Khawvel thiamna leh finna a sang zel a. Heti ang lama hmasawnna hian keini Mizote pawh min chiah hneh em em tawh tih kan hre vek awm e. Hei hi a lanchian em em-na pakhat chu ‘Social Networking’ hi a ni.
Social networking ka’n ti hluai tak na a, twitter, orkut etc. chu kan sawi hman lo ang a, Mizoten kan hmelhriat tlanglawn ber FACEBOOK chungchangah ka mimal ngaihdan ka’n phochhuak ve lawk teh ang.
Kan hre theuh va, hetia mobile phone atangte-a browse theih alo nih takah hian tu tan pawh alo awlsam phah viau a, hei hi a lar tak hluai na chhan pawh a ni ta ve ang. Kan population nena khaikhin phei chuan user kan tam viau ni pawhin a lang a. Thenkhatin tha tak leh tangkai taka an hman mek lai hian a side lehlam hi kan thlir ngai em le?
Facebook hi a tha a, thian thar siam nan leh thil dangah tangkai taka hman theih leh hman mek anih lai hian, ‘Social Networking’ a nihna hi kan hriat nawn fo a tulin a hriat. Thenkhat hi kan fimkhur tawk lo nge, vengchhung leh thianzaho innel tak inkara mimal inchhaihna leh infiamna ang chite wall-a kan in post sak mai thinte hi a fuh lo deuh em aw?
Dik tak chuan kan hre theuh a, tute pawh hian kan hmelhriat lemlohte pawh friendlist-ah kan nei vek a. Chutiang miten an hmuh atana kan thianten an duh hauh loh thil, entirnan personal life leh vengchhung leh thianzaho inkara kan infiam/inchhaih dan etc. angte kan thiante wall-a kan postleh ngawt thin hi chu sim a tha viau lo maw? Kan thiante kan tihmualpho rualin keimahni ngei pawh kan caliber hniam zia kan tarlang tel mai mai zawk asin.
Ka hnenah ngei pawh thenkhat hian an sawi leh zeuh thin a. Facebook-a kan fiamthu thenkhatah hi chuan thian inkara inhmuh thiamlohna thlen thei thil a awm nual mai. Social Networking a nihna hi kan hriatchian a, kan tawngkam kan fimkhur a, fiamthu-ah pawh a awmtawk kan hriat a tul hle.
Sawi takah chuan kan tunlai boruak tawn mekah pawh hian chiang taka lang thei thil a awm. Tlang takin sawi ila, kan zo hnahthlak unau ‘hmar’ nena boruak duhawm lo tak lo alh chhuah deuh hluai chhan hi engnge? Hun kal tawhah eng boruak nge lo awm a, tu thiam loh nge tih lam chu thuhranah dah ta ila. Hetianga zo hnahthlak unau inkara boruak duhawm lo tak ti punluntu hi chu ‘social networking’ kan hman dan dik tawk loh vangah a puh theih.
Kan sawi tui zel chuan a sei lutuk dawn e. Comment lamah chhunzawm dan pawh a awm turah ngai ila. Heti chinah hian rekbung phawt teh ang. Hei hi mimal ngaihdan a ni tih erawh min lo hriatsak teh u.
Similar Posts:
- Top Social Networking Sites in India
- Social Networking Sites leh Hna zawn.
- Social Networking phallohna University!!!!
- El Tips I: Multi fb accounts using 1 email
- Orkut tawp dawn
(Y)
October 27th, 2011 at 7:30 pm
Tiang deeuh post hi awm tawh in ka hria
hihi
Report this comment
October 27th, 2011 at 7:33 pm
little, i hre sual a niang.
Report this comment
October 27th, 2011 at 7:36 pm
A dik khawp mai. Facebook hi mi tam takin an chhiatpui mek. An mualphopui tawh a, mualphona atan an hmang tawh bawk. Mahse, kei chu ka fihlim e. Ka hmang sual lo va, ka hmang tangkai khawp mai. Ka la inchhir reng reng lo.
Report this comment
October 27th, 2011 at 7:36 pm
Fb lam hi ka ti ve ngai lo a, misual tlut tlut hi ka duh ber. Ka hlawkpui em em bawk.
tren tren.
Report this comment
October 27th, 2011 at 7:36 pm
Dik khawp mai. Ngaihtuah chian fo a tul e. Hmaichhana kan sawi ngam loh tur tur hi kan sawi nasa hlawm a, a lang lo lamah hian kan intihuai viau zawng a nih hlawm hi mawle! Ziaawm teh ang u….
Report this comment
October 27th, 2011 at 7:41 pm
heti khawpa facebook a lar hi mak ka ti.
Report this comment
October 27th, 2011 at 7:42 pm
#1, kei chuan ka la hmu chiah lo va, post dang a lo awm tawh anih chuan ngaihdam ka dil e.
Report this comment
October 27th, 2011 at 7:43 pm
‘Mizo nula englo hmuam puk puk’ nGei deuh te pawh kha a awm kha fb ah chuan, hehehe
Report this comment
October 27th, 2011 at 7:49 pm
2&7 mi hmanhmawh ve te
Report this comment
October 27th, 2011 at 8:12 pm
Pawimawh khawp mai.. Mahni theuh in en let ila…
Report this comment
October 27th, 2011 at 8:22 pm
@chhuaklinga, keipawh.
Report this comment
October 27th, 2011 at 8:30 pm
#9, first hi chu i chak ve awt awt thin ngawt mai :fiamthu:
Report this comment
October 27th, 2011 at 8:47 pm
Ka thlawp e. Post tha tak a ni in ka hria. Fb lamah post nghe nghe teh, Misual ho zingah hi chuan hetiang khawpa mawl hi kan tam vak lovin ka ring deuh a.
Report this comment
October 27th, 2011 at 8:52 pm
Thil engpawh mai hian thatna leh thatlohna a nei vek a, FB pawh a hmang thiam tan chuan a tangkaina a tam ang. Mahse, hmang tangkai aiin hmang tangkai lo tu an tam ka ring. Post tha tak ani e.
Report this comment
October 27th, 2011 at 9:14 pm
#13
SNS leh Internet lam kaihhnawih chi ho reng reng hi chu sazu tur ang deuh a nia, a tangkaina lampang ah chuan tangkai tak, hmansual erawh chuan sazu tur ei ang hlauh kan nihpui thei.
Report this comment
October 27th, 2011 at 9:20 pm
12 chak vak lemlo e, ka comment hma chu tuman tih an tum silo a…..;)
Report this comment
October 27th, 2011 at 9:39 pm
Fb avanga chhungkaw buai, nupa inthen phah te pawh an awm ve ta nawk mai.
Thian kawm a han len chhuahna hun ka neih vak loh vang hian ka fb thiante hi ka ngaina hlawm fu mai. Kei chuan ka la hmang tangkai rih khawp mai
Report this comment
October 27th, 2011 at 10:19 pm
A fb hrim2 hi chu a tha teh alawm le…group eng ilo nawi tak2 hi anih hi thalo…kei ka hmang tangkai khawp mai,ka thian kawmna ve ber ani. Mahse tum loh deuh a hun paih a awl viau. Thil thar ania result hrang2 ala nei zel ang chu,a hmang tangkai leh kai lo chu kum 3 hnu ah a hriat mai ang.hehe! Tin,fb a inhnial luih2 hi a thing uih bawn uchuak.
Report this comment
October 28th, 2011 at 12:22 am
Kan thian ho chuan secret group kan nei. The Chhamanator hian rawn tel ve min dil thin a, mahse kan phal lo.
Report this comment
October 28th, 2011 at 12:35 am
First em aw?
Report this comment
October 28th, 2011 at 8:27 pm
Thil reng reng hi a tha zawnga kan hman thiam chuan a tha thei vekin ka hria. Amaerawh chu a lutuk (limit awm lo)a kan tih chuan engmah hi a tha tak tak lo. Socialnetworking te pawh a tha lama hman thiam chuan tha tak a ni. Khawvel hmun hrang hrang a awm thian te nen chanchin in hrilhna tha tak a ni a. Ralkhata awm chhungte nen pawh kan in laichin na ti nghet thei tu a ni ve tlat bawk a ni. Amaerawh chu FB avanga chhungkaw hun emaw Pathian kan biak hun hnathawh hun kan khawhral anih chuan a tha top lo.
Report this comment