July ni 16 (Inrinni) khan Mizoram State Sports Council (MSSC) General Body Meeting chu I&PR Conference Hall-ah Sports Minister Zodintluanga kaihhruaia neih a ni a. He meeting-ah hian kum 2012-a North East Games Mizoramin a thlen tur atana sports discipline inelna tur thlan a ni a, Sports Authority of India (SAI)-in item pariat a rawn thlan sa nen inelna hi item 11 ni turin meeting hian an ruahman.
MSSC President leh Sports Minister ni bawk Zodintluanga chuan Association hrang hrang aiawhte hnenah Chief Minister Lal Thanhawl a atan avangin Mizorama Sports Association chuan hma a sawn chho ve zel tih a sawi a. Meeting kaihruaitu MSSC President chuan SAI-in inelna tur item pariat a rawn thlana tel lote chu North East Games-a telh an nih theih chhan turte sawina hun a hawn sak a, Association hrang hrangin thusawina hun an neih hnuin General Body Meeting-a telte chuan pakhat te tein an duh an thlang ta a ni.
MSSC General Body Meeting chuan Taekwondo, Volleyball leh Wrestling-te chu North East Games 2012 February-a Mizorama inelnaa telh turin an thlang.
SAI-in inelna atana approved discipline a neih sa te chu Athletics, Boxing, Football, Judo, Table Tennis, Hockey, Weightlifting leh Badminton te a ni a, hengte bakah khian a chunga discipline pathumte khi inelnaah hian telh a ni dawn ta a ni.
Hockey chungchangah hian Sports Minister chuan North East Games neih hma ngei hian Kawnpui leh Thenzawlah Astro Turf phah hman a nih tur thu Meeting-a telte hi a hrilh.
Sports Council Member-te hian North East Games 2012-a inelna awm turah hian point system-a lo kalpui thin chu chhunzawm ni se tiin thutlukna an siam a. Mizoram atang sports discipline 16 ngawt North East Games-a telh turin dilna thlen a ni a, mahse SAI lamin discipline hi 8-10 chauh an remti a, heti chung hian 11 tala inel turin Inrinni kaltaa meeting hian thutlukna a siam a ni.
Mizoram hian kum 1990-1991 leh 2002-2003 khan North East Sports Festival hi a lo thleng tawh a. Nikum khan Dirang, Arunachal Pradesh-ah North East Games hi neih a ni a, hemi tum hian sports displine 11-ah inelin Mizoram chu pathumna a ni nghe nghe.
SAI hian North East Games thlenna atan hian Cheng 14,90,000/- thleng tanpuina a pe thei a. Approved discipline pariat an neih sa ni lo item danga inelnaah erawh tanpuina a pe thei lo a, state sawrkarin a intum a ngai dawn a ni. Games hi February kar lina emaw, kar nganaah emaw neih tur a ni a. Ni ruk chhunga zawh fel vek tura tih a ni.
Similar Posts:
- NE Games 2010 Tan A Ni Ta
- Separate timezone for North East
- Chennai Mizo Sports 2008
- Wall climbing in Aizawl
- Mizoram Sports Award 2009 Sem
July 18th, 2011 at 2:07 pm
Lammual ah artificial grass? kan phah tawh vangin kan cho deuh tawh aniang a
Report this comment
July 18th, 2011 at 2:12 pm
North East Games a mizoram record hria kan awm em?
Report this comment
July 18th, 2011 at 2:12 pm
ekhai… Hmasawnna a ni e!!
Report this comment
July 18th, 2011 at 2:22 pm
Kan lo tar ve hman ta si a aw! La val zek zawk ni ila chu, Mizoram hian a thleng pha awm der si lo!
Report this comment
July 18th, 2011 at 2:39 pm
Thenzawl ah leh Kawnpui ah an phah leh dawn maw?A tha e,hmasawnna zel…
Champ ngei tumin han bei teh ang u.
Report this comment
July 18th, 2011 at 2:53 pm
National Games ani lo hlauh chu a tihzia e. Rawtna ka neih then khat te: (1) Silchar-Kawnpui- Aizawl-Thenzawl-Lunglei, road a mam hnum hlarh tur a ni. (2) Hockey hi pool 2 ah in thenin, Kawnpui leh Thenzawlah, Turf phah chungah ngei khelh ni se, Final chu Kawnpuiah. (3) Football pawh pool 2 ah in thenin, Aizawl leh Lungleiah khelh ni se, (Turf chung ngeiah). Final chu Aizawlah. (4) An tam tham dawn lo bawk a, an riahna tur uluk em em tur. Ram leh Hnam hmel lanna tur ani. (5) Mizo chaw hlui ringawt lovin anmahni hnam eisiam thiam rawih ngei ngei tur. (6) Bath room, Toilet leh, Tui chung changah harsatna a awm tur ani lo. (7) Mizoram aiawh tur thlan fel vek a, ngawrh taka training pek a hun tak zet tawh.
Hindi leh English thiam tha, training tha taka pekte duty tur buatsaih. Pu Chawnghilh iangin ka va tel ve chak em. Mahse, “Par ang an chul kan nun khua rei an chang zo ta” tih a ngai ta si.
Report this comment
July 18th, 2011 at 3:06 pm
#6 atha e i rawtna ka thlawp e, thil pakhat kan minister te MLA te hi chuan CM hi an fak tel tlat zel, Tlaktlum angai si anih hi.
Sport ah hian Zofate hi kan tui kan inti thin bawka hmasawn zel ila, Tun Games kan thlenna tur pawh hi Hmasawnna chi khat ani e Ka lawm e.
Report this comment
July 18th, 2011 at 5:32 pm
Rawtna i thawh zel ang u…
Kan ramah hian accomodation tak hi a buaithlak thin, ruahman lawk dan chuan nitin Bus 20 hire tur a ni awm a. Thlenna tak hi a buaithlaka lai chu a ni thei ang.
Chaw lamah hi chuan outsource-a tender chhuah a chi maiin a rinawm. Mahse an chaw supply vil uluk thung ni thei ta se…
Mihring hi infiammi 1500 vel beisei a nih hmel a, team leader 8 leh technical mi 200 vel an vaiin, 1708 vel hisap a ni a. A thlengtute hian kan thawhhlawk dawna mikhual tur zat hi chu hei aia tlem daih tur a ni ang.
North East Games-ah chuan kan hmang hman chiah lo anga Rajiv Gandhi, Champhai leh Serchhip-ah 800 mt track siam a la ni dawn a, Athletics lamah hian Mizoram hi kan hniam a, sawrkar pawhin tan a la viau a ni.
Report this comment
July 18th, 2011 at 7:10 pm
Duat vak an ngailo. Agartala a kan zuk kal te pawh khan pit latrine khup chen lek lek a thuk an lo lai a, buara an zar a, chutah chuan ni 6 chhung nitin kan e a. Vawikhat mah ka kal nawn leh tawh lo.
Report this comment
July 18th, 2011 at 7:15 pm
Dik tak chuan, Hman kuma National/North East Games? kan thlen khan kan mualpho hlein ka hria a, Kumina Arunachal ho pawh kha, engemaw an hriat a, Thingtlang pil ril deuhah an nghat a, an mualpho ang rengin ka hria. Tripura pawh an mualpho hle anih chu. Heng atang hian inzir tur. Mualpho ve kher tum loh tur.
Report this comment