Thutak ka pai loh thu leh ziah tur ka hriat loh thu bawk a, bul tan a ngai leh ta. Miten A tirhkohte tluk zeta chanchintha an phuh zut zut lai a, thu sep sel të të ka lo bê pui chiam thin erawh ka inthlahrung a. Mahse, a pawi lo sik sik em mai; mi thutak pai lo leh hrelo ve te.
Uangpui chang suh i, kawmthlang pitar zangkul lam tawh pawh hmutai lek lek thin hian; online dating velah chuan tlukloh rim leh agarbati rim te pawh ka nam ther ther ta ve ang. Ka hmelthat vang leh hmui hawlhkalh kual thiam vang pawh va ni suh. Hmelchhiat leh tawngkam thiamloh avanga Tax chawi tur chu ni ila, chhungte an hek ve tawh khawp ang.
Aw, hello..
“I la tho na nge?”
La tho nang..
“Ngati why?”
Nizan mi ka Chat leh a..
Hetiang hi ka ni zantin fo. Hei mai hi a ni lo, fb, sms, e-mail leh ibibo thlengin ka vilkual thin. Kei Rinawma hian, rinawmna chu a tlachham i ti ve em? Ka thian bik Chhanchhuahi hian a chhanchhuak ngut ang em le? Hei erawh ka chiang a, i chiang. Rinawma hian rinawmna a tlachham a, Chhanchhuahi hian mi a chhanchhuah ring duh suh.
Nia, kha zan ber kher kha, a fuh thlawt alawm. Inhmuh kan rel ta rup asin le. A vai film rem rem khawp ang.
A insawi danah a pian a nalh em avang leh a hmelthat em avangin, hetiang hian a inchei ang. Pawnfen censor part lang lek leka chhing a feng ang. Boot rawng sang a bun ang a, T-shirt a ha bawk ang a. A awmah “Good girl gone bad” tih chuang ngei a ha ang. A bag-ah make up khat tunin a thun ang a, inti office kal tawkin a lo kal dawn a ni.
Kei ve thung hi, kekawr zuih mai ka duhtawk lovang. Skin tight ka ha duh hial ang. T-shirt ngei ka ha ve tur a ni a, “BaD bOy” tih a chuang vah tur a ni. Ka perfume hman ka thlak hial a tul ang…AXE (Even an angels will fall) ngei kha. Ka sam chu, i hrethiam vek…Emo.
Kawthalo damkawr ka nih avangin, ka fimkhur a ngai; in ah ka lo vawih lawk vek ang. Ka tihtur i hre tawh mai em? “Ngei Ngei” tlangah, kei Rinawma hian rinawmtakin ka lo nghak ang a. Chhanchhuahi min chhanchhuak turin a rawn kal mai dawn a ni. Music..tren tren.
Pythagoras theorem ah ka buai lo. Sin, cos, tan..hmangin building san lam, tehkher ngai lovin ka chawkchhuak thiam. Chess ah, an chet dana zirin; chet thum lekah pawh mi ka check hlum thiam. Awm awl mai mai a, chaw ei tawrh pawh ka ka buai lo. Ka sawihmaih thelh, ka inchhuanna ber chhungte bumah pawh ka PhD.
Mahse, hei erawh har ka ti a; ka thiam lo a ni. Vawikhat inhmuhnaa “I love you” han tih puam tûlh hi.
A lo thlen rual rualin ka thingthi rap ang a, Sahdah ka dil mai thei. Eng nge ka sawi ang? “Hi, hamara bharat” Aaa..a thing. A nih leh “Eating betlenut, no pa pa” A naupang chhia. Ka hria, “I nalh tawps, ka zo lo” Aw, hei hi a tha. E, eng nge i thawhthin min ti daih se. A pawi lo, a ti lovang.
Mahse, mahse..engtin nge ka thingthit ang? Ka khup leh lam ka phah hniam ang a, lehlam a kangsang deuh tur a ni. Hei hi a tha, a hmel a lo inhmeh vak lo te a nih vaih chuan; sam bu lawp lawpin ka tlansan ang. I samah lo tham ta se? Aih, tham lovang. A tham hman ring suh. A tham hman lo ang.
A lo thleng ta. “I nalh tawps, ka zo lo” ka lo ti dawn a ni. A re, a re..ka hmingthanpui hmelchhiat a khum nia. A sam a tui ek, a châwn chu duhawm piah lama duhawm a ni (i châwn en kher suh). A sam chu a rawn boys cut nge, horse cut nge, satel cut pawh ka hrenek love.
Ka thianpa thu min thawn chiang em em mai hian ka hrechhuak. “Nupui/pasal i zawnin, hmelah zawng suh an tih che chuan; hnek pawp rawh. Hmeltha hmelthat chhung chu a rei lo a ni thei. Mahse e, hmelchhia hmelchhiat chhung chu rei tak a ni r…ei tak” tih hi.
A hmelchhe hranpa lo. A hmel a inhmeh lo mai mai alawm. “Hetiang teh hrepa hmel inhmeh lo te chu, fb a a profile picture kha; an kawmthlang nula a ni chiang” ka ti rilru. Ka lo tawng chhuak zawk em mawn le. Eih ah..hmm!! Ka mitsulh a, arsi a de chuai…mangtha.
Thianpa thuthawn bawk a lo lang leh. “I vanneih zia hi i hria em? I lo chhuahna kha inches khat chuan thlang hlek se, ek tum i ni mai dawn si a” tih hi. Ek tum ka nilo tih ka inhre thut, thawh ka tum. Ka kawngah min lo thut bet chu niin, hmeichhe insawisaktir kher chu a nâ ka ti.
Ingki ingki pawngki a duhthlan tur pathum ka nei-
Pakhatna- Min ngaidam rawh ka tih chuan, min thut lovang.
Pahnihna- Hmeichhia thuhnuaia kun chu a nâ ka ti ka tih chuan, arsi ka hmu leh ang.
Pathumna- Ka hmangaih che ka tih chuan, ka fawp thei ang.
Intipa takin pahnihna ka’n thlang fuh pek. Arsi mai nilo, chhohreivung leh zangkhua te nen lam ka hmu..second coming.
Ka chhip samah min tham kang, lei ka si lova; van pawh ka si hek lo…ka rin aiin ka fit. A ho e, ka rilrua awm a hre chuang lo em mai. Eh, eh, a duhtawk mai lo. Min thlah dawp a, ka ke a hit sawk..German ral lian.
Vai film chu nise, inchhawng sang deuh atangin a lo zuangthla ang a. A san dan en chuan, a ke ulh ngei dawna a lan laiin; vaivut a khu sut chauh ang. Chutah, ka pum velah min hnek sawk sawk ang. A hmuhnawm dawn chauh emaw tih laiin, khawilai ramngaw velah kan zai leh daih awm si a; ka ti rilru. Mahse, mahse…
A nâ ka ti, ka zep lo. Phuba ka la khawp ang. Facebook, earbook emaw nosebook pawh nise; ka chat tawh lovang. Sms, jms emaw fms pawh ka thawn tawh lo hrim hrim ang. Chumai ni suh, e-mail emaw utawkmail pawh ka mail tawh hek lovang. A mah avangin, zanrei tak tak ka meng ziah lehnghal.
Ka huntha tam tak ka khawhral a, tul lovin zan rei tak tak ka men phah fo; rin aiin an lo hmelchhe duh zek lehnghal. Mahni chhiat phei chuan, a buaithlak. Fa hmelchhe fe fe kan nei ang a, nu leh pa min chawimawi dawn lo em mai. Chuvangin, sms leh fb chhass tih vel ka nei tawh ngai lovang. Ka sim hmak…
Ka chhip sama min tham te, arsi ka hmu te kha chu a pawi lo. Ka ngaidam thei. Mahse e, a mawngtamin mi uan khum kha chu; ka theihnghilh har tawh khawp ang. Hei hi i lo hrilh dawn nia.”Ka sakruang rawl chu dam mah se, ka kawnga i thut bet chu a dam thei lo”
Patling hi ka tlawm mai dawn lo rengs, “Min la cho em?” ka la ti fan e.
Similar Posts:
- Zo leh zo ngei runhmunah i leng ang aw
- ARSITE BERAMPU
- SMS hmangin tawng kan suasam
- Zan vak
- Nula te hriat atan
November 14th, 2011 at 8:03 pm
Chhiar ang.
tren tren.
November 14th, 2011 at 8:08 pm
Nia chhiar phawt ang 2nd . 😛
November 14th, 2011 at 8:13 pm
Chhass i nei bawn riap riap hle mai. :d A ngaihnawm e.
tren tren.
November 14th, 2011 at 8:17 pm
Lr hlonchhing hi, i thu leh hla hi a bu in chhuah teh, thu leh hla i thiam tlat. Keini ang chuan kan mit a kan hmuh leh hriat loh chu kan ziak ve thiamlo a, nang chu i ‘imagination’ a tha tlat (Y)
November 14th, 2011 at 8:20 pm
Chess ah, an chet dana zirin; chet thum lekah pawh mi ka check hlum thiam. 😛 (Y)
ngaihnawm thin e…. (Y)
November 14th, 2011 at 8:23 pm
A thupui a ‘German’ tih khian ka mit a la tehdaih a. Anmahni leh an thenawm ram te khuan ‘zarmen’ tiin an lamin ka hre si a ngatinge Mizo tamber hian ‘zerman’ an tih teh daih chule? Misual ho hian engtinnge in lam ve hlawm chu aw?
November 14th, 2011 at 8:24 pm
@sheldon, kei khawvel-thila-mawla hian, zah avangin; ka lu ka chan palh ang e. I ti zahthlak em mai. Sawi tawh lo hram rawh.
November 14th, 2011 at 8:26 pm
@Pakak, inkhel ila 😛
November 14th, 2011 at 8:28 pm
Mi inbawl uar lutuk hma, MIRC uar lai kha hetiang lamah chuan a nuam in ka hria. CK hlawhtling fe fe lah sawi tur an tam 😀 . Khatla nula pakhat erawh kha chu a hmunah ka hmu ngam ta lo, ralkhat atangin ka thianpa nen let leh mai ang kan ti tawp…… a chhan ka sawi dawn lo rengs 😛 . Lunglen thlak ve reuh. Good post (Y)
November 14th, 2011 at 9:00 pm
Ngaihnawm khawp mai . (Y) . 😀
November 14th, 2011 at 9:04 pm
@8..chet thum lekah ka thi palh ang 😛
November 14th, 2011 at 9:06 pm
@Pakak, ka lo insawithei deuh a ni. I hrethiam…
November 14th, 2011 at 9:13 pm
chhiar a nuam e (Y)
November 14th, 2011 at 9:24 pm
Nu leh pa buma phd tih khi ka duh lutuk! Ka thiam loh pawh a ni lo. Lawlsss
November 14th, 2011 at 9:29 pm
Sin, cos, tan hmang a,tehkher lo a in san lam teh thiam ve chu ka van chak! (Y) . A formula please.
November 14th, 2011 at 9:29 pm
#14, ka thiam loh pawh a ni bik lo 😀
November 14th, 2011 at 9:34 pm
#15, Trigonometry a ni a. I hrethiam vek tih ka hria. Angle erawh kan mamawh, ka sawi kim duhlo lui. In bawl awih loh 😛
November 14th, 2011 at 9:35 pm
Eng thu nge in sawi tak daih a… sin, cos 😀
November 14th, 2011 at 9:39 pm
@sheldon, aaa..eng lo a nia. 17 a ka sawi khi a nia.
November 14th, 2011 at 9:40 pm
Kei chu ka hrethiam velo 🙁
November 14th, 2011 at 9:44 pm
@sheldon, ka awih chiah lo nain, i hriat loh tak tak erawh chuan; hmm ka la hrilh che nia (insawithei) 😛
November 14th, 2011 at 9:47 pm
#21 Uau, ka la hrilh dawn che nia tih zawk tur. Edit hman tawh leu.
November 14th, 2011 at 9:55 pm
A thuhrim in i ‘date’ khi a va pa tiah tiah ve a. Nangmah paw’n i hlau leh sia 😀
November 14th, 2011 at 9:57 pm
hoh hmel deuh, ngaihnawm bawk si. Tiang hi chhiar a nuam khawp mai.
November 14th, 2011 at 10:00 pm
@sheldon, Nia.
Fb leh sms sas neih loh that zia ka hriatphah. Nei chuang lo nain 😀
November 14th, 2011 at 10:12 pm
Lr i inpuang nghal. 😀 😀 g+ ah pawh nula i vai ruk ruk zel an ti :p (K)
November 14th, 2011 at 10:17 pm
#26, i rose par ka thliak mai tur a nia. Inpuang tak tak nang a he2
November 14th, 2011 at 10:18 pm
(Y)
November 14th, 2011 at 10:22 pm
Fb leh sms chhas neih ka sim (ka la nei lo naa) ti zuah zuah ho hi chu an nei tawh a an inpuang duh lo mai mai a,an sim veng veng chawk an ti reng asin 😀 😀
November 14th, 2011 at 10:24 pm
rose leh lr chu an inhrechiang bawk maw 😛
November 14th, 2011 at 10:28 pm
Sheldon an ti tih chiah alawm ka sawi. 🙂 🙂 🙂
ck hrat ho chu desperate in a relationship an ti 🙂 🙂 tak tak ni maw?
Fb in a zawm chu pawh then har lo rassss an ti bawk 🙂
November 14th, 2011 at 10:29 pm
#29, nei duh lo rengs.
Tak tak a nia, fb ah pawh thian ka nei tam lo khawp mai. A hmingin ka fb deuh mai mai. 😛
November 14th, 2011 at 10:33 pm
@sheldon, min thik chiang 😛
Rose hi min bêm hmasa kher a. 😛
November 14th, 2011 at 10:35 pm
Fb in a zawm chu pawh then har lo rassss an ti bawk – a dik duh hmel 🙂
Lr, thik lo e. Ni ru, ni ru.
November 14th, 2011 at 10:38 pm
@sheldon, ka kawp dawn che u. 😛
November 14th, 2011 at 10:39 pm
nia, ni ru ni ru ni ru :p :p :p
November 14th, 2011 at 10:44 pm
Haha..rose, lr-a hi ka khawngaih tlat nia. A chhan chu maw, kan 2 hi, a mal pawn min ngam ka ringlo 😛 Khi a ‘date’ nu paw’n a thutbet ania 😀
November 14th, 2011 at 10:44 pm
fb sas cu duhlo reng reng misual sas ngat le.
November 14th, 2011 at 10:48 pm
@sheldon, kan harsa bawk si a, lps pro fight a tel ka tum lai tak a ni a, min thut bet tawh kher lovang. 😛
@roseparvul- ka kawp tan che u hi. 😛
November 14th, 2011 at 10:55 pm
Liando misual sas pawh hi pawh then an har miah lovang :p :p (a hria an awm mai thei) 😛 :p :p
Lr a hi aww…. A date nu chanchin ka chhiar ka chhiar a, darthlalangah ka inthlek nulh nulh mai :p :p
November 14th, 2011 at 10:59 pm
@rose, tan lak a ngai alawm. Ka mit, ka beng, ka hnar-a mal te te chuan an tha filawr. Mahse, an tang rual duh tlat lo 😛
November 14th, 2011 at 11:14 pm
41 a ka kawmen ka kansel e.
Roseparvul kawmen ka chhiar sual khauh pek chu le. “Ka” a ti reng zu nia. Nia, han tang teh 😛
November 14th, 2011 at 11:24 pm
Aaa..i sawi ta sa sa kawmen kansel theih a ni lo. 😀 😀
November 14th, 2011 at 11:32 pm
Chhiar a nuam thin khawp mai, thil eng2 emaw min ngaihtuah chhuah tir a lawm mawle. Hmelchhe hmelchhiat hu chhung chu rei tak a ni ka LIKE bawn tawp
November 14th, 2011 at 11:43 pm
hmelchhia hmelchhiat chhung chu rei tak a ni r…ei tak (Y)
November 14th, 2011 at 11:47 pm
Post tupa hian a post hi kan kutah a hlan, a bikin rose-i kutah. Chhan tha te a awm ka ring tlat 😀
November 14th, 2011 at 11:51 pm
Sheldon he paws hi ka hlanchhawng leh ang che, rawngbawlna anga ngaiin lo pawm hram mai ta che :p : pawstupa sa pelh lamah a tui thar a, a beram aveng hman ta meuh lo a ang. 🙂 :p :p
November 14th, 2011 at 11:54 pm
Hehe…rose, kan half-century tep ania 🙂
November 14th, 2011 at 11:57 pm
Han half law law ta che shelly.ka kian ang che :-[ :-[
Kan berampu hi a muthlu ta em ni le? :-S :-S
November 14th, 2011 at 11:58 pm
Tunlai thangthar(thanghluite tiamin) tawng hman than thar mawi ka tih leh ka lawm em em chu- NI R’U tih hi a ni. Thu tamtak a sawi. Comment number 36-naah khian a lo lang leh a. Ka kalsan thei ngang lo. Facebook-a commentnaah hian mi pahnih a fal deuha a inbiak chuan he tawngkam hi an hmang uar viau bawk. Awmze nei- inngamtlakte lak chauha hman chi ni awmin a lang.
Tin, ‘inngaizawng r’u’ tih hi tawngkam mawi tak- induhsakna thuchhuak niin ka ngai tlat pek.
Thuziak pawh chhiar a nuam. (Y)
Mahse Sin hi Sin a nih satliah lova ‘Sine of theta’ tih kher loh chuan a famkim lo deuh em aw ka ti thin…. chutiang zelin Cos pawh hi ‘Cosine of theta(any unit of angle)’ leh ‘tangent of theta, cotangent of theta, secant of theta..etc’ pawh hi. Lam tawi hian kan sawi fo va; a full form hian a awmzia riau thin.
November 15th, 2011 at 12:03 am
@Ignatia, ‘Tunlai thangthar..’ inla senior viau suh. Kan fapa rual lek i nih kha
November 15th, 2011 at 12:04 am
Sheldie: Patling ka’n nuih huk chu le! Min hrechiang lo a niang. Kei chu ka upa alawm.
November 15th, 2011 at 12:05 am
phek thar kai ang..
November 15th, 2011 at 12:06 am
kan misual berampu beramin no thar (phek thar) a nei ta. Mu ang! Sheldon te, paws tupa te keima chungah te leh midang chungah te lawmthu awm rawh se.
November 15th, 2011 at 12:07 am
Ignatia @52, hria e mawle. A bak chu ka sawilo ang
Tunlai hian ka problem pangngai ‘zan a muthilh mai theihloh’ kha a lo chhuak leh a, tihian ka comment ta vak vak pek anih hi.
November 15th, 2011 at 12:09 am
Thlanrawkpa chhep chhep mai chu(h) ! Chhuahna a rei tawh bawk a, i khup a muang deuh tawh a ni mau?
November 15th, 2011 at 9:16 am
Hahaha.. Ka va hlimpui tehlul em! Thuziak i thiam zuai zuai ngei mai.