Huiham!

April 8th, 2011 11:24 am by TuaiSialA

Hmeichhia kum 15 mi ka ni a, sex ka hmang nasa lutuk a.. Kan Principal nen hian sex kan hmang thin a, nupui pawh a nei reng a, kan hman zin tawh em avangin ngaiah ka neih tawh a, midang pawh hmanpui ka hreh loh phah hial a, mahse, chhas ka nei miah lo. Ka rilru a hah lutuk, min lo tawngtaipui hrim hrim teh u.

Hei hi Zawlaidi Monthly Magazine, April thla chhuaka Thurawn huanga SMS lut pakhat a nih khi. Ka ngaihtuahna a kalthui kher mai.

Principal:He school/hostel Principal chu zêp rual lohvin a hur tih a chiang. Hetianga mahni school naupang kumtlinglo khuaikhem duh, chêtsualpui duh chu mi rapthlak tak a ni. A school pawh school tha a ni hauh lovang. Uire a la ni zui bawk nen, a hma lam hun a thim mang e. Hetiang Principal/zirtirtu hi Aizawl zirna school tam takah an awm a rinawm. Tunlai school naupang chu an hmeltha tawh a, an îtawm tawh a, an lerh tawh bawk a. Zirtirtute tan fimkhur a ngai hle mai.

Zirlai: He zirlai naupang mawlh hi a ni ngaihtuahawm chu. Sex hi ngaiah neih thei tur khawpin a hmang nasa tawh a, kum 15 mi lek a la ni zui nen. A va rapthlak em aw! Ani aia naupang, amah ang rual leh a aia upa zirlai tam tak chu hetiang tawk tawh leh ni mek an ni ngei ang. An tan fimkhur a va tul em! I tawngtaipui teh ang u. Zirlai mahni intihlum an awm fona chhan pawh hetiang hi a ni âwm asin! Kan thiannu pakhat min hrilh dan chuan, an hosteller-pui chu call girl a ni. Zanah an hostel bang atangin a lawnliam thin a, a inzawrh hnuah zing lamah a rukin a haw leh thin. Zirlai call girl hi engzat tak awm ang maw?

Nu leh pa: He zirlai nu leh pate hian an fimkhur loh man chu an la seng ngei ang. An school hriatchian lohah an fanu an dah a, a chanchin an hre zui lo bawk a. Nu leh pate u, inenfiah teh u. In fate theuh kha an chinchang hria ula, an nungchang thlithlai ru reng teh u. Nupa inkar buai avangin fate’n an tuar tak meuh meuh a ni tih hriain inenlet ve thin rawh u. Nangmahni fel viau mah ula, sial rangin sial dum a hring thei tih hre reng rawh u. Naupangte kalsualah mawh in phur e.

Sodom leh Gomora kan iang zo ta!