mi(sual).com

Fonz a post Admin or Mod te

Strict deuh teh u, OT lutuk tur te hi veng ula, delete te pawh delete ta mai u la. Hlawh in nei lo tih chu kan hria, duh leh mod thar ruat belh mai teh u… post release hma ngai te hi a awm a, chuan post edit te hi uluk teh u. 2012 AH CHUAN MISUAL.COM ENKAWL THA ZUAL DEUH TEH U.

…ah khan kan member zahawmtakten in ngaihdan (suggestion, opinion, feedback) tha tak tak in rawn sawi a. Hetah hian a theih theih chu kan rawn chhang a che u. Chuan comment ah sawibelh tur in neih chuan in rawn sawi zel dawn nia.

1. XaiA Says:

Kan kal dan pangngai hi a tha e, lol

hehe nia, kal dan pangngai a kal reng hi chu a nuam fova (comfort zone), mahse a changchuan technology chhuak thar leh hun in thlak zel te nen in adapt zel a ngai thin a, heihi a nia admin te chuan kan buaipui deuh ber chu – engtin nge thil kan thlak zel ang thil liantham thlak si lo hian, tih hi…

2. CFL Says:

Ni e, kumin atang hi chuan editing lamah han tang leh ta hlek ulaaaaa.

Admin zingah Mizo tawng thiamlo ber ka ni tih member regular te chuan in hre vek a nga, misual.com atanga Mizo tawng ziah dan zir chawp ve mai ka nia, a, aw, b pawh zir miahlo hian. Mahse ka la inzir zel a, chuvangin Mizo article dik vaklo te in hmuh chuan ka chhuah an nih ngei chu ka ring. Mizo article sei deuh hi chu ka edit lo tlangpuia, mahse admin dangte an buai a pending a a awm rei tawh hi chuan lohtheihlovin kan han edit leh thin a nih hi. Heti lamah chuan fimkhur leh hmasawn ka lo tum zel ang. Thatchhiat vang nilovin thiamna in a phak tawh thlawt loh vang zawk a nia, chuvangin a ai a nasa a inzir ka tum zel e. Chuan min lo hriatthiamna ka ngen bawk e.

7. benjamin rualthanzauva Says:

Strict deuh chu min duh loh kha.

Hehehe… nia, hmana Pu Bena’n a ham strict lai khan titau a chhuak an awm nual thin kha.

8. ReMpY_ScisSoR Says:

Post management lam hi in fail leh zauh thrin a, Fonz sawi ang khian a trul chuan member dang pawh editors dah belh mai kha a finthlak ngawt ang. Regular taka post leh comment tu te hi tuna Misual.com backbone te chu in/kan ni mai e.

Regular taka post leh comment tu te hi Misual.com backbone chu in ni teh reng e. Nangni in awmloh chuan misual.com hian awmzia a nei hleinem. Chuan Admin lak belh chuangchang hi chu, sawi tawp chuan chutia thil awlsam a nilova. 1998 atangin discussion forum hran hranah regular member ka ni tawh a, thil ka hmuh chiang em em chu community forum/blog lar ho a kehdarh na chhan tlangpui chu admin te an in tih thiamloh vang a ni. An ngaihdan a in anloh vang te emaw post update/delete chungchangah an inhnial vang te in site lar tak tak te chu an chhe fo a ni. Nangni pawn Mizo website mai nilo, Mizo Facebook group thenkhatah hetiang thil thleng hi in hmuh ngei ka ring. misual.com a ngei pawh drupal kan hmanlai khan chutia angreng deuh thil thleng a awm tawh a lawm. Chuvangin admin te zingah “chemistry” leh “harmony” hi a awmthat ve pawh a ngai a ni.

Fonzie te, pu TS te, pu PK a te, pu HV a te, pu chema te leh kan member dang zahawm tak tak te hi admin ni ta se chu misual.com article quality a that phah ngei ang. Thil ziah lam leh edit chu an hnehsawh viau ang tih hai rual a nilo. Chutih lai in, thil ho te, entirnan plugins update emaw comment feature pakhatah kan ngaihdan te kha lo in ang lo ta se, intihthiamlohna a chhuak lovang tih pawh a sawi theih miahlo. Thian tha deuh te pawh kan in biak that loh phah te pawh a hlauhawm a lawm.

Mahse chutia misual.com buiapui turin admin hman tumah an awmloh tak tak chuan, admin ni turin sawm chu kan nei nual ang. Nikum July nge August pawh khan kar 2 chhung admin 5 kan buai vek dawn avang khan kan admin hlui pathum kan phone a, an ni kha an lo hman hlauhva, chuan admin access kan pe leh a, tha deuh khan misual.com hi kar 1-2 chhung an lo enkawl mai a. misual.com enkawl hi a chang chuan a buiathlak thin hle a, mahni hna theuhva kan lo buai ve tho avang hian. Mahse admin in pe tak tak te chu an la awm nual e. Chutih rual chuan admin lak belh chungchang hi chu admin discussion ah kan la sawi reng bawk e.

9. PKfanai Says:

Kan kaldan pangai hi a tha viau e. Mahse, Post thar a Comment a in off-in a hawn leh lam hmanhmawh deuh ni thei se. Tin, a in off chhan sawifiah keuh ni thin se, kan dam tlang deuh ang a.

Hei hi chu thil mak tak a ni Comment off a a lo inchhuah zeuh thin nachhan ka rin dan pakhat chu Post ziaktu in comment a off palh a nga, kha kha admin in a hmulo aniang. Comment off han tih pawh hian, a net connection a muang deuh anga, chuan comment off/on plugins a in load hma in post a ziah sa kha pending ah a rawn submit avangin comment a in off pawh a ni thei. Chutiang bawkin admin in net connection muang deuh atanga a schedule in comment on/off kha la in load hman silovin a schedule pawh a ni thei. Hetiang thil a thleng leh pawn a rang thei ang bera comment on leh kan tum e. Kan member thahnem ngai te khan min rawn sms nghal zel bawk a comment in off post a chhuah chuan, chuvangin kan lo on leh nghal zel thei e.

10. Lersia Says:

Comments hi LIKE theih ni se..

20. bucko Says:

Comment ve lem lova mi comment han like zeuh na tur hi awm ve se tha awm mang e…

33. Jacka Pi Says:

Comment like theih ni se tih khi ka like

Hmanah chuan “Post like” leh “comment like” feature kan nei ngei thin a lawm. Mahse hei hi kan member thenkhatten site a ti hnawk an ti deuhva, a in load chhung pawh a i ti rei bawka, chuan admin ho in kan lo thlir dan chuan “popularity contest” ang zawng te pawn a kal phah dawn in kan hria a, chuvangin like option hi chu a tha ber lovin kan ngai ta a ni e. Hetiang hi chu mihring mizia ve hrim hrim a nia. Entirnan regular member ten comment like 30-40 vel te lo nei ta se, a comment pawh chuti em ema tha bik ni chuanglo, mi hmelhriat a neih hnem vang zawka like dawng hnem, chuan kei hi misual.com a mi thar, la comment ve ngai vaklo, mi hriat pawh neilo lo ni ta i la, ka comment zawng zawng tuman lo like ngailo bawk se, misual.com a comment leh chu ka inthlahrung phah sawt mai lovang maw? Chutiang thil a thleng chu kan duh lova, min lo hrethiam dawn nia thiante u.

11. Sony Says:

Drupal (in ti ta emawni) in hman laia awm ‘Opinion Polls’ kha awm leh se ka ti.

WP ah pawh hian opinion poll chu kan install a, achangchang chuan poll hi kan rawn conduct zeuh leh thin e

13. sheldon Says:

Kan kal mek dan hi tha tho. Rawtna pakhat – post chhuah karah hian 3hrs a tla tlangpui a, heihi 4hrs ni ta se ka ti ve mai mai. A chang chuan post awmloh vanga darkar rei tak awl ni/zan te pawh a awm tho a, post pakhat hi 4hrs pe ta ula a pawi emawn le te ka ti.

19. lrpa Says:

Ni khat a post atam lutuk hi chuan rilru a peng nuaih a, helamah corruption, helamah thlalak, helamah lunglen thu..a buai nuaih zel..

23. sheldon Says:

Tihian – 6am, 1pm, 6pm, 12pm, tihian 6am to midnight thleng post 4 a awm hman dawn tho a te ka tia. Admin te thu thu, ngaihdan sawi ve mai mai.

A tlangpui chuan post hi dar kar 3-4 gap pe in kan schedule ngei thin a lawm. Mahse a hnu ah post pawimawh te a rawn luh thut a admin online kan awm chuan kan lo publish nghal mai a, mahse in schedule sa zawng zawng kha schedule time thlak leh vek an ngai a, chu chu a chang chuan kan lo reschedule vek peih lo thin a ni, buai vang te emaw net connection a muang deuh vang te in…

16. lrpa Says:

Regular tak hi tlemte k(an) awm a, tun a a kal dan hi chuan innel fal hi a hriat zung zung a. Member thar te tlangnel tak a an rawn tal bawrh bawrh theihnan ‘rush hour’ ah te hi chuan OT zawng a inthlur chiam loh a tha khawp mai

Nia, sawi tha khawp mai pu lrpa chu. Member regular te khan kan member thar te an rawn tlangnel ve theihnan misual.com hi i ti “exclusive” lutuk lovang u. Hei hi kan responsibility theuh a ni tih hria i la.

26. Asteric Says:

Ka comment tirh ah tuna post tupa te ho hi an OT mai maia, Ho ka lo ti em em tawh a….a tul chang a awm ve alawm an tia ka hrethiam ve ta a, tunah a rawn vei thar ve leh a. huiha

Hihihi… a ni hi chu Bob Dylan-a fan ruh a ni bawka, “The times they are a-changin” kha literally in a rawn hmang aniang

34. Fonz Says:

OT loh ka suggest lo, original post lam lo zawng char char a kal tak daih ang te hi control theih ka ring. In ban or 24 hrs in suspend te poh hi awm se lol users te kan thinrim anih leh misual ka bansan a nga ni mai lol

Good suggestion. Mahse sawi tawp chuan tunge OT rei bik, OT nasa zual, OT tlem chu ngaihdam theih, tih vel neuh neuh thliar hran a har angrenga, tu emawni kha lo ban/block ta i la, “saw pa pawh saw a OT thin ve tho a lawm, in va duhsak bik ve sala” tih zawng ten a phun dawn hrim hrima, chuvangin hemi chungchang hi chu kan member zahawmtakte puitlingna ah kan innghat e. Nakina a out-of-control tak tak chuan admin ten an tih duh loh pawh an rawn la ti maithei, mahse tuna tan chuan kan member te hetiang lama in control turin kan rawn ngen leh e.

35. H.Vangchhia Says:

Ka rawt duh bawk chu article post-tu ten kan post a chhuah hnu pawhin edit theih nive sela ka ti ngawt mai.

39. PKfanai Says:

Tin, 35 a Pu Hv a sawi ang deuh khian Post Submit hnu, ala chhuah hma si hian post tu te hian edit theih thin sela, a that hmel

Pu HV, i suggestion hi a tha hle a, chuan admin hna pawh a ti hahdam phah ngei ang. Sentence leh sipelling diklo a awm te pawn admin rawn online nghah kher ngailovin a post ziaktu pawn a edit thei mai dawn a. Mahse hei chu mi in an abuse thei tlat a ni. Hmana comment ah member ten thlalak an rawn post theih lai pawh khan comment a ti nuam a, duh duh hian thlalak an rawn chhuah tawp tawp a ni. Mahse a hnu ah thlalak sexy deuh deuh leh tenawm deuh deuh rawn dah te kha an awm tan a, chuvang chuan thlalak embed hi chu member tan kan ti tawp ta mai a.

Chutiang bawkin admin nilo in post a edit theih te chu a tha lutuk. Mahse chutih rualin he power hi mi in an abuse ve thei tlat a ni. Admin ten post an publish hma hian article in mi pawi a sawi em, sawiloh tur te a sawi em, dawt in mi a hek em, hmundang atangin source credit pe lovin a ziak em etc etc hi kan check phawt zel a ni. FIR leh FIR a in vauna hi vawi tamtak kan dawng tawh a, chuvangin kan fimkhur hle a ni. Post pangngai kan publsih hnu ah a article ziak tupa in thil ziah edit in tawngkam dengkhawng tak tak hmanga mi a rawn sawichhiat leh si chuan kan mawhphurhna a nia, a tuartu hmasa ber te chu keimahni leh tho kan ni a sin. Chuvang chuan tuna tan chuan admin publish hnu chu member ten an mahni in thlak theih ni lo se, kan la ti deuh a nih hi. Publish hnu a edit a ngaih chuan edit turin admin te hman kan lo tum zel e.

42. So6p Says:

http://www.9gag.com

Woohooo!

46. Kawnga Says:

Misual.com hlutna hi facebook hian luahlan tan deuh em ni chu aw… ka ti a, a la luahlan chho deuh deuh dawn pawh a ni mai thei. Facebook Group thenkhatah hian thu tha tak tak te, bengvarthlak tak tak te chhiar tur a awm ve ta nual mai a. A lawmawm hle. Mahse, ka hming tak tak ni hial tawha ka hriat ‘Kawnga’ tih avang chauh tal pawh hian misual hi vul zel se ka duh a ni.

49. Thara Chhangte Says:

He site hi a lo attractive leh interactive leh zual theih nan upgrade ni se. Facebook a lar chho tial tial a, kan mithiam leh mi chawkhlim thin tam tak te pawhin facebook lamah an thu leh hla an pem pui zelin ka hre ta mai.

misual.com WP hi chu a thar bera upgrade nghal zel admin ten kan tum e. Chuan misual.com mai lo, khawvel a community discussion board tamtak chu Facebook hian a luahlan tawh a lawm. Tunah pawh 500 million ai a tam FB member an awm tawh a, chuvangin Facebook a online reng tho chuan Facebook group discussion vel a tel chu a awl daih zawk a lawm, Facebook a kan hmelhriatte an awm phei phei chuan.

Site tamtak, entirnan ka chunga 9gag rawn ti pawh khi, 9gag ah commenting an tih tawpna a rei tawh a, tunah chuan Facebook comment feature hmang chauhvin a comment theih tawh a ni. Hetiang “change” ah hian a nia keini admin pawh kan in adapt zel a ngaih thin. Chutih rual chuan kan memberte tan a tha ber a ngem tih ngaihtuah tel zel a ngai bawk a ni. Tunah pawh hian misual Facebook page hi kan hmang tankai hle a, FB fans 7000 chuang pawh an awm tawh a ni. misual a article thenkhat chu kan rawn link leh zeuh thina, Facebook lam atanga traffic rawn lut pawh a sang hle a ni.

Similar Posts:

• Mak ka ti!
• Misual.com feature thar chungchanga Pu Bena kawmna
• Admin or Mod te.
• An kuthlei thil tih
• misual.com = 666 :-)

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Wednesday, January 4th, 2012 at 3:00 pm and is filed under Admin Info. You can follow any responses to this entry through the RSS 2.0 feed. You can leave a response, or trackback from your own site.