Tunlai chu mitthi in leh chhiat tawh nikhua a makpa te mawhphurhna hi ka vei riau mai a, post ka chakna a rei tawh a, ka post mai thei lova, tunah kan ziak ta hram a ni.
Tunlai thangthar zingah hian nupui pasal neih kan awlsam viau laiin chumi ina mawhphurhna a ken tel chu kan hlamchhiah ta deuh emaw ni ka ti.
A bikin chhiat tawh nikhua hian makpa te hian an mawhphurhna an hre tawk lo nge an hre reng a, an peih lo zawk. Mitthi an awmin in senghawi te ruang kuanga khung te ruang zawn leh thlan vur te hi an tih tur, an tel ngei ngeina tur a ni tih hi hre nawn leh se a tha khawp ang.
Hman ni a mitthi vuina pakhata ka kal naah pawh, makpa bul, a fanute pasal ngei 5 tawp an awm a, fiamthu deuhin midang tello pawhin a makpa te ringawt pawhin an zawn theih dawn hi kan ti a. Mahse, an han zawn chhuak chu an makpa te pakhat mahin zawn an tum ta lo a, bike in an tlansan ta daih mai a, a mak ka ti khawp mai a, heng kan kalphung hi in zirtir thar deuh chu a ngai niin ka hria.
Similar Posts:
- Ka Thil Tawn Rapthlak
- Chhiatni Dan
- Blog bo bonus
- Mamit chhiat tâwkte tân Mizo Comedian-te
- Mi zawn & mi zawn inchuh
October 7th, 2011 at 6:42 pm
Rin aiin i ziak tawi, han sawi zau deuh teh u.
October 7th, 2011 at 6:48 pm
a thupui han en mai chuan i rawn ti hluai dawn emaw ka lo tia, duhtawk hma leh angreng viau bawk sia……
October 7th, 2011 at 6:51 pm
Mi makpa ka ni ve hunah chuan ka fel viau ang 😀 😛
October 7th, 2011 at 6:54 pm
I rawn phawrh chhuak tha viau a, mahse khelawk sawi ang khian a tlem lutuk a ni.
I rawn sawi tak kuang zawn leh kuang vur tih phei khi chu Makpa mawhphurhna ni mahse, tunlai a tan chuan chuti lutuk a ngaih pawimawh chi ah pawh ka lo ngai lova,a chhan chu mitthi hi khaw tam takah zawn aiin,tawlailir a nawr te kan ching ta viau a, tin Thalai te hian an mawhphurhna ah an ngai nghet viau bawk ni in a lang. I rawn sawi bakah hian chhiatni/thatni a makpa mawhphurhna hi chu in zirtir leh chu kan mamawh hle in ka hria.Ka sawi ve lo mai ang e, Post hran meuh han siam leh law law la, Part-II ti mai rawh.
October 7th, 2011 at 6:54 pm
kei chu ka puzawn in thlalatu-ah min ruat daih zel… 😛
October 7th, 2011 at 6:58 pm
Ni e, val upa deuh ho khan han sawi zau teh u. Ka zei lo teh mai a nia. Pu te khua a kan zin tumin Kel leh vawk min talh sak a(hun hran ve veah), ka lai khawp mai. Kuhva leh meizial ka lei teuhva ran puahtu ho hnenah ka lo supply char char ringawt. Chhiat tawk an la awm em lo va.
October 7th, 2011 at 7:01 pm
Ziak tha duh ai erawh in a tawi. Comment lamah han belh zel the u khai.
…Khrum
October 7th, 2011 at 7:02 pm
@ Lal pu Shaia chu kuang bul a thute kha, “Smile” te lo ti vel ang a?. (fth)
October 7th, 2011 at 7:03 pm
Hmanni chu kan vengah thalai kan sun a, zanah a pum a puar avangin chiu a ngaia, a rukin an inhnawn laih laih mai a, kei lah chuan a ni kher kher han vih kha ka lo hreh rawl bawk nen, midang kan pun ta ngawt a. Mi khual ruang nise ka han hreh loh teh lul nen, rin aiin hmelhriat leh thian hnaivaiah chuan alo harsa ang reng.
Thlan vur: Ka Branch-ah chuan kuang an han dah rem a, thlahna tawngtai te an han hman zawh hi chuan kan hruaitu te hian chhung leh khat ten min tin san tawh ula an han ti a, thalai a hmei a pa in kan awm thap a, makpa te chu an lo chambang ve mah na. Thlan vur zawhah YMA hotu ten infuihna/zan lama hriat tur, khawhar in manner leh pawimawh dangte open taka mipui nawlpui hmaa sawi rem chiah lo te leh khawhar chhungte hriata kan duh chiah lo te pawh an han sawi te te a, chutah kan tin chauh zel.
October 7th, 2011 at 7:06 pm
Hetiang lampang inzirtirna hi kan mamawh hle mai a
October 7th, 2011 at 7:07 pm
A ṭha khawp mai. Kan thiamloh em em ah pawh ka ngai lem lo, in zirtir thar leh kan ngai zawk niin ka hria. Keini ang naupang tam zawk hi chuan an la hre tawp nang, keipawhin i sawi hma te khi chuan ka hre reng reng hleinem makpa ka la ni bawk si lova 🙂
October 7th, 2011 at 7:08 pm
I ziak tawi, a dang tam tak han sawi belh teh, chanvo hriat hi a tha khawp mai, i ziak tha e.
October 7th, 2011 at 7:12 pm
Thu bengvarthlak tak i sawi dawn emaw tia, i ang a ni ringawt alawm le, a tha thove.
October 7th, 2011 at 7:18 pm
Tak tak a; chhiatni-thatniah hian hringtu nu leh pa leh pianpui unaute lo phet ve sek hi a rem tlat lo va. Makpa fel an pawimawh em em a ni. Thil tul engkim ngaihtuahtu tur leh thu zai sa ber tur, Arunachal ho tihdan takah, “Over all in-charge” an ni. A pu in a kawng engkim a biak rawn leh, a pu duh dan chu a tak a chantir tu tur a ni. Tawk phawts…
October 7th, 2011 at 7:20 pm
Ka hriat dan chuan chhiat that nikhua hian khual khua a makpate hi chu an che ve ngai meuh lo, tualchhunga makpaten an awl mai thin.
October 7th, 2011 at 7:22 pm
Hmânnn…kumah kan ṭhenawm lawk te hian khual khuaa an unaupa Malaria avanga damlo hi an awmpuia, Sum an neihloh avangin in ah an inenkawla. Zankhat chu a damlo a tlun vak maia, a kaih nasat avangin kan chhungkua min rawn pun vat a. Kei lo chu mipa tumah kan in ah an awm loh lai a lo ni kher lehnghala. An in a ka va luh chuan an lo kil bial ṭhap maia, an sâwi nawk nawk a. Kei ka la naupang bawk si, mihring chatthla tur sawngbawl lah ka vawikhat tihna tur leh ka vawikhat hmuhna. Min phûtna a san vei nen, ka zama, ka khur dar dar maia….
(to be cont.)
October 7th, 2011 at 7:32 pm
15. Chhuaklinga bawk hi a zei leh pek ang. Nia, khual khuaah chuan, an khaw zei zia leh YMA lo chin dan than hriat hmasak a tul tak zet. Mi ngei leh khawtlang tih vui palh a hlauhawm. An val upa challang deuh emaw, tualchhung makpate belh bul leh an zai ngaih a duh duh. (Zei hmel a sin).
October 7th, 2011 at 7:35 pm
*a fuh duh* not a duh duh.
October 7th, 2011 at 7:40 pm
I thram rei tawh awm nen, iva puak zawi leh si ve mawle. Hetiang lam hi in hrilh hriat nawn fo a thra khawp mai.
Tuaisiala tan : Post thra tak ani.
#9 : In veng tih dan chu ava thra reuh ve a. (Y)
October 7th, 2011 at 7:49 pm
Hman laia chhiatni-ṭhatnia an mawhphurhna neih ṭhin ang diak diak kha tunah chuan a remchan loh theih bakah ṭul pawh a ṭul vek tawh lem lo. Veng dang daiha makpa-in kuang zawn phet lo tum te pawh a buaithlak letling thei phian ang.
October 7th, 2011 at 7:50 pm
A tha in a tangkai dawn khawp mai. (Y) Keichu vawk min chhut thluk tir an tum ang tih mawlh hi ani ka la hlauh. 🙂
October 7th, 2011 at 7:56 pm
Atha hle mai. Misual ho hian khawhar in kal nikhua te hian khunkhan taka sawi thin atha ngawt ang. Keini hnamah hi chuan society chungchang hi sawi tam luat a awm lo ania. I inhrilh hre nawn thar zel ang u khai.
October 7th, 2011 at 8:00 pm
Nia, makpa mawhphurhna hre lo leh lutuk hi chu an ngeiawm duh, hre leh lutuk pawh hi chuti tho. A tawk hi a awm ve a.
Tak taka, dinhmun leh tlangnel dan te pawh a inanglo thei a.
October 7th, 2011 at 8:06 pm
Makpa duty :-
1. Zualko bu siam : Land line hi kan disconnect deuh fur hlawm a, mobile phone no. a update that a pawimawh. Kal mai tur awma an lan chuan Zualko list hi siam lawk a tha.
2. In singsakah : Kal mai thei dinhmunah mi an din tawh chuan, inchhung singsakah hian thil pawimawh leh bo thei senghawi lawk leh dahthat lawk hi a pawimawh khawp mai. Tui, Gas, etc., a tam tawk leh tawk loh check a tha.
3. LPS leh Zonet-ah Zualko huangah thawn vat ni se, AIR-ah hian pawisa chawiin zing hla thlan emaw laiin Zualko ni bawk se, Thingtlang lam tan a awlsam.
4. Sunday inkhawmlai emaw anih palh chuan min an phone an off deuh fur ang. SMS hi internet kal tlangin man lovin a thawn theih tih hriat atha.
5. Mitthi chanchin kimchang tawi tak leh vuina programme inkawp hi kan la uar zel dawn ni pawn a lang. Lo in puahchah lawk theih thil a ni.
6. A khat tawkin hmanrua kan tlachham em tih check fo a tha. Mawng hun awih loh.
7. Thenawmten mitthi chhungte chawei an siam anih paw’n an senso tum sak hram hram a tha.
8. Vuina programme tan dawnah vui tura lo kalte lo chiau-au a tha khawp mai. Thuthlengin a daih lo anih chuan News paper hlui chhawp a tha bawk. Hmelhriat loh te pawh lo chibai ngawt pawh thil hlu a ni.
9. Kuang zawn leh thlan vur hi makpa chan a ni tih hriat reng tur. Laina puitu an awm chuan a lawmawmah ngaih tur.
10. Thlan hung hi makpa mawhphurhna liau liau ani tih hriat bawk tur.
October 7th, 2011 at 8:07 pm
@rowland vanlalawia: Hnam Sakhua te hian chutiang hun melh ran ran chuan alawm khawhar in an kal ṭhin. Hun hawn vaih chuan an pawl ami pakhat thusawi kan ngaithla erh maiang 😀 (fth)
October 7th, 2011 at 8:10 pm
Pu L_ER chu rawn kawmen tha kher mai a dang pawh lo beisei zel ang aw.
…Khrum
October 7th, 2011 at 8:10 pm
Khah aw, tumah lo nui lo ula, chhiat tawh bik a makpa mawhphurhna, a damloh lai atangin atul ang ang a ngaihtuahin a tanpui tur a ni. A thih ve leh engkim bungraw thiar chhuah dahthatna leh dah chhuah loh tur thlengin a enpuiin mawh a phur ang. Thingpui bawlhlo leh tul tur a ngaihtuah ang a, yma bungraw hawh dan thlengin lehkhabuah a chhinchiah thlap ang. A kuang a dah luh leh mihrang tana khawih hreawm ang chi reng reng chu makpa bul tihtur a ni, thlan chhilh thlengin, thalaite pawhin ti mahse lo awm ve kha a tih tur. Eirawngbawl, chawhmeh ngaihtuah, ralna sum khawm a chhiar fel, chawei khawm tih tawp thleng a thurawn pute hnen a pek thlengin. Bungraw hawh pek leh leiba rulh fel zawng zawng a kut vek a ni. Khing bakah pawh khian a la awm nual. 😀 khing ho chauh pawh khi i tih vek chuan, innu chu titau haw mahse an rawn um haw leh vat ang, hehe 😛 😀
October 7th, 2011 at 8:14 pm
(Y)
October 7th, 2011 at 8:14 pm
Ka chhut nuap nuap chhungin ka sawi aia tha pu lushai an a lo ti fel thlep tawh a ni maw? Para lah ka la then lo zui. Lolz
October 7th, 2011 at 8:17 pm
Vawk talh a a kawchhung puah hi a ni mai law mi? 😉
October 7th, 2011 at 8:18 pm
Makpa tih tur va tam tawh veeee…Post tupa in kuang zawn chiah a rawn vei laiin alo in kuh ṭeuh animaw… 😉
October 7th, 2011 at 8:22 pm
Chhiatni lam han hrut takah chuan, Thlan hung hian min tlawmngaia hmanrua an rawn tum anih chuan ken thiam a tha. Tin, hmanrua a lo chuang anih paw’n hawn mai lova, mite rawn hman tura hnutchhiah hi thil tha tak a ni. Hmanraw chuang hawn hi chin loh hram ni se a tha khawp.
October 7th, 2011 at 8:24 pm
Makpa chetna tur awm hi chu ka hria 🙂 Ka peihloh vang te, ka zah avang tein ka ti lo fo thin… 😛
October 7th, 2011 at 8:25 pm
Kuang zawn leh thlan vur tih vel hi chu ka ti khat khawp mai! Camera man ah ka tang daih zel. (Y) . Thlan siam ni ah hi chuan ka thawk ve viau zel.
October 7th, 2011 at 8:49 pm
Kan nau pakhat chu an lo bawl pek a, a pizawn an vui dawnah chuan, kraws put a chuh vut mai maw le, chhuhsak thu awm bik hek suh. Thlanmual thlengin a tihtur ti ve ngeia inngaiin phur hmel takin, kraws a pu thleng thak mai maw le! A bawl phuantu ber a nuphal lah chu camera man-ah ala tang zui lehnghal a. Tunlai chhuan tharte hi kan nasa lo han han ngawt mai.
October 7th, 2011 at 9:03 pm
I ti hluai dawn maw tia,…ti leh si lova..uuk.hehe
A pawimawh khawp mai. @24 leh 27 a tangkai khawp ang makpa ka nih ve hunah..
:-):-)
October 7th, 2011 at 9:12 pm
Thlan ka laih ve tan atang khan tun thleng hian ka awm tawhna vengah chuan YMA in kuang zawn leh thlan vur hi kan kutah kan dah hmiah mai thin a. Hmanlaia makpa mawhphurhna thenkhat hi chu tunlaiah chuan a hmantheih tawh chiah lo te pawh a nih hmel e. Vawk talh nikhua a fatu te hi makpa tihtur ni awm tak a ni, mahse kei chu ka fatu ngai lo. Fatu tur manchawia rawih a an zu in tur thlenga tumsak ka thlang zawk. An siamtui zawk bawk ang. 🙂
October 7th, 2011 at 9:20 pm
Thu dang a lai chuan misual charity lam hi kkk ten han sawi hot tan leh tawh se la, misual hi a reh duk ta mai hian ka lo hre ve mai mai.
…Khrum
October 7th, 2011 at 9:29 pm
#24 ang khian i rawn ti keuh keuh dawn maw tih a… tha tho e
October 7th, 2011 at 9:36 pm
Makpa neih chhun, compete-pui tur nei lo ka ni bawk a, ka makpa-rangkachak ṭhut lerh lerh mai ṭhin! A hahdamthlak khawp mai.
Vawi khat chu vawk an talh ṭumin chawhnu lamah a ke etc. ka rawh ve teh mial a, kan kal bosan leh daih a. Ka pizawnin a lo hlut nasa a, ei mai phal lovin a lo dah ṭha deuh vang vang. 😀
October 7th, 2011 at 9:39 pm
#24 khi a nih tur ang a ngaih a ni
#30, lolzzzzzzzz
October 7th, 2011 at 9:48 pm
Makpa thenkhat te hi chu an sual vang leh thatchhiat vang pawh nilo, nachang hriat loh vang hrim hrim hi an tam ka ring. Hetiang inzirtir na/in hrilh hriat tharna hi kan mamawh. Makpa ka nih ve hun chuan ka thiam ngawt ang… 😉
October 7th, 2011 at 10:04 pm
Makpa mitthi ruang hlau tlat te pawh a awm ve theih tho a! 😛
October 7th, 2011 at 10:16 pm
Rem lo hi a awm ve thin a; tin, anmahni min beiseina leh lo ngaihtuah se min tih lam a dang thei.
October 7th, 2011 at 10:24 pm
(Y)
October 7th, 2011 at 10:26 pm
Mikhualna hmuna makpa mal nih bawk si chuan chet a har khawp mai. Kan puzawn boral tum pawh khan ka che khawr tlat, ruang pu lovin ka zui a, thlanvur ka tawiawm a, ka kel e awl za lel maw le.
October 7th, 2011 at 10:45 pm
A thupui in a fun kim ang aiin a chhung thu a ho.”Mizo nuna MAKPA te mawhphurhna” i ti hluai a,Kuang zawn leh kuang vur bak i sawi lehchuang silo a..”Chhiat tawh chungchanga Makpa mawhphurhna” tih emaw te ni zawk se…I thupuiin a huam zau ang aiin i chhuah ho tlat.
Makpa mawhphurhna dang leh pakhat inla sawiloh,Makpa nih chuan Inneih/inkutsuih dawna mizo dana man leh mual inhlanah hmeichhel man an chhiar thin(Hmeichhe lam nih chuan)..Thank you.
October 7th, 2011 at 11:08 pm
#47 (Y)
October 7th, 2011 at 11:57 pm
Xotea, rawn thawh tha hle mai, mahse a tawi deuh hlek in ka hria. @ 24 Lushai er, I comment a tha hle mai, download thlap tlak a ni ka hria.
October 8th, 2011 at 12:17 am
Hetiang in hrilh hriat thar zel hi a va tha êm !!!Good post. (Y)
October 8th, 2011 at 1:45 am
Makpa tha ber chuan nuthlawi a siam lo!
October 8th, 2011 at 2:10 am
Hna tul a vangin post ka vil hman lova, a in thlahrun awm khawp mai. Nia, a sei lutuk ka hlauh luatah kim lo takin ka rawn post a, comment a tang pawh hian zir tur tam tak kan nei awm e. Thil pakhat tha ve deuh bawk chu dam lo natak, dam chhuak dawn lo tih hriat chian hi chu an thih hnu a an chanchin hmanhmawh tak a chhut chawp chuk chuk ai chuan a hma lo chhut lawk a, an chahthlak ve leh a, a ni leh dar dah khah theih mai a dah hi a fel fai duhin a tih chi phian.
October 8th, 2011 at 2:11 am
Hna tul a vangin post ka vil hman lova, a in thlahrun awm khawp mai. Nia, a sei lutuk ka hlauh luatah kim lo takin ka rawn post a, comment a tang pawh hian zir tur tam tak kan nei awm e. Thil pakhat tha ve deuh chu dam lo natak, dam chhuak dawn lo tih hriat chian hi chu an thih hnu a an chanchin hmanhmawh tak a chhut chawp chuk chuk ai chuan a hma lo chhut lawk a, an chahthlak ve leh a, a ni leh dar dah khah theih mai a dah hi a fel fai duhin a tih chi phian.
October 8th, 2011 at 3:34 am
ti daih teh ang, a bikin thatni ah, tlawmngaia fatu te share,RV cold drinks lampang te ,a awmtawk chin ngaihtuahsak hi makpa ten a nachang hriat tur.
October 8th, 2011 at 6:24 am
lushai_er in #24 a a sawi te khi ka hriat ve thin dan a ni tho mai. Tin, inleng te lo chiauau tu tura ngaih anni bawkin ka hria.
October 8th, 2011 at 7:34 am
Makpa tihtur chin hi a tlangpui chuan a sawi theih a ni maithei, amaherawchu mitin dinhmun a inan loh avang erawh chuan, chuti khati intihsak thlip thep chi chu a ni hauh si lo. Comment bengvarthlak tak tak leh zawm nahawm tak tak a awm nual mai. Hriat a tha a, zawm pawh a tha. Amaherawhchu ka ti leh pek thin ang, amaherawhchu, heng comment tha tak tak te hi tumkhata zawm sen pawh a ni lo a, damchhung daih leh hun leh hmun hrang hranga practise tur chi an ni hlawm zawk awm e.
October 8th, 2011 at 8:18 am
Post tha tak a ni , comment in a ti phuisui lehzual
,a bengvarthlak e . @ 54 kei chu chhiatni thatni a Fatu ruih tum phet leh rui berbur chunga eitur an buatsaih hi chu a changkang lo ka ti . .
October 8th, 2011 at 4:49 pm
Makpa chu ka la ni ve dawn sia… TU makpa nge ka nih ang tih ka hre chakeeeeeeeeeeeeeeee
October 8th, 2011 at 5:28 pm
hehe… post tha hle mai… tunlai chu makpa an Lal Ber tawh lawm…
December 8th, 2011 at 7:39 pm
Khawvel thang zelah hnam dang tih dan te kan seng lut mek zel bawk a, a chunga sawi ho zawng zawng – a sum sen so leh tha leh tui hman ngai zawng zawng makpa chanvo a hmanlai a tang a kan dah reng hi modify ve hret hret te pawh hi a tha tawh lo maw??? Vai ho tih dan deuh te hian kan puzawn/pizawn te hian makpa duat te hi in tih hmuh ve te pawh hi a hun ve tawh khawp mai!!!