Hmanni lawkah Valentines Day kan hmang a, khami ni khan mi thenkhatin ‘i va hawi hil awm ve’ an rawn ti nual a. Ni e, khami ni kha in hmangaih te Ni a ni tih mi sawi ka hria. Enge hawi hil tih pawh chu a awmzia ka hre ta chuang lo a, kei ‘innocent‘ lutuk mai hian. 
Pu adelfos te anga ‘Psychology of Love’ lehkhabu ziak tur hre ve lo mah ila, ka zawn tum dan tal chu kan thai rang ve leh teh ang. Zei Book kha chu ka chhiar ve ngei alawm, mahse a har talh tho mai. RTPA chuan a hmang tangkai phian a ni awm e, engmah chu ka hriatpui ve lem lo a. ;P Benji lah hi khami ni kher kher kha chuan missed call pawh a dawng hnem hle a ni awm e, chhungte lam atangin. Sam sei lam a be rei deuh aniang.
Kanidari te anga nuthlawi nghei hlei lo tal pawh biak that tur kan hriat ve loh avang leh, Pu Keimah te anga “hmangaihna” tih hi chu ka hmuhchhuah kan ti ve ngam loh avang te pawh a niang. A, a thui ltk dawn. Pu Zorun te, Pu H. Vangchhia te, Pu Burgerstud te phei chu sawi lo law law teh ang, an hmel en hian ‘Kei ka ni’ ti thrah an nia. A samsei ber ‘Pi‘ BMW lah hi, nui thler duai duai ringot a, ‘propose’ chi ni bawk si lo.
Awle, chhas chu kan zawng teh ang. Darrokima nupui zawn dan style deuh khan. Nakkum V-Day chu ‘A nuam em?’ tia zawhna ka dawn theih nan. Cindy saw ka va be tawp dawn emaw ni le, ani hi naupan lai atanga ka kawm thin ania. A ngo si, sam sei nalh si, fel reuh bawk si, sap hming a la nei zui. A zirna lam chu ka hriatpui vak lo, a thiam thei vak lo an ti tih chu ka hria. Mahse, va be dawn ringawt ila min hrechiang si. Tetlai pawha ‘Lulian‘ tia min chhaih ziah tu kha a ni sia, ka zak deuh reuh. “Nang pui hi, i lu a len nen nen, thluak te hi nei ve deuh la chuan aw,” min lo ti zek ang tih ka hlau. Ti rih lo mai teng.
Nih leh an kawmchhak deuh ami Babie saw. Enge a an ang? A u pawh a chhelo lutuk, amah pawh chuti tho. Be tawp mai dawn emaw ni le, Cindy leh Babie hi chu ka naupan at zual lai pawha “To be with you” hla ka sak khum thin kha an ni a, “C’mon Babie, C’mon Cindy, Let me be the one to show you..” ti khan an inkawtah te khan ka zai thin a. Khatia ka lo zai thin kha a va pawi tak em, tunah hian ka be ngam mang tawh hleinem. Nunhlui sawi chhuah changa, khami an sawi tel ziah kha chuan za lo deuha nuih nuih kha a ngai thin a. Ti leh lo phawt mai teh ang, a dang zawng leh ang.
Sawmi pawh saw a chhelo mawle. Mi zawng zawng star rawn ania, tin, chhas a nei lo. A fel si, zirtirtu a nia, Sunday ah lah a nalh thei na ngiang mai. Mahse, “Ka nau” tia min koh tlat thin avang leh, “U Sawm” tia ka koh thin atang ringot pawh hian a ‘Si‘ ve tawk tawh tih chu a hriat. Tin, chubakah, ka nau hian a * ve tho bawk si a, unau naua * in tawm chu tihchi vak loh, a hrang ve ve in kan leng chhuak a, len luhna a lo inang leh trut zel a. Lo thu rawh tih paha, kan unaua kan laitat hnu a awmdan mawi min hrilh melh melh mai thin hi chuan, a zialo lam deuh chu a ni. Ka beidawng tawh hrih, mahni a chhas zawn chu ka tlin mawlh lo.
Thiante ka’n pun mai teh ang. Khawnge thianpa Eric-a saw a zei alawm. Hmeichhia chu a duh duh a thing thei an tia, ka va be re re teh ang. Mahse ani pui hi, chho zawng pawha tawlhthlu thei, nitin damlohna chi hrang hrang nei thin a ni sia. Ka ngaihtuah deuh, a khawngaihthlak ka ti. Min tihpui lai te in a damlo thut anga, a tihchi loh. Anih loh pawhin, aieng tui hi bottle in min pai tir ang tih ka hlau si. A thatlohna chhuah hian aieng tui a tlak leh pap zel a, a zia ve phian zel. Midang ka be mai ang.
OPa a awm alawm, hai sikul atang tawha nitin haw pui tur nei thei kha ania. Tin, chhas a rim dawn apianga zahzela min hman ziah thin avangin tun tum chu min zawnpui a ba ve hrim hrim. Mahse ani hi ama tan chiah hian kua a hreuh thiam an ti. Midang a lenpui chuan, an tuina lam pawh ngaihtuah lovin ‘pikachu chu a in evolve chuan raichu ania’ tih vel te kha a sawi thin a. CHD-a pawhin a lenpui a, an lennaah spiderman lem a chang vel a ni awm e. Chuvangin a che chukchu ang tih ka hlau deuh sia, ti leh lo phawt ang.
Puithu deuh hlek leh serious deuh ka mamawh ani. Awle, thianpa Maia hi pun mai teh ang. Ani hi a puitling deuh a, bakah a hunah chuan a zei ve riau tih pawh ka hria. Mahse, pawi ber mai chu a hmel hi a ni. Hmeichhia hian hmuh thalo an hmuh hian an damloh phah thei thin sia. Min va lenpui pawh nise, “Tunge i thianpa hi, pressure cooker a ham puar pup duh hmel” te hi an lo ti anga, ka thianpa ani sia, ka lainat dawn bawk si. Midang kan zawng leh chhin.
E, thianpa Chd-a hi bia ang. Ani hi midang tana zawn thiam, mahni tana zawng thiamlo an ti tak e. Mahse, lennaah a tawng tuihnai lo thei lutuk hi buaithlak. “In inchunga khi sazu a tlan leh tawh, ah! khuta pawh khu” tih vel kha a ching thin a, hmeichhe tan chuan tawng ngamna chi hi a ni tawh thin lo. Ka thiante ho hi an va lo laktlak loh hlawm ve mawle.
Bei tih dawn nan RS-a be leh ang. Ani hi thingpui heh hlur ringawt mai. Regular taka a lenna thinah phei chuan naupang an nei sia, “Thingpuiheha a lo leng leh ta” a lo ti ziah a ni awm e. Zahna chang lah chu zu han hre der lo a. Lennaah hian Ngopa thingpui tui zia ringawt te kha a fak chiam anga, lenna ten thingpui min lum pawhin an thingpui tui zia ringawt emaw kha a sawi a ni anga. A point ah tak kan luh theih loh ka hlau. Ka va beidawng tak em! Thianpa John-a lah saw hmeichhe ina len tawh chuan ‘unconcious’ in a awm ta emaw tih mai tur, biak tawng theih tawh ngai lo re re, thuthleng sirah a lo thu khawng ngawi kar zel a. Saw saw chu be lo law law ang.
A, ka beidawng a ni e. Nakkum pawh, “I va hawihil ve” an tih pawhin ka nui liam leh mai mai ang.
* A chunga thu khi dawt muhlum leh thutak tlem chawhpawlh a ni e.
Similar Posts:
- Zei Book – Part 2
- Zawng lai te tan, chhas bem dan thuruk (method).
- Khawinge Hmangaihna zawk niang le?
- Mizo nuna MAKPA te mawhphurhna
- Ka ning zozai, mahse…!
Fire Department ho lah hi...
February 18th, 2008 at 2:30 am
Ekhai, a ngaihnawm kher mai a. Kan pu adelfos Lehkhabu ‘Psychology of Love’ tih chu Synod Book Room leh Pu Bualhranga lehkhabu dawrah chuan lei tur kan la hmu em ang chu maw.. Lengchhawn press publish em ni kha?..:) Ngawi reng hian a lo he tih vang a nih hi a reh leh daih thin ni..te ka ti ta deuh a..:) Midang i han hmehbel te pawh an phu hluah hluah vek mai..
Report this comment
February 18th, 2008 at 3:11 am
Lal father, min ti nui nasa leh pek lutuk. Lenna a zeilo lutuk ‘ unconcious’ ang mai tih hi ka tran lutuk.
Nangmah ( or i thilsawi) vanga ka chet chhiat trep na kan hrilh zuai che. Saturday zan khan ka thiante inah dinner kan ei a. An chhungte dang an rawn tel ve bawk a. Pakhat mit lehlam pual a rawn kal ve ta! min biak apiang khan ‘mit lehlam fuse’ i tih kha ka hre chhuak zel a. insum a har bon top top.
Report this comment
February 18th, 2008 at 10:06 am
Father kan va in an hmel ve.. leh pekah chuan kan rawn rawn dawn che nia..Hawihil hi ka ning ve ta khawp mai..
Report this comment
February 18th, 2008 at 11:57 am
Chass lampang sawi chuan chabetkaia pawh a rawng lang hlawlh mai lom..hehehehe
Report this comment
February 18th, 2008 at 12:00 pm
Iau, father chu va in la riang ve aw… Keini ang tihngaihna hre thlawt lo chuan kan lo inhmehbel a, a dik thlup vek mai. Lung te pawh a chhe thei rum rum a lawm le… Ngaihnawm khawp mai.
In lehkhabu rawn sawi hi tunah chuan concept mai a la ni rih a. He lehkhabu-a an thu leh hla kan chhiar tur zorun, father, keimah, kanidari, bmw, benjamin, silentman, myself etc te an inpeih hun hunah kan ziak tan thei ang chu. Anni hian an experience an puanchhuah atangin nula leh tlangval romance lama beidawng mekte tan beisena thar an siamsak thei ngei tura tlang rin a ni. Mipuite lo chiai lo i la…
Report this comment
February 18th, 2008 at 1:48 pm
Khai leh, khai leh!!father… hmanni V day-a ka rawn phone che a, “ka ngaihtuah hle mai che’ ka rawh tiha nui chunga “Kan ngaihtuahawm dawn emaw ni le..??” tia min rawn chhan laia i bula sam sei aw ngei nui ri ker ker kha tunge?? Thil hi i peh hel kual nasa thin em mai…inpuang law law teh!! Engpawhnise, a taka harsatna nei te tan hetiang hian Thurawn 10 ka han siam teh ang:
1.adelfos, Master of Romanticology First class first-a passed ngat hi hetiang lamah hi chuan rawn tlak ngawih ngawih a ni. Consultation Fee pawh a ti tlawm viau an ti!
2.Hlawhtlin leh tlin loh lam ni lovin, Experience ngah hrim hrimah chuan Zorun-a tluk an awm lo. Ani hian thurawn englaipawhin a pe thei reng.
3.A duh khirh lutuk deuh thin tih mai lovah chuan kanidari hi Chhas zawn pui tur chuan rawih chi lutuk bawk! Ani hian a thlan chat tawh fuh lo an awm ngai lo!
4. Pu H Vangchhia hi veng danga nula rim dawn chuan nula awmna veng tlangval ten min lo tihbuai loh nan hruai ngei ngei tur!
5. RTPA hi a kum phu lova hre zau a ni bawk. Kal chhuah tak tak hmaa ral rel pui atan duhthusam!
6. Chabetkaia hi a ruih loh chuan chhas zawnpui atan a tha lutuk bawk. Thiante chance pek dan a thiam riau an ti!
7. myself-a hi zaktheilo viauin a lang a, mahse nula bulah hian zak awm tak leh Polite deuha awm dan thiam a ni a, minit 10 vel a sawi pui che chuan eng chhas pawh a hmin pui hrim hrim ang che! Venthawn ngai erawh chu i tan ni lovin ama tan a lo sawi palh hlauh ang tih kha a ni mai!
8. Nula bula mahni hming pu lo ber chu Silent_man-a hi a ni. A ‘silent’ lo ve a nia! Chhas zawn pui atan i sawm dawn a nih chuan sawi tura i duh kha hrilh hmasa phawt la, zan khat thil thuah a sawi rem vek mai ang!
9. Nula tu pawh i rim tak tak hmaa an chanchin, an thuruk nen lam hriat hmasak phawt i duh a nih chuan blackmagicwoman rawn ngei ngei ang che. Anin ‘Tha’ a tih chu an tha a ni mai. ‘Tha lo’ a tih chu tha lo a ni leh
mai!
10. Malaysia emaw, Foreign ram dang hrim hrima chhas i melh dawn chuan ammi rawn hmasak a fuh ang. ammi sawi bak chu Shanaz Kimi’n a belhchhah thei bawk ang.
Report this comment
February 18th, 2008 at 2:06 pm
lolzzz, hetiang kawngah hi chuan pu H.Vangchhia hi a rawn tlak viau bawkin ka ring. A hunlai na na na chuan Aizawl tlangval lar leh luck a ni satliah lo va, aizawl tlangval ‘ZEI’ a ni a, chu a zei dan tak chu keini ang nula melh ve zuk, min rawn melh let deuh nia kan hriat phei chuan kun nghal tlawk tlawk mai thin tan chuan sawi thui a har khawp mai..:)
Nula te chu kan duh tak tak chuan ‘Ka duh che, ka hmangaih bawk che’ han ti thuai mai ula, a lo duh ve hloh che a nih chuan, i hlawhtling tihna a ni ang a. A lo duh vaklo che a, a ngai pawimawh vaklo che a nih chuan, ngai i awh tihna a ni mai a. Lak nat tur a ni reng reng lo…:)
Chantawk leng zawng an bo bik long e’ an lo tih kha.. Tirhkoh Paula lahin ‘keimah anga nupui neilo theia in awm chuan a tluk a awm lovang’ a ti em ni kha..:) heng erawh pu adelfos leh myself te hian an apply tak tak mai ang tih erawh ka hlau deuh hlek.
Report this comment
February 18th, 2008 at 2:34 pm
Han chhiar thuak thuak in he thu ziak tu hi a lu a buk hmel khawp in ka hria
chhas tih lam pang a mit la keu lo, keini ang tan chuan “psychology of love- adelfos” chu kan tangkai pui khawp in ka ring. A chhiar tawh ten an sawi dan in a lehkhabu rawn list ah te pawh ” Ar awp chuan kai tawp ang hi a chin tam chi tawh loh – Zorun” te pawh a tel ani awm a, a practical hmel khawp mai
RTPA chu mak deuh asin!! Tawnzau var leh kekawrbul sen ha a , inkhelhna mual a an vei kual chiah mai zawng………………… nula ho hi an lo insik ru sup sup mai ani, a hmu tu ten an tia lawm!
@keimah chu, mipa in nula an approach dan chi hrang hrang 10 lai mai awl sam tak a rawn ziah chhuah tur i hria a, heng lam kawng i zawhna hnu chu a bel hnum hlarh a rinawm a; beidawng tawh te tan rawn tur i awm tih hriat in beiseina thar a awm leh phal hmel a, a lawm awm e!
Report this comment
February 18th, 2008 at 3:28 pm
@ Zorun – experience i ngah hrim hrim an ti che anih chu. Pu Keimah-a comment ah hian a chiang khawp mai. Tin, i thurawn hi ‘man’ khawp mai, ka duhzawng tak a ni, “Min duh em?” tih thruai tawh tur nih chu.
@ BMW – kha kha alawm miin an propose duhloh chhan che, i nui leh uar uar zel an ti che a… lolzz
@ chabetkaia – rawn leh chhawn tur ka awm lo khawp mai, zei master ho rawn kan ngai a ni, mahse ka kalpui thei ang che, kan rawn dun dawn nia.
@ adelfos, chu i lo in ngaihbel vel elaw? lo inngaihbel suh, nang nen chuan sairawkherha perh daih ang a ni, a in hlat e mai, ka situation hi.. haha
@ keimah, ka bula nui ri ker ker kha ka thianpa sas (mit lehlam fuse) anih kha, hit lo mai mai tiraw? I thurawn sawm khi a dik tak tak em tih finfiahna neih mek a ni e. A dik ngei chu ka ring a!
@ myself, a thu ziaktupa lu buk deuh kha a kawlh mul tawh alawm mawle. A sam kha lo la ti buk ta se, a luck deuh angem? or a buk pawh khan a luck chuang si lo, style hrang hrang a thlak lahin ngai reng tho, a beidawng aniang!
Report this comment
February 18th, 2008 at 3:36 pm
NULA RIM HMASAK BER:
Thla khat len dan tur kan rel ho hnuah, ka la hrereng, Aug ni 5 a ni, Thawhlehni ni tain ka hria (Inkhawm loh zan), angel hawl thlak, en zawh tawh pawha en leh ngai thin, zanmut hma tawngtai laia Isua hmel aia lang fiah thin zawk te in lam chu kan thian 3in kan pan phei ta tham2 a. Chow packet 2 kan hum lut ve a ni, luh dawn tak tak khan lut hmasa tur kan inhmu zo lo, strategy hrang2 kan rel chhuak tam hman hle, ka zunsan hlanin a pa a rawn chhuak, thiante zak khan ‘ka pi ten in ar an lawi kim em tih zuk zawt rawh u’an ti a, an ti, an tlanchhe nghal, kei ka zungzo khan an lut tawh emaw ka ti, kan lut hlawl mai, mahniin…..
Vanneihthlak lutukin rual u zawk 2 ten carrom board an lo pen, kan vantirhkohi pawh a lo thu ve, min melh bik thin a ka rin min ti ngaih tha turin lo leng rawh a lo ti hlauh mai nen,.. shala, thiante chu hlep ang aw… mahse ka jacket chhunga ka chow ah ka phawrh ngam tawh si lo, a ri leh ruap thin… an hmuhloh hlanin herhsawp hnuaiah ka dah.. rei ngial ka thut ngawih reng hnuin ‘board hi rawn pen ve la i va thu hla ve’ an ti hlauh, keia thu ning tawh leh inlak pa tum khan “Nia maw le..” tih pahin ka herhsawp thut ka chawia ka pan thla, ka chow thuhruk a lang ta,.. chow kan nan a tlai tawh bawk si…….. zak zak zak,…..
Khitiang vel khi ka ni e kei misual kethiahbal hi… min ngaidam mai teh u keizawng hetiang lam hi ka englo thenna lam a ni lawng e!
Report this comment
February 18th, 2008 at 3:43 pm
ahahhahahah… ka va nui nasa tak em! Kanidar… experience pe ‘spak’ lo ve hle mai…..
nula rim ti ila, ka thianpa in a melh no ve deuh thin te inah len puiah min sawm tlat a, chu chu vawikhat lenna tur. chuanin, an in kan thleng dawn trep, sitep ah kan thru, kawngkhar a in khar thrap sia, thil chi hrang hrang, enge an tih ang tih kan ngaihtuah. “Chaw an ei aniang”, “chhung inkhawm an nei aniang”, an tawngtai ri ngaithla ang, or, an chawhmeh suak ri.. kan nghak ngat ngat, a reha reh na ngiang in. A reh tlawk tlawk.
A hnuah, chaw an ei anih kan ring ta a, chaw ei khamah AMAH lo chu hmun phiat tur an awm lo a, hmun a phiat anga, pawnah bawlhhlawh a rawn paih ngei anga, chu chu kan lo chang dawn nia kan ti ta a. kan thru leh tlak tlak, a lo chhuak thei ta si lo. A tawpa tawpah, a ngaihna awm tawh lo, lut thut mai ang kan tia, thiana lah khan lut hmasa nih duh bik heklo, kei lah chuti bawk. Chuan kan let chho leh, thawm dim tawkin. Lung te kan chhar khawm teuh a, an kawngkhar kan vawm ri ta keuh keuh a….
a bak chu sawi zawm taawh lo ang…
Report this comment
February 18th, 2008 at 3:45 pm
E khai! in lo lak lo ve tho a ni mo? roommate-te baterry zo thak thaka an inbiak laia, “For those who are single……. Happy Independence Day!” tih SMS lo dawn bik kha chu, a nuihzatthlak dan a limit tlat. Pa rawn tlak Zorun, keimah, myself, etc te ho thurawn kan mamawh khawp mai. Tin, adelfos-a “Psychology of Love” pawh chu neih ve ngei tum tur a nih chu.
Mahse, kawng lehlamah chuan ‘chhas’ neih loh pawh hi tirhkoh Paula tawngkam takin ‘kawng tinrengah a hlawk’ riau asin! money saver, stressless, etc.
Report this comment
February 18th, 2008 at 3:49 pm
Vawikhat dang leh pawh, eng ber ka pass lawm nan khan nge ka hre tawh lo, Jean kekawr hi ka nu ten mn lei ve a, ka lawm em em mai a, zanah chuan ka kekawr thar nen, Vantirhkoh II te inah kan leng ngei a.. Rak vei zuah zuah a, zung tura ka chhuak kan indap chiang chu, a Label ka lo la pawtthla lo….. che chhe thei ve tak chu ka ni.
Report this comment
February 18th, 2008 at 4:02 pm
ha ha ha : ))
if so, what brand was that ?
is it ‘khawchhak diesel’ from south ext part 1 delhi ?
‘vantirhkoh II’ luv it !!!
Report this comment
February 18th, 2008 at 4:05 pm
Kanidari leh father nge nge, Monday mood fuhlo pawh in nula rim cc in han sawi tak2 chu kan khi thraw mai a lom!
@kanidar. Ngatinge nula rim na ah chow in ken kher a?!!! Birthday lawman te chu nisa a lanhriat thaim theih. Awi, ka type pah pawn ka la nui a nia aw hei!!!
Report this comment
February 18th, 2008 at 4:41 pm
father hi chu a len hunah chuan kanidar, keimah,mysel, zorun, H.vangchhia te ang tur hi a nia
mentor a nei tha khawp in ka hria 
Report this comment
February 18th, 2008 at 4:56 pm
min bawl fuh bawk a, bmw hian… ka’n inpuang leh lawks.. experience thring zet mai..
engtik kum nge kha aw, a la reilo 2005 kha niin ka hria. thingtlang lamah lungphun vangin krismas kan hmang a. thian kan nei si lo, ka unaupa (cousin) nen khan lenna tur te kha kan duh ve sia, kan hre si lo. 24th zan vel kha chu hma tawkah kan mu daih a, 31st chu ar kang ve ang kan tia, kan pahnihin. mahse kalkawngah, aizawl atanga lungphun hmanga kal ve tho, kanidari dan takah ‘vantirhkoh’ rual 6 hi an lo awm ve chu niin. chutia ar lei tur zawnga kan chhuak chu kan inhmu ta a. tichuan kan kal ho ta a.
ar lei tur chu kan hmu thei meuh lo. a khua a te angreng a, kan hel chhuak titih tawh, zanlai a ni der tawh mai a, haw phawt mai ang u kan tia. luck kha kan intih ve tawh tehreng nen, ar kan tur lei tur kan hmu zo lo kha a pawi ta lutuk. tichuan, vantirhkoh te inah chuan kan thru khawm ve thap, tih dan tur kan rel kan rel a, a tawpah vantirhkoh te ar chu ruk chhuak kan rel thlu ta a. tichuan, ka unau-a nen chuan kan ruchhuak ta a, a thawm a rin loh nan tiin a bawm chhungah kan khawng thlu nghal a.
Tui ti takin kan ei a, kan tlaivar ve ngei a. Zing lamah chuan ngaih thra takin kan inthlahliam a, ‘naktuk zanah in lo leng leh ngei ngei dawn nia aw” ti pahin kan in bye bye ta a. A tuk zanah chuan kan va leng leh dawn ngei mai le, inti bengvarin hmawmsawm eng eng emaw te kan han khai ve bawk a.
Kan thleng ta a, kawngkhar pui kan thlen dawn chuan, an pi ber a lo awm. Inti che fuh leh hmelhriat fahranin kan nuih vel sung sung a, khawnge ‘vantirhkoh-i’ te an awm em? te kan tia… chutah le, rin loh tak maiin an pi chuan thawm dim bak lovin min han au khum ta tak tak mai a. “Nangni hi ami, nizana mite kha. Mipa te chuan AR an tum thin alawm, in va han mawl em em ve mawle, kan AR te in lo talh mai mai. A zialo lutuk em mai..” a ti a.,, a tih mek lai chuan thui fe kan thleng hman tawh. :))) tlanchhe chak ve fu chu a ni. A hunlai chuan pawn chhuah ngamloh phah nan te ahman ve theih nia….hahahha
Report this comment
February 18th, 2008 at 4:58 pm
Kei pawh…eh, kan inpuan zo dawn!! Nula rim vawi khatna ve tho: kanidari vantirhkoh II nau…ni chiah lo kan rim dawn tumin a lawm…kal kawnga kan huai teh lul nen, an in kan han thleng chu lut hmasa tur kan inhmu zo ta lo….kawngka kha a lo inhawng sa deuh… lut hmasa turin kan inhnawn kual zak zak… chutah ka rin loh lai takin thianten kawngka inhawng saah chuan min nam lut thut…inleng engemaw zat an lo thu thup…thiante lah chu min rawn zui luh chu sawi loh, an tlanchhe nghal!! Inchhunga min han nam lut chiah chu ka pai phei awn awn a, chhuat lai takah chuan ka va ding chawt…ka han zah zia zah zia tak kha aw!! Ka lum pup pup a, ka sa vut vut a, an tap mei chhem engte chu Damaska khaw daia Titrhkoh Paula chhun thlutu ai mah khan a eng nasa zawkin ka hria!! Engtiangin nge lungphu chawl lova kha hmun atang khan ka petek chhuah leh dan pawh ka hre tawh lo!! Zak tak ka ni, zak tak!!!
Report this comment
February 18th, 2008 at 5:19 pm
Ka van lang nasa sup sup ve aw hahahaha…Zorun: hrat mi van ti awm ve aw lmao…zei ai mah in hrat zawngin mi thlir tlat lol
Report this comment
February 18th, 2008 at 5:29 pm
Inpuang lawk teh ang…Zorun in mi hmu hrat ta law law…. Tum khat chu Tlawng lui ah sangha man in ka riak lut a, kar khat vel ka awm tawh tih ah chuan…zan lam khawhar a lang deuh ta aniang…Khawrihnim a ni ta in ka hria…zan ah nula rimin ka kal ta thin a nih chu..zan li vel chu nula rimin Tlawng atangin ka kal char2…kal chhoh lam darkar 3 vel..kir leh lam chuti bawk ni ta velin ka hria lmao
Report this comment
February 18th, 2008 at 5:36 pm
rawn inpuang sup sup teh u… post hrana dah thamin..
Pu Zorun pawh a che chhe ve thin tih ka hre tlat… lo inpuang ve se.. lol
Report this comment
February 18th, 2008 at 5:41 pm
Ka sass kiss hmasak ber…for real hi 12yrs ka nih lai…lol..tumah an awmlo ka zak ta tlat pek a, sheet in inkhuh vel lmao
Report this comment
February 18th, 2008 at 5:45 pm
Kan thianpa pakhat pawh nula 1 hi ngaihzawn a nei a, kan rim pui dawn e kan tia…kawngkhar a kik a, an pen ri a hriat veleh a biru daih…(heihi a chhiar chuan ain hre hrim hrim lmao).
A nupui hi a rim thin lai pawn kawng pangai ah a kal ngamlo, an chhiah ang tih ahlau a, mi in kar kawng zim te leh step vel atangin a hel kual hrep zel lmao.
Report this comment
February 18th, 2008 at 7:46 pm
Aw a tha, Pu Vangchhia ang tur hi a ni. inpuan rau rau chuan huai deuva inpuan pap pap mai tur. Father pawh hi in la ‘man’ bawka, first kiss mai mai te chu sawi zak teuh lo, to raw?
Report this comment
February 18th, 2008 at 7:54 pm
blackmagicwoman: Nang engetik nge i 1st kiss?
Report this comment
February 18th, 2008 at 7:58 pm
Ekhai, he lai chu pa ho inpuan na hmun a ni tlats, ka lo inrawlh ve lo mai ang e. In thu sawi a lo nuih chur chur hi ka inhmeh tawk khawps. nu hovin bul an rawn tran hunah ka rawn sawi ve dawn nia!!!
Report this comment
February 18th, 2008 at 8:19 pm
“ammi Says:
February 18th, 2008 at 11:57 am
Chass lampang sawi chuan chabetkaia pawh a rawng lang hlawlh mai lom..hehehehe..”
@ammi kher a che sual thiamk reuh ltk
Report this comment
February 18th, 2008 at 8:35 pm
lolzzz….. a nuam pawh ka ti lo.
Report this comment
February 18th, 2008 at 8:40 pm
Ekhai!! hetiang zah deuh hlek na a nula rim tur a kal ho a tih dan tra ve deuh “The who get me- zorun featuring father_spinx and keimah(background noise kanidari)” a an tarlan dan chuan…….
Queue deuh in kawngka bul ah din tlar ani deuh tlang pui a, chuan a hmasa ber a din chuh tlat tur ania; ngaiteh , ring tawk in kawngka kha han kik la, chuan inchhung atanga kawng khar hawng tur ke pen ri kha ngun tak in ngaithla la, chuan kawng khar a rawn in hawn tran chiah khan , sir lam ah pen sawn thut la!! i hnung chiah a ding kha kawng khar hma ah chiah a lo ding anga. A ni chu an hmuh tawh dawn avangin han kal sawn vel chi zia zang ani tawh lo anga, chuan a lut anga zui luh ve kha ani tawh mai
Report this comment
February 18th, 2008 at 9:14 pm
Father Sphinx hi a la naupan teh lul nen thu a thiam zek mai…kei hi chu min pu ziah leh nghal a,pu nih hi ka duh bik teuh lo asin.saw tu pu nge,tu pu mah.a mah a tar…tih te poh a awm kha.
Taka taka thu i thiam thin ka ti..kan bialtu MLA ah kan la propose ang che.Nakum V.Day chu i hawihil tawh lo ang..min rawn zui la,nula mantu ah ka siam ngei ngei ang che.Mahse a man pui tu tur che poh hi ka ngaihtuah awm viau mai thei.heh..
Report this comment
February 18th, 2008 at 11:03 pm
Kan vanglai chuan “chass” hi “tawih” kan ti..hehehe..father_sphinx hi v-day chuan mizoram bula quarter ah balcony ah hmeichhe kawr pawl ha samsei pakhat nen an ti ti siar siar an ti…spy report.
Report this comment
February 18th, 2008 at 11:21 pm
ammi: “tawih”…hahhahaha lung hlui i ti leng mang e a…
Report this comment
February 18th, 2008 at 11:46 pm
Mizoram house ka tihna
Report this comment
February 19th, 2008 at 2:01 am
bleh
Report this comment
February 19th, 2008 at 2:25 am
hehe, chetthatna sawi tur vak ka hre lo kei chu..:) ka chetthatna ber pawh hi ngai-awh an tih ang hi a ni thin a.. keini ang tan chuan ‘nula hi an lo tamlo khawp a ni ang, kan hawihil reng mai a nih hi..
Tak tak a na, sawi tawh ang khan, han bem thruai mai ila, min lo duh loh pawhin ngai-awh policy hi keini ang tan chuan a fuh khawp mai. Pu keimaha thukhawchang ang deuhin, kawngkhar za kan kik chuan pakhat tal chuan min hawn em em ang.. tih hi hriat tur..:)
Report this comment
February 19th, 2008 at 10:26 am
in sawi takah chuan nula rim hrat tran tirh vel kha chuan dawi ve thei lutuk hi buaithlak thrin, mahni chass ngei ngei te inah pawh hian lut hmasa ngam ngai lova.. thriante tello chuan len pawh ka leng ngam ngailo.. len trum lah hian chhungte emaw in leng dang lo awm chuan ngawi char2 ni mai.. mi fiam thu thawh rualin kil khatah lo khi ve suih suih ngam thrin mawle.. ropui lo thrin tak ani..
@ Keimah te nen chuan in ang lo tak kan ni.. ani hi zawng midum radio chu nep te ri char2 ni mai..
Report this comment
February 19th, 2008 at 2:49 pm
Vawi khat leh pawh, ka thianpa….(dawt sawi dawn chuan he tia tih phawt hi a ngai tlat!) chhas rim tur kan zui. Zan dang aiin kan leng chhuak hma nge, nula chhungte khan chaw an en tlai pawh ka hre ta lo. Ani Thianpa lah inti tlangnel tawh rap, kawngka kik leh luh a rual deuh thaw…In chhung eng chu a tha vak lo bawk nen, Pa ber chu chhung inkhawm kaihruaia lo dingin, a lo tawngtai mek tih hre miah lovin Thianpa chuan, ‘In awm maw?’ a han ti lut nghal ngawt pek!! Chhangtu an awm mai ta lo…’Chung zawng zawng chu Isua hmingin…’ tih chu kan hre hman. Kan tlan chhuak rang kher mai…A hnua kan nuih hnem zia leh, zak thei lo nia kan hriat Thianpa tak ngial pawh a zah ve zia kha…kar khat zet a rim ngam loh phah!
@chabetkaia hi insawi zei lo thiam vel khawp mai. Mahse i ‘history’ ka han en vang vang hian, i sik thlukte hi an chhiat loh thinzia en hian i zei lo lem lo a niang a, Thianpa!!
Report this comment
February 19th, 2008 at 2:50 pm
*chaw an ei
Report this comment
February 19th, 2008 at 5:19 pm
Kulikawn mi pakhat pawh a room ah nula nen an tawm ve a..an englo lai tak khan a nu a room ah a lut thut…(kawngka an lo kalh lo) a nu chuan,” i hi in van sual” a tia a chhuak leh daih..a zak zawmah…lmao (fact).
Report this comment
April 13th, 2011 at 6:54 pm
father-a chu va nula mi ve a
Report this comment
April 13th, 2011 at 6:59 pm
Father-a hi zei tak ani..A reh vang vang chhan pawh hi ka hre chiang asin aw…
Report this comment
April 13th, 2011 at 7:01 pm
nia zeus….ka hmu ve chiang tawh
amisa tak tak ani
Report this comment
April 13th, 2011 at 7:03 pm
Report this comment
April 13th, 2011 at 7:08 pm
post nena a ihmeh dan chu tamil minister leh chappal var ang vel ani e
Report this comment
April 13th, 2011 at 7:21 pm
He post hi ka lo chhiar lo va, #18Keimah…
Kei pawh…eh, kan inpuan zo dawn!! Nula rim vawi khatna ve tho: kanidari vantirhkoh II nau…ni chiah lo kan rim dawn tumin a lawm…kal kawnga kan huai teh lul nen, an in kan han thleng chu lut hmasa tur kan inhmu zo ta lo….kawngka kha a lo inhawng sa deuh… lut hmasa turin kan inhnawn kual zak zak… chutah ka rin loh lai takin thianten kawngka inhawng saah chuan min nam lut thut…inleng engemaw zat an lo thu thup…thiante lah chu min rawn zui luh chu sawi loh, an tlanchhe nghal!! Inchhunga min han nam lut chiah chu ka pai phei awn awn a, chhuat lai takah chuan ka va ding chawt…ka han zah zia zah zia tak kha aw!! Ka lum pup pup a, ka sa vut vut a, an tap mei chhem engte chu Damaska khaw daia Titrhkoh Paula chhun thlutu ai mah khan a eng nasa zawkin ka hria!! Engtiangin nge lungphu chawl lova kha hmun atang khan ka petek chhuah leh dan pawh ka hre tawh lo!! Zak tak ka ni, zak tak!!! Ka va nui hnem kher ve le.
Report this comment