A hmasain — Refugee hian engchen nge a huam le? (hehe… chiang lo nghal…) Sorkar hlauh vang te, ramchhung/ tualchhung buaina leh indona avanga ramdanga tlanchhia te chu anni ngei a. Chutiang pawh ni lem lo; Sorkar chak loh vanga ei bar leh khawsak harsat luata ramdanga pem (tlanchhia ni lo)-te hi a huam em? Refugee / Raltlan a chhiar anni em?
Ummm… Ka sawi tum tak zawka chu : Burma Refugee (kan zohnahthlakpuite) chhelzia, tumruhzia leh taimakzia mawlh hi. Ni e, an ram sipai sorkar dik lohna hmachhuanin, an ram politic chingchivet chhuanlamin, an tawrhna leh retheihna baka insawi retheiin, dinhmun hlauhawm leh nunna atan pawha derthawng tak anga insawiin, dawt hmangin ‘UN Refugee Card’ an nei a. Tichuan, a tahtawlin khawvel ram changkang tak takah an inkapchhuak zut zut a.
Hetiang neuh neuh te han hriat chuan an fair thlawt lo. Awle… chu lam chu lo dah tha ta ila. UK, USA, Canada, Australia vela nu&pate chawmhlawm, kum 1 a cheng nuaih tel senga lehkhazir kan mihausa fate kan ngaihsana kan intlawnsiak lai leh, an thian nih te kan chak em em laiin, Burma Refugee-te erawh fiamthu thawh nan bak kan sawi ngai meuh lo a. Zepnak emaw, misual thenkhatte ngei pawh hian kan hmusit a ni. Ni e, an dinhmun leh family background reng a inthlau em lah tak a!
Mahse, an tumruhzia leh chhelzia mawlh hi pui tak a ni! “Ka tui a hal… Ka ril a tam…” tih vel bak sap tawnga sawi thiam bik lo kha, chance an hmuh ve leh (UN atanga koh annih ve leh) khawi ram pawh nise an thlawk lut rawih a. Zahtheihloh chhuahin, an thian leh chhungte pawh ni lem hlei lo, lo awm hmasa tawhte an bel chawt a. Thawh tur zawngin an hawi hu hu a… Inhlawhna tur zawngin an vak du du a… A tawpa tawpah hna an hmu nge nge a. An tumah an chiang em em a, chhel takin an thawk a, inren takin an khawsa a.
Kum 3 vel an awm meuh chuan, an nu&pate mai ni lo, ral atangin chhungkua an chawm tawh. In ropui tak tak an sa a. Tahan leh a chhehvelah te khian, an tu leh faten ramdang atanga an rawn sak – pitar putar In tha tak tak nei an tam tawh teh a sin. Kan fate hian an tlin ve ang em le?
An thawmhnaw bal suk chu sawi loh, bal-bawma vawm luh sak ngai, thil tui leh changkang hre em em, Computer chak tha leh Bike chhuak thar hre thei zet si kan fanaute hian “Burma Refugee mai mai…” ti a, kan hmusit leh nuihsawh thinte tih ang hi an ko-ah tla ta se, an tlin ve ang em le? Tun ang mai maia kan inenkawl a, hetiang renga kan kal zel chuan… (???)
Rangvamual (RV) vela zu chhuanghote hlei hlei khu… an thawh nasatzia leh an rimzia, an taimakzia leh chhelzia te mawlh khu zir tham a ni, ka ti tops! Kan fate ang rual te te, zing var hmain sihdet leh meichher nen ruahsur hnuaiah… thlasik khawvawt vin tak hnuaiah chini, meihawl leh buhfai bag nen ramhnuai pilril lam panin an inppu chhuak a.
Vangvat leh thosi karah nilengin an hna chu an thawk mial mial a. Hmel hlim lo leh chauh hmel nguai deuh pawh pu lovin, phur sarhin thim dawn ruaiah an rawn zai haw hlarh hlarh a.
Kan faten nu&pate thawh chhuah ring a, zak miah lo leh inthlahrung miah loa ruihna tur ringawt an ngaihtuah laiin, anni chuan zu an ngah vei nen an la in duh lo zui a! An hna thawh leh an thil tih chu lo dah tha leh ta ila. An chhelna te, taimakna te, tumruhna te mawlh khu…! An thawh ang khu kan fate ko-ah tla se, an tlin ve meuh ang maw? Nu&pa, chhungkaw tan… tiin, an tawrh ang khu an tuar peih ve meuh ang maw? Tun ang mai maia kan inenkawl a, hetiang renga kan kal zel chuan… (???)
He post hi — ka mu zet tawh a. Dan pangaiin, phone atangin ka lut zuai a. Post chhuak tur 1 chiah a awm tih ka hmu a. Ka rilrua rawn lut hmasa apiang ka type mawlh mawlh a, ennawn ta lem lovin ka vawm-lut tawp. A phuailuaiin a phaklak viau mai thei, chhiar dan lo thiam mai r’u. Tin, GMI @ Thenzawl lama ka hir-ha dawn avangin ka vil hman dawn lo a, duh dan danin lo ching-phar r’u. Min kap hlum duh hial te, mawl min ti em emtute in awm a nih paw’n pawi ka ti lo e. Kei chu ka zau a nia. :p
Similar Posts:
- Nangni leh Anni!
- Naupang zirnaa nu leh pa mawhphurhna
- Ka fate chu..
- Huiham!
- Nikum MI leh ka Mizoram zin experience
:lol: 
October 26th, 2011 at 12:05 pm
Post tha e
Report this comment
October 26th, 2011 at 12:14 pm
An taima lutuk a, mahse an ngeiawm ani. Kan thawh ang thawkin kan hnathawh kawngah hian taima se la chuan ka fak ve thovang; kei ngei pawh hian. He2
Report this comment
October 26th, 2011 at 12:14 pm
I mutthilh hma hun tawi te pawh kan tan i hmang a, thu tha leh ngaihnawm tak, fuihna tha tak min hlui leh ta! A ropui e.
First Para-a, ‘anni’ tih vawi 2 lai i hmansual khi i hria em aw? ‘an ni’ tih zawk tur a ni e.
Report this comment
October 26th, 2011 at 12:18 pm
‘Rangvamual leh Kei’ tih chhiara chhiar ka’n tum tlat chu a!
Report this comment
October 26th, 2011 at 12:23 pm
A dik ngawt mai. An taima alawm. Kan Office ah hian thilzuar hi an lokal ve fo a, hengho zingah hian Mizoram Mizo an awm meuhlo. Khawchhak lam unaute deuh vek an ni. Keini phei chuan kan leisak ngailo tluk a nia, tichung chuan ‘hralh tak mialin’ an ti nge ni rawn kal an thulh chuanglo.
Report this comment
October 26th, 2011 at 12:34 pm
kawnga, ka hriat dan : amah chu a fel viau a,.ani erawh a fel lem lo. Nangmah kha I fel chuan a tawk.
Ani, Amah, Anni, nangmah, nangni…
Thu tawpnaah erawh – eg : misual tak an ni. Mi fel tak a ni. etc…
Report this comment
October 26th, 2011 at 12:43 pm
Heidenriallll… ennawn hmanloh Post ah hei aia chhiar nuam leh ziah dik a awm thei tawh dawn mawni le (Y)
A Post tupa awmlo bawk a, khawinge ching hrep teng!
Report this comment
October 26th, 2011 at 12:50 pm
@kawnga sawi tum chu “amdanga tlanchhia te chu anni ngei a.” tih ang chi khi.. anni nilo in “an ni ngei a” tih zawk tur a tihna. Mahse edit hmanloh si, khitiang khawp a thui ah chuan ka ngaithiam viau thung.
Report this comment
October 26th, 2011 at 1:13 pm
(Y)
Report this comment
October 26th, 2011 at 1:15 pm
Sum thawh chhuah kawng leh rosum hlutna hriat kawngah hi chuan kan chhak unaute hi chu kan tluk hlawl lo a ni tawp mai.
Sum an hmuhna tur leh an hlawkna tur a nih phawt chuan a tam zawk hi chuan engmah tih hreh/pawisak an nei lo, ti ila kan sawi sual tam lovang.
Report this comment
October 26th, 2011 at 1:16 pm
KKK GMI nuam aw.
…Khrum
Report this comment
October 26th, 2011 at 1:47 pm
An Pathian chu pawisa a ni a, mihring nun tluang hawihhawmna te, rinawmna te an hre map lo. Burma mi Bawng pu pakhat pawh a awmna ten an ring em em a wheatvai dawr ah an lei tir thin a leilo vin a lo ba char char, thla tawp dawn ah a tlan bo hmak. Dawt a sum hlawhin a chhungte chu a chawm a ni mahna, ka ngaisang leu……… Mizoram news a chhe zawnga ti tam tu chu Burma lam unaute hi an ni. Vai ho pawh an tluk lo, Kristian nun dan tha zirtir te hi an harsat khawp mai. ;-(
Report this comment
October 26th, 2011 at 1:50 pm
GMI @ Thenzawlah a awm daih bawk a, rel hrep rawh u…
A post that viau ai ah.
Report this comment
October 26th, 2011 at 1:57 pm
Vai sangha chi zuarte hi kei chu ka fak zawk. Burma zu thlawr ho ai chuan.
Report this comment
October 26th, 2011 at 2:01 pm
Kum 15 vel liamta khan hmar lam tlangdung khaw pakhatah burma lam chhuak chhungkaw pakhat chu an sual em em vang pawh nilovin khawtlang mipuiin an lo hnawtchhuak a, chumite chhungkua chuan min ngen angin ka kaltlangna tur tho khaw dangah ka phur phei a. An fanu 1 phei chu kan chhungte pakhatin hun engngemaw chen an awmpui ta bawk a. Hman ni lawk khan an chanchin ka hria a, dam leh hlim takin Australia ah an lo awm tawh chu niin ! A tira an dinhmun ka ngaihtuah letin ka lawmpui khawp mai.
Report this comment
October 26th, 2011 at 2:12 pm
Post hi a van tha em ! Ni, hnathawh tur pawh duhthlang thei mang lo, hmuh hmuh hel nuai tawp dinhmun hi a dai ve tan lo chuan hriatthiam chi ani lovang. Kan in awmna hi a zu hniam deuh bawk nen, nepnawi zuar lokal thin ho hi kan khawchhak unau te zu ni tlat zel a. Ina an lokal ngat chuan, kan han hai a, mamawh hi kan lo nei leh tlat zel bawk. Kei chuan mi taima hrim hrim hi ka ngaisang khawp mai. Taihmakna chungchang hi a YMA leh kohhran angte pawh hian in zirtir leh hial kan ngaiin ka hria. Tirhkoh Paula phei chuan, ‘kan mite kha thatchhe lotur leh intodelh turin fuih rawh’ a ti ngawih2 reng mai ani. Tunlaiah sorkar hnate avan gtawh a, a tul tul thawh hreh loh hi mi puitling zia ani. Hei, office 1 ah post 15 vel ni ta in ka hria, graduate/post graduate mi sangli chuang fe in competition an nei dawn ania… hairehai..
Report this comment
October 26th, 2011 at 2:20 pm
” hnathawh tur zawngin an hawi hu hu a” i tihlai khi
Asylum seeker ho hiian an mahni guide tu tur leh mentor tur, an zir/ thawh theih lama pui tur an va thlenna ram ah hian an awm thinin ka lo hria, mahni a blind taka tawng bawrh2 chu anni vak em ni le? Hna ah leh zirna lamah an theih ang ang a skill nei turin an pui thin, hna advertised ah pawh hian hetiang in an dil theih tur bik category hi an dah deuh zel. Sapram thlen tawh chuan mi buh ltk leh engmah trawng thiam theilo thlawt nnih loh chuan asylum seeker ho hian advantage an ngah ka lo ti viau asin keichu
Report this comment
October 26th, 2011 at 2:48 pm
#17, litul rascal-a pawh hi saptawng word i hman chuan past tense hian dah tawh suh, ‘advertise’ ti mai roh…word dang hrim2 pawh, mizo tawng kara kan hman chuan past tense a dah loh tur ani… te kan ti ve ange…
Report this comment
October 26th, 2011 at 2:57 pm
18 sorry
Report this comment
October 26th, 2011 at 3:13 pm
Hna hi chu ka ngaih dan chuan kan tui zawng2 ah hian kan taima mai in ka hria. Kan veng putar pakhat pawh la dam se chuan kum 70 a pel tawh ang. A hunlaiin matric a pass a, zirtirtu tal chu a hmu ve hrim2 ang, zu zawrh a thlang tlata, sawrkar hna thawh a peih der lo.
Report this comment
October 26th, 2011 at 3:43 pm
Thawhchhuah nei si lo a, nu leh pate thawhchhuah ringa nalh tak taka inchei, tlangval thawveng tak tak te hian chhiar ve se. . .
Report this comment
October 26th, 2011 at 4:01 pm
Taima taka thawk a dingchhuak te hi an fakawm in an zahawm. Chutih rual erawh chuan ding chhuak tura kalkawng a engmah pawisak neilo,a chhia leh tha pawh thliar lova ‘sum’ men a meng a dai bawrh2 mai thin ho erawh an ‘faklohawm’!!
Tin,RV/Phunchawng a zu thlawr ho leh state dang/ram danga raltlan theuh2 an tum na(aim) leh an rilru put zia hi a inang lo viau in ka ring.
Tin,mihring hi min nawr tu leh kan dinhmun azir in hna thawh hreh leh hreh loh leh tumruhna hi a dang viau thei bawk. Overall… (Y)x55
Report this comment
October 26th, 2011 at 5:27 pm
An fakawmna lai, ‘an taima’ kan tih hi chu harsatna-in a hrin chhuah ve pakhat ni maiah ka ngai. Kan thalaite thatchhia kan ti leh mai thin a, taimak vak ngai lovin kan la nuamsa em a lawm.
Khawi ramah pawh awm se, a ram neitute zai ngai lek lova an mahni chauh inngaituaha, hmasial tak leh duham taka an khawsak zel chuan an nuamsa rei chuang lovang. Aizawlah reng kan ngei loh em hi.
Report this comment
October 26th, 2011 at 5:39 pm
Post tha hle mai! (Y) Zirtir nei tha tak ani.
A bikin aizawl a thalai, tleirawl hote phei hi chuh! next generation chu a ngaihtuah awm ve khawp mai :-S
Report this comment
October 26th, 2011 at 7:16 pm
#8 @Saitawka sawi ang khian..
Report this comment
October 26th, 2011 at 8:32 pm
(Y)
Report this comment
October 27th, 2011 at 2:23 pm
Engpawh chu lo ni se,, an khawngihthlakawm k ti, kei chu. Burma lam unaute mi 1/2 vel thilsual tih avanga an vaia kan hmusit vek thin hi chu fuh chiahin ka hre lo.
Duh vang reng pawh ni lo, a chawm lai a chhungten ei tur an neihna tur a nih phawt chuan KS hna thawk mai te pawh an awm a sin. Dinhmun a inchen lo a, awihawm lo khawpin tluanlohna hi a tawh theih a ni………
Harsat, retheihna mi vuakvet dan hi a taka tawng tawhte tan lo chuan thil awi harsa tak a ni reng a ni….
Report this comment
October 27th, 2011 at 7:45 pm
Ni e, an fakawm ngawt tak mai… Kei chu vai buh ring lo turin ka thawk tang tang ve a.. Mahse, a tawpah chuan ka ring leh tho zel a, vai buh ring lo ka ni e tih hun ka nghakhlel khawp mai… Supply a that loh chuan kan buai nghal chu a ni zel mai bawk si.. I taimak i tum dawn teh ang u hmiang… Vai buh ring theuh theuh lo turin i bei ve zel ang u..
Report this comment
November 3rd, 2011 at 4:55 pm
Rangvamual chengte hi zuthlawr vek leh Burma mi vek ang dawn2 in kan ti ta sa2 chu…..
zuzuar chuan a thawhrim rah sum a dawng a,alei tu zoram Lanu Valrual te chuan chhungte thawh chhuah ring in an lei mur2 thin…
Refugee an deusawh lai in tlukloh rim an lo nam der tawh tih an hai chiang hle.
Report this comment
November 3rd, 2011 at 5:05 pm
kawlhawk, kalo hmuh miah loh chu le. Hei mawsawlman hming hawh hian a comment zarah ka hmu ve chiah a nih hi.
Zirtir nei tha tak, fuihna hlawm hlak post a ni e. (Y)
#17 i hretleu hretin ka ring.
Report this comment