Khuarei an chang zo ta…thinlai mu hnu a tho leh thin…
Kum 1991 July thla kha a ni ta awm e. Kum 20 lai a lo liam ta a nih chu….
Guwahati atang a motor, Maruti van kan lei chu khalhin, Shillonga kan chhungte inah tlai chaw kan ei chho a. Pa ber Pa Saitawna’n tawngtaina a min thlah hnu chuan, zawi zawiin Zoram lampanin, Alukudam kan tlan pel chho ta a.
Ka kalpuite pahnih, zinga pakhat zawk hi SOG Team a kan rawngbawpui Zothangpuia chandmari veng a ni a. Pakhat zawk hi chu, Davida, ka u fapa a ni.
Reivaklo kan tlan leh hnu chuan, kawngsir zau laiah chuan ding-in, motor chhungah tawngtairualna kan nei a. Zothangpuia hian a hnu khar na neiin, tawngtaina a ti tawp ta a.
Kan Amen a, kan han men chuan, kan din na zawn kawngpui ah chuan, TMB la thar hmel tak, a bang sang chi hi alo ding deuh hrut hrut a, a hnung (body) a tanga a seat lam sira lo chhuk thlakna ah chuan tlangval cher ria sang lam deuh, jacket hring dal ha hi alo chhuk dawn mek a. Ngaihthatlohna hranpa nei chuang lovin, kan tlan san ta mai a.
Ruah a tla seng seng e tih mai loh chu, tluangtakin kan tlan a. Khlehriat kan thlen chuan thingpui dawrah chawlin thingpui kan in a. Ruah pawh a rawn tam tial tial a, a hnu deuh phei chuan ruahpui- van- awm a sur ta tluk tluk mai a. Ruahban tur hun a hriat bawk si lova, sana ka han en a, zan 12:30 a.m alo ri ta bawk nen, kal zel mai zai kan rel ta a.
Motor ah lut in kan tlan leh tan ta a. Ruah chu a sur nasa hle mai, chhum a tel nual bawk a. Chutia kan tlan mek lai chuan truck pakhat hian chak fe hiam min rawn tlan pel a, a bang san danah leh a rawng ah, Shillong dai a, rawn ding deuh dut dut kha a ni tih ka va hre mai a. “ An va hmanhmawh ve aw” kan ti liam sa tliah a, kan tlan ve zel a.
Khlehriat atanga km 25 (a nih tawh hmel), mualpawng helna kawnghlui paihin, a mualpawng chu an tan a, leitan thar chhungah chuan kawngthar chu a kal tawh a, mahse a la thar deuh avangin kawng kual hlui pawh chu a la lang ruak tho va, mahse kawngthar leitan chu miin an zawh vek tawh a.
Chu leitan thar chhungah chuan kopang sir tawn tawnah chuan lei a lo min thlak avangin, kawng pawh a zim raih mai a, ruah a nasat em avangin, tuihawk pawh kawnglai ah chuan an luang nasa hle.
Zawi zawiin leitan chhungah chuan kan tlan lut ta a, mahse kan hma ah chuan truck body sang, a hma a chak deuh a min tlan pel tu ngei chu, kawnglai tak maiah chuan alo ding ta tlat mai a. A sir tawn tawn lah leimin in a rawn hnawh a, hel ngaihna a awm dawn ta hauhlo mai le!
Ka thiante pahnih lah chu, thlamuangtakin pakhat ka sirah, pakhat a hnung seat ah an hnar sak sak mai a. Motor light chuan truck hnunglam, chu chian takin a va chhun ta a. Tlem a ka va hnaih deuh hnu chuan, truck, a chhia an siam mek pawh ni silo, chutia kawnglaia lo ding ringawt ta chu, engemaw thutah va hnaih chilh lutuk loh a tha in ka hre ta thut a, ka back let ta a.
Chutia ka back let ta chu, truck body chhung atang chuan, Shillong dai a truck atanga lo chhuk tum, lo far thla hman tep Jacket hringdal ha ngei mai chu, truck bangsang atanga au khek ruai ruai chung alo zuang thla tur mek leh truck body chhung atang a mi 20 rual vel zel lo ding chhuak, an hriamhrei ken ..chem, leh chain, thir chi ka motor light in a va chhun fuh chu a tle zawk zawk mai a, motor atang chuan anlo far thla tuam tuam mai a.
Kei lah chuan lo nghak ta nge ti bik lovin, a rang thei ang berin, ka back chak sauh a…an ni lahin ke a lo tlan pheiin min rawn um phei tawh.
Kawnghlui kual intanna (leitan tawntirh) chu ka va back thleng a, rangtakin first gear ah ka benglut leh a clutch thlah a hmalam hawia phih tir ka rual nghal a. A hma hruai chuan min rawn nang ching hman chu a ni mai e…Ka motor kawngka (driverside) darthlalang frame (thir) chu ri chawrh mai a, second khat chuan tlai ila, a darthlang rawn sat keh darhin min rawn hliam hman awm e, mahse Pathian zahngaihna avangin darthlalang frame chuan min chhan hman ta chiah a ni.
Motor chu hmalam hawi a speed sang thei ang bera dawk kan ni na a, a hnung darthlang, leh a sir darthlalang te chu a ri pawp pawp mai a, darthlalang keh them nawi chu motor chhungah chuan a rawn darh chuai chuai mai.
A hnung seat a mu, leh ka sir veilam a thu muhil pawh anlo harh ve ta…A hnung seat a mu Davida (ka u fapa) harh chiang manglo chuan lo thawhchhuah pah chuan, “Pute, truck in min su a law” a rawn ti a, “ I mut ngai khan mu rawh rawn tho chhuak suh” ka ti a, theih tawh a chak chuan Khlehriat lam pan bawk chuan kan tlan let leh ta a.
An motor kha, Silchar lam hawi a an dah avangin leh kawngsir tawn tawn a a hnawh hmuk a vang in, inher mai ngaihna a awm dawn lova, min rawn umzui dawn pawh nise, leiverh tlanchhuak a khutah an zu inher angaih dawn avangin, min rawn um nghal mai theilo tih ka hria, ka thla a muang deuh, mahse muangchan chi erawh a ni lo….
(Awmzel tur nge maw tur lo le….)
Similar Posts:
- Thlahrang
- Kan Himna Kulh
- Suam Hmang kan tawk ve tawh a sin – part 2
- Before and After Accident
- Kawng kam thil thleng.
September 3rd, 2011 at 6:01 pm
a tawp dan chu…awm zel chi a ni e
September 3rd, 2011 at 6:11 pm
Nakinah ka chhiar ang…ngaihnawm hmel hle mai
September 3rd, 2011 at 6:12 pm
A va ngaihnawm e 🙂
September 3rd, 2011 at 6:14 pm
Awmzel chi a ni ang.
by order. :-O
ah nihloh chuan kan inchhunzawm siak ang a ni mai. Ngaihnawm thin hle mai.
September 3rd, 2011 at 6:23 pm
Ngaihnawm,chhunzawm ve leh ngei chu ngai ang.. 😀
September 3rd, 2011 at 6:32 pm
Chhunzawm mai lovin bu han let mai teh.
Chutia truck hnung a vai hmelchhe ho lo then thaw ho chu silaiin han tlir mai ila, mumangah tal ka lo tlir ang.
September 3rd, 2011 at 6:34 pm
Ngaihnawm hle mai. A tul hunah i thluak pawh a fim tha tih a hriat e. Part-2?
September 3rd, 2011 at 6:39 pm
Ngaihnawm khawp mai. A chhunzawmna a awm duh hmel ka ti keipawn..
September 3rd, 2011 at 6:49 pm
Awmzeltur awmzeltur, a changtupa pawh la che ve hman hleinem 😀
September 3rd, 2011 at 6:50 pm
Awmzeltur awmzeltur, a changtupa pawh la che ve hman hleinem 😀 (gud post!)
September 3rd, 2011 at 6:57 pm
Chhiar nuam khwp khawp e, chhunzawm lehnghal mai nise…..
September 3rd, 2011 at 7:03 pm
(Y)
September 3rd, 2011 at 7:17 pm
Va hlauhawm awm ve aw. Hetiang hunah hian vai film a Mithuna ang nih a chakawm ngawt in ka ring. 🙂
September 3rd, 2011 at 7:39 pm
MAN rem rem ve…rilru fim i pu thei hi ka fak thlawt che..Ngaihnawm hle mai. (Y)
September 3rd, 2011 at 7:42 pm
Va hlauhawm ve….in vanduai vannei..
September 3rd, 2011 at 7:54 pm
A va han ngaihnawm hman teuh…. Chhunzawmna ka lo chang reng e.. (Y) (Y)
September 3rd, 2011 at 8:03 pm
A chhunzawm har e mai kan lo chhunzawm ve tawh mai dawn em ni @mr.Duhlova 😀 I tawk ngeiawm thiam dawn tlat 😛
September 3rd, 2011 at 8:04 pm
Suangtuahna rama chen zui mai a va awl ve..
September 3rd, 2011 at 8:25 pm
I va hnaih lo chu(h) i fing khawp mai,ngaihnawm bawk sia ka lo chang reng nia part 2 aw..
September 3rd, 2011 at 8:36 pm
E.. khai! va bawn ve. Mahse anticlimax…? Hero rim a nam chem chem. Vai film teuh hle mai.
September 3rd, 2011 at 8:39 pm
I chet dan i sawi chu vai film-a a changtupa chet dan raih raih hle mai….. 🙂
September 3rd, 2011 at 9:01 pm
Hmmm, ka lo chhunzawm mai dawn a maw ni le…. 😉
September 3rd, 2011 at 9:04 pm
4
Pc-a #
17
VaiVa #
lo chhunzawm tawh mai ula, a ngaihnawm zawk mai thei a sin.. 😀 😀
September 3rd, 2011 at 9:05 pm
chutah aw, khlehriat ah min rawn nang ching ta, tlan chhiat ngaihna a awm tawh si lo a, khlehriat hotela a changtu nu lo chhuak chiah lai ani bawk a, ‘Hai kuta chi brick’ tih pahin ka bula brick bung chuan a rawn hnaih ber chu kan vawm let tawp a, ding kak te taw chunga ‘ Dragon Style’ tih pah ah ka khek rik leh tuarah chuan misual ho chu an in melh ralh ralh tawh hlawm a ( kei pawh chuan brick bung dang a la awm em tiin ka mit chu a rukin ka len ruai a) 😛 ..part 2 chu ngaihnawm dawn rem rem viau lo maw 😛
September 3rd, 2011 at 9:17 pm
Vaichhe ho chu ka mumangah ka lo tlir hlum vek ange.
September 3rd, 2011 at 9:37 pm
Kan thianpa 1 pawh in zanah Khasi 1 a tibuai ve ngawt mai a, a rin aiin chu Khasi pa chu a sa a lo tha si a, a sawp let zek asin!!
September 3rd, 2011 at 9:40 pm
mr.Duhlo in ngaihsanawm hle mai, tawngtaia an thlah hnu ah pawh tawngtairualna in la nei leh cheu a, Pathianin a veng che u a in him a nih khi. Han chhunzawm teh le.
September 3rd, 2011 at 9:42 pm
pui hle mai
September 3rd, 2011 at 10:20 pm
A ngaihnawm hle mai!in vanduai na nga in vannei ang reng phian a nih chu! Chem/hmanrua enge maw tal hi motor-ah hian dah a ngai ve hrim2 ka ti,mahni inven nan!driver seat bulah hian wheel wrench-hi ka dah deuh ziah,long run dawn phei chuan!’thut’ hi a awm ve thei thin a! :-O wheel wrench hi a kutthlak a na ve riau a nia!
September 3rd, 2011 at 11:28 pm
ngaihnawm hle mai (Y) . huaisen tak a rilru fim hman theih hi a pawimawh khawp mai .
September 3rd, 2011 at 11:56 pm
A ngaihnawm ngang aniang ngaihdan tha a pawn ‘pui hle mai’ ati instead of ‘post tha tak ani’ 😀 nui3
September 4th, 2011 at 12:18 am
wai! ropui ve! thawnthu phuah pawh thiam dawn khawp e!! 😀
September 4th, 2011 at 12:56 am
Mizo tawng ziahdan I lo zir tha leh dawn nia,i upat hmel tawh tehreng nen,fimkhur ve deuh tawh rawh aw,ziahzawm tur leh ziahzawm turloh chi ang te
September 4th, 2011 at 3:00 am
20 vel em2 cu an tling dawn ami?
September 4th, 2011 at 3:29 am
I va rawn au chhuahpui har ve. Ngaihnawm lutuk…hlauhawm bawk si. 🙂
September 4th, 2011 at 6:35 am
33
Samtea # I ti lawmawm hle mai. Mahse, ziah dik thlap thlap a pawimawh rualin, tawng tinrengah hian, a pawimawh ber chu, kan thil sawi tum mite’n a hre fuh thei em… tih hi a ni ngai.
Spelling mistake ka nei nual tih ka hria…a pawi ka ti. Misual post a ka type luh hnu-in, ka correct thei ta si lova…mi phunchiar fal leh mahni ai a upa te sawisel ching an tamloh hi maw…tiin ka delete duh ta lo mai a ni e. 😉
September 4th, 2011 at 7:57 am
Ngaihnawm beu beu hle mai a.
Ka chhiar laia ka rilru a lo awm chu; in tawngtaina ah hian tluang tak leh harsatna tawk lova kal in dil lo em maw ni chu aw ka lo ti a, mahse lo dil ta pawh ni ula kan Pathian hian kan duh dan leh dil zawng zawng hi a rawn thlentir kher lo thin chu a nih hi a 😉
Chhunzawm thuai thuai (Y)
September 4th, 2011 at 9:18 am
Khami tum khlehriat in rawn thleng, i car kawngkhar pawh hawng hman lova a tukverh atang ruahpui van awn karah i rawn tleng chhuak… varak tui tia zet a i rawn meng bial kha chu rapthlak ve tak ani, in thil tawn kha hrilh pawh kan ngai tawh lo a chha chu anih ber kha maw… taksa chetna nasa tak nen meilum bulah i han thu, bakthak pa ho lah kha a chhan tu tur che nge, misual ho lo puih tur lah a hriat der silo…mizo tawng ngei mai a kan be thut mai che kha chu i tan chuan Vantirhkoh kha ka ni ve ringawt alawm mawle.. (to be continued…if ordered)
September 4th, 2011 at 9:44 am
@mr.Duhlova Ngaihnawm hle mai, chhunzawm vat teh khai…..part II ah chuan zanriah ei ve tawh ngei bawk la, nang meuh in tlai chaw han ei ta mai che chu(h)!!!!!!!!!!!! :-O
September 4th, 2011 at 10:06 am
In ti lawmawm hle mai, a hunlai kha chuan a thlaphan thlak viau…..
Rin aiin minlo hlutsak a, ka rawn chhunzawm thuai dawn e…
September 4th, 2011 at 10:07 am
A ngaihnawm, mahse a hunlai hian mumang a ang duh teh asin. 🙁
September 4th, 2011 at 11:05 am
41
Pu Hv # I tawng ve tawh elo……
Ka prog kha October ah aw….i zin chhuah dawn loh chuan (C)
September 4th, 2011 at 12:01 pm
ngaihnawm ve aw….
September 4th, 2011 at 1:04 pm
chuan… engtin zel…?
September 4th, 2011 at 1:52 pm
Tichuan,Khlehriat kan han thlengphei ta a…hlau leh khur a, thaw dep dep a kan awmlai chuan, Truck pawh chu a lo tleng chawpchilh leh ta, mahse chutih lai tak chuan kilkhat atang chuan Misual chhuanvawr…
Miseka te, feeder te, Ozima te Hv te anlo lang ta hlauh mai a. An silai ken chu hmalam hawi zawngin an rawn lek chhuak ta nghal a….TMB chu a khu chem chem a a ral ta daih… 😛 😛 😛
September 4th, 2011 at 2:07 pm
Va ngaihnawm dawn ve!
“…Chutia rei kan tlan hma chuan kawng chhak atangin lung lianpui hi a rawn lum a, kan hma kawng takah chuan a khat ta mup mai a ! Hnung lamah chuan kawng kual head light in a rawn en kual pup pup mai a….!” Decision siamnan second tlem te chauh a awm ta. Hmanraw awm chhun chhun chuh tur lah chu a sitawm hlawm bawk si…!
September 4th, 2011 at 2:17 pm
Hmanraw awm chhun chu sitawm hle mahse a kengtu ‘lushai_er ‘
a ni tlat….engkim mai hmangthiam ‘kung-fu’, ‘fa-fu’, ‘sa-erfu’ a chantir thei vek a ni.
Tichuan, a hmanraw awmchhun chu, lek chhuak in, misual 20 rual chu alo hma chhawn ta (20 kan ti ngawt a,25 zawk anlo ni).
Chuta ‘lushai_er’ an che tak tak mai chu a lawm tun thleng pawh a Shillong tlang dung a anla sawi hat hat chu. Heta tang hian, suamhmang pawhin an ngamloh an tawng thei, Lushai ho hi tam hneh ngawt chi an ni lo tih an hriat tak tan na chu…. 😀
September 4th, 2011 at 2:53 pm
“Ti chuan Asiad 72 case 3 an phurh chu ui hle mahse an bun ruak ta a………Petrol filter an thlawn a, Beer aiah chuan Petrol an thun tan ta, Davida chuan a ui deuh avangin leihbuak pah chuan an khiat leh zauh thin a 🙂 ZTPA lah chuan a Towel, PB a a lei chu a fawhkai atan chuan alo thler ve a. A XXX Rum pawh chu ui thei lovin a fawhkai leih huhnan chuan an hmang ta nghal a. Petrol leih hi chu a hlauhawm deuh tih kha MZP buai lai atang khan hai tawh bik hek lo. An Molotov Cocktail Bomb chu an peih ta…!
Tun tum chu Krav Maga Tactic a hman phal loh leh hmanna tur pawh a awm a rin ngai loh chu a hmang dawn ngei mai le. An 3 chuan kawngpui chungah chuan motor chu an lo chang ta thap mai a….. Hlam dan an Thingzai lighter nen chuan an lo nghak a, boruak a tang ru kher mai. A kut veilamah chuan chempui blockna tur wrench (Spanner) puanchhia a a tuam sawr luk chuan a ti khawr lek lekin a hria a … 😀
September 4th, 2011 at 2:59 pm
Naupan lai atangin TMB kan ti mai a, a lampum hi enge a nih chiah le?
September 4th, 2011 at 3:23 pm
Chhunzawm vat chi ka ti vawng vawng. Kei pawh Hringchar ring road lama kan tlan tumin gunda thinchhe zet zetin min vaubet tawh a, tun thleng hian non-Mizo lamah hi chuan ka la tui hleithei der lo nia.
September 4th, 2011 at 3:24 pm
TMB = Tu Mawng Beng
……lols
@mr Duhlova chu van chhunzaawm har tawh ve aw
September 4th, 2011 at 3:29 pm
@St. Samoo: Tata hian 1950s a truck an siam khan Diamler nen tang dunin bul an tan a. Benz Engine an hman khan “TATA MERCEDEZ BENZ” Truck (TMB) kha an ti mai niin ka hria. Late 60’s khan an titawp mai thei (?) Tunhma khan TMB khan Mercedez Logo a hman thin kha!
Kan naupan lai chuan TMB = ‘Tlanmawii Bra’ kan ti a, TMI hian min um thin lolz…
Tunah chuan bmw-i te ho chuan “Text me back” tih nan an hmang lolz!
Hei kan google sak che hi https://deeplythinking.wordpres.....edes-benz/
September 4th, 2011 at 5:00 pm
Tun a mi hian mual liam phawt teh se…in comment in post thar a kaisan zung zung thin…lo nghak deuh rawh u.
Chumai pawh a la nilo……ushai_er te hovin part 2 anla phuah mek…
September 4th, 2011 at 5:04 pm
Part 2 ah chuan :
Army ho an lo lan dan…mr Duhlova te sipai ralthuam nen an thawh let dan te…
Suamhmang hovin thingthi a ngaihdam an dil dan te leh an inpuanna te pawh a rawn lang kher lovang…..
September 4th, 2011 at 5:26 pm
Part II chu han chhunzawm tawh mai la .a tawp dan hriat a chakawm khawp mai . i ziak ngaihnawm thiam si .
September 4th, 2011 at 6:11 pm
Tichuan Mr.DLA ruahman ang chuan an petrol bomb chu pahnih kengin theuh an hal alh ta teng teng a, 1-2-3 a han chhiar chuan TMB engine bonnet chu an han vawm ta a, mei alh chu a ding khawh chho zawt mai. A pahnihna chuan a hnung lam an han vawm leh.
An motor chu an tlan chhiat san tumin a te teng tung mai a. An ni lah chuan ko atang chuan an bomb chuan an vawm mial mial mai bawk a. An motor al bawk an mahni alh bawk! An Silaite chu an tlanchhiat san pheng phung ta mai a!
Part II a rawn chhuah hma chu…lo inrinsiak chur2 ila