November 18, 2011 Zirtawpni khan Mizoram University-ah Zoram Research Foundation buatsaih Think Tank Discussion Forum Vawi 11-na chu Autonomous District Council leh Mizoram tih thupuia hmangin neih a ni a.
Thupui sawihawngtu Pu Lallianchhunga, Assistant Professor, Department of Political Science, MZU chuan Autonomous District Council-te hi India Danpui hnuai 6th Schedule tlawhchhana din anih dan leh an inrelbawlna chungchangte, neih a thatna leh that lohna te, political institution anih rualin chibing inhriatna (ethnic identity) hmanrua hrisel lutuk lo anih dan te leh chumi in a nghawng chhuah chu District Council atangin UT, UT atangin State anih theih thu leh Ethnic Identity hran neih duhna hmangin Mizoram hi thendarh theih reng anih thu a sawi a.
Sawihona a tel Party hrang hrang hruaitute, College/University mithiamte leh District Council hunlaia sorkar mipawimawh te zing atangin H. Raltawna, IAS (Retd.) chuan District Council hunlaiin khawpui Plan mumal zia sawiin Development Oriented veka plan hi siam a nih thu a sawi a.
“Thangtharin District Council hunlai atangin Aizawl khawpui Plan-ah ruahmanna engmah a awm lo tih an sawi fo hi a dik lo. Chaltlang kham, Ramhlun Veng khampang, Tuikhuahtlang chhip, Circuit House bawr velah mimal insak phal a ni ngai lo,” a ti a.
R. Lalawia, Ex-MLA chuan he thu hi rawn puiin Rambuai avangin thingtlang mi tamtakin mahni khua a awm ngam lova Aizawl an pan dante leh chumi avanga Town Planning pawh a mumal theih tawh lohzia te, mipui pundan tur hmuh thiam a harsat avangin District Council hunlai a Plan Size erawh a lo tet deuh thute a sawi a. “Circuit House leh a chhehvel hi Congress sorkar hmasak ber lai khan Delhi kalna senso vel atan an phalrai ta vak a ni,” a ti bawk.
Dr. Kenneth Chawngliana, Ex-MLA chuan Assam Sorkarah Mizo mipui tan lungawi lohna tur a awm lohzia leh Assam administration that ziate sawiin a tir phat atanga India a kan beh ngheh ziate a sawi kai a. “Gandhi-a leh Nehru-a te pawh kan thinlung takin kan pawm thlap a ni,” a ti a, “Ngaihthah nia inhriatna leh chumi hrin Independence Movement-te kha chu Political Propaganda mai mai a ni,” a ti a.
H. Raltawna’n he thu hi rawn puiin, “Mautam laiin Assam sorkarin Agriculture Loan atana sem turin Cheng Singli zet min rawn paipawn tir a, mamawh nia inhria an awm miau loh avangin Cheng Sangkhat pawh kan semral thei lo,” a ti a. Lalkhama, IAS (Retd.) & Ex-MLA chuan rawn tuihnihin District Council rau rauvah Mizo Hills District Council kha a ti tha ber kan nihzia te, rorelna ah pawh stability a awm dante a sawi a.
Assam sorkar min enkawl dan a that hle rualin an mawhphurhna hlenchhuah loh a awm zauh zauh nia sawiin amah ngeiin a tawnhriat atangin Education Sector-ah ngaihthah kan nihdan a sawifiah.
Rosiamngheta, AMC Councillor chuan “Lushai Hills District Council kha Mizoten chibing leh hnambing zawnga kan dil chhuah a ni lo,” a ti a. MLA Bial hmingte pawh Hrangturzo, Tuikum, Serlui, etc., tia thlak a ni vek tawh dan tlawhchhanin Mizorama Autonomous District Council (ADC) 3 te pawh hi chibing Lai, Mara leh Chakma hmingpu a awm reng lovin an ADC hming thlak a rawt a.
“Hmasawnna hi kal rual sela, chuti chunga miin Mizoah lungawina a hmu lo anih chuan min chhuahsan mai rawh se! Mizoram hi inthendarh tham kan awm tawh lo,” a ti. Planning Board Vice Chairman ni bawk Lalkhama chuan ADC te hi a lo thlawnin kan tihvui fo thute, Plan-ah pawisa kan pek mang loh dante sawiin, “Helama kan khawhral dan ngaihtuahin sawlamah sawn hna tak tak kan thawk lo.
Official ten kan ngaihthah tlang vek a, PHE Department tih loh chu hnathawk tak tak kan awm lo,” a ti a. Minority-te hi deal thiam a tulzia leh hriatthiamna nena en a pawimawhzia sawiin ADC hi a lo ding tawh rau rau anih si chuan an chanpual turte chu pek vat mai thin a that ber thu a sawi a, “Heti ringawt te chuan engtinnge ni ang? Hmanniah pawh inhawrkhawmin an kalzel dan tur an rel a ni lawm ni?” a ti.
C. Chawngkunga, Ex-Minister chuan silai hmang lovin tawng (language) hmanga ram lak a sawt zawkzia sawia bultanin, “PC hunlaiin Chakma hovin an tawng a lehkha zir an duh a, Pawih hovin an rawn ti ve leh a, Pu Thena hovin kan remtih sak mai, kan ui miah lo. 1972 a District Council kan hawn hunlai te khan Mizo Tawnga biak theih kan hmu mang lo.
Tunah erawh chuan Mizo Tawngin zir rawh u kan ti thar leh pawh a ni chuang lo, mahse, engkim maiah Mizo Tawng vek a ni ta — an naupang pawnto tawng thlengin,” a ti a. Ralte hnam fak zuiin, “Mizo tan an identity engkim an kalsan vek phal a, mahse, Mizoram Chief Minister hmasa ber chu Ralte hnam atangin a ni tlat — where there is crucifixion, there is resurrection,” a ti.
Kalkhawmte zingah ADC te hnena Direct Funding pek tha ti zawnga sawi an awm lova. Central YMA Inkhawmpuiin an duh lohzia leh pe lo tura sorkar ngen an tum dante pawh sawilan a ni. C. Dothanga, IPS (Retd.) chuan, “Andhra Pradesh-ah chuan Panchayati Raj System zulzui a kalin Decentralization angin District Level-ah direct in pawisa thlen tir dan ngaihtuah a ni a. IAS pakhat vil tirin bultan a ni nghe nghe.
Mahse, roreltute an corrupt lutuk a, rang mangin tihtawp lehnghal a ni,” a ti. Direct Funding hi MP inthlan hnuhnung berah Pu C. L. Ruala an vawrh dawn tumin Congress hovin ADC te an tiam nia sawiin Dr. Kenneth Chawngliana chuan, “MPC te hi sawi na ngam ber tur Party kan ni. Sawisel puiah MNF kan sawm a, an ngam tlat lo,” a ti a. R. Lalawia pawhin, “Direct Funding hi vawi tam tak tlinpuina tham a ni lo, vawi khat te chu an tlinpui mahna,” a lo ti bawk a ni.
Gogo Lalremtluanga chuan tunlaiin HPC 
ten saptawng leh vaitawng thiam tak mi pakhat hotu ber atan an biak mek thu leh an in re-organised leh mek thu sawiin, “Bru aiin an in organised tha a, Mizoram sorkarin thiam taka a dawr a tul a ni,” a ti a. Dr. Kenneth-an lo thlawpin Mizoram sorkarin a biak duh loh hnuah HPC ten sorkar laipui an dawr mek thu sawiin Home Ministry-in Mizo hnam tana pawi tur zawnga thutlukna a lo siampui leh si anih chuan kan ram tan a pawi dawn thu leh buaina zakhua a nih theih thu sawiin, “Kan CM hian tunlai hian duh aiin a thlahzal mah mah em aw?” a ti a ni.
Kalkhawmte hian tunlaia Hmar leh Bru ten ADC an kherh ngang ngang reng mai hi Mizoram inpumkhatna atan thil duhawm lo tak niin an sawi vek a. Lalngheta Sailo, IPS (Retd.) chuan Mizoram sorkarin hnambil anga ADC a pe leh anih chuan hei hian rin aia nasa in a chhe zawngin nghawng a neih ngei a rin thu a sawi a, “Rambung hmasawnna hi hetiang zawng kher lo hian siam theih a ni,” a ti.
Party hruaitu thenkhatin 2013 MLA inthlanpui lo awm tur thlirlawkin Hmar leh Bru-te hi ADC pek an tiam niawma sawi thuthang pawh chhuichian ngai an tih thu kalkhawmte hian an sawi bawk a. District Development Council siam leh District tinah District Planning Board din erawh thil tul tak niin an ngai a.
Rochamliana, General Secretary, Zoram Research Foundation chuan rambung hmasawnna hi kal rual tir a ngaih thu sawiin, “Sorkarin experimental basis a Lunglei High Power Committee a siam ang hi District dangte pawh hian an mamawh ve hle a ni,” a ti.
Mizoram chhimlamah ADC 3 siam anih lai khan, “Khawiah nge a hunlaia mithiamte leh chinchang hriate kha an awm? Engatinge tuman ‘aw’ an neih loh?” kan ti fo thin. Khatih hunlai boruakah khan — ‘aw’ neih theih a ni em? Neih hman a ni em? Neih a sawt angem? tih erawh thuhran a ni.
Tunah hian Hmar leh Bru-te avangin ADC chungchangah thawm na ru angreng tak a awm chho mek niin a lang a, inthlanpui te pawh a lo hnai leh ta bawk a. Thangtharte’n kan mi hmasate kan dem fo laiin hetiang boruakah hian mi hmasate dem thei kan ni bik chiah em tih erawh ngaihtuah tham tak a ni. Roreltu ten ram leh hnam tan thutlukna dik an siam ngam nan a hunlaia mipuite hian pawimawhna lian tak kan nei vek a ni.
Sawihona hi Prof. Thangchungnunga, Registrar, MZU & Chairman, Zoram Research Foundation-in a kaihruai a ni.
Similar Posts:
- ADC pathumin President hnenah MP seat 1 dil tum
- Mizoram sorkar bithliahah lawmlo
- LADC Budget Session tan ani
- Sorkar hnathawkin budget sum ei tam
- District Council for Paite
Ha na pawh hi phawi in a...
November 21st, 2011 at 7:27 pm
.
Report this comment
November 21st, 2011 at 7:28 pm
ka first tho2..haha
Report this comment
November 21st, 2011 at 7:28 pm
Bengvar thlak e
Report this comment
November 21st, 2011 at 7:33 pm
An va sawi ho nasa suah suah ve aw..
Report this comment
November 21st, 2011 at 7:35 pm
Sei ve…minutes of the meeting a ang kher mai…Agenda khi han number point phei la chuan…
ka chhiar zo thlap e, word hmaih loin…enge forum broad conclusion ler results?
Report this comment
November 21st, 2011 at 7:37 pm
A summary tu’n emaw han ziak teh u a..ka chhiar vek hman lo ania
Report this comment
November 21st, 2011 at 7:41 pm
ADC hming thlak hi a that ka ring, mizo tawng tih lai te hi kan sawi ve lawk, lusei-duhlian? an tih bawk chauh hi mizo tawng ah i ngailo ang u, pu chawngkunga’n ralte chungchang a sawi khi a fuhlo ka ti, ralte tawng an thi titih mai te hi pawi ka ti tlat.
Report this comment
November 21st, 2011 at 7:50 pm
Summary: An duh lo, chuan Bru ho ai chuan HPC fing an ti zawk.fimkhur angai anti..chuan mizoram thiah sawm an duh lo..forum ah hian thingpui leh zote bakery chhang tui tak an sem ka ring
Report this comment
November 21st, 2011 at 7:52 pm
Thil dang chu lo dahtha ta ila…tawng thi tih te hi thil pawi tak ani e, culture leh anthropology study lamah phei chuan an thil ngaih pawimawh ber tak te zxinga mi ani e
Report this comment
November 21st, 2011 at 7:54 pm
zualbonez@8…
Report this comment
November 21st, 2011 at 8:00 pm
Bru leh chakma te hi kei mizo an nih ka hre love.. Hmar lah hi tinge Inpui atanga indan duhna rilru an put le.. Hei hi chu Congres politics khelh fulo pakhat ani.. Chakma te ADC lo pek re2
Report this comment
November 21st, 2011 at 8:03 pm
hei ka diagram hi lo refer ve teh u..hehehe
https://i39.tinypic.com/34hc4dx.jpg
Report this comment
November 21st, 2011 at 8:04 pm
“Gogo Lalremtluanga chuan tunlaiin HPC
ten saptawng leh vaitawng thiam tak mi pakhat hotu ber atan an biak mek thu leh an in re-organised leh mek thu sawiin, “Bru aiin an in organised tha a, Mizoram sorkarin thiam taka a dawr a tul a ni,” a ti a”
Awi kei ka hlau ka tlanchhia …Phirrrr… “Mi pakhat” saptawng & vaitawng thiam tak chuan eng kawngro tak su ang maw? Mahni chhungkua pawh inchingfel thei lo chuan engmah va su kawlawnge!
Report this comment
November 21st, 2011 at 8:05 pm
@ 13..please no personal attack..keep to the discussion…hehe
Report this comment
November 21st, 2011 at 8:06 pm
#12 pic khi official release hma in ka hmu tawh. Kalo ti leak out lova aw… lolz
Report this comment
November 21st, 2011 at 8:08 pm
#14 No personal attack…just a quote from the main topic.
Report this comment
November 21st, 2011 at 8:13 pm
Ninawm hle mahse, vuak hot leh atan ava tha ve…tang fe fe te, nick lem phuah tharte, mi vau thin tute hmel hmuh a khat leh ta riau mai.
Report this comment
November 21st, 2011 at 8:23 pm
Paite
Report this comment
November 21st, 2011 at 8:38 pm
bengvar thlakngei mai..mahse ka tuipui pha lo ve poi khop
Report this comment
November 21st, 2011 at 8:46 pm
Direct Funding to ADC
ADC hming thlak chu…an hnam pual liau liau a Central in a pek an ni sia, thlak tum ta ngawt ila anmahni’n an duh dawn loh mai bakah a harsat hmel.
Kan ti kan tia nga, Hmar leh Bru ho hian an sualchhuak leh ruau mai ngah. Kan hriat ve meuh chuan khua a lo tlai leh tawh ang a, kan phun kan phun ang a
Report this comment
November 21st, 2011 at 9:36 pm
Chakma ho kan pe hi chu a fuh lo a ni. State dang ah chuan ram poh an nei thei si lo.sawng uiphum,saizawh, parva etc a mizo te dinhmun saw a va rapthlak em! Saizawh te saw mizo khua ngawih2 a nia, mizo LSC bak saw chu chakma in an insem vek tawh. Saizawh pa ho tum ber chu chawngte P vel ainhmun neih ani ta mai. Karei
Report this comment
November 21st, 2011 at 9:50 pm
ADC a hnam bil zawng a an lo pe hi an tihsual lian tak a ni.Kan hotute hian thingtlang lampang hi an ngaihthah deuh mah2 a ni. Hmasawnna hi rualkhai se chuan phun nawi tur an awm lo tur a nia…
Report this comment
November 21st, 2011 at 10:59 pm
#20 sawi ang khian an lo ti kerh2 anga an lo sual chhuak leh mai ang, keini tah kan lo phun leh luaih2 a nga… sei viau na in kan chhiar chhuah thlap chuh
Report this comment
November 21st, 2011 at 11:02 pm
Kan politician te hian Mizoram an ti chhia a, chu mai bakah kan rilru sukthlek an ti chhe bawk a, mahse an tuar ve zel ang, an fate, an tuten kan tuar tur ang tho hian an tuar ve zel dawn. Tlin duh lutukna lam a Mizoram theihnghilh thin ho hi
Report this comment
November 22nd, 2011 at 7:06 am
21
puipuia pa Says:
November 21st, 2011 at 9:36 pm
Chakma ho kan pe hi chu a fuh lo a ni. State dang ah chuan ram poh an nei thei si lo….
Autonomous District Council hi State sawrkar pek leh thriah theih a ni reng reng em ni? Delhi tlang lam atang chauha pek theih emaw ka lo tia. Kan Autonomous District Council pathum neih pawh hi ram buai hrin chhuah emaw ka lo ti mai asin.
Hamara desh hian hlawm lian taka kan intel khawm leha, buaina kan chawh chhuah leh a hlauh avangin a hnam ang zawngin min thren tê ta niin an sawi thin sia (Chiang lo angreng)… A hrechiang deuh khan han sawi fiah ula maw le.
Report this comment
November 22nd, 2011 at 9:13 am
Sawi sawi mahse ADC hi chu a kal zel ang..
Report this comment
November 22nd, 2011 at 9:43 am
Kan AMC councillor zahawm takin a sawi ang hi kan hre ta zauh zauh mai. Kan Political party thenkhat leh Central YMA ang te pawh a Mizoram thendarh phal lo tih lam zawng in kan hre thin. Ngaihtuah chian a tha lo maw. Politics a Mizoram State ti a dah anih vang mai in eng vangin nge heng ADC area – a bik takin Mara leh LAi ADC te hi kan ram kan tih rik ngawt? An ram anih a vang a ADC pawh nei an nia lawm, eng vangin nge chhuak rawh se kan tih thlak zen? Independence kan puan lai khan Central lam khuan an lungawi loh leh chhuak mai rawh se; India ram then darh kan phal lo ti se hei chu kan RAM tiin kan tangkawh hle lawng maw? Pi leh pu a tanga an chenna, an RAM a ni a, an duh leh UT an dil ang a, an duh leh State an dil ang a, dul leh independence dil ang hmiang. Kan khawngaih vanga he lai kan ram kil khatahah hian lo awm rih rawh u kan tih vanga awm anni a zeng pawh ni hlei lo. An RAM alawm.
Report this comment
November 22nd, 2011 at 11:01 am
Let them be autonomous. .
Report this comment
November 22nd, 2011 at 11:29 am
Khawi maw, kei Mara pachal, ADC hlawkpuitu ngei hian ka rawn sawi ve ang e.
1. Assam sorkarin Lusei/Mizo District Council a phal kha thra an ti hlawm. Mahse Mara, Lai, ADC te a awm erawh thra an ti lo. Double Standard at best.
2. ADC te hi Development Council an ni lo. Chuvangchuan Phai lam ah Panchayat te nen teh khin rual chi an ni lo. Development lam ai mah in kan culture, language, identity leh ram te vawnhim thrat theina tura Central Sorkar-in min pek a ni zawk e.
3. Direct Funding a thra lo, tih ho hi chu Pu Lalkhama sawi ang khi an la chhumzawm duh vang a ni mai e. Kan chanvo tur min lak sak an duh vang mai a ni e. Mizoram pawisa nih lovin, Central tranpuina pawisa kha direct-in kan hnen ah lo thleng tawh se tih kan duh a ni mai a, hei hian Mizoram a tibuaui lo vang.
4. Chuan an think tank topic hi ADC ani a, ADC lam mithiam leh politician te an tel ve si lo va, a balanced view ani thei lo hrim hrim. It is a one-sided patronizing attitude at best. Colonial power hovin a rammi ngaih dan leh duh dan la miah lova an mahni thuthu a engkim an ti kha a ang hle mai.
Having said that, I love you my Lusei/Duhlian Mizo friends. Cherio!
Report this comment
November 22nd, 2011 at 11:59 am
ADC hi awm belh tawh lul suh se!
MaraHisbicus, in pute ho chawp hian direct funding awmzia ah in bo a ang NOI. ADC’s te hian state sorkar kaltlang loin central pawisa an dawng thei lo, direct a central atanga pawisa dawng tur chuan UT tal nih a ngai….
Report this comment
November 22nd, 2011 at 12:28 pm
Jacka Pi,
“ADC’s te hian state sorkar kaltlang loin central pawisa an dawng thei lo”. A dik ang. Dawng thei tur chuan India Constitution amendment a ngai ang. India Constitution amendment hi thil thei lo erawh a ni hmel lo.
Report this comment
November 22nd, 2011 at 12:34 pm
MaraHisbicus @31
nang hi chu ka tan tawp che…
Report this comment
November 22nd, 2011 at 12:39 pm
Lai leh Mara ho awmna chin saw Mizoram sawrkar ram a ni lo. Lai leh mara te ram a ni.
Report this comment
November 22nd, 2011 at 2:56 pm
duhtawkin lo sawiho ve mai mai sela. te ka tia.
Report this comment
November 22nd, 2011 at 2:59 pm
Ralte chanchin an sawi khi ka thlawp-a small sacrifice for a greatr cause indeed.
kan hetih vang hi a nia kan than chak em2-kawng engkim ah.
e taka…bollywood film a mizo hming 2 lang zing a 1 kha jeny ralte ni lo ami-hnam lar deuh cu hriat mo?
Report this comment
November 22nd, 2011 at 2:59 pm
In the final analysis, the think tank group have a right to their opinions, but they have no right to impose it on us ADCs.
Report this comment
November 22nd, 2011 at 3:05 pm
Engatinge Hmarlam hi ADC chungchang ah hian an buai em em le?
An thik a nilo maw?
India sorkarin Lusei ho chu District council a pe hmasa a, chumi rual deuh vekin chhimlama Lusei ho aia tlafual ve lehchhawng te chu hmasawnna in a kalsan lutuk ang tih hlauvin Council a pe ve leh a.
Lushai Hills district Council chu UT an hlankai an ni a. chumi rualin chhimlam regional council pawh Autonomous Dist council 3 ah hlanchhoh an ni ve leh maia. hnung kan inzui chho zel ani mai a. Mahni chauh san duha, midang in hma an sawn ve dawn vela, hetianga phunnawi reng mai hi zialo lutuk. Autonomous District council hi ngatinge State a hlankai an nih khan an paih ringot. State ni chungin ADC a nih theih tho alom.
Meghalaya pawh state a nih khan Khasi Hills District council chu an chhawmnung zela. tun thlengin an la nei a. an State khawpui pawh Shillong, an ADC khawpui pawh Shillong, chu bakah Garo leh Jaintias hoin ADC an nei ve leh tho bawka.
Report this comment
November 22nd, 2011 at 3:14 pm
ADC thriat rawh se, chu e kha e, bal e. A sawt lo em mai. YMA general conference ah meuh an han sawichhuak te kha an zahpuiawm ka ti.
Hmanlai kan mizo thawnthu atang rengin mizo tehi hnam rilru chhe tak, midangte hmasawnna leh vanneihna tawn ngaithei miahlo, rethei leh pachhia te hmuhsit a diriam ching, hmeithai te hmusit a, fahrah te endawng thrin …. tih etc deuh vek ani a. chuvangin, tuna hnam tenau leh hnufual zawkten hmasawnna rahbi an rawn lawnchho ve tran hi an mit a thip tlat ani.
Tin, Hmanlai kan pi leh pute atang tawhin mizoram hi Hmarlam hi Lusei ho rorelna, an ram ani a. Chutiang bawkin Chhimlam hi Pawih (Lai) leh Mara te ram, an rorelna ani a. India Sorkarin chu chu a hrechiang em ema, chuvang takreng pawhin, kan awmna chinah chiah chiah Regional Council/ ADC min pe hlawm ani a. India Sorkar khan a lo hmu thui hle zawk ani.
Report this comment
November 22nd, 2011 at 3:18 pm
@ 33 Burgerstud2005(Y) ka thlawp e.
Hmarlam hi Lusei ho ram ani.
Chhimlam hi Lai leh Mara te ram ani a, Lusei ho ram a nilo.
Chu zawng chu ani.
Report this comment
November 22nd, 2011 at 3:26 pm
1. Pi pute atangin Lusei leh Lai ho chu indo reng an ni a.
2. History en pawhin Chhim leh Hmar chu inngeih lo kan ni.
3. Lusei hovin hmarlam ah ro an rel a.
4. Pawih leh Mara ten Chhimlam ah ro an rel.
5. India Sorkarin “an inngei silo, a tam zawkin an chimral mai ang” tih hlauvin, Assam Sorkar hnuaiah a hran theuha kan inenkawl na turin “Council” min pe hlawma.
6. Lusei ho chu an lo lianin an tam ta em ema, tichuan State ah hlankai an ni a.
7. Chutiang bawkin Chhimlam ho pawh an inkawl chhoh ve zel nan ‘Autonomy’ pek an ni ve leha.
8. Chuvangin tunah hian Lusei ho hian “Council hi thriat rawh se, chuti khati” an ti reng hi an zahpuiawm lutuk, sim rawh se. NGO phei chu inrawlh suh se.
9. Kan ram chinah theuh hian kan awm awmin i awm hle hle teh ang u. Lai leh Mara te hian ram inches khat pawh lakhek an tum lo. ‘Autonomy’ nei chung renga Mizoram sorkarin a duh duh huna ‘sum leh paia’ a hrekbet hi hrehawm an ti a. Hrehbeha an awm tohloh nan leh, an chantur chu a nihna ang taka an chan theihnan tiin tlema ‘direct’ deuh hleka an chanvo dawn an tum ani mai.
10. Lo enghelh viau suh se.
Report this comment
November 22nd, 2011 at 3:49 pm
Dear X_MAN_19,
The Think Tank people know not what they are talking. So let us forgive them.
Report this comment
November 22nd, 2011 at 4:12 pm
4. Pawih leh Mara ten Chhimlam ah ro an rel.
Pawi?
Report this comment