Kum 2009 chhunga Mizoram infiamna khawvela chawimawitlakte hnenah Mizorama Sports Association 32 khaikhawmtu United Sports Association of Mizoram chuan kar kalta zirtawp zan khan Chanmari YMA Hall-ah Sports award a hlan.
Category 4- Sports person of the year, Sports promoter of the year, Sports reporter of the year (Visual) leh Sports writer of the year (Print) award te sem a ni a, he hunah hian Chief Minister Pu Lal Thanhawla chu khuallian a ni. Category tinah hian award dawng thei nominee 3 vawrh chhuah a ni a, dawng tur 1 zel thlan a ni.
Mizo Aw sports ziaktu Brian Lalnunhlima chuan sports ziak thiam ber chawimawina dawng a ni, he award dawng tur hian Lalnghinglova Hmar (Vanglaini) leh Zozamtimes sports ziaktu Thangkhuma te khumin award a dawng. Brian Lalnunhlima hian 2005 atang khan Mizo Aw sports ziaktu hna a thawk tawh a, award a dawn theihna chhan chu Pathian vang a nih thu sawin award siamtu USAM bakah a thawhna Mizo Aw chanchinbu chungah lawmthu a sawi. Award hi khuallian Chief Minister Pu Lal Thanhawla chuan a hlan.
Sports person of the year 2009 chu tennis-a Mizote chhuanvawr mai ni lo India chhuanvawr, under 12 leh 14-a No.1 Basil Khuma (Tennis), Zarkawt chuan a dawng a, India hmeichhei hockey team-a tel phak Rosalind Lalchhanhimi leh hmeichhe boxer kan neih that ber ni mek R.Vanlalduati te hnehin award a dawng. Basil hi China 2010 WJC-a india aiawh tura thlan niin Delhi-ah a awm mek a, award hi pa Herman chuan a dawnsak.
Sports Promoter of the Year 2009-ah infiamna lama thawhlawk, LPS Profight boxing leh Professional Muaythai hlawhtling taka buatsaihtu leh LPS neitu Pu Lalsawmliana Pachuau chu thlan a ni a, Chess hmasawnna tura sum leh pai tam tak seng tawh leh thahnemngai Dr.Baruah, Dawrpui leh Mizoram Masters Cup-a sum leh pai tumtu, infiamna lama mihausa zawkte cho chhuahna tura ke pen David L.Zama Chawlhhmun te nominee-ah an awm bawk.
Sports reporter of the year 2009 chu Zosports-in a dawng a, Doordarshan Kendra, Aizawl leh LPS Vision te hnehin he chawimawina hi a dawng. Zosports hi Mizo sports hmasawnna tur thawhlawk tak a ni a, a bikin visual mesia te tihchhuah tur sports buaipuitu an ni ti ila kan sawi sual lo ang. He chawimawina hi Zosports producer B.Vanlalhruaia chuan MSSC Secretary hnen atangin a dawng a, chawimawna dangte chu S&Y Director Zoliana Royte leh MPCC Sports Cell chairman Lalhmachhuana ten an hlan bawk a ni.
He huna khuallian Chief Minister Pu Lalthanhawla chuan |halaite hmasawnna chu ram hmasawnna a ni a, hetiang programme pawimawh tak, sports discipline hrang hrang ten tan an lak theihna tura chona tichhuak thei leh midangte fuih thei an buatsaih chu lawmawm a tihthu sawiin, sorkar ang pawhin a thlawp tlat a ni a ti a. Sorkar hi eng pawl pawhina a nghenchhan ber thin anih avangin thawhhona tha a awm a tul thu a sawi bawk a. Hetiang chawimawina hi tute emaw tih lar tumna nilovin, ram hmasawnna tura tul pawimawh tak pakhat a ni a ti.
Sports award semnaah hian Mizoram state sports council hnuaiah Association hrang hrang hruaitute leh players te an kal thahnem hle a, Chanmari YMA Hall khat tlata kalkhawmin Wushu leh Basketball Association atangin thiam entirna neih a ni a, zaithiam Mimi Lalzamliani leh PC Lalremruata ten zaiin mipui an awi.
(Sports writer of the year chawimawina dawngtu Brian hi Misual.com-a veteran a ni a, 2006 chho vel laia editor thin kha a ni)
Similar Posts:
- Mizoram atangin Award dawng
- Bhartiya Vikas Ratan Award
- Vanglaini Mizo Award
- National Bravery Award 2013 dawng tur Mizo pahnih
- NDTV Indian of the Year awards
April 18th, 2010 at 11:38 pm
nakin ah ka edit leh ang
Report this comment
April 18th, 2010 at 11:39 pm
Misual atangin tumah thehchhuah tur pahnih pawh an awmlo ani maw?
Report this comment
April 18th, 2010 at 11:42 pm
Heng chawimawina dawng tlak te hi a lawm an zo triah triah ka tih chu….
Report this comment
April 18th, 2010 at 11:45 pm
pet chhuah, hnek chhuah, ziah chhuah nei ve lo tan comment ve mai lo chu tihtur awm lo em mai, kan 3rd em oooo. NOI
Report this comment
April 18th, 2010 at 11:55 pm
@kawnga : Engvangmaw? A ngaihna kava’n hre lo ve!
:roll: :?:
Report this comment
April 19th, 2010 at 12:11 am
Sawi leh sawi hnu, tharum thawh ngai chi ah chuan International level hi kan la hlat tho tho, Archery, Chess, etc te lah hian promotion an hlat tulh tulh emawni!! Chawimawina dawng te ka lawmpui e.
Report this comment
April 19th, 2010 at 12:19 am
1st hi anuam aniag cu…duh ag poh ziak hman lo in, comment hmasak ber hi a tum a tum kn awm anih deuh ber hi..naktuk atag cn 1st char2 k tum toh ag…lolz…olympic velah kn tel ve hma hi cuan sports award hi ala ho k ti…lolz..CM lah hi khuallianah hian kn sawm ziah a, mizoram in sum lapse kn gah em hi, a offis ah a hna thoh tir ila, midag khuallian atan i sawm zawk toh ag u…..
Report this comment
April 19th, 2010 at 12:25 am
Sport lam comment chu Pu Shailendra c/o champhai kutah ka dah mai teng.
Report this comment
April 19th, 2010 at 12:34 am
sei emai. chhiar hmain mu phot teh ang
Report this comment
April 19th, 2010 at 12:39 am
Pic chung ber ami khi Thai boxing a thiam hmel
Ka hriat 2 an tel ve tlat 
tra la la la la
Report this comment
April 19th, 2010 at 12:50 am
Tarmit tel lova tar mita thlir chuan heti zawng hi a inziak ka hmu thei:
Infiamna hrang hrang chhiartheiha min chhuah…. te zingah Brian Lalnunhlima (Mizo Aw) of Zemabawk, Aizawl hi a hnathawh ah te kan chhuangin kan ngai hlu a ni tih chhinchhiah nan!…
Chawimawi nih te, chawimawina dawn te etc hi a dawngtu tan a hlu in in fuihna (encouragement) tha tak a ni, keipawn tun kum ah tum hnih ka dawng ta, hna thawh a phur awm duh surh surh khawp mai.
Report this comment
April 19th, 2010 at 12:55 am
@misual_dumber : Zo triah triah tih tawngkam hi thring triah triah sawi nana hmang tawh lovin, chawimawina tawngkamah hmang tawh ila tih ka duh zia lantirna a ni e.
Report this comment
April 19th, 2010 at 1:17 am
Lawm man hrim hrim dawn hi chu a hlu tu pek pawh nise hahahahahahah Kei ve hian Mi(sual)ber of the year pawh tlang se ka dawn pha dawn chuang leu hahahaha.
Report this comment
April 19th, 2010 at 3:26 am
A tha e!
Report this comment
April 19th, 2010 at 6:56 am
nia sport minister an awm ve thin kha? an va hnual suat deuh ve, an Award thin thin nen.
Report this comment
April 19th, 2010 at 7:42 am
Award la te ka lawmpui e, mahse CM meuh inrawlh nan chuan a ho tham ka ti deuh, Sport minister emaw, Director emaw te khan hlan mai sela tawh ving veng viau lo maw.Kan ram roreltute hi thil holam lutukah hian ko phar ko phar lo teh ang u.
Report this comment
April 19th, 2010 at 7:44 am
…nge ni a, kan ram hruaitute hi hetianga hman tawk lek hi an lo ni thin zawk, ram hnuk tak tak khawih a buai ai chuan hetiang vala han inhman hi an phak tawk lek pawh a lo ni maithei a;)
Report this comment
April 19th, 2010 at 9:50 am
Sport Person of the Year ah khan nula hockey khelthiam,India aiawh a vawi duailo lo khel tawh kha ka lo it mai mai a :!:
Lawmman dawng tute ka lawm pui a,a buatsaih tu ten an ti tha ka ti bawk.
Report this comment
April 19th, 2010 at 10:21 am
Engtinnge an thlan a, eng ang tehna nge an hman ka hre lem lova. Sports writer-ah chuan Vanglaini Tetea tluka a thuziak chhiar nuam hi Zoramah hian a awm lo ka ti. NOI
Lawmman latute ka lawmpui a. Hetiang chawimawina siamtute hi an fakawm bawk. Mihring nih chhung chuan kan thiltih miin min hriatsak tluka hlu leh chawimawina sang a awm chuang lovang. Inchawimawi a, indawmkang a, infuih tang a hmasawn zel tur kan ni.
Report this comment
April 19th, 2010 at 3:01 pm
pic hmasa ber ami khian boxing a thiam duh hmel. lol
Report this comment
April 19th, 2010 at 3:46 pm
Zosport hian lawmman a dawng hi awm inti em? Ka ngaih ve dan chuan Zosport hi chuan Mizo Sport bak an buaipui dawn si lova, lawmman an sem apiangin an dawng reng dawn tihna ni hmiang ka ti mai a??
Report this comment