mi(sual).com

1st. Monday: Zachhuma (67), South Vanlaiphai chu Lunglei Civil Hospital-ah thawhah (ashma) vangin a thi a, a thih lai hian power supply a awm loh avangin a thâwkna puitu khawl a nung lo a, chumi avanga thi-ah mi á¹­henkhat chuan an puh. Zachhuma hi tarlan tak ang khian thawhah nei a ni a, a kal leh lung a tha lo bawk niin doctor-te chuan an sawi. Damdawi-ina a awm chhungin oxygen pangngai an pek bakah, electric current hmang chi oxygen restore hmanga puih a ni. Lungleiah power shutdown a nih avangin a fate hlauhthawn ang ngeiin thil pawi a thleng ta a ni.

2nd. Tuesday: Lengpui Airport-a Instrument Landing System (ILS) bun chu hman á¹­an a ni ta. Kan hriat á¹­heuh angin ILS hi Lengpui Aiport-a bun fel vek hnuah, May 4, 2011-a NE Shuttle chesualin a su chhe nual a nih kha. Thuneitute’n á¹­hahnemngai taka an bawhzui na azarah tun hi kan lo thleng taa; a lawmawm takzet a ni. Tun aá¹­ang chuan ruahsur leh chhûm zíng karah pawh awlsam takin thlawhna an á¹­um thei tawh dawn a ni. Flight cancel hlau dep depa kan awm á¹­hin kha a reh tawh dawn a nih chu.

3rd. Wednesday: Ngawr (TB) natna enkawltute chuan Aijal Club-ah 2nd. Quarter Review Meeting an nei. He hunah hian, kumin June thla thlengin Mizoramah TB vei mi 1,192 hmuhchhuah tawh an nih thu tarlan a ni. Meeting hi State TB Officer, Dr Vanlalhruaii’n a kaihruai a; Health Services Director, Dr C Lalthanmawia chuan, TB natna avangin ram economy a thang muang a, TB-in Gross Domestic Product (GDP) a tihhniam theih thu sawiin, “TB ûmbona kawngah nasa taka á¹­an lak a á¹­ul a ni,” a ti. Review meeting-ah hian district hrang hrang aá¹­angin District TB Officer, Senior Treatment Supervisor, Senior TB Laboratory Supervisor leh Accountant-te an tel a ni.

4th. Thursday: MPC Party aá¹­anga chhuak tau pawl pahnih, tlem lai deuha chhuak Dr. JV Hluna kaihhruai leh tunhnaia chhuak Lalhmingthangate kaihhruaite infinkhawmina an pawl din thar Peoples Conference Party (PCP)-te chuan an party office Saron vengah hruaitu thar hetiangin an inruat:

President: Lalhmingthanga, Sr. Vice President: Dr. JV Hluna, Treasurer:H Thangzova. Anni bakah hian Vice President-ah mi pathum, General Secretary-ah mi 10, Consultant-ah mi pariat, Secretary-ah mi 16, Executive Member-ah mi 126, Joint Secretary-ah mi pasarih, Organiser-ah mi pakua an ruat bakah, Upa Wing leh Women Wing hruaitu turte an ruat bawk.

5th. Friday: Serchhip DIPRO’s Conference Hall-ah Mizoram Journalist Welfare Society chuan Serchhip-a Senior Journalist Pu Lalthianghlima (60) June ni 6, 2011 a boral ta ralna hun a hmang. MJWS hminga ralna hi tangka fai Rs. 70,000/- niin District Bawrhsap Pu P.Lalchhuanga’n Pu Lalthianghlima nupui Pi Lalthanpari hnenah a hlan.

Pu Lalthianghlima hi unau pathum zinga upa ber niin June ni 6, 2011 khan ama huan siama a hnathawk lai a chau thut a, damdawiin pan pui tura buatsaih anih laiin a boral ta a ni, a nupui Pi Lalthanpari nen hian fa pathum an nei a, a fapa upa ber Pu R.Lalremruata hi tuna Serchhip MJA President ni lai mek a ni.

6th. Saturday: Sihphir Presbyterian Kohhran hnuaia Intermediate-Senior Department zirlaite chuan Dr.C.Lalhrekima speaker a hmangin nileng leh zan hun hlim takin an hmang hova; speaker leh zirlaite’n hlawk an inti tlang hle.

7th. Sunday: Ramchullovi (33), Lungtian, Lawngtlai district leh Nuţhuami, hemi khaw mi ve bawk?te chu inhnial buaiin an insuala; Ramchullovi hi a ring ruh tliakin a hnu deuhvah a thi. Ramchullovi hi pasal ṭhen tawh niin a fate a hmeithai pui a ni.

8th. Monday: Mizoram State Information Commission (MSIC)-a Chief Information Commissioner (CIC) atan Raj Bhavan Durbar Hall-ah Governor, MM Lakhera chuan Lal M Dingliana, IFS (Rtd) chu rinawmna thu tiamtirin a la lut. Lal M Dingliana hi kum 1952-a piang a ni a, Hindu College, Delhi University aá¹­angin MA (Pol.Sc.) a zawh hnuah, kum 1974 khan Indian Foreign Service (IFS)-ah a lut a ni. IFS hna a thawh chhungin, USSR (Russia), Ethiopia, Germany, Afghanistan, Australia, Ireland, Slovak Republic, Namibia, Bulgaria, Republic of Macedonia, Bulgaria leh Venezuela-ahte a lo awm tawh a ni.

9th. Tuesday: United Penticostal Church pahnih – North East India leh Mizoram inkar hun rei tak lo buai tawh chu Aizawl District Sr. Civil Judge-II, Dr HTC Lalrinchhana’n remna puang ta. Hetih lai hian pawl pahnihte hi court thu remnaah hian an lungawi lo ve ve hle. ‘Court thuchhuakah lungawi lohna nei an awm a nih chuan, tharum hmanga hma la mai loin, an duh chuan Court sang zawkah an kal thei ang,’ tiin thuneitute chuan thuchhuah an siam nghal bawk.

10th. Wednesday: 8th. August aá¹­anga hman á¹­an Aizawl khawpuia lirthei tâwt lutuk a ziaawm theihna a nih beiseia kawng á¹­henkhata lirthei tlan dan a tih danglam chu T.Romana College zirlaite (Students Union) chuan an college bul kawngpui sira lirthei hun khap a nih duh lovin an college bulah an pungkhawm a, chumi hnuah Aizawl SP office luhna kawngah leh Vanapa Hall kawtah an pungkhawm leh a, nunphung tlemin an ti khaihlak deuh a, buaina lian tham erawh a chhuak lo. An punkhawm chhan ber chu traffic ti jam tu ber nia an inhriat loh vang a ni.

11th. Thursday: Kolkata-a cham mek Art & Culture Minister, PC Zoram Sangliana chuan Kolkata Mizoram House-ah Raja Rammohan Roy Library Foundation (RRRLF) hotute a kâwm. Minister hi Kolkata Mizoram House Sr. Liaison Officer leh Asst. Liaison Officer te’n an á¹­awiawm a ni.

12th. Friday: International Youth Day a ni a, hemi denchhen hian Mizoram State AIDS Control Society (MSACS) chuan I&PR Auditorium-ah Red Ribbon Inter College Debate Competition a huaihawt a, Pachhunga University College-a zirlai, Bethel Lalrinfeli pakhatna a ni. College zirlaite puala inhnial fiamnaah hian thupui chu – ‘Condom sawi mawi hian Mizo á¹­halaite zingah mipat hmeichhiatna a tihluar’ tih a ni a; college 11 leh Mizoram University aá¹­angin zirlai pakhat á¹­heuh an tel a ni.

13th. Saturday: Chief Minister Pu Lal Thanhawla kaihhruaina hnuaiah pawngsualtu, abikin kumtlinglo pawngsualtu te chunga hremna lekkawh chungchang Chief Minister Office Conference hall-ah sawiho a ni.

14th. Sunday: Dr. C.Zosanga (62),State Immunization-a Deputy Director chu kal natna avangin a thi a, an veng Ramhlun Venglai thlanmualah vui a ni. Ramhlun Venglai hian an thlanmual thar Zemabawk Falkland veng ami chu an hmang tawh a, thlan laihlawk á¹­hin a ni.

15th. Monday: India-in Britain awpna aá¹­anga zalenna a hmuhna ní, Independence Day vawi 65-na a ni. Independence Day hi India ram pumah ropui taka hman a niin Mizoramah pawh district khawpui tinah leh khaw lian deuh dangahte Minister leh MLA-te insem darhin hman a ni Aizawlah chuan Lammualah hman a niin Chief Minister Pu Lal Thanhawla chu khuallian a ni.

16th. Tuesday: Pune Mizo Christian Fellowship chuan an kum 30 tlin an lawm a, Salisbury Park-a Bible Centre-ah lawmthu sawina inkhawm an hmang.

17th: Wednesday: Aizawl SP office-a (DSB), BSF ‘G’ Group leh Kolasib Police-te á¹­angkawp chuan Saiphai Bangla Venga HZ Siama in aá¹­angin .32pistol pakhat leh a mu panga leh a neitu, Samsuddin Laskar (37) s/o. SR Laskar, Karkot, Cachar an man. Samsuddin Laskar hi driver-te kidnab á¹­hin, Cachar-ah pawh thubuai nei a ni a, maxi-cab suam á¹­hinte zinga an hotupa a ni. Saiphai-ah hian hmei a nei a, a silai an manna in neitu, HZ Siama hi a hmei pa (father) a ni. Laskar-a kut aá¹­ang hian heroin gram 625 an man bawk.

18th. Thursday: Ministry of New and Renewable Energy (MNRE) Secretary, Deepak Gupta leh Mizoram sorkar official-te chuan Raj Bhavan Durbar Hall-ah meeting an nei. Meeting-ah Mizoram tana solar, wind micro/small hydel projects leh bio-mass siamna tur atana thil tul (resource mapping) buatsaih chungchanga MNRE puihna ngen leh a senso tur sum tumtir vek tura ngen te; MNRE subsidy nuai 5,650/- hmuh tipung tura ngenna siam te; Aizawl Solar City Project atana DPR pahnih thehluh tura peihfel tawh chungchanga Secretary thlawpna ngente leh, Raj Bhavan sak thar tura Biomass leh Renewable Resources dang hmanga eng pek dan ngaihtuahpui tur ngenna siamte an ngaihtuah a ni.

19th. Friday: Mizoram State Commission for Women Chairperson, Lalnipuii leh member dangte chuan Central Jail-a hmeichhe tángte intihhlimna turin carrom leh chinese checker board thum ve ve an pe a; jail tâng hmeichhiate á¹­anpui turin MSCW a inpeih reng thu an hrilh nghal.

20th. Saturday: Ramhlun North thlanmual mawng Chite lui kam, Pu Thanmawia teak huan mawngah Tv Vungzakhuma (31) S/o Saingaua Kawlbem khawchhuak, Ramhlun North-a Pu Zahmuaka te in a cheng chu a ruang chhar a ni. Vungzakhuma hi August ni 9th.

Thawhleh tuka chaw an han ei tur chuan an hmuh mai loh avangin á¹­henawm khawveng vel an zawnga; an la hmuh mai chuan loh avangin khawtlang punin an zawng taa; teak kungah nylon hrui hmanga a inkhaiin an hmu ta a ni. Inawkhlum niawmtaka a lan laiin tuna an hmuhna hmunah hian August ni 14th. Chawlhni khan á¹­henrual á¹­ha leh chhungkhat laina hnai te chuan zawngin an vak kual a; engmah an hmu lo niin an sawi.

21st Sunday: Lengpui airport runway chu hmun á¹­henkhat a khawh deuh avangin siamá¹­hat hna PWD ten an thawk. Hei vang hian kingfisher leh jet airways thlawhnate chawhma lamah an á¹­um a; Airline dang thlawhnate an á¹­um lo thung.

22nd Monday: Chief Justice Guwahati High Court, Justice M.B Lokur chuan Mamit a court hmun hma tur Building sak mek, Rs. 95,33,120.00/- ( Building Estimate) leh Quarter hmunhma turte a hmunah kalin a en a, Building sak mekte chu a duh aia an tet thu sawiin, a theih chuan hmun dang zawn ni thei se a tih thu a sawi bawk Chief Justice hi Pu R.Thanga Register Guwahati High Court, Mizoram Bench leh Officials te bakah Mamit atangin Pu Rodney L. Ralte IAS, Thomas Lalrammawia Civil Judge cum Judicial Magistrate 1st Class te leh Police hotute’n an á¹­awiawm a ni.

23rd Tuesday: Health Minister, Lalrinliana Sailo nu, Lalringliani Punte (87) chu cancer avangin a boral.

24th. Wednesday: Synod HSS NSS unit chuan Presbyterian Hospital, Durtlangah thisen unit 117 an pe a, a petute hi mipa 88 leh hmeichhia 29 an ni.

25th. Thursday: Laldinthara (19) s/o Laldingliana, Durtlang Mual Veng chuan Durtlang Zion venga unau hmeichhe naupang pahnih, kum riat leh kum kaw mi, ration buhfai lak tumte chu te chu Durtlang field peng aá¹­angin an kalna tur hmun thlenga a Taxi (MZ 01C-6876) ah a thlawna a phurh theih tur thu sawiin a phur a.

Laldinthara hian Selesih tlan thlak puiin Pu K.Lianthanga Camp (Siners’ Friend) kawngah a tlanpui a, Pu Lianthanga Camp thlen hma deuhin pawngsual tumin a bei ta a, pakhat zawk a beih mek lai hian Sihphir mi feh hawng te’n an rawn hmuh avangin a tlanchhiaa; annin umzuiin an chhungte an rawn puna; annin midang pun ve lehchhawngin an man. Pu Lalmalsawma VC inah hruaiin Durtlang khawtlang hruaitute va hrilhin annin an rawn lam a ni.

Durtlang khawtlang hruaitute chuan, “Durtlang Local Council, Durtlang Kohhran leh Durtlang YMA huamchhunga rawn lawi duh ngai lo chhungkua an nih avangin Durtlang mi leh sa-ah kan pawm thei lo a, chuvangin, Durtlang hi a rang lamin chhuhsan rawh se”, an ti a; thuneitute’n hremna a na thei ang ber an pek ngei an beisei thu thuchhuah siamin an tarlang bawk.

26th. Friday: Sairang Kurung luiah 5th IR Naik Vanlalrema kum 37 S/o Timo-a a tla hlum. Naik Vanlalrema leh a a á¹­hiante pahnih chu Sairang Kurung luiah len dengin an kal a, chawhnu herah hlawhtling thawkhata inhriain hawng tura an in buatsaih mek laiin luikam lungpui khamko laia an kal chu Vanlalrema hi tawlhtluin kurung luiah hian a tawlh lut ta a ni.

27th. Saturday: Bawngthah kai chhakah Thingzai-a ramriak Muanga (20), Burma ram chhung Pilawta khaw chhuak chu Tlawng (Darlung road Bawngthah thlen hma lei chhak) luiah a tla hlum. Muanga hi a á¹­hian pahnih nen Bawngthah ramah hian mi thing zaia riak a ni a; an thing zai sa thenkhat chu kai bul lamah lui dunga tawlh thlak an tuma;

Tlawng lui hi a lianin a khauh hle mai a, a tir lamah chuan a á¹­hian pahnih te hian hma an hruaia; an hnung lamah Muanga hian a rawn zui a ni. Tui khauhin a lak avangin a á¹­hiante chu pelin a thing tawlh nen livir in la zui ta a, a á¹­hian te pawh chu tui luang chak tak chuan la in livirah tho chuan a len lut a, vanneihthlak takin an in hleuh chhuak thei hram a ni.

28th. Sunday: Zirtawpni Phunchawng hnuaia Chhimluang luia tla, 5th IR police, Nk. Vanlalrema (37) s/o. Timo-a, Chite Veng ruang zawngtute zinga mi, Lalbiaknunga (21) s/o Lalbiakzauva, Sairang Venglai chu ruang zawn hna ngawrh taka chesualin tuiah a tla hlum. Lalbiaknunga hi tun hma lam pawha tui tla lo char fo tawh leh mi tlawmngai thei tak a ni.

29th. Monday: Mizoram Iskut Growers’ Association buatsaihin Sihphir Vengthar-ah ‘NLUP Iskut Campaign’ vawi 3-na neih a ni a, Mizoram Law Commission Chairman leh Bialtu MLA ni bawk Pu R.Lalrinawma’n a hmanpui. Mizoram Iskut Growers’ Association hian Branch 9 a nei tawh a.

Tunah hian chhungkua 1400 laiin iskut an ching mek a, kum khat chhung hian iskut hi vawi 10 thar theih a ni. Kumtin Mizorama iskut tharchhuah zat a pung chak hle a, nikum 2010 khan iskut chin nan 1500 hectares hman niin 59050 quitals lai tharchhuah a ni.

30th. Tuesday: Mizoram district pariata District Commissioner leh Superintendents of Police–te chu Chief Minister hoin CMO conference hall-ah an á¹­hukhawm a; CM chuan, corruption a bo theihna atana ACB hmang tangkai turin a fuih.

31st. Wednesday: Mizoram Presbyterian Kohhran tana Ni pawimawh bik ‘Ramthar Ni’ a ni. A chhan chu Mizorama Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni a nih vang a ni. Kum 1972 Mizoram Synod Inkhawmpui chuan, Synod Ramthar Board-in, ‘August ni 31, Pu Zosaphluia Mizorama a lo thlen ni hi Synod Ramthar Ni atan hman ni se’, tia a rawtna chu pawmin kum 1973 atang khan August 31 chu Ramthar Ni atan hman tan a lo ni ta a ni.

Mizoram Presbyterian Kohhran chuan kumin Ramthar Ni pual hian á¹­um khat inkhawm atan programme a siam a, thupuiah ‘Lal hna i thawk ang u’ (Ezek. 3:4-9; Mat. 28:16-20; II Tim. 4:6) tih hman a ni.

This entry was posted on Monday, September 5th, 2011 at 6:00 am and is filed under Mizoram, News. Both comments and pings are currently closed.