Nungchang mawi leh hawihhawmna hian mihringte a chawimawi em em a, mirethei bakberhte pawh nise a hawihawma a nungchang a mawi chuan a zahawm em em a ni. Mizote hi kan hawihawm sawt ve viau nain kan hriatloh avanga kan tihloh, thilte tham te te tih hrehawm loh si, kan hriatlohna avanga kan tih loh mai mai, kan tih avanga min chawimawi theitu leh min ti zahawmtu ni si a tam em em a ni. Changkannain a ken tel leh nuna bet tlat hawihhawmna leh nungchang mawi tlem lo en ho ila.
1. Chaw ei khawmnaah emaw thiltih khawmnaah sawm i nih a hun bituk nei a nih chuan a hun aia minute nga vela tlaiah thleng la, hma lutuk emaw tlai lutukah emaw thleng lo ang che.
2. Chaw eikhawmna, restaurant leh hotelah emaw chaw i ei khama napkin i hmang a nih chuan i hman zawh hnuah hlum hrual tawp tawp kher lo la, i thleng veilamah dah mai ang che.
3. Puipunna hmuna i kalin i cellphone i switch off a nih loh chuan silent mode in dah theinghilh suh ang che.
4. Mi chaw eia i sawmdawnin ziaka sawm emaw an mahni hmuha sawm a tha ber a,a nih loh chuan text message emaw call-in sawm la, a ni-ah remind leh ngei ngei ang che. chaweia i sawmturte hrilh turin midang kutah hlanchhawng mai suh. Tin, mi chaweia i sawm dawnin i eichak leh tui i tih lei mai lo in an ngainatzawngte,an eitheih zawngte zawt hmasa ang che.
5. Miin an fak chein i awihloh thu aiin i lawm thu hrilh la,faklet ve ngei ang che. Amaherawhchu mi i fakin faklet phut kher suh.
6. Midang nen in inkawm emaw in titi lai emawa i phone a lo rikin pawngpaw ‘hello’ tawploin i titipui hnenah hriathiamna ngen la, a lo betu hnenah i laklawh thu leh i phone let leh tur thu hawihawm takin hrilh ang che.
7. ‘Ka lawm e’ tih leh ‘khawngaihin’ tih thumal hi hlamchhiah ngai suh ang che.
8. Titiho nikhua leh meetingah i ngaihdan ni chiahloa thil an sawi paw’n pawngpaw hnial ngawt loin an sawi point kha fak phawt la tichuan i ngaihdan i sawi zawm dawn nia.
9. Eng ang mihring pawh nise, a hausa emaw, a rethei emaw, a hmelchhia emaw, a hmeltha emaw, hna zahawm a thawk emaw, inhlawhfa chawp a eizawng emaw, mipa emaw hmeichhia emaw pawh nise a pawnlam landan aiin mihring a nihna i zahsak zawk fo tur a ni.
10. I thian hnenah a mimal chanchin i zawt dawn a nih chuan a thuphungin tlem tal i zawhduh subject-a i chanchin i sawi hmasa thin dawn nia.
11. Midang fak hreh suh la, sawisel hreh hek suh.
12. Midang i fak dawn a nih chuan hma a sawn zual zel nan mai bakah i thinlung chhungril tak atangin i fak thin dawn nia.
13. Sawisel tur i hria a, i sawisel dawn a nih chuan pawngpaw sawisel bawrh bawrh ringawt loin fakna tur awm ang angah fak hmasa la chuan i sawisel chhunzawm dawn nia, i sawisel duh chu kohrang la, a falin hrilh thin ang che. Awmhonaah midang sawisel ngai lo la, tichuan thawhpui hrehawm i ni ngai lo ang. Rel-a midang chhiatna sawi ai chuan hmaichhana hrilh hi a finthlak zawk fo.
14. Fak leh duhsak phut leh beisei vang ai mahin fak tlak, duhsak tlak in hnathawk la, i hnathawhah i hmuingil em em ang.
15. Tawngkam zaidam leh nem hmang hram hram la tichuan midangin i kiangah awm an hreh ngai lo ang.
16. Engtiklai pawhin hlim hmel put tum hram hram la, miin an biak che emaw mi i biakin emaw hlim hmel pu hram hram ang che.
17. Midang nena titiho nikhuaah a tawng ring ber leh a tawngtam ber nih ai chuan a ngaithla tam ber nih tum la, in titi pawnlamah chhuah tir tum lo hram ang che.
18. Midang chanchin a tlem thei ang ber sawi tum la, i sawi a nih chuan tumah fak theinghilh suh ang che, mi zawng zawngin thatna lai kan nei theuh a nia.
19. I beiseiloh deuha thil a lo thlen a, i mi hmuh chu i beisei ang a ni lo emaw a nih pawhin deusawh zawngin tawngkam hmang lo hram hram la, midangte venna lama nih loh phei chuan chu mihring hre ngailote hnenah lek phei chuan a chanchin chhe zawngin sawi ngai suh ang che, tu tan mah a hlawk dawn chuang si lo a.
20. Taima ber, tlawmngai ber nih hi thil har a ni lo tih hre reng ang la, mi zawng zawng thatna lai hmuhsak tu nih hi a hlu a ni tih hre reng bawk ang che.
A bak zawng – to be continued..( a duh duh tan)
June 26th, 2011 at 7:11 am
Va tha reuh ve, veng chhung chanchinbuah chhuah turin duh duh thlan chhuah phal nise va tha awm ve..
June 26th, 2011 at 7:12 am
A tha hle mai,ka lawm e.eh polite tran
June 26th, 2011 at 7:24 am
Tha dap dap hle mai…zawm tum tran teh ang…khawngaih takin ka lawm e… (Y)
June 26th, 2011 at 7:42 am
A tha tlang hle mai. A dik chiah ani, mihring tumah mahni a awm reng thei kan awm meuh lovang. Midang kianga nundan mawi/hawihhawm hi hriat belh hram tum hi thil pawimawh tak niin ka hria.
No. #1 khi ka helh deuh hlek. Inhmuhkhawm naah emaw miin min sawmin/kan sawmin minute 5 a tlai chu tlai ka ti lutuk. Theih hram chuan a hunah chiah thlen theih hi a mawi ka ti ber. A dang erawh a tha ka ti vek e (Y)
June 26th, 2011 at 7:59 am
“5.miin an fak chein i awihloh thu aiin i lawm thu hrilh la,faklet ve ngei ang che amaherawhchu mi i fakin faklet phut kher suh.
11.midang fak hreh suh la…”
In Pawih fak mawlh mawlh maitur ani maw (In Pawih fak = Hmaichhanna in fak mawlh mawlh) :-S :-O
June 26th, 2011 at 8:01 am
Minute 5 vel a tlai deuh kher.. hahaha trullo eeee! inlak spring sprung thlak em mai.. (Y) 😛
June 26th, 2011 at 8:08 am
Point 9-na khi ka duh lutuk!
June 26th, 2011 at 8:08 am
Post tha khawp mai. Ni e, No. 1 khi type sual chu ni em lo’ng maw. (Y) (Y) (Y)
June 26th, 2011 at 8:09 am
Tha hlawm khawp mai. Kei pawh Pu Hv a sawi point no-1 khi ka lo notice nghal a. Hmanlai Mizo Pa dik tak te sentiment leh manners kha ka la nei ve pha a. Ka nupui ka neih hlim pawh hian ka ngaìhsak lovin, ka hmangaih lo amaw an ti hial thin. A lo thalo khawp mai(in tih pa lutuk hi). Depression nei khawpin ka siam hman a. Theological College ah Feminist lär tak pakhatin min hrilh hrep mai a, ka hlawkpui phian mai. Hahaha…ka zei tawh raaps..
June 26th, 2011 at 8:18 am
19.i beiseiloh deuha thil a lo thlen a,i mi hmuh chu i beisei ang a ni lo emaw a nih pawhin deusawh zawngin tawngkam hmang lo hram hram la,midangte venna lama nih loh phei chuan chu mihring hre ngailote hnenah lek phei chuan a chanchin chhe zawngin sawi ngai suh ang che,tu tan mah a hlawk dawn chuang si lo a ( He Point hi chu kan Zir chu a ngai khawp mai)
June 26th, 2011 at 8:21 am
a tha hlawm hle mai. Kei pawh a point no 1 khian ka beng a tun deuh. Hun bituk a nih chuan kal hma khan kan va kalna turte kha kan ti phawklek thei. Tlai hret tih khi chu Mizo ziaah chuan a dik khawp ang. Tun thleng a kan hun hman dan hi, committee etc etc Dar 6 a tan tur a nih chuan 6:30 tihna, tih lam rilru hi kan la pu si a :-S
miin hmaichhana min fak hian ka awm a nuam miah lo…
June 26th, 2011 at 8:31 am
pk fanai. 😉 😉 😉 😉 i step by step procedure ziak la, a buin chhuah la,bu 10 ka lei ang. 🙂 🙂
Shailendra midang kan fak hian thinlung takin an lawm ru tho. Sawiselna awka ai chuan fakna hi a hluin a mawi si a
June 26th, 2011 at 8:32 am
Tha khawp mai . (Y) .
June 26th, 2011 at 8:38 am
@rose10parvuli, midang ka va fak hreh tihna ni lo in, hmaichhan a duah deuh mai a miin min fak (pawih fak) zawk hian, tihna 😀
June 26th, 2011 at 8:41 am
I ziak tha hle mai. Maisek rawn ziah EI improve nan that dawn hi.
Mahse point #1 khi i ziak sual a ni lo maw? Minute nga vela tlai ni lovin minute 5 vela hma i tihna ni em?
June 26th, 2011 at 8:52 am
@rose10parvuli point 2 khi ka thiam chiang lo , Practical in min zirtir thei ngem? 😉
June 26th, 2011 at 8:56 am
@Zero, tha ngawt ang….
June 26th, 2011 at 9:19 am
Rose, part- II ah tawp mai lovang che..
June 26th, 2011 at 9:24 am
post tha tak a ni…hetiang hian he site hi a ti hlu….
June 26th, 2011 at 9:30 am
shailendra in pawih fak tir kher i tum mi? Harehaiii XD XD
Point no1 chu in point thei hlawm hle mai 😉 😉
June 26th, 2011 at 9:33 am
@rose10parvuli, min han pawih fak chhin teh, sweet ka lei ang che 😛
June 26th, 2011 at 9:57 am
Hmaichhana mipa leh mipa infak chiam hi a gay eeee :-D:-D:-D:-D
June 26th, 2011 at 11:06 am
Minute ngaa tlai ai cuan minute 15 vel taka hma a pawilo..Ka lawm e..tukina kan sahmeh tur bawngsa rep zawhtein a lo pu bo daih, kan kut chi lo hawi ta vel mai mai..ka lawm e
June 26th, 2011 at 11:07 am
teh tuarh a 😛
June 26th, 2011 at 11:23 am
A tha hlawm hle mai. (Y)
June 26th, 2011 at 11:25 am
A tha hle mai.
1.chaw ei khawmnaah emaw thiltih khawmnaah sawm i nih a hun bituk nei a nih chuan a hun aia minute nga vela tlaiah thleng la tih khi ka va’n hrethiam lo em! A hun aia tlai hi chuan second khat lek pawh nise thil a pawi thin hlein ka hre sia.
3.puipunna hmuna i kalin i cellphone i switch off a nih loh chuan silent mode in dah theinghilh suh ang che tih chungchang hi cellphone chungchangah kherlo pawh THEIHNGHILH SUH tih tawngkam hi ka ngaina lo khawp mai. Mi’n thil engpawh min chaha; he tawngkam an zeh tel hi chuan ka sa zak zel. Theihnghilh loh tum ang che, tih hi tawngkam mawi zawk niin ka hria.
4.mi chaw eia i sawmdawnin
June 26th, 2011 at 11:29 am
A nilo puia in fak hi a nihna nilovah chuan a trulna a awm mawn le? (Y) Rilru a nihloh phei chuan tih miahloh hi a tha zok lo maw?
June 26th, 2011 at 11:35 am
Kan nihna lo puia min fak hi chuan a dik zawk kan hre ve kur a, keimahni tan awm a nuamlo duhin min ti khawr vek thei zawk asin.
June 26th, 2011 at 11:37 am
Khawngaihtakin kan comment ve ang nge.
Post tha tak a ni. Midang chanchin, a chhe lam phei chu sawi nuam kan ti tlangpui. Misual.com post hrang hrang kan comment dan thlirlet i la, hmasawnna tur kan nei ngei ang.
Ka lawm e
June 26th, 2011 at 11:42 am
Fakna awka hi hriat a nuama, sawiselna erawh a lawmawm lem loh ama’rawhchu rilru thianghlim taka lo dawnsawn chuan hmasawnna atan a hman theih ve ve.
No 2 khi practical a tih ka duh chaw eiah min sawm la kan lo tichhin teh ang 😛
Ka fin phah sawt mai, a dang pawh rawn ti zel teh. Ka lawm e 🙂
June 26th, 2011 at 11:42 am
#29 (Y) (Y)
Abikin hnambil chungchang a hian comment fimkhur ang u.. mawl fal deuh a hnambil dang rel zut2 or hmusit deuh a tawng khum bawr2 kan ching lutuk hi sim ang u.
June 26th, 2011 at 12:01 pm
Tha hlawm viau na a, No 1 hi a diklo hulhual ah ka ngai. Mi in hunbi neia min sawm na na na a, minute 5 a tlaitur tih hi chu ka pawm theilo. (N)
June 26th, 2011 at 12:07 pm
tha ve hlawm khwp mai…mahse hetiang mize pu ho hi an boring duh
June 26th, 2011 at 12:13 pm
Zir tur a tha hle mai. A tha tih hriat si tih theih loh hi ka ngah ve hle a lo ni…. 😉
Hmaichhana infak hi Mizo hian a nilo zawng in kan la thui lutuk ni in ka hre deuhva. in ‘Pawih fak’ tih tawngkam kan nei hian mi hmai chhana fak thiamlo/ngamlo hnam kan nih zia a pho lang. Hmaichhana mi fak ching kan neihte chu, anmahni tlawn nan/bawl nan emawa ti tute anni tlangpui tih a tarlang.
Hei hi tunlai khawvelah chuan a dik famkim vek lo. Hnampui zawk te’n mi zingah, an sawi a te awm lai ngeiin, an phu na hliah hliah a infak an ching hi kan zir tur pawimawh tak ani. A loa luak chhuak leh tum dang nei a infak chingte hi chu mi a nileng lo tan chuan an hriat theih vek e.
Ka vei leh chu, mizo hian kan chhungte chungah hmangaihna kan tilang thiam tawk lo deuh em aw, ka ti. Keini chhung te hi – kum khat vel inhmu tawh lo pawh han hawn hian kan nu leh pa te nen kan han in chibai ve tawp a. Sap leh vai ho te an in ‘Hug’ thin hi chu ka awt ve deuh. Damin kan inhmu tawh dawn nge dawn lo tih pawh hre lo kha kan ni si a, khum bet ten kan lo innat san a, inngai ve mah ila kan tih dan ani si lova, in pawm chawt chawt mai te pawh rilru in chak dawn mahse a theih loh tlat a, kan comfortable tlat loh avangin. Thih hnu ah, an ruang pawm chu kan hreh leh si lo ‘ka en chim loh..’ kan inti leh si.
An dam laiin kan nu leh pa te hnenah, min enkawlna leh hmangaihna avang kan lawmzia vawikhat pawh tilang lovin a lo in liam tir theih dawn anih hi.
‘Ka inzir e’ ka ti ve a, tun mothers day chu. Ka nu hnenah tihian sms ka thawn ve a: ‘Ka nu, hmangaihna namen lova min lo chawi len avangin lawmthu ka hrilh a che’, ka ti a a lawm ve khawp mai. Lawmthu min rawn hrilh let ve ani.
June 26th, 2011 at 12:26 pm
khawngaihtakin ka lo comment ve loks. Mins. 5 in ka comment tlai. Ka lawm e. (F)
June 26th, 2011 at 12:37 pm
Point 1 na bak khi chu a tha hlawm hle mai.
June 26th, 2011 at 12:43 pm
34 (Y) hmangaihna lan tir hi a na lo a nia!
Mi i fakin i thinlung zawng zawng atangin fak ang che!
A bak tam tak a la awm, sub-topic hran te tein kan thlur leh dawn nia, nangni paw’n lo thawh ve ula..in hre zawk daih awm si a
June 26th, 2011 at 12:57 pm
Post tha tak ani e misual ah tiang lampang hi tam se a tha hle ang. (Y)
June 26th, 2011 at 1:15 pm
(Y)
June 26th, 2011 at 2:11 pm
no.1 khi i rawn correct dawn emaw ka ti a, tlai tura han inzirtir ngawt mai chu kawng hawi lo tlat. Tha tlang viau e.
June 26th, 2011 at 2:26 pm
tha hlawm khawp mai,mi bula i va thau ve or i va cher ve tih te,engzat nge i hlawh tih te,kum engzat nge i nih tih te pawh hi tawngkam dawnsawn nuam lo leh mawi lo ani,a tawng tur hriat loh thlak
June 26th, 2011 at 2:58 pm
A va tha ve (Y)
June 26th, 2011 at 3:07 pm
a dik aiin a diklo hi a langsar zawk fo reng a ni!
Ka kawrek e. No.1 khi. minute 5 tala kal hma ttur a ni e. 🙂 🙂
June 26th, 2011 at 3:14 pm
Aw Rose, aw rose, nula thil titheihna… Aw rose, aw rose, ka va ngaisang che em!
Gud paws! (F)
June 26th, 2011 at 4:13 pm
kawlpui leh! Thang khiuzzzziee 🙂 🙂
Kha a aia tamin aw (F) x 1million
No1 khi mizo nunphungah chuan a dik, hnamdang nunphung nen erawh a dik lo!
June 26th, 2011 at 4:20 pm
Chhiar a manhla hle mai….,,,, zawm ngei a tan pawh a tha tlat hei chu……,,,, Manner’s hi zir ve ngai deuh a nia…. (Y)
June 26th, 2011 at 4:21 pm
‘ka pu, khawngaih takin in motorah hian ka lo chuang ve ngei ngei tur a ni’
point 9 na khi tha khawp mai
June 26th, 2011 at 4:50 pm
Tha hlawm hle mai.. (Y)
Keipawh hmanni deuh khan nula pakhat chaw eiah ka sawm a..tlai dar 4 vela chaw ei hman tura tih kha zing dar 11 velah a rawn thleng der tawh. Chu2 tunge le?? @Sawichhan bik em2 ka nei lo… 😛
June 26th, 2011 at 5:16 pm
huah3 chaw eia sawm tute’n dar 10 vel atanga an lam tawh chuan tlai dar li-a thlen chu a chi vak loh ang! 😉 😉
Better late than never! kha nula chaw eia sawmtupa kha’n muthlihsan lo phei se chu! :-[
June 26th, 2011 at 5:25 pm
ava mawl awm em2 ve aw… Nula inleng neia lo muthilhsan daih te chu tro Parte.. 😉
June 26th, 2011 at 5:32 pm
¤ Phek thar i hawn dawnin polite takin midang hawng duh an awm em tih zot hmasa roh.
~In awm em? Omlo?
Kan hawng mai ange..
June 26th, 2011 at 5:38 pm
Ek pawhin san thlak hmain, “hei mambawih, lo theih lohva kan in then a lo ngai ta si a, ka chhunga i awm reng hi ka taksa in rem a ti tlat si lova, lung lo ah kan la lo aniang chu, tiraw, anih phawt mai” tih hnap hnuah san thlak miah miah tawh tur.
June 26th, 2011 at 5:54 pm
Mi in a i len in tawngkam tha a chaw lo ei ve la, an tih in, kut pawh ka la sil loh hi tinghal ringot suh..
Biak in a thawhlawm khawntu a i tran in Rs 10 aia tam thawhtu te hnenah ka lawm e ti zel ang che!
sumdawng in inchhunga thil an ron zorh in in chhungkaw dinhmun harsatzia leh in fate hautak zia te lo hrilhchiam loin kan duh hrihlo mai ang, ti mai zel ang che
June 26th, 2011 at 5:57 pm
Tak2in, good manners dik tak neitu chu bad manners neite a chhawn dan atangin a hriat thin.
June 26th, 2011 at 5:57 pm
A tha hle mai a..
June 26th, 2011 at 6:03 pm
bakcheh leh! Hahha
June 26th, 2011 at 6:16 pm
#54 hi a tha ka ti lautuk mei
June 26th, 2011 at 6:17 pm
Lawm lo chunga ka lawm e tih hi chu har ve khups mei
June 26th, 2011 at 6:36 pm
58 ka lawm e mahse i tak tak em ni? tha pawh ka lo ti lem lo asin.
ting!
June 26th, 2011 at 6:59 pm
Minute 5 vela thlen tlai hi manner tha chu a ni chiah lo a, mahse mi ina chaw ei tur te kan nih chuan “acceptable” a ngaih a ni. Minute 5 aia tama tlai chuan thupha chawi hi tihdan mawi a ni.
Infak tihah hian an nihna ni lo tawp leh fak derna a ni tih hriat ngawih ngawiha infak chu a lawmawm chuang miah lo a, a huatthlala zawk mah thei. Mahse fak an phu-na lai hriatsak a, fakna thu chhakchhuah chu thil lawmawm leh hriat nuam tak chu a ni meuh mai a, chutiang chu chin uar chi tak a ni.
June 26th, 2011 at 8:11 pm
Tha hle mai… Save hmak te’ng. Tunhma deuh khan Shillong lam atangin Pi Hrangchawli khan hetiang lam lehkhabu hi a siam thin a. Kan High School kal lai kha a nia, ka chhawr tangkai khawp mai… Zawm vek erawh a har deuh mai thin pawh a………..
Post tha tak a ni e….. Comment erawh a nuihzatthlak thei hle
June 26th, 2011 at 9:20 pm
Tha lutuk,part 2 a va nghahhlelh awm ve.
June 26th, 2011 at 9:43 pm
jonapalian hi dreath????..
June 26th, 2011 at 11:30 pm
Lal Rose,#45 i ti lutuk mah mah.
Mizoah a dik chuang em ni dawn?
Mite thate zarah mi ina chaw ei tam pawl ka ni ve tawhin ka hria a, i sawi khi chu dik ka la ti thei chuang lo re re. mahse i ti tlat sia.
June 26th, 2011 at 11:40 pm
Mi hmuh laia hnapkhir kheuh mulh mulh hi a mawi lo hle. Hnap khir kheuh chhuah hnu thutthleng hnuai vela tah phei chu a mawi lo hle a, hrual mum a pen per nelh nelh phei chu a mawi lo lehzual, mi ka ah te reu reu a lut palh ange!
Khawiah emawni ka chhiar
June 26th, 2011 at 11:59 pm
Post tha lutuk. A hnam a hnam hian kan polite ve hret hret a nia.
June 27th, 2011 at 7:30 am
vakul
June 27th, 2011 at 10:03 am
ava tha ve
June 28th, 2011 at 1:57 am
Pakhatna tih loh khi chu atha ka ti vek– Tlai ai chuan minute 5 ahma in thlen ti ta la chuan tha leh zual ang.
Adang zawng khi chu 10/10