn nia.
4. Mi i ina chaw an lo ei dawnin i in a fai tha tur a ni a, tin i inlengte’n an hmuh i duhlo chu dah bo la, tha takin lo inbuatsaih lawk ang che.
5. I sawmte an lo thlen a nangma’n ei rawng bawl i ngai ngei ngei emaw i chawhmeh siam dan I endik/zawt duh a nih lem loh chuan i ei siamna hmunah hruai lut lo la, inleng kawmna hmunah i kawm hmasa dawn nia, chutiangin chaw eikham titi na hmun pawh.
6. I ina lo kal turte an lo thlen veleh dingin lo chibai la, i chhungte emaw i thiante emaw midang awm ve te i hmelhriattir vat dawn nia.
7. Khaw awmdan a zirin an lo thlen veleh in tur eng emaw pe hmasa ang che.
8. Chaw ei ho naah i sawmte bulah chawbel hung lo la, i bulah hungin i sawma te thleng i thlithlai reng dawn nia. Mahse he tah hian an thleng melh kur reng erawh tih ngailoh tur a ni.
9. Chawhmeh tur i duhzawng leh i ngainat zawng lei mai loin chaw eia i sawm tur chuan ei theihloh, huat zawng, ngainat zawng, eichak zawng leh duh zawng a nei nge neilo tih zawt hmasa la, a duhzawng ngaipawimawh hmasa zawk ang che.
10. Chawhmeh I siam dan a zirin rem la, a lai tak a theih loh chuan i sawmte hnaih berah a tui ber /a ngainat ber hung la, chutiang zelin a indawt danin i rem zawm dawn nia.
11. Chhungkuaa chaw kil ho kher in ti tlat a nih lem loh a naupang leh buchip deuh nei in nih chuan chaw lo ei hmasak tir a fuh fo.
12. I sawmte chawhmeh suah sak ngai suh ang che, an duh lai bik i dah hran sak a nih loh chuan. Loh theih loha i suah sak dawn a nih chuan zawt hmasa la, vawi hnih an hnial che chuan tum lo law law ang che.
13. Chaw ei chhungin fel fai takin awm tluan tum la, chetsual theihna lak a ta inveng la, engkim fimkhur takin i ti dawn nia
14. I sawmte ngainat zawng ei leh inah chauh lo phawrhchhuah sak thiam la, titi ho naah a tangkai zual duh bawk.
15. I inchhung bungrua engnge maw tihpalh thil thuah i misawmte’n an tihchhiat chuan sawi sawi loin ngawi rengin i tifai dawn nia.
16. Chhungkuaa inhauh/inhnial/invin emaw awka ngaihthlak nuamlo lak atangin i inveng hram hram dawn nia.
17. I sawmte nen in titi ho naah inhnialna emaw boruak nuamlo a awm dawn a nih chuan a tlawm zawkah tang hreh reng reng lo ang che.
18. Titi hona a awm a nih a, mi tam tak chaw eia i sawm in a remchan chuan rimawi zawi te tein rik tir riai riai la, titi ngaithla duh lemlo lo ngaihthlak atan a tangkai phian a nia. He tah hian i rimawi duh zawng aiin i khualte duhzawng thlang thiam ang che.
19. In titi hona tibuai thei reng reng phone/tv/naupang leh thil dang a awm a nih chuan dahbo lawk ang che.
20. In titi ho naah i sawmin a zawt hmasa che anih loh chuan in chhungkaw chanchin a tlem thei ang ber sawi la, a chhe lam ngat phei chu sawi lo hram hram la. Mahse i chhungte fak uchuak suh ang che, nang aiin I chhungte khawsa zia pawh a hrechiang thei zawk si a.
21. I mikhualte chaw ei khamah an leng rei deuh a, i hun a tawt tawh a nih chuan mawihnai takin tih tur i neih thu i sawi lang zauh dawn nia.
22. I mikhualte an haw dawnin pawngpaw sezawl chhuah ngawt loin kawngkhar thleng tal i thlah dawn nia.
PS:A dawtah mi in a chaw ei tur tana hriat tur pawimawh tlem.
July 3rd, 2011 at 10:32 am
Tha thei hle mai.
Report this comment
July 3rd, 2011 at 11:02 am
zero zaninah i awm ang angin lo awm la karlehah i awmdan kan review ang
48 a kup ruh i la chang ve lo a ni maw? a nghawng ruh ai chuan seh sawm a har deuh
Report this comment
July 3rd, 2011 at 11:21 am
avan ho
Report this comment
July 3rd, 2011 at 12:13 pm
Post tunu chu chaw eiah min sawm ngei dawn hmel e.
Report this comment
July 3rd, 2011 at 12:39 pm
Cho ei eh min lo sawm……….. han tih dot chu ngam om chiah si lovah post tu nu?????/
Report this comment
July 3rd, 2011 at 6:54 pm
‘ Chaw ei a i sawm ten, chaw khawrh leh i tum a, vawi hnih an hnial chuan pe lui tawh suh.an tan phurrit a ni thei’
Mi inah chaw ei tumin ah ka puar tawh ka ti lawm lawm chungin i ei tlem emai tiin min han khawrh leh ngheng mai chu, puar tawh nen, paih dawnin zah thlak bawk si, ka tap lo chauh tawh.
tum 2 ngawt. Mahni theuh a in suah theih hian in chhawp sak ila, a tih chi berin ka hria 
Report this comment
July 4th, 2011 at 3:28 pm
Tha hlawm hle mai. Tleirawl laia sawm lem loha Khawvela te in vela chaw kan ei tawp zel thin lai min ti hrechhuak rum rum mai
Report this comment