Pi leh pute atanga Mizorama awm tawh ka ni a,ho angreng takin Gurkhali tawng lah ka thiam tawh thaklo lehnghal a,ka inthlahrung thin hle.Ka thiante zawng zawng deuhthaw Mizo anni a,engemaw chang chuan Mizo emaw te ka lo inti thin vei rawl nen,thianten fiamthu a “mizo emaw a inti lehtawh” min tih vanga harhchhuah leh hnuhnawh chang ka ngah mai.Ka thiante hian min hria ani maia,midang min hre ngailo tan chuan ka hmel leh ka awphawiah Mizo ka nih lohna zawng ta se an beidawng hle in ka ring.Gurkhali ka nih hi ka inchhuang a,ka hnam ka zahpui ngai lo.Diwali aiah Christmas lawm thin tu ni mah ila,Mizo ka ni ta tihna a ni chuang der lova. Mizote chan ai chan emaw, lo chuhpui ka nei ngai lova,ka beisei ngai hek lo,mahse Mizoramah ka hlimin nuam ka ti reng a.Ramdang haw na tur nei ve tawh chuang hek lo…
Mahse,tunhnaiah Mizoram Gorkhali ten OBC quouta an chang thei dawn tih thawm avanga thenkhat duhthawh deuh ten media hrang hrang kaltlang a thu an rawn chhuah danah thudik tluantling hre lova thuziak an awm nual a.He OBC quouta ka chan dawn leh dawnloh lam aia ka rilru in a vei zui chu “Gurkha hnam hi mi ramah a ram luah hmasa tute chimrala,awpbet tlawk tlawk ching ” kan ni em tih hi a ni. Darjeeling te kan sawi fo a,a mi cheng hmasa te chu eng hnam nge annih hre lovin Gurkhali chimralah kan puh ngawt a.Chutiangin Sikkim te pawh Gurkhali awpbeh ram a ni tawh tih te a awm a,Sikkim hming hi Gurkha hnam peng pakhat, Limbu(Subba) tawng a ni a,’New Palace’ tihna a ni.
Tin,Sikkim ah hian assembly seats ah Lepcha,Limbu leh Bhutia tan reservation siamsak anni.Lepcha te hi Sikkim luah hmasa ber tute an ni.A thuhrimah Gurkha hnam kan tih hi Mizo hnam tih anga chhulkhat hrin nilo,Indian tih anga hnam nihna a ni.Thisenah chuan Chhetri leh Tamang chu Vai leh Mizo tih anga in hlat a ni.
Pakhat Indian Rajput,pakhat Tibeto-mongoloid,chutiang zelin Limbu leh Khattri chu Gurkhali tawng nilo hnam bil tawng hmanga inbiak theih miah loh,facial /physical feature danglam daih an ni a.Mahse Gurkhali ah kan lungawi vek mai a ni.British hovin min thendarh tum in an Royal Gurkha Brigade ah pawh mongoloid race (Mangar thapa,gurung,rai,limbu,etc2) lo chu recruit tawhloh tur te pawh an ti a,kan in enhran phah chuang lo a ni.
Similar Posts:
- Thil Pakhat Chauh
- Mizo tawng diklo nge a hausakna zawk?
- Eng hi nge Mizo Tawng chu?
- Mak ka ti!
- Airtel Mizo customer care
October 27th, 2011 at 6:34 am
Chhiar haps ang
Report this comment
October 27th, 2011 at 6:34 am
1 ve tlat.
Report this comment
October 27th, 2011 at 6:35 am
Oops huau2
Report this comment
October 27th, 2011 at 6:35 am
OOppsss. Sory…
Report this comment
October 27th, 2011 at 6:45 am
Hnamdang in ti Mizo deuh hi ka lawm ve tlat a, mizo nih an ti nuam a, an bul a awm a nuam ka ti.
Report this comment
October 27th, 2011 at 7:22 am
Report this comment
October 27th, 2011 at 7:36 am
Hnamdang ilo ni maithei a, mahse tam zawk te chuan Mizo ang chiah in an ngai ang che. Kawng tamtaka irilru tur te, ibuai chang te awm tura ka ngaihtuah hian ka tan ngawih ngawih che.
Report this comment
October 27th, 2011 at 7:51 am
a lo ni maw…lol,full support ka pe che..
Report this comment
October 27th, 2011 at 8:15 am
Han comment vak ngaihna ka hre lo.
Report this comment
October 27th, 2011 at 8:19 am
sawibelh tur a va vang ve
Report this comment
October 27th, 2011 at 9:20 am
Gurkhali ka ni tih har ka ti ngei mai. Pu ber a ni miau bawk si. Christianah a inpe a, a chhungte zawng2 a kalsan a, an chanchin pawh kan hre ngailo. Anni chu Pathian an ring lo a ti a, mizo ah a nun kha a pe pumhlum tawp mai. Keini lah trawng pawh kan thiam lo. Culture lah kan hre hek lo. Gurkhali nih ka duhlo a nilo a, mahse mizo dik tak anga enkawl seilen ka ni bawk si. Tunah chuan mizo nihna rilru bak engmah put ka neilo. Post tupa min lo hrethiam dn nia. Gurkhali i ni pawh min ti se ka lawm tho. Mahse christian dik tak ka ni.
Report this comment
October 27th, 2011 at 9:22 am
I feeling tur chu ka hrethiam khawp mai che, thisen zawmpui mahni hnampui (chhung,unau.etc) nge nge hi chu in hlat deuh mah ila kan thlahthlam thei tak tak lovang chhngril takah chuan, eng hnam pawh, a nihloh vek chuan mi mawl tak a ni mai, mihring zia a ni..
A thu hrimah hnam dang va awpbet a chimral thei chu a chhe zawng emaw tha zawng emaw tal chuan an chungnung zawk tih a chiang reng mai a, an taima in an tuarchhel zawk pawh a ni mahna. Nie, media lam pawh hian mipui hip zawng a thu chhuah chu an ‘right’ a ni ve tlat a, hriat sual ve vang hrim hrim emawh, thudik famkim lo deuh emaw pawh han zeh tel mai hi thil har a ni miah lo, amaherawh chu mizo te hian kan ching fal bik hauh lo, ram changkang zawk ah pawh a nasa hlei hlei, dam chhung inhmelmakna pawh a thlen fo reng a ni. Kan hriat sa vek ni mahse, eng hnamah pawh hian fel leh tha, mimal leh pawl zawng pawn kan awm vek, chung ho vang chu a lawm kan in bak kaih vak vak thin ni..
Ka fak khawp mai che (bol miah lo in) nihna diktak sawi a i rawn post ngam na hrim hrim pawh hi a mizopa rilru khawp mai. Mizo nih i ti nuam. (Mizo kan ni kan hmel a tha kam a sang bok si.. tra la la la
)
OT loks.
.lolzzz Nuam ee(hre ber ni awm fahran a kan rak ve vak vak chu le, ka zak deuh, in fing, hrezau(a tha lamin) hlom si, min zilh palh ang, biru daih teng 
)
@littlerascal. 1st leh 2 comment time khi en teh, tok teu teu fu ni, kan in ang chiah i chak bik leusss @4 Remove
Report this comment
October 27th, 2011 at 9:22 am
Part dang han chhiar zel phawt ila ngaihdan kan la sawi ang chu.
Report this comment
October 27th, 2011 at 10:14 am
Gorkhali fakawmna em em pakhat ka hriat chu “In zak thei lo”
Mahse kawng tam tak ah a ṭha ka ti, sawiselna ni miahlo in.
Hna thawh zah in nei lem lo te hi Mizo hian kan tluk lo hle che u in ka hria. Bawng vulh leh a hnute sem aṭanga Officer, college lecturer thlengin sawi tur in kat nuk mai.
Report this comment
October 27th, 2011 at 10:19 am
11.Tingtong, thumbs up & Wel come.
Report this comment
October 27th, 2011 at 10:27 am
Gurkha leh Nepali tih hi thil thuhmun nge,a in ang lo? Posttupa,i fakawm e,
Report this comment
October 27th, 2011 at 10:36 am
Mizoram ah hian Aizawl tlangdung tihloh ah khawi ah nge Gorkhali chen tamna ber ni ang.
Aizawl hi chuan ah hi chuan chei vai lo viau chuan ka hria. Silchar, Assamese vai te nen kan en fin lo (ṭhiante fiamthu in tawng anihloh chuan). Veng ṭhenkhat Dinthar, Ṭhuampui, Venghnuai mawng lam adt. phei hi chu Mizo ai pawhin Gorkhali an cheng hmasa daih zawk a nia.
Aizawl mi tam tak ai hi chuan an awm hmasa zawk bawk. Mizo kan pung chho a, thingtlang aṭanga Aizawla rawn pem ten an awmna bawr vel kan luah khat mai mai alawm
Dinthar venga hmun ṭhalai ber, Dinthar tlang ah te khuan ngaw a nih lai khan an lo awm daih tawh ania. Zemabawk, Ṭhuampui ah te pawh kan awm hma in Bawng an lo vulh daih tawh
Report this comment
October 27th, 2011 at 10:37 am
I ngaihsanawm hle mai…
Engemaw hlek a tawngkam dengkhawng leh na tak hmang fo hi chu ngaihkhat a ngaih mai chi niin ka ngai.. I dinna ah chuan lo ding nghet zel ang che…
Report this comment
October 27th, 2011 at 10:52 am
Gurkhali ho ah rau rau pawh Limbu hmel leh Mizo hmel hi a inang bik. Tawng ah pawh inang a awm nual mai.
Report this comment
October 27th, 2011 at 11:04 am
Kan vengah chuan kan thenawm Gurkha chhungkua te nen hian a awm hmasa ber pawl kan ni a 1954 vel atangin kan chhungkua leh an chhungkua hi kan lo inthenawm tawh a,chhungkhat ang tak takin kan in en….
Report this comment
October 27th, 2011 at 11:09 am
Chhungkhat ang nilovin chhungkhat alawm kan nih @Jacka Pi.
Mongolian thlah ve ve, chhinlung chhuak ve ve.
Report this comment
October 27th, 2011 at 1:33 pm
GURKHALI HNAM KANNI ITIH ANG KHIAN MIZO KANNI TI NGAM VEKIN PAWM NGAM ILA IDOL CHUNGCHANGA KAN INHNIALNA PAWH HI AWMLO TUR..OT deuh lok
Report this comment
October 27th, 2011 at 2:12 pm
Mizo pa diego tz nembang chuan thu i va thiam hlap hlap ve. Nang ang tluka Mizo tawng ziak thiam chu ni ila ka ziak teuh vang. I Mizo pui kei (Ralte) ai mahin i thiam zawk alawm mawle.
Ting tong (No. 11) Mizo nih hi a nuam tiraw’?
Report this comment
October 27th, 2011 at 2:21 pm
PC party hruaitu Lalhmingthanga? fanu Ruth-i ami kha, inti Mizotawng thiamlo der vel thin kha ha ha!
Report this comment
October 27th, 2011 at 2:24 pm
Full stop, comma etc ah hian space awm thei zel se tha tur. Chhiar a hreawm deuhin ka hria. A dang chu sawi tawh lo mai ang.
Report this comment
October 27th, 2011 at 3:21 pm
James bond, nuam heps heps e male…. Mizo i nilo min ti se chu ngui nghulhna tur khawpin ka la na ang. Haha..
Report this comment
October 27th, 2011 at 4:44 pm
hmanah kan damlo nu(gurkha) pakhat a inchei dan kha vai a ang sia, thiamleh thiam lo in vai tawngin kan be ngawt mai a, “kan seilenna tak chu lunglei lam saw a nia, pi leh pu te atanga mizorama inbengbel tawh kan nia…” a ti mai chu(h)…kan nui nasa khawp mai.
Report this comment
October 27th, 2011 at 5:39 pm
Great Post
Report this comment
October 27th, 2011 at 6:34 pm
Kan vengah pawh gorkhali, Mizorama piang leh seilian an awm nual. A thente phei chu an pi leh pu te thlenga inti Mizo tak an ni hlawm. Khawhar in leh thlan laih nikhuaah pawh an hmel a lang fo. Ka hmelhriat pakhat phei chuan vai ho hi ka ning, ka kawm peih lo a ti hial asin
Fakawm tak tak ka hre nual mai.
Report this comment
October 27th, 2011 at 7:12 pm
#23 leh 11,
Ka pu hi kumin khan Champhaiah a boral a,ani pawh hi mizorama piang a ni..Mizo tawng erawh a pai deuh tho a,ka pa hian Gurkhali leh mizo tawng hi mahni tawng angin a hmang thei ve2,pai miah lovin ka tihna anih chu…Ka pu leh a thlahte zawng2 hi christian vek kan ni a.Gurkhali culture hi ka practice ve lo na in hriat chu ka hre ve thawkhat e…Gurkhali ka ni miau a.
Report this comment
October 27th, 2011 at 7:19 pm
#16,
Post tu hi Gurkha chu ka ni a,Nepali chu ka ni lo.Nepali zingah Gurkhali nilo tam tak an awm…
Report this comment
October 27th, 2011 at 7:20 pm
@30, ka tuarpui a che. I pu chu Pu Aitea a ni em? Champhai pa hlun a lawm, a nih chuan ka pute nen an inthenawm thin.
tren tren.
Report this comment
October 27th, 2011 at 7:36 pm
@32,Ni e mawle,A fapa Upa ber fa ka ni e.
trun trun…
Report this comment
October 27th, 2011 at 7:46 pm
@33, I pate unau leh ka nute unau chu an naupan laiin an inkawm thin. I patea champhai a awm pawh ka hria e.
tren tren.
Report this comment