Tunlai khawvel changkang zelah keini Mizote ngei pawh hian hmalam kan pan mek zel tih kan hre theuh va. Nungcha humhalhna kawngahte, dan leh hrai hriatna kawngah leh thildang tam takah kan society-in kan lo pawm tawh thin dan dik lo tam tak kan bansan mek zel a. Hei hi thil lawmawm leh changkanna kawng dik kan zawhna tura tihmakmawh a ni reng a ni.
Hetih rual hian mi inang lo, sa inang lo awmkhawm kan ni miau va, kan thil pawm dan leh hmuh dan pawh a danglam a, ngaihdan hrang, pawm dan hrang pawh a awm zel bawk ang.
A bikin dan leh hrai (law and order) chungchang kan thlir dan leh pawm dan hi a inang lo zual bik em ni ka ti thin. Dan a awm a, a kengkawh turin sawrkar kan nei bawk a. Khawii hmun/vengah emaw JAC/VDP duty te leh tlawmngai pawl NGO hminga hma lo lak ve chhen hi a tul lo, an kuang lo an nawr tih lam hawi tawngkam eng eng emaw pawh kan hre fo. Ni e, a dik e.
Chutih rual chuan heti ang kawnga thahnemngai taka hmalatu pawl hi awm ta lo se, eng angin nge kan society-ah hian nghawng a neih ang tih hi chhùt tham fe a awm ngei ang.
Kawhmawh bàwl ching thenkhat, tlawmngai pawlten an zilh nikhuaa, rights kan nei vek alawm tih changchawia ‘Sual nei lo chuan min deng rawh se’ te kan ti leh ringawt thin hi ngaihtuah chian a va tul em! He thu sawitu Lal Isua kha sual nei lo, tha famkim a ni a. A tawngkam pakhat keini mihring famkim lo akara tisual fo ten, mahni tihsual ata inhumhimna tura kan lo la vung ve vak thin hi Lal Isua sawina ki nen pawh a inang lovin, a danglam thei viau lo’ng maw?
Mimalin zalenna leh dikna chanvo ‘rights’ kan neih hi kan thlur bingin kan hmu lian hle thin a. Chutih rual chuan, midang tana hnawksak lo tura kan dikna chanvo kan hman hi kan mawhphurhna leh tihtur (duty) a nihna lam hi kan hre chang leh meuh tawh thin lo em ni le? Ka nun a ni a, ka thu ber, midang zilh ka mamawh lo ti ni awm fahrana mahni duhdan anga tal ve tawp tawp, midang tana hnawksak thei thil a awm em tih ngaihtuah leh si loh hi thil dik a ni thei dawn em ni?
Ni e, zep teh vak pawh a tul lo, kan hre tlâng vek a, midang tana hnawksaka khawsa thinte hi dan kengkawhtute hian an vil hneh miau lo va. VDP/JAC emaw ten hma an làk a tul chang chu a awm ve chiang a ni. Mizo Society-a kan tel ve anih chuan eng emaw changa vuak tuar ve zauh te pawh a mihring azirin a tul ang chu, kan Bible ngei pawhin ‘I fa chu tiangin vaw rawh’ a ti ve tho a ni lo’m ni?
Amaherawhchu invuak emaw, kut inthlak hi a tha a, ka thlawp vek e ka tihna erawh a ni lo. Kan thatna tur anih phawt chuan i invua ang u ka ti a ni zawk e. Mahse, tihnat duh vang emaw, phuba lak duh ve hrim hrimna vangte leh huatna vang ni lo se la; siam that duhna thinlung pu-in, hmangaihna vang ni zawk rawh se. Chuti ni lova a pawng apuia invuak/inhrem leh kut inthlak leh ringawt thin erawh ka do ve reng thung ang tiin ka mimal ngaihdan ka rawn tlangaupui ve a ni e.
Similar Posts:
- Bawihte
- Hmangaihna vang a lo ni
- Ka sawi ve ni
- Hringlang Tlanga Pialral “Waiting List”
- Mizoram CM atan tunge tha ber ang?
November 14th, 2011 at 4:46 pm
.
Report this comment
November 14th, 2011 at 4:51 pm
Hei zet chu ka’n tui 2 ve hlek a nge. Misual vuak hi invuak tui laklawh a awl a, a the ber lo, thuneitute hnena hlan mai a fuh fo. Mahse, jail-a an tang rei lo lulai lutuk thin hian anmahni man tuma tha leh zung tamtak lo seng tawhte a ti hnual thina, kan dan leh hrai hi chu kan lekkawh that deuh chu a ngai ni berin a lang.
Report this comment
November 14th, 2011 at 4:56 pm
Tha lutuk
Misualte chu an thatna tur anih dawn phawt chuan vuak hlum thak mai tur
Report this comment
November 14th, 2011 at 5:08 pm
Kut inthlak ringawt hi thil tha ber a ni lo tih chu a hriat reng a ni. Paws tha lutuk. dan hre ho khan han sawi zawm ula ka va’n ti em!
A mana rui,a man hruaitu police rui, a check tu daktawr rui bawk ang chi hi chu a hit lo ve em a ni!
Report this comment
November 14th, 2011 at 6:01 pm
@4lolz Roseparvul, a tak tak ania aw i rawn sawi. Police ho pawisa duh lutukin zan dar 11 velah medical turin zurui an man a, pawisa pek tur a nei si lova le, zan dar 11 velah doctor an va kai tho rawk a, ani lah chuan ” in mi man a pawh a rui, a man tu te lah in rui, kei pawh zanin chu ka rui tho, kan in tluk tlang vek a tia” a lo chhuah tir zaih a sin le
Doctor ho sawi chhiatna post a awm lo a ka rawn tel ngam ve leh duk duk. Doctor ho leh a tan tu te zawng zawng mi(sual) ho in an vaw hlum vek dawn an tia, kei pawh kan doctor ho ka lo tan ve zauh zauh sia, ka biru daih lawm. Kha kan doctor rual ho pawh an bih ruk vek kha
( OT lo ang chu maw)
Report this comment
November 14th, 2011 at 6:20 pm
Doc lib keipaw’n chu chu vawikhat ka hmu tawh alawm. An zavaia tukhum fawn hlurh hlurh khawpa vuak rawn a nia ka duh ni.
Daktawr ho te kha zam re re suh u, daktawr ve phalo kan tam hi
(te ka tia)
Report this comment
November 14th, 2011 at 6:30 pm
Pian that leh a Doctor nih hi ania ka chak (tak tak)
Report this comment
November 14th, 2011 at 6:41 pm
He hla hi ka hmu fuh a doc_lib-a’n a inhmeh dawn riau in ka hria a kalo thlan sak lawk mai. OT ka inthlahrung viau na chungin.
https://www.youtube.com/watch?v=A2ZSYu5DrtU
Report this comment
November 14th, 2011 at 6:46 pm
Ka hriat ve hoah chuan JAC/Welfare/VDP adt ang a duty thin te zinga mi kut thlak phur riau ho hi pa huaisen vak lo anni tlangpui. Nupuite hlawh ringa khawsa ho hi an phur duh phian (an ni vek e phei chu ka ti hauh lova)
NOI
Report this comment
November 14th, 2011 at 6:47 pm
Law leh rule hi hriat hran angai kan tih tawh kha
Mahse a pahnih hian society in a pawm chuan a in ang reng! hremna pawh an lek kawh thei ve ve tur a ngaih ani.
Kohhran pawi sawi ‘dan pawn a hnawl’ ang chiah hian kan society kal phung pangngai leh society ti hmelhem thei te chu kan society hian a hrem thei ani (in awih lo deuh em?)
Mi right violate tur in tumahin right an nei lo. Mahse society in a khawtlang pawikhawite ‘tanpui duhna rilru nena a hrem anih loh chuan’ bias viau in a lang awl khawp mai.
Report this comment
November 14th, 2011 at 6:59 pm
@8 funny a mai mai chuh. Keini detective ten khitiang hla kan kurpui ve hman lo, kan hla duh zawng te chu ‘thisen thisen’ tih ngat a sin..
VDP te JAC te YMA te hian mi awm tha pangngai hi an vaw ngawt khat khawp ania. Kei pawh min la vuak miah loh hi
Report this comment
November 14th, 2011 at 7:11 pm
@7.Sheldon, keipawh Mithianghlim Luka chanchin hian min hneh thei lutuk a, amah anga Doctor thiam lutuk, Pathian awmpui tlat nih a, miretheite Damdawiin tha pan theilo te tanpui thin hi ka thil chak ber, ka tih theih tak si loh a ni.(Science leh Maths thiam miau hek lo).
Report this comment
November 14th, 2011 at 7:16 pm
Mitin hian dan hi i ngai pawimawh in zawm theuh i tum ang u tih te mai hi kan sawi ve ang e.
Report this comment
November 14th, 2011 at 7:23 pm
-do-
Report this comment
November 14th, 2011 at 7:29 pm
Sheldon nang aiin daktawr nih hi ka chak ang. (te ka tia)
Report this comment
November 14th, 2011 at 7:33 pm
Pu Pk@12, ani ngawt mai. Dr. Luka lehkhabu kha kan High School kal laiin ka chhiar a, bu te takte, chhah lam deuh anih kha. Print thar leh se hi ka tia, a doctor hna a a inpekna te, a nuna hmangaihna lo thleng, a vanduaina te, hringnun ngaihnawm ber te zing a mi ani in ka hria.
Report this comment
November 14th, 2011 at 7:37 pm
Kan chhiar phawt ange auh
Report this comment
November 14th, 2011 at 7:39 pm
#14 chu alo luh hman chu a…
Invuak/kut inthlak chungchang tlem ka ngaihdan…naupang ah,misual/awm tha duh lo ah pawh ani vek ang chu….
Mihring kan in ang vek lo a,vuak that theih hi an awm teh meuh ania. Chutih rualin mi luhluh,ngawi ngal mai thin leh ngaihdan pawh sawi ngai lem lo ho hi chu hmangaihna ka atanga thu tha fah leh kawmngeih bak hian a siam tha thei thlat in ka hre lo. Vuak a ngeng tulh2 hi an awm ve ania.
Report this comment
November 14th, 2011 at 7:50 pm
Nia,’misual’ te chauh hian rights an nei e maw kan ti thin a.
Human rights te hi zu zuar/drugs leh KS etc chhanna amaw kan ti ni te hian a lang thin emaw ni te ka tia, chiang vaklo
Report this comment
November 14th, 2011 at 7:51 pm
@rose, kan chak dan a inang vel ang
JAC/VDP chungchang hi a sensitive khawp mai a. Zurui ve tho chunga an duty or mi kut an thlak anih chuan an zahawmna a bo thak. Khawtlang tan an hlu khawp, kan Police te an indaih si lova.
Mahse, an kut in dan lekkawh lo se, thuneitu te hnenah hlan thin se ka ti. JAC/VDP rui thin an awm chuan inthiarfihlim ngam teh se.
Report this comment
November 14th, 2011 at 7:51 pm
Sheldon, Dr.Luka lehkhabu hi, ka thil neih zinga ka roh ber pawl a ni. Tin, ka nun a kaihruai nasa.(Luka angin Mi tumah hi ka chung en lutuk lo va, tumah hi ka hnuaichhiah lutuk hek lo) Tin, midang chunga hlei lenna ka hriat hian ka han sa phat a, ka duh rum thei viau a, mahse Luka angin mi ka khawngaih leh thuai thin si. Midang chunga hlei lenna ang chi reng reng hi chu, an phu tawk a engemaw han khilai ve sak hi chu ka thlawp reng mai. Mahse a lutuk erawh chu, sual huat thlala ve tho a ni. A awm tawk a awm e.
Report this comment
November 14th, 2011 at 8:00 pm
Tha khawp mai . vuak ngai chu vuak tur . a vawtu rilru dik bawk rawh se . Khawtlang hruaitu nih a vang a kut thawh thlazen hi chu a tha lo , mi zawng zawng in vuak awm a an ngaih hi chu vuak zawt mai tur . .vuak ngaia awm loh tur.
Report this comment
November 14th, 2011 at 8:07 pm
mizoram kan ram ve mawlh hi zawng ami cheng te hian ram hrehawmah kan siam zo ta ani e….
Report this comment
November 14th, 2011 at 10:38 pm
“In zinga sualna nei lo chuan deng rawh u” Isuan a tih kha kan lo la kawi a a hmun lovah kan hmang ve ringawt….he a sawina situaition ah hi chuan an den tura hi den hlum ngei ngei tur a ni. Isuan an den(an punish) a khap a ni lova kn mihring pui unaute nunna lak sak tur khawpin kan thianghlim tawk love tih a rawn lan tir na a ni. Misual te chu vuak hrep theih alawm
Report this comment