Sex education hi eng tik hun atanga inzirtir tur nge a nih tih hi tunlai khawvel buaipui berte zinga mi a ni hial awm e. Thenkhatin kum 12 bawr vel, tilpawr aw ve tan tihah emaw, an hmeichhe niha a lo lan chinah emaw zirtir tur a ni ti an awm a, chu chu an pawm tlang viau niin a lang.
Keini Asia lama cheng, a bik takin Mizote zingah chuan mi puitling an lo nih hnu, kum 18 an tlin chauhah zirtir kan tum thin a, thenkhatte phei chuan infuih chi leh zirtir chiah pawh kan ngai lo hial zawk awm e.
Hei vang hian a hun thlen hma (kum tling lo, kum 18 hnuai lam) a nupui pasal innei kan tam phah em em a, zirna lamah min tih hnufual hle a, kan hnam a thuanawp phah hle bawk a ni. Chu mai a la ni lo, tun laiah phei chuan natna tha lo tak takte pawh awlsam takin kan inkai chhawng ta hial a nih hi.
Mizote hian Sex lam thil hi fiamthu thawh nan chauh kan hmang thin a, kan nitin nuna kan hman nghal theih tur lam inzirtitna chang kan hre lo va, nu leh pa thenkhatte phei chuan sex hman dan, hman hun, a hlutna, a pawimawhna, inven dan, a kaihhnawih thilte leh adt..te hi fate zirtir an zak letling a, naupang hriat chi a ni lote an ti leh ta mai mai thin.
Chutianga an fate an vin an vin phar chhungin an fapa in mi fanute an lo buan an lo buan tawh a, an fanu pawh chu tlangval helin a lo phar a lo phar tawh bawk a, nu leh paten naupang emaw an tih lai mek khan hmeichhiat/mipatna an lo hmang (virgin tawh lo) reng tawh hi a lo ni a, thil pawi tak a ni.
A hun lova sex an hman avangin sex hman hlutna a bo va, mahni inngaihhlutna a ti bo bawk. Sex hman thlakhlelh avang ngawtin kum naupangtein nupui/pasal an innei a, sex ringawt chuan rei a tihlim zo ta si lova naupang te tein an nuthlawi a, an pathlawi a. Then khatte phei chuan fanau an lo nei hman tawh si a, naupang fahrah an pun phah bawk a, nu leh pate tan phur rit tam tak an siam a ni.
Sex hman chakna neih hi Pathian min siam dan leh mihring nihphung ve reng a nih avangin mi rethei leh mi hausa, nu lian leh nute te, pa lian leh pa te deuh te, hmel chhia leh hmel tha, mi hang leh mi ngo deuhte pawhin kan tawn ngei ngei tur thil a ni. Sex hman chakna nei lo chu mi piangsual an ni a, mi puitlinga chhiar theih an ni tawh lova zirna leh hnathawh kawng chi hrang hrangah pawh an bahlah phah thei a ni.
Medical doctor zirturte phei hi chu an chik leh zual, oral test/interview ah zawhna tam tak an zawt thin nghe nghe. (Enternan: Hmeichhiate ngaihtuahin i inti tlingtla ngai em? Mipa i ngaihtuah ngai em? Eng hunah nge i ngaihtuah thin?…adt…) Pastor fanu/fapa emaw, Evangelist fanu leh fapa emaw, lal fa emaw pawh nise mihring pangngai an nih chuan an tawn ngei ngei tur thil a nih avangin kan ngaihpawimawh a tul em em a ni.
Sex education chu eng tia inzirtir tur nge tih zawhna a awm mai thei a, nu leh pa ten kan tawnhriat atanga kan zirtir thei mai lo a nih pawhin rawngbawltute kan rawn mai tur a ni. Kan pastor leh rawngbawltu ten ngun takin lo chik sela, doctor leh mithiamte hnen atanga thurawn lain kohhran nu leh pate hnenah fiah taka hrilh leh zirtir hmasak tur a ni. Khawvel lam zirthiamna atanga hriatna leh thiamna mai bakah Pathian lehkhabu thianghlim, Bible hmanga inzirtir chi a ni a, pastor leh rawngbawltute mawhpurhna pawimawh tak pakhat a ni bawk.
Kan thusawi tifiahtu a tan a hnuaia fiam thu ang reng hi i han ngaihtuah chiang teh ang aw, ngaihtuah tham tak niin ka hria…:
School pakhatah hian an zirtirtu in Sex education a zirtir a, naupang ho chuan ngun takin an zira a, an tui tlang hle bawk. Zirtirtu chuan a sawi tur pawimawh a sawi zawh vek hnu chuan duh duh zawh theihna hun a hawng ta a; in hriatfiah lohna a awm chuan min zawt rawh u a ti a. Hmeichhe naupang pakhat chuan ti hian a zawt ta a:
Naupang : Zirtirtu ka nu hi a rai thei ang em?
Zirtirtu : I nu chu kum engzat nge?
Naupang : Kum 42 a ni.
Zirtirtu : E.. a la naupang a lawm rai thei teh meuh mai.
Naupang : A nih ka u teh a rai thei ang em?
Zirtirtu : I u chu kum eng zat nge?
Naupang : Ka u chu kum 19 a ni tawh.
Zirtirtu : A ni pawh a rai thei viau vang.
Naupang : A nih kei teh ka rai thei ang em?
Zirtirtu : Kum eng zat nge i nih tawh?
Naupang : Kum 8.
Zirtirtu : I la naupang em mai i la rai thei lovang.
Chu tih lai tak chuan a hnung chiaha thu mipa naupang a thianpa (a ngaihzawng) kum 9 mi chuan a rawn kheuh zeuhva “kha kha a ni mai, engmah hlauhthawn tur a awm lo ka tih kha” a rawn ti a ni awm e.
Sex Education chu kum eng zat an nihah nge kan zirtir tak ang le??
Similar Posts:
- Sex Education kum 15 chin tan ngei ngei
- Education Reform
- Mizorama Zirna – a bul fuh lo
- Khawnge i fa? Part-2
- Sikul tha tehna kan mamawh
October 27th, 2011 at 9:33 pm
Sawiho ang u..
Report this comment
October 27th, 2011 at 9:39 pm
Aw haw, hei chu a hot khawp ang le.
Report this comment
October 27th, 2011 at 9:41 pm
#kohhran thalai KTP,TKp etc ang hian kan in zirtir tlem mah2 lo maw,VIRGIN pawimawh zia te hi..mipa VIRGIN hlutzia te hi,kei ka thil vei zawng ania
Report this comment
October 27th, 2011 at 9:45 pm
A hun tak hriat chu kan mamawh viau rualin, fate zirtir tur pawh khian inzirtir kan la ngai viau awm e.
Hetiang lam zir mite khan han sawi zau deuh teh u khai. Engti zawng emaw tak chuan a hit leh phian ang mawle.
tren tren.
Report this comment
October 27th, 2011 at 9:47 pm
#century vaw chhuak tham topic..good post
Report this comment
October 27th, 2011 at 9:55 pm
Hmeichhiaah chuan kum 12 hi danglamna awm tanna a ni a, mipa lamah erawh 14 a ni thung.
Hmeichhia te an hnute a lo ûm tan a, mipa an aw a lo puam tulh a. Tam tak chuan, an hlau hial thin. Hlauh tur a ni lova, mi pangngai kan ni ve tawh dawn tihna a ni zawk.
Hmeichhe tam takin, thi an neihin an hlau cháwk bawka. Chutiang thovin, mipa pawh, sperm a lo chhuah khan an hlau thin. Hetiang kawngah hian, nu leh pa te kan pawimawh tih kan hriat a tha. Sex education zirtirtu tha ber chu nu leh pa te an ni.
Ka duhzawng ka sawi ta daih, a topic ah hian a leng thovin ka hria.
Report this comment
October 27th, 2011 at 10:00 pm
In hur lawm emai a
Report this comment
October 27th, 2011 at 10:09 pm
Pawimawh khawp mai..a sex edu ai mahin a zirtir tura infuihna lampang anih hi a..a zirtirtu tura te pawh,a zirtir a te pawh kan inhrilh mawlh2 reng hi angai ani.
Report this comment
October 27th, 2011 at 10:16 pm
Sex education hi tawngpawng pasangam chi a ni lo. Mi thiam, mi inzir bikte sawi chi a ni. A chhan chu : hurna lamah leh tih ve chhin/ tem ve chhin chakna lamah mi a kaihruai thei tlat. Thawkkhatlai kan chanchinbu nazawngin an rawn chhuah ve ngawt thin te kha ka lo ip chawi2 thin. Ka theihna mual2ah ka sawisel thin a, (ka sawisel vang pawh ni lovin), tunlai hian an ti ta ngai lova lawmawm khawp mai. Ka lawm e.
Report this comment
October 27th, 2011 at 10:17 pm
Post tha khawp mai. Ka chhiar belh duh hial a! Mahse, Link-ah khi chuan chhiar belh leh vak tur ka hmu chuang hlei lo va..
Report this comment
October 27th, 2011 at 10:33 pm
#9 kawlhawk..SUPER KZP
Report this comment
October 27th, 2011 at 10:46 pm
Sex educator: Sex chu in han hmang chhin ve mah nanga, nuam deuh a ni.
Report this comment
October 27th, 2011 at 11:04 pm
#12
Report this comment
October 27th, 2011 at 11:28 pm
Kum 8 leh kum 9 khi chuan rai thu anla khel phak lovang. Kum 13 an tlin aṭang hian a ruka hmuh puitlin ṭan tur a nia, puitling ang erawh chuan la treat loh a ṭha. Zilhna thu vuak vel sawi danglam hret hret a ṭha. Sex ngialngan hrilh miah lo in, an rilru suk thlek chik taka zira an thil tawn leh vei kan hriatpui ang mil zela sawi pui zawk tur a ni. Ṭhian kawma la kawm chiahloh tur, discipline an la mamawh tel, en naupang chhiat lutuk loh bawk tur, an hne loh pawhin an puitlin loh phah thei. Tichuan sex education chu i chik chuan a rawn piang mai ang.
Report this comment
October 27th, 2011 at 11:35 pm
Hmeichhia ah hi chuan than thi an neih hian hrilh hriat angai ngei2..Nu ten a thutpui a hrilh angai ka ti…Thainghlim taka inneih a hlutzia te,an hmalam hun a hril thui zia te ,fimkhur a ngaihzia thu te zawng2 nen lam hian hrilh a pawimawh khawp mai..mipa pawh hi kum 13 vel atanga hrilh hi a tha tawh ka ti..
Report this comment
October 27th, 2011 at 11:50 pm
A bengvarthlak dawn tan e, han sawi zel teh u, ka tuina lam tak te pawh a ni dawnin ka hria.
tren tren.
Report this comment
October 27th, 2011 at 11:59 pm
A chunga dramma kan chhiar khian sawiho tlak kan ni em tih ka reasoning daih.
‘hman dan hman hun’ atanga tan ngawt phei chu hlauhawm tak a ni. Kawlhawk sawi ang hian edu. Rawngkai ve si tiphur tawk(an tum tak pawh a ni thei hralh a kal nan) lek hian kan chhuah ang tih ka hlau khawp mai.
A stage a zira nguntaka ngaihtuah tur a ni. Fai taka inbual/insilte hi sex edu. Vek a ni .
Report this comment
October 27th, 2011 at 11:59 pm
Sex aiin chhungkaw in ṭan dan leh a pawimawhna te. Broken family lo pian theih dan te, Pathian duhzawng chhungkaw awmdan tur te a bul ṭan puia, ngaipawimawh theihna tur thinlung tuhsak phawt tum tur a ni.
Report this comment
October 28th, 2011 at 12:07 am
sex education hi thil tul tak a ni a. A hman hmanina sawi ve pawp pawp chi erawh a nilo. Naupang rilru thlek dan chik taka en chunga inzirtir chi a ni. Khawvel hmun hrang hranga an kalpui dan thlir tho siin keimahni hnam zia leh context atanga inzitir chi a ni. A thu hrimin STD invenna atana safe sex ringawt mai thenkhatin an buaipui nia lang hi chu a pawitheiin kei ka hria. Bible zirtirna atanga lang hi chu safe sex a ni mai lo, right sex a ni zawk. Hei hi kan uar a tul khawp mai.
Report this comment
October 28th, 2011 at 6:57 am
A topic a that tehlul nen sawi belhna a va tlem ve, ka lo bengkhawn khawp a sin mawle.
tren tren.
Report this comment
October 28th, 2011 at 7:25 am
Kan tleirawl chhuah tantirh hian, ka chhang chiah mipa ve tho nen hian kanu hian min zilh thin a. “Nula in rai chuan, in nei ngei ngei tur a ni; Sawn neih ka duh lo. Tin, nula in ruk chuan, inchhung in rawn luh pui thei lo vang” a ti thin a. Min chelh ve khawp mai. Kan u tlangval lah chuan, min chhuang ve thei khawp mai a, ‘Save sex’ te pawh min hrilh ve nual thin. Hei, a tangkai ta a nih dawn hi.haha.
Report this comment
October 28th, 2011 at 8:36 am
puipuii pa #19
Condom tel lova sex hman a hlauhawm zia leh natna hlauhawm tak tak kai a awlsam zia kan sawi vak vaka, chutih laiin condom lah chu a duh apiang hman theih turin kan chhawp chhuak lehsi a, “Condom hman hian a rai theih loha, STD a kai theih loh bawk avangin condom hmang chungin in duh tawkin sex hmang rawh u, condom pawh a thlawna hman tur a awm reng e” tihna tlukah an ngai ang tihte pawh a hlauhawn in ti ve lo maw.
Condom tel lova sex hman a him loh zia kan inzirtir a nih chuan condom tal hi vang em em mai sela, condom tel lova sex hman kan ngam bawk siloh chuan kan thalaite zingah hian sex a hluar nep deuh thei ang em
Report this comment
October 28th, 2011 at 11:40 am
@22 triplestar, keimah ah chuan sex chakna in min han bawhbuai nasat theih dan ka ngaihtuah hian condom vang ringawt hian sex hman hluar a tihnep theih ka ring meuh lo.
Report this comment
October 28th, 2011 at 2:03 pm
Tunlai hian pornography a zalen em avangin kum bithliah neih a har ta hle. Hmeichhia kum 11 mi (thanthi nei tan tir chauh) chu a cousin mipa kum 13 miin a rai tlat (Civil Hospital a case an dawn a ni); a chhan pawh nupa lemchan thil vang a ni.
Kum 12 hnuai lamah chuan mihring basic anatomy leh pregnancy awm dan, nau neih dan te inhrilh a tul tawhin ka hria. Kum 12 chung lamah phei chuan detail taka sawi a tul a, safe sex pawh an hriat a tha tawh ka ti. Chutih rualin kan sawi danin a hril hle. In rawn sawi tak angin a hman hmanina hrilh ngawt chi chu a ni lo.
Sawi tur tam tak awm mahse duhtawk hrih phawt ang
Report this comment