Thil hlui ngaihtuah hian nuihzatthlak a tam a, lung lah a tileng thei phian!
New Serchhip ah khian hmeithai fanu fit zeih zawih, pianthiam leh hmelchhe lo zet mai hi a awm thin a. Kan innel viau mai (nula tlangval innelin!). Tum khat chu a room a khum pakhat zawkah chuan plan fel tak neisain zu ka in ru a (a nu hriat lovin).
No hnih ka inzawh hma chuan ka chatthla ta kar mai a nih chu! An in ka luh dawn hian a rim nam sa nan zu in kam kalo thuah tawh sa hrim hrim! Chutia ka chatthla ta (kar) mai chu a nu hnenah chuan hrilhin, ka riah mai thain a sawi ta a, ka van lawm rilru tak em 
Ka pheikhawk ilo te chu min phelh sakin puan min sin tira thosilen min zar sak bawk a. Tichuan, a nu a muhil tawh ang chu tih awmah ka tho them them a, a thosilen ka hlim ta. A ni chuan milo melh kuau mai a, a dawt leh chu ka hmai a ri chawrh kha a ni mai.
Kei zurui (rui der) tan kha chuan tih ngaihna dang awm vak heklo, ka tho ‘a’ der ta a nih kha. Chhuatah chuan mu thla in zurui tawngvai ang hian ka chiar kual ta vel a, ka muhil leh ta a. Rei tawk nia ka hriat hnu chuan ka tho a, ka chhuak nal nal, lenga min sawm pawn ka kal tawh lo hrim hrim.
Kan thianpa pakhat pawh Lunglei ah a pa an post avangin a awm ve thin a. Kei pawh Chawngte ka awmlai niin, kan Jeep recondition tawng tawk ZRM 1006 in, Aizawl haw tumin Lunglei ka thleng chho ta a. Ka thianpa (E.E fapa) chuan a ruka min zui hawn a tum ve avang chuan a bag, an ventilation (tukverhah bar a awm)atanga a paih chhuah chu motorah kalo va dah fel a.
A ni pawh chu ventilation atang chuan a ke lam lawr hmasa in a lo chhuak kut kut a. Chutih lai tak chuan a pa chaw eikham pawn a teihawi chuan a hmu ta alawm mawle. Mau tlawn sei tawk a la a, “go back, go back,” tih pahin a mawngah ahawlh chho, a tlum lut leh zul zul; che chhe ve tak chu a ni.
Amah tho hi a chhungte zin hlanin an inah party nuam tak an nei a, chhuatah chuan mut tlar dul hi a ni leh mai. A nu te zin an lo hawng ta thut mai, midang zawng chu in ha sawk sawka ngawi renga din kha a ni mai. A ni ber chu a bialnu nen khumah an la mu tui nasa mai a, a nu chuan blanket an hlim hawng pawp mai, ruak vekin an lo mu ( an harh miahlo). A nu chuan an pa hnenah, “my dear camera kha rawn la vat teh,” an ti chiah mai chu nuih huks ani tawh mai.
Ka thianpa pakhat nen hian kan rui phur chuan “tih tawh/tih hual/tih it” tih list, an chhungte emaw, an veng emaw, an hming pum emaw kan hriat te chauh kan ziak tlar ve thap a (At thlak mang e). Tichuan tum khat chu “tih tawh” list a mi kha thianpa room ah chuan ka tawmfal pui leh pek a.
Awng awm reng reng atang chuan thianpa leh a u leh midang chuan min lo enthla thup bawk chu lo niin! Engpawh chu nise,… khum an siam fel chuan thianpa lukham hnuaia lehkhabu chu hmuin a thlek vel mai mai a, a tap ta fap fap mai a. Ka thlem, thlem a har ngei mai… timaw? Ele, ‘tih tawh’ ah a hming a awm a, ‘tih hual’ ah a nau a awm a, tih it ah a u hming chuang hek.
Thianpa pakhat pawh hian, kan thianpa te awmpui kha a it tlat pek a, a mutpui lai bihthla turin min ti hlawm a. A putea te kudam, rangva bang awng tam zet maiah chuan a tawmpui ta alawm mawle. A ni kha a style a thing mak khawp mai, vawilehkhatah a keuh thal thuai mai a nih chu. A hmeichhia lah lo duai bik heklo le, an bin thal ve thuai mai bawk a, tha te te in an lo chhuak leh alawm.
Sports & Youth Services a adventure wing buatsaihin Reiek lamah rotation trekking nei turin high sikul naupang kan hruai thin a. Trekking mai ni lovin Khuangchera puk kan luhchhuah pui zak zak thin a ni. Tumkhat chu, chutia high sikul naupang kan kalpui ni chuan, ka che chhe leh pek alawm mawle.
Khuangchera puk chhung kan han lut chu an zirtirtu nula pakhat, puk kaw zim te atanga alo chhuak tur kha, “Kalo dawng ang che,” ka ti ngawt pek a. A ni chuan min ring ngamin a rawn zuang thla ve nghal mai bawk a. Keia inring hman chiahlo leh puk chhung eng chhe tak, mitvai ruai karah chuan ka lo dawn thelh ta khut.
Ka ke bula lung rawn pawng chhuakah chuan a zuk thu ngheng mai a, a then ta tha mai a. Keiin, “A na em a na em,” kan ti chu a ni chuan, mittui parawl tuau chuan, “Zep lovah chuan na tak a ni,” tiin a tah nuih kur kur. Zan lamah pawh bai suih suihin Paracetamol a la hmawm zauh zauh ta reng a, zialo khawp mai.
Kan la naupang hle mai, Evan Pu Lalchungnunga! hunlai khan Melthum kawn, Hlimen leh Muallungthu lam pengthuam tak maiah sawn naupang te niin Pathian thu kan thianzahoin kan va sawi ve alawm mawle. Kan hresual mai mai khawpah, Setana tih tur kha ‘Satena’ kan ti chiah mai chu a ngaithlatu awm chhun te kha an nui zo ta vek a nih kha.
Chumi hnu chuan Kulikawn Presbyterian biakin kawta sikul, (tunah chuan a awm tawhlo) chhungah counseling class naupang tho te zingah ka la ve alawm mawle. Chutah pawh chuan “satena” kan ti leh khut a nih kha, Mission veng Richarda (fam) chuan min rawn tidik ta zat mai, ka zak chem chem asin aw. Ka thiltih ka sim phah nal nal a, Pathian thu hi zir lova heti ngawta lo buaipui ve chi a nih loh hi tihah ka chian phah ta tawlh tawlh.
Thianpa Ricky(fam( Pu Rinawma (fam) fapa) nen Khatlaah nula kan rim ve a, kan lo tui ta deuh nge ni, kan bike ken theihnghilhin ke ngatin Kulikawn kan thleng a. A tuk zingah kan hre chhuak leh bike kan va lam chu a zahthlak duh chem chem khawp mai.
Similar Posts:
- Chet chhiatna tlem te
- Ka chet chhiat na te Part-I
- Fiamthu Tlem
- Hmeltha hi an va hlu tak!
- Naupang pawngsual kan hmuhdan hi
August 6th, 2011 at 8:31 pm
Chet chhiatna ngah deuh te hi chet fuhna pawh an nei teuh thin… an ti..lolz (Y)
August 6th, 2011 at 8:32 pm
1st khi chu ka lehkhalh ngam thlawt lo a ni e! 😛 chhiar ang aw!!
August 6th, 2011 at 8:38 pm
Candid confession
August 6th, 2011 at 8:43 pm
😀 . (Y) (Y) .
August 6th, 2011 at 8:47 pm
hahahahaaaaa “tih tawh” list ka tan lutuk,chatthla kar a tirah khan i tihsual emaw ka ti hman tep a…chuan thianpa te awmpuinu chu lo chak phian ni maw…chi loh eeee 😀 😀 😀
August 6th, 2011 at 8:58 pm
Real life story hi chu a ngaihnawm bik. Chetchhiatna sawi ngam hi ka ngai sang. Modern A.Thanglura ini hawt e. Han ti zel teh khai. Tuman an ngam ve loh hi.
August 6th, 2011 at 9:13 pm
Haha…Chhiar a nuam khawp mai.Ka thianpa naupang deuh mai pakhat nen hian an in ngai zawng a, chance kan pe; ka thianpa khan kiss kha a duh ve si a zah a hlau si, maimingchhing in a va ti ve dan dan a, a bialnu kha a lo kun si, a hnar a hmuam thut mai chu in sum har deuh ani.
August 6th, 2011 at 9:17 pm
Zephenath khian a hmun pangai a luah leh tan tawh dawn a ni maw????
HV-a chuh, a chet thatna tam tak kara a chet chhiatna tlemte a rawn thai lang a ni maw????? Mahni chauhvin ka nui kur kur mai. Hetiang thuziak hlimawm lampang hi chhiar a nuam ka tih zawng tak a ni.
August 6th, 2011 at 9:19 pm
“.. vawilehkhatah a keuh thal thuai …. A hmeichhia lah lo duai bik heklo le, an bin thal ve thuai …..”
Pa rep rep ve aw… (Y)
Ngaihnawm khawp mai, part 2 …thuai vat. 😀
August 6th, 2011 at 9:23 pm
NGTV inpuanna ai pawhin ka nui hnem zawk nia het zet chu (Y)
August 6th, 2011 at 9:25 pm
ngaihnawm….hlimawm khawp mai..
@caribou: luah leh dawn lam pawh a ni lo! a fuh ve hlauh a ni.. (Y)
List rau2 ah chuan ti-tawh list-a awm chu chakawm vak dawn loh khi…
August 6th, 2011 at 9:26 pm
Ho hle mai a… tihtawh/tihhual/it tih khi .. a hman lai lua….
August 6th, 2011 at 9:36 pm
heti lai chu 18+ ani maw, pui rep2 hle mai, keini ang thisuk nei chu kan khur titih mai dawn alwm. I thianpate awmpui khi ka tan lutuk, i thianpa chun a chak thlawn ve dawn ni maw.,lol
August 6th, 2011 at 9:37 pm
#12 😀 😀
August 6th, 2011 at 9:37 pm
heti lai chu 18+ ani maw, pui rep2 hle mai, keini ang thisuk nei chu kan khur titih mai dawn alawm. I thianpate awmpui khi ka tan lutuk, i thianpa chun a chak thlawn ve dawn ni maw.,lol
August 6th, 2011 at 9:42 pm
Ngaihnawm hle mai. Chet chhiatna hi chu kan nei theuha, a che chhe regular deuh ho hi an awm bawka 😀 inkawm khawm nikhua a, han in share te hian a ngaihnawm duh teh e (Y)
August 6th, 2011 at 9:49 pm
Nuih a za, a hlimawm takzet e.
August 6th, 2011 at 9:49 pm
kei pawh kan zinnaah hmeichhe pakhat room-ah ka chatthla der ve kar tawh… Lung i ti leng reuh, kei chu ka ri chawrh ve lo hlauh..haha.
August 6th, 2011 at 9:55 pm
India ram a rawn luh huna a tih hual list-ah Katrina Kaif
Zorama a rawn haw huna a tih hual list-ah mami varte, bethsy, etc…, an tel an ti :p
August 6th, 2011 at 10:24 pm
Kei chu sawi tur pawn hetiang experience hi ka nei lo hrim hrim..aw kan tleirawl hun chhung zawng enjoy ve hman lovin lehkha kan zir a, kan zir chhuak emaw ka tia, specialist an ti leh a kan zir leh a, engtik ah tak life hi enjoy ve ang i maw..tun ah zawng kan tar a ni der tawh mai si a..kan uai thla lam ani ta 😛
August 6th, 2011 at 10:24 pm
mizo fiamthu tak zet, “tih tawh/tih hual/tih it” tih list,
post nuihzatthlak in post tha tak a ni tep.
August 6th, 2011 at 10:32 pm
hairehai
August 6th, 2011 at 10:35 pm
Tlangnuam view ah khian zan khat chu ka thianpa chance ka pe a, a bialnu chuan athian nu a lo hruai ve bawk si. Ka tan pawn Golden chance. Ka risk ve a aduh der lo. Kan hre chhiang chu a pasal nen an inthen lai a lo ni a. Ka thianpa te chu an innei ta a. An inneih hian thianah ka tang nghe nghe, an inneih ni chuan, hmana hmeichhia kha a pasal nen an lo inhruai leh tawh a, an phusa ve sek si a, hmuh an nuam lo ngei mai.
August 6th, 2011 at 10:37 pm
a tir (a chanve hmalam khi) a va pui hlawm ve…chet chhiatna pawh ni chiah lovin “chet puina” a ni zawk alawm le…chhiar erawh a nuam khawp mai
kei pawh kan naupan laiin kan inah chawhmeh zuar a lokal a, “chaw hmeh in lei duh em?” a lo ti a, kei la naupang mawl ve ta pek chuan a hnam hruiah lo pawtin “kan lei duh lo, kan lei tawh” ka lo ti chiam a ni awm r a hnua ka u te sawi leh danin 😀
August 6th, 2011 at 10:42 pm
kan thianpa 1 poh, “châk tôkin chak tôkin a tlana, a aia châkin a aia chakin a rn haw leh”he2 true story
August 6th, 2011 at 10:47 pm
A zia in a daihlo a ni maw 😀
chet thatna lam pawh hriat a chakawm hle mai…..hairehai
August 6th, 2011 at 10:47 pm
Rumtea ka tan lutuk!! (Y) 😛
August 6th, 2011 at 10:56 pm
In van contri’ tha hlawm ve hairehai.
johnny_ralte , i thianpa chu a hah ve hle dawn anih chu 😉
August 6th, 2011 at 10:57 pm
kawlhawk #19 kan u V-a fanu anih khi i sawi, mai mai che hian hairehai 😛
August 6th, 2011 at 11:05 pm
pu HV-a inpuan meuh chuan mahni in kan khi vur2 mai a lawm le…inpuan na tur reng reng neih ve loh mai chu a….mi in chut min lo ti thin anih pawhin a awm viau mai 🙂
August 6th, 2011 at 11:07 pm
Hv leh…i lo tlangval ve hle mai a.
Bike hi vawi hnih ka theihnghilh ve tawh. Ka ruak huai hian ka hre ziah, ka haw lam chu.
Hman ni khan thil ka theihnghilh nasa-Ruah sur avanga ka hawn theih loh Bike la tura kal pahin Hla tawkah(vai ramah) kan zina Bike chabi ka theihnghilh phawt a, a tuka ka hawn tur ka puzawn Lukhum to ve taka ka leisak-ka’n khum chhin ka tih chu ka va theihnghilh bawk a. Ka thlawhna ticket ka theihnghilh a, travel agent PNR zawt chawpin ka chuang hram a; Lengpui-Aizawlah taxi-ah Apple leh Grape 1st class an tih ve neih zawng zawng deuh thaw senga ka lei ka theihnghilh leh a(tui an ti ngawt ang-Driverte khan); Motor dangah ka chuang leh a, ka handset case ka ti bo lehzui a; heti chung hian mi thil min thawn chu ka hawn kim biai-nupuite hauh kan tuar leh ta nge nge…ka BP ka’n check a a lo normal chiah lo a-ka ring reng a.
August 6th, 2011 at 11:12 pm
#vakul 31. haihawt hi chu hrehawm deuh a sin. Haihawt hi a in thlahchawn theih em ni le aw ka ti.. Keipawh ka haihawt khawp mai, ka thil ken reng te hi ka zawng leh vak zel (*)
August 6th, 2011 at 11:16 pm
Kan thianpa Achhana (RIP) pawn a bialnu a tawmpui tumin a khaini hmuam a fawh chhuahsak tawh. A hnuah a sawi a, ‘ka chhak rang khawp mai’ a ti.. Hit lo tiah tiah tak ani
August 6th, 2011 at 11:22 pm
Haihawt hi natna chi khat niin ka hria. Ka kawngka kalh tawh ‘ka kalh em’ tia inngaihtuah leta, check tura va thawh leh hi ka ngah tawh khawp mai-psychologist-ho hian mi ang lo huangah min lo dah daih lehnghal.
August 6th, 2011 at 11:27 pm
A ngaihnawm hle mai..mahnia ka’n nuih suk suk chu.
August 6th, 2011 at 11:37 pm
Ka chhiar nui vur vur mai alawm le..haha
a ngaihnawm hle mai (Y)
ka thianpa pakhat pawh “ka tihtur list no.1, 2, 3” tih hrat deuh a awm.ha3, ka hrecuak rum rum mai
August 6th, 2011 at 11:39 pm
Haihawt chu vawi hnih…
August 6th, 2011 at 11:44 pm
he he, haire hai.
August 6th, 2011 at 11:47 pm
Kan nuih vur vur chu le. 😀
Post tupa, chi dawn mi? Chetchhiat ringawt min hrilh a, i chet that theih phian ka ring tlat, pakhat tal te chu bonus ve la. Hahaha
August 7th, 2011 at 12:33 am
Haha, ngaihnawm e… (Y)
August 7th, 2011 at 12:34 am
vakul leh hairehai… haihawt chu ila na ve hle mai a… keipawh ka pen kenlai te hi ka zawng ve zeuh zeuh tho ania 😛
August 7th, 2011 at 12:44 am
Ngaihnawm hle mahse i chet thratna ka ngaithla chak zawk mah.. hairehai! (Y)
August 7th, 2011 at 12:59 am
Zan lai laia ka’n kan nuih hawk hawk chu! Tih tawh, tih hual, tih ît khi a taste & class a sang kher mai. Khi kher kher khi zawng, chetchhiatna mai ni lovin fiamthu turu leh tha lutukah ka ngai!! Hetiang chetchhiatna hi i ngah awm sia, hetiang lam hlir hi rawn post rawh! Thenkhat phei khi chu i thil tawn tak tak ni mah se tun hnua fiamthu anga kan hriat takte an ni tawh. A hit tawp!
August 7th, 2011 at 1:02 am
TS #43 keima tawn leh hmuh te ngei annih khi hairehai. An veng leh hming kala sawi thei … tra la la la la 😛
August 7th, 2011 at 1:31 am
Facebook atangin:
BigDaddy Hmahmatea – khuangchera puka i thlauh nu kha chu kan 2 in kan nih kha Babie,pasal ala neilo in k hria.hmanni ah an veng nu a rn leng a.k soi cuaka,a something alo soh alm mole..hahaha
😉
August 7th, 2011 at 1:34 am
a hmasa ber khi ka veng hriatchian em em a ni a, kan khua a ni miau a.. an mahni hriat a va chakawm ve aw..!!! Le le le.. le… hehe…
#25 ka nuih a za kher mai..!
August 7th, 2011 at 1:34 am
Tlangval pakhat pawh khan nula kha risk ve a Rumtea ang deuh in 🙂 nula kha lo chak phian sia,kopang a nawr beh pahin a tih chu ka tih tir lovang che,mahse ka hnim tir ang che a ti e an tia lawm,hnim rik ngawt chu nuam vak lo mai thei 😀
August 7th, 2011 at 1:36 am
Leavi Pcresn #46 PWD office thlen hma kawngkawi, kawng dinglam kopang chungah chuan PHE quarters a awm.
New Serchhip in veng anih chuan vangchhia@gmail.com ah in contact teh ang a hairehai 🙂
August 7th, 2011 at 1:39 am
Min ti nui vur vur mai ! Ka chetchhiatna 1 chauh kan sawi ve ange. Aizawla OM (Operation mobilisation) ho Book Store ah sawn lehkhabu ka lei thin a, ka lut zeuh2 thin a, foreigner hmuh tur an awm zauh2 thin bawk. Tuk khat chu ka lehkhabu chahtir alo thleng em tih zawta ka daklut chu, vun ngo 1 hian lehkhabu alo zawng ve char2 a, sap tawngin kan be ngawt a, min chhang miah lo. A hnu a kan hre leh chu kan MLA zahawm tak Hnahthial bialtu, Pu F.Lalthanzuala kha lo ni rengin….ka zahzia mai chuh 😛
August 7th, 2011 at 1:42 am
loneeagle26016 #49 zahna tur a awmlo lutuk. Miin min biak a kan hriatthiam chuan chhan thin hi a zentilthen ka ti. 🙂 hairehai
August 7th, 2011 at 1:45 am
Pu HV, ka zahna chhan zawk chu skin disease khan a ei ngo vek a, amah a palian roh si a, foreigner emaw tia ka hai kha ka zak em em mai ani….a hmel tak kha ka lo enchiang lo bawk nen…lol..mahse anghaktupa pawh sawn european emaw a ti ve tho…
August 7th, 2011 at 1:45 am
Tumkhat pawh Khatlaah tho Thanpari kan rim dawn a, an door bell a ri rei lutuk khaa a rik milin kalo lam vel khanglang. Apa in kawngkhar a rawn hawng thut mai chu hairehai
August 7th, 2011 at 1:46 am
#51
hu huuuuuu 
August 7th, 2011 at 1:46 am
aw, haw va tha ve aw..hehe
August 7th, 2011 at 1:49 am
#52, hahahaha..hei hi ka ‘like’ e…
August 7th, 2011 at 1:50 am
#52 thian kalpui te an nui put put mai mawle hahahaha
August 7th, 2011 at 1:54 am
msg thawn a va har ve. Pu Hv
August 7th, 2011 at 1:59 am
Leavi Pcresn #57 ka reply che kha hairehai
August 7th, 2011 at 2:28 am
August 7th, 2011 at 2:32 am
Ka nuih huk huk chu le …
August 7th, 2011 at 5:57 am
49. Loneeagle, kan u anih khi i mi sawi khi. Engatinge a chhan ve mai loh che aw, nge chiang tawkin hmusit niawm takin a melh zawk che em? Keini unau ho hi ze ngeng ngulh kan nei a, kan tawng tam si lo, kan pumrua a lian tha hlawm ang reng bawk si a, induh kan ang thei riau a, Politics han khel ve chi pawh hi kan ni lo.
August 7th, 2011 at 7:21 am
Pu HV-a chetchhiat dan ang em pawh hian ka la che tha lo e..nuih suk suk a va awl ve..
August 7th, 2011 at 7:25 am
lrp nang nge hlah mawi keimah hairehai
August 7th, 2011 at 7:43 am
Ngaihnawm bawk si, nuihzatthlak bawk si in chhiar duh chuan Pu HVa leh Tuaisiala blog ah leng lut rawh u. A tam mai.
August 7th, 2011 at 7:59 am
Kan thianpa pawh nula lianpui a risk a, a hneh leh silo, nula in hnuailam a tangin chep kang vu chungin tharum chuan min hneh la ang tia, tlawm thlak ve khawp mai..
August 7th, 2011 at 9:35 am
Inva lo comment nasa tawh ve..
Bruce Lee-a film kha kan en nasa thei khawp a. Kungfu shoe uar lai khan. Pu Batàcherjee Agri Director thin kha kan Inah alo leng dawn a, ka nau hian door bell hmeta min fiam a chin avangin nghawng chen velah keia kungfu intithiam khan ka ke ka lo lek kang va mai a.. Ka rei ! Ka nau awzawng alo nilo.. Pu Bat-a alo ni.. A tawlhhnung hrut a. Khaih khaih… an ti mai chu zahthlak duh haih haih khawp mai…
August 7th, 2011 at 9:37 am
Kawlri leh hairehai
August 7th, 2011 at 10:22 am
Pu Hva hi i mu tlem awm?
August 7th, 2011 at 12:18 pm
A va ngaihnawm e…. A bak ka sawi ve ngam lo.
August 7th, 2011 at 12:51 pm
61@Pkfanai, I u maw? A fanu te nen khan kan in kawm nasa thin a sin.
August 7th, 2011 at 1:22 pm
#61, Pkfanai, min chhang nghal phei sela chu chawplehchilh khan ka zak hle dawn tihna ania, min chhang miah lo kha a tha zawk daih..ka mitthla chhuah chang hian ka zak bawka, nuih a za duh thin khop mai…
August 7th, 2011 at 1:27 pm
Vawikhat pawh ka thiante pahnih nen Chaltlang atangin chanmari panin kan chhuk a, kan ti ti thla bawrh bawrh a, kei a kal chak ta pheng tawng bawrh bawrh chu kan leh hawi a, tleirawl hmelno tak pahnih hian min lo nuihsak a, zahthlak haih haih tak a ni.. Ka thianten hnung deuh atangin min lo la nuih zui…
August 7th, 2011 at 1:38 pm
70. Doc, cousin brother a nia. Kan chhungkaw ho la dam zingah, ka pa hi a upat ber tawh avangin, chhungkaw thil pawimawhah reng reng chuan ‘Pa’ ai an awh tir vek thin a, keini pawhin ‘U ber’ en a kan en a ni. “Ka U” kan ti vek thin.
August 7th, 2011 at 5:58 pm
Tumkhat pawh kan khua ah hian lei min in motor 20 vel lai kha a dang khawm a,keini Restaurant nei tih takah mikhual hi kan chhuatlai ah an mu tlar khat dul mai a,ka tleirawl tan tirh te ani a,kan mikhual pakhat driver hian ka hnute hi lo khawih a(room kawngkhar te kha puan zar mai a ni thin si a)a tirah chuan ka mumang emaw ka tia,ka thanharh chuan mipakhat ka bulah lo ding kan hmu thut a ni lah tlanchhe nghal…a thiante zingah ti lo awm takin va mu leh than a
ka tho lawk a rapchung a thingfak ka la lawk a chu pa muhilder lai chu kan hlap tak2 mai a(h)a ni a hma in lo accident a dar ruh lo ti na ni awm e,tah tak chuan ka lo hlap ni tur a ni, ahnu a a sawi leh dan in,ka chhungte zawng2 lo tho,mikhual dang zawng2 pawh lo tho bawk,ruah lah chu la sur nasa em2 zui,a zan a zan in kan hnawtchhuak mai nih kha…kapa in Duati ruahsur nasa bawk si vartianah chhuak mai se ti..keiin a chhuah loh chuan keimah ka chhuak ang ti mauh bawk si..a tukah palai tirin ngaihdam an rawn dil..kawnglah kha la tlang lawk thei lo zui,kan story kha khaw khah in a khat tawh bawk si..a zak ve mai2 a sin aw..
A hnu ah Aizawl a kan pem hnu ah ka u te nen an lo in hmu..kha mi tum tluk a ka zah kha ka la hrelo a ti e an ti
August 7th, 2011 at 6:26 pm
DuatDuat, tha khawp mai hairehai… a ha hmai i thiah sak lo nia mawle hahhaha
August 7th, 2011 at 8:09 pm
Mission Vengah paidal a nula kan rim tumin kan thianpa in an in chahbi bawr a vawrhvir lut ve ngot pek a, kan haw dawnah kan nula rim leh a cousin chuan “in motor thleng kan thlah ang che u” an han ti mai chu kan va han hnial ropui tak em….
Chaltlangah nula kan rim tum pawhin 10 rual zet kan nia, kal hmain a lut hmasa tur 3 card hmangin kan zawng a, ka kutah a tla, an in kan thleng, doorbell kan hmet, an rawn hawng tur chiah kha ka thiante an biru dial ta mai a, ka hawi lawl lawl, sawi tur a vang duh ania awwww
August 7th, 2011 at 8:39 pm
@ HV lo thiah sak nachang hria ila chu ka thiat em2 ang hairehai
August 7th, 2011 at 8:45 pm
hramtea_pa #76 zialo vele hairehai, min ti nui hle mai
DuatDuat, nidangah a awm leh anih chuan a ha hmai i thiah sak tawh dawn nia
August 7th, 2011 at 8:45 pm
Puang leh law2..hahmai sawi tak ah chuan,ka ha hmai hi ka ti bunga chuan a lem min siam sak ta lawm ZDC ah ngei sawn,zan ah i mut dawn ah phawi la zingah i vuah leh dawn nia min tia,ha lem nei ngai ta lo chuan ka theihnghilh ta..kan barar kal tur ka nau nen bus ah kan chuang ka u fanu in ring mangkheng in a nuteeeee i ha i theihnghil rawn au liah2,a au kan hria enge a sawi kan lo hre lo,bus a chuang zawng2 khan an hre vek..keini a hre tur ber khan hre silo…khatla chhukthla ah conductor in fare ron khawn ka ha hmai ka hrechhuak thut…awi ngawi teh ngawi teh chhuk leh kan ngai kan ti…bus kan ti ding bus a chuang zawng2 in i ha hmai theihnghilh i lam dawn mi min lo ti….ka zah zia kha
August 7th, 2011 at 8:51 pm
DuatDuat leh hairehai ka nui nasa lutuk
hahaha
ka ha hi keipawh hnek khik leh khem a awm nual mai, mahse original an la ni hlauh.
August 7th, 2011 at 9:31 pm
Vawikhat leh pawh einch
puang tui tlat…aizawl a tui van chiam lai khan ka u(ka ha hmai theihnghilh min au tu Nu nen hian)chaltlangah kan chhungte in ah in su tur in bus bawk in kan kal lawm maw le..kan in suk tur kha bag ah kan dah a,bag kha lo tet nih kha..chaltlang kawngcho ah traffic namenlovin jam ta..ke a kal kan rawt..bus tawt ropui si,ke a kan kal ta chu bus kha zawi muangin lo tlan chho va min tlanpelh dawn lai takin bus chhung tang tleirawl pakhat ka u hmelhriat tu in nuxxxxxx i kekawrte i thlauh tih pahin rawn vawrhthla(a fanu kekawrte lo nia)…bus hma leh hnunga motor dangin lo hrethei zui tlanchak thei hek hlawm lo….kan nui nasa hlawm mai2 sin 
August 8th, 2011 at 7:10 am
DuatDuat #81… ZIalo thei hiah hiah vele. Midang khan ama ta emaw an ti awm ngei si a hairehai
Tui van lai, connection la awm that hma khan chhungte inah insu in keini pawh kan kal fo mai. I sawi lunglen thlak zawk mang e.
August 8th, 2011 at 7:29 am
Luzen pa, Kawlri, Duatduat & Hramteapa, in ti ti ka ang phuauvin ka lo ngaithla. Rilru a ti zangkhai e.
August 8th, 2011 at 1:48 pm
HV a list chu min lo pe ve teh, ka lo va endik ang
nang hian sulhnu chhiah te hi ilo nei mial takin 
August 8th, 2011 at 2:01 pm
@82 Niang chu mawle,a sen a la ni zui hairehai
August 8th, 2011 at 2:11 pm
Khi mi ka U khi chechhe thei hrim2….
Vawikhat leh pawh fur lai khan kan zing bazar a,Israel point tang step ah kan chhuk thla,ruahkha a nal tawk chauhin sur bawk sia,ka u chu tawlhthlu taaa…Pa pakhat bazar zo inkhaibawr tak a lo chho hma ah tak a thingthi hnawk,chupa kokia ah a uai hnawp,a phu zawk lo hawi chhuak an han in fawp palh chawt mai nih kha…
A bul vel a thil zuar zawng2 te nen kan nui tlawrh2 mai maw le…khapa lah kha tawngtlem ve khawp kal vang2
August 8th, 2011 at 2:23 pm
duatduati te unau chu in che chhe thei hle mai!! min ti nui nasa lutuk.
Keipawh khatla kawnah ( pu HV-a rim thin Thanpari te kawtah) pawnfen zai-arh ( cirle an tih mai) ka feng ve hnalh² a, nasa tawkin thli a rawn thaw thut a, ka pawnfen chu a inhlim chho veka, ka hmai a rawn khuh hlup mai mawle…ka va han zak tak!!
Rei deuh khatla kawn kaltlng ka hreh phah.
August 8th, 2011 at 3:29 pm
ChhanaPa #68, i gave up sleeping
DXBFreak Protocol a Eddy Sailo kha lo dil ve tawh mai rawh, ama lehkhabu ania
DuatDuat mak thei thin hairehai
Bmw i hnuai lam i ha em ang chu maw hairehai
Tun khat pawh West Phaileng sas (Sailova te in hniah te) ami ka kawm fal ve dawn e ka tia…(Tribal Power concert nei tur ka pui a kar khat vel ka zuk thleng hmasa kha ania) kekawrte nen kan awm kung. Apa alo lut thut mai, vin zet hian, “Enge in tih a,” arawn ti. Ani hmeichhia a ngawi reng, kei khuma bawk zan ruak ti tih chuan, ” Ka hnung ka rah tir alawm mawle,” ka tia, ka chhuak nal nal. Engtin tak inti zui zel ang maw hairehai
August 8th, 2011 at 4:17 pm
@87 BMW niang chu kan unau a kan awmkhawm te hi kan chetchhiatna kan sawi ho a kan nui dar2 zel…
Nang pawh chu i zah ve hle dawn chu
August 8th, 2011 at 4:26 pm
Tumkhat pawh kan thiannu te khua ah ka u nen bawk hian kan kal lawm ke in pumpelh ah kan thiannu hovin
A thim tan ta kan hlau si,tumah hnung dawl ngam kan awm silo,kan 3 chuan a rual in kan kal ta lawm,kan in tlakthelh chhawk tluan zak..khaw tawntirh kan thleng kan thaw huai ang chu tih nak alaiin…….
Khawtir ah chuan in fal deuh hi awm a,a zawn kan kal pelh lai tak in Hamleta an lo ngaithla nih kha.Hamleta pa thlarau khan ringmangkheng in “MIN LO NGAITHLA CHIANG TEH” an rawn ti thut mai chu(h)engtik laiin nge chu mi te chhuatlai ah kan va tluk luh ka hre tawh lo reng2..:-D
Khawchhung thleng min va thla ta lawm…kal ngam tawh hek lovi
August 11th, 2011 at 11:47 am
Tha tek tek hlawm mang e… Hahaha…