Lalburha khan Vailian kha a duh lo hle a. A theihtawpin a lo bei a, a inpe duh lo va. A hnuah sapho chuan a khua, Sesawng chu an luah ta hmuk mai a, Lalburha chuan hnawhchhuah tumin theihtawp a chhuah a, mahse, a hnawtchhuak thei lo va. Inpe duh lovin a pasalthate nen rawlralin an che reng a, sapho lakah a biru zak zak a.
A tlanchhia chu Phunchawngzawla an awm laiim vaiho nen an innang fuh a. Lalburha chu a tlanchhia a, saphovin an um a. Sap chuan, “Lalburh, ding rawh, kan man che,” an ti thin a. Lalburha lah chuan, “Min la man lo va, hei, ka tlan zel alawm,” a ti a, a tlan zel a.
Rampalailengah chuan an inum a, thang hmunah Lalburha chu a tlan a, bahra khurah a lum lut a, thang chuan a khuh tlat a. Vaiho chuan an han zawng ngial a, an hmaa tlan reng si an hmuh lohva a bo ta mai chu mak an ti hle a, mahse, an zawng hmu zo tawh si lo va, an tinsan ta a ni.
Heta tang hian bawrhsap chuan Lalburha chu an umna lamah ramhnuaiah a tlu hlum niin a report a. Mahse, Lalburha a la thi lo tih an hriat leh atang chuan sapho chuan an ngaisang ta em em a ni.
Phunchawngzawla a awm hnu hian Khawkawn-ah a kai leh a, hetia Khawkawna a awm lai hian sipaiho chu an lâm thin a. Chutia sipai lâm chu Lalburha chuan a rukin a va en a, amah a inchei danglam a, puan lianpui mai hi a sin zût mai a, a puan hnuaiah chuan fei a pai ruang mai a. “Kan mi rângho chu leh!” a ti duh chauh va.
Sapho chuan an hre si lo va, Lalburha chuan a tinsan leh ta a ni. Chumi hnu chuan sipaiho chuan Lalburha a la dam tih leh an lâm lai ngei a en tih an lo hre leh zel a. Bawrhsap chuan a ngaisang ta em em a, man tuma beih ai chuan rempui a tum a, palai a tir hial a ni.
Tichuan, kum 1894-ah an inbe ta a. Hetia an inbe tur hi an inhuphurh tawn em em a, sipaiho chuan an inbe tur chu laifei nen an dinhual a, chu chu Lalburha pasalthate’n an dinhual ve leh a. Hetia inbiak an tan dawn hian Lalburha chuan bawrhsap tawnglettu Ship Charan, Mizovin Chhip Chawrawna an tih chu, “A chang leh Tuisen i ti a, a chang leh Tuichang i ti a, ka that mai tur che asin,” a han tih chuan Chhip Chawrawna chuan a hlau hle a ni âwm e!
Inbiak chu an tan ta a. Bawrhsap chuan Lalburha chu a han man chat a, “Lalburh, ka man che,” a han ti a, Lalburha pawh chuan sap ban chu a han man a, “Nang pawh sapa, ka man che,” a han ti ve leh mai a ni!
He an inbiak tum hian sap chuan, “Lalburh, khawi nge i ram chin?” tiin a zawt a, Lalburha chuan, “Ramin chin a nei hleinem. Lal leh lal chu kan indo va, a huai huaiin ram chu kan nei zau mai alawm. I tih tlat chuan Tlawng leh Tiau inkar hi ka ram a ni mai,” a lo tihsan mai a ni âwm e!
He inbiaknaa bawrhsap hi McCabe a ni a, a ram chin zawttu hi J. Shakespeare (Tarmita) ni-a sawi a ni bawk. Chu an sawi dan ngaihnawm tak chu a lehpek lamah ni tawh mai teh se. Chhunzawm tur..
August 6th, 2011 at 6:44 pm
A lawmawm e, ka nghakhlel bawka(h) (Y)
August 6th, 2011 at 6:44 pm
No comment (rih)
August 6th, 2011 at 7:28 pm
Ngaihnawm khawp mai. A bak a va nghah hlelh awm leh pek ve. Ka ngaihsan zawng tak ani.
August 6th, 2011 at 7:43 pm
Vaiho nen an in nang fuh a, sap ho in an um a, kava man chiah lo ve aw,..
August 6th, 2011 at 7:45 pm
A zaithiam an tih viau kha 😀 laltuikawt-a part 2
August 6th, 2011 at 7:57 pm
@luzen pa: Ka lo ziah pawlh nuai mai a ni maw.. A bua a awm dan chu a nia. Heta sapho hian khawtlang sapho chauh a huam lo a nia. Sapho sipai kha vai an ni a, a sawi pawlh a ni. An hotute sawina chu sap a ni e.
August 6th, 2011 at 8:05 pm
Tsa post anih hi… :-O (Y)
August 6th, 2011 at 8:22 pm
mingo hote hi engvanga sap ti a ko nge kan nih le? Chuan engtik atanga hetianga ko tran nge kan nih? A hria kan awm mial em? OT em aww…, ngaihnawm lehpek khawp mai, paws tha khups mai.
August 6th, 2011 at 8:29 pm
A thlalak awm thei se aw…..
August 6th, 2011 at 8:32 pm
A va tha-in a va ngaihnawm em! Lalburha hi Mizo lal ropui leh huaisen berte zinga a hrawl pawl tak a ni.
Ka hriat dan ve thung chuan Bawrhsap nen an inbiak hi 1892 May thla a ni tlat. Heta tang hian Lalburha pawh hian Sap ho a do ta lo. Hemi hnua Bawrhsap-in hmar lam lalte a kohkhawm tumin Lalburha chu a chhal a, “Lalburh, engati nge Sesawngah khan min lo kah?” a ti a, Lalburha pek chuan,” Kan kap ang che u chu, mipa ka nia lawm, mipa! Thei ila thah vek che u asin ka duh, sipai in ngah em a, kan hneh lo che u a, in duh duhin in lo pawng thei a nih hi!” a ti hem mai. Bawrhsap chuan huat a hnekin a huaisenna chu a ngaisang hle a, “Lalburha thusawi hi a dik a ni,” a ti hlauh zawk a.
Post-a sawi ang hian Lalburha hian a ram chin chu Tiau leh Tlawng inkar a ti hmiah mai a ni. Bawrhsap Tarmita (J. Shakespeare) nena an inbiakna.
BS: Lumtui-ah awm rawh aw?
LB: Ka duh lo, a hming a leh koh he hu e.
BS: A nih loh leh Bevuakah awm ta che?
LB: Ka duh lo, a Pawi chaw e.
BS: A nih leh, Vanchengpuiah aw?
LB: I tihar ka ti reng a ni.
Posttupa sawi leh tur ka lo sawikhalh ta ang aw (H)
August 6th, 2011 at 8:38 pm
Pu Muante, mi sawi khalh..hahaha. 1892 kha an inbiak hun ni mah se an inrem tak tak hun chu kum 1894 vel kha a ni. Hemi hma hian Lalburha hian bawrhsapin chawi tur a tih a chawi tha duh lo va, a hel hram hram a ni awm e.
@Telphawka: Ka hre lo.
@ZerO: Ka nei lo! Nei an awm ang em awww…
August 6th, 2011 at 8:49 pm
ava ngaihnawm dawn ve mawle.. MAN rep rep hle mai (Y)
August 6th, 2011 at 9:04 pm
Ngaihnawm leh hle mai a.
August 6th, 2011 at 9:07 pm
ngaithla kham lo :-O
August 6th, 2011 at 9:58 pm
A ngaihnawm hle mai. Lalburha chu a huaisen hi le.
August 6th, 2011 at 10:18 pm
Ka hero a ni ka tih tawh kha
August 6th, 2011 at 10:19 pm
Ngaihnawm leh khawp mai mahse tawi mah2.lehpekah cuan hei ai sei deuh hian ni tawh sela..kham awmloh hret (Y)
August 6th, 2011 at 10:48 pm
Pu Muantea a insum zo lo. a ngaihnawm tho dawn Ts zam suh. han post leh thuai rawh. He pa chanchin hi ka chhiar ning thei lo.
August 6th, 2011 at 10:52 pm
A ngaihnawm thiam thiam hle mai (Y)
August 6th, 2011 at 11:00 pm
Lalburha chu a huai burh burh hle mai.
August 6th, 2011 at 11:00 pm
Post tha tak ani
August 6th, 2011 at 11:23 pm
sibut lal nunrawng deuh kha han ti bok ula please99.
August 6th, 2011 at 11:37 pm
Tawi thei eee, nuam lo a khamawmloh thin lutuk. Tih leh hunah chuan sei deuhin ti tawh la..
August 6th, 2011 at 11:44 pm
ngaihnom fu niii…… (Y)
August 7th, 2011 at 1:39 am
chhiar a nuam hle mai
August 7th, 2011 at 2:23 am
Barbarian tiah tiah hle mai, a film-a chan chi maw le …a ngaihnawm teh e.. Muantea rawn thawh belh zauh hian a tingaihnawm lehzual. Chhiar a chakawm leh tawh hle mai.
August 7th, 2011 at 2:46 am
Lalburha nupui leh a fa nu kha Mualbem khua a Sukte hovin an mana, sial leh tangka tamtaka tlan turin an ti a, Lalburh-an rei tawk tak chhung atlanna tur hi a zawnga, an dil ang a tlin hunah a tlan tura a han kal chuan Sukte ho chuan “an thi vek tawh” an lo ti vel mai mai a, a rilru a na hle a, hla te pawh a phuah ni khan ka hria a, a dik em? Lalburha hi a ni em?
(Mualbem khua hi ka pa/pu te khua an a lang pha a)
August 7th, 2011 at 2:54 am
Lalburha hi ka ni… 😀
August 7th, 2011 at 8:31 am
Lalburha tih hi an huaisen duh viau a ni ang e. Chhim Diarkhai lal Lalburha pawh hi huai ngilh ngelh tak a ni. A pasaltha chhuanvawr Lamsuaka chanchin chu kan hriat nual tawh kha. Hmawrker lal Lalzika, Savunga fapa nen an inhmelmain an inrun tawn a. Lalzika khua chu an ram vek a, an buh leh bal ringin an khua chu a thut hmiah mai a ni. Hmar lam Lalburha pawhin ”Mahni leidote buh leh bal ringa an khua thutsak thei Lalburha anga ropui Sailo fa tumah kan awm lo” ti hialin a fak nghe nghe.
August 7th, 2011 at 8:40 am
Chhim Lalburha khawsa zia hi, tunlai tawng takin, a bon khawp mai. A leidote reng reng chimih thak zel hi a duhdan a ni roh a. Chawrai hovin an khaw mite chi teng an lo chimih tuma a phuba la pawh na salh salh tak a ni. Chawrai ho chu an hmuh chin an mang thaka, an khua an hal darh vek bawk.
August 7th, 2011 at 9:01 am
Ngaihnawm hle mai a.. (Y)
Tun lai chu western novels, Louis L’Amour phuah ho ka chhiar nawn leh vel a, sap hoin min awp dawn lai vel leh Red Indian hnam hrang hran an awp vel dante pawh a in ang deuh rum rum mai a.
Mizote ai chuan Red Indian hote khan an lo tuar nasa zawk mai thei. Pasaltha thahin dollar 50 (chiangchiah lo), hmeichhia, cheng 30 vel naupang cheng 10 vel..Sap ho pawh hi rawng tak an lo ni ve tho mai..
August 7th, 2011 at 9:11 am
Nia, milu la hnam ti-a hriat kan ni a, naupang zirlaibu-ah pawh chutianga ziah kan nih avangin milu la hnam ti-a hriat kan ni reng ang. Mahse, kan ngaihsan sapho pawh eng teh ual an lo ni lo.
August 7th, 2011 at 2:14 pm
(Y) rawn continue thuai teh khai tuaisial