September Ni 3 : Tunkar Nilaithawhtan atanga chin hriat loha bo Lalnghakliani kum 34 D/o Pu Ruata (L ) Sairang Dawrkawn veng chu he chanchin buatsaih lai thleng hian hmuh a la ni lo a, Sairang khawtlangin a khawnawtin an zawng mek..
Lalnghakliani leh Tlangsawiluaia (Vala) te chu inneih thatna nei chiah nilo mahse nupa angin an awm a, Buichali leh Sairang inkar kawngchhak lama, Changel hmunzawl ramah mi huan thlamah huan enkawltu niin an riak thin a, September ni 1 Nilaithawhtan zing dar 5 vel khan Lalnghakliani hi a mutna atanga tho chhuakin pawah a chhuaka, a thianpa Vala chuan inthiar a tumah a ngai mai a, mahse inthiarna lam pan ta lo chuan lo lu lamah a kal chho tih a thawm atanga a han hriat chuan a au zui a, mahse Lalnghakliani hian a chhang lem lo.
Vala auh na hi chhang lemlo mahse Lalnghakliani hian biak nei ang maiin a tawng mawlh mawlh thung niin thu dawnna chuan a sawi.
Vala ngaihtha thei lo chuan a kal na lam lolu lamah chuan a um chho ve ta a, vahfai bak ngaw chhungah chhui lutin sawntlung pawngah a puan leh slipper khing lehlam hcauh leh a khai ni a lo hnutchhiah a..chutatang chuan a hnu chu theih ang ang in a han chhui zui leh a, chulai velah chuan kualin sawntlungpawng awmna pawh chu a thleng leh ngei niin a sulhnu atang chuan a hriattheih na a, chunglai hmun velah chuan a hnu chu a tawp tlat mai niin an sawi bawk.
Lalnghakliani hi a chhungkhat laina leh thenrual tha zual ten a bo ni atangin khawtlang pun buai lovin an lo zawng tawh a, vawiin hi a ni thumna a nih tawha hmasawnna engmah an neih tak si lohah chuan khawtlang an pun ta a, vawiin atang hian Sairang khawtlang chuan mibo zawn hna hi an thawk ta a ni.
Lalnghaklianin a puan, slipper leh khaini bur a hnutchhiahna mual vel hi uluk takin vawiin khan an dap chhuak tawh a engmah hmasawnna an neih rih loh thu leh mibo zawngtute hi mi 300 chuang zet chu an nih a rin thu Pu Vanchunglura Sairang VCP chuan min hrilh.
by
Vanneihthanga Vanchhawng
September 3rd, 2011 at 3:07 pm
Eeeee thianpa tan chuan va hrilhhaithlak duh awm ve aw
September 3rd, 2011 at 3:11 pm
a van zia lo ve aw
September 3rd, 2011 at 3:15 pm
khawmu chawi hi sawi tur an awm ve leh zeuh zel a, a then chu an khuangcherbo hlen a, a then chu an haw ve leh mai a, an chanchin an sawi hian an kal dan a mak thei khawp mai…
chanchin thar lo update zel ni thei se
September 3rd, 2011 at 3:27 pm
Hetiang hi enge a chhan tak tak niang le?
Taksa lam dik loh vang nge Ramhuaiin a hruai tak tak? Taksa lam fel lo hi ka ring zawk mah…
September 3rd, 2011 at 3:29 pm
Ka hlauh zawng tak, ka tim uai uai mai. Barakhaih..!
:-O
Damtakin hmu leh theise aw.
September 3rd, 2011 at 3:32 pm
Sairang khua chu anva hah ve maw le, bo zawng reng rengin an buai mai.
September 3rd, 2011 at 3:44 pm
Kan la tlangval chiahlo, khatih lai khan Kulikawn Khampheia awm mi 1 a bo daih a, an zawng huai2. A hnu ni 7 naah Tlawng kamah ruaka luidung a zawh an hmu. A beng bul maia lung kengin an hmu a, a hnuah sawi tur anghah ngei mai.
Nula hmeltha lutuk maiin ram nuam lutukah a hruai thu leh eitur tuihnai tak2 a pek thute a sawi. A sawizel naah chuan chutia a eitur pek te chu, “A chang leh Changpat an lo ni daih thin a,” a tih kha ka la hre reng mai. Zanah riahpui ngai khawpin a buai zeuh2 thin. Kan riah ve zan chuan a rawn thu hlawl a, rawn lam tu tur awmin a sawi a, a nuam lemlo khawp mai. A ram nuam lutuk hmuh te kha a chang chuan Changel hmunah te an chang leh diak thin thu a sawi bawk. Lung pawh kha nula chuan a kentir anih a sawi a, a zawngtu te an rawn hnaih tawh thu nula chuan hrilhin lung chu keng turin a ti niawmin a sawi nghe nghe.
Khami te chhungkua kha khawiah tak awm ta zel maw?!!
September 3rd, 2011 at 3:44 pm
Denzzaar vee.. :-[ :-[
September 3rd, 2011 at 3:53 pm
Dandawi in ah kan nau ka riahpui a, kan piah chiah ami khan zan dar 1 velah pawilam a hawi vung vung a, tumah hmuh tur pawh awmlo kha lo lut ru anti lehhluai mai thin chu nuamlo tak a ni.
(@)
September 3rd, 2011 at 3:56 pm
A va rapthlak em!!!
September 3rd, 2011 at 4:01 pm
Sairang khawtlang chu an va hah dawn ve tunlai chu.
News update zel teh u. A ngaihnawm ka tih zawng tak a ni.
September 3rd, 2011 at 4:02 pm
kei chu,,.. (W)
September 3rd, 2011 at 4:09 pm
A va mak ve.
September 3rd, 2011 at 4:32 pm
Hetiang thil hi a awm ve tlat mai a, a mak khawp mai. (1)1983 vel ani em aw? Cherhlun khua zirtirtu Johm Henry chu Lungleiah hlawh lain a kala. Hnahthial atangin zingah chhuakin kein Cherhlun a pan chu a bo hmiah. Kan zawng nasa a, kan hmu ta lo. A khuangcher bo hmiah mai. (2) 2004 vel a nìin ka hria, Tarpho khuaa nufa ramkal haw lam, dai hnai te tawhah a fapain kawngchhak a sava a perhthlak a zawng chu a bo hlen hmiah. (3) 2008 khan Thingsai khua a mipa naupang 2 sava veh pawh an bo hmiah a, Tuipui a Hnahthial khua Lendeng ten an hmu hlauh a, an hruai haw. Mipakhat lianpui, pheikhawk bunlo, a samin a hmai khuh vekin a hruai ani awm e. “Commando kawr hlui tak a ha” an ti. An kalna chin an sawiin awih a har hle.(a hla thin lutuk a). Zirchian deuh a tha khawp mai. Rilru buai nge? Human trafficking nge? Khawmu chawi tak tak, tih hi.
September 3rd, 2011 at 4:41 pm
mak ve le…
Auditory leh visual hallucination nei ni thei mai ang em? Nge ramhuai in an la bo tak tak…lo update zel theih chuan Pu Ber lo update zel rawh 🙂
September 3rd, 2011 at 4:42 pm
Tuipang a mi Chullova poh Ramhuaiin a hruai bo.Lawngtlai atangin hetaaahhhh Lomasu ah a dah daih.
Theiva unau 2 , mipa leh hmeichhia poh an bo.A mipa zawk an hmu.Hmeichhia a bo hlen. Mipa chuan tunah chuan nupui poh a nei toh.
September 3rd, 2011 at 4:54 pm
mak ve awww..
September 3rd, 2011 at 4:59 pm
Zia lo ve o…A mak hle mai.
September 3rd, 2011 at 4:59 pm
Post leh comment ho chu va dangerous hlawm ve..
September 3rd, 2011 at 5:03 pm
va mak ve
September 3rd, 2011 at 5:17 pm
Khawmu ani maw? Khawimu te ka lo ti mai mai thin a..
September 3rd, 2011 at 5:40 pm
Kei ka awih ve hauh lo mai pek…. a pasal nen chauh an riak dun a, a pasal hi dawp deuh sela a in puan mai ka ring tlat zu nia…mi a bia tihte chu mobile phone a ken leh ken loh pawh engmah sawi lan ani lova… vai truck ah te hian a tlan bosan daih ani thei ang em ? Anih loh leh, an tualthu chhia in a pasal hian tum aia na in alo khawih palh a, a nih ang sawi chhuak ngam si lovin khawimu chawi a ti ta ani mai ang em ? Khawimu chawi hrim2 hi chu ka awih lo let tawp pawh ani lova…mahse a pasal nen an riak tlat a…. thudik chu alo lang chhuak leh thuai turah i ngai ang hmiang… (I)
September 3rd, 2011 at 5:57 pm
loneeagle26016 #22 thil nithei a ni (Y)
September 3rd, 2011 at 5:58 pm
Pu Vangchhia sawi ang deuh khi kum 2000 vel khan Phullen bul ah hian a thleng ve tawh tak a sin. Nu pakhat (ahming thup ve trat tehang) la valai tak chu a thiante nen Thing an phur a, Kan Inthiar ( e emaw zung emaw sawina ) lawk ati a, a thiante chuan an nghak renga, a lo letleh ta mai lo a. Mizo danin Ni 7 chhung an zawnga, an hmu zo ta lo a. Chutia an beidawn hnu ah chuan Vai (Nepali) thingzai ten Thingtuluanga a lo thu hi an hmu a. An hruai haw a. Tinge i fa la naupang tak te pawh i ngaihtuah lo ami? an ti, min hruaitute khan Nausen duhawm deuh min pe a, Eitur tui tak te min pe a, an khuaah min hruai an tuma, mahse ka duh lo a” a ti e an tia. Chutiang deuh bawk chuan Ramhlun Tlangval chu Khilai khaw bul velah bawk chuan Kum 2000 khan a bo a, tun thlengin an la hmu lo nia.. Mak ve tak chu a ni.
September 3rd, 2011 at 6:11 pm
A duh tan chuan UFO lam nen pawh a sawizawm theih dawn e. :-S
#22 khian ngaihtuahna a tithui phian mai.
September 3rd, 2011 at 6:20 pm
Khawmu chawi chanchin hi chu awih vak lo mahila ngaihnawm ka ti ve hrim hrim. Hman deuh khan Lunglei Nu pakhat mautuai khawrh bo daih pawh kha an hmuh leh hnu chuan a pa thi tawh nena an ramvak dun angin a in sawi tlat ani. Mak ve deuh chu kha nu khan a bo lai khan an in pawh a rawn tlawh a ni awm e, an inlengte thutna pawh a sawi dik chat chat a sin.
September 3rd, 2011 at 6:24 pm
Khawmu hi ka ngainat loh zawng tak a ni
September 3rd, 2011 at 6:59 pm
mak hle hlawm mai a
September 3rd, 2011 at 7:14 pm
Human trafficking victim te ani thei ang em le? Kum 35 mi chu an la tuai tha viau thei dawn si a.
September 3rd, 2011 at 7:17 pm
Kum 2000 vel kha niin ka hria nupui nei hlim a zin chu a bo hlen, a lung pawh hman deuh khan an phun a nupui pawh chuan pasal dang a nei leh tawh….
September 3rd, 2011 at 7:21 pm
Kan naupan laiin(ti ve khanglang ila?!) kan thiannu, school kan kalpui, pawh a bo ngawt tawh. Tlailam inbual tura kan kal chu hriatloh hlan in alo bo daih mai a, ni 3 an zawn hnu ah an hmu leh chauh, tuikhur atanga hla fe ah, naupang han kal theih rual loh tur hmun ah kurung bulah an zu chhar.Hetih lai hian kum 8 vel ka nia,kan inrual vel ang.Chutah pawh chuan Pa Lian deuh,dum ren run in min hruai a,ka kal theihlohna ah chuan min paw mai thin ati.Mak ve angreng.
September 3rd, 2011 at 7:45 pm
Mak ve aw……. Hetiang hi a thleng ve leh zauh thin…… (Y)
September 3rd, 2011 at 7:53 pm
Guwahati building no.2 room no.2 nge no.3 zawk ah khuan a rei tawh..kapa hi a amahin a riaka,chumi tum chuan keimah hi school kalin hostel ah ka luhsan tawha,kum tam tak a vei hnuah a thil tawn chumi zana mi chu a sawi chhuaka,a chhan pawh midangin an awih a ring vakloh vang ani.Chumi zan chuan kapa chuan zu kain bawk silo ka harh tha si a ati,mi pakhat ka beng bula min ron bereng tu hi a awma tia,min ron besek maia,tawng ri lawng2 angte hi ka hre thina,enge a sawi pawh chu ka hre silo ati..zu ka ina ka muthilh san ta daiha tia..Hetah hian amah hian a hlauh vangin thil awmve,midang awmve tlat angah angai mawni chu aw tih ngaihna a chhuak theia,a hlauh vangin a buai ve mawni chu kati ta mai2 a..Ramhuai hruaibo antih thin te pawh hi midang betu tlat te an awm thin antia,chu bakah hmun hla deuh hleka thil ri(sound) hi awmin an hria a,an zui maithin e anti,tak2 nimaw..keichuan ka awih em2 loa,mahse rilru buai ve deuh chang a awm emawni chu aw kati mai2.
September 3rd, 2011 at 8:16 pm
Tu huatthu suhah … a pasal (deuhreuh) khi a rintlak chiiah em leee …
September 3rd, 2011 at 8:32 pm
Khawmu chawi hi an sawi fo mai, thenkhat chu an kal theihna awm lo tak takah te an lo awm a, a then chu anmahniten an haw ve leh mai a, a then bo hlen sawi tur pawh an awm nual a, hmuh zawh tak si loh, a hnu rei tak hnua an ruhro niawma hmuh tak te pawh an awm fo mai…. Khawmuchawi an tih thin hi a nih dan tak hriat chian a chakawm….
September 3rd, 2011 at 8:39 pm
Kan thawnthu mi ang deuh khan Sawntlung pawng ah khan alo pil ve reng a nia nge!
September 3rd, 2011 at 8:47 pm
A tuartu ten min lo hrethiam sela, a ngaihnawm angreng hle mai.
September 3rd, 2011 at 8:54 pm
Mizoram zawlnei lar pakawlha sialsuk nupui (tar tap tawm tawh) te pawh kha ni 7 an zawng a, tlangval pangngai poh in an kal hleih theih loh na sialsuk khampui chhawrdawh ah an hmuh daih kha. A bo dan hi ti ti a tamin a mak. Khawimu choi hi rin loh ngawt chi a ni lo.tlat mai a. Chiang zok a sawi theih a va chakawm thin.
September 3rd, 2011 at 9:05 pm
Rev. Lalsawma Synod pa min pawh hian ramhuaiin an hruai bo tawhin a insawiin ka hria. Tinghmun naupang pawh 70s vel lai khan an hruia bo daih.
Mental problem chi khat, natna engemaw vanga theng thei a ni awm e. Khawsik sang tak avang hian phung te pawh hmuh theih a ni an ti.
September 3rd, 2011 at 10:02 pm
Kum 2002 khan ani in ka hria Khuangleng khua ah pawh Putar pakhat, upa tawh tak a bo a..khaw threnawm ho nen ni7 an zawn hnu ah pawh an hmu zo lova,a hnu ni enge maw zat hnuah an zawn2na hmun Tlangsang tak putar tana kal harsa tak tur ah thi in an hmu.zawngtu zingah ka tel ve a,mah se ka hmu ang t erawh ka hlau thei khawp mai..hehe
September 3rd, 2011 at 10:03 pm
Hetiang mi bo ho hi va hmu hmasa tu nih anuam lo an ti, an hmel leh mitmeng a rapthlak duh hle ani awm e.
September 3rd, 2011 at 10:16 pm
Mak zawng a mak phawt mai-mahse supernatural ang deuha ngaih nghal chu a fuh lem chuang lo.
Hmaaanah Kan mikhual tleirawl pakhat hi zing dar 4 velah a tho va, zunram thiar turah kan ngai a; a rawn lut leh thei si lo va ka pa chuan a va thlithlai a. A lo awm tawh hauh lo mai a-ka pa chuan a um zel a- a va hmu a, amah chuan a lo phun mawlh mawlh a-hruai haw a tum a, a duh lo va- a kal lui zel a-a tawpah ka pa chuan a namthlu a-a harh ta a-a tho aa nasa hle a ni. Haw a tum chu lo niin, mel chanve vel a kal hman.
Chhan dang a awm thei bawk-ramhuai hnathawh-a dang physical&mental problems-hmanni khan ka hmelhriat pakhat chu a zingtho kha a tawng char char a-a aa der. a thluaka thisen a chat a.
a dang leh chu an pa hian dawt a sawi thei bawk.
September 3rd, 2011 at 11:01 pm
ka thianpa ka kawmngeih em2 pawh 2011 July 21 khan zan dar 8:30 velah a chhuak a… a hnu dar 12:30 velah pawh a rawn let thei si lova… a chhung te an mangang hman tawh hle… alo chatthla lek chu niin! (Y)
September 3rd, 2011 at 11:08 pm
Bilkhawthlir pitar pakhat pawh a bo hlen daih tawh 1990s chho khan.
1984 kum khan kan thianpa pakhat pawh a bo daih mai a .a kalna loh lam ni a hriat lamah an lo hmu nawlh mai.
September 3rd, 2011 at 11:23 pm
Pitar kum 60 vel kawthalo, chau zet mai hi damdawiinah a awm a, zingah alo bo daih mai a, amah a toilet pawh kal hleitheilo kha a ni sia. Khawtlangin ni khat leh zan khat an zawn hnuah kham chhengche takah char a ni. A zawngtu te chuan zan thimah khatiang hmuna a kal thei kha mak an ti khawp mai.
Amah chuan nula pahnih eng kengin min hruai a ti.
Pitar damlo kha ka hmu chiang si a, dam tha pangai tan pawh a hautak tak tur a ti thei kha mak ka la ti tawp thei lo….
September 3rd, 2011 at 11:30 pm
Va den hlawm ve….zanin chu kan mu tha ngam hlawm lo ang a… :-[
September 3rd, 2011 at 11:43 pm
A va mak ve . .hmu leh hram sela aw . a chhungte tan a hrilhhaithlak dawn e . hetiang a mi bo an hmuh leh te sawi ang a rammi / ramhuai in a hruai ang chi hi Hnamdang zingah hian a awm ve em le ,
September 3rd, 2011 at 11:47 pm
#24 I sawi chu Zawngin nu a nia. Tuivai pawh tui rap miah lova a kân thin thu a sawi.
Hetiang hi sawi tur ka hre ve nual.
September 4th, 2011 at 12:17 am
Hmanah 90s chho vel khan kan veng pa mi pangai tak ram kal abo daih mai a. Khawtlangin ni 7 an zawn hnuah pawn an la hmu lo a. A hnu deuhah an chi bur chhungah alo tawm reng chu niin.
September 4th, 2011 at 12:17 am
Hmanah pawh nu pakhat a chin hriat reng reng lovin a bova, ramhnuaiah ruah sur hnuaiah kan zawng nasa mai, mahse aizawlah alo awm daih, bus-ah lo lawn ve ngawt chu ni in 😛
September 4th, 2011 at 1:27 am
taksa lah chaklohna a ni ami thei angem o te ka ti deuh a… 🙁
September 4th, 2011 at 1:58 am
Thingtlang khaw pakhatah pawh hlo thlawh tul lai a nia, nupa hian an fa sen hnute pawh la nghei lo an riahpui a. Hna an tawh dawn chuan thlamah an muttir mai thin a. Vawikhat chu hnute pe tura a nu a va kal chuan naute chu a lo bo daih mai a. Lo riak ho an inhrilh darh a lo chhung leh vau chu an dap chiam a, mahse an hmu chuang lo. Ni hnih hnuah lo mawng lui bula kham chhawrdawh chungah an va hmu a, hliam engmah a nei lo. A mah pawh tunah hian a la dam a, nupui pawh a nei tawh. Thil mak sawifiah mai theih loh hi a thleng ve leh tlat thin.
September 4th, 2011 at 2:45 am
a mak ve…han soi belh em2 tur k hrelo….an hmu ve leh mai ang cu mo a khaw nawt a an zon cuan…mase lo bo hlen ta se…. :-O
September 4th, 2011 at 5:47 am
Comment chu van ngaihnawm hlawm em em (Y) (Y)
September 4th, 2011 at 8:48 am
ka chunga mi hi Christian ani em?
September 4th, 2011 at 9:04 am
Argus_Eyed sawi khu a mak hle tak mai a, nausen chu a mahin a kal lovang tih a chiang hle si a. Midang han sawite erawh khi chu puitling tawh an ni a, taksa chaklo tak chung pawhin an kal pawh a ni mahna, ka awilo tihna phei chu a ni law…
Hetiang thil, han sawi fiah mai theih loh hi a thleng ve fo a nia, kei erawh chuan ka la tawng lo, tawn pawh ka duh hek lo 😛
September 4th, 2011 at 9:14 am
In va reh hlawm ve, hmui mawm hmuk khawpin sunday vawksa in ei hlawm pek a ni maw he he 😛
September 4th, 2011 at 9:19 am
49@ An chibur chu a va lian awm ve aw.. 😀
September 4th, 2011 at 9:23 am
#58 (Y)
September 4th, 2011 at 10:48 am
Ka Rap zawng tak ani. Thla lam pang hi ka ti thei thlawt lo…… 😛 😀
September 4th, 2011 at 10:54 am
Chanchinthar dang ala awm nange ?
September 4th, 2011 at 3:44 pm
Tiang thil thleng sawitur hi hmanlaimi deuh ho hian an hre viau zel. #22 ngaihdan hi thil nithei tak chu ani.
Engpawh nise mi pangngai hian kan thluak 10% vel chauh kan hmanga adang zawngte hi sub-conscious mind an tih hi ani mai angem le, heng thil thleng te hi atuara te hian an hriat ve nual thin avang hian sub-conscious state a awm vang ani zawk lo maw? Mizo tawng takin AATNA/THLUAKBUAINA chikhat mai ani zawk lo maw, hlauh phei chuan awihawm loh khawpa sang/chhuk ahte pawh kan zuang fo ani lawmni? “un-sub-semi conscious state lai hian mihringte hi awihawmloh khawpa chak kanni ti hi lo hre ve mai mai ila”. Hmanni lawka Natgeo a UFO chanchin ka enah chuan scientist pakhat chuan midang tuman an hmuh leh hriat ve loh laia ka hria/hmu antih te hi chu thil awm/thleng nilovin thluaklam buaina mai ani ati-“Ka awih zawng tak”.
Hallucination (visual, audio, sense & smell)hi taksa chakloh vanga thluaklam buaina chikhat chu ania, mahse Mizovin heng thil thleng kan sawi tam tak hi, mawlluat vang nge, taksa chakloh vang nge, thluaklam buai vang nge, ramhuai hruai bo nge tih hi chu finfiah har tak mahse thudik hriat chakawm tak chu ani.
September 4th, 2011 at 4:20 pm
Hetiang thil hi awih loh ngawt pawh a har a,mahse tun thlenga zirchianna kan la nei lo hi chu a zialo deuh chu a ni. MZU- ah mithiam rual tam tak kan nei a, Theological College (AICS & ATC) kan nei a, Evangelist rual tam tawk kan nei bawk a, zirchianna nei turin tuteemaw hi chuan hma han la teh u.
September 5th, 2011 at 2:30 am
ka hlau e a
:-O